Sadae Maharashtra E Urdu News Solapur صدائے مہاراشٹر ای اُردو خبر نامہ شولاپور

خوف خدا والے دین کی ضرورت ہے۔۔ -   تحریر: مولانا میر ذاکر علی محمدی پربھنی۔ 9881836729  آج ہم اس دور میں یہ مشاہدہ کر رہے ہیں،کہ ہم میں کتنی تبدیلیاں، خرابیاں اور برائیاں سرایت کرچکی ہیں۔ انسانی حقوق کی پا مالی، اخلاقی اقدار کا فقدان، تہذیب و تمدن کی کمی، کسی کی عزت نفس میں کتروبیونت، اور ایک دوسرے سے الفت ومحبت یہ ہم سے آہستہ آہستہ متروک اور کھسک رہی ہیں، اور اسکی جگہ نفرت،حسد ،کینہ، قطع رحمی ، انانیت، خودنمائ، انسان میں تخلیق پارہی ہے۔ جو خدائ دین سے ہم کو دور کررہی ہے۔جو ایک لمحہ فکریہ اور تشویشناک بات ہے۔ جبکہ اسلام کی خوبصورت تعلیم اور اللہ کا فرمان ہے کہ اسلام میں پورے کے پورے داخل ہوجاو۔ اللہ کے پاس فوقیت اور برتری اسی کو ہے جو اللہ سے ڈرتا ہو، جب امتوں میں بگاڑ اور اخلاقی اقدار کو پامال کیا جاتا ہے تو اللہ سے ڈر والا دین جاتا رہتا ہے۔ اور اسکی جگہ ( Glamour) گلیمر اور نمائشی دین جگہ لیتا ہے۔ جس سے انسانیت کی ہلاکت کے سوا اور کچھ نہیں۔ جو اللہ کا خوف نہیں رکھتا، اسے ساری دنیا ڈراتی ہے،اور جو اللہ سے ڈرتا ہے، ساری دنیا اس سے ڈرتی ہے۔ ایک سنت مسواک کی ادا...

دوسروں کی راہ روشن کرنے سے ہماری راہ بھی منور ہوتی ہے۔ -   فردوس انجم ( بلڈانہ مہاراشٹر) ایثار کے لغوی معنی "دوسروں کو خود پر ترجیح دینا"کے ہیں۔ یہ ایک ایسی اعلیٰ انسانی صفت ہے جو کسی بھی معاشرے کو امن، محبت اور اخوت کا گہوارہ بناتی ہے۔ مگر افسوس آج معاشرے میں ایثار کا جذبہ تیزی سے ماند پڑتا جا رہاہےجو ایک صحت مند اور پر امن معاشرت کے لیے انتہائی تشویشناک ہے۔ * جذبۂ ایثار کی کمی کے اسباب ١۔ مادیت پرستی :  آج انسان مادی اشیاء کی دوڑ میں اس قدر اندھا ہو چکا ہے کہ ہر چیز کو نفع اور نقصان کےترازو میں تولنے لگا ہے۔آگے بڑھنے کی ہوڑ نے اس سے ہمدردی، رحم دلی اور قربانی کا جذبہ چھین لیا ہے۔ ٢۔ خاندانی نظام : انفرادی طرزِ زندگی نے انسان کو تنہائی اور خود غرضی کی طرف مائل کر دیا ہے۔ خود نمائی اور دکھاوے کی سوچ نے گھر کے افراد کو بھی ایک دوسرے سے دور کر دیا ہے۔ یہاں تک کہ پڑوسیوں کے حالات سے باخبر رہنا بھی ایک خواب بنتا جا رہا ہے۔ ٣ ۔ سوشل میڈیا اور مصنوعی روابط: آج بیشتر تعلقات رسمی اور نمائشی ہو چکے ہیں۔ سوشل میڈیا نے انسان کو حقیقی رشتوں سے دور کر کے مصنوعی دنیا میں...

اردو معلم جناب سی. فضل الرحمن کی سبکدوشی پر پُرجوش تہنیتی تقریب کا انعقاد ....  فضل الرحمن کی تدریسی و سماجی خدمات ناقابل فراموش....  س. م. نعمان - (سابق اے. پی. اردو اکیڈمی چیئرمین، نندیال) 35 سالہ شاندار تدریسی خدمات انجام دینے کے بعد ممتاز معلم و اردو ایس جی ٹی جناب سی. فضل الرحمن صاحب آج بروز اتوار، مورخہ 31 مئی 2026 کو اپنے فرائضِ منصبی سے سبکدوش ہو گئے۔ اس موقع پر ڈاکٹر نعمان صاحب کے دولت کدہ پر ایک پروقار و پُرجوش تہنیتی تقریب کا انعقاد کیا گیا۔ تقریب میں سابق چیئرمین اردو اکیڈمی، ڈاکٹر محمد نعمان صاحب نے بحیثیتِ مہمانِ خصوصی شرکت کی اور اپنے خطاب میں جناب فضل الرحمن کی تعلیمی، ادبی اور سماجی خدمات کو زبردست خراجِ تحسین پیش کیا۔ ڈاکٹر نعمان صاحب نے کہا کہ فضل الرحمن صاحب نے ہزاروں طلبہ کی شخصیت سازی کی اور تعلیم کے زیور سے آراستہ کیا۔اس دوران انہوں نے تمام اردو اساتذہ اور اردو اساتذہ تنظیم قائدین کو تلقین کیا کہ آپس میں اتحاد و اتفاق سے رہتے فروغ اردو اور اردو سکولوں کو مستحکم کرنے کے لیے حتمی کوشش کریں.  مختلف اسکولوں سے تشریف لائے ہوئے اس...

ہم بے خودی میں تم کو پکارے چلے گئے۔ (افسانچہ) از قلم : محمود علی لیکچرر۔ 8055402819 بارش کی ہلکی ہلکی بوندیں فضا میں رقص کر رہی تھیں۔ محلے کے کونے والے پرانے مکان کے برآمدے میں نانا جان بیٹھے تھے۔ سارا محلہ انہیں نانا جان کہتا تھا۔ سفید بال گورا چہرہ، آنکھوں پر موٹا چشمہ ہاتھ میں لکڑی کی چھڑی اور منہ میں پان کی گلوری۔ ان کی شخصیت میں ایک ایسا وقار تھا جو برسوں کی زندگی اور تجربے سے پیدا ہوتا ہے۔ برآمدے کے ایک کونے میں رکھا پرانا ریڈیو اچانک جاگ اٹھا۔ چند لمحوں بعد محمد رفیع کی درد بھری آواز فضا میں پھیل گئی "ہم بے خودی میں تم کو پکارے چلے گئے...... نانا جان کے ہاتھ میں تھما پان جیسے رک سا گیا۔ نگاہیں آسمان کی وسعتوں میں کہیں کھو گئیں۔ بارش کی بوندیں اب بھی گر رہی تھیں مگر ان کے دل میں یادوں کا ایک اور موسم اتر آیا تھا۔ پچاس برس پہلے............ شہر کے قدیم کالج کی لائبریری میں ایک لڑکی اکثر کھڑکی کے پاس بیٹھی کتابیں پڑھا کرتی تھی۔ اس کی بڑی بڑی آنکھیں، سنجیدہ لہجہ اور ہلکی سی مسکراہٹ نانا جان کے دل میں خاموشی سے گھر کر گئی تھیں۔ اس کا نام سلیمہ تھا۔ وہ روز اسے دیکھتے ا...

جلگاؤں (عقیل خان بیاولی) این سی پی کے بیاول تعلقہ صدر سماجی سیاسی کارکن شیخ سعید عبدالرشید عمر ٦٠ سال کا نصف شب میں دورہ قلب پڑنے کے سبب انتقال ہو گیا مرحوم کی تدفین ٣١ مئی بہ روز اتوار صبح قریب دس بجے عمل میں آئی جس میں تعلیمی علمی ادبی سماجی سیاسی شخصیات نے شرکت کی این سی پی کے سرگرم رکن کی حیثیت سے انھوں نے کافی خدمات انجام دیں مستحقین اور ضرورت مندوں کی امداد انتہائی خاموشی سے انجام دیا کرتے تھے مسلم پسماندہ ذات برادری کے حقوق کے لئے ہمیشہ کوشاں رہے آئینی طور پر ان کے حقوق حاصل کرنے کے لئے لڑتے رہے ان کی اس مد میں کی گئی رہنمائی ہمیشہ یاد رہے گی۔ پسماندگان میں بیوہ تین بیٹے بہویں پوتا پوتی پر مشتمل بڑا خاندان ہے ان کے فرزند شیخ عمیر شعبہ درس و تدریس میں خدمات انجام دے رہیں ہے۔

جلگاؤں (سعید پٹیل) فیشن اور انٹیریئر ڈیزائننگ کے شعبے میں نمایاں مقام رکھنے والے معروف ادارے نِف گلوبل (NIF Global) جلگاؤں اور سنگیتا اکیڈمی کے زیراہتمام منعقدہ ایک پروقار تقریب میں شہر کے ابھرتے ہوئے نوجوان انٹیریئر ڈیزائنر پٹیل محمد زین محمد ادریس کو 'اچیورز ایوارڈ 2026' (Achievers' Award 2026) سے سرفراز کیا گیا ہے۔ انہیں یہ ایوارڈ انٹیریئر ڈیزائننگ کے میدان میں ان کی بہترین تخلیقی صلاحیتوں (Creativity)، انتھک محنت اور منفرد وژن کے اعتراف میں دیا گیا ہے۔ معروف سیاسی شخصیات کی موجودگی میں اعزاز  گذشتہ روز 30 مئی 2026 کو منعقدہ مذکورہ پروقار تقریب میں مہاراشٹرا اور جلگاؤں کی کئی ممتاز شخصیات نے شرکت کی۔ پٹیل محمد زین کو یہ سرٹیفکیٹ معزز مہمانانِ کی موجودگی میں پیش کیا  گیا۔ سرپرست وزیر ضلع جلگاؤں شری گلاب راؤ پاٹل حکومت مہاراشٹر کے وزیر براۓ ٹیکسٹائل شری سنجے ساؤکارے ، جلگاؤں شہر کےایم۔ایل۔اے  شری سریش بھولے (راجو ماما)  جلگاؤں بلدیہ اعظمی میئر شریمتی دیپ مالا کالے ،   ڈائریکٹر، نِف گلوبل و سنگیتا اکیڈمی ، جلگاؤں شریمتی سنگیتا پاٹل وغیرہ ...

واجد اختر صدیقی کی "نقش تحریر " :گلبرگہ کی ادبی روایت کا آئینہ -  ازقلم : افراء تسکین (اورنگ آباد) فون نمبر: 9545857089                   اردو ادب کا دائرہ نہایت وسیع اور ہمہ گیر ہے، جس میں ہر قلم کار اپنے منفرد اسلوبِ نگارش، فکری بصیرت اور تخلیقی صلاحیتوں کے باعث ایک الگ شناخت کا حامل ہوتا ہے۔ یہ اہلِ قلم اردو زبان و ادب کے فروغ اور بقا کے لیے مسلسل کوشاں ہیں تاکہ نئی نسل تک اردو کی شیرینی، تہذیبی وراثت اور ادبی روایات منتقل کی جا سکیں۔ بعض ادیب اپنی خداداد صلاحیتوں، محنت اور علمی و ادبی خدمات کے ذریعے نہ صرف ادب کو ثروت مند بناتے ہیں بلکہ اپنی سرزمین کو بھی ایک منفرد شناخت عطا کرتے ہیں۔ ایسے ہی باصلاحیت اور فعال ادیبوں میں واجد اختر صدیقی کا نام خصوصی اہمیت کا حامل ہے۔ واجد اختر صدیقی کا تعلق ریاستِ کرناٹک کے تاریخی اور علمی شہر گلبرگہ سے ہے۔ پیشے کے اعتبار سے وہ درس و تدریس سے وابستہ ہیں، تاہم ان کی اصل پہچان ان کی ادبی خدمات ہیں۔ وہ ان معدودے چند قلم کاروں میں شمار ہوتے ہیں جو بیک وقت نثر اور شاعری دونوں میدانوں م...

مئی 31, 2026 : (محمد رضوان اللہ کے ذریعے)  اسلامیہ بوائز ہائر سیکنڈری اسکول میں اردو زبان کے بے لوث خادم، پاسبانِ اردو اور ماہنامہ ’’نشانِ منزل‘‘ کے مدیر جناب عبدالباری مخلص صاحب کے اعزاز میں ایک پُروقار تقریبِ تکریم و تہنیت منعقد ہوئی، جس میں علمی، ادبی، سماجی اور سیاسی حلقوں سے وابستہ ممتاز شخصیات نے شرکت کرکے اردو کے اس خاموش مگر عظیم سپاہی کو خراجِ عقیدت پیش کیا۔ تقریب کا آغاز جناب ذکی احمد عمری کی پُرسوز تلاوتِ کلامِ پاک سے ہوا، جبکہ مولوی ارشاد احمد صاحب نے نہایت خوش اسلوبی کے ساتھ نظامت کے فرائض انجام دیے۔ مہمانانِ گرامی کا استقبال انجمنِ خدام الاسلام کے صدر جناب ٹی ایم عبدالرؤف خالد صاحب نے کیا اور اپنے استقبالیہ کلمات میں عبدالباری مخلص صاحب کی اردو دوستی اور ادبی خدمات کو سراہا۔ الف نیوز کے مدیر سید اکبر زاہد نے اپنے خطاب میں عبدالباری مخلص صاحب کی طویل ادبی و صحافتی خدمات کا تفصیلی جائزہ پیش کرتے ہوئے کہا کہ انہوں نے اپنی پوری زندگی اردو زبان کی ترویج، اشاعت اور خدمت کے لیے وقف کر رکھی ہے۔ ماہنامہ ’’نشانِ منزل‘‘ ان کی اسی بے لوث جدوجہد کا زندہ ثبوت ہے جس نے ب...

واجد اختر صدیقی کی "نقش تحریر " :گلبرگہ کی ادبی روایت کا آئینہ -  ازقلم :  افراء تسکین (اورنگ آباد) فون نمبر: 9545857089                   اردو ادب کا دائرہ نہایت وسیع اور ہمہ گیر ہے، جس میں ہر قلم کار اپنے منفرد اسلوبِ نگارش، فکری بصیرت اور تخلیقی صلاحیتوں کے باعث ایک الگ شناخت کا حامل ہوتا ہے۔ یہ اہلِ قلم اردو زبان و ادب کے فروغ اور بقا کے لیے مسلسل کوشاں ہیں تاکہ نئی نسل تک اردو کی شیرینی، تہذیبی وراثت اور ادبی روایات منتقل کی جا سکیں۔ بعض ادیب اپنی خداداد صلاحیتوں، محنت اور علمی و ادبی خدمات کے ذریعے نہ صرف ادب کو ثروت مند بناتے ہیں بلکہ اپنی سرزمین کو بھی ایک منفرد شناخت عطا کرتے ہیں۔ ایسے ہی باصلاحیت اور فعال ادیبوں میں واجد اختر صدیقی کا نام خصوصی اہمیت کا حامل ہے۔ واجد اختر صدیقی کا تعلق ریاستِ کرناٹک کے تاریخی اور علمی شہر گلبرگہ سے ہے۔ پیشے کے اعتبار سے وہ درس و تدریس سے وابستہ ہیں، تاہم ان کی اصل پہچان ان کی ادبی خدمات ہیں۔ وہ ان معدودے چند قلم کاروں میں شمار ہوتے ہیں جو بیک وقت نثر اور شاعری دونوں مید...

انجنگاؤں سورجی (ضلع امراوتی) / خصوصی نمائندہ عبدالرازق اردو ساہتیہ اکیڈمی مہاراشٹر اسٹیٹ کے صدر جناب سید حسین اختر نے کہا ہے کہ اردو زبان و ادب کے فروغ کے لیے نوجوان نسل کی شمولیت ناگزیر ہے۔ انہوں نے کہا کہ اکیڈمی مہاراشٹر بھر میں خصوصاً ودربھ کے اضلاع اکولہ، امراوتی، ناگپور، بلڈانہ، واشم اور برار کے علاقوں میں ادبی سرگرمیوں کو فروغ دینے کے لیے مسلسل کوشاں ہے۔ ان خیالات کا اظہار انہوں نے عبدالرازق سے ایک خصوصی گفتگو کے دوران کیا۔ سوال: اردو ساہتیہ اکیڈمی کی موجودہ ترجیحات کیا ہیں؟ سید حسین اختر: ہماری اولین ترجیح اردو زبان و ادب کا فروغ ہے۔ اس مقصد کے لیے مشاعرے، ادبی نشستیں، سیمینار، تربیتی پروگرام اور ثقافتی سرگرمیاں منعقد کی جا رہی ہیں تاکہ اردو سے وابستہ افراد کو بہتر مواقع فراہم کیے جا سکیں۔ سوال: کیا ودربھ کے علاقوں کو خصوصی اہمیت دی جا رہی ہے؟ جواب: جی ہاں، ودربھ میں بے شمار باصلاحیت شاعر، ادیب اور نوجوان موجود ہیں۔ اکیڈمی کی کوشش ہے کہ ان علاقوں میں زیادہ سے زیادہ ادبی پروگرام منعقد ہوں اور مقامی صلاحیتوں کو ریاستی سطح پر متعارف کرایا جائے۔ سوال: مشاعروں اور ادبی پر...

ڈاکٹر محمد سمیع الدین۔ تدریس سے محبت کاآدمی -  محمدیوسف رحیم بیدری۔ ڈاکٹر محمدسمیع الدین یکم جون 1980؁ء کو تاریخی شہر اور ضلع بیدر کے ایک معروف قریہ بگدل میں پید اہوئے۔ وہ بگدل جس کو کبھی باغِ عدل کہاجاتاتھا۔چھٹی اور ساتویں دہائی کے بعدجہاں کے بیشتر نوجوانوں پر تعلیم حاصل کرنے کا اس قدر جنون سوا رہواکہ آج بگدل جیسے قریہ میں دس سے زیادہ ڈاکٹر اور لیکچرر مل جاتے ہیں۔ میڈیکل ڈاکٹر بھی علیحدہ سے اپنانام روشن کررہے ہیں۔ بگدل کے واسیوں کی ایک شناخت یہ ہے کہ وہ اپنے نام کے آگے بگدلی ضرور لکھتے ہیں لیکن ڈاکٹر محمد سمیع الدین نے ایسا کبھی نہیں کیا۔ ڈاکٹر محمد سمیع الدین یاروں کے یار ہیں۔ عشق کے طرفدار ہیں۔ تعلیم کوضروری سمجھتے ہیں اور اپنے پیشہ کے ساتھ وفاداری کو جزو ایمان تصور کرتے ہیں۔ انھوں نے اپنے اساتذہ جیسے پروفیسر حمیدالدین سہروردی، حبیب نثار اور عبدالرب استاد وغیرہ کاذکر اور ان کی قدر کو اپنااوڑھنا بچھونا بنا رکھاہے تو حیرت نہیں ہوتی کہ استاد کے بغیر دنیا تپتا ہوا صحرا ہے۔ تاریخی شہر بید رکے’داما د‘ ہیں۔ جب کہ ایک اور تاریخی شہر بیجاپور میں برسرِ روزگار ہیں جہاں گھر ...

تمل ناڈو سے محمد رضوان اللہ کی رپورٹ -   میل وشارم شفا ہیلتھ اینڈ چیریٹیبل ٹرسٹ کی جانب سے آج بروز اتوار 31 مئی 2026 کو خیر جاری مڈل اسکول، میل وشارم میں ایک مفت طبی معائنہ اور صحت بیداری کیمپ کا کامیاب انعقاد عمل میں آیا۔ اس طبی کیمپ کا مقصد عوام کو معیاری طبی سہولیات فراہم کرنا، مختلف بیماریوں کی بروقت تشخیص کرنا اور صحت کے متعلق شعور بیدار کرنا تھا۔ کیمپ کے دوران ماہر ڈاکٹروں نے بڑی تعداد میں مرد، خواتین اور بچوں کا طبی معائنہ کیا اور انہیں ضروری طبی مشورے فراہم کیے۔ مریضوں کے بلڈ پریشر، شوگر اور دیگر بنیادی طبی جانچ کے انتظامات بھی کیے گئے۔ ضرورت مند افراد کو مفت ادویات بھی فراہم کی گئیں۔ اس موقع پر شفا ہیلتھ اینڈ چیریٹیبل ٹرسٹ کے صدر، سکریٹری اور دیگر ذمہ داران و اراکین نے شرکت کی۔ انہوں نے کیمپ میں خدمات انجام دینے والے ڈاکٹروں اور طبی عملے کی گلپوشی و تہنیت کے ذریعے حوصلہ افزائی کی اور ان کی عوامی خدمت کے جذبے کو سراہا۔ ٹرسٹ کے ذمہ داران نے اپنے خطاب میں کہا کہ صحت مند معاشرہ ہی ترقی یافتہ معاشرے کی بنیاد ہے۔ اسی مقصد کے تحت شفا ہیلتھ اینڈ چیریٹی...

ترقی لاپتہ، عوام بے حال -   کیا صرف گمراہ سیاست اور زبانی جمع خرچ کے بھروسے چلے گا شہر؟  ازقلم : وسیم رضا خان۔ مالیگاؤں مہانگر پالیکا کے انتخابات بیت گئے، اقتدار کی نئی بساط بچھ گئی اور شہر کی کمان اسلام پارٹی کے ہاتھوں میں آ گئی۔ تبدیلی کی امید لگائے بیٹھی عوام کو لگا تھا کہ شاید اب شہر کی صورت بدلے گی۔ لیکن اقتدار سنبھالتے ہی جو تصویریں اور فیصلے سامنے آئے، انہوں نے شہر کے بیدار شہریوں کو سوچنے پر مجبور کر دیا ہے۔ آج مالیگاؤں کی سیاست ترقی کے مسائل سے بھٹک کرخاندانی سیاست اور بیان بازی کے ارد گرد سمٹ کر رہ گئی ہے۔ دونوں دوست پارٹیوں کے خاندان کارپوریشن میں اپنی اپنی کرسیاں سنبھالے ہوئے ہیں. یہی معاملہ ایم آئی ایم کے کچھ لوگوں کا بھی ہے.  اسلام پارٹی کے بانی آصف شیخ نے مہانگر پالیکا میں اقتدار پاتے ہی میئر کی کرسی پر اپنے بھائی کی بیوی کو بٹھا دیا۔ سیاست سے دور دور تک واسطہ نہ رکھنے والی ایک خاتون کو سیدھے شہر کا پہلا شہری بنا دینا عوام کے گلے نہیں اتر رہا ہے۔ چرچے تو یہاں تک ہیں کہ ایک ہی خاندان اور رشتہ داری کے قریب 7 ارکان مہانگر پالیکا کے ایوان میں م...

کلبرگی 31 / مئی. بسواراج دیشمکھ، شرن بسویشور ودیا وردھک سنگھ کے سیکرٹری اور کلیان کرناٹک ہوراٹا سمیتی کے اعزازی صدر، کل ویتنام کے دس روزہ دورے کے بعد کلبرگی پہنچے۔ ان کی رہائش گاہ پر منعقدہ ایک تقریب سے خطاب کرتے ہوئے انہوں نے کہا کہ ویتنامی عوام کی حب الوطنی لائقِ تحسین و قابلِ تقلید ہے ۔ ویتنام کی یکجہتی اور سالمیت کا جزنہ دیکھا کہ وہ ویتنام کی ترقی و استحکام کے کسی بھی قربانی ہر وقت تیار رہتے ہیں، چاہے ان کا مذہب، ذات یا جماعت کچھ بھی ہو۔ ماضی میں، امریکہ کے لوگ فخر سے کہتے تھے کہ انہوں نے اپنے ملک کی اجتماعی طاقت کی وجہ سے کامیابی حاصل کی ہے۔ چونکہ ویتنام نے سیاحت کے شعبے کو خاص اہمیت دی ہے، اس لیے یہ ملک کے لیے بہت آمدنی پیدا کرے گا۔ ہمارے ملک میں بے شمار قلعوں ، قدرتی مقامات اور مذہبی مقامات موجود ہیں۔ انہوں نے حکومت پر زور دیا کہ وہ اس معاملے پر سنجیدگی سے غور کرتے ہوئے سیاحت کے فروغ کو خصوصی ترجیح دے۔ اس موقع پر، سمیتی کے بانی چیئرمین، ڈاکٹر لکشمن دستی نیلکنٹ راؤ پٹیل نے کہا، پروفیسر آر۔ کے۔ ہوڑگی ، ڈاکٹر بسوراج کمنور، بسواراج گلاشیتی، کیلاس ناتھ دکشت، شرن گو...

 ایک نرم لہجے کی تہذیب کا رخصت ہونا-  (بشیر بدر کے سانحۂ ارتحال پر)             منظور احمد دکنی Email:drmnzrd@gmail.com Cell:   9964801454 بعض شخصیتیں محض افراد نہیں ہوتیں بلکہ ایک عہد کی تہذیبی، جمالیاتی اور فکری شناخت بن جاتی ہیں۔ ان کے رخصت ہو جانے سے یوں محسوس نہیں ہوتا کہ صرف ایک شخص دنیا سے اٹھ گیا، بلکہ ایسا لگتا ہے جیسے زبان کے آنگن سے ایک مانوس صدا خاموش ہو گئی، شام کی تنہائی سے ایک چراغ کم ہو گیا، اور دل کی بستی میں بیٹھا کوئی دیرینہ ہم سخن اچانک خاموشی اوڑھ کر کہیں دور نکل گیا ہو۔ وہ اردو غزل کے ایسے ہی صاحبِ دل شاعر تھے جنھوں نے غزل کو محض صنفِ سخن نہیں رہنے دیا بلکہ اسے انسانی رفاقت، داخلی کرب، تہذیبی لطافت اور محبت کی نرم حرارت سے آشنا کیا۔ راقم کو بشیر بدرکی حیات، شخصیت اور فکر و فن کا نسبتاً قریب سے مطالعہ کرنے کا موقع اُس وقت ملا جب طالبہ شایستہ ترنم نے ایم۔اے کے لیے ان کے مجموعۂ کلام “آس” کے تنقیدی جائزے پر مقالہ تحریر کیا۔ اس علمی مشغلے کے دوران یہ احساس بار بار شدت سے ابھرتا رہا کہ بشیر بدر جدید اردو...

دھارواڑ، 26 مئی: انجمنِ اسلام دھارواڑ کے زیرِ انتظام انجمن آرٹس، سائنس، کامرس کالج اینڈ پوسٹ گریجویٹ اسٹڈیز سنٹر میں آئی کیو اے سی (IQAC) کے تحت "کیریئر گائیڈنس اور روزگار کے مواقع" کے موضوع پر ایک خصوصی ورکشاپ کا کامیاب انعقاد عمل میں آیا۔ اس پروگرام کا اہتمام کالج کے کیریئر گائیڈنس اینڈ پلیسمنٹ سیل نے دیشپانڈے اسکلنگ، ہبلی کے اشتراک سے کالج کے سیمینار ہال میں کیا۔ ورکشاپ کے مہمانِ خصوصی جناب محمد غوث کے۔ اے۔ نے طلبہ سے خطاب کرتے ہوئے کہا کہ موجودہ مسابقتی دور میں صرف تعلیمی قابلیت کافی نہیں بلکہ ہنر مندی، مؤثر ابلاغی صلاحیت اور پیشہ ورانہ تیاری بھی بے حد ضروری ہے۔ انہوں نے طلبہ کو اپنی صلاحیتوں کو نکھارنے اور بہتر مستقبل کی منصوبہ بندی کرنے کی تلقین کی۔ اس موقع پر مہمانانِ اعزاز محترمہ دیپا ایس۔ (ضلع رابطہ کار)، مہک ٹرینرس اور جناب پروین کمار پاٹل (ضلعی منیجر، دیشپانڈے اسکلنگ) نے طلبہ کو مختلف تربیتی پروگراموں، ہنر مندی کے کورسز اور روزگار کے مواقع سے متعلق مفید معلومات فراہم کیں۔ پروگرام کی صدارت کرتے ہوئے کالج کے پرنسپل ڈاکٹر این۔ بی۔ نالتواڑ نے کہ...

خبر پہ شوشہ  -    "خوف کاکروچ کا"  کے این واصف۔  ان دنوں میڈیا میں “کاکروچ جنتا پارٹی” (KJP) کے بڑے چرچے ہیں۔ بتایا گیا کہ مختصر سے عرصہ میں سوشیل میڈیا پر اس کے دیکھنے والون کی تعداد کروڑوں میں پہنچ گئی۔ اس رات و رات مقبولیت پر دنیاحیران ہے۔ دوسری طرف کاکروچ جنتا پارٹی کی مقبولیت نے ملک کے سرکاری اداروں میں اور سیاسی حلقون میں کہیں ہلچل مچا رکھی ہے تو کہیں خوف طاری کر رکھا ہواہے۔  سنا تھا کہ اکثر  خواتین کاکروچ سے ڈرتی ہیں۔ لیکن اب پتہ چلاکہ کاکروچ سے صرف صنفِ نازک ہی نہیں بلکہ اقتدار میں بیٹھے اپنی طاقت کا ڈنکا  پیٹنے  والے بھی ڈرتے ہیں۔

ریاض ۔ (پریس نوٹ) گلوبل تلنگانہ فورم کی جانب سے حسب روایت حج 2026 میں بھی رضاکاروں کی حجاج کرام کی شاندار خدمات رہین۔  صدر گلوبل تلنگانہ فورم کے جاری کردہ پریس نوٹ کے مطابق خدمتِ خلق اور جذبۂ ایثار کی روشن مثال پیش کرتے ہوئے گلوبل تلنگانہ فورم (GTF) حج رضاکار ٹیم برائے حج سال 2026 نے حج کے مقدس ایام میں مکہ مکرمہ میں اللہ کے مہمانوں کی خدمت کو اپنے شرف اور رضائے الٰہی کا ذریعہ بنایا۔ سعودی حکام کی جانب سے جاری کردہ باقاعدہ حج رضاکار اجازت ناموں کے ساتھ، GTF کے رضاکار جدہ، ریاض، دمام اور سعودی عرب کے دیگر علاقوں سے یکجا ہو کر حجاج کرام کی رہنمائی اور مدد کے لیے میدان میں رہے۔ اس سال سعودی عرب کے مختلف شہروں سے آنے والے رضاکاروں نے منظور شدہ اجازت ناموں کے ساتھ حج رضاکارانہ خدمات انجام دیں۔ حج کے دوران صرف مجاز اور اجازت یافتہ رضاکاروں کو ہی خدمات انجام دینے کی اجازت ہوتی ہے۔ GTF رضاکاروں نے سعودی قوانین اور ضوابط کے مطابق اپنی ذمہ داریاں بخوبی انجام دین۔  اس رضاکارانہ مہم کی قیادت محمد جبار المعروف انّا بانی و صدر، گلوبل تلنگانہ فورم نے کی۔ جبکہ ان کے ہمراہ محمد لیق...

کے این واصف : دنیا کے بے مثال اجتماع حج سیزن 1447 ہجری بمطابق 2026 کا اختتام۔ سال رواں کا حج مثالی انتظامات کے ساتھ مکمل ہو گیا۔ امسال 18 لاکھ کے قریب حجاج نے مناسکِ حج روحانی ماحول اور پرسکون انداز میں مکمل کیے، اس دوران کسی قسم کی دشواری یا ہنگامی صورتحال کا سامنا نہیں کرنا پڑا۔ ہر سطح پر انتظامات بے مثال رہے۔ حجاج کی اکثریت کا احساس۔   ایام تشریق کے آخری دن بھی رمی (کنکریاں مارنے) کا سلسلہ صبح سے شروع ہو گیا تھا۔  حجاج ۱۲ ذوالحجہ رمی کا عمل مکمل کرکے قبل از مغرب منٰی سے نکل جاتے ہیں۔ وہ حجاج جو مغرب سے قبل منٰی سے نہین نکل پاتے وہ منٰی میں رات ٹہر کر ۱۳ ذوالحجہ کو کنکریاں مارکر منٰی سے روآنہ ہوتے ہیں۔ اس طرح آج یعنی ۱۳ ذوالحجہ کو لاکھون فرزندان اسلام سے آباد ہوئی منٰی کی خیمہ بستی ایک سال کے لیے ویران ہوجاتی ہے۔

امید کا چراغ کبھی بجھنے نہ دیں -   ازقلم : عالمہ مبین پالیگار، بیلگام کرناٹک۔  M A M Ed  8904317986 امید کا چراغ کبھی بجھنے نہ دیں اندھیرا کتنا ہی گہرا اور مضبوط کیوں نہ ہو، روشنی کی ایک نازک سی کرن سے ہار جاتا ہے۔ زندگی میں مشکلات، آزمائشیں اور پریشانیاں آنا ایک فطری امر ہے۔ دنیا کی زندگی راحت اور سکون کا نام نہیں بلکہ امتحان اور آزمائش کا میدان ہے۔ ہر انسان اپنی زندگی میں کسی نہ کسی مرحلے پر دکھ، تکلیف، ناکامی، بیماری، مالی تنگی یا دیگر مشکلات کا سامنا کرتا ہے۔ لیکن کامیاب وہی لوگ ہوتے ہیں جو حالات کے سامنے ہمت نہیں ہارتے بلکہ صبر، حوصلے اور امید کے ساتھ ان کا مقابلہ کرتے ہیں۔ اکثر دیکھا جاتا ہے کہ جب انسان پر کوئی چھوٹی سی مصیبت آتی ہے تو وہ گھبرا جاتا ہے، مایوسی کا شکار ہو جاتا ہے اور یہ سمجھنے لگتا ہے کہ اب اس کی مشکلات کبھی ختم نہیں ہوں گی۔ حالانکہ حقیقت یہ ہے کہ ہر رات کے بعد صبح آتی ہے، ہر خزاں کے بعد بہار آتی ہے اور ہر مشکل کے بعد آسانی آتی ہے۔ اللہ تعالیٰ قرآنِ کریم میں ارشاد فرماتے ہیں: "فَإِنَّ مَعَ الْعُسْرِ يُسْرًا، إِنَّ مَعَ الْعُسْرِ يُس...

جلگاؤں (عقیل خان بیاولی) شہر جلگاؤں کے تعلیم یافتہ اور اکثریتی مسلم آبادی والے علاقے مہرون میں دسویں اور بارہویں جماعت کے امتحانات میں نمایاں کامیابی حاصل کرنے والے طلبہ و طالبات کے اعزاز میں ایک پروقار تقریب کا انعقاد خادمینِ مہرون اور سلیم انعام دار فرینڈز سرکل کے مشترکہ زیرِ اہتمام کیا گیا۔ اس خصوصی اعزازی نشست میں کامیاب طلبہ اپنے والدین اور سرپرستوں کے ہمراہ شریک ہوئے۔ تقریب کی صدارت ممتاز دینی و علمی شخصیت مفتی محمد ہارون ندوی نے فرمائی۔ اپنے صدارتی خطاب میں انہوں نے اس نوعیت کی حوصلہ افزا تقریبات کے انعقاد پر منتظمین کو مبارکباد پیش کرتے ہوئے کہا کہ اسلام میں علم، اہلِ علم اور صلاحیتوں کی قدر افزائی کی روشن روایت موجود ہے۔ انہوں نے نہایت مؤثر، روح پرور اور فلسفیانہ انداز میں حضرت آدم علیہ السلام کو ملنے والے اولین اعزاز کا تذکرہ کرتے ہوئے کہا کہ خالقِ کائنات نے عرشِ بریں پر فرشتوں سے سجدۂ تعظیمی کروا کر علم اور انسانیت کی عظمت کو نمایاں فرمایا۔ انہوں نے طلبہ کو حصولِ علم کے ساتھ اعلیٰ اخلاق اور کردار اپنانے کی تلقین بھی کی۔ تقریب کے مہمانِ خصوصی اور تعلیمی ترقی کے مح...

جلگاؤں ؛ مہنگائی، پیٹرول-ڈیزل کی قیمتوں میں اضافہ اور پیپر لیک کے خلاف کانگریس کا شدید احتجاج -   "مودی تیری لوٹ ماری، مودی تیری غنڈہ گردی نہیں چلے گی" کے نعروں سے جلگاؤں گونج اٹھا۔ جلگاؤں (عقیل خان بیاولی) پیٹرول، ڈیزل اور گھریلو گیس سلنڈر کی مسلسل بڑھتی ہوئی قیمتوں، کسانوں کو درپیش مشکلات اور پیپر لیک کے واقعات کے سبب لاکھوں طلبہ کے مستقبل سے کھلواڑ کے خلاف کانگریس کمیٹی جلگاؤں کی جانب سے زبردست احتجاجی مظاہرہ کیا گیا۔ شدید گرمی اور چلچلاتی دھوپ کے باوجود ضلع بھر سے سینکڑوں کانگریس کارکنان اور عہدیداران احتجاج میں شریک ہوئے۔ احتجاج کے دوران کارکنان نے مقامی پیٹرول پمپ پر پہنچ کر علامتی طور پر عملے میں "میلوڈی" چاکلیٹ تقسیم کی۔ بعد ازاں پولیس اہلکاروں اور ضلع کلکٹر آفس میں بھی چاکلیٹ تقسیم کرتے ہوئے مرکزی حکومت کی پالیسیوں کے خلاف اپنا احتجاج ریکارڈ کرایا۔ اس موقع پر کانگریس کمیٹی مہاراشٹر کے جنرل سکریٹری اور ترجمان مفتی محمد ہارون ندوی نے پُرجوش اور ولولہ انگیز انداز میں خطاب کرتے ہوئے حکومت پر شدید تنقید کی اور "مودی تیری غنڈہ گردی نہ...

بیدر، 30 مئی (نامہ نگار): ایس آئی آر مخالف سیکولر جماعتوں اور عوامی تنظیموں کی کرناٹک فیڈریشن، آڈیلو کرناٹک تنظیم اور دیگر ترقی پسند و سیکولر جماعتوں کے اتحاد کی جانب سے ووٹر فہرست کی خصوصی نظرِ ثانی (ایس آئی آر) کے خلاف بیدر شہر میں زبردست احتجاجی مظاہرہ کیا گیا۔ مظاہرین نے ڈاکٹر باباصاحب امبیڈکر سرکل پر اجتماع منعقد کرتے ہوئے ایس آئی آر کو فوری طور پر منسوخ کرنے کا مطالبہ کیا۔ بعد ازاں احتجاجی ریلی کی شکل میں اسسٹنٹ کمشنر دفتر تک مارچ کیا گیا اور وزیر اعلیٰ کرناٹک اور ریاستی چیف الیکشن افسر کے نام ایک یادداشت اسسٹنٹ کمشنر پرکاش کدرے کے حوالے کی گئی۔ مقررین نے اپنے خطاب میں کہا کہ ایس آئی آر ایک غیر آئینی، غیر سائنسی، ناقص اور بدنیتی پر مبنی عمل ہے جس کے ذریعے عام ووٹروں خصوصاً غریبوں، مزدوروں، دیہی عوام، اقلیتوں اور پسماندہ طبقات کے حق رائے دہی کو کمزور کرنے کی کوشش کی جا رہی ہے۔ انہوں نے کہا کہ ووٹر فہرست پر نظرِ ثانی کے نام پر عوام میں الجھن اور بے یقینی پیدا کی جا رہی ہے، جبکہ الیکشن کمیشن کو آئینی اصولوں اور شفاف عوام دوست طریقۂ کار پر عمل کرنا چاہیے۔ مظاہرین نے مطالب...

اردو اکادمی آندھراپردیش کو اہل زبان کی امیدوں کا مرکز بنائیں.  اہل اردو کی جانب سے تعمیری تجاویز۔  اردو زبان برصغیر کی مشترکہ تہذیب اور سماجی ہم آہنگی کی ایک روشن مثال ہے۔ یہ صرف ایک زبان نہیں بلکہ صدیوں پر محیط ثقافت ہے جس نے محبت، انسانیت، رواداری اور علمی شعور کو عام کرنے میں اہم کردار ادا کیا ہے۔ آج جبکہ مادی ترجیحات کے شور میں زبانیں اپنی شناخت کے تحفظ کی جدوجہد کر رہی ہیں، ایسے وقت میں اردو کی بقا اور فروغ کے لیے سنجیدہ اور عملی اقدامات وقت کی سب سے بڑی ضرورت بن چکے ہیں۔ اردو اکادمی آندھراپردیش چیرمن فاروق شبلی صاحب کی قیادت میں اردو اکیڈمی مختلف سطحوں پر زبان و ادب کے فروغ کے لیے سرگرم عمل ہے۔ حالیہ دنوں میں منعقد ہونے والے چھوٹے چھوٹے ادبی و ثقافتی پروگراموں نے اردو سے وابستہ حلقوں میں ایک نئی امید پیدا کی ہے۔ شعرا، ادباء، اساتذہ، طلبہ اور زبان سے محبت رکھنے والے افراد کی جانب سے ان سرگرمیوں کا خیرمقدم اس بات کا ثبوت ہے کہ اردو سماج آج بھی اپنی زبان سے جذباتی وابستگی رکھتا ہے اور اگر مخلصانہ قیادت میسر آئے تو یہ زبان نئی توانائی کے ساتھ آگے بڑھ سکتی ہے۔اسی...

بیدر، 30 مئی (نامہ نگار محمد عبد الصمد): جناب سید عبید کی اطلاع کے مطابق محترمہ الحاجہ نسرین سلطانہ زوجہ سید داؤد ، مالک اسٹون کریشر، ساکن حمیلہ پور ضلع بیدر، جو حج کمیٹی ریاستِ کرناٹک کے توسط سے اپنے شوہر کے ہمراہ فریضۂ حج کی ادائیگی کے لیے روانہ ہوئی تھیں، 29 مئی کو مکہ مکرمہ میں انتقال کرگئیں۔ مرحومہ کا کور نمبر KA-5958-2 بتایا گیا ہے۔ مرحومہ کے انتقال کی خبر سے حمیلہ پور اور اطراف کے علاقوں میں رنج و غم کی لہر دوڑ گئی۔ مرحومہ کی مغفرت اور ایصالِ ثواب کے لیے آج صبح جامع مسجد حمیلہ پور میں نمازِ غائبانہ ادا کی گئی، جس میں بڑی تعداد میں مصلیان، عزیز و اقارب، رشتہ داروں اور اہلِ علاقہ نے شرکت کی اور مرحومہ کے لیے دعائے مغفرت کی۔جبکہ تدفین مکہ مکرمہ میں عمل میں آئی. انتقال کی اطلاع ملتے ہی تعزیت کا سلسلہ جاری رہا۔ متعدد افراد نے مرحومہ کی رہائش گاہ پہنچ کر اہلِ خانہ سے اظہارِ ہمدردی کیا۔ اس موقع پر مرحومہ کی نیک سیرتی، حسنِ اخلاق اور دینی مزاج کا تذکرہ کرتے ہوئے انہیں خراجِ عقیدت پیش کیا گیا۔ مرحومہ کے پسماندگان میں شوہر سید داؤد ، ایک دختر اور دو فرزندان شامل ہیں۔ اللہ تعال...

ظہیرآباد 30/مئی(نمائندہ) مسجد اشاعت اسلام راشدہ اسد متصل اسلامک سنٹر لطیف روڈ ظہیرآباد میں نماز عید الاضحی’ صبح 6:30 بجے وقت مقررہ پر خشوع وخضوع کے ساتھ حافظ محمد جنید کی   امامت میں ادا کی گئی اس سے قبل امیر مقامی جماعت اسلامی ظہیر آباد نارتھ جناب محمد قیصر غوری نے" اسوہ ابراہیمی ملت اسلامیہ کے لئےایک عظیم نعمت " خطاب کیا انہوں نے کہا کہ قربانی کا عمل اللہ کا پسندیدہ عمل ہے اللہ نے ابراہیم علیہ السلام کو پے درپے امتحانات اور آزمائیش کیا اور اس پر ملنے والے انعامات کو قرآن و حدیث کی روشنی میں بیان کیا اور موجود حالات میں مسلمان جس آزمائش سے گزر رہے ہیں ان حالات میں ہر گز ناامیدنہ ہوں یہ مومن کا شیوہ نہیں.مومن‌ حالات سے ہر گز نہیں گھبراتا اور اللہ کی رحمت سے کبھی مایوس نہیں ہوتاکیونکہ مایو سی کفر ہے اور آزمائش کی ان گھڑیوں میں ہر مسلمان کو چاہیئے کہ وہ توحید دین وایمان پر اپنی شریعت پر مضبوطی و استقامت کے ساتھ ڈٹ جائیں اور دعوت دین کو اپنا شعار بنالیں اپنے اتحادکو بھی برقرار رکھیں اسوۂ ابراہیمی کا انقلابی پیغام جاری وساری رکھیں اللہ کی رسی کو مضبوطی سے تھامیں ...

نیا تعلیمی سال اور ہماری ذمہ داریاں -  از قلم : عارف محمد خان، جلگاؤں۔  تعلیم کسی بھی قوم کی ترقی اور خوشحالی کی بنیاد ہوتی ہے۔ ہر سال نئے تعلیمی سال کا آغاز طلبہ، اساتذہ اور والدین کے لیے نئی امیدوں، نئے عزم اور نئے مواقع کا پیغام لے کر آتا ہے۔ یہ وقت نہ صرف تعلیمی سرگرمیوں کے آغاز کا ہوتا ہے بلکہ اپنی ذمہ داریوں کا ازسرِ نو جائزہ لینے اور بہتر مستقبل کی منصوبہ بندی کا بھی موقع فراہم کرتا ہے۔ نئے تعلیمی سال کے آغاز پر طلبہ کی سب سے بڑی ذمہ داری یہ ہے کہ وہ اپنی تعلیم کو سنجیدگی سے لیں اور باقاعدگی کے ساتھ اسکول یا کالج جائیں۔ وقت کی پابندی، محنت، نظم و ضبط اور اساتذہ کے احترام جیسی خوبیاں کامیابی کے لیے نہایت ضروری ہیں۔ طلبہ کو چاہیے کہ وہ نصابی سرگرمیوں کے ساتھ ساتھ غیر نصابی سرگرمیوں میں بھی حصہ لیں تاکہ ان کی شخصیت ہمہ جہت انداز میں پروان چڑھ سکے۔ اساتذہ قوم کے معمار ہوتے ہیں۔ نئے تعلیمی سال میں ان کی ذمہ داری مزید بڑھ جاتی ہے۔ انہیں چاہیے کہ وہ طلبہ کی علمی اور اخلاقی تربیت پر خصوصی توجہ دیں۔ جدید تدریسی طریقوں کو اپنائیں، طلبہ کی صلاحیتوں کو اجاگر کریں اور ان...

جلگاؤں (سعید پٹیل) یہاں کے مضافاتی علاقہ مہرون کے علاقہ میں رہائش پذیر  دسویں اور بارہویں جماعت میں نمایاں  کامیابی حاصل کرنے والے طلباء کی مہمانان کے ہاتھوں  میڈل ٹرافی اور پھول  دےکر حوصلہ فزائی کی گئ۔ پروگرام کی صدارت جمعیت علماء (ارشدمدنی) کے ریاستی نائب صدر  مفتی محمد ہارون ندوی  نے کی۔ اقراء ایجوکیشن سوسائٹی کے صدر  ڈاکٹر عبدالکریم سالار ،  شکیل میمن ،مولانا عقیل ندوی  ، ڈاکٹر ماجد خان ، ادریس سیٹھ  ہینگورا ، جمیل شیخ بھائی ، رزاق بھائی وغیرہ بطور مہمانان خصوصی  موجود تھے۔ اس موقعہ پر فری لانس جرنلیسٹ عقیل خان بیاولی اور سعید پٹیل بھی شریک رہے۔ ۔علاقہ مہرون کے ایکتا ہال میں بروز جمعہ کو منعقد دسویں اور بارہویں جماعت کے امسال میں  علاقہ مہرون کے رہائش پذیر طلباء کو سلیم انعامدار اور ان کے  فرینڈ سرکل کی جانب سے استقبالیہ تہنیت پیش کی گئ۔جلسہ تہنیت کا  تلاوت قرآن پاک سے آغاز عمل میں آیا۔بعدازاں سلیم انعامدار اور ان کے فرینڈ سرکل کی جانب سے مہمانان کا استقبال کیاگیا۔   صدارتی اظہار خیال میں مفتی مح...

مرزا چشتی صابری نظامی کایومِ پیدائش یکم جون -   محمدیوسف رحیم بیدری۔ موبائل:9845628595    کون کس تاریخ کو پیدا ہواہے، اس کی گوکہ اہمیت نہیں ہے، مگر تاریخ پیدائش کا ایک سلسلہ اکیسویں صدی میں یوں بھی اہمیت اختیار کرگیاہے کہ ہندسوں کی بنیاد پر AIاپنی کارکردگی دکھاتاہے اور پوری دنیا اسی الگورتھم پر چل رہی ہے۔ اس لحاظ سے دیکھاجائے تو بیدر کے صوفی شاعر جناب مرزاؔچشتی صابری نظامی کا یوم ِ پیدائش یکم جون ہے۔   ان کے والد ِمحترم اور جدامجد کے بارے میں بھی جاننا ضروری ہوجاتاہے۔”مرزا محمودعلی بیگ مرزاؔشہر بیدر کے محلہ نورخاں تعلیم میں پیدا ہوئے۔ آپ کے والدِ بزرگوار حضرت مرزا باقر علی بیگؒ (موظف پولیس انسپکٹر) تادمِ زیست مسجد شاہ خاموشؒ میں پیش امام کے فرائض بحسن و خوبی انجام دیتے رہے۔ حضرت اعظم علی صوفی قادری چشتیؒ (کوہیر) اور حضرت عبداللہ شاہ صاحب قبلہؒ کے دستِ حق پرست پر بیعت تھے۔ والدہ محترمہ جن کی عمر اس وقت 108 (ایک سو آٹھ) برس ہو رہی ہے، وہ بھی حضرت اعظم علی صوفیؒ (کوہیر) کے دستِ مبارک پر بیعت ہیں۔ مرزا صاحب کو بیعت و خلافت والد کے علاوہ حضرت سید قمر...