Sadae Maharashtra E Urdu News Solapur صدائے مہاراشٹر ای اُردو خبر نامہ شولاپور

بھیونڈی: ( راست) معروف شاعر، محقق، نقاد اور ممتاز کالم نویس، جناب شمیم طارق صاحب کے دوسرے شعری مجموعے ’’جبر و قہر کا موسم‘‘ کی تقریبِ اجراء بروز سنیچر، 14 نومبر 2026ء کو صنوبر ہال، بھیونڈی میں منعقد ہوئی۔ تقریب کا افتتاح مہاراشٹر اردو ساہتیہ اکادمی کے چیئرمین ڈاکٹر سید حسین اختر صاحب کے دستِ مبارک سے عمل میں آیا۔ اس ادبی تقریب میں شہر کی ممتاز علمی، ادبی اور سماجی شخصیات نے شرکت کرکے شمیم طارق صاحب کی ادبی خدمات کو خراجِ تحسین پیش کیا۔ تقریب کے افتتاحی کلمات محمد رفیع انصاری نے ادا کیے۔ انہوں نے کتاب ’’جبر و قہر کا موسم‘‘ کے حوالے سے اپنے تاثرات پیش کرتے ہوئے کہا کہ شمیم طارق اردو ادب کے برانڈ ایمبیسڈر ہیں۔ ان کی ادبی، فکری اور صحافتی خدمات اردو زبان و ادب کا قیمتی سرمایہ ہیں۔ ان کی تحریروں میں فکر کی گہرائی، مشاہدے کی وسعت اور اظہار کی انفرادیت نمایاں نظر آتی ہے۔ اس موقع پر سرفراز مرمکر نے بھی اپنے خیالات کا اظہار کرتے ہوئے کتاب اور صاحبِ کتاب کی ادبی خدمات پر روشنی ڈالی۔ عامر اصغر قریشی نے سپاس نامہ پیش کیا اور تقریب میں شریک تمام معزز مہمانوں کا خیرمقدم کیا۔ مہاراشٹر ار...

عثمان آباد (راست) مسلم ویلفیئر اسوسییشن ممبئی کی جانب سے  امام الہند بھارت رتن مولانا ابوالکلام آزاد کی یوم پیدائش پر یومِ تعلیم کی مناسبت سے سٹیٹ بیسٹ ٹیچر (ریاستی مثالی معلم)ایوارڈ پروگرام کا انعقاد اورنگ آباد کے مولانا ابوالکلام آزاد ریسرچ سینٹر پر عمل میں آیا۔ اس ایوارڈ فنکشن میں ضلع عثمان آباد کے آٹھ مثالی اساتذہ کرام ریاستی اعزاز سے سرفراز کیے گئے۔ جن میں پی ایم شری ضلع پریشد اردو اسکول تیر کے متحرک صدر مدرس جناب محترم شاہ طیب علی سر، ضلع پریشد اردو ہائی اسکول کلمب کے فعال معلم جناب محترم شیخ ساجد احمد سر، گلشن اطفال اردو پرائمری اسکول کھرنی محلہ عثمان آباد کی فعال معلمہ محترمہ مہر النساء بیگم صاحبہ ، محمد منیر اردو پرائمری اسکول ہنگرگہ تعلقہ تلجاپور کے فعال معلم جناب محترم شیخ امتیاز سر، پنڈت جواہر لال نہرو اردو اسکول بھوم کی فعال معلمہ محترمہ شمیم بیگم صاحبہ، ضلع پریشد اردو پرائمری اسکول واشی کی فعال معلمہ محترمہ سیدہ فاطمہ صاحبہ، پی ایم شری بلدیہ اردو پرائمری اسکول نمبر آٹھ عثمان آباد کی فعال معلمہ محترمہ شیخ عظمیٰ بیگم صاحبہ شامل ہیں۔ ان تمام اساتذہ کرام کو با...

غریب لڑکیوں کی شادی میں امداد یا غریب مستحق لڑکوں کی سرپرستی؟ -  ہماری خیرات کا رخ معاشرتی اصلاح کی طرف ہونا چاہیے -  تحریر: ڈاکٹر محمد عبدالسمیع ندوی، (اسسٹنٹ پروفیسر، شعبۂ عربی، مولانا آزاد کالج، اورنگ آباد) موبائل نمبر: 9325217306 ہمارے معاشرے میں شادی بیاہ کے موقع پر مالی تعاون اور اجتماعی امداد کا جذبہ بلاشبہ ایک قابلِ قدر اور مستحسن جذبہ ہے۔ صاحبِ ثروت افراد، سماجی تنظیمیں اور اہلِ خیر حضرات غریب اور ضرورت مند خاندانوں کی بچیوں کی شادی کے لیے چندہ جمع کرتے ہیں، ان کے جہیز، کھانے پینے اور دیگر اخراجات کا انتظام کرتے ہیں۔ بظاہر یہ ایک نیک اور ہمدردانہ کوشش ہے، لیکن اگر اس عمل کا گہرائی سے جائزہ لیا جائے تو ایک اہم سوال سامنے آتا ہے کہ کیا ہماری مالی امداد واقعی ضرورت مندوں کی ضرورت پوری کر رہی ہے، یا انجانے میں ہم بعض ایسی معاشرتی رسموں اور غیر ضروری اخراجات کو بھی فروغ دے رہے ہیں جنہیں ختم کرنے کی ضرورت ہے؟ یہ سوال کسی کی نیک نیتی پر اعتراض نہیں، بلکہ ہمارے اجتماعی طرزِ عمل پر غور و فکر کی دعوت ہے۔ مدد کا جذبہ قابلِ قدر، مگر اس کا مصرف بھی قابلِ غور عام طور پر...

سوال و جواب -   رہبر تماپوری سوال: آپ کا قلمی نام کیا ہے؟ اور آپ نے اس نام کا انتخاب کیوں کیا؟ اس کے پیچھے کوئی خاص وجہ، کہانی یا خوب صورت خیال پوشیدہ ہے؟ از قلم: رہبر تماپوری جواب: میرا قلمی نام ’’رہبر تماپوری‘‘ ہے۔ ’’رہبر‘‘ کے معنی ہیں راستہ دکھانے والا یا رہنمائی کرنے والا۔ میرا اصل نام اطہر مبین ملا ہے۔ میں تین بہنوں کا اکلوتا بھائی ہوں۔ بچپن ہی سے بہنوں کی رہنمائی اور ذمہ داریاں نبھانے کا موقع ملا۔ ہائی اسکول کے زمانے میں کلاس مانیٹر ہونے کی وجہ سے میرے ہم جماعت مجھے پیار سے ’’امبیڈکر‘‘ کہہ کر پکارتے تھے۔ یوں اسکول ہی کے دنوں سے میری شخصیت کے ساتھ رہنمائی اور ذمہ داری کا پہلو وابستہ ہو گیا تھا۔ بعد ازاں، ٹی وی چینل پر معروف شاعرہ انجم رہبر صاحبہ کو دیکھ کر بہت متاثر ہوا۔ ان کی شخصیت اور نام نے مجھے خاص طور پر متوجہ کیا۔ یوں لفظ ’’رہبر‘‘ سے میری قلبی مناسبت بڑھتی گئی اور میں نے انہی سے متاثر ہو کر اپنے لیے ’’رہبر‘‘ قلمی نام منتخب کیا۔ ’’تماپوری‘‘ میرے آبائی وطن تماپور سے نسبت کی علامت ہے۔ یہ محض ایک علاقائی شناخت نہیں، بلکہ میری مٹی، میری تہذیب اور میری ادبی پہ...

احسان فراموشی سے بدخواہی تک: قرض معاملہ کے چند تلخ مشاہدہے افسوسناک رویّے -  تحریر: ڈاکٹر محمد عبدالسمیع ندوی،  (اسسٹنٹ پروفیسر، شعبۂ عربی، مولانا آزاد کالج، اورنگ آباد) موبائل نمبر: 9325217306 قرض لینا اور دینا محض مالی لین دین نہیں، بلکہ باہمی اعتماد، اخلاقی ذمہ داری اور انسانی شرافت کا معاملہ ہے۔ اسلام نے ضرورت مند کو قرض لینے کی گنجائش دی ہے، لیکن اس کے ساتھ قرض کی ادائیگی، وعدے کی پاسداری اور حقوق العباد کی حفاظت کو بھی غیر معمولی اہمیت دی ہے۔ ہمارے معاشرے میں ایک عام رویہ یہ دیکھنے میں آتا ہے کہ قرض لینے والا رقم حاصل کرتے وقت بڑے پُراعتماد انداز میں کہتا ہے: ’’دس دن کے اندر ادا کردوں گا، گیارہواں دن نہیں آنے دوں گا۔‘‘ کوئی یہ یقین دہانی کراتا ہے کہ ’’آپ کی رقم پھولوں میں رکھ کر واپس کروں گا۔‘‘ لیکن جب ادائیگی کا وقت آتا ہے تو نہ وعدہ یاد رہتا ہے، نہ الفاظ کی پاسداری۔ بعض اوقات قرض دہندہ کو اپنی ہی رقم کا مطالبہ کرنے پر ایسے تلخ رویّے اور ناشائستہ جملوں کا سامنا کرنا پڑتا ہے کہ مالی نقصان سے زیادہ اس کے دل کو پہنچنے والی چوٹ تکلیف دہ محسوس ہوتی ہے۔ گویا قرض ل...

جلگاؤں (عقیل خان بیاولی): کسی زبان کی بقا اور اس کی تہذیبی شناخت کا انحصار محض اس کے بولنے والوں کی تعداد پر نہیں ہوتا، بلکہ ان اہلِ قلم، ادباء، شعراء، صحافیوں اور فنکاروں کی خدمات پر ہوتا ہے جو اپنی تخلیقی صلاحیتوں اور فکری کاوشوں سے زبان و ادب کے چراغ روشن رکھتے ہیں۔ ان محسنین کی حوصلہ افزائی دراصل اپنی تہذیبی جڑوں کو مضبوط کرنے اور آنے والی نسلوں کے لیے علمی و ادبی ورثہ محفوظ کرنے کا عمل ہے۔ اسی فکر اور جذبے کے تحت الفیض فاؤنڈیشن جلگاؤں کے روحِ رواں، ممتاز ماہرِ تعلیم، علم دوست اور فروغِ اردو کے علمبردار الحاج عبدالکریم سالار کی دیرینہ کاوشوں کے نتیجے میں 14 نومبر کو جلگاؤں میں ضلع کے ادباء، شعراء، صحافیوں اور اہلِ قلم کی پذیرائی کے لیے ایک پُروقار سالانہ تقریب منعقد ہوئی۔ الحاج عبدالکریم سالار کی زیرِ قیادت منعقدہ اس تقریب میں ضلع جلگاؤں اور خاندیش کے مختلف علاقوں سے تعلق رکھنے والی ان شخصیات کو ان کی ادبی، صحافتی، شعری اور لسانی خدمات کے اعتراف میں اعزازات، توصیفی اسناد، شال، گل اور نقد انعامات پیش کیے گئے۔ اس موقع پر مہتاب عالم (بھوپال)، اعجاز احمد عبدالغفار ملک، ڈاک...

غزل -  سیدمحمودانعام دار محمود بیجاپور 9972166276 زندگی جب یہ باوضو نہ رہی تجھ سے ملنے کی آرزو نہ رہی دیکھ کر آئینہ میں حیراں ہوں میری صورت بھی ہو بہو نہ رہی یہ چمن ہے بھرا گلوں سے مگر ان کےدامن میں رنگ و بو نہ رہی مجھ پہ الزام بےوفائی کا زندگی سن کہ تُو بھی تُو نہ رہی یہ بصارت کا فائدہ کیا ہے تیری صورت جو روبرو نہ رہی جب سےآغوش میں تری آیا مجھکو جنت کی جستجو نہ رہی دل میں اس کو بسالیا محمود اب تلاش اسکی کوبکو نہ رہی سیدمحمودانعام دار محمود بیجاپور 9972166276

گلبرگہ: (ای میل) کرناٹکا اردو اکیڈمی، بنگلورو ریاستِ کرناٹکا کے زیرِ اہتمام شائع ہونے والی حضرت علامہ مولانا مفتی سید شاہ حسینی پیراں صاحب قبلہ، سب ایڈیٹر سید محمد گیسودراز ریسرچ اکیڈمی گلبرگہ کی تصنیف کردہ کتاب ’’نور المشائخ: حضرت سید شاہ خلیل اللہ حسینی صاحب قبلہ کی شخصیت، دینی، علمی و ادبی خدمات‘‘ کی اشاعت اور رسمِ اجرا کے موقع پر محترم جناب ڈاکٹر شیخ محمد سراج الدین صاحب اور محترم جناب ناصر عظیم صاحب، مدیر اعلیٰ روزنامہ عالمی ہم سفر، گلبرگہ نے حضرت نور المشائخ سید شاہ خلیل اللہ حسینی صاحب قبلہ مدظلہ العالی اور صاحبِ کتاب حضرت مولانا مفتی سید شاہ حسینی پیراں صاحب قبلہ کو ان کے دولت کدہ پر پہنچ کر مبارکباد پیش کرتے ہوئے تہنیت کی۔ اس موقع پر دونوں حضرات کی گلپوشی و شال پوشی کی گئی۔ اس موقع پر حضرت علامہ مولانا قاری سید شاہ مجتبیٰ حسینی صاحب قبلہ، برادر سجادہ نشین بارگاہ گلسرم و کرکندہ شریف بھی موجود تھے۔اس موقع پر ڈاکٹر شیخ محمد سراج صاحب نے اپنے خیالات کا اظہار کرتے ہوئے کہا کہ یہ نہایت مسرت اور انفرادیت کی بات ہے کہ ایک فرزند نے اپنے والدِ محترم کی دینی، علمی و ادبی ...

ظہیرآباد (نمایندہ)  نظامی شہرظہیرآباد سینئر کانگریسی رہنما محمد مجاہد سیٹھ کا وزیر اعلیٰ ریونت ریڈی سے مطالبہ  کیا ہے کہ ظہیرآباد سے مارکیٹ کمیٹی چیئرمین کے عہدے پر کسی مسلمان نمائندے کو نامزد کیا جائے  اپنے بیان میں محمد مجاہد سیٹھ نے کہا کہ ظہیرآباد کے مسلمان آزادی کے بعد سے آج تک کانگریس پارٹی کے ساتھ رہے ہیں اور ہر الیکشن میں پارٹی کے لیے دل و جان سے کام کیا ہے۔ انہوں نے کہا کہ مسلمانوں نے ہمیشہ کانگریس کو مضبوط کرنے میں اہم کردار ادا کیا ہے، اس لیے اب وقت آ گیا ہے کہ ان کی خدمات اور محنت کا صلہ دیا جائے۔  محمد مجاہد سیٹھ نے مطالبہ کیا کہ ظہیرآباد مارکیٹ کمیٹی چیئرمین کا عہدہ کسی اہل مسلمان نمائندے کو دے کر مسلمانوں کی دیرینہ خدمات کا اعتراف کیا جائے

شادی خانہ آبادی   بیدر، 14 نومبر (نامہ نگارمحمد عبدالصمد): جناب عبدالمجید خان صاحب مرحوم کی پوتری اور جناب قیصر رحمن صاحب مرحوم (نمائندہ سیاست، بیدر)کی نواسی وجناب محمد فیروز خان پروپرائٹر ایف کے پٹرولیم، بی پی سی ایل بیدر، ساکن گولہ خانہ بیدر کی دختر کا عقدِ مسعود جناب الحاج محمد نثار احمد، سابق کونسلر، ساکن ملتانی کالونی بیدر کے فرزند جناب ڈاکٹر محمد ضماد احمد عرف سمیر کے ساتھ جامع مسجد بیدر میں نہایت مسرت و خوشگوار ماحول میں انجام پایا۔ اس موقع پر خطبۂ نکاح جناب ڈاکٹر سید حسام الدین قادری عزیز، صدر قاضی بیدر نے پڑھا، جبکہ ایجاب و قبول کی کارروائی مولانا مفتی محمد فیاض الدین نظامی،صدر نائب قاضی بیدر نے انجام دی۔ اس موقع پر علماء کرام نے نکاح کی اہمیت، فضیلت اور مسائل پر اپنے بصیرت افروز خطابات پیش کیے۔ بعد ازاں عزہ کنگ پیالیس بیدر میں پرتکلف دعوتِ ضیافت کا اہتمام کیا گیا، جس میں علماء کرام، مشائخ عظام، سیاسی، سماجی و ملی شخصیات کے علاوہ مختلف شعبہ ہائے حیات سے تعلق رکھنے والے معززین نے کثیر تعداد میں شرکت کرتے ہوئے نو بیاہتا جوڑے کو مبارکباد پیش کی اور نیک تمناؤں...

    کے این واصف :  سعودی دفاعی فضائی نظام نے اتوار کی صبح ریاض کی جانب داغے گئے دو بیلسٹک میزائل تباہ کر دیے۔ جبکہ الشرقیہ ریجن میں تین ڈرون مار گرائے گئے۔ سعودی پریس ایجنسی “ایس پی اے” کے مطابق عرب اتحاد کے ترجمان میجر جنرل ترکی المالکی نے بتایا ریاض کی جانب داغے جانے والے بیلسٹک میزائلوں کو انٹرسپیٹ کرکے تباہ کیا گیا جبکہ الشرقیہ ریجن میں ڈرونز کو روکا گیا ہے۔ المالکی کے مطابق ایران کی حمایت یافتہ حوثی ملیشیا سعودی عرب میں شہری تنصیبات جن میں ایئرپورٹس اور انرجی انفرا سٹرکچر شامل ہیں کو مسلسل نشانہ بنا رہی ہے۔ حوثیوں نے خطے میں بڑھتی ہوئی کشیدگی کے دوران سعودی اہداف پر حملوں میں اضافہ کیا ہے۔

کے این واصف :  ہمارے ملک کے سرکاری اسپتالون کی شبیہ اچھی نہیں ہے۔ مگر آل انڈیا انسٹیٹیوٹ آف میڈیکل سائنس (AIIMS) ملک کے بڑے اور قبلِ بھروسہ اسپتال منانے جاتے ہیں۔ مگر پچھلے دنوں AIIMS کی بھی قلعی کھل گئی۔ معروف یوٹیوب چیانل آرٹیکل 19 کی خبر کے مطابق AIIMS گورکھپور کی ڈائریکٹر ڈاکٹر وبھا دتتا کو سینے میں درد کی شکایت ہوئی۔ فوری AIIMS کی ایمبولنس طلب کی گئی۔ مگر انھیں علاج کے لیے سرکاری AIIMS میں نہیں بلکہ شہر کے ایک خانگی اسپتال میں داخل کریاگیا۔ یعنی خود AIIMS کی ڈائریکٹر نے اپنے علاج کے لیے AIIMS پر بھروسہ نہیں کیا۔  یہ خبر سنکر ایک لطیفہ یاد آیا۔ کسی رسٹورنٹ میں ایک شخص نے کھانے کے کچھ آئٹمز آڈر کئے۔ کھانا شروع کیا تو محسوس کیا کہ کھانا بہت بے ذائقہ ہے۔ کسی میں شدید مرچ تو کسی میں نمک ندارد۔ ناراض شخص نے بیرر سے شکایت کی اور کہا کہ تمھاری رسٹورنٹ کا کوئی آئٹم کھانے کے لائق ہی نہیں۔ جاؤ اور ایک چائے ہی لے آؤ۔ اس شخص نے چائے کی پہلی چسکی لی اور بھڑک اٹھا۔ کہا یہ کیا رسٹورنٹ ہے۔ چائے تک گرم نہیں۔ جھلّا کر بولا جاؤ اور فوری تمھارے منیجر کو بھیجو۔ بیرر نے کہا سر آپ ...

کے این واصف :  بازاروں کی ناقص غذائی اشیاء، مرغن غذائیں، غیر صحتمندانہ لائیف اسٹائیل کی وجہ سے نوجوان نسل بھی موٹاپے‘ ذیابطیس، بی پی علاوہ مختلف امراض اور اعصابی کمزوری کا شکار ہورہے ہیں۔ مکمل صحت کے ساتھ طویل عمر کے لئے ضروری ہے کہ اُن غذائی اشیاء کا استعمال کیا جائے جو سادہ ہوں، اور سنت رسول کے مطابق ہوں۔ ان خیالات کا اظہار جناب محمداظہر شریف منیجنگ ڈائرکٹر و سی ای او میشٹرون ٹکنالوجیز OPC پرائیویٹ لیمیٹیڈ نے کیا۔ وہ میڈیا پلس آڈیٹوریم میں البارکہH4 Porridge (تلبینہ) پراڈکٹ کی مارکٹ میں پیشکشی کے موقع پر پریس کانفرنس سے مخاطب تھے۔ اس موقع پر عمائدین واکابرین ملت کثیر تعداد میں موجود تھی۔ جناب اظہر شریف نے بتایا کہ میشٹرون ٹیکنالوجیز طبی آلات کے علاوہ صحت بخش غذائی اشیاء کی تیاری کے لئے ملک و بیرون ملک میں اپنی منفرد پہچان کے حامل ہیں۔ ہیلتھ کیئر سیکٹر کے لئے میشٹرون، میڈیکل ڈیوائسیس تیار کرتی ہے اس کے علاوہ اس میں H4البارکہ تلبینہ(Porridge) کو پیش کیا ہے جو ڈرائی فروٹس اور غذائیت سے بھرپور اجزاء سے تیار کیا گیا ہے۔ جسے گرم پانی یا دودھ میں ملاکر استعمال کیا جاسکتا ہے۔...

کے این واصف :  دنیا میں بجلی پیدا کرنے کے متبادل طریقوں پر عمل کیا جارہا ہے۔ اس سلسلہ میں سعودی الیکٹرک سٹی ریگولیٹری اتھارٹی نے شمسی توانائی و دیگر ذرائع سے بجلی پیدا کرنے کے حوالے سے نئے ضوابط جاری کردیئے ہیں۔ جاری کیے گئے ضوابط کا مقصد سولر اور دیگر ذرائع سے بجلی پیدا کرنے والے سسٹم کی تنصیب اور صارفین کے حقوق کے تحفظ کو یقینی بنانا ہے۔ مقامی میڈیا کے مطابق نئے ضوابط میں شمسی توانائی، ہوا، حیاتیاتی ایندھن اور کچرے سے بجلی پیدا کرنے والے نظاموں کے علاوہ بجلی کو اسٹور کرنے والی ٹیکنالوجی بھی شامل ہوں گی۔  اتھارٹی کا کہنا تھا کہ بجلی پیدا کرنے والے نظامون کی زیادہ سے زیادہ صلاحیت ایک میگا واٹ سے بڑھا کر 50 میگا واٹ کردی گئی ہے۔ الیکٹرک اتھارٹی نے صارفین، ٹھیکیداروں اور متعلقہ افراد کو نئے ضوابط کا مطالعہ کرنے اور نظام کی تنصیب سے قبل ضروری شرائط و طریقہ کار سے مکمل آگاہی حاصل کرنے کی ہدایت کی ہے۔

کے این واصف :  مملکت میں گوکہ حوثی حملوں کی وجہ سے کسی حد تک حالات کشیدہ اور خوفزدہ ضرور ہیں مگر مہمانان رب العزت سے پر شہر مکہ کی رونقیں بدسطور قائم ہیں۔ آج بھی شہرِ مقدس مکہ مکرمہ کا شہری منظر رات کے وقت ایک منفرد رنگ اختیار کر لیتا ہے جہاں سڑکوں، عمارتوں اور عوامی مراکز کی روشنیاں آپس میں مل کر شہر کی خوبصورتی کو نکھارتی ہیں۔ سعودی پریس ایجنسی “ایس پی اے” کے مطابق رات کے وقت مکہ مکرمہ کی رونقوں کا اپنا ہی ایک خاص انداز ہے۔ زائرین مقدس شہر میں آمد و رفت جاری رکھتے ہیں جبکہ سڑکیں اور تمام سہولتیں 24 گھنٹے فعال رہتی ہیں۔ مکہ میونسپلٹی نے مستقل بنیادوں پر شہر کو منور رکھنے کے لیے منظم اور جدید ترین انتظامات کیے ہیں۔ میونسپلٹی کی جانب سے شہر میں ایک لاکھ 45 ہزار لائٹنگ ٹاورز اور کھمبے نصب ہیں جبکہ مرکزی مقامات میں مزید پانچ ہزار ٹاورز اور پلرز کے ذریعے روشنی کا انتظام کیا گیا ہے۔ میونسپلٹی کے مطابق شہری ماحول کو بہتر بنانے کے منصوبوں میں سڑکوں اور فٹ پاتھ کی بحالی، پارکوں، چوراہوں اور تفریحی مقامات کی ترقی، شجر کاری، صفائی اور ماحولیاتی بہتری کے اقدامات شامل ہیں۔ مکہ مک...

ڈاکٹر زبیر احمد اسداللہ سلفی کے اعزاز میں تہنیتی تقریب ۔ مکتب جالیات ریاض۔  ریاض (پریس نوٹ)  منزلیں ان ہی کی ہیں جن کے عزم پختہ ہیں کامیاب لوگوں کا بس یہی حوالہ ہے جمعہ کی شب مکتب جالیات بدیعہ ، ریاض ، سعودی عرب کے وسیع و عریض ہال میں دین رحمت کانفرنس کا انعقاد عمل میں آیا۔ جس کی صدارت ڈاکٹر عبدالباری فتح اللہ مدنی حفظہ اللہ نے فرمائی۔ جبکہ نظامت کے فرائض محترم مظفر حسین مدنی حفظہ اللہ نے نہایت حسن و خوبی کے ساتھ انجام دیے۔ عبدالرحمٰن راشد عمری کے مطابق اس موقع پر رابطہ کمیٹی اردو جالیات ، ریاض ، سعودی عرب کے ذمہ دار محترم جلال بن نثار احمد اور ان کے رفقا نے ڈاکٹر زبیر احمد اسداللہ سلفی حفظہ اللہ کو جامعہ الملک سعود سے ڈاکٹریٹ کی اعلی ڈگری حاصل کرنے پر یادگاری شیلڈ پیش کرکے ان کی کامیابی اور خدمات کا اعتراف کیا۔ یہ ایک قابلِ ذکر امر ہے کہ ڈاکٹر زبیر احمد اسداللہ سلفی نیپال کے پہلے خوش نصیب اور ہونہار فرزند ہیں جنہوں نے کنگ سعود یونیورسٹی سے ڈاکٹریٹ کی ڈگری حاصل کرنے کا اعزاز حاصل کیا ہے۔ بلاشبہ یہ انفرادی کامیابی کے ساتھ پوری قوم کے لیے بھی باعثِ افتخار ہ...

جلگاؤں :15/نومبر (صلاح الدین ادیب) :  کسی بھی مشن کو مکمل کرنے کے لیے بھیڑ کی نہیں بلکہ چند مخلص افراد کی ضرورت ہوتی ھے ایسا اظہار خیال معروف صحافی ڈاکٹر مہتاب عالم نے جلگاوں اقرا تھیم کالج میں ضلع کے شعراء ادبا اور صحافی کے اعزاز میں منعقدہ ایک باوقار تقریب کو مخاطب کرتے ہوےکیا. مہتاب صاحب کا کہا کے کسی بھی تقریب میں کتنے لوگوں نے شرکت کی یہ نہیں دیکھنا چاہیئے بلکہ یہ دیکھا جانا چاہیے کہ کیسے لوگوں نے شرکت کیں. تقریب کی صدارت ڈاکٹر عبدالکریم سالار نے فرمایٔ. اس موقع پر اردو کارواں کے صدر فرید خان نےکہا کہ کوئی بھی کام اگر اخلاص اور خلوص کے ساتھ کیا جاے تو اس کی بنیادیں مستحکم ہوتی ھے. الفیض فاونڈیشن خلوص کے ساتھ جلگاوں ضلع کے ادبا شعراء اور صحافیوں کا ہر سال اعزاز کرنا قابل ستائش ھے. ڈاکٹر اداسی مشتاقِ کریمی مفتی ہارون ندوی نے بھی اپنے خیالات کا اظہار کیا.  اس تقریب میں معروف اناونسر ہارون عثمانی اردو کارواں کے فرید خان اور ڈاکٹر مہتاب عالم (بھوپال) کو نشان الفیض ایوارڈ سے سرفراز کیا گیا.  اسی طرح ڈاکٹر مولچند اداسی پروفیسر ڈاکٹر مہندر پگارے اور سنیل کمار اہس...

آہ ! مولانا عمران احمد ملی غزالی صاحب(سابق امام مسجد عبدالعزيز مالدہ شیوار ) نہ رہے -  از قلم : مفتی محمد اسلم جامعی -  (استاذ دارالعلوم محمدیہ قدوائی روڑ مالیگاؤں)  آہٹ بھی نہ محسوس ہوئی ختمِ سفر تک  یہ عُمرِ رواں کتنے دبے پاؤں چلے ہے خواب ہوکر رہ گئی ہیں کیسی کیسی صحبتیں  داغِ فرقت دے گیا کیسا کیسا آشنا  اس دنیا میں ہر گزرنے والا لمحہ انسان کو زندگی سے دور اور موت سے قریب تر کررہا ہے یہی سانس جو سببِ حیات ہے زندگی کو موت کی جانب ڈھکیل رہی ہے یہاں نہ کسی کو ثبات ہے اور نہ دوام بل کہ ہر خوش حال و خوش قامت کو کُلُّ نفسٍ ذائقةُ الموت کی صدا لرزہ بر اندام کررہی ہے عُمرِ عزیز کی قیمتی ساعتوں کی سواری اتنی تیز گام اور بے لگام ہے کہ نہ اس کے مسافر کے ہاتھ میں اس کو روکنے کی باگ ہے نہ رفتار دھیمی کرنے کی عنان یہاں آنے جانے کا سلسلہ اتنا متفق علیہ مسئلہ ہے کہ اس میں کسی کو سر مو اختلاف نہیں مگر بعض جانے والے ایسے ہوتے ہیں جن کی جدائی اور فُرقت اپنے اور اغیار ہر ایک کے لیے رنج و غم اور تکلیف کا باعث ہوتی ہے، راقم السطور گھر سے عصر کی نماز پڑھانے کے لیے ...

آندھراپردیش (راست) میونسپل نقاش اردو ہائی اسکول میں قومی یومِ اطفال کے موقع پر پنڈت جواہر لال نہرو کی تصویر پر پھولوں کے ہار چڑھا کر تقریب کا شاندار انعقاد کیا گیا۔ اس موقع پر ریاستِ آندھرا پردیش کے ضلع وائی ایس آر کڑپہ سے تعلق رکھنے والے معروف اردو شاعر، ادیب اور ریاستی بہترین استاد ایوارڈ یافتہ ستار فیضی کی چودہ تازہ اور منتخب اردو نظموں پر مشتمل کتاب "تحفۂ اطفال" کا رسمِ اجراء نہایت تزک و احتشام کے ساتھ عمل میں آیا۔ اس تقریب سے خطاب کرتے ہوئے مصنفِ کتاب ستار فیضی نے کہا کہ وہ یہ کتاب اردو طلبہ و طالبات کو بطورِ تحفہ پیش کر رہے ہیں۔ انہوں نے وضاحت کی کہ اس مجموعے میں حمد، وقت، سچ بولنے کی عادت، آدابِ زندگی، جنگل، جامن، پرندوں کی دنیا، کھیل کود (آؤ کھیلیں)، جھگڑا مت کرو، چوہا، بندر، دیوالی، کریلا اور یومِ اطفال جیسے مختلف دلچسپ موضوعات پر نظمیں شامل کی گئی ہیں۔ جلسے کی صدارت کرتے ہوئے ایس ٹی یو (STU) کے ریاستی قائد الیاس باشا نے کہا کہ ان نظموں کے مطالعے سے طلبہ میں ادب سے شغف، تعلیم میں دلچسپی، تلفظ کی درستگی اور ذخیرۂ الفاظ میں اضافہ ہوگا۔ انہوں نے مزید کہا کہ ...

غزل -  میربیدری، کرناٹک  وئی تو رستہ پٹیل کا ہے  تو یاں بی جلوہ پٹیل کا ہے  ہمارے داد ا بڑے تھے سب سے  یہی تو خطبہ پٹیل کا ہے  سداکے دشمن بی کھا کو جانا  عجیب جذبہ پٹیل کا ہے  وہ کھیت میں چھوڑ کوچ جاتیں  ملا سو لوٹا پٹیل کا ہے خداکاہے فضل، گاڑی ہے پاس  مگر کھٹارا پٹیل کا ہے  کسی کی سنتاچ نئیں کبی بھی  میاں یہ کُھلگا پٹیل کا ہے  ہم آکو کاں ٹھر سکتیں پاشا جو کُچ ہے درجہ پٹیل کا ہے  ذرا بی مالوم نئیں ہے سب كو وزیر بیٹا پٹیل کا ہے  مگر کوئی کائیکو بول دِنگا  ہر ایک صوبہ پٹیل کا ہے  میں بیچ مے جارا نئیں، نہ تم جؤ یہ سارا جھگڑا پٹیل کا ہے  ملنگا کس کو،کبھی یہ سوچے  مقام جیسا پٹیل کا ہے  کبھی تو زلدی، کبھی ہے فرصت اسی میں سجدا پٹیل کا ہے زمانے بھر میں خدا کا ہُنگا  زمیں پہ قبضہ پٹیل کا ہے مِجے تو اچھا برا پتہ نئیں  مگر وہ شدّا پٹیل کا ہے  یہ جنوراں سارے میرے ہیں میرؔ وہ گھی، یہ مسکا پٹیل کا ہے

  بیدر۔ 14/نومبر(محمدیوسف رحیم بیدری) 14-11-2026، ہفتہ کوشہر کے نہرو اسٹیڈیم کے قریب واقع گرو نانک پبلک اسکول میں یوم اطفال کا پروگرام بڑے جوش و خروش اور شان و شوکت کے ساتھ منایا گیا۔اسکول کے سابق طالب علم اور فزیو تھراپسٹ ڈاکٹر ارون شرشٹی پروگرام کے مہمان خصوصی کے طور پر پہنچے اور پنڈت جواہر لال نہرو کی تصویر پر پھول چڑھائے اور دعا کر کے پروگرام کا آغاز کیا۔اس موقع پر انہوں نے کہا کہ بچے ملک کے مستقبل کے معمار ہیں۔ بچوں میں چھپی صلاحیتوں، تخلیقی صلاحیتوں اوردیگر صلاحیتوں کو پہچاننا اور ان کی حوصلہ افزائی کرنا ہر استاد اور والدین کا فرض ہے۔ تعلیم کے ساتھ ساتھ ثقافت، نظم و ضبط اور انسانی اقدار کو بھی ابھارنا چاہیے۔ پنڈت جواہر لعل نہرو بچوں سے بے پناہ محبت کرتے تھے۔ انہوں نے بچوں پر زور دیا کہ وہ ان کے نظریات کو زندگی میں اپنائیں اور اچھے شہری بنیں۔ایک اور مہمان خصوصی اور سابق طالبہ ڈاکٹر نیہا مہوین نے خطاب کرتے ہوئے کہا کہ طلباء کتابیں زیادہ سے زیادہ پڑھیں اور علم میں اضافہ کریں۔ انہیں چیٹ جی پی ٹی پر انحصار نہیں کرنا چاہئے، انہیں اپنی ذہانت کو استعمال کرنے کی کوشش کرنی ...

منااکھیلی- 14/نومبر (عبدالقدیر لشکری)چٹگوپہ تعلقہ کے منااکھیلی میں بس اسٹینڈ کے روبرو تعمیر کردہ نئے تجارتی کامپلیکس (دکانوں) پر کنڑا زبان میں تحریر کردہ گرام پنچایت منااکھیلی کے نام کو نامعلوم افراد کی جانب سے کالے رنگ کے پینٹ کے ذریعے مٹانے کی کوشش کی گئی ہے اس واقعہ پر سخت ردعمل ظاہر کرتے ہوئے چٹگوپہ تعلقہ پنچایت کے ایگزیکٹو آفیسر (ای او) لنگراج پاٹل نے صحافیوں سے کہا کے اس طرح کی حرکت انتہائی غیر ذمہ دارانہ اور قابل مذمت ہے انہوں نے واضح طور پر کہا کے خواہ وہ کسی بھی سرکاری محکمہ کا نام ہو سرکاری املاک اور ناموں کے ساتھ اس قسم کی چھیڑ چھاڑ ہرگز نہیں ہونی چاہئے   ای او لنگراج پاٹل نے مزید بتایا کے وہ اس معاملے کا سخت نوٹس لینگے

بیدر۔ 14/نومبر (پریس نوٹ) جناب محمد فیروز خان سابق رکن ضلع پنچایت بیدر اور مالک ایف کے پٹرولیم کی برخورداری نورچشمی اسماء خانم سلمہا کا عقدمسعودعزیزم ڈاکٹر محمد ضماد احمد عرف سمیرسلمہ، فرزند الحاج محمد نثاراحمد سابق رکن مجلس بلدیہ بیدر کے ہمراہ بروزجمعرات 12/نومبر کو بعدنماز عصر جامع مسجد بیدر میں بحسن وخوبی انجام پایا۔  ڈاکٹر سیدحسام الدین عزیر،صدر قاضی دارالقضاء ت بیدر نے خطبہ ء نکاح پڑھایا۔اور مولانا بشیرالدین حسامی حیدرآباد نے بیان کے علاوہ عاقدین کی کامیاب عملی زندگی کے لئے خصوصی دعافرمائی۔ بعدنماز مغرب عزہ کنگ فنکشن ہال بیدر میں پرتکلف ضیافت کااہتمام دیکھنے کوملا۔ جس میں علمائے دین، مشائخین عظام، رکن پارلیمنٹ بیدر، اراکین اسمبلی، اراکین کونسل، مذہبی، سیاسی، سماجی،قائدین، وکلاء، صحافی، مختلف محکمہ جات کے انجینئرس، عہدیداران ِ سرکاری کے علاوہ معززین شہر وبیدر ضلع کے مختلف مواضعات، پڑوسی ریاستوں (تلنگانہ اور مہاراشٹر) سے رشتہ دار ودوست احباب نے محفل عقدوضیافت میں شرکت کی۔دلہن کے والد محترم جناب محمد فیروز خان، اوردلہن کے  بڑے بھائی محمد افسرخان وجمیع خان فیملی ...

سولاپور  (اقبال باغبان)  :  شہر شولا پور میں انجمنِ قدیر شولا پوری کے زیرِ اہتمام بزمِ غالب سولاپور میں ذکرِ بشیر پرواز کا انعقاد کیا گیا ۔ اصلاحی و فلاحی تنظیم کے بانی صدر سید یعقوب علی خطیب کی صدارت میں پروگرام کا آغاز ہوا۔ انجمنِ قدیر کے صدر ڈاکٹر آصف اقبال نے مہمانان کا تعارف پیش کرتے ہوئے بشیر پرواز کی شخصیت پر روشنی ڈالی۔   گلبرگہ سے تشریف فرما اردو ادب کی معروف شخصیت ڈاکٹر اکرم نقاش نے بشیر پرواز کے مجموعہ کلام خیال پر تفصیلی روشنی ڈالی آپ نے  اردو شاعری میں نظریات کا ارتقاء جدیدیت، ترقی پسند، ما بعد جدیدیت وغیرہ پر مثالوں اور حوالوں سے گفتگو کی آپ کی تقریر کو بہت سراہا گیا۔  ممبئی سے تشریف فرما اردو ڈرامے کی متحرک شخصیت مجیب خان نے بشیر پرواز اور اردو ڈرامے کی تاریخ کو  بیان کرتے ہوئے کہا کہ بشیر پرواز نے پردے کے پیچھے رہ کر اردو ڈرامے کو زندگی دی ہے آپ کے تخلیق کردہ ڈرامے اردو ادب کا اہم اثاثہ ہیں۔ آپ نے مزید کہا کہ ڈراموں کے حوالے سے بھی ضرور غور فرمائیے اور اس سلسلے میں کوئی مثبت اور پائیدار لائحۂ عمل مرتب کیجیے۔ ممبئ...

ہفت روزہ خاندیش نامہ: اردو صحافت کی خدمت، عوامی احساسات کی ترجمانی اور عزم و استقامت کے تین کامیاب سال!   "ضلع جلگاؤں کے اردو داں طبقے کی توانا آواز؛ محدود وسائل کے باوجود زبان و ادب، تہذیب و ثقافت اور عوامی مسائل کے ترجمان کی حیثیت سے ایک قابلِ قدر صحافتی سفر" -  عقیل خان بیاولی، جلگاؤں  صحافت محض خبروں کی اشاعت، واقعات کی ترجمانی یا حالاتِ حاضرہ کی عکاسی کا نام نہیں، بلکہ یہ سماج کے اجتماعی شعور کو بیدار کرنے، عوامی احساسات کو زبان دینے، حق و صداقت کی پاسداری کرنے اور زبان و تہذیب کے تحفظ کی ایک اہم ذمہ داری بھی ہے۔ خصوصاً اردو صحافت کی اہمیت اس اعتبار سے دوچند ہو جاتی ہے کہ وہ نہ صرف عوامی مسائل و معاملات کی ترجمانی کرتی ہے بلکہ ہماری تہذیبی شناخت، علمی ورثے، ادبی سرمائے اور لسانی تشخص کی امین بھی ہے۔ ایسے حالات میں جب پرنٹ میڈیا نت نئے چیلنجز سے دوچار ہے اور ڈیجیٹل ذرائع ابلاغ کی برق رفتار یلغار نے اخبارات کی اشاعت و بقا کو مشکل بنا دیا ہے، اردو زبان میں کسی معیاری ہفت روزہ اخبار کا مسلسل تین برس تک اپنے اشاعتی سفر کو کامیابی سے جاری رکھنا یقیناً قابل...

بیدر، 15 نومبر (نامہ نگار): ضلع بیدر کے موضع چٹنلی میں مہاراج ویر بھدریشور جی کے سالانہ جاترا اور میلے کا نہایت جوش و خروش اور عقیدت و احترام کے ساتھ انعقاد عمل میں آیا۔ اس موقع پر کانگریس کے نوجوان اور بے باک قائد جناب تنویر احمد خان نے خصوصی شرکت کی۔ وہ بگدل حلقہ ضلع پنچایت سے کانگریس کے متوقع امیدوار بھی ہیں۔ اس موقع پر مندر کمیٹی اور گاؤں کے عوام کی جانب سے جناب تنویر احمد خان کی شال پوشی اور گلپوشی کرتے ہوئے انہیں اعزاز سے نوازا گیا۔ جناب تنویر احمد خان نے اس مبارک موقع پر مدعو کیے جانے اور محبت و حوصلہ افزائی سے نوازنے پر مندر کمیٹی اور تمام اہلِ چٹنلی کا دلی شکریہ ادا کیا۔ انہوں نے کہا کہ اس تقریب کا سب سے خوبصورت اور قابلِ ستائش پہلو یہ رہا کہ ہندو، مسلمان، عیسائی سمیت تمام مذاہب اور طبقات سے تعلق رکھنے والے افراد نے بلا کسی امتیاز کے ایک خاندان کی طرح مل جل کر اس تہوار کی خوشیاں منائیں۔ انہوں نے کہا کہ چٹنلی کے عوام نے اپنے عمل سے ’’تنوع میں اتحاد‘‘ (Unity in Diversity) کی حقیقی روح کو اجاگر کرتے ہوئے باہمی محبت، بھائی چارے اور مذہبی ہم آہنگی کی بہترین مثال پیش کی ...

بھیونڈی: (راست) بروز سنیچر یوم اطفال کے موقع پر فعال ادبی تنظیم بزم انصار ادب کے زیر اہتمام صنوبر ہال،بھیونڈی میں معروف شاعر، نقاد، محقق و کالم نویس شمیم طارق صاحب کے دوسرے شعری مجموعہ "جبر و قہر کا موسم" کے تقریبِ رسم اجراء میں اظہار خیال کرتے ہوئے صاحب کتاب نے کہا کہ، " فی زمانہ ایسے اشعار کی کثرت ہے جن کا کوئی مطلب نہیں ہے جبکہ شعر کے لیے شرط ہے کہ وہ تاریخ اور معمولات و مشاہدات کے خلاف نہ ہو۔ میرے کہے ہوئے شعروں میں بعض کا تعلق محسوسات سے ہے ، بعض کا مشاہدات سے اور بعض کا ذاتی تجربات و واردات سے۔ خرافات سے کسی شعر کا تعلق نہیں ہے کہ میں شعر میں بھی دعویٰ بغیر دلیلِ موزوں نہیں کرتا۔" شمیم طارق نے اپنے کئی اشعار بھی سنائے ، درد کے حوالے سے کسی دوسرے کا شعر پڑھتے ہوئے انہوں نے کہا کہ درد میں یہ صلاحیت نہیں کہ وہ کدھر سے اٹھے اور کدھر سے نہ اٹھے، اپنا ایک شعر اس حوالے سے سنایا کہ  زخم ہی زخم ہو جب جسم کے ہر حصے میں،  کیابتائیں کہ بھلا درد کہاں ہوتاہے۔ تقریب کے صدارت فرماتے ہوئے پرنسپل ضیاء الرحمن انصاری صاحب نے شمیم طارق کی نثر ، نظم اور صحاف...

عورت کا مقام -  ازقلم: رہبر تماپوری  ، مہمان معلم، جامعہ اسلامیہ احیاء العلوم، جامعہ نگر، تماپور، ضلع یادگیر، ریاستِ کرناٹک، انڈیا رابطہ: 8431012141 عورت انسانی تہذیب کی بنیاد ہے۔ وہ ماں، بیٹی، بہن اور بیوی کے رشتوں میں محبت، تربیت اور توازن عطا کرتی ہے۔ جس طرح عمارت کی مضبوطی اس کی بنیاد پر منحصر ہوتی ہے، اسی طرح مضبوط معاشرے کی تشکیل میں عورت کا کردار بنیادی اہمیت رکھتا ہے۔ اسلام سے پہلے عرب معاشرے میں عورت کی حالت انتہائی ابتر تھی۔ بیٹی کی پیدائش کو باعثِ شرم سمجھا جاتا اور بعض اوقات اسے زندہ دفن کر دیا جاتا تھا۔ عورت کو وراثت، ملکیت، تعلیم اور رائے کے حقوق سے محروم رکھا جاتا اور وہ قبائلی ناانصافیوں کا شکار تھی۔ اسلام نے ان ظالمانہ رسموں کا خاتمہ کیا۔ ماں کی عظمت، بیٹی کی پرورش کی فضیلت اور بیوی کے ساتھ حسنِ سلوک کی تعلیم دی۔ عورت کو وراثت میں حصہ، مہر، تعلیم، ملکیت اور نکاح میں رضامندی کا حق عطا کیا۔ حضرت خدیجۃ الکبریٰ رضی اللہ تعالیٰ عنہا کی قربانی و ایثار، حضرت عائشہ صدیقہ رضی اللہ تعالیٰ عنہا کا علمی مقام اور حضرت فاطمۃ الزہراء رضی اللہ تعالیٰ عنہا کی سیرت...

  ناندیڈ (راست) آج 14/11/2026 بروز ہفتہ بمقام اردوگھر ناندیڈ میں منجانب بزم کہکشاں ادب ناندیڈ کی جانب سے منعقد مشہور ومعروف شاعراورناظم مشاعرہ جناب فیروز رشید کے مجموعہ کلام قطعات رشید  رسم اجراء کی صدارت ڈاکٹر معین امر بمبو صاحب ( معروف شاعر حیدر آباد )مہمان خصوصی کے طور پر جناب محمد تقی صاحب ( مدیر اعلی روز نامہ ورق تازہ ناندیڈ )ڈاکٹر نورالامین صاحب (پربھنی ) کی موجودگی میں قطعات رشید کی رسم اجراء بدست محمد خورشید احمد صاحب اور دیگر مہمانان و شعراء نیز صاحب کلام فیروز رشید صاحب کی موجودگی میں عمل میں آئی ۔بعد رسم اجراء کےصاحب مجموعہ کلام جناب فیروز رشید کی شاعری اور ان کی زندگی اور کلام و شاعری سے متعلق صدر نشست اور مہمانان نے اپنے خیالات کو پیش کیا اور فیروز رشید صاحب کو چاہنے والے محبان اردو حضرات نے شال و گلپوشی کر کے مبارکباد پیش کی ۔۔بعد رسم اجراء آل انڈیا مشاعرہ کا آغاز کیا گیا۔۔ اس مشاعرہ کی صدارت معروف شاعر ڈاکٹر معین امر بمبو صاحب نے نبھائی ۔اس مشاعرہ میں جمیل انصاری (برہان پور )،جناب تمیز احمد پرواز،محمودعلی سحر ،عطاء حیدر آبادی،التمش طالب،سہیل...