Sadae Maharashtra E Urdu News Solapur صدائے مہاراشٹر ای اُردو خبر نامہ شولاپور

موہول (راست) ضلع پریشد پرائمری اردو اسکول، گلشن نگر، موہول (ضلع سولہاپور) میں تعلیمی سال 2025-2026 کے تحت ایک نئی اور منفرد تعلیمی سرگرمی کے طور پر Convocation اور Open House پروگرام بتاریخ 1/5/2026 نہایت جوش و خروش کے ساتھ منعقد ہوا۔ اس پروگرام میں طلبہ، سرپرستوں اور علاقے کے معزز شہریوں کی نمایاں شرکت رہی۔ پروگرام کے آغاز میں مختلف تعلیمی اور ہم نصابی سرگرمیوں میں نمایاں کارکردگی دکھانے والے طلبہ کو اعزاز سے نوازا گیا۔ انہیں اسناد (سرٹیفکیٹس) دے کر ان کی حوصلہ افزائی کی گئی۔ اس Convocation تقریب سے طلبہ میں خود اعتمادی پیدا ہوئی اور انہیں مستقبل کی راہ میں آگے بڑھنے کی ترغیب ملی۔ Open House سرگرمی کے دوران سرپرستوں کو طلبہ کی تعلیمی پیش رفت کے بارے میں تفصیلی معلومات فراہم کی گئیں۔ اسکول مینجمنٹ کمیٹی کے صدر ایاز بھائی سرخی اور تمام اساتذہ نے طلبہ کی پڑھنے، لکھنے، حسابی مہارت اور ڈیجیٹل تعلیم میں ترقی کے حوالے سے رہنمائی کی۔ سرپرستوں نے اسکول کی جدید سرگرمیوں کی تعریف کرتے ہوئے اطمینان کا اظہار کیا۔ اس پروگرام میں اسکول کی مختلف سرگرمیوں جیسے ڈیجیٹل ایجوکیشن، اردو پڑھائی ...

یومِ مزدور -  ازقلم : عالمہ مبین پالیگار، بیلگام کرناٹک۔ M A M Ed  8904317986 اسلام میں مزدور کے حقوق صرف سماجی یا اخلاقی نصیحت نہیں بلکہ باقاعدہ دینی حکم کی حیثیت رکھتے ہیں۔ قرآنِ مجید اور احادیثِ مبارکہ میں بار بار عدل، دیانت اور حقوق العباد کی ادائیگی پر زور دیا گیا ہے—اور مزدور کے حقوق انہی میں شامل ہیں۔  قرآنِ مجید کی روشنی میں مزدور کے حقوق 1. عدل و انصاف کا حکم اللہ تعالیٰ فرماتا ہے: “إِنَّ اللّٰهَ يَأْمُرُ بِالْعَدْلِ وَالإِحْسَانِ…” (النحل: 90) یعنی اللہ عدل اور احسان کا حکم دیتا ہے۔ یہ آیت اس بات کی بنیاد ہے کہ مزدور کے ساتھ انصاف اور اچھا سلوک کیا جائے۔ 2. حق نہ دبانے کی تاکید “وَلَا تَبْخَسُوا النَّاسَ أَشْيَاءَهُمْ” (الأعراف: 85) لوگوں کو ان کی چیزوں میں کمی نہ کرو۔ یہ حکم واضح کرتا ہے کہ مزدور کی اجرت یا حق میں کمی کرنا ناجائز ہے۔ 3. دیانت داری اور امانت “إِنَّ خَيْرَ مَنِ اسْتَأْجَرْتَ الْقَوِيُّ الْأَمِينُ” (القصص: 26) بہترین مزدور وہ ہے جو طاقتور اور امانت دار ہو۔ یہ آیت مزدور کی صفات کے ساتھ ساتھ مالک کو بھی امانت و انصاف کی طرف متوجہ کرتی ہ...

آؤ ! اردو سیکھیں (2026)"  کتاب کا رسمِ اجرا واقعی اردو زبان کے فروغ کے لیے ایک اہم موقع ہے۔  وزیر اقلیتی فلاح و بہبود الحاج این. ایم. ڈی. فاروق۔  1. تقریب کی تفصیل: یہ رسمِ اجرا آج سکریٹریٹ میں منعقد ہوئی، جس میں وزیرِ اقلیتی بہبود و قانون و انصاف جناب این۔ ایم۔ ڈی۔ فاروق صاحب، حکومتِ آندھرا پردیش کے مشیر جناب ایم۔ اے۔ شریف صاحب، اور آندھرا پردیش اسٹیٹ اردو اکیڈمی کے چیئرمین جناب محمد فاروق شبلی صاحب شریک تھے۔ 2. کتاب کی اہمیت: یہ کتاب اردو اکیڈمی کے 50 سالہ سفر کا تاریخی سنگِ میل ہے۔ چیئرمین محمد فاروق شبلی صاحب کی قیادت میں اسے ریاست بھر میں متعارف کرایا گیا، جس سے اردو سے محبت کرنے والوں میں نیا جوش پیدا ہوا ہے۔ 3-کتاب کی تدوین :- پروفیسر قاسم علی خان، افتخار جمال، عبدالغنی کونین، سی. عبدالعزیز، ستار فیضی، محمود، عبدالقدیر ان سات حضرات نے او، اردو سیکھیں کتاب کو مرتب کیا..  4. حکومتی تعاون : چیف منسٹر جناب این۔ چندرابو نائیڈو صاحب کی توجہ سے اردو کو آندھرا پردیش میں دوسری سرکاری زبان کے طور پر نمایاں مقام حاصل ہے..  یہ اقدام اردو زبان ...

پوئی ممبئی : (عبدالرحمن یوسف) پاس پولی بی ایم سی  اسکول پوئی ممبئی  کے مدرس شیخ سلیم معظم صاحب کی سبکدوشی کی تقریب ٣٠/ اپریل ٢٠٢٦ ء کو اسکول ہذا کے ہال میں صبح دس بجے آغاز ہوا ۔ صابر مصطفیٰ آبادی نے اللہ تعالیٰ کی حمد و ثنا سے پروگرام کا آغاز کیا ،طالبات نے نعمت ، حمد اور تعریف میں گیت گائیں ،مراٹھی میڈیم کی طالبات اور ان کے استاد نے موسیقی کے ساتھ مترنم آواز میں استقبالیہ گیت پیش کیے ۔بعد اس کے صدر کا انتخاب عمل میں آیا اور مہمانوں کی گل پوشی اور تعارف ہوا ۔صدر نشین سابق صدر مدرس سلیم محمد شیخ کی اجازت سے پروگرام کا باقاعدہ آغاز عمل میں آیا ۔ مجلس میں تشریف فرما مہمانان نے رونق مجلس شیخ سلیم معظم کے تعلق سے اظہار خیال کرتے ہوئے کہا کہ موصوف نے طلبہ کے ساتھ ہی ساتھ اپنے ہم وطنوں کی تعلیمی ،مالی ، جسمانی ، بے لوث قربانیوں سے آبیاری کی ۔ان کے اپنے فرائض نے شیخ سلیم کو جہدوجہد ، ہمیشہ حوصلوں میں تازگی دیکھی گئی ۔ان کی شخصیت جانفشانی موجودہ دور میں مشعل راہ کی حیثیت رکھتی ہے ۔ان کے آبائی شہر مصطفیٰ آباد (چوپڑا ،خاندش ) سے تشریف لائے دوست و احباب نے ان کے ساتھ گزارے أیا...

یادگیر : 30-اپریل (نامہ نگار ):- کل ہند داغ دہلوی فاؤنڈیشن کے زیر اہتمام ساتواں عالمی مشاعرہ دو مئی بروز ہفتہ شام سات بجے اردو مسکن روبرو چو محلہ پیالس خلوت حیدرآباد میں منعقد ہے،جس میں ڈاکٹر رفیق سوداگر یادگیر بطور شاعر مدعو کئے گئے ہیں۔ اس مشاعرے میں یو اے ای، کویت،مسقط اور دیگر ممالک کے علاوہ فیض آباد، علی گڑھ، آگرہ، حیدرآباد سے منتخب شعراء اپنا اپنا کلام سنائیں گے، اس مشاعرے کی نگرانی سید مسکین احمد حیدرآباد فرمائیں گے،لطیف الدین لطیف مشاعرے کے کنوینر ہیں جبکہ شیخ نعیم اور ڈاکٹر صدر الدین شاہد معاونین ہیں۔

امراوتی (راست) مہاراشٹر میں بارہویں جماعت کے نتائج کے اعلان کے وقت کے حوالے سے اساتذہ کی تنظیم اکھیل بھارتیہ اردو شکشک سنگھ( امراوتی ڈویژن ) کی جانب سے ریاستی تعلیمی بورڈ महाराष्ट्र राज्य माध्यमिक व उच्च माध्यमिक शिक्षण मंडळ، پونے کو ایک مکتوب ارسال کیا گیا ہے۔ مکتوب میں طلبہ کے مفاد کو مدنظر رکھتے ہوئے نتائج کی تاریخ میں تبدیلی کی اپیل کی گئی ہے۔ اس میں نشاندہی کی گئی ہے کہ بارہویں جماعت کے نتائج اور NEET امتحان کے درمیان صرف ایک دن کا وقفہ ہے، جو طلبہ کے لیے ذہنی دباؤ کا سبب بن سکتا ہے۔ خط میں کہا گیا ہے کہ NEET جیسے اہم امتحان سے قبل نتائج کا اعلان طلبہ کی توجہ اور ذہنی توازن کو متاثر کر سکتا ہے، خصوصاً ایسے حالات میں جب طلبہ کو نتائج کے بعد کی رسمی کارروائیوں اور دباؤ کا سامنا کرنا پڑتا ہے۔ اساتذہ تنظیم کے مطابق اس فیصلے سے طلبہ کی کارکردگی پر منفی اثر پڑنے کا خدشہ ہے۔ تنظیم نے مطالبہ کیا ہے کہ بارہویں جماعت کے نتائج کا اعلان NEET امتحان کے کم از کم دو سے تین دن بعد کیا جائے، تاکہ طلبہ مکمل یکسوئی کے ساتھ اس قومی سطح کے اہم امتحان میں شرکت کر سکیں۔ یہ مکتوب امراوتی ڈوی...

یوم مزدور۔ یکم مئی۔ ازقلم : نذیر احمد قاضی وجئے پورہ میں لیکچرار ہیں۔ مزدوروں کا عالمی دن (مئی کا دن) ایک عالمی تعطیل ہے جو ہر سال یکم مئی کو منائی جاتی ہے۔ اس دن مزدور تحریک کی سماجی اور معاشی کامیابیوں کا جشن منایا جاتا ہے۔ مزدور مارچ، مظاہرے، میٹنگز - یہ اس دن کی جھلکیاں ہیں۔ یہ دن مزدوروں کے حقوق، جدوجہد اور کامیابیوں کو خراج تحسین پیش کرنے کے لیے منایا جاتا ہے۔ 1886 میں شکاگو میں منعقدہ Haymarket تقریب (8 گھنٹے کے کام کے دن کا مطالبہ) اس کا پس منظر تھا، اور یہ ہندوستان میں پہلی بار 1923 میں مدراس میں منایا گیا۔ رابرٹ اوون نے تجویز پیش کی کہ یکم مئی کو مزدور حکمرانی کے بابرکت دور کے آغاز کی علامت کے طور پر منایا جائے۔ یوم مزدور ایک عوامی/قانونی تعطیل ہے۔ اس کی ابتداء ٹریڈ یونین تحریک میں ہے، خاص طور پر آٹھ گھنٹے کی دن کی تحریک، جس میں آٹھ گھنٹے کام، آٹھ گھنٹے تفریح، اور آٹھ گھنٹے آرام کی وکالت کی گئی تھی۔ یوم مئی ہندوستان میں مزدوروں کا دن ہے۔ یہ 20ویں صدی کے دوسرے نصف میں منایا جانے لگا، جب ٹریڈ یونین تحریک کا اثر بڑھ گیا۔ یوم مئی کی تقریبات میں شرکت کرنے والے پہلے ہند...

جلگاؤں (نمائندہ خصوصی) : الفیض فاؤنڈیشن کی جانب سے مہاراشٹر کے اردو اسکولوں میں منعقدہ مقابلہ جاتی امتحان میں شاندار کامیابی حاصل کرتے ہوئے سارا خان علیم خان نے پورے مہاراشٹر میں اول مقام حاصل کیا ہے۔ سارا خان انجمن اردو ہائی اسکول اینڈ جونیئر کالج جامنیر کی طالبہ ہیں اور اس وقت جماعت نہم میں زیرِ تعلیم ہیں۔ ان کی اس نمایاں کامیابی پر تعلیمی حلقوں میں خوشی کی لہر دوڑ گئی ہے۔ سارا کی اس کامیابی پر ان کے والدین، اہلِ خانہ اور اساتذہ کرام کو خصوصی مبارکباد پیش کی جا رہی ہے۔ ماہرینِ تعلیم کے مطابق سارا کی یہ کامیابی دیگر طلبہ کے لیے بھی ایک بہترین مثال ہے۔ منجانب: بدلاؤ ضروری ہے تعلیمی پلیٹ فارم

اورنگ آباد (راست) ڈاکٹر بابا صاحب امبیڈکر مراٹھواڑہ یونیورسٹی کے شعبہ اردو میں تعلیمی سال کے اختتام پر ایک پروقار الوداعی تقریب کا انعقاد عمل میں آیا۔ اس تقریب کی صدارت صدرِ شعبہ اردو پروفیسر کیرتی مالنی جاولےنے فرمائی، جبکہ مہمان خصوصی کے طور پر پروفیسر آصف زکریا ( پرنسپل چشتیہ کالج خلد آباد) پروفیسر مقبول سیلم ( صدر شعبہ اردو نیک نور کالج ) پروفیسر عالیہ کوثر( صدر شعبہ اردو راشٹریہ ماتہ کالج جالنہ ) پروفیسر قاضی نوید احمد صدیقی ( صدر شعبہ اردو مولانا آزاد کالج) اور شعبے کے اساتذہ اور طلبہ کی بڑی تعداد نے اس میں شرکت کی۔ تقریب کا باقاعدہ آغاز ایم اے سالِ اول کے طالب علم شیخ محسن کی تلاوتِ کلامِ پاک سے ہوا۔ اس کے بعد سالِ اول کے طالب علم شیخ عرفان ندوی اور سالِ دوم کے طالب علم شیخ عبد الغفار نے نہایت ہی خوبصورت انداز میں بارگاہِ رسالت ﷺ میں نعتِ پاک کا نذرانہ پیش کیا۔ اظہارِ خیال کے سیشن میں طلبہ نے اپنے گزرے ہوئے تعلیمی ایام کی یادیں تازہ کیں اور اساتذہ کی شفقتوں کا اعتراف کیا۔ سالِ اول کی جانب سے خان خنسہ مہرین اور شیخ صابر مختارنے اپنے تاثرات پیش کیے، جبکہ سالِ دوم کے ط...

یومِ مزدور یا یومِ مجبور؟ ازقلم : آفتاب عالمؔ شاہ نوری،ں کروشی، بلگام، کرناٹک۔ 8105493349 لوگوں نے آرام کیا اور چھٹی پوری کی  مگر یکم مئی کو بھی مزدوروں نے مزدوری کی عالمِ انسانیت پر اللہ تعالیٰ کی بے شمار نعمتیں ہیں، اور ان ہی نعمتوں میں مزدور بھی ایک عظیم نعمت ہیں۔ اگر مزدور نہ ہوتے تو یا تو امیروں کو اپنے کام خود انجام دینے پڑتے یا پھر ایسی مشینوں کا سہارا لینا پڑتا جو ان کے تمام کام انجام دے سکتیں۔ مزدور بنیادی طور پر دو قسم کے ہوتے ہیں: جسمانی مزدور اور ذہنی مزدور۔ جسمانی مزدور وہ ہے جو جسمانی مشقت کرتا ہے، جیسے کھیتی کرنے والا، معمار، فیکٹری یا مل میں کام کرنے والا، سڑکیں تعمیر کرنے والا وغیرہ۔ آسان لفظوں میں یوں کہا جا سکتا ہے کہ “روز کنواں کھود کر پانی پینے والا” جسمانی مزدور ہے۔ اب ان کی خواب گاہوں میں کوئی آواز مت کرنا بہت تھک ہار کر فٹ پاتھ پر مزدور سوئے ہیں دوسری قسم ذہنی مزدوروں کی ہے، جو اپنی ذہنی صلاحیتوں کے ذریعے روزی کماتے ہیں۔ کلرک، کمپیوٹر آپریٹر، غیر سرکاری اداروں کے اساتذہ اور اس جیسے دوسرے شعبوں سے وابستہ افراد اسی زمرے میں آتے ہیں۔ آسان لفظوں میں ...

جلگاؤں (نامہ نگار)  الحسن انٹرنیشنل اسکول، نور محمد ایجوکیشنل کیمپس میں یکم مئی ( یوم‌ مہاراشٹر و یومِ مزدور) کے موقع پر ایک باوقار اور پُروقار تقریبِ پرچم کشائی کا انعقاد عمل میں آیا۔ صبح ۸ بجے شہر کی معروف علمی و طبی شخصیت ڈاکٹر چیتن چودھری (ایم ڈی، ڈی ایم؛ چیسٹ فزیشن) نے اپنے دستِ مبارک سے قومی پرچم لہرایا، جس کے ساتھ ہی حب الوطنی کے جذبات سے سرشار فضا میں قومی ترانہ گونج اٹھا۔ اس موقع پر بین الاقوامی اسپورٹس پرسن و کوچ پروفیسر مرزا اقبال، سینئر صحافی سعید پٹیل، موظف پرنسپل عقیل خان بیاولی اور موظف معلم محمد حنیف قادر بطور مہمانانِ خصوصی شریک رہے۔ تقریب میں تدریسی و غیر تدریسی عملے کے ساتھ طلبہ کی بھی نمایاں شرکت رہی، جس سے پروگرام کی شان میں مزید اضافہ ہوا۔ اپنے صدارتی خطاب میں ڈاکٹر چیتن چودھری نے فروغِ تعلیم کی اہمیت پر زور دیتے ہوئے ڈراپ آؤٹ طلبہ کے مسئلے اور شہروں و قصبوں کے درمیان تعلیمی تفاوت کو مدلل انداز میں پیش کیا۔ انہوں نے کہا کہ معیاری تعلیم ہی ایک مضبوط اور باشعور معاشرے کی بنیاد ہے، اور اس کے لیے مشترکہ جدوجہد ناگزیر ہے۔ ادارے کے روحِ رواں اور نوجوان و...

اسلام میں مزدورکےحقوق -  ازقلم : ڈاکٹر مفتی تمیم احمد، (چیرمین۔ تنظیم فروغ اردو، تمل ناڈو) (انڈیا)  9444192513 نحمدہ ونصلی علی رسولہ الکریم ہرسال یکم مئی کو دنیا بھر میں لیبرڈے(Labor Day) یوم مزدور منائی جاتی ہے۔لوگوں کو اس روز مزدوروں کےحقوق کے بارے میں آگاہی دی جاتی ہے۔محض رسمی طور پر مزدوروں کےحقوق کا ڈھنڈورا پیٹ کر اگلے روز سے ہی مزدوروں کا استحصال شروع کر دیا جاتا ہےحیرت ہے کہ مزدوروں کےحقوق کے علمبردار لوگ وادارے خود اپنے ماتحتوں ملازموں،مزدوروں اور کارکنوں کا استحصال کرتے ہیں۔اسلام محنت اور محنت کشی کو سراہتے ہوئے محنت کشوں اور مزدوروں کو عزت کی نگاہ سے دیکھتا ہےمحنت کا مقام اور محنت کرنے کی ترغیب کے حوالے سے ارشادات ربانی ملاحظہ ہو.اللہ تعالیٰ کا ارشاد ہے:اور یہ کہ انسان کو وہی کچھ ملے گا،جس کی اس نے کوشش کی ہو۔( سورۃ النجم)ایک مقام پر فرمایاگیا:’اور دنیا سے اپنا حصہ لینا نہ بھول( سورۃ القصص) نیز فرمایا گیا! ’’اور پھر جب نماز (جمعہ) ختم ہوجائے تو زمین میں پھیل جائو اور پھر ﷲ کا فضل یعنی رزق تلاش کرنے لگو(سورۃ الجمعہ)اللہ تعالیٰ کا ارشاد ہے مردو...

آزاد نظم۔ -   " یومِ مزدور " از قلم : رہبر تماپوری۔ سورج کی آنکھ کھلنے سے ذرا پہلے جب سارا شہر  نیند کی آغوش میں ہوتا ہے وہ اپنی ادھوری خواہشوں کو ایک بوسیدہ چادر میں لپیٹ کر رزق کے تعاقب میں نکل پڑتا ہے وہی تو مزدور ہے! اس کے کھردرے ہاتھوں کی لکیریں کسی ستارہ شناس کی محتاج نہیں وہ تو اپنے خون کی حدت سے بخت کے بند دروازوں پر  دستک دینے کا ہنر جانتا ہے۔ وہ جب سنگِ گراں کا سینہ چاک کرتا ہے تو صرف مٹی اور پتھر جدا نہیں ہوتے بلکہ تہذیب کے نئے راستے نکلتے ہیں وہ جب شہر کے ماتھے پر ایوان سجاتا ہے تو دراصل وہ اپنی  تپتی دوپہروں کا سایہ بان دوسروں کے نام کرتا ہے۔ عجیب ہے اس کی خودداری وہ کچے گھر کی چھت تپتی دھوپ میں چھوڑ کر محلوں کی ٹھنڈی دیواروں میں رنگ بھرتا ہے اس کی خاموشی میں شکست نہیں ایک بلند آہنگِ عزم چھپا ہے وہ لفظوں سے نہیں تھکن سے گفتگو کرتا ہے۔ یومِ مزدور محض ایک تقویمی دن نہیں یہ اعتراف ہے اس مقدس پسینے کا جو زمین کی بانجھ کوکھ میں زندگی بوتا ہے یہ جشن ہے ان تھکے ہوئے قدموں کا جو منزلوں کا راستہ ہموار کرتے ہیں۔ آؤ کہ آج اس کے جذبوں کو معتبر مانیں...

خدا،اورقانون فطرت۔  تحریر: مولانا میر ذاکر علی محمدی پربھنی۔  9881836729 کائنات کی ہر چیز اور دنیا میں ہر پیدا ہونے والا انسان خدا کے وجود کو فطری طور پر مان ہی نہیں رہا ہے بلکہ اللہ کے وجود کو ثابت کررہا ہے۔ اور دنیا کا ہر انسان عین ( Islamic nature) اسلام کی فطرت پر پیدا ہوتا ہے۔ آپ اللہ کے وجود کی دلیل پیش کریں تب بھی وہ موجود ہے۔ اور دلیل نہ دو تو بھی، خدا اس کائنات کا پالنہار اور کائنات میں موجود ہے۔ اور اس کے موجود ہونیکی ہر تخلیق خداے برتر کی گواہی دیتی ہے۔ ایک مشہور واقعہ جو فخرالدین رازی سے منسوب ہے کہ جب وہ نزاع کی حالت میں تھے، شیطان ان کے پاس آیا اور خدا کے وحدانیت کی دلیلیں مانگنے لگا، حضرت نے اللہ کی وحدانیت پر بہت ساری دلیلیں پیش کی ، لیکن شیطان ان پر ہاوی ہوتا گیا۔ تو ان کے پیر خواجہ نجم الدین کبری نے کہا کہ تو یہ کیوں نہیں کہتا کہ بغیر دلیل کے خداے برتر ایک ہے۔ اورکائنات کا مالک ہے۔ قرآن کریم کی پہلی آیت جس میں اللہ نے آپ صلی اللہ علیہ وسلم کو پڑ،ھنے کا حکم صادر فرمایا،اور گویا کہ اللہ نے یہ سارے انسانوں کے حق میں آپ صلی اللہ علیہ وسلم کے ذریعہ...

یہ دور اپنے براہیم کی تلاش میں ہے  بقلم : محمد ناظم ملی تونڈاپوری ، جامعہ اسلامیہ اکل کواں خداوند کریم نے اپنے دستور اور اپنی ترتیب تزین کے مطابق دنیا میں مختلف المزاج مختلف الخیال اور جداگانہ فطرت بلکہ بھانت بھانت کی سوچ رکھنے والے لوگ پیدا کیے اور پوری انسانی کائنات میں سب سے زیادہ پاک فطرت نیک سیرت خلق عظیم کے مالک حضرات انبیاء علیہم الصلوۃ والسلام کی ذوات بابرکات کو بھی پیدا فرمایا یہ بات ذہن نشین رہنا چاہیے کہ باری عز اسمہ نے اپنی کتاب لم یزل قران کریم میں انبیاء صادقین کاملین کا ذکر حجت اور دلیل کے طور پر کیا ہے یعنی دنیا کے حالات چاہے جیسے بھی ہو وہ مردان نیک اپنے فرائض اور اس کی ادائیگی میں کبھی غفلت لاپرواہی اور سست روی سے کام نہیں لیتے بلکہ وہ اپنے فرائض منصبی کی ادائیگی کے لیے ہر وقت ہر طرح مستعد اور بیدار رہتے ہیں نہ ان کو خوف جان ہوتا ہے نہ خوف مال نہ وہ اعزاء و اقرباء اور ان کی ہرزہ سرائی سے ڈرتے ہیں نہ ہی اس کے شاکی ہوتے ہیں نہ نصیب صبح کے جھونکے ان کو غافل کرتے ہیں نہ ہی شامل غمگین سے وہ متاثر ہوتے ہیں بلکہ اس باب میں وہ فرد فرید ہوتے ہیں اقبال کے اس شعر...

 بیدر۔30 /اپریل (نامہ نگار)۔اللہ کے زکر سے انسان کی روح صحت مند اور طاقتور ہوتی ہے اور اس میں تازگی پیدا ہوتی ہے۔جو بند ہ ہمیشہ اللہ کا ذکر کرتاہے اس بندہ کادل زندہ ہے اور جو بندہ اللہ کاذکر نہیں کرتا گویا اُس کا دل مردہ ہے ہمیشہ اللہ کا ذکر کرتے رہو کیونکہ اللہ کا ذکرکرنے سے ایمان پختہ ہوتاہے۔حضور ﷺ فرماتے ہیں میں اللہ کے ونور سے ہوں اور میرے نور سے تمام کائنات ہے۔ اللہ اور رسول اللہ کی تعلیمات پر دل و جان سے عمل کرنے کے ساتھ ساتھ ماں باپ کی اطاعت و فرماں برداری،صوفیا اکرام،علمائے دین، اور اپنے پیر و مرشد، اپنے بزرگوں کا ادب کرنا ہی ہماری کامیابی کی ضمانت ہے۔سردار اولیاء حضرت محبوب سبحانی قطب ربانی حضرت سیدنا شیخ عبدالقادر جیلانی ؒ حسنی وحسینی ہیں۔پیران پیر کی ذات اقدس کواللہ نے ولادت کا درجہ عطاکیا ہے۔ اور تمام سلسلوں کے سردارحضرت عبدالقادر جیلانی ؒہیں۔ ان خیالات کا اظہارپیرطریقت شا ہ خلیفہ ڈاکٹر الحاج محمدادریس احمد قادری”صاحب“ بگدلی سجادہ نشین درگاہ آستانہ قادریہ بگدل شریف نے درگاہ آستانہ قادریہ بگدل شریف میں منعقدہ ماہانہ حلقہ درس تصوف کے بعد جلسہ عظمت اولیاء کومخا...

بیدر : 30 / اپریل(نامہ نگار) جناب شاہ اسمعیل قادری المعروف ایس آئی قادری رحمۃ اللہ علیہ بانی روز نامہ ادبی عکاس بیدر کے نبیرا ،و جناب سید بدر الحسن قادری کے فرزند جناب سید توصیف حسن قادری (یم ایس سی بی ایڈ)کا عقد مسعود جناب سید شاہ حبیب اللہ حسینی مالک بینا کلکشن بیدر کی دختر کے ساتھ انجام پایا ۔گزشتہ دن 28/کواپریل کو مغل گارڈن فنکشن ہال بیدر میں پرتکلف ضیافت ولیمہ کا اہتمام کیا گیا ۔تقریب میں علماء کرام ،مشائخین ،صحافی، سجاہ گان و متولیان دوست احباب اور رشتہ داران کی بڑی تعدادجن میں جناب سید شاہ ‌نقی محمد محمد الحسینی، المعروف سید اظہر حسینی ،سیدشاہ نعیم اللہ حسینی بندہ نواز ی،شاہ اکبر قادری،شاہ جاوید قادری الملتانی،قاضی علی الدین علی باباصحافی،سید شاہ یداللہ حسینی صحافی،محمد شجاع الدین صحافی،محمد عبدالصمد منجووالاصحافی،شا۔ل ہیں نے شرکت کی اور اپنی دعاؤں سے نوازا اور مبارکباد دی ۔جناب سید شاہ ظہور الحسن قادری کی سرپرستی میں جناب سید شاہ سعید الحسن قادری مدیر آعلی روز نامہ ادبی عکاس بیدر ،محمدحامد،سیدکا شف قادری ،سید شاروق الحسن قادری ،سیدآریب حسین قادری،وقادری برادران ،فی...

تربیتِ اولاد: نصیحت نہیں، نمونۂ عمل” -   ازقلم : عالمہ مبین پالیگار، بیلگام کرناٹک۔ M A M Ed  8904317986 آج بجاپور کی گلیوں میں جب مجھے تانگے میں بیٹھنے کا موقع ملا، تو یہ ایک معمولی سا سفر نہیں رہا… بلکہ ایک خاموش سبق بن گیا۔ میں اُس گھوڑے کو دیر تک دیکھتی رہی—وہ بے زبان جانور، جس کے پاس نہ اپنی بات منوانے کی طاقت، نہ انکار کا کوئی انداز… مگر پھر بھی وہ اپنے مالک کے اشاروں پر اس قدر متوازن، مہذب اور ترتیب کے ساتھ چل رہا تھا، جیسے اس کی پوری زندگی اسی نظم کی عادی بنا دی گئی ہو۔ اُس کی ہر چال میں ایک سیکھا ہوا سلیقہ تھا، ہر موڑ پر ایک مانوس اطاعت… اور یہ سب کسی ایک دن کا نتیجہ نہیں تھا، بلکہ مسلسل تربیت، توجہ اور صبر کا ثمر تھا۔ اسی منظر نے میرے دل میں ایک گہری ہلچل پیدا کی۔ میں نے خود سے سوال کیا: جب ایک جانور، جو نہ عقل رکھتا ہے نہ شعور، صرف تربیت کے ذریعے اس قدر سنور سکتا ہے… تو ہم انسان، جنہیں اللہ نے عقل، فہم، جذبات اور پہچان جیسی بیش بہا نعمتوں سے نوازا ہے—ہم اپنی اولاد کو کیوں نہ ایک اعلیٰ کردار کا پیکر بنا سکیں؟ یہیں آ کر خیال نے ایک اور رخ لیا… شاید ...

کمل،کیچڑاور سیاسی وضو -  (سیاسی طنز و مزاح) بقلم : ڈاکٹر محمد عظیم الدین (اکولہ، مہاراشٹر)  ہمارے محلے کے کہنہ مشق دانشور، کائیاں فلسفی اور صاحبِ حکمت مبصر، شیخ عاقبت اندیش کا فرمانا ہے کہ دورِ حاضر کی سیاست اور سمارٹ فون ٹیلی کام کمپنیوں میں سب سے بڑی اور حیرت انگیز قدرِ مشترک یہ ہے کہ یہاں ”نیٹ ورک“ یا ”نظریہ“ بدلنے کے لیے اب نہ تو کوئی لمبا چوڑا فارم بھرنا پڑتا ہے، نہ کسی قطار میں لگنا پڑتا ہے، اور نہ ہی کسی قسم کی خاندانی شرمندگی یا نظریاتی خجالت اٹھانی پڑتی ہے۔ سچ پوچھیے تو آج کی سیاست کوئی دردِ سر، نظریاتی کشمکش، اصولوں کی جنگ یا خدمتِ خلق کا نام ہرگز نہیں رہی؛ بلکہ یہ کمالِ فن اور حیرت انگیز ارتقاء کی اس ارفع منزل پر پہنچ چکی ہے جہاں وفاداریاں اور نظریات اتنی خاموشی، رازداری اور درپردہ طریقے سے بدلتے ہیں جیسے رات کے پچھلے پہر، عین اس وقت جب آپ گہری نیند میں ہوں، آپ کے سمارٹ فون کی کوئی ڈھیٹ ایپ بغیر اجازت طلب کیے خود بخود اپ ڈیٹ ہو جائے۔ فرق صرف اتنا ہے کہ فون کی ایپس اپ ڈیٹ ہونے کے بعد کبھی کبھار، بھولے بھٹکے ہی سہی، کارکردگی میں کچھ بہتری لے ہی آتی ہیں، مگ...

مسلم ریزرویشن کے حق میں کل بڑا احتجاج — انصاف، تعلیم اور اتحاد کی پکار۔ - سید فاروق احمد قادری۔ بیڈ ضلع میں یکم مئی اج بر جمعہ کو مسلم ریزرویشن اور سماجی انصاف کے مطالبے کو لے کر ایک بڑا عوامی احتجاج منعقد ہونے جا رہا ہے۔ اس تحریک کو تمام بڑی سیاسی جماعتوں، تعلیمی اداروں، سماجی تنظیموں اور مختلف طبقات کی بھرپور تائید حاصل ہو چکی ہے۔ علماء کرام اور ذمہ دارانِ قوم نے بھی عوام سے اپیل کی ہے کہ بڑی تعداد میں شریک ہو کر اس آواز کو مضبوط کریں۔ کل صبح تقریباً 10 بجے ایک عظیم الشان جلوس نکالا جائے گا، وقت میں کمی زیادتی ہو سکتی ہے جو ضلع کلکٹر دفتر تک پہنچے گا، جہاں مطالبات پیش کیے جائیں گے۔ ان مطالبات میں تعلیمی سہولتوں کی فراہمی، اساتذہ کی تقرری، بند پڑے اردو اسکولوں کو دوبارہ شروع کرنا اور مسلم ریزرویشن کو یقینی بنانا شامل ہے۔ یہ تحریک صرف مسلمانوں تک محدود نہیں بلکہ ہر اُس مظلوم کی آواز ہے — چاہے وہ ہندو ہو، مسلم، سکھ، عیسائی یا کسی بھی برادری سے تعلق رکھتا ہو — جس کے ساتھ ناانصافی ہو رہی ہے۔ آج حالات یہ ہیں کہ عام آدمی کو انصاف کے لیے دربدر ہونا پڑ رہا ہے، رجسٹریشن کے مسائل ک...

میری زندگی کا خاموش معجزہ جب اللّٰہ نے مشکل وقت میں خاموشی سے راستہ بنا دیا" ازقلم : رہبر تماپوی۔  زندگی کے اس کٹھن دور میں جب والد صاحب کی جدائی کا غم تازہ تھا اور پردیس کی تنہائی میں ماں کی یاد دل کو چیر رہی تھی، ہر طرف تاریکی کا گمان ہوتا تھا۔ ایک طرف گھر کی بڑی ذمہ داریاں تھیں، تو دوسری طرف جائے ملازمت پر اعلیٰ حکام کی بے جا سختی اور تنقید؛ یہ دہرا بوجھ بظاہر ناقابلِ برداشت تھا۔ ایسے میں میرے پاس سب سے بڑا اثاثہ میرے والد صاحب کی وہ نصیحت تھی جس میں انہوں نے "صبر اور اعلیٰ اخلاق" کو اپنا شعار بنانے کا درس دیا تھا۔ میں نے حالات کا شکوہ کرنے کے بجائے خاموشی سے اللّٰہ سے رجوع کیا اور اپنے اخلاق کو گرنے نہیں دیا۔ پھر اللّٰہ کا وہ "خاموش معجزہ" رونما ہوا کہ غیب سے آسانیاں پیدا ہونے لگیں۔ وہی حکام جو کبھی میری ذات پر معترض تھے، میرے کام اور صلاحیتوں کے گواہ بن گئے۔ یہ تجربہ مجھے سکھاتا ہے کہ جب انسان اللّٰہ کی رضا کے لیے صبر کا راستہ اختیار کرتا ہے، تو اللّٰہ کی نصرت اسے وہاں سے راستہ عطا کرتی ہے جہاں اس کا گمان بھی نہیں ہوتا۔ بے شک، انسانی کامیابی کا...

شہنشاہِ تعلیم الحاج مرحوم ڈاکٹر امان اللہ شاہ (امان دادا) "ایک عہد ساز تعلیمی و سماجی رہنما". ( سالگرہ پر خراج عقیدت) عقیل خان بیاولی، جلگاؤں۔ "اِنَّ مَعَ الْعُسْرِ يُسْرًا" ؛ یہی وہ آفاقی پیغام ہے جسے حرزِ جاں بنا کر مرحوم الحاج ڈاکٹر امان اللہ شاہ، المعروف امان دادا، نے اپنی پوری زندگی تعلیم و اصلاحِ معاشرہ کے لیے وقف کردی۔ وہ محض ایک فرد نہیں بلکہ ایک تحریک، ایک فکر اور ایک روشن عہد کا نام تھے ایسا عہد جس نے خاندیش، خصوصاً ضلع جلگاؤں میں تعلیمی بیداری کی نئی تاریخ رقم کی۔ ستر کی دہائی کا وہ دور جب خواتین کی تعلیم کا تصور بھی ایک خواب معلوم ہوتا تھا، ملت میں تعلیمی شعور اپنی ابتدائی منزلوں میں تھا، ایسے میں امان دادا نے نہ صرف اس خواب کو دیکھا بلکہ اسے حقیقت کا روپ دینے کے لیے میدانِ عمل میں اترے۔ انجمن تعلیم المسلمین (قیام 1942ء) کے طویل جمود کے بعد انہوں نے اس ادارے میں نئی روح پھونکی اور تعلیمی سرگرمیوں کو عملی جہت عطا کی۔ طلبہ کے مسائل کو قریب سے محسوس کرتے ہوئے انہوں نے بیرونِ شہر سے آنے والے نوجوانوں کے لیے "امینیہ ہوسٹل"کے قائم کرنے م...

پانگل اسکول کے " وسیم نلّامندو" وظيفهء حُسنِ خدمات سے سبکدوش"۔ شولاپور: شہر شولاپور کی اُمّ المدارس "ایم اے پانگل اینگلو اُردُو ہائی اسکول اینڈ جونیئر کالیج آف آرٹس اینڈ سائنس شولاپور" کے فن، دستکاری اور ڈرائنگ مضمون کے ماہر اور ہر دل عزیز اُستاذ، "وسیم محمد یوسف نلّامندو" اپنی پینتیس سالہ طویل تدریسی خدمات کے بعد وظیفہ حُسنِ خدمات سے سبکدوش ہوگئے۔ مورخہ تیس اپریل، 2026 کو مدرسہ ہذا کے " مرحوم نعیم شیخ میموریل ہال" میں، پرنسیپل ڈاکٹر ہارون رشيد باغبان کی صدارت میں منعقد کیے گئے ایک شاندار تہنیتی جلسہ میں موصوف کی گراں قدر خدمات کے اعتراف میں "تہنیت" پیش کی گئی اور آپ کو "لائف ٹائم اچیومنٹ ایوارڈ" پیش کیا گیا۔    اس الوداعی تقریب کا آغاز، جونیئر کاليج کے ٹیچر، الیاس سوداگر کے ذریعے تلاوتِ قرآنِ کریم سے ہوا۔ بعد از آں، اکبر پٹھان، عبدالرؤف پٹیل، عارف پٹھان، فرزانہ نداف، ذاکر شاہ پورے، الطاف صدیقی، فوزیہ شیخ، ڈاکٹر ثریّا پروین جاگیردار، کے علاوہ موصوف کی صاحبزادی عائشہ نلّامندو، لوناولہ ا...

ایک عظیم معلّم، ایک شفیق سرپرست ..... جناب وسیم احمد محمد یوسف نلّامندو -  از قلم :  طٰہٰ جمیل نلاّمندو۔      زندگی میں بعض شخصیات ایسی ہوتی ہیں جو محض رشتوں کی حدود تک محدود نہیں رہتیں بلکہ اپنی محبت  خلوص اور کردار کے باعث دلوں پر حکمرانی کرتی ہیں۔ جناب وسیم احمد محمد یوسف نلّامندو صاحب بھی ایسی ہی ایک باوقار اور قابلِ احترام شخصیت کے مالک ہیں، جنہیں ہم سب گھر والے  عقیدت و محبت سے "وسیم بھیا" کے نام سے بلاتے ہیں۔          میرے لیے ان کی حیثیت صرف ایک قریبی رشتہ دار کی نہیں بلکہ ایک سایۂ شفقت کی ہے۔ میرے والد کے بعد اگر کسی نے مجھے پدرانہ محبت، خلوص اور رہنمائی سے نوازا ہے تو وہ میرے سسر محترم محمد یوسف نلاّمندو اور ان کے ہمراہ وسیم بھیا ہیں۔ انہوں نے ہمیشہ مجھے اپنی بیٹی کا درجہ دیا اور اپنی شفقتوں سے کبھی محروم نہیں ہونے دیا۔        وسیم بھیا کی شخصیت سادگی، سنجیدگی اور متانت کا حسین امتزاج ہے۔ اس دورِ پُر فتن میں جہاں نمود و نمائش کو معیارِ عظمت سمجھا جاتا ہے، انہوں نے ہمیشہ سادہ طرزِ حیات ...