Posts

محنت ،لگن اور عزمِ مصمم شخیت سازی کے بنیادی عناصر ہیں۔ایم. بی .دلپتی - انجمن کالج میں تعلیمی و ثقافتی سرگرمیوں کا افتتاح، طلبہ کے لیے استقبالیہ تقریب منعقد

Image
دھارواڑ، 4 نومبر : (راست) انجمن اسلام کے زیرِ اہتمام انجمن آرٹس، سائنس، کامرس کالج و پی جی اسٹڈیز، دھارواڑ میں تعلیمی سال 27-2026 کی کالج ڈیبیٹنگ یونین اور جمخانہ سرگرمیوں کی افتتاحی تقریب اور سالِ اول کے طلبہ کے استقبالیہ تقریب منعقد کی گئی ۔ مہمانِ خصوصی کرناٹک یونیورسٹی کے این ایس ایس یونٹ کے پروگرام کوآرڈینیٹر اور کرناٹک آرٹس کالج کے شعبۂ سیاسیات کے صدر ڈاکٹر ایم۔ بی۔ دلپتی نے طلبہ سے خطاب کرتے ہوئے کہاکہ مسلسل محنت، جدوجہد اور لگن طلبہ میں عملی سرگرمیوں کو فروغ دینے کے ساتھ ان کی شخصیت کی تعمیر و تشکیل میں اہم کردار ادا کرتی ہے۔ کالج کی زندگی محض ڈگری حاصل کرنے تک محدود نہیں ہوتی بلکہ یہ ایک ایسا اہم مرحلہ ہے جس میں طلبہ اپنی شخصیت کو سنوارنےنظم و ضبط اپنانے، ابلاغی صلاحیتوں کو پروان چڑھانےاورسماجی ذمہ داریوں کا شعور پیدا کرنے کا موقع حاصل کرتے ہیں۔ طلبہ کو چاہیے کہ وہ نصابی تعلیم کے ساتھ کھیلوں،ادبی،ثقافتی اور دیگر ہم نصابی سرگرمیوں میں بھی بڑھ چڑھ کر حصہ لیں کیونکہ ان سرگرمیوں کے ذریعے ہی ایک فعال،باصلاحیت اور ہمہ جہت شخصیت پروان چڑھتی ہے۔ انہوں نے مزید کہا کہ تعلیمی...
Post a Comment
Read more

رکن پارلیمان ساگر ایشور کھنڈرے کی درگاہ آستانہ قادریہ بگدل شریف میں حاضری ڈاکٹر محمد ادریس احمد قادری بگدلی نے شال پوشی و گلپوشی کرتے ہوئے تہنیت پیش کی

Image
بیدر، 4 نومبر (نامہ نگارمحمد عبدالصمد):لاکھوں عقیدت مندوں کا روحانی و علمی مرکز درگاہ آستانہ قادریہ بگدل شریف میں حلقہ پارلیمان بیدر کے نوجوان رکن پارلیمان جناب ساگر ایشور کھنڈرے نے اپنے کانگریسی قائدین اور دیگر معزز مہمانوں کے ہمراہ حاضری دی۔ اس موقع پر انہوں نے درگاہ شریف کے روحانی ماحول اور تاریخی اہمیت سے واقفیت حاصل کی۔ ملک کے معروف ایوارڈ یافتہ کسان اور پیر طریقت شاہ خلیفہ ڈاکٹر الحاج محمد ادریس احمد قادری بگدلی، سجادہ نشین درگاہ آستانہ قادریہ بگدل شریف کی نگرانی میں مہمان رکن پارلیمان کا گلدستہ پیش کرتے ہوئے پرتپاک استقبال کیا گیا۔ بعد ازاں حضرت کی نگرانی میں انہیں درگاہ شریف کی زیارت کروائی گئی۔ اس موقع پر غلاف مبارک پیش کرنے، گلہائے عقیدت نذر کرنے اور ملک و قوم کی سلامتی، امن و آشتی اور خوشحالی کے لیے دعائیہ اہتمام کیا گیا۔ بعد ازاں اجلاس ہال میں ڈاکٹر الحاج محمد ادریس احمد قادری بگدلی نے رکن پارلیمان ساگر ایشور کھنڈرے کی شال پوشی و گلپوشی کرتے ہوئے انہیں تہنیت پیش کی اور یادگاری مومنٹو پیش کیا۔ اس موقع پر مہمانوں میں جناب وینود اپے، چیئرمین بیدر اربن ڈیولپمنٹ اتھا...
Post a Comment
Read more

اردو: جسے کسی ایک مذہب میں قید نہیں کیا جا سکتا - از قلم : عالمہ مبین پالیگار، (پرنسپل، ماؤنٹ سنائی پی یو کالج، بیلگام)

Image
اردو: جسے کسی ایک مذہب میں قید نہیں کیا جا سکتا -  از قلم : عالمہ مبین پالیگار،  (پرنسپل، ماؤنٹ سنائی پی یو کالج، بیلگام) رابطہ: 8904317986 کبھی کبھی ایک جملہ سن کر دل بیٹھ جاتا ہے: ’’اردو تو مسلمانوں کی زبان ہے۔‘‘ یہ جملہ محض ایک غلط فہمی نہیں، بلکہ اردو کی وسیع تاریخ، تہذیبی وراثت اور ادبی خدمات کو محدود کرنے کے مترادف ہے۔ اردو نہ کسی ایک مذہب کی میراث ہے اور نہ کسی ایک قوم کی جاگیر۔ یہ برصغیر کی سرزمین پر پروان چڑھنے والی زبان ہے، جس کی تشکیل میں مختلف زبانوں، تہذیبوں اور معاشرتی میل جول نے اہم کردار ادا کیا ہے۔اردو کی بنیادی ساخت ہند آریائی زبانوں سے تعلق رکھتی ہے، جب کہ اس کے ذخیرۂ الفاظ میں فارسی، عربی اور ترکی سمیت متعدد زبانوں کے الفاظ شامل ہوئے۔ مقامی بولیوں اور مختلف تہذیبی اثرات نے اس کے دامن کو وسیع کیا۔ یہی وجہ ہے کہ اردو میں ہندوستانی تہذیب کی جھلک بھی ملتی ہے اور مختلف زبانوں کے علمی و ادبی اثرات بھی نمایاں ہیں۔اردو کی مٹھاس اور شائستگی کا اپنا ایک مقام ہے۔ ’’آپ‘‘، ’’جناب‘‘، ’’تشریف رکھیے‘‘ اور ’’مہربانی فرمائیے‘‘ جیسے الفاظ محض اظہارِ خیال کا ذریعہ ...
Post a Comment
Read more

تعلیم کے بغیر ترقی ناممکن کوثر محی الدین کا بیان تقسیمِ سالارِ ملت آل اِن ون ماڈل پیپرز

Image
تعلیم کے بغیر ترقی ناممکن کوثر محی الدین کا بیان  تقسیمِ سالارِ ملت آل اِن ون ماڈل پیپرز نقیبِ ملت جناب الحاج بیرسٹر اسدالدین اویسی صاحب، ایم پی و قومی صدر آل انڈیا مجلس اتحاد المسلمین (AIMIM) کی ہدایت پر آج گورنمنٹ گرلز ہائی اسکول، سداشیوپیٹ میں دسویں جماعت (10th Class Urdu Medium) کے طلبہ و طالبات میں سالارِ ملت آل اِن ون ماڈل پیپرز جناب کوثر محی الدین صاحب کے دستِ مبارک سے تقسیم کیے گئے۔ اس موقع پر جناب نصیرالدین صاحب (سابق کارپوریٹر)، شیخ غوث پاشاہ صاحب (صدر مجلس ٹاؤن سداشیوپیٹ)، فاضل عرفان صاحب (صدر مجلس سنگاریڈی)، رفیع صاحب کوہیر، مولانا تبریز قاسمی صاحب، مولانا صہیب رومی صاحب، ریاض بھائی، دِلیر، جہانگیر صاحب، اعجاز کونسلر صاحب، یعقوب صاحب، اجو صاحب، معیز صاحب (سابق کونسلر)، جوائنٹ سیکریٹری رشید خان صاحب، محمد رضوان صاحب، زبیر، مولوی صاحب، اسکول کے ہیڈ ماسٹر جناب ابو شیر صاحب، وسیم اکرم صاحب، سابق کیپٹن، ممبر عبدالمطلب صاحب، صدام صاحب کے علاوہ اساتذہ کرام، جماعت کے قائدین اور دیگر معزز شخصیات کی کثیر تعداد موجود تھی۔ اللہ تعالیٰ اس تعلیمی خدمت کو قبول...
Post a Comment
Read more

امریکی انتخابات میں ٹرمپ کو بڑا سیاسی دھچکا، ڈیموکریٹک پارٹی کی تاریخی واپسی، مسلم نمائندوں کی کامیابی نے نئی تاریخ رقم کردی!

Image
امریکی انتخابات میں ٹرمپ کو بڑا سیاسی دھچکا، ڈیموکریٹک پارٹی کی تاریخی واپسی، مسلم نمائندوں کی کامیابی نے نئی تاریخ رقم کردی! مہنگائی، بے روزگاری اور ایران جنگ پر عوامی ناراضی، ڈاکٹر عبدالسید امریکی سینیٹ کے پہلے مسلم رکن منتخب، اقتدار کی سیاست سے آگے غریب عوام کی زندگی بدلنے کا امتحان ! تحریر: سید فاروق احمد قادری، بیڑ دنیا کی سب سے بڑی جمہوریتوں میں شمار ہونے والے امریکہ کی سیاست میں 3 نومبر 2026 کے وسط مدتی انتخابات نے ایک نئی سیاسی صورتِ حال پیدا کردی ہے۔ صدر ڈونلڈ ٹرمپ اور ان کی ریپبلکن پارٹی کو انتخابی میدان میں بڑا دھچکا لگا ہے، جبکہ ڈیموکریٹک پارٹی نے امریکی کانگریس کے دونوں ایوانوں، سینیٹ اور ایوانِ نمائندگان میں اکثریت حاصل کرلی ہے۔ ان نتائج کو محض سیاسی جماعتوں کی کامیابی اور ناکامی کے طور پر دیکھنا کافی نہیں، بلکہ یہ امریکی عوام کی معاشی پریشانیوں اور حکومتی پالیسیوں کے خلاف ردعمل کا ایک اہم اظہار بھی ہے۔ ڈاکٹر عبدالسید کی تاریخی کامیابی، امریکی سیاست میں نئی مثال اس انتخاب کا سب سے نمایاں پہلو مشی گن سے ڈیموکریٹک امیدوار ڈاکٹر عبدالسید کی کامیابی ہے۔ انہوں نے ر...
Post a Comment
Read more

چھبیس 26 سالہ کامیاب تعلیمی خدمات کے بعد جناب خالد احمد شیخ سبکدوش - دونوں تعلیمی اداروں کے قیام، ترقی، گرانٹ کے حصول اور استحکام میں نمایاں کردار، کئی برس تک بلا معاوضہ بھی انجام دیں خدمات

Image
چھبیس 26 سالہ کامیاب تعلیمی خدمات کے بعد جناب خالد احمد شیخ سبکدوش -  دونوں تعلیمی اداروں کے قیام، ترقی، گرانٹ کے حصول اور استحکام میں نمایاں کردار، کئی برس تک بلا معاوضہ بھی انجام دیں خدمات دگرس (ضلع یوت محل): الخورشید اُردو ہائی اسکول و جونیئر کالج، دگرس کے پرنسپل اور ادارے کے صدر محترم جناب خالد احمد خورشید احمد شیخ 26 سالہ طویل، کامیاب اور مثالی تعلیمی خدمات انجام دینے کے بعد 31 اکتوبر 2026ء کو ملازمت سے سبکدوش ہوگئے۔ جناب خالد احمد شیخ کی خدمات محض تدریسی فرائض تک محدود نہیں رہیں بلکہ انہوں نے دگرس کے الخورشید اُردو ہائی اسکول و جونیئر کالج کے ساتھ ساتھ بوری عرب، تعلقہ داروہ میں قائم اپنے دوسرے ہائی اسکول کی تعمیر و ترقی اور استحکام میں بھی اہم کردار ادا کیا۔ دونوں تعلیمی اداروں کے قیام سے لے کر ان کی ترقی، عمارتوں کی تعمیر، سرکاری گرانٹ کے حصول، بنیادی ڈھانچے کی فراہمی اور طلبہ و اساتذہ کے لیے ضروری سہولیات کی فراہمی تک ان کی مسلسل جدوجہد اور انتھک محنت شامل رہی۔ ان کی خدمات کا ایک نمایاں پہلو یہ بھی ہے کہ انہوں نے اداروں کے مشکل دور میں طو...
Post a Comment
Read more

اقرا اردو ہائی سکول سالار نگرجلگاوں میں دیوالی تعطیلات کے موقع مشقی سرگرمیوں کی بک کی تقسیم

Image
جلگاؤں (راست) اقرا ایجوکیشن سوسائٹی کے زیر اہتمام اقرا اردو ہائی سکول س جونیئر کالج سالار نگر جلگاوں میں5 نومبر سے دیوالی تعطیلات میں طلبہ کو مصروف رکھنے کے لیے مشقی سرگرمیوں کی بک تقسیم کی گئی. سینیئر معلم عتیق عثمان شیخ، رضوان لطیف نعمان رسول خان نے اردو انگریزی و علم ریاضی کے مشقی بک ترتیب دے کر جماعت پنجم تا ہفتم کی طالبات مین تقسیم کیا گیا. اس موقع پر پرنسپل نور محمد شیخ صاحب اور ڈاکٹر انیس الدین علاؤ الدین شیخ موجود تھے. پرنسپل نور محمد شیخ صاحب نے عتیق عثمان سر، رضوان لطیف، نعمان رسول خان کو مبارکباد پیش کی. طلبہ سے خطاب کرتے ہوئے کہا کہ دیوالی کی تعطیلات میں ہم سیر و تفریح، شادی بیاہ و دیگر رسم و رواج میں ضائع نہ کرتے ہوئے کچھ مہارتیں سیکھیں. اردو زبان کے علاوہ دیگر زبانوں کا علم حاصل کریں. اسپیکنگ کلاسز، ویدک میتھمیٹکس کی طرف دلچسپی لیں. دی گئی مشقی بک کو اپنے ساتھ رکھے. جہاں بھی وقت ملے وہاں پر پڑھائی، مطالعے کے لیے وقت ضرور نکالیں. چونکہ تین پرچے تعطیلات کے بعد ہونا باقی ہیں. اس کی بھی تیاری کریں. ڈاکٹر انیس الدین نے طلبہ کو خوشخطی کی طرف توجہ دلائی. کہا کہ...
Post a Comment
Read more

اردو: ہماری مشترکہ تہذیب کی آواز - از قلم : محمد اظہرملا (ہیڈ ماسٹر، الفت اسکول اتھنی)

Image
اردو: ہماری مشترکہ تہذیب کی آواز -   از قلم: محمد اظہرملا (ہیڈ ماسٹر، الفت اسکول اتھنی)                       یہ کہنا کہ اردو صرف مس ماردو زبان صرف ایک قوم یا مذہب کی زبان نہیں ہے۔                      یہ کہنا کہ اردو صرف مسلمانوں کی زبان ہے، بالکل غلط ہے۔ اردو ہندوستان کی مٹی سے جنمی ہے۔ اردو دلی اور لکھنؤ کے بازاروں میں پیدا ہوئی، اس کو *گنگا جمنی تہذیب* کہا جاتا ہے۔ اس زبان کو ہندو، مسلم، سکھ، عیسائی سب نے مل کر بنایا اور سنوارا ہے۔ اگر ہم تاریخ دیکھیں تو: منشی پریم چند* نے اردو میں افسانے لکھے۔ پنڈت رتن ناتھ سرشار، کرشن چندر، راجندر سنگھ بیدی جیسے بڑے ہندو لکھاریوں نے اردو کو زندہ رکھا۔ بھگت کبیر، رحیم، نظیر اکبر آبادی نے اردو کی بنیاد رکھی۔ اردو کسی مذہب کی محتاج نہیں، یہ محبت، تہذیب اور انسانیت کی زبان ہے۔ یہ مندر میں بھی بولی جاتی ہے اور مسجد میں بھی، گوردوارے میں بھی اور چرچ میں بھی۔ اردو سب کی ہے، اردو ہندوستان کی ہے۔ یہ بات بالکل سچ ہے۔ ہم سال ...
Post a Comment
Read more

کونڈا ویڈو اور گندی کوٹا سیروتفریح کے دو مراکز - تلنگانہ اور آندھرا پردیش کے قابل دید مقامات - مضمون نگار - ستار فیضی کڈپوی آندھرا پردیش انڈیا

Image
کونڈا ویڈو اور گندی کوٹا سیروتفریح کے دو مراکز -  تلنگانہ اور آندھرا پردیش کے قابل دید مقامات -  مضمون نگار - ستار فیضی کڈپوی آندھرا پردیش انڈیا         1. کونڈا ویڈو....... کونڈاویڈو اہل تیلگو کی شجاعت اور بہادوری کی علامت ہے. یہ تاریخ میں متحدہ تیلگو ریاستوں کا یادگار تاریخی علاقہ ہے. 15ویں صدی میں یہ قلعہ امراوتی کا ہم عصر ہے. تیلگو کے مشہور شاعر سری نادھوڈو دیوناگری امراوتی کی بات یہیں رکھیں تو موجودہ آندھرا پردیش کی نئ راجدھانی امراوتی سے یہاں پہنچنے کےلے ایک گھنٹا کافی ہے. سطح سمندر سے 1700 فٹ بلندی پر موجود قلعہ وہی شان شوکت اور دلکشی ظاہر کرتا ہے. یہاں پہنچنے کےلے گھاٹ روڈ کی تعمیر تعجب اور حیرت میں ڈالتی ہے. 5 کلومیٹر کی ہی مسافت ہونے کے باوجود تقریباً 20 ہیئرپن نینڈس سے سانپ کی چال یاد دلانے والےٹیڑے میڑے ، نشیب و فراز راستے حیرت میں ڈالتے ہیں. یہ سیروتفریح کےلے قابل دید حسین نظارہ ہے جو قدر کی یاد دلاتا ہے.          یہ نیا تجربہ اور سفر ہمیں تاریخ و تحقیق کی طرف لے چلتے ہیں. 15ویں صدی کا یہ قلعہ 44 برجوں اور...
Post a Comment
Read more

جلگاؤں: بچوں میں تعلیمی انقلاب کی تقسیم

Image
جلگاؤں(ریحان کریمی کے ذریعے) تعلیمی انقلاب کی دن بہ دن بڑھتی مقبولیت و اہمیت کو دیکھتے ہوئے اس معلوماتی و تحریکی اخبار کو گھر گھر پہچانے کا بیڑہ یہاں اُردو عمل کمیٹی کے ذمہ داران نے اٹھایا ہے۔اس سلسلہ کی اولین کڑی کے طور پر تنظیم کے ذمہ دار فاروق حنیف قادری نے تعلیمی انقلاب کی 100 کا پیاں مرد و خواتین کے ہمراہ بچوں میں مفت تقسیم کیں۔ دلچسپ بات یہ ہے کہ بزرگ خواتین و حضرات کے ہاتھوں میں اخبار کی کاپی آتے ہی وہ اس کی ورق گردانی میں منہمک ہوگئے۔ بچے بھی تعلیمی انقلاب کو ہاتھوں میں تھامے خوشی سے پھولے نہیں سما رہے تھے۔ اُردو عمل کمیٹی کے رابطہ کار مشتاق کریمی نے کہا کہ ہم دکانداروں سے گزارش کریں گے کہ وہ اُردو میں بھی اپنی دکانوں کے نام سائن بورڈ پر تحریر کروائیں۔ اخبار کے تقسیم کاروں میں فاروق قادری کے ہمراہ توصیف کاکر ، انیس خان اور کلیم شیخ وغیرہ شامل تھے۔
Post a Comment
Read more

صلاح الدین فرحا ن کو تعلیمی ایوارڈ ملنے پر کلیان کرناٹک اردو جرنلسٹ اسوسی ایشن اور عائشہ جیوتی سوسائٹی کی تہنیت

Image
بیدر. 4/نومبر (پریس ریلیز)وزڈم انسٹی ٹیوشنس بیدرکے سکریٹری محمد صلاح الدین فرحان کو راجیہ اتسو ڈے کے موقع پرضلع انتظامیہ بیدر کی جانب سے "تعلیمی ایوارڈ" ملنے پرجناب اسد سلیم صدر عائشہ جیوتی سوسائٹی بیدر اورجناب محمد یوسف رحیم بیدری سکریٹری کلیان کرناٹک اردو جرنلسٹ اسوسی ایشن کی قیادت میں دونوں تنظیموں کی جانب سے آج چہارشنبہ کو جناب محمد آصف الدین چیرمین وزڈم انسٹی ٹیوشنس کی موجودگی میں سکریٹری صلاح الدین فرحان کوگلپوشی اور شال پوشی کے ذریعہ تہنیت کے علاوہ مبارک باد پیش کی گئی. مذکورہ افراد کے علاوہ جناب محمد حنیف صاحب (منگلور) مؤظف صدر مدرس، جناب محمد امین الدین نواز صاحب اردو صحافی ورکن کرناٹک اردو اکیڈمی حکومت کرناٹک،جناب سید یداللہ حسینی اردو صحافی نے صلاح الدی فرحان کی گلپوشی و شال پوشی کرکے انھیں مبارکباد پیش کی۔بعد ازاں شیرینی کی تقسیم عمل میں آئی. جناب صلاح الدین فرحان نے تمام کا شکریہ ادا کیا.
Post a Comment
Read more

دولت کے چراغ جلتے رہے، رشتوں کے چراغ بجھتے رہے - از - جمیل احمد، ریاض سعودی عرب

Image
دولت کے چراغ جلتے رہے، رشتوں کے چراغ بجھتے رہے -  از - جمیل احمد، ریاض سعودی عرب “تم نے مستقبل سنوارا، مگر اپنے آج کو تنہا کر دیا” - انسان جب دنیا میں آنکھ کھولتا ہے تو وہ تنہا نہیں ہوتا۔ وہ ایک خاندان میں پیدا ہوتا ہے، جہاں ماں کی ممتا، باپ کی شفقت، دادا دادی کی دعائیں، نانا نانی کی محبت، بھائی بہنون ساتھ اور رشتہ داروں کی قربت اس کی زندگی کا حصہ ہوتی ہیں۔ اس کی چھوٹی سی دنیا میں خوشیوں کے کتنے ہی رنگ ہوتے ہیں۔ اسے معلوم نہیں ہوتا کہ مستقبل کی فکر کیا ہے، زندگی کی دوڑ کیا ہے اور تنہائی کا عذاب کیا ہوتا ہے۔ اسے بس اتنا معلوم ہوتا ہے کہ ماں پکار رہی ہے، باپ انتظار کر رہا ہے، بہن بھائی کھیلنے کے لیے تیار ہیں اور شام ہوتے ہی دوست اور کھیل کے میدان۔  وہ اسکول جاتا ہے، واپس آتا ہے، محلے کے بچوں کے ساتھ کھیلتا ہے، گلیوں میں دوڑتا ہے، کرکٹ اور فٹ بال کھیلتا ہے اور گرمیوں کی چھٹیوں میں نانا نانی، دادا دادی، چچا، پھوپھی، ماموں اور خالہ کے گھر جانے کا انتظار کرتا ہے۔ عید آتی ہے تو پورا خاندان جمع ہوتا ہے۔ کسی کے گھر شادی ہو تو سب خوشی میں شریک ہوتے ہیں، کوئی بیمار ہو جائے تو...
Post a Comment
Read more

انجمن ترقی اردو (ہند)، کرناٹک،بنگلورو کی اعزاز ی تقریب

Image
بنگلور (راست) ایس ایس ایل سی اور پی یوسی کے امتحانات میں امتیازی کامیابی حاصل کرنے والے طلبہ و طالبات کے اعزاز میں انجمن ترقی اردو (ہند) کرناٹک، بنگلورو کی جانب سے ایک پروقار تہنیتی اجلاس بتاریخ 14 نومبر2026 بروز ہفتہ صبح 11 بجے بمقام ڈاکٹر ممتاز احمد خان میموریل ہال، الامین کمبل پوش اسکول، کرنل ہل روڈ، بنگلورو مقرر ہے۔ اس اجلاس میں پہلے سے رجسٹریشن کئے ہوئے طلبہ و طالبات کو انجمن کی جانب سے توصیفی سند، تمغہ اور نقد انعامات سے نوازا جائے گا۔ تمام اسکولوں کے ذمہ داران سے مؤدبانہ گزارش ہے کہ وہ اپنے اداروں کے رجسٹرڈ طلبہ و طالبات کو ہمراہ لے کر اس اجلاس میں صبح 10:30 بجے تک مقامِ اجلاس پر پہنچ جائیں۔اہم اطلاع: اس پروگرام کے لئے رجسٹریشن کی مدت ختم ہو چکی ہے۔ اب نئے طلبہ و طالبات کے لئے رجسٹریشن کی گنجائش نہیں ہے۔ مبین منور، جنرل سیکریزی، انجمن ترقی اردو (ہند)، کرناٹک، بنگلورو
Post a Comment
Read more

ضلعی سطح کے ڈوج بال مقابلوں میں رئیس ہائی اسکول اینڈ جونیئر کالج کی شاندار کامیابی

Image
بھیونڈی : (عبدالعزیز انصاری) بھیونڈی نظامپور شہر میونسپل کارپوریشن اور تھانہ ضلع کھیل کود ڈپارٹمنٹ کے مشترکہ اہتمام سے بدھ، 4 نومبر 2026 کو رئیس ہائی اسکول گراؤنڈ، بھیونڈی میں ضلعی سطح کے انٹر اسکول و کالجیٹ ڈوج بال مقابلوں کا انعقاد عمل میں آیا۔ ان مقابلوں میں بھیونڈی تعلقہ کے 18 اسکولوں سے 290 طلبہ و طالبات نے شرکت کی۔ مقابلے انڈر 14، انڈر 17 اور انڈر 19 عمر کے زمروں میں منعقد کیے گئے۔ ان مقابلوں میں رئیس ہائی اسکول اینڈ جونیئر کالج کے کھلاڑیوں نے بہترین کھیل کا مظاہرہ کرتے ہوئے نمایاں کامیابی حاصل کی۔ انڈر 19 گرلز کے فائنل مقابلے میں رئیس جونیئر کالج کی ٹیم نے معلومہ ہائی اسکول کو 3-0 سے شکست دے کر چیمپئن ہونے کا اعزاز حاصل کیا۔ اسی طرح انڈر 17 اور انڈر 19 بوائز زمرے میں رئیس جونیئر کالج کی ٹیموں نے تیسری پوزیشن حاصل کرتے ہوئے ڈویژنل سطح کے مقابلوں کے لیے کوالیفائی کیا۔ کھلاڑیوں کی تربیت و رہنمائی اقراء شیخ، ذاکر انصاری اور مصیب مومن نے کی۔ ادارے کی اس نمایاں کامیابی پر کے ایم ای سوسائٹی کی صدر الماز فقیہ، سکریٹری دانیال قاضی، خازن فہد بوبیرے، اسپورٹس کمیٹی کے چیئرمین دا...
Post a Comment
Read more

نصاب آنے والی نسلوں کی تعمیر و ترقی کا بنیادی ذریعہ ہے: سید حسین اختر - گوگٹے جوگلےکر کالج رتناگری میں شعبۂ اردو کی بورڈ آف اسٹڈیز کی میٹنگ؛ فرسٹ ایئر بی اے اور آئی کے ایس کے نصاب کو منظوری

Image
رتناگری (نامہ نگار): نصاب اور تعلیم کا آپس میں گہرا تعلق ہے۔ تعلیم جہاں انسان کی ذہنی، اخلاقی اور عملی صلاحیتوں کو پروان چڑھانے کا ایک وسیع اور ہمہ گیر عمل ہے، وہیں نصاب اس تعلیمی عمل کا منظم خاکہ اور رہنما لائحۂ عمل ہوتا ہے۔ کسی بھی معاشرے کی فکری، علمی اور تہذیبی ترقی میں معیاری نصاب بنیادی اہمیت رکھتا ہے، کیونکہ اسی کی بنیاد پر آنے والی نسلوں کی تعلیم و تربیت اور تعمیر و ترقی کا راستہ متعین ہوتا ہے۔ ان خیالات کا اظہار مہاراشٹر اسٹیٹ اردو ساہتیہ اکادمی کے صدر جناب سید حسین اختر نے گوگٹے جوگلےکر کالج (خودمختار)، رتناگری کے شعبۂ اردو میں منعقدہ بورڈ آف اسٹڈیز کی میٹنگ میں کیا۔ وہ اس میٹنگ میں بطور اسپیشل ایکسپرٹ شریک تھے۔ اپنے خطاب میں سید حسین اختر نے کہا کہ ہر دور میں ماہرینِ تعلیم اور اربابِ فکر و نظر کی یہ کوشش رہی ہے کہ نصاب کو وقت کے تقاضوں اور تعلیمی ضروریات سے ہم آہنگ کرتے ہوئے زیادہ سے زیادہ مؤثر، معیاری اور مفید بنایا جائے۔ اس لیے نصاب کی تیاری محض تعلیمی مضامین کی ترتیب کا نام نہیں بلکہ یہ ایک اہم ذمہ داری ہے، جس کے ذریعے مستقبل کی نسلوں کی فکری و علمی بنیادیں اس...
Post a Comment
Read more

غزل - میربیدری، بیدر،کرناٹک

Image
غزل  -  میربیدری، بیدر،کرناٹک  سب بھول جائیے گا، حکومت ہیں لوگ ہم   مسجد ہٹائیے گا، حکومت ہیں لوگ ہم  جمہوریت میں آج توجہ اِدھر بھی ہو ہم کو بھی بھائیے گا، حکومت ہیں لوگ ہم  ہم کوبڑا ہی پیار ہے جنگل کے شیر سے  اور شیرلائیے گا، حکومت ہیں لوگ ہم  تم کو نہیں ہے زندگی سے بڑھ کے پیارتو  منزل جلائیے گا، حکومت ہیں لوگ ہم  جب ووٹ جیسی طاقتوں پر ناز کرتے ہیں  ہم کو بنائیے گا، حکومت ہیں لوگ ہم  ہم کو ہٹانا بس میں تمہارے نہیں رہا  گھراپنے جائیے گا، حکومت ہیں لوگ ہم  آساں نہیں رہی ہے ملاقات ہم سے میرؔ تحفہ بھی لائیے گا، حکومت ہیں لوگ ہم
Post a Comment
Read more

جناب جعفر حسین معراج ایم ایل اے کی ریاض میں آمد۔ بھانجے کی تدفین میں شرکت

Image
ریاض (راست)  :  حیدرآباد کے حلقہ اسمبلی یاقوت پورہ کے ایم ایل اے جناب جعفر حسین معراج مملکت کے دارالحکومت ریاض پہنچے۔ صحافی باسط ابو معاذ کی روانہ کردہ رپورٹ کے مطابق جعفر حسین معراج صاحب کے جواں سال حقیقی بھانجے جو ریاض میں برسرے تھے کا اس ہفتہ ریاض میں انتقال ہوا۔ جعفر حسین اپنے بھانجے محمد عبدالمجید کی تدفین میں شرکت کی غرض سے ریاض پہنچے تھے۔  تدفین وغیرہ کے عمل سے فراغت کے بعد حیدرآبادی این آر آئیز کے ایک گروپ نے ان سے اظہارِ تعزیت کے لیے ایک اجتماع کااہتمام کیا۔ اس ملاقات کا اہتمام ریاض کی “کنگز رسٹورنٹ” حارہ میں جناب اویس، جناب اسد، جناب نوید، نواب فیروز علی خان، بابا بھائی نے کیا۔ ملاقات کے بعد اجتماعی دعائے مغفرت کی گئی اور اللہ رب العزت سے مرحوم کے درجات بلند کرنے اور ان کو جوارِ رحمت میں جگہ عطا کرنے کی دعا کی گئی۔
Post a Comment
Read more

گوونڈی میں عابد شیخ صادق کا خصوصی استقبال

Image
گوونڈی 3 نومبر : (راست) ممبئی عظمیٰ،ممبئی کے شعبہ تعلیم سے متعلق شکشک سبھا اساتذہ کی سب سے بڑی تنظیم ہے جو اساتذہ کے حق اور ان کے مسائل کے لیے سرگرم عمل ہے ـ اس یونین کی توسط اردو کی کامیاب نمائندگی کرنے والوں میں عابد شیخ صادق سر فہرست ہیں ـ عابد شیخ صادق ابتدائے ملازمت سے شکشک سبھا سے منسلک ہیں ـ حلقہ اردو کے لیے یہ امر لائق مسرت و افتخار ہے کہ اس وقت موصوف کو دوسری دفعہ بلا مقابلہ ممبئی کی اس سب سے بڑی یونین کے خازن کے طور پر منتخب کیا گیا ہے ـ واضح رہے ایسا پہلی بار ہوا ہے کہ کسی ممبر کو لگاتار دوسری مرتبہ بلا مقابلہ خازن کی حیثیت سے منتخب کیا گیا ـ بلا شبہ اس کامیابی میں عابد شیخ صادق کی محنت اساتذہ کے مسائل کے تئیں ان کی بیداری اور ان کی بے لوث خدمات ہیں ـ اس کے علاوہ اساتذہ کا ان پر اعتماد سب سے اہم چیز ہے جو انھیں آگے بڑھنے اور تعمیری کام کرنے کی رغبت دلاتا ہے ـ اس موقع پر گوونڈی کے اساتذہ نے موصوف کے لیے ایک استقبالیہ پروگرام کا انعقاد کیا جس میں اپنی بساط بھر ان کی خدمات کا اعتراف کیا گیا، اگرچہ یہ ایک بہت معمولی سی کاوش تھی لیکن اس میں اساتذہ کی شرکت نے اسے غیر م...
Post a Comment
Read more

صحت مند بچے، خوش باش بچے۔ - ازقلم : ڈاکٹر سلمہ، (ہومیوپیتھی کی معلم اور پریکٹیشنر)

Image
صحت مند بچے، خوش باش بچے ازقلم : ڈاکٹر سلمہ،  (ہومیوپیتھی کی معلم اور پریکٹیشنر) صحت اور خوشی ایک ہی سکے کے دو رخ ہیں، وہ بچے جو اچھی صحت کے مالک ہوتے ہیں، وہ عام طور پر فطرتاً خوش مزاج ہوتے ہیں معصوم، زندہ دل اور پیارے!  اس کی پوری ذمہ داری والدین پر عائد ہوتی ہے کہ وہ کس طرح نرمی کے ساتھ ساتھ سختی کا توازن برقرار رکھیں، اور کس طرح اپنے بچے کو ضرورت سے زیادہ لاڈ پیار دیے بغیر صحت مند رکھیں۔ آج کی تیز رفتار زندگی نے ہم والدین پر واقعی بہت زیادہ دباؤ ڈال دیا ہے – ہم ہر وقت بیک وقت کئی کام (multi-tasking) کر رہے ہوتے ہیں، ہمیشہ جلدی میں ہوتے ہیں اور وقت کی کمی کا شکار رہتے ہیں۔ نتیجے کے طور پر، ہم بچے کو وہ پوری توجہ دینے کے قابل نہیں رہتے جس کی اسے ضرورت ہوتی ہے۔ بچے فطری طور پر توجہ کے طالب ہوتے ہیں، اس لیے اگر آپ کے پاس فارغ وقت کم بھی ہو، تب بھی بچے کو 'معیاری وقت' (QUALITY TIME) دیں، اسے اپنی بھرپور توجہ دیں، چاہے یہ ہر روز تھوڑی دیر کے لیے ہی کیوں نہ ہو۔ بچے کو سمجھ بوجھ اور محبت کی ضرورت ہوتی ہے، لیکن دوسری طرف، اسے اپنی انفرادیت برقرار رکھنے کی بھی ضرورت ہوت...
Post a Comment
Read more

یوم ہریانہ : گھر گھر یونانی ہر گھر نورانی کی صدا بلند ہوئی

Image
میوات(رپورٹ: ٹی این بھا رتی) صوبہ پنجاب سے منسلک ہریانہ کو 1 نومبر 1966 میں خود مختار ریاست کا درجہ دیا گیا تھا اس سے قبل ہریانہ پنجاب صوبے کا ہی ایک حصہ تھا ۔ سیاسی رہنماؤں اور عوام کی جدو جہد کے بعوض ہریانہ نے بھارت کے نقشے پر اپنی پہچان بنائی چنانچہ ہر برس یوم ہریانہ دھوم دھام سے منایا جاتا ہے ۔  ا مسال یوم‌ ہریانہ کے موقع پر نوح ( میوات ) میں آل انڈیا یونانی طبی کانگریس کی جانب سے ڈاکٹر قمر الدین زاکر  کی صدارت میں مفت یونانی میڈیکل کیمپ کا انعقاد کیا گیا ۔ یونانی طریقہ علاج عوام کے در پر مشن 2026 کے تحت 164 واں مفت یو نانی میڈیکل کیمپ میں  میوات  کے نوح  علاقے گو شا لہ روڈ پر سینکڑوں افراد نے شرکت کی ۔تقریبا تین سو مریضوں کو مفت طبی مشورہ اور یونانی ادویات تقسیم کی گئیں ۔  اس موقع پر بحیثیت مہمان خصوصی آیورویدک و یونانی طبیہ کالج قرو لباغ نی دہلی کے سابق پرنسپل ڈاکٹر محمد ادریس نے  میوات میں کاسنی جڑی بوٹی کی کھیتی کرنے والے کسانوں کی ستائش کرتے ہوئے کہا کہ حکومت ہند کے محکمہ آیوش کے تحت ایک ضلع ایک دوائی نعرہ کے ساتھ میوات کے کسانوں ن...
Post a Comment
Read more

جلسہ تقسیم انعامات ختم نبوت تحریری مسابقہ

Image
    بیدر۔ 3/نومبر(نامہ نگارمحمد عبدالصمد)۔محمد لئیق احمد قاسمی نائب صدرمجلس تحفظ ختم نبوت بیدر کی اطلاع کے بموجب 25 اکتوبر 2026 بروز اتوار بیدر ضلع میں موجودہ دور کے باطل فتنے کے عنوان پر مسابقہ ہوا۔ یہ مسابقہ اہل سنت والجماعت کے عقائد موجودہ دور کے باطل فتنے کے عنوان پر مجلس تحفظ ختم نبوت ٹرسٹ تلنگانہ و آندھرا کی ہدایت پر منعقد ہوا۔اس میں کامیاب ہونے والے طلبہ کا صدر محترم حضرت مولانا نذیر احمد شکیل صاحب دامت برکاتہم صدر مجلس تحفظ ختم نبوت بیدر کی زیر سرپرستی یکم نومبر بروز اتوار پٹیل فنکشن ہال بیدر میں صبح 10 بجے تا ظہر جلسہ تقسیم انعامات منعقد ہوا۔ جس میں قرات و نعت کے بعد علماء کرام نے تحفظ ختم نبوت،عقائد کے عنوانات پر اظہار خیالات فرمایا۔اس کے بعد کامیاب ہونے والے طلبہ و طالبات کے درمیان اِنعامات تقسیم کیے گئے۔ جن کے نام و انعامات کی ترتیب درج ذیل ہے۔ اول انعام (10000) حاصل والی مساہمہ عذراء ماہین بنت نظام الدین معلمہ تعلیم القرآن للبنات نور خان تعلیم بیدر،دوم انعام (7000) حاصل کرنے والی مساہمہ صفورہ بیگم بنت عبد القیوم معلمہ تعلیم القرآن للبنات نور خان ت...
Post a Comment
Read more

بیدر میں گود لینے کے عمل سے متعلق عوامی بیداری مہم کا آغاز، ممتا کے گہوارے کے پوسٹر کی وزیر ایشور کھنڈرے کے ہاتھوں نقاب کشائی

Image
 بیدر، 3 نومبر (نامہ نگارمحمد عبدالصمد): نومبر کے مہینے کو گود لینے کے مہینے کے طور پر منانے کے پیش نظر عوام میں بچوں کو گود لینے کے قانونی عمل اور ممتا کے گہوارے (ممتا کا جھولا) سے متعلق شعور بیدار کرنے کے مقصد سے خصوصی پوسٹر تیار کیا گیا ہے۔ اس پوسٹر کی نقاب کشائی ریاستی وزیر برائے دیہی ترقی و پنچایت راج اور ضلع بیدر کے انچارج وزیر ایشور کھنڈرے نے کنڑ راجیوتسو کے موقع پر کی اور گود لینے کے مہینے کی تقریبات کا باضابطہ آغاز کیا۔ محکمہ خواتین و اطفال کی جانب سے تیار کردہ اس پوسٹر میں محکمے کے مختلف پروگراموں اور منصوبوں کی تفصیلات بھی شامل کی گئی ہیں۔ اس موقع پر وزیر موصوف نے ممتا کے گہوارے کی تصویر کی نقاب کشائی کرتے ہوئے عوامی بیداری مہم کا آغاز کیا۔ بعد ازاں پوسٹر سے آراستہ گاڑی کو نہرو اسٹیڈیم سے روانہ کیا گیا، جس نے شہر کے مختلف اہم علاقوں کا دورہ کرتے ہوئے عوام میں گود لینے کے عمل سے متعلق بیداری پیدا کی۔ اس موقع پر ضلع ڈپٹی کمشنر شلپا شرما نے گود لینے کے پروگرام کی تفصیلات بتاتے ہوئے کہا کہ ضلع بیدر میں اب تک مجموعی طور پر 107 بچوں کو گود لیا جا چکا ہے۔ انہوں نے ع...
Post a Comment
Read more

مردہ ضمیر کو نورِ ہدایت عطا ہوتا ہے، حق و باطل میں تمیز ضروری ہے: مولانا خواجہ شاہ ضیاء الحسن جاگیردار کا خطاب

Image
بیدر، 3 نومبر (نامہ نگارمحمد عبدالصمد): ضلع بیدر کے تعلقہ بسواکلیان میں واقع مشہور و معروف روحانی بارگاہ حضرت سیدنا تاج الدین بابا شیرسوارؒ، المعروف حضرت راجہ باگ سوارؒ میں ماہانہ جلسۂ فیضان حضرت راجہ باگ سوارؒ کے موقع پر تقدس مآب پیر طریقت حضرت مولانا خواجہ شاہ ضیاء الحسن جاگیردار صاحب قبلہ، مورثی سجادہ نشین و متولی بارگاہ حضرت شیر سوارؒ نے حضرت خواجہ ابوالحسن جاگیردار المعروف حضرت افضل پیر رحمۃ اللہ علیہ کے رشد و ہدایت کی روشنی میں درسِ قرآن دیتے ہوئے ذکرِ الٰہی، اصلاحِ نفس، نورِ ہدایت اور حق و باطل میں تمیز کی اہمیت پر تفصیلی خطاب فرمایا۔ انہوں نے فرمایا کہ اللہ تعالیٰ کا ذکر کرنا بڑی سعادت اور خوش نصیبی ہے۔ ذکرِ الٰہی کی توفیق بھی اللہ تعالیٰ ہی اپنے خوش نصیب بندوں کو عطا فرماتا ہے۔ رسول اکرم صلی اللہ علیہ وآلہ وسلم نے افضل ذکر لا الٰہ الا اللہ اور افضل دعا الحمدللہ کو قرار دیا ہے۔ ذکرِ الٰہی کی دو صورتیں ہیں، ذکرِ جلی اور ذکرِ خفی۔ ذکرِ جلی مجلس میں اور ذکرِ خفی اپنے گھر میں تنہائی کے وقت کرنا چاہیے۔ آپ نے کہا کہ اللہ تعالیٰ کو ایسے بندے پسند ہیں جو دلوں کو جوڑنے والے،...
Post a Comment
Read more

سہ ماہی قرآنی کورس کا آغاز

Image
   رائچور۔ 3/نومبر(محمدیوسف رحیم بیدری) الحمدللہ شہرِ مانوی کے مدرسہ جامعۃالمومنات میں ایک پروگرام منعقد ہوا، جو سہ ماہی کورس کے متعلق افہام وتفہیم کے لئے منعقد کیا گیا تھا۔ان شاء اللہ اس کورس کا آغازبروز پیر 2 نومبر کو ہونے جارہا ہے۔۔یہ کورس مدرسہ جامعۃالمومنات اور اتقان کے اشتراک سے منعقد کیا جارہا ہے۔۔الحمدللہ اس کورس کو محمد عبداللہ جاوید صاحب نے ڈیزائن کیا ہے۔جس کی کلاسز،عنوانات،سرگرمیاں وغیرہ، تمام ہی قرآنِ مجید کی بہترین تصویر پیش کرتی ہیں۔اس کورس سے ایک طرف جہاں پر شرکاء استفادہ کریں گے، وہیں دوسری طرف معلمات کے لئے بھی ان شاء اللہ مزید علم وعمل کا ذریعہ ہوگا۔اسی مناسبت سے کل مدرسہ جامعۃالمومنات کا لوگو بھی لانچ کیا گیا۔اور کورس ڈائریکٹر محمد عبداللہ جاوید صاحب نے تمام اساتذہ کو کورس کے متعلق رہنمائی فرمائی۔تبادلہ ء خیال اور سوالات و جوابات کا سلسلہ بھی رہا۔ اس پروگرام میں اساتذہ کے علاوہ منتخب خواتین اور طالبات بھی شامل رہیں۔اللہ تعالیٰ سے دعا ہے کہ، اس کوشش کو قبول فرمائے اور اس کورس کے ذریعے کورس کا حصہ بننے والے تمام افرادکو قرآن وسنت کا عملی نمونہ بناد...
Post a Comment
Read more

اردو اخبارات کو محکمہ اقلیتی بہبود سے امدادی اشتہارات جاری کرنے نمائندگی

Image
گلبرگہ 3 نومبر(محمدیوسف رحیم بیدری) سینئر صحافی عزیز اللہ سرمست ایڈیٹر روزنامہ بہمنی نیوز گلبرگہ نے محکمہ اقلیتی بہبود حکومت کرناٹک سے ریاست کے اردو اخبارات کو ماہانہ 2 صفحات کے امدادی اشتہارات جاری کرنے کیلئے پرزور نمائندگی کی ہے ریاستی وزیر اقلیتی بہبود یو ٹی قادر کے دورہ گلبرگہ کے موقع پر عزیز اللہ سرمست نے انہیں یادداشت پیش کرتے ہوئے محکمہ اقلیتی بہبود سے اردو اخبارات کو ماہانہ صفحات کے امدادی اشتہارات جاری کرنے کا مطالبہ کیا البدر ڈینٹل کالج گلبرگہ کے آڈیٹوریم میں وزیر اقلیتی بہبود یوٹی قادر کے اقلیتی نمائندوں سے ملاقات پروگرام میں عزیز اللہ سرمست یادداشت پیش کرتے ہوئے یوٹی قادر کو بتایا کہ درج فہرست طبقات و قبائل کے مدیران کے اخبارات کو امداد کے طور پر ماہانہ دو صفحات کے اشتہارات دیئے جا رہے ہیں اور انہیں پرنٹنگ مشین خریدنے کیلئے بھی مالی امداد دی جا رہی ہے سرحدی اضلاع کے کنڑا اخبارات کو بھی ماہانہ ایک صفحہ کا اشتہار دیا جا رہا ہے عزیز اللہ سرمست نے یوتی قادر کو بتایا کہ پرنٹنگ کی دشواریوں کاغذ اور پرنٹنگ مٹریلس کے غیر معمولی ارزاں ہونے اور وسائل کی کمی کے پیش نظر ...
Post a Comment
Read more

اقبالِ جرم" کی رسم ِ اجرا پر بالاپور میں یادگار کل ہند مشاعرہ

Image
بھساول(صلاح الدین ادیب)  معروف شاعر جناب منظور ندیم (سابق سیشن جج) کے دوسرے شعری مجموعے " اقبالِ جرم " کی رسمِ اجرا کے موقع پر ان کے آباٸ وطن بالاپور میں انجمن تحفظِ اردو ادب کی جانب سے ایک کل ہند مشاعرے کا انعقاد یکم نومبر اتوار کی شب عمل میں آیا۔اکولہ روڈ پر نٸے تعمیر شدہ وسیع و عریض ستّار خان فنکشن ہال میں منعقدہ اس عظیم الشان مشاعرےکی صدارت ملک کے معروف شاعر اور 87 سالہ مشہور صحافی ڈاکٹر محسن جلگانوی ( حیدر آباد) نے فرماٸ۔کتاب کی رسمِِ اجرا پنجابی یونیورسٹی مالیر کوٹلہ پنجاب کے صدر شعبٸہ اردو پروفیسر زینت اللہ جاوید کے ہاتھوں انجام دی گٸ۔مشاعرے سے قبل معروف بزرگ شاعر الحاج فصیح اللہ خان نقیب ( سابق پرنسپل ) نے شعری مجموعہ اقبالِ جرم کے تعلق سے ایک تفصیلی خاکہ بعنوان " اقبالِ جرم ایک منصف کا " پیش کیا۔ ابتداٸ نظامت کے فراٸض میزبان انجمن کے صدر اور پروگرام کے روحِ رواں جناب عارف زماں اور مہمان شاعر فہیم اختر نے انجام دٸے۔بطور مہمانانِ خصوصی علاقٸہ برار کے نامور سینیر شاعر و ڈاکٹر قاضی سعید افسر اچلپوری،جواں سال صحافی و شاعر جناب سعد اللہ خاں سب...
Post a Comment
Read more

اقرا سا لار نگر کی طا لبہ اریبہ سعید شیخ کی کراٹے‌مقابلے میں شاندار کامیابی؛ ریاستی سطح کے مقابلوں کے لیے منتخب

Image
جلگاؤں: اقرا اردو ہائی اسکول اینڈ جونیئر کالج، سالار نگر، جلگاؤں کی جماعت ہفتم کی ہونہار طالبہ اریبہ سعید شیخ نے کراٹے کے مقابلوں میں بہترین کارکردگی کا مظاہرہ کرتے ہوئے ڈویژنل سطح پر شاندار کامیابی حاصل کی ہے۔ 14 سال سے کم عمر کے زمرے میں اریبہ نے یہ نمایاں کامیابی حاصل کی اور اول مقام حاصل کیا ہے۔ اب اس کا انتخاب ریاستی سطح کے کراٹے چمپئن شپ مقابلوں کے لیے عمل میں آیا ہے۔ اریبہ نے اپنی محنت، لگن، عزم، مستقل مزاجی اور بہترین کھیل کے مظاہرے سے یہ کامیابی حاصل کی ہے۔ اس کی اس نمایاں کامیابی سے اسکول کا نام روشن ہوا ہے۔ اب اسے ریاستی سطح پر اپنے اسکول کی نمائندگی کرنے کا اعزاز حاصل ہوگا۔ اریبہ کی اس کامیابی پر ادارے کے صدر محترم ڈاکٹر عبدالکریم سالار صاحب، اسکول کمیٹی کے چیئرمین شیخ ظفر سر ، ادارے کے سکریٹری اعجاز ملک صاحب، رشید شیخ صاحب، عبدالمجید میمن، عبدالروف سر ، امین بادلی والا، اور دیگر اراکین، پرنسپل نور محمد شیخ سر ، سپروائزر واجد خان سر، نیز تمام اساتذہ اور غیر تدریسی عملے نے دلی مبارکباد پیش کی۔ اس موقع پر اریبہ کے ساتھ ساتھ اس کی رہنمائی کرنے والے کھیل استاد سی...
Post a Comment
Read more

یتیم کی کفالت کی فضیلت ۔۔۔۔! - ازقلم : مولوی شبّیر عبدالکریم تانبے۔

Image
یتیم کی کفالت کی فضیلت ۔۔۔۔! -  ازقلم : مولوی شبّیر عبدالکریم تانبے۔     موت کا اپنے متعینہ وقت پر آنا یقینی ہے لیکن کس کی موت کب اور کہاں آئےگی اس کا علم سوائے اللہ تبارک و تعالی کے اور کسی کو نہیں ہے بسااوقات انسان اپنی موت کے بعد اپنے پیچھے اپنی چھوٹی اور یتیم اولاد چھوڑ جاتا ہے اور سوائے اللہ تعالی کی ذات کے بظاہر اور کوئی سہارا اور آسرا نہیں ہوتا شریعت نے ان یتیم بچوں کی کفالت پرورش اور تربیت کرنے کے بڑے فضائل بیان فرمائے ہیں اس طرح انکے بھی سنائی ہیں۔       نبئ کریم نے یتیموں کے ساتھ شفقت کرنےکا حکم فرمایا ہے اور ان کے ساتھ دل شکنی کا برتاو کرنے سے منع فرمایا ہے یتیم قابل شفقت و قابل رحم ہوتا ہے اس کے ساتھ اکرام کا برتاو کرنا چاہیے اور انھیں اپنے بچوں کے مقابلے حقیر نہیں سمجھنا چاہیے۔       ارشاد ہےکہ مسلمانوں کے گھروں میں بہتر گھر وہ ہے جسمیں کوئی یتیم ہو اور اس کے ساتھ احسان و سلوک کیا جاتا ہو اور سب سے برا گھر وہ ہے جس میں کوئی یتیم ہو اور اس کے ساتھ برا سلوک کیا جاتا ہو حدیث پاک کے مطابق یتیم کی کفالت اور پ...
Post a Comment
Read more