Sadae Maharashtra E Urdu News Solapur صدائے مہاراشٹر ای اُردو خبر نامہ شولاپور

جلگاؤں (عقیل خان بیاولی): نئی نسل کو سیرتِ رسولِ اکرم حضرت محمد مصطفیٰ ﷺ سے روشناس کرانے، آپ ﷺ کی حیاتِ طیبہ کے مختلف گوشوں کا مطالعہ کرنے اور سیرتِ نبوی ﷺ کے پیغام کو عام کرنے کے مقصد سے جماعتِ اسلامی ہند، جلگاؤں شاخ کی جانب سے سیرت النبی ﷺ کوئز تحریری مقابلے کا انعقاد عمل میں آیا۔ اس مقابلے میں شہر کے تقریباً تمام اہم تعلیمی اداروں کے 750 طلبہ و طالبات نے جوش و خروش کے ساتھ شرکت کی۔ مقابلے میں شریک طلبہ کو تقریباً ایک ہفتہ قبل سیرتِ نبوی ﷺ پر مشتمل منتخب کتابیں مطالعے کے لیے فراہم کی گئی تھیں۔ سوال نامہ انہی کتب کے مندرجات کی بنیاد پر مرتب کیا گیا، تاکہ طلبہ نہ صرف سیرتِ رسول ﷺ کا مطالعہ کریں بلکہ اس کے اہم واقعات، تعلیمات اور عملی پہلوؤں کو سمجھنے کی کوشش بھی کریں۔ جماعت پنجم تا ہشتم کے طلبہ کے لیے جونیئر گروپ میں " ہمارے حضور ﷺ‘‘ جبکہ جماعت نہم تا دوازدہم کے طلبہ کے لیے سینئر گروپ میں ’’ہادیِ اعظم ﷺ‘‘ کتاب مطالعے کے لیے دی گئی تھی۔ طلبہ نے مقررہ مدت میں ان کتابوں کا مطالعہ کیا اور اس کے بعد تحریری مقابلے میں شرکت کی۔ یہ سیرت کوئز تحریری مقابلہ شہر کے  تعلیمی ادارے ...

لائق اساتذہ سے ہی سماج کی بھلائی ہوگی -   نصیر خلیفہ کا اظہارِ خیال۔  سولاپور - ہر مادری زبان سب کو عزیز ہوتی ہے، اور ہر زبان کے اساتذہ اپنے سماج کی بھلائی کر سکتے ہیں، اتنی طاقت اساتذہ میں ہوتی ہے۔ لیکن یہ کام اساتذہ کو ایمانداری سے کرنا چاہیے تبھی سماج میں ضرور تبدیلی آئے گی، ایسا خیال بزرگ سماجی کارکن ناصر خلیفہ نے ٹی ای ٹی ٹریننگ کلاس کی الوداعی تقریب میں صدارتی خطاب کے دوران پیش کیا۔ شروعات میں مرکز کے سربراہ محمود نواز نے تمہیدی خطاب کرتے ہوئے ٹریننگ کا مقصد بیان کیا اور امتحان کی تکنیکی معلومات دی۔ کلاس کے خصوصی رہنما عامر پٹھان نے سب کا استقبال کرتے ہوئے مہمانِ خصوصی بزرگ ادیب ایوب احمد نلامندو، محمود نواز، ناصر خلیفہ کو شال اور گلدستہ پیش کر کے اعزاز سے نوازا۔ اور ناصر خلیفہ کی جانب سے کلاس کے لیے اپنا ہال بلا معاوضہ دینے پر شکریہ ادا کیا۔ اس موقع پر مہمانِ خصوصی ایوب احمد نلامندو نے کہا کہ - "حقیقت میں دیکھا جائے تو سب کے لیے ٹی ای ٹی امتحان لاگو کرنا مناسب نہ ہوتے ہوئے بھی اس چیلنج کو اساتذہ نے بی ایل او جیسی کئی مشکلات کا سامنا کرتے ہوئ...

حیدرآباد 31 اگست( پریس نوٹ) ڈاکٹر ناصر بن احمد باہیال المعروف بابر شیخ صدر ریاستی قومی اردو تحریک تلنگانہ نے قومی اردو تحریک فاؤنڈیشن انڈیا شاخ ضلع محبوب نگر کے زیر اہتمام محبوب نگر میں منعقدہ  عظیم الشان کل ہندمشاعرہ سے خطاب کرتے ہوئے کہا کہ اردو زبان نے قومی یکجہتی کو فروغ دینے اور ہندوستان کو آزادی دلانے میں اہم رول ادا کیا ہے "انقلاب زندہ باد "کا نعرہ اردو زبان میں ہی دیا گیا تھا جسے ہندوستانی قوم نے بڑے ہی جوش و خروش کے ساتھ تحریک آزادی میں استعمال کیاتھا مختلف جمہوری تحریکوں میں آج بھی یہ نعرہ استعمال کیا جاتا ہے گاندھی جی نے بھی اس نعرے کو بے حد پسند کیا تھا انہوں نے کہا کہ قومی اردو تحریک فاؤنڈیشن کا مقصد یہی ہے کہ ملک میں یکجہتی' امن و امان اور آپسی پیار و محبت کو مزید فروغ دیا جائے انہوں نے کہا کہ ہم آپسی  پیار و محبت کے ذریعے ہی اپنے ملک ہندوستان کو ترقیوں کی بلندیوں تک لے جا سکتے ہیں انہوں نے نوجوانوں کو مشورہ دیا کہ وہ قومی یکجہتی کے فروغ میں بھرپور حصہ لیں قومی یکجہتی کی تقاریب ایک دوسرے کو سمجھنے اور ایک دوسرے کو قریب لانے کا بہترین ذریعہ ہیں ہم...

جلگاؤں (عقیل خان بیاولی)  عظیم ہاکی کھلاڑی میجر دھیان چند کے ۱۲۱ ویں یوم پیدائش کے موقع پر ملک بھر میں کھیلوں کا قومی دن مختلف تنظیموں اور کھلاڑیوں نے بڑے جوش و خروش سے منایا. اس موقع پر جلگاؤں ضلع اسپورٹس آفس کے  زیر اہتمام ضلع اسپورٹس آفیسر کی قیادت میں چھترپتی شیواجی مہاراج کھیل میدان پر مختلف کھیلوں میں گذشتہ تعلیمی سال کے دوران جن کھلاڑیوں نے بین الاقوامی ، قومی و ریاستی سطح پر بہترین کھیل کا مظاہرہ کیا و عمدہ کارکردگی کے ذریعے نمائندگی کرکے والدین ، اسکول و  شہر کا نام روشن کیا ان تمام کھلاڑیوں کو ضلع سرپرست وزیر  گلاب راؤ پاٹل و مقامی ایم ایل اے  سریش بھولے (راجو ماما) کے ہاتھوں حوصلہ افزائی کی اسناد تفویض کی گئ. اس موقع پر بلدیہ اعظمی کے ڈپٹی میئر منوج چودھری ضلع کھیل آفسر دلیپ دیگھے و ضلع سطح کی کھیل تنظیموں کے عہدیداران و مختلف کھلاڑی موجود تھے. اس موقع پر  مختلف کھیلوں میں گولڈ میڈل ، سلور میڈل و براؤنز میڈل تک کی کارکردگی کا مظاہرہ کرنے والے کھلاڑیوں کو ضلع  سرپرست وزیر گلاب راو پاٹل ، مقامی ایم ایل اے سریش بھولے و مہمانان کے ہا...

بھیونڈی: (عبدالعزیز انصاری) سیرتِ نبوی ﷺ کی تعلیمات کو نوجوان نسل تک پہنچانے اور ان کی تحریری صلاحیتوں کو پروان چڑھانے کے لیے عبدالحکیم انصاری اسٹڈی سینٹر اور بھیونڈی اسٹوڈنٹس ہیلپ فورم کے مشترکہ اہتمام سے شہر بھر میں سیرت النبی ﷺ مضمون نویسی مقابلہ کرایا گیا۔ ملحوظ رہے کہ یہ مقابلہ Prophet (PBUH) for All تحریک کی ایک اہم کڑی کے طور پر منعقد کیا گیا  اس مقابلے میں بھیونڈی کے سولہ اسکولوں اور کالجوں نے اپنے اپنے اداروں میں طلبہ کو موقع دیا۔ رئیس ہائی اسکول اینڈ جونیَر کالج میں بیالیس طلبا نے ‘‘محمد ﷺ سب کے لیے’’ کے موضوع پر مضامین تحریر کیے۔ منصف محترم محمد رفیع انصاری نے خان حسّان عمران (بارھویں سائنس بی) کو اوّل، انصاری حذیفہ محمد مقصود (بارھویں سائنس بی) کو دوّم اور انصاری محمد ایان اسرار (گیارھویں سائنس سی) کو سوّم انعام کا حق دار ٹھہرایا۔ اتوار، 30 اگست 2026 کو طیب مسجد میں عبدالحکیم انصاری اسٹڈی سینٹر کے افتتاح کے موقع پر انعامات کی تقسیم کا باوقار جلسہ منعقد ہوا۔ جمیعت علمائے ہند مہاراشٹر کےصدر مولانا حلیم اللہ قاسمی صاحب کی زیرِ صدارت ہونے والی اس تقریب میں ...

بیدر۔ 30/اگست (راست) جماعت اسلامی ہند بیدر نے ریاستی سطح کی اپنی سیرت مہم بعنوان ”انقلاب کے علمبردار پیغمبر محمد  ﷺ“ کے حوالے سے ایک ہمہ لسانی نعتیہ مشاعرہ کنڑا ساہتیہ سنگھ کے دفتر جو امبیڈکر سرکل بیدر میں ہے، آج اتوار30/اگست کو صبح 11/بجے دن ادارہ ادب اسلامی ہند بیدر نے منعقد کیاتھا۔ جس میں اردو، ہندی، کنڑا،اور انگریزی کے شعراء نے محمد صلی اللہ علیہ وسلم کے حوالے سے اپنااپنا نعتیہ کلام پیش کرنے کی سعادت حاصل کی۔اردو کے نوجوان شاعرجناب حیدرعلی شاکر نے بھی اپناکلام اردو کے علاوہ کنڑا اور انگریزی تین زبانوں میں پیش کرتے ہوئے بے حد داد حاصل کی۔ ان کے حلقہ کے دوست احباب نے حیدرعلی شاکر کو اس کازکیلئے مبارک باد پیش کی ہے۔

کڈپہ 31 آگست 2026 : (راست)  کڈپہ کے ذولسانی شاعری وادیب ستار فیضی کی دو کتابیں حال ہی میں منظر عام پر آئیں ہیں. مہک پچاس مضامین کی کتاب اور دوسری گل ہاے عقیدت مناقب کا مجموعہ ہیں. کڈپہ یوگی ویمنا یونیورسٹی شعبہ اردو کے کتب خانے کو اور تروپتی سری وینکٹیشورا یونیورسٹی کے اردو شعبہ کے کتب خانہ کو اور لکچررز و پروفیسر صاحبان کی خدمت میں تحفتاً پیش کیا ہے. انہوں نے اس موقع پر کہا کہ کالچ اور یونیورسٹی کے طلبہ و اساتذہ کےلے یہ کتابیں کارآمد ثابت ہونگی. معلومات سے بھرپور ہیں. مناقب تو روحانی سکون عطا کرتی ہیں. یہ کتابیں یقیناً ہر قاری کو پسند آئیں گی.          ان کتابوں میں پیش لفظ اور تبصرہ کرنے والوں میں کرنول ڈاکٹر عبدالحق اردو یونیورسٹی کے سابق رجسٹرار سید عبدالستار ساحر، بزم ساقئ سخن کے ڈائریکٹر ڈاکٹر امام قاسم ساقی اور تروپتی سری وینکٹیشورا یونیورسٹی تروپتی کے صدر شعبہ پروفیسر امیںن اللہ نے اپنے خیالات کا اظہار بہترین انداز میں کیاہے.

چنئی، 30 اگست 2026 : (محمد رضوان اللہ)  اردو مکل کٹچی (UMK) کے صدر ڈاکٹر محمد عبیداللہ بیگ نے تمل ناڈو حکومت کی جانب سے اقلیتی بہبود کے مطالباتِ زر کے تحت کیے گئے 11 تاریخی اور اہم اعلانات کا پُرتپاک خیرمقدم کرتے ہوئے معزز وزیر اعلیٰ تمل ناڈو، وزیر اقلیتی بہبود جناب اے۔ ایم۔ شاہجہاں صاحب اور تمام متعلقہ وزراء و اعلیٰ حکام کو دلی مبارکباد اور شکریہ پیش کیا ہے۔ ڈاکٹر محمد عبیداللہ بیگ نے اپنے بیان میں کہا کہ یہ اعلانات اردو بولنے والی عوام سمیت تمل ناڈو کی تمام اقلیتی برادریوں کی تعلیمی ترقی، ہنرمندی، روزگار، خواتین کے بااختیار بنانے اور معاشی استحکام کی جانب ایک تاریخی قدم ہیں۔ حکومت کی جانب سے اعلان کردہ اہم اقدامات میں 10,000 اقلیتی نوجوانوں کو ہنر مندی کی تربیت، پانچ اضلاع میں کمیونٹی ہالز کا قیام، مسلم طالبات کو گریجویشن کی تعلیم کے لیے مکمل فیس معاونت و وظائف، چنئی میں نیا اقلیتی خواتین کالج، وقف بورڈ کے لیے نئی عمارت اور وقف و عیسائی املاک کے لیے 100 کروڑ روپے کے بلاسودی گردشی فنڈ جیسے اہم منصوبے شامل ہیں۔ ڈاکٹر محمد عبیداللہ بیگ نے کہا کہ یہ وہ دیرینہ مطالبات ہیں ...

اکولہ (مہاراشٹر) :  وحدتِ اسلامی ہند (اکولہ) کے زیرِ اہتمام اور ملک گیر مہم "پیغامِ رحمتِ عالم (ﷺ)" کے تحت، ہفتہ 29 اگست 2026 کو اکولہ ٹاور چوک میں واقع 'ہوٹل ریجنسی' میں ایک پروقار اور پُراثر 'ہم آہنگی و بین المذاہب تقریب' کا کامیاب انعقاد عمل میں آیا۔ اس اہم پروگرام کا بنیادی مقصد معاشرے کو درپیش چار انتہائی سنگین اور پریشان کن مسائل—ماحولیاتی آلودگی، نشہ خوری، دختر کشی(مادہ جنین کی تلفی)، اور خودکشی کے بڑھتے ہوئے رجحانات—کے خلاف بیداری پیدا کرنا اور نبی اکرم حضرت محمد مصطفیٰ ﷺ کی آفاقی تعلیمات، محبت اور رحمت کے پیغام کو عام کرنا تھا۔ پروگرام میں مختلف شعبہ ہائے زندگی سے تعلق رکھنے والی معروف اور محترم شخصیات نے اپنے خیالات کا اظہار کیا  ڈاکٹر ذیشان حسین (افضا ہسپتال) نے اسلام کے نظامِ مساوات، انسانی اخوت اور سماجی رواداری و بھائی چارے کی اہمیت پر تفصیل سے روشنی ڈالی۔   ڈاکٹر دیپک کیلکر (سینئر سائیکاٹرسٹ/ماہرِ نفسیات) نے نشہ خوری کے مہلک اثرات، جسمانی اور ذہنی صحت پر اس کی تباہ کاریوں، اور اس بدنام وبا سے بچاؤ کے عمل آوری طریقوں اور علاج پر سائنس...

بیدر، 29/ اگست (نامہ نگارمحمد عبدالصمد  ) ’’جشنِ میلادِ مصطفیٰ ﷺ محض چراغاں، جھنڈے لگانے اور جلوس نکالنے کا نام نہیں بلکہ اس کا اصل پیغام یہ ہے کہ ہم اپنی زندگیوں میں رسولِ اکرم ﷺ کے اخلاقِ کریمانہ کو اپنائیں، محبت و اخلاص پیدا کریں، نماز کی پابندی کریں، کثرت سے ذکرِ الٰہی کریں اور مخلوقِ خدا کی خدمت کو اپنا شعار بنائیں۔ مسلمان کا کردار ایسا ہونا چاہیے کہ اس سے ملنے والا ہر شخص اس کے حسنِ اخلاق سے متاثر ہو اور محسوس کرے کہ یہ کسی پیرِ کامل اور نیک انسان کی صحبت سے فیضیاب ہے۔‘‘ ان روحانی خیالات کا اظہار تقدس مآب پیرِ طریقت، رہبرِ شریعت حضرت علامہ مولانا خواجہ ضیاء الحسن جاگیردار شاہ منور چشتی نظامی شیرسواری صاحب قبلہ، موروثی سجادہ نشین و متولی درگاہ حضرت سید تاج الدین شیر سوار المعروف راجہ باگ شیر سوارؒ نے مرکزی میلاد کمیٹی، مجلس فیضان حضرت شیر سوار، مریدین حضرت افضل پیرؒ، نظامی ویلفیئر سوسائٹی و میلاد کمیٹی بسواکلیان کے زیرِ اہتمام منعقدہ 47ویں عظیم الشان مرکزی جلسۂ عید میلاد النبی ﷺ سے خطاب کرتے ہوئے کیا۔ گاندھی چوک میں منعقدہ روحانی جلسہ سے حضرت مولانا سید صغیر احمد ...

 افسانہ -   گھر واپس آ جاؤ -  ازقلم : رہبر تماپوری۔ مہمان معلم، جامعہ اسلامیہ احیاء العلوم، جامعہ نگر، تماپور، ضلع یادگیر، ریاستِ کرناٹک، انڈیا رابطہ:  8431012141 شہر کے تنگ کمرے میں کھڑکی کا ایک پٹ کھلا تھا۔ ریاض نے عینک اتار کر میز پر رکھی۔ سامنے گریجویشن کی کتاب اور دفتر کی فائلیں پڑی تھیں۔ گیارہ بجے موبائل بج اٹھا۔ اسکرین پر نام روشن ہوا: امی۔ ریاض نے کال اٹھا لی۔ "السلام علیکم، امی!" "وعلیکم السلام، ریاض۔ خیریت ہے بیٹا؟ آواز اتنی بوجھل کیوں ہے؟" "کچھ نہیں امی، بس کام زیادہ تھا۔ دوا لے لی؟" "ہاں، لے لی۔ تو نے کھانا کھایا؟" وہ مسکرایا، "جی امی، کھا لیا۔" "کیا؟" "روٹی اور سبزی۔" ماں کی آواز نرم پڑ گئی۔ "بیٹا، مجھ سے جھوٹ مت بول۔ ندیم بتا رہا تھا کہ تو اکثر رات کو صرف چائے پی کر سو جاتا ہے۔" ریاض نے نظریں جھکا لیں۔ "امی، وہ پرانے دن تھے۔ اب نوکری پکی ہوگئی ہے، تنخواہ بھی بڑھ گئی ہے۔" "تنخواہ بڑھ گئی، مگر تو کم ہوتا جا رہا ہے۔" "آپ اپنی طبیعت بتائیں۔" ماں نے کہا، ...

کے این واصف :  جوش و خروش اور چیلنج سے بھرپور سعودی ٹویوٹا چیمپیئن شپ ٹائم اٹیک 2026 کا پہلا راؤنڈ جدہ کورنیش سرکٹ میں کامیابی سے اختتام پذیر ہو گیا۔ مقابلوں میں خواتین بھی شامل رہیں۔ واضح رہے کہ سعودی عرب میں سن 2014 میں خواتین کو کار چلانے کی اجازت دی گئی تھی۔  مامون القبانی نے بہترین وقت ریکارڈ کرتے ہوئے پہلے راؤنڈ کا چیمپیئن بننے کا اعزاز حاصل کیا۔ فاتح کا فیصلہ ریس سیشنز کے دوران ریکارڈ کیے گئے بہترین وقت کی بنیاد پر کیا گیا۔ یہ چئمپین شپ سعودی آٹوموبیل اینڈ سائیکل فیڈریشن کی زیرِ نگرانی منعقد کی گئی جس کا انتظام آفیشل پارٹنر جمیل موٹر اسپورٹس اور باخشب موٹر اسپورٹس نے مشترکہ طور پر کیا ہے۔ افتتاحی راؤنڈ کے لیے 107 مرد اور خواتین ڈرائیورز نے رجسٹریشن کرائی جس میں 74 نے تیکنیکی معائنہ پاس کیا۔ لیڈیز کپ بھی مقابلے کا حصہ ہے۔  فائنل راؤنڈ کے اختتام پر تمام کیٹیگریز کے فاتحین کو اعزاز سے نوازا جائے گا۔

خبر پہ شوشہ -  "لپ اسٹک کے شان پر پولیس کو اعتراض" کے این واصف :  ریل بنانے اور سوشل میڈیا پر زیادہ سے زیادہ لائکس حاصل کرنے کے جنون میں لوگ کیسے کیسے اسٹنٹس کرتے ہیں۔ گوالیار، مدھیہ پریش سے ایک خبر  آئی کہ ایک لڑکی نے کچھ نیا کر کے سوشل میڈیا پر شہرت حاصل کرنے کی چکّر میں اپنے بوائے فرینڈ کی سفید کار کو لال لپ اسٹک کے بوسوں کے نشان سے سجادیا۔ خبر میں بوسوں کی تعداد 3400 بتائی گئی۔ عاشق آدیتیہ نے اپنی کار شہر کی سڑکوں پر گھوماتے ہوئے ریل بنائی اور سوشل میڈیا پر لوڈ کردی، جو بہت وائرل ہوگئی۔ خبر کے مطابق جب وائرل ویڈیو پر پولیس کی نظر پڑی تو پولیس نے عاشق کو گاڑی سمیت گرفتار کرلیا۔ لڑکے پر نہ صرف -/5500 روپئے کا جرمانا کیا بلکہ لڑکے کو کپڑا تھما کر گاڑی صاف کرنے کا حکم بھی دیا۔  سنتے ہیں کہ اگر شوہر کی شرٹ پر لال دھبّہ نظر آئے تو بیوی شک کرتی ہے۔ لیکن اب پتہ چلا کہ لپ اسٹک کے شان کا پولیس بھی نوٹ لیتی ہے۔

پوسد 26 اگست 2026ء: وحدتِ اسلامی ہند کی جانب سے جاری ملک گیر مہم "پیغامِ رحمتِ عالم ﷺ" کے تحت حمیدہ مسجد، پوسد میں ایک عظیم الشان خطاب عام کا انعقاد عمل میں آیا۔ خطاب عام میں مہم کے چار اہم ذیلی عناوین: دختر کشی، خودکشی، نشہ آوری اور ماحولیاتی آلودگی کو موضوعِ گفتگو بنایا گیا۔ پروگرام میں امیر وحدت اسلامی ہند محترم محمد ضیاء الدین صدیقی صاحب نے خصوصی خطاب فرمایا۔ انہوں نے موجودہ دور میں معاشرے کو درپیش ان سنگین مسائل کا قرآن و سنت اور سیرتِ رحمتِ عالم حضرت محمد مصطفیٰ ﷺ کی روشنی میں تفصیلی جائزہ پیش کیا۔ محترم محمد ضیاء الدین صدیقی صاحب نے اپنے خطاب میں کہا کہ آج معاشرہ مختلف قسم کے سماجی، اخلاقی اور انسانی بحرانوں سے دوچار ہے۔ بیٹیوں کو بوجھ سمجھنا، خودکشی کے ذریعے مسائل سے فرار اختیار کرنا، نوجوان نسل کا نشے کی لعنت میں مبتلا ہونا اور ماحول کو آلودہ کرنا ایسے مسائل ہیں جن کے اثرات فرد سے لے کر خاندان اور پورے معاشرے تک پہنچتے ہیں۔ ان مسائل کا دیرپا اور مؤثر حل رسول اللہ ﷺ کی رحمت، ہمدردی، عدل، انسانی احترام اور پاکیزہ معاشرت کی تعلیمات میں موجود ہے۔ انہوں نے خصو...

 ظہیرآباد 30/ اگست(نظامی نیوز)آئی سی سی کانگریس پارٹی دھنا لکشمی انتخابی آبزریرو کمیٹی محمد غوث پاشاہ نے حلقہ اسمبلی ظہیرآباد مگڑم پلی منڈل کانگریس پارٹی صدراتی کیلئے 4 افراد نے پرچہ نامزدگی ادخل کیا موضع ماڈگی سرپنچ سینئر  کانگریس قائد جناب ارشد زما پٹیل نے اپنا پرچہ داخل کیا دھنا لکشمی انتخابی انچارج آبزویر محمد غوث نے بتایا کہ کانگریس پارٹی صدر منڈل مگڑم پلی تنظیمی انتخابات خواہشمند امیدواروں کی قابلیت و صلاحیت اور کانگریس پارٹی کے لیے ان کی خدمات اور عوامی مقبولیت کیلئے انتخاب عمل میں لایا جارہا ہے صدر پردیش کانگریس کمیٹی مہیش کمار گوڈ کی ہدایت پر نئے مرتب پالیسی وطریقہ کار کے ملک اور ریاستی سطح پر کانگریس پارٹی کو مضبوط مستحکم کرنے آئندہ ہر انتخابات میں کانگریس پارٹی کی  کامیابی کیلئے محنت کرنے کا مشورہ دیا کا واضع رئے حلقہ اسمبلی ظہیرآباد کے جھرہ سنگم نیالکل کوہیر ظہیرآباد ٹاون کی جدید صدراتی میں ایک بھی مسلم کو منڈل صدر کانگریس پارٹی نامزدہ نہیں کیا گیا جبکہ حلقہ اسمبلی ظہیرآباد میں اقلتیوں کو بادشاہی موقع حاصل ہے ایسے میں کسی بھی منڈل پرصدر کانگریس پار...

ادب اطفال کی بہاروں کی ملکہ...... فوزیہ اختر ردا صاحبہ -  تبصرہ و تجزیہ -  قلم کار....... ستار فیضی کڈپوی آندھرا پردیش انڈیا  ہندوستان میں ادب اطفال کا تذکرہ جھڑتے ہی چند ایسے نام ابھرکر آتے ہیں. جن میں فوزیہ اختر ردا صاحبہ کا نام بھی شامل ہوجاتاہے. یہ کولکاتا ریاست بنگال سے تعلق رکھتی ہیں. اردو ادب کے سنجیدہ قاری آپ کو اچھی طرح جانتے ہیں. مقدس درس و تدریس کے پیشہ سے وابستہ ہیں. وہ اپنی محنت و مشقت سے اپنے فن وہنر سے ادب میں اپنا مقام اور پہچان بنانے والی شاعرہ اور ادیبہ ہیں.  اردو ادب اطفال پر خاص توجہ فرمائیں ہیں. آپ کو ادب اطفال کی بہاروں کی ملکہ کہا جائے تو بہتر ہوگا. گلشن ادب اطفال کے خوبصورت غنچوں اور گلوں کو تر تازہ اور معطر رکھنے میں لگیں ہیں. ادب اطفال کی خوشبو کو چاروں طرف پھیلاتی جارہی ہیں.        آج ہندوستان میں ہی نہیں بلکہ بیرونی ممالک میں بھی ان کی رسائی زور و شور سے ہورہی ہیں. ردا صاحبہ کے سینے میں ایک دل ہے جو بچوں کے لیے دھڑکتا اور تڑپتا ہے. اسی لیے بےتحاشا آئے دن ان کی تخلیقات روزناموں اور ماہناموں میں فیس بک وائٹ شپ...

بھساول (صلاح الدین ادیب)   آج بروزِ اتوار، 30 اگست 2026ء کو الحراء اسکول میں جماعتِ اسلامی ہند، حلقۂ خواتین بھساول کی جانب سے سیرتِ النبی ﷺ کے موضوع پر ایک خصوصی تحریری کوئز مقابلے کا انعقاد کیا گیا۔ یہ کوئز مقابلہ صفہ اسلامی مکاتب، مہاراشٹر کی جانب سے پورے مہاراشٹر میں سیرتِ رسول ﷺ کی تعلیمات کو عام کرنے اور نئی نسل کو آپ ﷺ کی مبارک زندگی، اور تعلیمات سے روشناس کرانے کے لیے منعقد کی جانے والی مہم کا حصہ تھا۔ الحمدللہ، اس کوئز مقابلے میں مختلف اسکولوں کے تقریباً *400* بچوں نے جوش و خروش کے ساتھ حصہ لیا۔ بچوں کی تیاری کے لیے سیرتِ النبی ﷺ سے متعلق 10 مختصر ویڈیوز فراہم کی گئی تھیں، نیز ایک پمفلٹ بھی دیا گیا تھا۔ بچوں نے انہی فراہم کردہ مواد کا مطالعہ کیا اور کوئز میں اسی مواد کی بنیاد پر سوالات پوچھے گئے۔ اس مہم کے ذریعے بچوں میں سیرتِ رسول ﷺ کو جاننے، سمجھنے اور آپ ﷺ کی تعلیمات کو اپنی زندگی میں اپنانے کا شوق پیدا کرنے کی کوشش کی گئی۔ الحمدللہ، سیرتِ النبی ﷺ کو عام کرنے کے لیے مختلف محلوں میں اجتماعات لیے گئے  اسکولوں میں سیرتِ رسول ﷺ کے تعلق سے خصوصی لیکچرز ک...

بیدر۔ 29/اگست (راست) گنڈپا ہوڈگے پرنسپل KPS(کرناٹک پبلک اسکول)گرلز ہائی اسکول(اُردو /کنڑا) بیدرمیں آج یاران ِا دب اور عائشہ جیوتی سوسائٹی کی جانب سے طالبات میں ٹواِن ون کاپیاں تقسیم کی گئیں۔ طالبات سے خطاب کرتے ہوئے جناب اسدسلیم مؤظف مدرس نے کہاکہ آپ کے ہائی اسکول آکر ملاقات کرکے بے انتہامسرت ہوئی۔ آپ کے پاس ڈاکٹر تاج الدین، ثروت بیگم اور مہ جبین صاحبہ جیسی قابل اور دوراندیش ٹیچرس ہیں۔ جوآپ کو سرپرستوں کی نظرسے بھی دیکھتے ہیں۔ آپ ان کی قدر کریں۔ شاعروادیب جناب محمدیوسف رحیم میرؔ بیدری سکریڑی یاران ِا دب بیدر نے اپنے خطاب میں طالبات سے کہاکہ ”مجھے شاعر کے طورپر متعارف کروایاگیاہے تو یہ بھی بتاتاچلوں کہ شعر کہنے سے ذہنی دباؤ ختم ہوجاتاہے۔ فارسی کے ایک ایسے شاعر بھی گزرے ہیں جنہوں نے ایک رات میں ایک ہزار شعر کہے۔ ہم نے بھی کوشش کی لیکن 173اشعار سے آگے نہیں بڑھ سکے۔ مجموعی طورپر جو طالبات شعر کہنا چاہتی ہیں ضرور کہیں“اس موقع پر جناب بیدر نے اپنی غزلیں طالبات کو سنائیں جس سے وہ کافی محظوظ ہوئیں۔ خصوصاً دکنی غزلوں نے ان کادِل شاد کردیا۔ جناب حیدرعلی سوداگر ای سی او برائے دفترBEOب...

جلگاؤں: (راست)  22 اگست 2026 بروز ہفتہ کو اقرا اردو ہائی اسکول، سالار نگر، جلگاؤں، 'آنند دائی شنوار' کے تحت طلبہ کے لیے ماحولیاتی تحفظ کے موضوع پر پوسٹر پریزنٹیشن مقابلہ منعقد کیا گیا۔ جماعت پنجم کے دونوں ڈویژن کے طلباء نے اس سرگرمی میں جوش و خروش سے حصہ لیا. اس میں ماحولیاتی تحفظ، درخت لگانے، پانی کے تحفظ، پلاسٹک سے چھٹکارا اور آلودگی پر قابو پانے جیسے موضوعات پر دلکش پوسٹرز بنائے۔ طلباء نے اپنے فنی اور تخلیقی اظہار کے ذریعے ماحولیاتی تحفظ کا موثر پیغام دیا۔ اس سرگرمی کا مقصد طلباء میں ماحولیاتی آگاہی پیدا کرنا، تخلیقی صلاحیتوں کو وسعت دینا، روزمرہ کی زندگی میں ماحول دوست عادات کو اپنانے کا جذبہ پیدا کرنا تھا۔ کلاس ٹیچر شیخ رضوان شیخ لطیف اور ماحولیات کی تدریس انجام دینے والے سینیئر معلم عتیق عثمان شیخ کی  رہنمائی میں سرگرمی کامیابی کے ساتھ منعقد کی گئی۔ پرنسپل شیخ نور محمد نثار احمد نے طلبہ کی شرکت کو سراہتے ہوئے کہا کہ ماحولیات کا تحفظ ہر ایک کی ذمہ داری ہے اور طلبہ کو اپنے عمل سے ایک مثال قائم کرنی چاہیے۔ مذید کہا کے ماحولیات کو بچانے

 تعارف -   مجھ سے ملیے -  ازقلم: رہبر تماپوری۔ ہر انسان اپنے اندر ایک کہانی لیے پھرتا ہے۔ کچھ کہانیاں منزلوں کی ہوتی ہیں اور کچھ مسلسل سفر کی۔ میری کہانی بھی ایک ایسے سفر کی داستان ہے جس میں راستے کئی بار بدلے، حالات نے آزمائشیں پیش کیں، مگر سیکھنے، سکھانے اور لکھنے کی جستجو کبھی ختم نہیں ہوئی۔ میرا اصل نام اطہر مبین ملا ہے اور قلمی نام رہبر تماپوری۔ میرا تعلق تماپور، تعلقہ شوراپور، ضلع یادگیر، ریاستِ کرناٹک سے ہے۔ تماپور میرے لیے صرف ایک بستی نہیں بلکہ میری شناخت، میری یادوں اور میرے فکری سفر کی پہلی سرزمین ہے۔ دکن اور حیدرآباد کرناٹک کی اس بستی میں شعر و ادب کی اپنی ایک روایت رہی ہے۔ میرے دادا جان اسماعیل پرویز، میرے چچا حامی تماپوری، میرے ماموں کے سالے معروف شاعر تنہا تماپوری اور والدِ محترم کے خاص دوست جوہر تماپوری سمیت دیگر اہلِ قلم کی صحبت نے میرے شعور میں ادب کی ابتدائی بنیادیں رکھیں۔ گھر کے ماحول میں اہلِ قلم کی آمد و رفت اور ادبی گفتگو نے میرے اندر لفظوں سے محبت پیدا کی۔ یوں قلم سے میرا رشتہ قلم ہاتھ میں آنے سے بہت پہلے قائم ہو چکا تھا۔ میری ابتد...

جلگاؤں : پیغمبرِ اسلام حضرت محمد ﷺ کی تعلیمات میں انسانیت، محبت، ہمدردی، خدمت اور ضرورت مندوں کی مدد کو خصوصی اہمیت حاصل ہے۔ اسی پیغام کو عام کرنے کے مقصد سے ’Prophet for All‘ مہم کے تحت اقراء ایجوکیشن سوسائٹی کے اقراء شاہین اردو ہائی اسکول اینڈ جونیئر کالج کی جانب سے انسانیت نوازی پر مبنی ایک قابلِ تحسین اقدام کیا گیا۔ اس پروگرام کے تحت اسکول کے پرنسپل ڈاکٹر ریاض شاہ کی رہنمائی میں اساتذہ اور طلبہ نے جلگاؤں سول ہاسپٹل کے وارڈ نمبر 16 کا دورہ کیا، جو بچوں کے علاج کے لیے مختص ہے۔ اس موقع پر زیرِ علاج بچوں اور ان کے والدین سے ملاقات کرکے ان کی خیریت دریافت کی گئی اور بچوں کی جلد صحت یابی کے لیے دعا کی گئی۔ اس دوران بچوں اور ان کے والدین میں پھلوں کے ساتھ فوڈ پیکٹس بھی تقسیم کیے گئے۔ طلبہ نے بچوں کے ساتھ محبت و ہمدردی کا اظہار کرتے ہوئے خدمتِ انسانیت کا پیغام دیا۔ یہ اقدام طلبہ کے لیے سیرتِ نبوی ﷺ کی تعلیمات کو عملی زندگی میں نافذ کرنے کا ایک متاثر کن موقع ثابت ہوا۔ اس موقع پر پرنسپل ڈاکٹر ریاض شاہ، سپروائزر شیخ ذاکر بشیر، اساتذہ اکرام شیخ افتخار رسول، فرحان سر اور فرحان خان ک...

تصویروں کا سیاہ کھیل اور ٹھپ ہوتا ترقیاتی کام -  آخر کب جاگے گی مالیگاؤں کی عوام؟ -  ازقلم : وسیم رضا خان۔  مالیگاؤں کی تاریخ صرف کپڑے کے تانے بانے تک محدود نہیں رہی ہے، بلکہ یہ شہر جدوجہد اور صبر کی علامت رہا ہے۔ لیکن بدقسمتی سے، آج یہ شہر سیاست کے اس خوفناک چوراہے پر کھڑا ہے جہاں اصل مسائل پر دھول جم چکی ہے اور فضول کے تنازعات کو چمکایا جا رہا ہے۔ ایک شہری اور صحافی ہونے کے ناطے میرا مقصد کسی سیاسی جماعت، رہنما، اقتدار میں شامل افراد یا اپوزیشن پر ذاتی حملہ کرنا بالکل نہیں ہے۔ میری دشمنی کسی سیاسی شخص یا لیڈر سے نہیں، بلکہ اس ناکارہ انتظامی نظام اور ان غلط پالیسیوں سے ہے جنہوں نے شہر کی ترقی راستے بند کر رکھے ہیں. جب جب سسٹم اپنی ذمہ داریوں سے بھٹکتا ہے، تب تب ایک غیر جانبدار آواز کا اٹھنا بے حد ضروری ہو جاتا ہے تاکہ عوام کو ان کے سوئے ہوئے شعور کا احساس دلایا جا سکے۔ آج مالیگاؤں میونسپل کارپوریشن اور یہاں کی سیاست کا سب سے بڑا المیہ یہ ہے کہ عوامی سہولیات کی جگہ علامتی لڑائیوں نے لے لی ہے۔ دفاتر میں ٹیپو سلطان کی تصویر لگانے یا ہٹانے کا معاملہ نہ تو شہر کی ...

ظہیرآباد-29/اگست (نمائندہ) جماعتِ اسلامی ہند، ظہیرآباد ساوتھ کے زیرِ اہتمام موسیٰ نگر ڈویژن کا ایک  شاندار اجتماعِ عام بمکان جناب نظام الدین غوری زیر نگرانی محمد ارشاد ڈویژن سیکریٹری انعقاد عمل میں آیا۔ اس موقع پر جناب محمد ناظم الدین غوری ناظم ضلع سنگاریڈی مغرب نے اپنے خطاب میں کہاکہ حضرت محمد صلی اللہ علیہ وسلم سب کے لئے ہیں آپ رحمت العالمین ہیں آپ کسی ایک خطے کےلئے نہیں ہیں آپ کا پیغام ساری انسانیت کےلئے مشعل راہ ہے آپ اخلاق کے اعلی پیکر ہیں آپ دین اسلام کے بانی نہیں ہیں  دین اسلام  آدم علیہ السلام سے ہی ہے اللہ کے رسول اسکی آخری کڑی ہیں ہم سب آدم کی اولاد ہندو مسلم سب ایک دوسرے کے بھائی ہیں ہمیں اخوت بھائی چارہ کے ساتھ اللہ کی عبادت کرنا ہے۔پروگرام کا آغاز جناب سلطان اعظم کی تلاوتِ کلامِ پاک و ترجمانی سے ہوا۔ تلگو ترجمانی جناب محمد رکن الدین نے پیش کی۔ افتتاحی کلمات ڈویژن سیکریٹری جناب محمد ارشاد نے پیش کئے۔جناب رام چندر بھیم ومشی تلگو شاعر نے اپنی مترنم آواز میں سیرت النی پر مشتمل نظم پیش کی اور سب کو مبارکباد پیش کی جناب خواجہ نظام الدین (معاون امیر مقام...

مصطفیٰ کریم صلی اللہ علیہ وسلم کی آمد اور اُسکی برکتیں -  از قلم : نورجہاں بانو بنت عبد العزیز خان۔ تقریباً 1501سال قبل اس جہانِ عالم میں ایسی مبارک گھڑی  آئی کہ آفاقِ سماوی نور و ضیا میں نہاتے ہوئے نظر آئے  چاند تارے زمین پر اترنے کو بے قرار ہوتے نظر آئے، فضائے عالم میں خوشیوں کے ترانے گونجیں لگے، اور ہاتفِ غیبی کی جانب سے مسلسل بشارتیں آنے لگی وہ ساعتِ سعید آئی کہ فارس کی آتش کدہ کی آگ بجھتی ہوئی دکھائی  دی ، نہرِ ساوہ خشک ہوتی ہوئی نظر آئ، کسریٰ کے ایوان بنیادوں سمیت لرز اٹھیں، محلوں کے قبے ٹوٹ کر زمین پر آ گرے، اور باطل کے ایوانوں میں زلزلہ برپا ہو گیا ، بت اوندھے منہ گرپڑے، باطل کے پرچم جھکنے لگے، کفر و شرک کی تاریکیاں چھٹنے لگی، اور زمانۂ عالم میں اجالوں کا صور پھونکا جانے لگا، نورِ الٰہی کی تجلیوں کا بسیرا ہونے لگا، رحمتوں کا ڈیرا جمنے لگا، شبِ ظلمت کا سویرا ہونے لگا، جہالت کی زنجیریں کٹنے لگی، علم کے چشمے پھوٹنے لگے، دانش کے چراغ جلنے لگے، اور علم و حکمت کی  خیرات بانٹی جانے لگی، وہ زمانہ آیا کہ بلائیں آپس میں ٹکرانے لگی ، نیرانِ کفر و شرک سر...

وراثت کی تقسیم -  از قلم : ظفر ھاشمی ندوی، (سابق فیملی کونسلر دبی کورٹ) لفظ وراثت کا مطلب ہی اسلامی شریعت کے مطابق تقسیم ہے- کسی کی بھی وفات پر سب سے پہلے اگر اس پر کسی کا قرض باقی ہے تو وہ ادا ہوگا- اس کے بعد اگر اس نے شرعی وارثوں کے علاوہ کسی غیر وارث کے لئے کسی بھی نیک کام کے لئے اپنے مال میں وصیت کی تھی تو اس وصیت کے مطابق اس کے جملہ مال کے ایک تہائی حصہ میں سے اس وصیت پر عمل ہوگا- اگر وصیت میں ایک تہائی سے زیادہ دینے کی وصیت کی تھی تو اس زیادہ کو نہیں دیا جائے گا- اس کے بعد ورثاء میں باقی مال تقسیم ہوگا- اگر ماں باپ میں سے کسی ایک کا انتقال ہو جائے(اللہ تعالیٰ سے دعا ہے کہ ہر مسلمان کے والدین صحت و عافیت والی زندگی گذاریں اور جب جب جس کا وقت پورا ہو جائے ، اس کا ایمان پر خاتمہ ہو اللہم آمین)- تو ایسی صورت میں ماں یا باپ میں جو بھی زندہ ہو ان کے ساتھ ساتھ بیٹے اور بیٹیوں کی جملہ تعداد کے لحاظ سے جائیداد تقسیم ہو گی - اس کی تفصیل یوں ہے : اگر بیوی کا انتقال ہو جائے اور اس سے اولاد نہ ہو تو شوھر کو اس کے مال و جائداد کا آدھا حصہ ملے گا- اور اگر اس سے اولاد ہے تو پھر ش...

ممبئی: (راست) جمعیۃ علماء مہاراشٹر کے زیر اہتمام منعقدہ تربیتی اجلاس میں باہمی اخوت، ہندو مسلم اتحاد، سماجی خدمت اور مقامی سطح پر جمعیۃ علماء کی سرگرمیوں کو مؤثر بنانے پر خصوصی زور دیا گیا۔ اجلاس میں ریاست بھر سے جمعیۃ علماء کے ذمہ داران، اراکین اور نمائندہ افراد نے شرکت کی۔ تلاوتِ کلامِ پاک اور نعتِ رسولِ مقبول ﷺ سے اجلاس کا آغاز ہوا۔ بعد ازاں ناظمِ تربیتی اجلاس مفتی محمد یوسف قاسمی، جنرل سکریٹری جمعیۃ علماء مہاراشٹر، نے اجلاس کے اغراض و مقاصد اور اس کی ضرورت و اہمیت پر روشنی ڈالی۔ اجلاس کی صدارت جمعیۃ علماء مہاراشٹر کے صدر مولانا حلیم اللہ قاسمی نے کی۔ انہوں نے تربیتی پروگرام کی مزید تفصیلات بیان کرتے ہوئے کہا کہ یہ پروگرام جمعیۃ علماء ہند کی جانب سے منعقد کیا جارہا ہے۔ صدرِ محترم مولانا سید ارشد مدنی مدظلہ کی ہدایت پر مرکزی مجلسِ عاملہ کے چار ارکان پر مشتمل کمیٹی برائے ہندو مسلم اتحاد و باہمی اخوت تشکیل دی گئی ہے، جس کے کنوینر مولانا سید اسجد مدنی مدظلہ نائب صدر جمعیۃ علماء ہند ہیں۔ مولاناسید اشہد رشیدی مدظلہ نے کمیٹی کے طریقۂ کار کی وضاحت کرتے ہوئے کہا کہ اس فورم کے ...

پانگل ہایی اسکول میں "قومی یوم کھیل" کا انعقاد۔ سولاپور- 29 اگست 2026 کو، اُم المدارس، ایم اے پانگل اینگلو اردو ہائی اسکول اینڈ جونیئر کالج آف آرٹس اینڈ سائنس، شولاپور میں ہاکی کے جادوگر "میجر دھیان چند" کے یوم پیدائش کے موقع پر "قومی یوم کھیل" کے طور پر منایا گیا۔ اس موقع پر اسکول کے قومی کھلاڑی نکہت حسن باگوان اور پٹیل مصباح (نیشنل شوٹنگ بال پلیئر) حزیف غوث قریشی (آرینج F.C. فٹبال کلب پلیئر) کے مہاراشٹر کی ریاستی ٹیم میں انتخاب پر مبارکباد دی گئی، ساتھ ہی ہاکی کے کھلاڑیوں اور کوچ اویس ہوٹگی، نہال دیوان اور اسکول کے اسپورٹس ٹیچر نوید منشی کو مثالی اسپورٹس ٹیچر اعزاز ملنے کے مدِ نظر مبارکباد دی گئی اور پرنسپل ڈاکٹر ہارون رشید باغبان کے دستِ مبارک گلوشی کی گئی۔  اس موقع پر پرنسپل ڈاکٹر ہارون رشید باغبان، فوزیہ شیخ، ریاض سید، اسکول کے اسپورٹس ٹیچرز نوید منشی، اقبال دلال، الطاف صدیقی، کوچ اویس ہوٹگی، نہال دیوان، اساتذہ، غیر تدریسی عملہ، وغیرہ موجود تھے۔

قومی یومِ کھیل ؁۲۰۲۶ کے موقع پر شبانہ رضوان عرب کا اعزاز۔ پونے، 29 اگست: میجر دھیان چند کی یومِ پیدائش کے موقع پر منائے جانے والے قومی یومِ کھیل کے سلسلے میں محکمہ کھیل و نوجوان خدمات، مہاراشٹر ریاست کے تحت ضلع کھیل افسر دفتر، پونے، قومی ایکتا ودیارتھی سنگھٹنا، پونے اور فورسائٹ کالج آف کامرس کے مشترکہ زیرِ اہتمام کھیل بیداری ریلی اور مختلف پروگراموں کا انعقاد کیا گیا۔ اس موقع پر مولانا محمد علی جوہر اردو مادھمیک ودیانیکیتن ۔ رویوارپیٹھ ، پونے کی صدرِ مدرسہ محترمہ شبانہ رضوان عرب کو نمایاں خدمات کے اعتراف میں اعزازی نشان اور توصیفی سند پیش کرکے اعزاز سے نوازا گیا۔ تقریب میں جگن ناتھ لُکڑے، ضلع کھیل افسر، پونے ، کے علاوہ کھیلوں کے شعبے سے وابستہ متعدد معزز شخصیات نے شرکت کی۔ ان میں شانتارام جادھو، ارجن ایوارڈ یافتہ کبڈی کھلاڑی، شلیش مہتا، سکریٹری، گیانودَے شکشن سیوا بھاوی سنستھا، پونے، نام دیو شری گاؤکر، سکریٹری، مہاراشٹر اولمپک ایسوسی ایشن اور نیلیش جگتاپ شامل تھے۔ اس موقع پر طاہر آسی اور ڈاکٹر آفتاب شیخ، قومی یوتھ ایوارڈ یافتگان کی بھی خصوصی موجودگی رہی۔ کھیلوں ...

کے این واصف :  مملکت سعودی عرب کے حائل ریجن میں واقع توارن نیچر ریزرو منفرد ماحولیاتی اور جمالیاتی تنوع کی ایک مثال ہے۔ سعودی خبررساں ایجنسی “ایس پی اے” کے مطابق یہ “ریزرو اجا” کے پہاڑی سلسلے میں واقع ہے۔ دلکش قدرتی ماحول کے باعث یہ فطرت سے محبت کرنے والوں اور وزیٹرز کے لیے ایک اہم مقام  بن گیا ہے۔ توارن نیچر ریزرو کو رنگا رنگ مناظر اور سبزہ زار منفرد بناتے ہیں جبکہ پورا علاقہ زرد اور بنفشی رنگ کے جنگلی پھولوں اور گھنی گھاس سے ڈھکا ہوا ہے۔ یہاں پائے جانے والے قدرتی درختوں میں طلع، رمث، سدر نمایاں ہیں جو اپنے اطراف میں موجود ریتیلے ٹیلوں اور پہاڑوں کے ساتھ مل کر صحرا اور نباتاتی زندگی کے حسین امتزاج کو اجاگر کرتے ہوئے مزید دلکشی میں اضافے کا باعث ہیں۔ تاریخی اعتبار سے بھی وادی توارن کو خاص اہمیت حاصل ہے۔ عرب کے معروف شاعر اور سخی شخصیت حاتم الطائی کا اسی علاقے سے تعلق تھا۔ تاریخ میں جس کی دولت اور سخاوت کے چرچے ملتے ہیں۔  علاقے کے قدرتی حسن کی سحرانگیزی سے متاثر ہو کر متعدد معروف شعرا نے  شعر کہے ہیں۔   اس ریزرو میں انواع و اقسام کی نباتات بکثرت ...

بھیونڈی : (عبدالعزیز انصاری) اٹھارہویں انٹرنیشنل صوفی رنگ فیسٹیول محفل سماع خانہ درگاہ اجمیر شریف میں 23 تا 26 اگست 2026 کو منعقد کیا گیا۔جس میں صوفیانہ روایات، فن خطاطی، قوالی، مقابلۂ قرأت و نعت اور محبت و امن کے پیغام کو اجاگر کیا گیا۔ اس چار روزہ روحانی فیسٹیول میں شہر بھیونڈی کے  معروف کاتب و آرٹسٹ منصب آرٹ کو بھی مدعو کیا گیا۔ جہاں ان کے بنائے ہوئے اسلامی طغروں کی بھی نمائش ہوئی۔ اختتامی تقریب میں چشتی فاؤنڈیشن کے چیئرمین حاجی سلمان چشتی صاحب اور منتظمین کے ہاتھوں خوبصورت مومنٹو اور سند سے انہیں نوازہ گیا۔  واضح ہو کہ ناروے،یورپ اور جکارتہ، انڈونیشیا میں مستقبل قریب میں ہونےوالے انٹرنیشنل اسلامک کیلی گرافی نمائش کے لیے بھی منصب آرٹ کا انتخاب ہوا ہے ۔ اس سے قبل بھی انھیں مختلف بین الاقوامی سند و اعزازات حاصل ہو چکے ہیں۔  اس شاندار کامیابی پر شہر و بیرون شہر سے منصب آرٹ کو مبارک باد پیش کی جا رہی ہیں۔

جلگاؤں (عقیل خان بیاولی): کے کے اردو گرلز ہائی اسکول و جونیئر کالج میں عید میلاد النبیؐ کی مناسبت سے باوقار استقبالیہ و تقسیمِ انعامات تقریب کا انعقاد کیا گیا۔ تقریب کی صدارت ہیڈ مسٹریس تنویر جہاں شیخ اقبال نے کی، نظامت کے فرائض سید رضوانہ نے انجام دیے۔ تقریب میں اسکول کی فارغ التحصیل سابقہ طالبات آسیہ فیاض، نزہت نورالدین، مہوش ساجد، سیرت چاہت، امِ رومان اور مصباح عاطف کو بطورِ مثالی طالبات مدعو کیا گیا۔ معلمات کی جانب سے ان کا پُرجوش استقبال کیا گیا۔ پروگرام کا آغاز آمنہ اور گروپ کی حمدِ باری تعالیٰ سے ہوا، جبکہ جنیرا شاہد نے نعتِ رسولِ مقبولؐ پیش کی۔ عائشہ نے سیرت النبیؐ پر جامع خطاب کیا، بعد ازاں تسکین اور گروپ نے ترنم کے ساتھ نعتِ پاک پیش کی۔ تقریب کے دوران معہدِ ملت مالیگاؤں کے زیرِ اہتمام منعقدہ دینی مسابقے میں نمایاں کارکردگی کا مظاہرہ کرنے والی پنجم تا یازدہم کی 16 طالبات کو انعامات و اسناد سے نوازا گیا، جبکہ معہدِ ملت کے امتحان میں شریک 116 طالبات کو اسکول کی جانب سے دینی کتب پیش کی گئیں۔ معہدِ ملت کی جانب سے دینیات کی انچارج سمینہ شیخ کو امتیازی انچارج کا اعزاز بھ...

آرکاٹ ،رانی پیٹ ضلع، 29 اگست 2026 : (محمد رضوان اللہ)   رانی پیٹ ضلع کے آرکاٹ میونسپل مسلم بوائز پرائمری اسکول میں والدین میں تعلیمی بیداری پیدا کرنے کے مقصد سے ایک خصوصی والدین بیداری اجلاس منعقد کیا گیا۔ اس کے ساتھ ہی اسکول مینجمنٹ کمیٹی (SMC) کے ازسرِنو تشکیل کے سلسلے میں بھی اجلاس منعقد ہوا۔ اجلاس میں اسکول کے طلبہ کی تعلیمی ترقی، حاضری میں بہتری، نظم و ضبط، بنیادی سہولیات اور طلبہ کی ہمہ جہت ترقی کے لیے والدین اور اساتذہ کے درمیان بہتر تال میل کی ضرورت پر تفصیلی تبادلۂ خیال کیا گیا۔ اس موقع پر اسکول کے صدر مدرس محمد رضوان اللہ نے والدین سے خطاب کرتے ہوئے کہا کہ بچوں کی تعلیمی کامیابی میں والدین کا تعاون انتہائی اہم ہے۔ انہوں نے والدین سے اپیل کی کہ وہ اپنے بچوں کی روزانہ کی تعلیمی سرگرمیوں پر خصوصی توجہ دیں، باقاعدگی سے اسکول بھیجیں اور اساتذہ کے ساتھ مسلسل رابطے میں رہیں۔ اجلاس میں معاون اساتذہ سید سراج الدین اور جیلانی بیگم نے بھی شرکت کی اور والدین کو اسکول کی تعلیمی سرگرمیوں، طلبہ کی ترقی اور اسکول مینجمنٹ کمیٹی کے کردار کے بارے میں آگاہ کیا۔ اسکول مینجمن...

​بورنار (نامہ نگار): اقراء ایجوکیشن سوسائٹی کے زیرِ اہتمام عبدالمجید سالار اقراء اردو ہائی اسکول، بورنار میں ہاکی کے جادوگر میجر دھیان چند کی یومِ پیدائش کے موقع پر قومی یومِ کھیل نہایت تزک و احتشام کے ساتھ منایا گیا۔ تقریب کی صدارت عارف محمد خان نے کی، جبکہ مہمانِ خصوصی کے طور پر جین اکیڈمی جلگاؤں کے کوچ تنویر ضیاء الدین جاگیردار نے شرکت کی۔ ​پروگرام کی غرض و غایت عابد پنجاری نے  پیش کی۔ پروگرام کا آغاز سید حنان  کی تلاوت سے ہوا ۔کا باقاعدہ آغاز ہیڈ ماسٹر کی۔ اسپورٹس کمیٹی کے انچارج عابد پنجاری اور ان کے معاونین جواد انجم اور صادق احمد نے تقریب کی بہترین اور منظم منصوبہ بندی کی ہیڈ ماسٹرعارف سر کی زیرِ نگرانی کی ۔ اس موقع پر جماعت پنجم تا دہم کے طلباء کے درمیان ایک شاندار پوسٹر نمائش و مقابلے کا انعقاد کیا گیا، جس میں طلباء نے کھیلوں اور صحت کے موضوعات پر دلکش پوسٹرز پیش کیے۔ اِس مقابلے کی جج کے فرائص شیخ روشن جعفر نے انجام دیے ۔​تقریب کے دوران جماعت نہم کی طالبہ ماریہ رئیس پٹیل اور جماعت دہم کی طالبہ خدیجہ صادق دیشمکھ نے میجر دھیان چند کی حیات، خدمات اور ہاکی میں...