Sadae Maharashtra E Urdu News Solapur صدائے مہاراشٹر ای اُردو خبر نامہ شولاپور

رمضان میں ملازمت پیشہ خواتین معمولات کو یوں آسان بنائیں۔ تحریر: نکہت انجم ناظم الدین۔ ماہ رمضان المبارک ہماری زندگی میں نظم وضبط، صبر اور خود آگہی پیدا کرنے والا مہینہ ہے۔ اس دوران روزمرہ معمولات میں فطری طور پر کچھ تبدیلیاں آتی ہیں۔ خصوصاً ان خواتین کے لیے جو ملازمت کے ساتھ ساتھ گھریلو ذمہ داریاں بھی انجام دیتی ہیں۔ دفتر کے مقررہ اوقات، بچوں کی نگہداشت، گھر کے کام اور عبادات سب ایک ساتھ ان کی توجہ کے متقاضی ہوتے ہیں جس کے نتیجے میں اکثر خواتین ذہنی دباؤ اور جسمانی تھکن محسوس کرتی ہیں۔ اگر اس مہینے میں وقت کی درست ترتیب نہ کی جائے تو عبادات کا ذوق بھی متاثر ہوتا ہے اور گھریلو و پیشہ ورانہ فرائض میں توازن قائم رکھنا بھی دشوار ہو جاتا ہے۔ ماہ رمضان المبارک میں دن کے لمحات اکثر ہمیں محدود محسوس ہوتے ہیں اور توانائی بھی عام دنوں کے مقابلے میں کم محسوس ہوتی ہے اس لیے ضروری ہو جاتا ہے کہ ہر کام کو سوچ سمجھ کر بروقت انجام دیا جائے۔ ملازمت پیشہ خواتین اگر دن کے آغاز میں اپنے معمولات کو ذہنی طور پر ترتیب دے لیں تو بہت سی الجھنیں خود بخود ختم ہو سکتی ہیں۔ غیر ضروری مصروفیات کو کم کرن...

شولاپور ( 19 فروری): شولاپور۔ امسال رمضان مبارک کے پہلے ہی دن مورخہ انیس فروری کو شولاپور کی ننھی روزدار حازیقہ عمر فاروق باغبان نے پہلا روزہ رکھا۔ اپنی عمر کے ساتویں سال میں اس معصوم بچی نے اپنا پہلا روزہ رکھا اور پورا کیا۔ امسال اوّل جماعت میں زیرِ تعلیم، اس ہونہار طالبہ کو روزے کی یہ سعادت حاصل ہوئی۔ اس موقع پر متعلقین، اہل خانہ اور عزیز و اقارب نے حازیقہ کو مبارک باد پیش کی اور دعاؤں سے نوازا، نیز اس کے روشن مستقبل کے لیے نیک تمناؤں کا اظہار کیا۔     ربِّ کائنات سے دعا ہے کہ اللہ تعالیٰ، حازیقہ کو تقویٰ، کامل ایمان نصیب فرمائے اور  دنیا و آخرت کی ساری خوشیوں اور خیر و عافیت سے سرفراز فرمائے۔ آمین یا رب العالمین ۔ 

 مسجد کی چمک یا امام کی عزت؟ از قلم :عالمہ مبین پالیگار، بیلگام، کرناٹکا۔ 8904317986  مسجد کی چمک یا امام کی عزت؟ ذرا سوچئے… ہم مسجد کے گنبد پر لاکھوں خرچ کرتے ہیں۔ سنگِ مرمر، خوبصورت قالین، قیمتی لائٹس — سب کچھ بہترین چاہتے ہیں۔ لیکن جب بات آتی ہے امام کی تنخواہ کی تو کہا جاتا ہے: “چندہ کم ہے…” “اتنے میں گزارہ کر لیں…”  کیا یہ انصاف ہے؟  امام کون ہے؟  آپ کے بچوں کو قرآن سکھاتا ہے   آپ کا نکاح پڑھاتا ہے  آپ کے والدین کا جنازہ پڑھاتا ہے  ہر دینی مسئلہ میں رہنمائی کرتا ہے اور پھر بھی… آج کے مہنگائی کے دور میں 8 یا 10 ہزار روپے؟  آج کے حالات میں مناسب تنخواہ • گاؤں: کم از کم 15–20 ہزار • شہر: کم از کم 20–30 ہزار • بڑا شہر: 30 ہزار یا اس سے زیادہ امام بھی انسان ہے۔ اس کے بھی بچے ہیں، گھر ہے، ضروریات ہیں۔  یاد رکھیں مسجد عمارت سے نہیں، بلکہ امام کے اخلاص اور سکون سے آباد ہوتی ہے۔ اگر امام پریشان ہوگا تو بستی کیسے سکون میں رہے گی؟  پیغام برائے اہلِ ایمان  ہر نمازی ماہانہ مستقل چندہ مقرر کرے  امام کے لیے رہائش اور بجل...

بیدر :  26/ فروری (نامہ نگار ) جناب حافظ محمد عمر قریشی جنرل سیکریٹری جمعیت علماء بیدر نے بتایا کہ ماہِ رمضان المبارک کی بابرکت ساعتوں میں جمعیت علماء ضلع بیدر ہر سال کی طرح امسال بھی خدمتِ خلق کے تحت امت کے غرباء و مساکین تک رمضان راشن کٹس کی تقسیم کا فریضہ انجام دے رہی ہے۔ جمعیت علماء ضلع بیدر اطراف و اکناف کے دیہاتوں میں ہر سال راشن کٹس تقسیم کرتی آرہی ہے، چنانچہ یکم رمضان سے ہی بیدر و اطراف کے دیہات میں یہ سلسلہ جاری ہے۔ یکم رمضان سے اب تک تقریباً 11 دیہاتوں کے مستحق گھروں تک رمضان راشن کٹس پہنچائے گئے ہیں۔ مزید یہ سلسلہ جاری ہے۔ اللہ تعالیٰ اس خیر کو قبول فرمائے اور معاونین کو جزائے خیر عطا فرمائے۔

بیدر، 26فروری (نامہ نگار) ریاست کرناٹک میں ایک اہم سیاسی پیش رفت کے تحت محمد اسدالدین کو مسلسل دوسری مرتبہ جنتا دل (سیکولر) کا کرناٹک ریاستی ترجمان مقرر کیا گیا ہے۔ ان کی دوبارہ تقرری جماعتی قیادت کے ان پر بھرپور اعتماد کا اظہار ہے۔ محمد اسدالدین اپنی مدلل گفتگو، مؤثر اندازِ بیان اور عوامی مسائل کی مضبوط نمائندگی کے لیے معروف ہیں۔ انہوں نے مختلف سیاسی و سماجی معاملات پر جماعت کے مؤقف کو مؤثر انداز میں پیش کیا ہے اور ریاست بھر میں عوام، خصوصاً نوجوانوں اور اقلیتی طبقات کے درمیان جماعت کے پیغام کو عام کرنے میں نمایاں کردار ادا کیا ہے۔ جنتا دل (سیکولر) بیدر شہر کے نائب صدر عبدالـمتین نے اس موقع پر محمد اسدالدین کو دلی مبارکباد پیش کرتے ہوئے کہا کہ ان کی قیادت میں جماعت مزید مستحکم ہوگی اور کرناٹک بھر میں اپنا دائرہ اثر وسیع کرے گی۔ انہوں نے امید ظاہر کی کہ وہ آئندہ بھی جماعت کے اصولوں کی پاسداری کرتے ہوئے عوامی خدمت کا سلسلہ جاری رکھیں گے۔

بید ر: 26 / فروری(نامہ نگار)درگاہ آستانہ قادریہ بگدل شریف میں ماہانہ حلقہ درس تصوف و جلسہ عظمت قرآن و الیاء اللہ مورخہ 11/رمضان المںارک مطابق یکم/مارچ 2026 بروزاتوار صبح ٹھیک 11:00بجے تا قبل از وقت نماز عصر پیرطریقت شا ہ خلیفہ ڈاکٹر الحاج محمدادریس احمد قادری”صاحب“ بگدلی سجادہ نشین درگاہ آستانہ قادریہ بگدل کی نگرانی میں انعقاد عمل میں آئیگا۔ پیر طریقت درس تصوف دینگے اور خصوصی دعاء فرمائینگے۔جلسہ کو علمائے دین، اساتذہ دارالعلوم قادریہ بگدل مخاطب کرینگے۔جلسہ و درس تصوف کی کاروائی کاآغاز قرات کلام پاک سے ہوگا۔ ممتاز نعت خواں حمد، نعت اور منقبت کا نذرانہ پیش کرنے کی سعادت حاصل کریں گے مریدین و معتقدین سے شرکت کی گذارش کی گئی ہے۔

 بیدر۔ 26/فروری (راست) اس بات سے سبھی مسلمان واقف ہیں کہ ماہ رمضان میں ایک نیکی کادرجہ 70گناتک بڑھا دیاجاتاہے بلکہ ایسی بھی روایات ہیں جن میں کہاگیاہے کہ ماہ رمضان میں ایک نیکی کے بدلے بے شمار نیکیاں اللہ تعالیٰ عطا فرماتاہے۔ ماہ رمضان کی ان ہی خوبیوں کے پیش نظر پوری دنیا میں مسلمان کئی طریقوں سے نیک اور عمدہ امدادی کام انجام دیتے ہیں، تاکہ اپنے رب کو راضی کرسکیں اور اپنے اندر تقویٰ کی صفت پید اہوجائے۔ ماہ رمضان میں کئے جانے والے ایسے کئی کام کے لئے مبارک باد پیش کرتے ہوئے اردو اور دکنی کے شاعر جناب محمدیوسف رحیم بیدری نے مسلم ڈاکٹرس سے گزارش کی ہے کہ وہ ماہ رمضان میں ہردن چند گھنٹوں کے لئے مریضوں کی مفت تشخیص کریں۔ باضابطہ اعلان کیاجائے کہ ظہرتا عصر یا پھر مغرب تا عشاء بلالحاظ مذہب وملت فلاں مقام پر مفت تشخیص کی جائے گی۔ اور اس کے لئے ماہر ڈاکٹرس سامنے آئیں کیوں کہ ان کی یہ سرویس خالص اللہ کو راضی کرنے کے لئے ہوگی۔عام ڈاکٹر س بھی اپنی خدمات پیش کرتے ہوئے اپنے رب کو راضی کریں۔ محمدیوسف رحیم بیدری نے ڈاکٹرس کے علاوہ عام مسلمانوں سے بھی اپیل کی ہے کہ وہ اپنی اپنی فیلڈ کے ...

حیدرآباد : 26/ فروری( پریس نوٹ )پروفیسر ڈی۔ کروناساگر کو ’سر سی وی رامن ایکسیلینس ایوارڈ 2026‘ سے نوازا جائے گاسینئر طبیعیات پروفیسر ڈی۔ کروناساگر کو باوقار ’سر سی وی رامن ایکسیلینس ایوارڈ 2026‘ کے لیے منتخب کر لیا گیا ہے۔ یہ ایوارڈ ہر سال ریاست کی کسی ایک ممتاز شخصیت کو دیا جاتا ہے۔ اس بات کا اعلان تلنگانہ سٹیزنز کونسل کے ریاستی صدر ڈاکٹر راج نارائن مدی راج نے ایک پریس بیان میں کہا ۔ یہ ایوارڈ قومی یومِ سائنس کے موقع پر پیش کیا جائے گا۔ معروف سائنس داں سی وی رامن نے رامن ایفیکٹ دریافت کیا تھا اور 28 فروری 1928 کو اپنی تحقیق کی توثیق کی تھی۔ اسی تاریخی کامیابی کی یاد میں ہر سال 28 فروری کو قومی یومِ سائنس منایا جاتا ہے۔ تقریب تقسیمِ انعامات 28 فروری کو صبح 10 بجے یونیورسٹی کالج آف سائنس، سیف آباد میں منعقد ہوگی۔ پروفیسر ڈی۔ کروناساگر اس وقت عثمانیہ یونیورسٹی سے وابستہ ہیں اور متعدد اہم ذمہ داریاں انجام دے رہے ہیں۔ وہ صدر شعبۂ طبیعیات و (سی ایف آر ڈی) کے ڈائریکٹر، یونیورسٹی کالج آف سائنس کے پرنسپل، فیکلٹی کے ڈین اور فزکس و الیکٹرانکس کے بورڈ آف اسٹڈیز کے چیئرمین کی حی...

تصویروں کی سیاست میں الجھا وکاس۔ ازقلم : وسیم رضا خان۔  آج جب ہم اکیسویں صدی کے ہندوستان میں ٹیکنالوجی اور اقتصادی سپر پاور بننے کا خواب دیکھ رہے ہیں، تب بدقسمتی سے ہماری بحث کا مرکز 'تصویریں' اور 'مجسمے' بن گئے ہیں۔ مالیگاؤں میونسپل کارپوریشن سے شروع ہونے والا ٹیپو سلطان سے متعلق تنازع اب محض مہاراشٹر تک محدود نہیں رہا، بلکہ یہ قومی سطح پر صف بندی کا ایک نیا ہتھیار بن گیا ہے۔ یہ بات قابلِ غور ہے کہ کیا ہم عظیم ہستیوں کو ان کے کارناموں کے بجائے ان کے مذہب سے پرکھنے کی غلطی کر رہے ہیں؟ ہندو تنظیموں اور مسلم کمیونٹی کے درمیان ٹیپو سلطان کے نام پر بڑھتی ہوئی یہ خلیج تشویشناک ہے۔ تاریخ میں کوئی بھی حکمران مکمل طور پر اچھا یا برا نہیں ہوتا؛ وہ اپنے حالات اور وقت کی سیاست کا حصہ ہوتا ہے۔ ٹیپو سلطان کو محض ان کے مذہب کی وجہ سے مسترد کرنا یا انہیں صرف ایک مذہبی علامت مان لینا، دونوں ہی ان کی تاریخی خدمات (جیسے میسور راکٹ اور انگریزوں کے خلاف سخت جدوجہد) کے ساتھ ناانصافی ہے۔ اگر ہم تاریخ کو غیر جانبداری سے دیکھیں تو وہاں 'ہندو مسلم' کی وہ دیوار نہیں تھی جسے آ...

ظہیرآباد 26 فروری(نمائندہ) حال ہی میں وارڈ 32 سے جیتنے والی مجیگا سوجیتا وشویشور کو ویراشائیو لنگایت سماج کے ضلع صدر ایپا پلی نرسمہلو کی سرپرستی میں استقبالیہ تقریب منعقد کی گئی۔ تفصیلات کے بموجب سوجیتا وشویشور کو جمعرات کے دن این جی او کالونی میں واقع ان کی رہائش گاہ پر انکی گلپوشی اور شالپوشی کی گئی۔ اس موقع پر خطاب کرتے ہوئے صدر نرسمہلو نے کہا کہ یہ بہت خوشی کی بات ہے کہ بلدی انتخابات میں شہر کے چار لنگایت میونسپل ممبر منتخب ہوئے ہیں۔ منتخب افراد عوام اور کالونی کے مسائل کے حل کے لیے کام کریں۔ اگر آپ موقع سے فائدہ اٹھا کر عوام کے شانہ بشانہ کھڑے ہو جائیں تو عوام آپ کی بار بار عزت کریں گے۔ معاشرے کے لیے اور معاشرے کی ترقی کے لیے اپنی پوری کوشش کریں۔ اس پروگرام میں ضلع لنگایت سماج کے خواتین سیکشن کے اعزازی صدر کولس ارونا، صدر پتولہ ارونا، جنرل سکریٹری گوریگٹو ساردا، ضلع سماج خزانچی سنتوش، ظہیرآباد، اندول تعلقہ کے صدور شیوراج، اشوک، ضلع یوتھ صدر ملکارجن، سکریٹری سری نواس، سابق ضلع جنرل سکریٹری جے پرکاش، انا پور اور دیگر نے اس پروگرام میں شرکت کی۔۔۔۔

قرآن اور رمضان: ہدایت کا نور۔ از قلم :  نورجہاں بانو بنت عبد العزیز خان طالبہ ایچ جے تھیم اقراء کالج مہرون جلگاؤں    رمضان المبارک اور قرآنِ کریم کا آپس میں گہرا تعلق ہے۔ یہ وہ بابرکت مہینہ ہے جس میں اللہ تعالیٰ نے اپنی سب سے بڑی نعمت، ہدایت کا نور، قرآنِ کریم کی صورت میں نازل فرمایا۔ ارشادِ باری تعالیٰ ہے: "رمضان وہ مہینہ ہے جس میں قرآن نازل کیا گیا، جو لوگوں کے لیے ہدایت ہے اور جس میں رہنمائی اور حق و باطل میں فرق کی واضح نشانیاں ہیں۔" (البقرہ: 185)۔ قرآن ایک ایسی روشنی ہے جو دلوں کو منور کرتی ہے اور رمضان وہ مبارک مہینہ ہے جس میں اس روشنی کو اپنی زندگی میں جذب کرنے کا بہترین موقع ملتا ہے۔ یہ مہینہ ہمیں قرآن سے مضبوط تعلق قائم کرنے، اسے سمجھنے، اس پر غور کرنے اور اپنی عملی زندگی میں نافذ کرنے کا درس دیتا ہے۔ نبی کریم ﷺ رمضان میں حضرت جبرئیل علیہ السلام کے ساتھ قرآن کا دَور کیا کرتے تھے اور اسی سنت کی پیروی میں امت نے رمضان کو قرآن کی تلاوت، تدبر اور فہم کا مہینہ بنا لیا۔ بدقسمتی سے آج بہت سے لوگ رمضان میں صرف تلاوت پر اکتفا کرتے ہیں لیکن قرآن کی تعلیمات کو ا...

بھڑگاوں ضلع جلگاؤں (عقیل خان بیاولی)  بھڑگاوں ضلع جلگاؤں کے 7 سالہ عبداللہ شیخ سبقتغین نے سال رواں ماہ رمضان المبارک کے اب تک 4 روزے مکمل کر لۓ۔ اللہ عز و جل اس کے روزوں نمازوں اور تمام عبادات کو شرف قبولیت بخشے ۔ صدائے مہاراشٹر کی جانب سے اس معصوم روزہ دار اور اس کے والدین نیز رشتہ داروں کو صمیم قلب سے بے حد مبارکباد۔ 

آج کا افطار کل کی سحر ۔ محمد حسام الدین ریاض - صدائے مہاراشٹر۔

رتناگیری (راست) زندگی کے بعض مبارک لمحات ایسے ہوتے ہیں جو صرف ایک فرد کی کامیابی نہیں بلکہ ایک پورے خاندان، ادارے اور معاشرے کی سربلندی کا عنوان بن جاتے ہیں۔ آج ہم ایک ایسے مخلص، باکردار اور انسان دوست معالج کی باوقار ریٹائرمنٹ کے موقع پر ہدیۂ تہنیت پیش کر رہے ہیں جنہوں نے اپنی پوری زندگی خدمتِ خلق کے لیے وقف کردی۔ آنکھوں کے ممتاز ڈاکٹر ڈاکٹر جلال الدین محمد یعقوب پٹیل صاحب کی ریٹائرمنٹ ایک درخشاں اور بامعنی سفر کی تکمیل ہے۔ ڈاکٹر صاحب کا تعلق ایک نہایت معزز، تعلیم یافتہ اور باوقار خانوادے سے ہے۔ آپ کے والدِ محترم الحاج محمد یعقوب پٹیل ایک نامور ماہرِ تعلیم اور ریٹائرڈ صدر مدرس رہ چکے ہیں۔ آپ کے دونوں بھائی اشفاق پٹیل اور تنویر پٹیل گزشتہ تیس برسوں سے ضلع رتناگری کے شہر کھیڈ میں واقع حاجی ایس ایم مقدم ہائی اسکول و جونیئر کالج میں تدریسی خدمات انجام دے رہے ہیں اور علم و تربیت کی روشن روایت کو جاری رکھے ہوئے ہیں۔ مجھے بھی اس ادارے میں ان کے ساتھ کام کرنے کا شرف حاصل ہوا جس کے نتیجے میں اس معزز خاندان سے ایسا قریبی تعلق قائم ہوا کہ میں خود کو اس خاندان کا ایک فرد محسوس کرنے لگ...

جلگاؤں( عقیل خان بیاولی)  مقامی ایم آئی ڈی سی پولیس اسٹیشن کی حدود میں پیش آئے نابالغ لڑکی کے اغوا اور جنسی زیادتی کے سنگین معاملے میں پولیس نے 22 فروری کو بچی کو برآمد کرتے ہوئے قانونی کارروائی مکمل کی، طبی معائنہ کرایا اور اسے والدین کے سپرد کیا۔  ابتدائی طور پر مقدمہ بھارتی نیائے سنہتا کی دفعہ 137(2) کے تحت درج کیا گیا تھا، تاہم ملزم اور لڑکی کی برآمدگی کے بعد بی این ایس کی دفعات 63 (ڈی) (زیادتی)، 63(6) (18 سال سے کم عمر لڑکی کے ساتھ جرم)، 64(1) (سخت سزا ) نیز POCSO ایکٹ کی دفعہ 4 (نفوذی جنسی حملہ) اور دفعہ 8 (جنسی استحصال) کا اضافہ کیا گیا ہے۔ مرکزی ملزم نکھل کیلاش پاٹل کو معزز خصوصی سیشن جج ایس۔ آر۔ جھاور کی عدالت میں پیش کیا گیا، جہاں سے اسے 27 فروری تک پانچ دن کی پولیس تحویل میں بھیج دیا گیا۔ “یہ اکیلے کا جرم نہیں، پوری چین بے نقاب کی جائے!” ایکتا تنظیم کا مطالبہ  ایکتا تنظیم کے کنوینر فاروق شیخ نے مطالبہ کیا: کہ اس واردات کے پیچھے محض ایک شخص نہیں بلکہ ایک “ماسٹر مائنڈ” اور دیگر معاونین شامل ہو سکتے ہیں۔ اصل سازش کار کو شناخت کرکے فوری گر...

پنویل (نمائندہ) مہاراشٹر اسٹیٹ اُردو ساہتیہ اکیڈمی کے ایکزیکٹیو آفسر محترم شعیب ہاشمی کی قرۃ العين،  پنویل میں رہائش پذیر چار سالہ مریم شعیب ہاشمی نے اپنی زندگی کا پہلا روزہ رکھ کر اہلِ خانہ کے دل جیت لیے۔ گھر والوں کے مطابق مریم پہلے رمضان سے ہی روزہ رکھنے کی خواہش ظاہر کر رہی تھی۔ آج اس نے شوق اور جذبے کے ساتھ سحری میں والدین کا ساتھ دیا اور پورا دن خوش دلی اور حوصلے کے ساتھ گزارا۔ کم عمری کے باوجود اس کے عزم نے سب کو حیران کر دیا۔ افطار کے وقت گھر میں خصوصی اہتمام کیا گیا۔ مریم کے پسندیدہ کھانوں کا انتظام کیا گیا اور اہلِ خانہ نے مل کر دعا کی۔ ننھی روزہ دار نے بھی ہاتھ اٹھا کر سب کے لیے خیر و برکت کی دعا مانگی۔ والدین کا کہنا ہے کہ وہ اپنی بیٹی کے جذبے اور دینی شوق پر بے حد خوش اور فخر محسوس کر رہے ہیں۔ رشتہ داروں نے بھی مریم کو اس کے پہلے روزے پر مبارکباد پیش کی اور اس کے روشن مستقبل کے لیے نیک تمناؤں کا اظہار کیا۔ صدائے مہاراشٹر کی جانب سے اس معصوم روزہ دار اور اس کے والدین نیز رشتہ داروں کو صمیم قلب سے بے حد مبارکباد۔ 

سولاپور: (الماس بدری) مریم ممتاز اردو پرائمری اسکول، سولاپور کی جماعت کے جی (KG) کی 5 سالہ طالبہ اقصیٰ توفیق شیخ نے ماہِ رمضان المبارک میں بروز جمعرات 19 تاریخ کو اپنا پہلا روزہ کامیابی کے ساتھ مکمل کیا۔ اس کم عمری میں روزہ رکھنا اور اسے بخوبی پورا کرنا نہایت قابلِ تحسین اور لائقِ ستائش عمل ہے۔ ادارے کے صدرِ محترم جناب فیض انعامدار نے ننھی طالبہ کو دلی مبارکباد پیش کی اور اس کے جذبۂ ایمانی کو سراہا۔ بعد ازاں اسکول کی انتظامیہ اور اساتذۂ کرام نے بھی اقصیٰ کی حوصلہ افزائی کرتے ہوئے اس کے روشن مستقبل کے لیے نیک تمناؤں کا اظہار کیا۔ بچی کے والدین اور اہلِ خانہ نے مسرت کا اظہار کرتے ہوئے اللہ تعالیٰ کا شکر ادا کیا اور دعا کی کہ اللہ تعالیٰ اقصیٰ کو صحت و تندرستی عطا فرمائے، اسے دین و دنیا میں کامیابیاں نصیب کرے اور ہمیشہ اپنی حفظ و امان میں رکھے۔

  نکاح — عظیم سنت ہے۔  از قلم :عالمہ مبین پالیگار،بیلگام کرناٹکا۔ M A M Ed 8904317986     نکاح — عظیم سنت ہے۔  حضرت محمد مصطفیٰ صلی اللہ علیہ وسلم کی سنتوں میں نکاح کو خاص اہمیت حاصل ہے۔ آپ ﷺ نے نکاح کو اپنی سنت قرار دیا اور امت کو سادگی کی تعلیم دی۔ نکاح دراصل: عبادت ہے سنت ہے خاندان بنانے کا پاکیزہ نظام ہے معاشرے کی بنیاد ہے   موجودہ رویّہ — دکھ کی بات آج ہم دیکھتے ہیں کہ: شادی ہال، ڈیکوریشن، لائٹنگ، فوٹوگرافی پر لاکھوں روپے خرچ ہوتے ہیں کھانوں میں اسراف کیا جاتا ہے صرف نمائش اور سوشل اسٹیٹس کے لیے اخراجات بڑھائے جاتے ہیں لیکن… نکاح پڑھانے والے عالم یا قاضی صاحب کو: 500 یا 1000 روپے دے کر فارغ کر دیا جاتا ہے بعض اوقات تو عزت بھی پوری نہیں دی جاتی یہ طرزِ عمل یقیناً قابلِ غور ہے۔     کیا یہ درست سلوک ہے؟ صاف بات یہ ہے کہ:       یہ انصاف نہیں ہے      یہ دینی خدمت کی قدر نہیں ہے     یہ ترجیحات کا بگاڑ ہے جس نکاح کے بغیر شادی کی کوئی شرعی حیثیت ہی نہیں، اسی نکاح کے عمل کو انجام دینے والے کی اہمیت س...

بیدر، 25 فروری (نامہ نگارمحمد عبدالصمد منجووالا) موومنٹ آف جسٹس اور علم فاؤنڈیشن کی جانب سے ماہِ مبارک رمضان میں روزانہ سحری کا باقاعدہ انتظام کیا جا رہا ہے، جس سے روزانہ 400 سے 500 بلکہ بعض اوقات اس سے بھی زائد روزہ دار فائدہ اٹھا رہے ہیں۔ مستفید ہونے والوں کی تعداد میں دن بہ دن اضافہ ہو رہا ہے۔ سحری کے پکوان کی تیاری مدرسہ جامعہ ہاشمیہ، دلہن دروازہ، چونا بھٹی کے قریب کی جاتی ہے۔ یہاں کھانا تیار کرنے کے بعد اسے باقاعدہ پیکٹوں میں پیک کیا جاتا ہے۔ بعد ازاں یہ پیکٹ اندرون شاہ گنج، مکی مسجد کے دروازے کے سامنے تقسیم کیے جاتے ہیں، تاکہ باہر سے آنے والے افراد کو جگہ تلاش کرنے میں آسانی ہو۔ جناب سید سرفراز ہاشمی ایڈوکیٹ نے بتایا کہ اس انتظام سے خاص طور پر وہ طلبہ و طالبات فائدہ اٹھا رہے ہیں جو دور دراز علاقوں سے تعلیم کے لیے بیدر آئے ہوئے ہیں، اور وہ سرکاری ملازمین بھی جو یہاں بغیر اہلِ خانہ کے مقیم ہیں۔ انہوں نے خاص طور پر اس بات پر زور دیا کہ تقریباً 200 سے زائد طالبات اس سہری سنٹر سے فائدہ اٹھا رہی ہیں۔ یہ وہ بچیاں ہیں جو نہ تو ہوٹل جا سکتی ہیں، نہ ہی سحری کے وقت ز...

بیدر 25 فروری (نامہ نگار) محسنِ اہلِ سنت جناب حکیم شیخ محمد فصیح اللہ صدیقی مبلغِ دعوتِ اسلامی بیدر مرحوم و مغفور کی پانچویں سالانہ فاتحہ کا مدنی مرکز و دعوتِ اسلامی مسجد درگاہ حضرت پیر فانی موقوعہ بیرون شاہ گنج بیدرمیں انعقاد عمل میں ایا۔کل بروز منگل مسجدہذا میں مجلسِ تلاوتِ قرآنِ مجید کا اہتمام کیا گیا۔ بعد ازاں ادائیگی نمازِ عصر قصیدہ بردہ شریف اور فاتحہ و دعائے مغفرت کی گئی ۔ انتظامی کمیٹی کے ذمہ داران و اراکین کے علاوہ ' مسلمانوں 'مولانا مفتی سید سراج الدین نظامی 'حافظ سید عمر ہاشمی 'محمد فراست علی ایڈوکیٹ نے حضرت کی 36 سالہ بے لوث دینی و سماجی خدمات کو زبردست خراجِ عقیدت پیش کرتے ہوئے کہا کہ جناب شیخ محمد فصیح اللہ صدیقی گزشتہ 36 سال تک ہر جمعہ اور مقدس راتوں 'عیدین کے موقع پرمصلیان مسجد کو خظاب کرتے اور انتظامی امور میں بڑھ چڑھ کر حصہ لیتے رہے اور دعوتِ اسلامی بیدر کو مستحکم و منظم کرنے میں اپنا نمایاں کردار ادا کیا۔ مرحوم نبی خانہ مبارک بیدر کے بحیثیت ناظم ماہ ربیع الاول میں تادمِ آخر وقتِ مقررہ پر حاضر ہو کر اجتماعات 'واعظ کی کارروائی ...

بیدر : 25/ فروری(نامہ نگار ) کل ہند مجلس اتحاد المسلیمن شاخ کی جانب سے دفترمجلس بیدر میں جناب عاطفاشہر کو بیدر کا ضلع نگران(انچارچ) مقرر کیے جانے پردفتر مجلس بیدرمیں دعوت افطار اورایک شاندار تہنیتی تقریب منعقد کی گئی۔ تقریب میں جماعت کے ذمہ داران اور کارکنان کی بڑی تعداد نے شرکت کی۔ اس موقع پر مقررین نے جناب عاطف اشہرکو نئی ذمہ داری ملنے پر مبارکباد پیش کی اور ان کی قیادت پر مکمل اعتماد کا اظہار کیا۔ انہوں نے امید ظاہر کی کہ ان کی سرپرستی میں ضلع میں جماعتی سرگرمیوں کو مزید استحکام حاصل ہوگا۔ جناب عاطف اشہر نے جماعت کی مرکزی قیادت کا شکریہ ادا کرتے ہوئے یقین دلایا کہ وہ بیدر میں جماعت کو مضبوط بنانے، تنظیمی ڈھانچے کو فعال کرنے اور عوامی مسائل کو مؤثر انداز میں اٹھانے کے لیے پوری محنت اور دیانت داری کے ساتھ کام کریں گے۔ تقریب خوشگوار ماحول میں اختتام پذیر ہوئی۔

بیدر : 25 /فروری ( نامہ نگار )جناب عبدالقیوم سالار جنگ کی اطلاع کے بموجب 42واں عرس شریف حضرت شیخ شاہ محمدعلاؤ الدین جنیدی ؒ بتاریخ9رمضان المبارک 1447ھ م27فروری2026ء بروزجمعہ بعد نمازِ عصر بہ احاطہ روضئہ شیخ دکنؒ، گلبرگہ میں بصد عقیدت و احترام منایا جارہا ہے۔ مراسمِ صندل مالی بدست مبارک تقدس مآب حضرت شیخ شاہ محمدافضل الدین جنیدی سراج باباصاحب قبلہ سجادہ نشین بارگاہ حضرت شیخ دکن ؒ انجام پائے گی۔ افطار اورتناول طعام کا اہتمام رہے گا۔جناب ابوالفیض سالار جنگ نے معتقدین مریدین و عامتہ المسلمین و وابستگانِ سلسلہ سے شرکت کی اپیل کی ہے۔

جلگاؤں( عقیل خان بیاولی)  سخت دھوپ اور دن کے طویل دورانیے کے باوجود عمر کالونی کے رہنے والے ریٹائرڈ معلم ایس۔ ایم۔ فاروق کی نواسی، ماہِرا فرحان شیخ نے محض 7 برس کی عمر میں اپنا پہلا روزہ رکھ کر اللہ تعالیٰ سے اپنی عقیدت اور محبت کا اظہار کیا ہے۔ اللہ تعالیٰ اس کے روزہ کو شرف قبولیت بخشے۔ صدائے مہاراشٹر کی جانب سے اس معصوم روزہ دار اور اس کے والدین نیز رشتہ داروں کو صمیم قلب سے بے حد مبارکباد۔ 

بیڑ میں اردو ساہتیہ اکیڈمی کے چیئرمین سید حسین اختر کا والہانہ استقبال۔ بیڑ: 25/ فروری ( پریس ریلیز ): اردو زبان و ادب کی سربلندی ، عروج و ترقی کے فروغ کے لیے نمایاں خدمات انجام دینے والے اردو ساہتیہ اکادمی کے چیرمین سید حسین اختر کا بیڑ شہر میں والہانہ استقبال کیا گیا. حال ہی میں مہاراشٹر راجیہ اردو ساہتیہ اکیڈمی کی جانب سے مختلف شعبٔہ ہاںٔے زندگی میں نمایاں خدمات انجام دینے والے اساتذہ ، صحافیوں اور دیگر ممتاز شخصیات کو دیںٔے گںٔے ایوارڈز کی انعامی رقم بالاآخر ان تمام ایوارڈز یافتگان کے بینک اکاؤنٹس میں منتقل کرنے اور اسناد ، مومینٹو اور نقد رقوم دینے کے اس فخریہ پرفارمنس کی ادائیگی پر اردو ادب حلقوں میں زبردست خوشی کی لہر دوڑ گئی اور مہاراشٹر راجیہ اردو ساہتیہ اکیڈمی کے ایگزیکٹیو آفیسر شعیب ہاشمی اور چیئرمین سید حسین اختر کا خیر مقدم کرتے ہوئے انکا دل کی عمیق گہرایئوں سے شکریہ ادا کیا گیا اور کہا جارہا ہے کہ یہ کام آپکی مسلسل پیروی اور جاندار کوششوں کے باعث ثمر آور ثابت ہوا اسی حوالے سے اردو ساہتیہ اکیڈمی کے چیئرمین سید حسین اختر کا بیڑ آمد پر 25 فروری 2026 کو مقامی معرو...

آج کا افطار کل کی سحر ۔ محمد حسام الدین ریاض - صدائے مہاراشٹر۔

بھیونڈی: (عبدالعزیز انصاری) یشونت راؤ چوہان مہاراشٹر اوپن یونیورسٹی ناشک کے زیر انصرام جاری جی ایم مومن ویمنز کالج اسٹڈی سینٹر،بھیونڈی کے ایم اردو فرسٹ اور ٹھرد سیمسٹر کے نتائج کا اعلان 20 فروری 2026 کو آن لائن کیا گیا ۔مقام مسرت ہے کہ نتائج انتہائی شاندار رہے ۔امسال ایم اے اردو سال اول فرسٹ سیمسٹر میں کل 43 طلبہ شامل ہوئے ۔جن میں سے 39 طلبہ کامیاب ہوئے ۔نتیجہ 90.69 فیصد رہا ۔ٹاپ فائیو طلبہ میں انصاری ام ماریہ 81.64 فیصد کےساتھ اول مقام، انصاری فاطمہ بانو 79.82 فیصد کے ساتھ دوم مقام، دیوکر زوبیہ ساجد 79.09 فیصد کے ساتھ سوم مقام، انصاری ثانیہ78.90 فیصد کے ساتھ چہارم مقام اور خان رقیہ 78.20 فیصد کے ساتھ پنجم مقام پر رہیں ۔ا سی طرح ایم اے اردو سال دوم تھرڈ سیمسٹر میں کل 61 طلبہ امتحان میں شریک ہوئے ۔جس میں 50 طلبہ کامیاب ہوئے ۔نتیجہ 81.96 فیصد رہا ۔ٹاپ فائیو طلبہ میں خان نشرہ 78.90 فیصد کے ساتھ اول، مدعو خلوص 78.50 کےساتھ دوم، مومن بشرہ 75.30 فیصد کے ساتھ سوم، انصاری حرا اور شیخ اریبہ 74.70 فیصد کے ساتھ چہارم اور مومن محمد عاطف اور شاہ مصباح 74.40 فیصد کے ساتھ پنجم مقام پر رہے...

جلگاؤں ( عقیل خان بیاولی) اقراء ایجوکیشن سوسائٹی جلگاؤں کے زیرِ اہتمام ایچ جے تھیم کالج جلگاوں کے شعبۂ اردو کے زیرِ اہتمام 25 فروری 2026 کو کالج میں "اردو زبان کی اہمیت و افادیت" کے عنوان سے مضمون نویسی مقابلہ منعقد کیا گیا۔ جس میں طلبہ و طالبات نے بھرپور جوش و خروش کے ساتھ شرکت کی۔اس مقابلے کا مقصد طلبہ میں اردو زبان سے محبت پیدا کرنا، تخلیقی صلاحیتوں کو فروغ دینا اور تحریری اظہار کی مہارت کو بہتر بنانا تھا۔ شرکاء نے اردو زبان کی ادبی، ثقافتی اور تعلیمی اہمیت پر نہایت عمدہ مضامین پیش کیے پرنسپل ڈاکٹر وقار شیخ، صدر شعبۂ اردو ڈاکٹر کہکشاں انجم ، اسسٹنٹ پروفیسر مبشر پٹیل' پروفیسر ڈاکٹر راجو گوارے اور دیگر اساتذہ کرام نے طلبہ کی کارکردگی کی سراہتے ہوئے کہا کہ اس طرح کے ادبی مقابلے طلبہ کی فکری و تخلیقی نشوونما میں اہم کردار ادا کرتے ہیں۔ مقابلے کے اختتام پر بہترین کارکردگی کا مظاہرہ والے طلبہ کو انعامات سے نوازنے کا اعلان بھی کیا گیا۔

(ہرنی)دی ہرنئی ایجوکیشن اینڈ ویلفیئر سوسائٹی کے زیر انتظام نیشنل ہائی اسکول ہرنئی نے مہاراشٹر اسٹیٹ ایگزامینیشن کونسل پونے NMMS نیشنل اسکالرشپ اسکیم برائے معاشی طور پر کمزور طبقے کے طلباء کے امتحان2025.26 میں بڑی کامیابی حاصل کی ہے۔ صوالیحہ لیاقت کاربھاری نے بڑی کامیابی حاصل کی ہے۔ تاہم اس طالب علم پرنسپل آصف بھاٹکر، رہنما اساتذہ کو اسکول مینجمنٹ کمیٹی کے نائب صدر سعید چکٹے، اراکین اور سوسائٹی نے مبارکباد پیش کی۔

حیدرآباد۔25/فروری(پریس نوٹ) باسط افتخاری مرید سلسلہ افتخاریہ کے بموجب زیر سرپرستی سرپرست اعلیٰ خانوادئے افتخاریہ پیرزادہ مولانا سید شبیر نقشبندی افتخاری بروز جمعہ بتاریخ 27 فروری، 9رمضان المبارک بمقام سنجری اسٹیٹ خانقاہِ سنجریہ افتخاریہ روبرو جامع مسجد حضرت وطن چشتی چمن منگل ہاٹ حیدرآباد میں حسب روایاتِ قدیم یوم خراج عقیدت 9 رمضان محفل کا انعقاد عمل میں آئے گا۔ بعد نماز ظہر مولانا پیر اکبرالدین ذاکر افتخاری خلیفہ حضرت پیر چشتی سید ولی اللہ حسینی افتخاری کے زیر صدارت محفل قرآن خوانی کا انعقاد عمل میں آئے گا بعد نماز عصر زیر نگرانی پیرزادہ سید کاشف اللہ حسینی بختیار عربی خلیفہ سوم حضرت پیر افتخاری سید قادر محی الدین حسین سنجری، تبرکاتِ حضرت وطن زیارت کروائی جائے گی۔ بعداز محفل پردہ شریف کا آغاز کیا جائے گا۔ بعداز مولانا پیرزادہ سید کاشف اللہ حسینی ومولانا پیراکبرالدین ذاکر افتخاری کے زیر سایہ سلسلہ افتخاریہ کے مریدین و معتقدین کے ہمراہ بہ مزار حضور حضرت افتخار علی شاہ وطن ؒ صندل و چادر گل عطر عود صدائے رسالتؐ کی گونج میں پیش کیا جائے گا۔ بعداز بارگاہِ خیرالانعامؐ میں نعت و در...

بیگم قمر النساء کاریگر گرلز میں تصویر میں رنگ بھریں مقابلے کا کامیاب انعقاد۔ کثیر تعداد میں طالبات حصہ لے کر اپنی فنکارانہ صلاحیتوں کا مظاہرہ کیا۔ شولاپور (محمد عرفان ڈوکا) چھترپتی شیواجی مہاراج کی یوم پیدائش کے موقع پر ڈاکٹر پنجاب راؤ دیشمکھ راشٹریہ شیکشک پریشد شولاپور کی جانب سے بیگم قمر النساء کاریگر گرلز ہائی اسکول و جونیئر کالج شولاپور میں تصویر میں رنگ بھریں مقابلہ (रंग भरण स्पर्धा) منعقد کیا گیا تھا۔ اس مقابلے میں پانچویں سے آٹھویں جماعت کی 250 طالبات شریک تھیں۔   اول دوم و سوم انعام یافتہ طالبات کو خوبصورت ٹرافی و سند ساتھ ہی ساتھ سبھی شریک طالبہ کو سند ادارے ہذا کی جانب سے دی گی۔ اس سرگرمی میں شامل طالبات نے بہت ہی خوبصورتی سے تصویر میں رنگ بھرا۔ مدرسہ ہٰذا کی صدر مدرسہ محترمہ تحسینہ شیخ صاحبہ بچوں کی حوصلہ افزائی کی۔ اس سر گرمی کے لئے مدرسہ ہٰذا کے ڈرائنگ ٹیچر عارف خان پٹھان سر اور نوشین کلبرگے آپا نے بچوں کی رہنمائی فرمائی۔ اس کامیابی کو کامیاب بنانے کے لئے اشفاق منیار سر،سمیر شیخ سر، سمیر کمیشنر سر،محمد عرفان ڈوکا، یونس بالگی سر،...

اپنے گھروں میں اسلام اور انسانیت کے خدام پیدا کیجئے! ازقلم : سرفرازاحمدقاسمی حیدرآباد۔ رابطہ: 8099695186         رمضان المبارک کی مقدس اور بابرکت ساعتیں جاری ہیں،اس مقدس ماہ میں بہت سے لوگوں کے ٹائم ٹیبل اور روٹنگ تبدیل ہوجاتی ہے اور ہونا بھی چاہئے کیونکہ اس مہینے میں مسلمانوں سے اسلام بہت ساری چیزوں کا مطالبہ کرتاہے،یہ مہینہ دوسرے عام مہینوں کی طرح ہرگز نہیں ہے،اس ماہ کے شب و روز خصوصی اہمیت کے حامل ہیں،اس کا ایک ایک لمحہ انتہائی قیمتی ہے،لہذا یہی وجہ ہے کہ خوب ناپ تول کر اس کے اوقات کو خرچ کرنے کا حکم دیا گیا ہے،بے مصرف اور ناقدری کے ساتھ ہرگز اس مہینے کو ضائع نہ کیاجائے،ماہ رمضان کی ایک خصوصیت اس ماہ کا روزہ بھی ہے،روزے کا مقصد اور فلسفہ بیان کرتے ہوئے حضرت شاہ ولی اللہ صاحب فرماتے ہیں: "عبادت کا ایک طریقہ روزہ ہے۔ روزہ کی حقیقت یہ ہے کہ انسان اپنے معبود کے لیے شدید و ثقیل مشقت اٹھانے کے لیے تیار ہو جائے۔اس کا فلسفہ یہ ہے کہ انسان جب کسی سے سخت دل بستگی اور قلبی محبت کرتا ہے تو پھر اس بات کی پرواہ بالکل نہیں کرتا کہ اس کی اپنی زندگی اور مرافقِ حیات درس...

بھنی ( نامہ نگار) حکومت مہاراشٹر کے اسکول کو الیٹی اسٹمینٹ اینڈ ایشورنس فریم ورک (SQAAF) کے بیرونی جائزے میں پر بھنی کے فیض العلوم پرائمری اسکول کو باوقار + A گریڈ سے نوازا گیا واضح ہو کے حکومت مہاراشٹر نے تعلیمی سال 25- 2024 کے دوران مہاراشٹر کے سبھی زبانوں میں تدریس انجام دینے والے پرائمری ، ہائی اسکول و جونیئر کالج کے تعلیمی مدارس کاسیلف ایوالویشن مکمل کیا جس میں ریاست بھر کے 102675 ( ایک لاکھ دو ہزار چھ سو پچھتر ) اداروں نے حصہ لیا جن میں سے 10712 ( دس ہزار سات سو بارہ) اسکولوں کو بیرونی معائنہ کے لیے منتب کیا گیا ان میں سے 10644 ( دس ہزار چھ سو چوالیس) اسکولوں کا تفصیلی جائزہ لیا گیا اس وسیع ریاستی عمل میں صرف 429 ( چار سوانیتس ) ادارے ہی + A گریڈ حاصل کرنے میں کامیاب ہوئے۔ جن میں پر بھنی ضلع کے 6 ادارے ہی منتخب ہوئے۔ ان میں شہر پر بھنی کے فیض العلوم پرائمری اسکول نے یہ اعزاز حاصل کیا حکومت مہاراشٹر کی 429 کی فہرست پر نظر ڈالی جائے تو علاقہ مراٹھواڑہ کا یہ واحد اردو پرائمری اسکول ہے جو SQAAF کے تحت +A گریڈ حاصل کیا جو ادارے کی ہمہ جہت کار کردگی کی علامت ہے جس میں اعلی ...

🌙✨ طالبہ کا پہلا روزہ ✨🌙 مہانگر پالیکا اردو لڑکوں کا اسکول نمبر 5، سولاپور کی جماعت سوم کی ہونہار طالبہ انعم عمران سگری (عمر: 9 سال) نے شوقِ عبادت کے ساتھ اپنا پہلا روزہ مکمل کیا۔ انعم کا تعلق رویوار پیٹھ، سولاپور سے ہے۔ کم عمری میں روزہ رکھنے پر والدین اور اساتذہ نے خوشی کا اظہار کیا اور دعاؤں سے نوازا۔ اس موقع پر اسکول انتظامیہ نے بھی انعم کو مبارکباد پیش کی اور اس کے روشن مستقبل کے لیے نیک تمناؤں کا اظہار کیا۔ اللہ تعالیٰ انعم کو صحت و تندرستی، علم میں برکت اور زندگی میں کامیابی عطا فرمائے۔ آمین۔ 🤲✨

  🌙✨ دو بہنوں کا پہلا روزہ ✨🌙 سولاپور (راست مہانگر پالیکا اردو لڑکوں کا اسکول نمبر 5، سولاپور کی جماعت سوم کی طالبہ صفورا سرفراز بدّی (عمر: 9 سال) اور ان کی چھوٹی بہن جماعت اول کی طالبہ انابیہ سرفراز بدّی (عمر: 7 سال) نے کم عمری میں عبادت کا شوق دکھاتے ہوئے اپنا پہلا روزہ مکمل کیا۔ دونوں بہنوں نے ہمت اور خوشی کے ساتھ روزہ رکھا جس پر والدین اور اساتذہ نے مسرت کا اظہار کیا۔ اسکول انتظامیہ نے بھی دونوں طالبات کو مبارکباد پیش کی اور ان کے روشن مستقبل کے لیے دعائیں کیں۔ اللہ تعالیٰ صفورا اور انابیہ کو صحت، کامیابی اور دین و دنیا کی بھلائیاں عطا فرمائے۔ آمین۔ 🤲✨

نندیال ضلع (آئیٹا): آل انڈیا آئیڈیل ٹیچرز ایسوسی ایشن (AIITA) ضلع نندیال کے زیر اہتمام، ویلوگوڈو ماڈل اسکول میں دسویں جماعت کے طلبہ کے روشن مستقبل کے لیے بروز پیر "کیرئیر گائیڈنس اور ہیلتھ اویئرنس" (مستقبل کی رہنمائی اور طبی بیداری) کے عنوان سے ایک سمینار منعقد کیا گیا۔ یہ پروگرام ویلوگوڈو-ویمپینٹا روڈ پر واقع ماڈل اسکول میں منعقد ہوا۔ پروگرام کے اہم نکات: یہ پروگرام ضلع صدر محمد سلیم صاحب کی نگرانی میں منعقد ہوا۔ امتحانی رہنمائی: ضلع نائب صدر عبدالشکور صاحب نے دسویں جماعت کے سالانہ امتحانات کی تیاری کرنے والے طلبہ کے دلوں سے خوف نکالنے اور خود اعتمادی کے ساتھ امتحانات دینے کے حوالے سے اہم مشورے دیے۔ کیرئیر گائیڈنس: طلبہ کو بتایا گیا کہ وہ اپنی دلچسپی کے مطابق اعلیٰ تعلیم کے لیے کن کورسز کا انتخاب کر سکتے ہیں۔ طبی مشورے: وینس ہاسپٹل کے ڈاکٹر رام چندرن رائل نے امتحانات کے دوران ذہنی اور جسمانی صحت کو برقرار رکھنے کے طریقے بتائے۔ معزز مہمانان: اس سمینار میں جناب عبدالشکور (نائب صدر، آئیٹا نندیال ضلع) نے بطور کلیدی مقرر شرکت کی۔ پروگرام کے کنوینر ماڈل اسکول کے کیمسٹر...

جلگاؤں (عقیل خان بیاولی) ارحان عامر مرزا عمر چھ سال ساکن مہرون جلگاؤں نے اس ماہ رمضان المبارک میں اولین روزہ مکمل کیا ۔والدین اور رشتے داروں نے اسے دعاؤں سے نوازا ۔ صدائے مہاراشٹر کی جانب سے اس معصوم روزہ دار اور اس کے والدین نیز رشتہ داروں کو صمیم قلب سے بے حد مبارکباد۔ 

بھوساول (عقیل خان بیاولی) سید سعود فیصل قریشی ساکن بھوساول عمر دس سال یہ ماہ رمضان المبارک کے روزوں کے ساتھ نمازوں کی بھی پابندی سے ادائیگی کر رہا ہے اہل خانہ اور حلقہ احباب نے اسے مبارکباد پیش کرتے ہوئے دعاؤں سے نوازا ہے۔ نیک خواہشات ؛ عقیل خان بیاولی جلگاؤں۔ صدائے مہاراشٹر کی جانب سے اس معصوم روزہ دار اور اس کے والدین نیز رشتہ داروں کو صمیم قلب سے بے حد مبارکباد۔ 

امروزسحر بنت عبدالجبار چیرمین منجیراگروپ آف انسٹی ٹیوشنس بید رکو ڈاکٹرکی ڈگری تفویض۔   بیدر۔ 24/فروری (راست) گلبرگہ یونیورسٹی کلبرگی کا آج 24/فروری کو 43/واں سالانہ کانووکیشن گلبرگہ یونیورسٹی کے احاطہ موقوعہ ڈاکٹر بی آرامبیڈکربھون، گنیان گنگا کامپلکس سیڑم روڈ کلبرگی میں رکھاگیاتھا۔ جہاں امروزسحر بنت عبدالجبار چیرمین منجیراگروپ آف انسٹی ٹیوشنس بید ر کو گورنرآف کرناٹکا جناب تھاورچند گہلوت کے ہاتھوں ڈاکٹر آف فلاسفی (ایجوکیشن) کی ڈگری تفویض کی گئی۔ اس موقع پر گورنرآف کرناٹکا تھاورچند گہلوت کے علاوہ گلبرگہ یونیورسٹی کے وائس چانسلر، رجسٹرار، (اکیڈمک اینڈ والویشن دونوں)، تمام ڈپارٹمنٹس کے ایچ او ڈی اور پروفیسرس موجودتھے۔

نیالکل 24/فروری(نمائندہ) ڈی سی سی چیف سکریٹری نیالکل منڈل مسٹر کے بھاسکر ریڈی نے اپنے ایک صحافتی بیان میں کہا کہ حلقہ اسمبلی ظہیر آباد کے نیالکل منڈل کی ترقی کے لئے لوکل ایریا ڈیولپمنٹ اسکیم LADS کے تحت 50 لاکھ روپے منظور کئے گئے ہیں. انہوں نے مزید کہا کہ اس پر رکن پارلیمنٹ ظہیرآباد مسٹر سریش کمار شیٹکار سے اظہار تشکر کیا. انہوں نے کہا کہ نیالکل منڈل کے مواضعات کی ترقی جیسے ہائی ماسٹ لائیٹس کی تنصیب، اسٹریٹ لائٹس کی درستگی اور دیگر ضروری کروائے جائیں گے. انہوں نے مزید کہا کہ نیالکل منڈل کے مختلف مواضعات کے لیے دو لاکھ سے نو لاکھ روپئے تک منظور کئے گئے ہیں۔۔۔۔

نامہ نگار :عثمان احمد عمرکھیڑ ضلع ایوت (24 فروری 2026) شہر کے معروف تعلیمی ادارے حاجی امان اللہ جاگیردار نگر پریشد اردو ہائی اسکول و جونیئر کالج میں گذشتہ اتوار، 22 فروری 2026 کو جماعت ہشتم کے اسکالرشپ امتحان کا کامیاب انعقاد عمل میں آیا۔ اس امتحانی مرکز کی خاص بات یہ رہی کہ یہاں رجسٹرڈ صد فیصد طلباء نے اپنی حاضری یقینی بنائی۔ انتظامیہ اور نگرانی امتحان کو شفاف اور پرامن طریقے سے مکمل کرنے کے لیے بہترین انتظامات کیے گئے تھے۔ مرکز کے سینٹر کنڈکٹر شیخ عثمان شیخ احمد کی قیادت میں امتحان کی کارروائی بحسن و خوبی انجام پذیر ہوئی۔ نگرانی کے فرائض درج ذیل اساتذہ نے نبھائے: جنید ایاز احمد اظہر مختار احمد ضیاء اللہ خان حمیداللہ خان شیخ صدام شیخ چھوٹو معائنہ اور تاثرات امتحان کے دوران تعلیمی ذمہ داران نے مرکز کا دورہ کر کے نظم و ضبط کا جائزہ لیا۔ دورہ کرنے والی شخصیات میں راحت روشن انصاری (کیندر پرمکھ) اور شیخ رسول پٹیل شیخ واحد (شکشن سبھا پتی، نگر پریشد عمرکھیڑ) سینٹر پر امتحان کے تئیں اور طلباء کے نظم و ضبط پر اپنے بہترین تاثرات قلمبند کیے ۔ اس موقع پرمحکمہ تعلیم کے اعلیٰ افسران وج...

واللہ سزاوارِ اعزاز نہیں ہوتی وہ ذات جو حق ھو کی ہمراز نہیں ہوتی غرقاب خطایا سے کہ دو کہ بآسانی بھیگے ہوئے پر سے تو. پرواز نہیں ہوتی اڑتی ہے خلاؤں میں رہتی ہے پہاڑوں میں  اک چیل مگر ہرگز شہباز نہیں ہوتی   کچھ لوگ ہیں جو آنسو پی جانے میں ہیں ماہر   ہر آنکھ حقیقت کی غماز نہیں ہوتی  آواز سریلی ہے پر درد ہے لہجے میں  شہنائی کی ہر اک لے دمساز نہیں ہوتی  رہ رہ کے خبر گیری کرلیتے اگر میری اتنی بھی مری حالت ناساز نہیں ہوتی اک دو نہیں لاکھوں مرغ افلاک میں اڑتے ہیں شاہین سی پر سب کی پرواز نہیں ہوتی  لگ جاتی ہے بھیڑ اکثر ویسے ہی جنازے میں  ہر بھیڑ کوئی وجہِ اعزاز نہیں ہوتی  کرتے ہو ستم کرلو پر اتنا سمجھ لینا اللہ کی لاٹھی میں آواز نہیں ہوتی صفدر ترا ذوقِ فن عامی ہی اگر ہوتا تو ذات تری سب سے ممتاز نہیں ہوتی از صفدر نریاؤں امبیڈکر نگر

سال 2025 کی کتابوں پر قومی ایوارڈز۔  پریس نوٹ 24 فروری 2026۔ امیرالنسا ایجوکیشنل اینڈ ویلفیئر فاؤنڈیشن، کڈپہ کے زیرِ اہتمام ہر سال کی طرح اس سال بھی ادبی انعامات برائے سال 2025 دینے کا اعلان کیا گیا ہے۔ فاؤنڈیشن کی جانب سے یکم جنوری 2025 تا 31 دسمبر 2025 کے دوران شائع ہونے والی اردو کتابوں پر مختلف زمروں میں ایوارڈز تفویض کیے جائیں گے. فاؤنڈیشن کے سکریٹری ڈاکٹر سردار ساحل نے بتایا کہ ان ایوارڈز کا مقصد اردو زبان و ادب کی ترویج و اشاعت، معیاری تصنیف و تحقیق کی حوصلہ افزائی اور اہل قلم کی خدمات کا اعتراف کرنا ہے.  ایوارڈز کی تفصیلات درج ذیل ہیں: مولانا ابوالکلام آزاد ایوارڈ 1۔ ایوارڈ برائے نثری مطبوعات: تحقیق و تنقید (1) 2۔ ایوارڈ برائے نثری مطبوعات: تاریخ و ثقافت (1) 3۔ ایوارڈ برائے نثری مطبوعات: تراجم (1) ایوارڈ برائے نثری مطبوعات: خاکے ،انشائیے(1) علامہ اقبال ایوارڈ 1۔ ایوارڈ برائے شعری مطبوعات: حمد و نعت (1) 2۔ ایوارڈ برائے شعری مطبوعات: غزل، نظم اور دیگر اصناف (2) 3۔ ایوارڈ برائے شعری مطبوعات: ادب اطفال (1) جوگندر پال ایوارڈ 1۔ ایوارڈ برائے نثری مطبوعات: ناول، ا...

ظہیر آباد -24/ فروری(نمائندہ) جماعت اسلامی ہند ظہیرآباد نارتھ کے زیر اہتمام غوری کامپلیکس مین روڈ ظہیرآباد میں منعقدہ دعوت افطار وطعام سےجناب محمد ناظم الدین غوری ناظم ضلع سنگاریڈی مغرب نے خطاب کرتے ہوئے کہا کہ دراصل رمضان قرآن کامہینہ ہے روزہ اس کا اظہار تشکر ہے قرآن کو ہم تراویح میں سنتے ہیں لیکن اسکے سمجھنے پر دھیان نہیں دیتے- قرآن کو پڑھنے سے ثواب تو ملتا ہے لیکن ہدایت اصل چیز ہے اس پروگرام کاآغاز محمد عدنان کے درس قرآن سے ہوا سیکریٹری سید امتیاز نے شرکاء کا خیر مقدم کیا محمد معین الدین معاون ناظم ضلع سنگاریڈی مغرب نے دعاسے قبل اعلان کیاکہ مسجد اشاعت اسلام لطیف روڈ خان محلہ میں قرآن فہمی کا نظم مرد وخواتین کے لئے ہے نماز عشاء 8:30 بجے اور تراویح کے ہر چار رکعت میں مختصر ترجمہ اور صرف روزانہ ایک ہی پارہ پڑھا جاتاے انھوں نے استفادہ کی اپیل کی اور واضح کیاکہ یہاں جو دعوت کی گئی ہے گزشتہ 10 سال سے نعیم الدین غوری اور انکے رفقاء کی جانب سے کی جارہی قابل تعریف قدم ہے جو مبارکبادی کے مستحق ہیں اسلم خان سید شاہد الیکٹریکلس سعادت شریف پلمبر ورکس حسن الدین سید ابراہیم شاہ علی او...

بیدر24فروری(نامہ نگار ) اسٹوڈنٹس اسلامک آرگنائزیشن (SIO) بیدر یونٹ کے وفود نے ، جناب الحاج محمد رحیم خان صاحب وزیر برائے اقلیتی امور و حج، حکومتِ کرناٹک سے ایک مفصل اور نتیجہ خیز ملاقات کی۔ اس ملاقات میں تعلیم، اقلیتی فلاح و بہبود اور علاقائی ترقی سے متعلق اہم مسائل پر گفتگو کی گئی۔ وفود نے وزیر موصوف کو علاقائی اور ضلعی سطح کے اہم مطالبات پر مشتمل ایک مفصل چارٹر آف ڈیمانڈ پیش کیا۔ اہم علاقائی مطالبات گلبرگہ ریجن میں KEA سب سنٹر کا قیام تاکہ مقامی طلبہ کو امتحانات میں سہولت حاصل ہو۔  بیدر ضلع میں منظور شدہ مقامات پر مولانا آزاد اسکولوں کا جلد آغاز۔  حج ہاؤس، بنگلورو میں مفت کوچنگ کلاسز میں ٹیکنیکل کورسز کی توسیع۔ کلیان کرناٹک (KK) خطہ میں تعلیمی ترقی کی خصوصی نگرانی اور مسلسل جائزہ۔ پی ایچ ڈی اسکالرز کے لیے فیلوشپس کا اجرا۔  اقلیتی اداروں بشمول مولانا آزاد ماڈل اسکول (MAMS) اور مورارجی دیسائی رہائشی اسکول (MRDS) کے بنیادی ڈھانچے کی بہتری۔  بیدر میں علی گڑھ مسلم یونیورسٹی (AMU) کے آف کیمپس کا قیام۔ دیونہلی میں اقلیتی یونیورسٹی کے قیام کی تجویز۔  سر...