Sadae Maharashtra E Urdu News Solapur صدائے مہاراشٹر ای اُردو خبر نامہ شولاپور

 بیدر : 30/ ستمبر(نامہ نگار) آئیے ہم سب بیدر ضلع کو منشیات سے پاک ضلع بنانے کے لیے سخت محنت کریں، ایم پی ساگر کھنڈرے نے یہ بات کہی۔ وہ شہر رنگ مندر میں ہنرمندی کی ترقی، صنعت کاری اور ذریعہ معاش محکمہ، قومی روزی روٹی مہم کرناٹک اور ضلع پنچایت کے زیر اہتمام”منشیات سے پاک“کرناٹک مہم کے افتتاح کے موقع پر خطاب کررہے تھے۔ منشیات کی لت ایک بہت بڑی سماجی لعنت ہے۔ اس لیے اس کے خاتمے کے لیے ہم سب کو مل کر کام کرنا چاہیے۔ انہوں نے کہا کہ آج کی نوجوان نسل منشیات کی عادی ہو کر اپنا مستقبل تباہ کر رہی ہے۔ منشیات کے استعمال کے مضر اثرات کو گھر گھر، اسکولوں اور کالجوں میں آگاہ کیا جائے اور آگاہی پروگرام منعقد کیے جائیں۔ انہوں نے کہا کہ گھر میں والدین کو اپنے بچوں پر خصوصی توجہ دینی چاہیے اور ان کی روزمرہ کی سرگرمیوں پر نظر رکھنی چاہیے۔ ضلع پنچایت کے چیف ایگزیکٹیو آفیسر ڈاکٹر گریش بدولے نے کہا کہ ہمیں منشیات سے پاک شہر بنانے کے لیے گھر سے شروعات کرنی چاہیے۔ اگر ہم نوجوان نسل کو منشیات سے دور رکھیں تو ہم ایک بہتر معاشرہ تشکیل دے سکتے ہیں۔ انہوں نے کہا کہ عوام میں بیداری پیدا کرنے کے لئے...

بیدر: 30/ستمبر(نامہ نگار ) جیسا کہ آپ بخوبی واقف ہیں ماہ ستمبر میں لگاتار بارش کی وجہ سے جہاں ہم تمام مشکلات کا سامنا کر رہے تھے، وہیں کچھ غریب لوگ ہم سے زیادہ مصائب و پریشان حالی کا شکار تھے. HRS جو جماعت اسلامی ہند کا ایک شعبہ ہے کچھ سلم علاقوں کا دورہ کیا ہے، محلہ ملتانی کالونی میں دو مکانات کی نشان دہی کی گئ ہے جن کی تصاویر یہاں شئر کی گئ ہیں. دونوں مکانات کے مالک خواتین بیواہ ہیں. مکانات کچے اور ٹینوں کے بنے ہیں لگا تار بارش کی وجہ سے ایک مکان کی دیوار اور چھت گر چکے ہیں، گھر والوں کو کسی نے کچھ دنوں کے لیے پناہ دی ہے، دوسرے مکان کی دیواریں تو ٹھیک ہیں مگر چھت کے ٹین بری طرح سے ٹوٹ چکے ہیں، ان دونوں گھروں کی مرمت کی اشد ضرورت ہے. HRS بیدر نے یہ طے کیا ہے کہ خدمت خلق جماعت اسلامی بیدر ، HRS ریلف فنڈ کے علاوہ اہلِ خیر حضرات سے اس سلسلے میں مدد لی جائے. اسی ضمن میں آپ تمام احباب سے گزارش ہے دل کھول کر اس کار خیر میں حصہ لیں اور ان پریشان حال مسلمانوں کی مدد فرمائیں، محترم حضرات آج کے اس ترقی یافتہ دور میں جہاں ہر کوئی عیش و سکون کی زندگی گزار رہا ہے وہیں یہ غریب، مجبور مس...

قاضی مشتاق احمد: اردو ڈرامہ نگاری کی درخشاں روایت کا معتبر نام۔۔ تحریر: مجیب خان ۔  اردو ادب کے منظرنامے پر  افسانہ، ناول اور ڈرامہ نگاری ہمیشہ سے اپنی ایک منفرد پہچان رکھتی ہے۔ یہ صنف محض تفریح کا ذریعہ نہیں بلکہ سماج کی فکری سمت متعین کرنے اور تہذیبی شعور اجاگر کرنے کا ایک مؤثر وسیلہ ہے۔ اسی روایت کے امین ہیں قاضی مشتاق احمد، جنہوں نے اپنے قلم کے ذریعے نا صرف افسانہ اور ناول کو بلکہ اردو ڈرامے کو بھی نئی جہتیں عطا کیں۔ حال ہی میں انہیں مہاراشٹر راجیہ ساہتیہ اکادمی نے اردو کا سب سے بڑا اعزاز، "مرزا غالب قومی ایوارڈ" عطا کیا ہے، جو نہ صرف ان کی تخلیقی زندگی کا اعتراف ہے بلکہ اردو ڈرامہ نگاری کی تاریخی اہمیت کا بھی اعلان ہے۔ فن کی جہتیں :  قاضی مشتاق احمد کے ڈرامے محض مکالموں کی ترتیب نہیں بلکہ تاریخ، فکر اور جذبات کے زندہ استعارے ہیں۔ ان کے مقبول ڈراموں میں مرزا غالب کی حویلی، آزاد کا خواب: ہندوستان کی آزادی، شہید بھگت سنگھ، مہاتما جیوتی با پھولے اور رنگِ مجاز شامل ہیں۔ یہ تخلیقات قاری اور ناظر دونوں کو ہندوستان کی فکری اور سیاسی جدوجہد سے روشناس ک...

مذہب نہیں، خواتین کی حفاظت سب سے اہم؛ جگاؤں معاملے پر میڈیا، خواتین تنظیموں، سماجی اداروں اور پولیس کی خاموشی؟؟؟ (عقیل خان بیاولی، جلگاؤں۔) جلگاؤں شہر پولیس اسٹیشن میں درج مقدمہ نمبر 351/2025 نے ایک بار پھر خواتین کے تحفظ اور عدالتی نظام پر سنگین سوالات کھڑے کر دیے ہیں۔ اس معاملے میں پولیس اہلکار نتین کملا کر سپکالے پر نہایت سنگین الزامات عائد کیے گئے ہیں۔اس ضمن میں متاثرہ کی شکایت کے مطابق۔مذہب تبدیل کرنے کے لیے دباؤ ڈالنا، شادی کا جھوٹا لالچ دینا،شادی شدہ ہوتے ہوئے دوسری شادی کرنا۔اور ہوٹلوں میں لے جا کر جسمانی و ذہنی اذیت دینا۔ایف آئی آر درج کرانے کے لیے متاثرہ کو کئی ماہ تک در بدر کی ٹھوکریں کھانی پڑیں، اور آج بھی ملزم پولیس اہلکار قانون کی گرفت سے باہر ہے۔ یہ نہ صرف ایک خاتون کے آئینی حقوق پر حملہ ہے بلکہ انصاف کے نظام کے ساتھ کھلا مذاق ہے۔میڈیا کا دوہرا رویہ؟؟ جب کسی ہندو لڑکی کے ساتھ مبینہ “لَو جہاد” کا معاملہ اٹھتا ہے تو مختلف تنظیمیں، نام نہاد رن رَاگِنی  جیسے گروپ اور اخبارات بڑے بڑے عنوانات کے ساتھ سڑکوں پر آ جاتے ہیں۔ لیکن یہی جرم جب ایک مسلم لڑکی کے ساتھ ہو...

شولاپور (سمیع مومن کی خصوصی رپورٹ ): شہر شولاپور کی علمی، ادبی اور سماجی دنیا کے لیے فخر و انبساط کی خبر یہ ہے کہ یہاں کی چار نامور اور درخشاں شخصیات کو مہاراشٹر اسٹیٹ اردو اکیڈمی کی جانب سے ایوارڈ کے لیے منتخب کیا گیا ہے۔ ان شاء اللہ یہ ایوارڈ بروز بدھ، ۸ اکتوبر کو ایک شاندار اور پر وقار تقریب میں عطا کیا جائے گا۔ یہ اعزاز حاصل کرنے والی ہستیاں وہ ہیں جنہوں نے اپنی خدمات سے نہ صرف شولاپور بلکہ پورے مہاراشٹر میں اردو زبان و ادب، سماجی و تعلیمی میدان میں روشن نقوش چھوڑے ہیں۔ • ادبی دنیا میں اپنی فکری و فنی سلطنت قائم کرنے والے سلطان سر، • شہر کے دلوں پر اپنی انفرادیت سے راج کرنے والی شخصیت راجہ باغباں سر، • شاندار تزک و احتشام کے ساتھ اپنے نمایاں کارناموں کو انجام دینے والے احتشام نداف سر، • اور ہر فن مولا معلم، ہمہ جہت شخصیت مولا مدیل سر۔ یہ چاروں شخصیات اپنی محنت، خلوص اور علمی بصیرت کی بدولت آج ایک ایسے مقام پر پہنچ چکی ہیں جہاں ان کی پہچان صرف شولاپور تک محدود نہیں رہی بلکہ ریاستی سطح پر بھی تسلیم کی گئی ہے۔ اس موقع پر پرواز فاؤنڈیشن شولاپور کے صدر محمد سمیع مومن نے دلی ...

"یہ ایک شخص نہیں مستقل ادارہ ہے" ڈاکٹر نذیر فتح پوری پونہ مہاراشٹرا۔۔ ازقلم : آفتاب عالم ؔ شاہ نوری، کروشی بلگام کرناٹک۔  8105493349 عالمی شہرت یافتہ شاعر، ادیب، مبصر اور ماہنامہ اسباق کے مدیر محترم جناب ڈاکٹر نذیر فتح پوری ہماری اردو دنیا کا وہ روشن نام ہیں جو کسی تعارف کا محتاج نہیں۔ ادب کی خدمت میں ان کا کردار اس قدر وسیع ہے کہ ایک فرد کے بجائے وہ واقعی ایک مستقل ادارے کی حیثیت رکھتے ہیں۔ڈاکٹر صاحب گزشتہ کئی دہائیوں سے شہر پونہ میں قیام پذیر ہیں اور شب و روز ادب کی خدمت میں مصروف ہیں۔ نثر ہو یا نظم، تنقید ہو یا تحقیق، افسانہ ہو یا انشائیہ، شعر و ادب کی ہر صنف میں انہوں نے وہ کارنامے انجام دیے ہیں جو اکثر بڑی بڑی اکادمیاں بھی مل جل کر انجام نہیں دے سکتیں۔ ان کی علمی اور ادبی کاوشوں کا اندازہ اس بات سے لگایا جا سکتا ہے کہ اب تک مختلف موضوعات پر ان کی 116 کتابیں منظرِ عام پر آچکی ہیں۔ڈاکٹر نذیر فتح پوری کی شخصیت اور خدمات پر علمی سطح پر بھی خاطر خواہ کام ہوا ہے۔ اب تک تین اسکالروں نے ان پر پی ایچ ڈی کی ہے اور دو نے ایم فل کے تحقیقی مقالے مکمل کیے ہیں۔ یہ اعزاز اپن...

بھیونڈی : (عبدالعزیز انصاری) بھیونڈی نظام پور شہر مہا نگر پالیکا اور تھانہ ضلع کھیل ڈپارٹمنٹ کی جانب سے سنیچر 27 ستمبر 2025 کو رئیس ہائی اسکول باسکٹ بال کورٹ پر انٹر اسکول اینڈ کالجیٹ باسکٹ بال مقابلوں کا انعقاد عمل میں آیا۔ جس میں بھیونڈی تعلقہ کے 18 اسکولوں سے طلباء و طالبات کی کل 28 ٹیموں نے حصہ لیا۔یہ مقابلے 19سال,17سال اور14 سال عمر زمرے کی ٹیموں کے بیچ کھیلے گئے۔ مقام مسرت ہے کہ رئیس ہائی اسکول اینڈ جونیئر کالج، بھیونڈی کی جانب سے 19 سال عمر کے زمرے میں بوائز نے نمایاں کامیابی حاصل کرتے ہوئے  کیپٹن قریشی علی محمد آصف کی راہنمائی میں فائنل مقابلے میں سسٹر نویدیتا ہائی اسکول کی ٹیم کو 1-0 سے شکست دیکر فائنل مقابلہ جیت کر ڈویژنل مقابلے کے لیے منتخب ہو گئے ۔ اسی طرح 17 سال عمر زمرے میں کیپٹن اسامہ کی رہنمائی میں تپون ہائی اسکول کی ٹیم کو 2-0 سے شکست دیکر مقابلہ جیت لیا ۔طلبہ کی تربیت ذاکر انصاری، مصیب مومن ور اقراء شیخ نے فرمائی تھی۔ طلبہ کی اس شاندار کامیابی پر کے ایم ای سوسائٹی کے صدر الماز فقیہ،سکریٹری دانیال قاضی،خازن فهد بوبیرے اسپورٹس کمیٹی کے چیئرمین دانش مدع...

بھوساول : (نامہ نگار) ہندی اخبار " ہمارا ایشیا" کی جانب سے آدرش سممان پروگرام عمل میں آیا جسمیں مہاراشٹر کے مختلف علاقوں میں مختلف میدانوں میں خدمات انجام دینے والی شخصیات کو مختلف ایوارڈ سے نوازا گیا ۔اس موقع پر شہر بھساول کی تعلیمی وادبی شخصیت حاجی انصاراحمد کوانکی تعلیمی وادبی خدمات کا اعتراف کرتےہوئے "آدرش سنستھاچالک"ایوارڈ سے نوازا گیا یہ ایوارڈ موصوف  کو اخبار کے مالک مذہبی وتعلیمی شخصیت محترم مجتبیٰ فاروق۔  صاحب ،اورجلگاؤں کے سابق ڈپٹی میئر ،ماہرتعلیم ڈاکٹر عبدالکریم سالار صاحب کے ہاتھوں دیا گیا ۔اس موقع پر مختلف علاقوں کی تعلیمی ،ادبی سماجی،سیاسی شخصیات موجود تھیں ۔

زبان کی اہمیت۔۔  ازقلم : محمود الحسن مدراسی۔ (ملیشیا)   اظہارِ معانی و مضمرات کے لیے بنیادی طور پر زبان و قلم کا سہارا لیا جاتا ہے، اور ان میں سے خاص طور پر زبان کی اہمیت زیادہ ہے۔ اللہ تعالیٰ نے جس قوم کے لیے جس نبی کو مبعوث فرمایا، وہ نبی اپنی قوم کی زبان سے بخوبی واقف تھا تاکہ وہ تبلیغِ اسلام کے پیغام کو مؤثر اور صحیح اسلوب میں پہنچا سکے۔ اگر ایسا نہ ہوتا تو پیغامِ حق کی ترسیل میں دقت پیش آ سکتی تھی۔ اس سے ہمیں یہ سبق ملتا ہے کہ مقامی زبان کی افادیت نہایت اہم ہے، اور خصوصاً وارثینِ انبیاء کو چاہیے کہ وہ اس سے واقف رہیں۔ اگر کسی اجنبی مقام، ملک یا شہر میں جانا پڑے تو وہاں کی زبان سیکھنا ضروری ہے تاکہ بات صحیح انداز میں پہنچ سکے۔ زبان کا فہم، زبان کے استعمال سے ہی پیدا ہوتا ہے۔ جتنا زیادہ کوئی نئی زبان استعمال کرے گا، اتنا ہی وہ ذہن میں راسخ ہوتی چلی جائے گی۔ اس کے لیے اہلِ زبان کے ساتھ معاملہ کرنا نہایت ضروری ہے۔ حضرت مولانا مفتی سعید احمد صاحب پالن پوریؒ کے بقول: "لہجہ اہلِ زبان ہی سے سیکھا جا سکتا ہے، لغت سے یہ حاصل نہیں ہوتا۔" نئی زبان سیکھنے کے لیے یہ طر...

جلگاؤں : (نامہ نگار) ہر سال کی طرح اَِسال بھی ایس ایس سی اور ایچ ایس سی آرٹس اور سائنس بورڈ امتحان ۵۲۰۲ء؁ میں ضلع جلگاؤں کی اُردو ہائی اسکولوں اور جونئیر کالجوں میں اول دوم و سوم مقام حاصل کرنے والے طلبہ اور اسی امتحان میں سوفی صد کل نتجہ حاصل کرنے والی اُردو ہائی اسکولوں اور جونئیر کالجوں کے اعزازمیں تقسیم اِنعامات کاپروگرام منعقد کیاگیا۔   مذکورہ پروگرام کی شروعات مولاناقا ضی مزمل الدین ندوی کی تلاوت قرآن سے کیاگیا۔مہمانان کے استقبال کے بعد پروگرام کی مختصر غرض وغایت پیش کی گی۔ ضلع کلکٹر شری آیوش پرسادکے دست مبارک سے اگنی ویر بروشر کا اجراء کیاگیا۔ واضح رہے کہ یہ بروشر مرکزی حکومت کی اگنی پتھ اسکیم میں ہمارے نوجوان زیادہ سے زیادہ شامل ہواس لئے اِقرا ایجوکیشن سوسائٹی کی جانب سے جاری کیاگیا۔ ناظر تعلیم خلیل شیخ محمد، اِقرا یجوکیشن سوسائٹی کے رُکن ایڈوکیٹ عقیل اسماعیل، محمدی ایجوکیشن سوسائٹی بھساول کے صد ر حاجی انصار،ڈاکڑ غیاث عثمانی،اِقرا یجوکیشن سوسائٹی کے جنرل سیکریڑی الحاج اعجاز ملک، آل انڈیا حج ویلفیئر سوسائٹی کھنڈوا کے صد رمقیط خان وغیرہ نے طلبہ کی رہنمائی ک...

حاجی ایس ایم مقدم ہائی اسکول و افضل جعفر خان مہاڈک جونیئر کالج کھیڈ کی شاندار کامیابی۔  کوکن سیرت کمیٹی چپلون کے زیر اہتمام جشنِ عید میلادالنبی ﷺ کی مناسبت سے آج بروز اتوار، ٢٨؍ ستمبر ٢٠٢٥ء کو ضلعی سطح پر تقریری و نعتیہ مقابلہ منعقد کیا گیا، جس میں ضلع رتناگری کے کم و بیش ١٨ اسکولوں کے طلباء نے شرکت کی۔ یہ خبر باعثِ مسرت ہے کہ حاجی ایس ایم مقدم ہائی اسکول کھیڈ کے ہونہار طالب علم عرش ظہیر چوگلے نے بہترین کارکردگی کا مظاہرہ کرتے ہوئے دوم مقام حاصل کیا۔ اس کامیابی پر انجمن تعلیم کے صدر محترمی شمس الدین مقدم صاحب و انجمن کے جملہ اراکین، صدر مدرس جناب حسن میاں رفاعی سر، سپر وائزر جناب تنویر سر اور اسکول کے تمام تدریسی و غیر تدریسی عملے نے عرش چوگلے کو دل کی گہرائیوں سے مبارکباد پیش کی۔ مزید برآں اس کامیابی کو ممکن بنانے میں رہنما اساتذہ کرام مولانا انیس احمد برکاتی صاحب، محترمہ پروین میڈم صاحبہ اور اکھل بھارتیہ اردو شکشک سنگھ کے ریاستی کارگذار صدر محمد سمیع مومن سر کی خصوصی رہنمائی بھی طلباء کو حاصل رہی، جنہوں نے اپنی دعاؤں اور رہنمائی کے ...

ممبئی: (نامہ نگار) اردو دنیا کے ابھرتے ہوئے شاعر، ادیب، اور سماجی و تعلیمی خدمات کے لیے جانے جانے والے نوجوان معلم محسن ساحل کو مہاراشٹر راجیہ اردو ساہتیہ اکادمی ایوارڈ برائے نیو ٹیلنٹ سے نوازے جانے کا اعلان کیا گیا ہے۔ یہ ایوارڈ انہیں سال 2021 کے لیے تفویض کیا جا رہا ہے، جو ان کی تخلیقی اور تعلیمی خدمات کا کھلا اعتراف ہے۔ محسن ساحل کا تعلق ضلع یوت محل کے قصبہ عمرکھیڑ سے ہے۔ وہ گزشتہ ڈیڑھ دہائی سے عروس البلاد ممبئی میں تدریسی فرائض انجام دے رہے ہیں۔ تعلیم کے ساتھ ساتھ وہ ادب و تحقیق کی دنیا میں بھی نمایاں خدمات انجام دے رہے ہیں۔ ان کی اب تک چھ کتابیں شائع ہوچکی ہیں جن میں ان کا اولین شعری مجموعہ "بیچ سمندر ساحل" نے انہیں ادبی دنیا میں الگ پہچان عطا کی۔ محسن ساحل صرف شاعر و ادیب ہی نہیں بلکہ ایک مخلص اور ماہر معلم بھی ہیں۔ وہ ممبئی میونسپل کارپوریشن کے اسکولوں میں برسوں سے طلبہ کی تربیت اور تعلیمی معیار بلند کرنے میں سرگرم ہیں۔ انہی خدمات کے اعتراف میں انہیں میونسپل کارپوریشن کا سب سے بڑا اعزاز "میئر آدرش شکشک پرسکار" عطا کیا گیا۔ مزید برآں وہ بال بھارتی ...

محمد ظفر حیات ریاستی مثالی معلم ایوارڈ سے سرفراز۔ ڈاکٹر نفیسہ بیگم غلام جیلانی کو ریاستی مثالی معلم ایوارڈ تفویض ۔۔۔ ناگپور (این ایس بیگ کی رپورٹ)  ناگپورمیں اُفق ایجوکیشن اینڈ ویلفیئر سوسائٹی کامٹی کی جانب سے اساتذہ کے اعزاز میں ایک شاندار تقریب کا انعقاد کیا گیا، جس میں تعلیمی و تدریسی شعبہ میں نمایاں خدمات انجام دینے والے اساتذہ کو محمد ظفر حیات ریاستی مثالی معلم ایوارڈ سے نوازا گیا۔ یہ تقریب ایم. اے. کے. آزاد ہائی اسکول و جونیئر کالج کامٹی کے ہال میں نہایت وقار اور شایانِ شان انداز میں منعقد کی گئی ۔  نفیسہ بیگم اندرا گاندھی گرلزس اردو جونیئر کالج میں بحیثیت لیکچرار اپنی خدمات انجام دے رہی ہیں ۔   ڈاکٹر نفیسہ بیگم اردو ادب کے فروغ میں مسلسل کوشاں رہتی ہیں۔اردو کارواں اورنگ آباد کی جانب سے منعقدہ تمام سرگرمیوں میں پیش پیش رہتی ہیں ۔ ہمہ وقت سماجی کاموں و سرگرمیوں میں مصروف رہتے ہوئے بھی طلبہ کی تعلیم و تربیت اور پیشہ ورانہ رہنمائی کی جانب خصوصی توجہ دیتی ہیں ۔آپ کی خدمات کا اعتراف کرتے ہوئے افق ایجوکیشن اینڈ ویلفیئر سوسائٹی کامٹی کی تنظیم...

جلگاؤں (عقیل خان بیاولی) جلگاؤں ضلع کی مختلف تنظیموں، علماے کرام، اور سماجی و سیاسی کارکنان نے اترپردیش کے بریلی شریف میں پیش آنے والے واقعہ کی سخت مذمت کرتے ہوئے ضلع کلکٹر کے توسط سے صدرِ جمہوریہ کو ایک میمورنڈم پیش کیا۔ جس میں ذکر کیا گیا کہ "آئی لو محمد ﷺ" کے نعرے کے حوالے سے انتظامیہ کو عرضداشت دینے گئے مسلم طبقہ پر ناانصافی اور عداوت کی بنیاد پر لاٹھی چارج کیا گیا۔ اس ظالمانہ کارروائی میں کئی بے قصور شہری زخمی ہوئے اور ان پر سخت مقدمات بھی درج کیے گئے۔ بالخصوص ملت اسلامیہ کے معروف دینی رہنما مولانا توقیر رضا پر جھوٹے الزامات عائد کر کے انہیں جیل میں ڈال دیا گیا ہے۔نمائندوں نے الزام لگایا کہ اترپردیش کے وزیر اعلیٰ یوگی آدتیہ ناتھ نے راج دھرم کی خلاف ورزی کرتے ہوئے پولیس کی اس کاروائی کی تائید کی اور ایک مخصوص طبقہ کے خلاف نامناسب جذبات کا اظہار کیا، جو ریاست کے اعلیٰ ترین منصب کے شایانِ شان نہیں ہے۔لہٰذا اس معاملہ کی سی بی آئی تحقیقات کرائی جائے، مولانا توقیر رضا کو فوری طور پر رہا کیا جائے اور بے قصور شہریوں پر قائم جھوٹے مقدمات واپس لیے جائیں، ایسا پُرزور مط...

شولاپور : (اشفاق ساتکھیڑ) جماعت اسلامی ہند شولاپور کی جانب سے منعقد سیرت النبی آبجیکٹیو ٹیسٹ لیا گیا تھا جس میں تقریبا ۱۶۰۰ طلبہ و طالبات نے حصہ لیا تھا جس میں شہر کے تمام اردو ہائی اسکول نے شرکت کی۔اس مقابلہ میں گروپ جماعت ہفتم میں ڈاکٹر اے پی جے عبدالکلام اردو اسکول شولاپور کی طالبہ سعدیہ عمران شیخ نے اول انعام حاصل کیا ہے۔       انعام میں ۲۰۰۰ روپے نقد، کتابیں، سند دی گئی۔اس کامیابی پر ادارے کے چیئرمین جناب محبوب تامبولی سر نے خصوصی مبارکباد پیش کی اور صدر مدرس محترم اشفاق احمد ساتکھیڑ سر نے طالبہ کی رہنمائی فرمائی اور ان طلبہ کی تیاری میں اسکول کے تمام اساتذہ کرام محترمہ رضوانہ قاضی آپا، محترمہ رابعہ قاسم صاحب شیخ آپا، جناب عرفاں پٹھان سر، محترمہ امرین فراش آپا، محترمہ رخسانہ شلیدار اپا، محترمہ ثناء پروین وڈالے آپا نے اپنی خدمات پیش کی۔   اسکول کے تمام سرپرست و والدین نے اس کامیابی پر مبارکباد پیش کی۔

مہاراشٹر اردو ہائی سکول، کڑوی کی ضلع سطحی مقابلوں میں نمایاں کامیابی۔ کڑوی : (نامہ نگار) کوکن سیرت کمیٹی چپلون کی جانب سے منعقد کردہ ضلع سطحی نعت خوانی مقابلے میں مہاراشٹر اردو ہائی سکول، کڑوی کی فائزہ انصاری اور دیگر خوش الحان طالبات نے دوم مقام حاصل کیا جبکہ ضلع سطحی سیرت النبی تقریری مقابلوں میں مہاراشٹر اردو ہائی سکول، کڑوی کی طالبہ ردا ھفصانی نے سوم مقام حاصل کر کے ادارے کا نام پورے ضلع رتناگری میں روشن کیا ہے۔ اس عظیم کامیابی کو مد نظر رکھتے ہوئے ایجوکیشن سوسائٹی کڑوئی کے صدر جناب صادق قاضی صاحب، نائب صدر  ڈاکٹر انصار جوالے صاحب ، مدرسہ ہذا کے صدر مدرس جناب رضوان کاریگر سر نیز جملہ اساتذہ کرام نے انعام یافتگان طالبات اور ساتھ ہی ساتھ ان کی رہنمائی کرنے والی ہائی سکول کی فعال معلمات نرگس تلوے صاحبہ اور نزہت باگل کوٹے صاحبہ کو دلی مبارکباد پیش کی۔ انعام یافتگان طالبات کو نقد انعاما ت ، ٹرافی اور اسناد سے اس پر وقار محفل میں جلوہ افروز مہمانان خصوصی  جمال الدین بندر کر، سمیع مومن صاحب اور مجاہد میر صاحب کے دست مبارک سے نوازا گیا۔

حیدرآباد(راست) نامور شاعر و ادیب سردار سلیم کے فرزند شہریار سلیم واصف کی تقریب عقد 26 ستمبر کی شب کے ایس فنکشن ہال کاروان حیدرآباد میں منعقد ہوئی تقریب نکاح اور تقریب ولیمہ میں مختلف شعبہ ہائے حیات سے تعلق رکھنے والے مشاہیر نے شرکت کی ، اس خوشگوار تقریب میں شامل ہونے والے مہمانوں میں نقیب ملت بیرسٹر اسد الدین اویسی صدر مجلس اتحاد المسلمین و رکن پارلیمنٹ حیدرآباد، کے بشمول حضرت مولانا سید شاہ حسینی پیر قادری لاابالی صاحب قبلہ ، حضرت سید احمد پاشاہ قادری شطاری، حضرت سید شاہ محمود پاشاہ قادری شطاری زریں کلاہ، حضرت مولانا سید شاہ ہاشم عارف بادشاہ قادری لاابالی،حضرت مولانا پروفیسر سید شاہ حسیب الدین قادری شرفی حمیدی ،خطیب زمن حضرت مولانا سید شاہ آل مصطفیٰ قادری الموسوی، حضرت مولانا سید شاہ احسن الدین قادری شرفی ،حضرت مولانا سید شاہ صوفی احمد پیر قادری ، حضرت مولانا ڈاکٹر سید شاہ حیدر علی صوفی قادری مرتضیٰ پاشاہ ،حضرت مولانا ڈاکٹر سید شاہ سلطان محی الدین قادری الموسوی مرتضیٰ پاشاہ ،حضرت مولانا سید شاہ رضوان پاشاہ قادری لاابالی صاحب ، حضرت مولانا سید شاہ سعید القادری ، حضرت مولانا...

پونہ : (نامہ نگار) تاریخ 29 ستمبر 2025۔ پیر۔ مولانا آزاد کالج چھترپتی سمبھاجی نگر کے "گرین کلب" کو ریاست مہاراشٹر کے محکمہ اعلیٰ اور تکنیکی تعلیم کے ذریعہ 'تنترشاستر ودیاپیٹھ' شیواجی نگر، پونے میں منعقدہ ایک پروگرام میں بہترین "گرین کلب" کا ایوارڈ دیا گیا۔ یہ ایوارڈ مولانا آزاد کالج کے پرنسپل ڈاکٹر مظہر احمد فاروقی کو ریاست مہاراشٹر کے اعلیٰ اور تکنیکی تعلیم کے وزیر چندرکانت دادا پاٹل کی موجودگی میں اعلیٰ اور تکنیکی تعلیم کے ڈائریکٹر ڈاکٹر شیلیندر دیولنکر ،یونیسیف کے یوسف کبیر، ڈائریکٹر ٹیکنیکل ایجوکیشن، مہاراشٹر اسٹیٹ، ڈاکٹر ونود موہتکر، اور یونیورسٹی آف ٹیکنالوجی کے وائس چانسلر، پروفیسر بھیرود کے بدست پیش کیا گیا۔     یونیسیف اور حکومت مہاراشٹر کے ذریعہ ریاست بھر میں کالجوں کے مقابلے کا انعقاد کیا گیا۔ اس میں محکمہ کے کل 360 کالجوں نے حصہ لیا۔ جس میں مولانا آزاد کالج نے 100 میں سے 90 نمبر حاصل کر کے پہلی پوزیشن حاصل کی، آئی بی پاٹھک مہیلا مہاودیالیہ نے 100 میں سے 85 نمبر حاصل کر کے دوسرا اور دیوگیری کالج نے 100 میں سے 85 نمبر حاصل کر کے تیسرا م...

بورنار(نامہ نگار) اقرا ایجوکیشن سوسائٹی جلگاؤں کے زیرِ اہتمام چلنے والے ادارے عبد المجید سالار اقرااردو ہائی اسکول،بورنار میں طلباء کی حوصلے افزائی کے لیے ایک مختصر تقریب کا انعقاد کیا گیا۔اِس موقع پر اسکول کی ہونہار سابق طالب علم ڈاکٹر نازنین دیشمکھ کا لیکچر رکھا گیا۔ پروگرام کا آغاز جزلان فاروق کی تلاوت سے ہوا۔ بعد ازاں اسکول کے ہیڈ ماسٹر سلیم شاہ سر نے ڈاکٹر نازنین کا استقبال کیا اور مختصر اپنے خیالات کا اظہار بھی کیا ، اسکول کے انچارچ ہیڈ ماسٹر عارف محمد خان نے ڈاکٹر نازنین کا تعارف پیش کیا ۔ نازنین دیشمکھ نے اپنے Motivatinal لیکچر میں اپنے تعلیمی سفر،اُس میں پیش آنے والی مشکلات کا ذکر کیا ساتھ ہی ساتھ بچوں کو یہ پیغام بھی دیا کہ سخت محنت اور کوششوں سے ہی کامیابی حاصل کی جا سکتی ہیں۔ آخر میں مہمان مقررہ سے طلباء نے سوالات کیے ۔ روشن سر کے رسمِ شکریہ پر اس پروگرام کا اختتام ہوا۔ اس تقریب میں اسکول کے اساتذہ مظہر سر فیروز سر، جوّاد سر، امیر سر،عابدسر موجود تھے۔ غیر تدریسی عملے میں مشتاق بھائی، یوسف بھائی اور شبّیر بھائی نےبھی تعاون کیا۔

  بھیونڈی: (عبدالعزیز انصاری) تعلیمی حلقہ میں یہ خبر مسرت کا باعث ہے کہ کوکن مسلم ایجوکیشن سوسائٹی کے زیر انتظام جاری مومن گرلز ہائی اسکول،بھیونڈی کی پرنسپل ڈاکٹر خالدہ عبدالسلام کھونڈیکر کو 22 ستمبر 2025 کو ٹاٹا تھئیٹر، نیر یمن پوائنٹ ممبئی میں منعقدہ ایک عظیم الشان تقریب میں تعلیمی، انتظامی اور سماجی شعبہ میں ان کی طویل مدتی اور نمایاں خدمات کے لیے کرانتی جیوتی ساوتری بائی پھولے ریاستی سطح کے ایوارڈ سے نوازا گیا۔یہ ایوارڈ مہاراشٹر کے نائب وزیر اعلیٰ اجیت دادا پوار اور دیگر معززین کے دست مبارک سے دیا گیا۔اس موقع پر کوکن مسلم ایجوکیشن سوسائٹی کے صدر الماز فقیہ، سینئر ممبر اور سابق چیئرمین رئیس ہائی سکول شفیع مقری بھی موجود تھے۔واضح رہے کہ یہ ایوارڈ ریاست میں تعلیم کے میدان میں بہترین اور نمایاں خدمات انجام دینے والے اساتذہ کو دیا جاتا ہے۔ڈاکٹر خالدہ کھونڈیکر گزشتہ23 سال سے تعلیمی و تدریسی خدمات انجام دے رہی ہیں۔ان کے وژن،مضبوط قیادت، اور معاشرے سے گہری وابستگی نے انہیں تعلیم کے شعبے میں ایک اہم شخصیت کے طور پر قائم کیا ہے۔آپ ہمیشہ نئے تعلیمی تجربات،جدید ٹیکنالوجی اور ڈی...

اردو میری زباں۔ ازقلم : رئیسہ محمود املی چنگے۔ (معاون استانی، ضلع پریشد پرائمری اردو اسکول شرول ا تعلقہ۔ ا کل کوٹ ضلع۔ سولا پور)  سب سے پہلے زبان کسے کہتے ہیں یہ دیکھیں گے" بولنے بات کرنے' اپنے احساسات وجزبات کو دوسروں تک پہنچانے کے لیے صو تی اور لفظی وسیلے کو زبان کہتے ہیں-"  آ ئیے اب اردو زبان کا تعارف لیں ـ اردو ترکی زباں کا لفظ ہے ـجس کے معنی لشکر فوج کے ہیں برصغیر ہند' پاکستان وہ ہندوستان کے علاقے میں بولے جانے وا لی زبان ہے ـ دہلی سلطنت کو اردو کا بانی کہا جاتا ہےـ بھارت کے چھ ریاستیں ایسی ہیں جہاں اردو بولی ہی جاتی ہے ـ اردو کے مختلف اہم نام ہیں جیسے ہندوی' ہندوستانی 'زبان ہندوستان '' گوجری' ریختہ' لنگوا ہندوستان' ہندی وغیرہ وغیرہ مگر اب ہوتے ہوتے اب صرف اردو ہی کہا جاتا ہےـ  آ ئیے اب اردو کی ابتدا اور اغاز کی طرف__ برصغیرمیں مسلم بادشاہوں کی فتح کے بعد ہوا ہے ،اس کے بعد شاعروں کا نمایاں کردار ہے ۔ اردو زبان کی ترقی میں نہ صرف شاعر بلکہ مصنفوں کا بھی بڑا ہاتھ رہا ہے۔ مطلب کتابیں لکھی، تقریریں لکھی ۔اردو برصغ...

بیدر : 29/ ستمبر(نامہ نگار)جنگلات، حیاتیات و ماحولیات اور بیدر کے ضلع انچارج وزیر ایشور بی کھنڈرے نے ایک پریس ریلیز میں کہا کہ ضلع بھر میں مسلسل بارشوں سے تباہ شدہ فصلوں کا مشترکہ سروے جلد مکمل کیا جائے گا اور 15 دنوں کے اندر راحت فراہم کرنے کے لیے ضروری اقدامات کیے جائیں گے۔اس پریس ریلیز میں انہوں نے کہا کہ ضلع کے مختلف علاقوں میں موسلادھار بارش کے نتیجے میں انسانی جانوں کے ضیاع، جانوروں کی جانوں کا ضیاع، مکانات کو نقصان، فصلوں کو نقصان، بنیادی ڈھانچے جیسے سڑکوں، پلوں، اسکولوں اور آنگن واڑی کے کمرے، بجلی کے کنکشن، جھیلوں، مراکز صحت کو نقصان پہنچا ہے۔ وزیر نے کہا کہ وہ امدادی اقدامات کے حوالے سے ضلع انتظامیہ کے ساتھ مسلسل رابطے میں ہیں اور زیادہ بارشوں کی وجہ سے ہونے والی آفات کو کم کرنے کے لیے فوری اقدامات کرنے کی ہدایت کی ہے۔تمام افسران کو ہدایت کی گئی ہے کہ وہ کام کے لیے ہیڈ کوارٹر میں رہیں اور ایمرجنسی کی صورت میں چھٹی نہ دیں۔ سیلاب کی صورتحال سے موثر طریقے سے نمٹنے کے لیے ایس ڈی آر ایف اور این ڈی آر ایف کو فعال کیا جائے گا اور بغیر کسی تاخیر کے امدادی اقدامات کیے جائیں...

بیدر:  29/ستمبر (نامہ نگار ) ہیومن ویلفئیر آرگنائزیشن اور انسٹی ٹیوٹ آف ٹریننگ فار قرآنک ایپلیکیشنز (اتقان) کے تعاون سے شہر عادل آباد کے معروف ادارے ریڈینس اسکول میں قرآن مجید پر غور و تدبر اور اس کے عملی اطلاق کے موضوع پر ایک دلچسپ اور مفید سہ روزہ سرٹیفکیشن کورس کا اہتمام کیا گیا۔ یہ مفت کورس25تا27/ستمبر کو منعقد ہواجس کا مقصد قرآن کی آیات کو روزمرہ زندگی میں نافذ کرنے کی تربیت فراہم کرنا تھا۔شہر عادل آباد اور اطراف کے مقام سے تشریف لائے مرد‘ خواتین‘ طلبہ اور طالبات نے اس سے استفادہ کیا۔یہ کورس قرآنی آیات کی گہرائیوں کو سمجھنے اور ان پر عمل کرنے کا ایک منفرد موقع تھا‘ جو شرکاء کی علمی‘فکری‘روحانی اور عملی تربیت کے لیے ڈیزائن کیا گیا تھا۔کورس میں خواتین کے لئے سورہ الواقعہ‘سورہ عبس‘سورہ النور اورسورہ الاحزاب کی منتخب آیات کا مطالعہ رہا جبکہ مرد حضرات کے لئے سورہ الحج‘سورہ الانفال اور سورہ آل عمران کی منتخب آیات کا مطالعہ کیا گیا۔اس سہ روزہ کورس میں اتقان کے ڈائریکٹر محمد عبد اللہ جاوید صاحب منتخب آیات کی تفہیم پاور پوائنٹ اور سمارٹ بورڈ کے ذریعہ کی۔شرکا ء نے متنوع سرگ...

   بیدر : 29/ دستمبر(نامہ نگار) ادارہ ء ادبِ اسلامی ہند کاایک انتخابی اجلاس کل بتاریخ کل 28/ستمبر کو دعوت نگر، ابوالفضل انکلیو، جامعہ نگر، نئی دہلی میں واقع جماعت اسلامی ہند کے مرکزی دفتر کے کانفرنس ہال میں ڈاکٹر حسن رضا صدر ادارہ ء ادبِ اسلامی ہند کی زیرصدارت منعقد ہوا۔جناب عبدالقدیر ساحل ؔکے تلاوت قرآن پاک سے اجلاس کا انعقاد عمل میں آیا۔افتتاحی کلمات ڈاکٹر حسن رضا نے پیش کئے۔ سابقہ اجلاس کے رودادکی خواندگی عمل میں آئی۔ دوسالہ سرگرمیوں کاجائزہ لیاگیا۔ بعدازاں ادارہ ء ادبِ اسلامی ہند کے مرکزی ذمہ داران کاانتخاب پر گفتگو ہوئی۔ بعدازاں ممبئی (سانتا کروز) سے تعلق رکھنے والے ملک گیر شہرت یافتہ کالم نگار، ناول نگار، اردو اورمراٹھی کے افسانہ نویس ڈاکٹر سلیم خان کوادارہ ء ادبِ اسلامی ہند کا صدر منتخب کیاگیا۔ اللہ اکبر کے صداؤں کی گونج میں ڈاکٹر سلیم خان کو کرسیء صدارت پر براجمان کیاگیا۔ ناظم اعلیٰ یعنی جنرل سکریڑی کے لئے ڈاکٹر خالد مبشر (نئی دہلی) کاانتخاب عمل میں آیا۔ جب کہ مرکزی خازن کے لئے جناب حسنین سائر منتخب کئے گئے۔ تینوں ذمہ دارا ن کے انتخاب کے ساتھ ہی نئی مجلس عا...

ریاض (سعودی عرب) 29 ستمبر (ای میل )سعودی عرب، ریاض کی معروف تنظیم انڈین فرینڈس سرکل (آئی ایف سی) کی ادبی فورم کے زیر اہتمام 26 ستمبر کی شام 6:15 بجے تا رات 10:30 بجے شاندار محفلِ نعت کا انعقاد حارہ کے خیام ریسٹورنٹ میں عمل میں آیا جس کی صدارت ادارہ ادبِ اسلامی جنوب کے سابق نائب صدر ریاض تنہا نے کی جبکہ نظامت کے فرائض حسان عارفی نے انجام دیئے، بحیثیت مہمانان اعزازی جناب قیوم احمد، اور شیخ مشتاق احمد، بحیثیتِ مہمانّ خصوصی ابونبیل خواجہ مسیح الدین اور صدرِ ادبی فورم طاہر بلال اسٹیج پر جلوہ افروز رہے۔ محفل کا آغاز ادبی فورم کی روایت کے مطابق تلاوتِ کلام پاک سے ہوا جس کی ذمہ داری حافظ محمد ازلان شاہ نے بخوبی نبھاٸی جس کاترجمہ جمیل احمد اکولوی نے پیش کیا، ادبی فورم کی روایت کے مطابق پہلے نثری نشست ہوئی جس میں صدر ادبی فورم طاہر بلال کے ابتدائی کلمات کے بعد سعید اختر اعظمی اور ابو نبیل نے کہانی "اسلام کی خاطر" اور افسانہ بالترتیب پیکر عمل بن جا سنایا۔ بعد نمازِ عشاء نعیم الدین صاحب کی مترنم آواز میں مناجات سے نعتیہ مشاعرہ کا باضابطہ آغاز ہوا، مشاعرہ میں ...

 جلگاؤں: (شیخ زید احمد) میرے بچو! آج ہم تعلیم حاصل کرنے والوں اور اچھے نمبروں سے کامیاب ہونے والوں کو نواز رہے ہیں۔ ہمیں خوشی ہے کہ آج ہمارے بچے ڈاکٹر، انجینئر، پائلٹ، وکیل اور سائنسدان بن رہے ہیں۔ ہم نے تعلیم پر توجہ دی کیونکہ اللہ نے ہمیں پہلے تعلیم حاصل کرنے کا حکم دیا ہے۔ آج آپ کے والدین آپ پر لاکھوں روپے خرچ کر رہے ہیں، اور سماج آپ کی مدد کر رہا ہے، لیکن ایک بات سنو! ہم اپنی عزت اور ایمان بیچ کر حاصل کی گئی ڈگریوں کو مسترد کرتے ہیں،لات مارتےھیں۔ یاد رکھیں ہماری عزت اور ایمان سے زیادہ قیمتی کوئی چیز نہیں ہے۔ اپنا ایمان، اپنی عزت، اپنا مذہب اور اپنے والدین کی عزت کو نیلام نہ ہونے دیں۔ اپنے والدین اور اپنی برادری کو سر جھکانے نہ دیں۔ یہ ہمارا مشورہ ہے۔ قومی صدر مفتی محمد ہارون ندوی نے اپنے اصلاحی بیان میں ان اہم نکات کو مسلم کہاٹک برادری کے سامنے پیش کیا۔ شہادا ضلع دھولیہ مہاراشٹرا مسلم کہاٹک برادری کا یہ پروگرام بڑی کامیابی سے ہمکنار ہوا۔ چار ریاستوں (مہاراشٹر، گجرات، مدھیہ پردیش، اور راجستھان) کے ذمہ دار اور کامیاب طلباء نے حصہ لیا۔ اس موقع پر موجود معززین نے خُوب ...

بھیونڈی: (نامہ نگار) بروز اتوار 28 ستمبر، 2025 کو یشونت راؤ چوہان مہاراشٹر اوپن یونیورسٹی، ناسک کے زیر اہتمام کےایم ای سوسائٹیز غلام محمد مومن ویمنز کالج اسٹڈی سینٹر بھیونڈی میں تعلیمی سال 2025-26 میں بی اے سال اول میں داخلہ لینے والے طلبہ کے لیے افتتاحی کونسلنگ کلاس کا انعقادرئیس ہائی اسکول کیمپس کے اردو بسیرا ہال میں کیا گیا۔اس پروگرام کی صدارت رئیس ہائی اسکول اینڈ جونیر کالج کے پرنسپل ضیاء الرحمٰن انصاری نے کی۔اپنے صدارتی خطاب میں پرنسپل ضیاء الرحمٰن انصاری نے بی اے فرسٹ ایئر کے طلبہ سے خطاب کرتے ہوئے کہا کہ یونیورسٹی کا نصاب اعلیٰ معیار کا ہے۔اس کا مطالعہ کرنے سے بلاشبہ طلبہ کو معیاری اعلیٰ تعلیم حاصل کرنے اور ان کی شخصیت کی نشوونما میں مدد ملے گی۔ انہوں نے فاصلاتی تعلیم کے ذریعے اپنے تعلیمی سفر کو آگے بڑھانے والے طلبہ پر زور دیا کہ وہ کسی بھی احساس کمتری کا شکار ہونے کے بجائے اپنی پڑھائی پر توجہ دیں۔ انہوں نے وضاحت کی کہ فاصلاتی تعلیم اور باقاعدہ تعلیم محض شناخت کے نام ہیں۔اصل اہمیت معیاری تعلیم کی ہوتی ہے۔ انہوں نےطلبہ پر زور دیا کہ وہ اپنا تعلیمی سفر جاری رکھیں،عل...

نو خیز قلمکار : تسمیہ عزیز شیخ۔۔ (جماعت : نہم، محمد یونس اردو ماڈل ہائی سکول بیڑی گھر کل شولا پور۔)  نظم: ایکتا کی آواز  بہت ہو چکا اب تمہارا ہمارا  بنےایک نئی دنیا ہماری  کسی دھرم کا ہو کسی ذات کا ہو  ہمیشہ چلی بھائی چارہ ہمارا  سبھی قسم کے پھول ہوں گے چمن میں ہی گی دنیا یہ دنیا مہکتی ہماری  نہ آئیں گے بہکاؤں میں ہم کسی کے  نہیں ہوگا آپس میں جھگڑا ہمارا چلو ایکتا کی دکھائے طاقت رہے نام دنیا میں اونچاہمارا  ہمیں سوچ اپنی بدلنی پڑے گی  کہ دل جو ہمیشہ چمکتا رہے ہمارا  چلو ایک دیاایکتا کا جلائیے  کہ روشن رہے دنیا ہمیشہ ہماری

سولاپور (صدائے مہاراشٹر) معروف صحافی شیخ جمیل احمد اور الطاف احمد ثانی کو  مہاراشٹر اسٹیٹ اُردو ساہتیہ اکیڈمی کی جانب سے صحافتی ایواڈ کا اعلان کیا گیاہے۔ یہ ایوارڈ عنقریب ممبئی میں منعقد شاندار تقریب میں دیے جایں گے۔ ان دونوں صحافیوں کو صدائے مہاراشٹر سولاپور کے بانی مدیر ایوب نلامندو اور مدیر پروفیسر ڈاکٹر محمد شفیع چوبدار کی طرف سے پر خلوص مبارکباد۔ 

ڈھونڈتی ہیں جس کو آنکھیں، وہ تماشہ چاہیے چشمِ باطن جس سے کھل جائے، وہ جلوہ چاہیے (اقبال) از قلم : طٰہٰ عرف ثناء جمیل احمد نلاّمندو معاون معلّمہ پونے مہانگر پالیکا            محترم اقبال صاحب کا یہ شعر دور حاضر میں لفظ بہ لفظ انسانی زندگی کے لئے پیغامات چھوڑتا ہے۔زندگی میں ہم اکثر اس چیز کو ترجیح دیتے ہیں جو آسانی سے نظر آ جائے، جو صرف ہماری آنکھوں سے دیکھی جا سکے۔ یہ انسانی فطرت کا حصہ ہے کہ ہم پہلے ظاہری چیزوں کو پہچانتے ہیں، ان کی تعریف کرتے ہیں، اور انہی کے پیچھے بھاگتے ہیں۔ لیکن حقیقت میں زندگی کی اصل خوبصورتی اور حقیقت آنکھوں سے نہیں، بلکہ دل اور روح کی آنکھ سے دیکھی جا سکتی ہے "آنکھیں دیکھتی ہیں، مگر دل کو دیکھنے کی ضرورت ہے۔" – حضرت علیؓ          ظاہری چیزیں عموماً عارضی اور عینی ہوتی ہیں۔ ہم کسی کی شکل و صورت، کسی منظر کی خوبصورتی، یا کسی فن پارے کے ظاہری حسن کو دیکھ کر محظوظ ہوتے ہیں۔ یہ وہ چیزیں ہیں جو فوراً نظر آ جاتی ہیں، اور انہیں دیکھنے کے لیے صرف ہماری آنکھیں کافی ہوتی ہیں۔ لیکن اگر ہم صرف ظاہری شکلوں کے پ...

آج یوم دوشنبہ ہے،اس پُر مسرت موقع پر بارگاہ رسالت مآب صلی اللہ علیہ و سلم میں ہدیۂ نعت پاک ملاحظہ فرمائیں! ازقلم : فریدسحر حیدرآباد ( تلنگانہ،انڈیا ) اک اُن کا نام لیتے ہی آتا قرار ہے سرکار کے ہی ذکر سے جگ میں بہار ہے عزت بہت ہی بڑھ گئی میری جہان میں آقا کے غُلاموں میں جو میرا شُمار ہے اسود کا جو حُضور نے بوسہ لیا تھا کل سُنت وہ پوری کرنے کو لمبی قطار ہے یوں تو جہاں میں لاکھوں ہیں اچھے شہر مگر سب سے حسین میرے نبی کا دیار ہے بس اُن کے وسیلے سے ہمیں روشنی ملی اس روشنی کا منبع حرا کا ہی غار ہے گُستاخ نبی کی تو اُڑا دیں گے ہی گردن ہر اُمتی کو آپ سے اتنا جو پیار ہے اک لمحہ میں جہاں کی یہ کایا ہی پلٹ دیں بے شک مرے حُضور کو یہ اختیار ہے یہ تو مرے نبی کی ہی سیرت کا ہے اثر ہر شعر نعتیہ میں مرے اک نکھار ہے اعمال میرے اچھے ہیں ویسے مگر سحر بخشش کا میری اُن پہ ہی دارومدار ہے فریدسحر حیدرآباد ( تلنگانہ،انڈیا )

 بلڈانہ: شہر بلڈانہ کی معروف ادبی شخصیت فردوس انجم کی ادبی خدمات کا اعتراف کرتے ہوئے مہاراشٹر اسٹیٹ اردو ساہتیہ اکادمی نے سال 2023 کے نیو ٹیلینٹ ایوارڈ سے نوازنے کا اعلان کیا ہے_ ملحوظ رہے کہ فردوس انجم سنت گاڑگے بابا امراؤتی یونیورسٹی سے "جیلانی بانو کے فکشن میں انسانی نفسیات کا مطالعہ جیسے اہم موضوع پر Phd کر رہی ہیں _خاتون کے مسائل سے متعلق اپ کے مضامین روزنامہ انقلاب کے اوڑھنی صفحے کی زینت بنتے رہے ہیں_ علاوہ ازیں ملک کے موقر رسائل اور اخبارات میں آپ کے مضامین شائع ہوتے رہے ہیں_ آپ نے معروف افسانہ نگار محمد علیم اسماعیل کی شخصیت اور فن پر ایک کتاب بھی ترتیب دی ہے جس کا موضوع ہے محمد علیم اسماعیل بحیثیت افسانہ نگار آپ کی قدر افزائی پر دوستوں رشتہ داروں نے مبارکباد پیش کی

"لوگ کیا کہیں گے ؟" از : حفصہ بیگ بنت الطاف بیگ۔ لکچرر۔ شعبہ اُردو کویمپو یونیورسٹی شیموگہ مہر کھڑکی کے باہر دیکھ تو رہی تھی پر نہ جانے کن خیالوں کی دنیا میں تھی۔۔  اُس کی آنکھوں اور چہرے سے یہ صاف ظاہر ہو رہا تھا کہ وہ اپنے اندر غصے اور دُکھ کے طوفان کو دبائے ہوئی تھی۔  ہائے مہر! یہ کیسا فیصلہ تم نے لیا ہے۔۔" لوگ کیا کہیں گے"۔۔۔ کس کس کو ہم جواب دیں گے۔۔ خود کا نہیں تو ہماری عزت کا لحاظ کر لیتی۔ کیاتم نے اپنے دو بچوں کی زندگی کے بارے میں سوچا ہے۔ انکی زندگی پر کیا اثر ہوگا ؟؟ مہر اپنے اندر دبے ہوئے غم و غصّے کو نکال کربول پڑی۔۔ امّاں! کون لوگ؟؟ یہ لوگ آخر ہیں کون؟؟ کون سے لوگ ہیں مجھے تو نظر نہیں آتے۔۔ جن لوگوں کا خوف دلا دلا کر اپ نے میری زندگی کے 16 سال برباد کر دیے۔۔ کہاں ہیں وہ لوگ؟ کیا اُن کو معلوم ہے میری برباد زندگی کے بارے میں۔۔؟؟ اس کے لفظوں سے صاف ظاہر ہو رہا تھا کہ وہ کس قدر درد کی شدت کی لپیٹ میں ہے۔۔ مہر کے رویہ کو دیکھ کر اماں نے کہا کہ کیاتم پاگل ہو گئی ہو ۔۔ کچھ تو سوچو۔۔۔ مہر مزید طیش میں آکر کہنے لگی کہ کیا سوچوں امّاں؟ لوگوں کے با...

جلگاؤں (عقیل خان بیاولی) اقراء ایجوکیشن سوسائٹی جلگاؤں کے زیرِ انتظام اردو ہائی اسکول، تونڈاپور کے نامور معلم جناب ناصر خان صفدر خان کو ان کی ہمہ جہت علمی و سماجی خدمات کے اعتراف میں راج نندنی بہو اُدیشیہ سنستھا، جلگاؤں کی جانب سے ریاستی سطح کے مثالی معلّم ایوارڈ سے نوازا گیا۔یہ پروقار تقریب معزز شخصیات کی موجودگی میں منعقد ہوئی، جن میں شری رویندر بھئیا پاٹل، پروفیسر ڈاکٹر دلیپ کمار للوانی، شری شالیگرام مالکر (صدر، کرشی اُتپن بازار سمیتی، جلگاؤں) اور ڈاکٹر مناف شیخ (ڈپٹی رجسٹرار امتحان شعبہ، نارتھ مہاراشٹر یونیورسٹی، جلگاؤں) شامل تھے۔ اس موقع پر ناصر خان کو توصیفی سند اور یادگار شیلڈ پیش کی گئی۔ناصر خان نہ صرف اپنے طلبہ کے محبوب استاد ہیں بلکہ ایک سرگرم سماجی کارکن کے طور پر بھی جانے جاتے ہیں۔ ان کی سرپرستی میں پروان چڑھنے والے بے شمار طلبہ آج مختلف میدانوں میں نمایاں مقام رکھتے ہیں۔ اس کامیابی پر اقراء ایجوکیشن سوسائٹی کے صدر الحاج عبد الکریم سالار، ڈاکٹر اقبال شاہ، اعجاز ملک، طارق شیخ، ہیڈ ماسٹر ایوب شیخ سمیت تدریسی و غیر تدریسی عملے نے نیک خواہشات و مبارکباد پیش کی۔تقریب...

بدلتا سیاسی و سماجی منظرنامہ۔۔ ازقلم : ابرارالحق مظہر حسناتی۔  وقت کا مزاج ہمیشہ تغیر سے عبارت رہا ہے۔ تغیر کبھی محض موسمی نہیں ہوتا بلکہ انسانی شعور، سماج اور سیاست کی تہوں تک جا پہنچتا ہے۔ آج کا انسان ایک ایسے دوراہے پر کھڑا ہے جہاں لمحے لمحے کے ساتھ منظر بدل رہے ہیں، اور ہر نیا منظر اس کے لیے سوال بن کر ابھرتا ہے۔ سیاست کے ایوان ہوں یا سماج کے کوچے، ہر جگہ تبدیلی کی لہر جاری ہے۔ لیکن سوال یہ ہے کہ کیا یہ تغیر ارتقاء ہے یا زوال؟ حقیقت یہی ہے کہ دونوں امکانات ایک ساتھ موجود ہیں، اور فیصلہ اس پر ہے کہ ہم دیکھنے والی آنکھ سے دیکھتے ہیں یا دکھاوے کے فریب میں مبتلا رہتے ہیں۔ سیاسی منظرنامے کو دیکھیں تو معلوم ہوتا ہے کہ اقتدار کا مرکز اب محض تخت و تاج نہیں رہا بلکہ سرمایہ اور بیانیہ ہے۔ جمہوریت کے نام پر جو نظام کھڑا کیا گیا ہے وہ عوام کو یقین دلاتا ہے کہ وہ فیصلے کرنے والے ہیں، لیکن حقیقت میں فیصلہ کن قوتیں کہیں اور بیٹھی ہیں۔ ووٹ کی پرچی کا وزن صرف شمار ہونے تک ہے، اس کے بعد وہ محض کاغذ کا ٹکڑا رہ جاتی ہے۔ یہی وہ نکتہ ہے جہاں عقل کہتی ہے کہ عوام کا اعتماد اور خوشی اکثر ای...

جلگاؤں (نامہ نگار) ہندی ہفتہ روزہ ہمارا ایشیاء اورںگ آباد  کی جانب سے تعلیم ، شعر و ادب ، صحافت ، سماجی خدمتگار ، ثقافت ، سیاست وغیرہ شعبوں میں نمایاں خدمات انجام دینے والوں کو اعتراف میں مثالی ایوارڈ تفویض کیۓ گیۓ۔پروگرام کی صدارت ریاست کی معروف شخصیت و اخبارھذا کے مالک مجتبیٰ فاروق نے کی۔جبکہ شمع فروزی اقراء کے صدر ڈاکٹر عبدالکریم سالار کے ہاتھوں عمل آئی۔اس موقع پر اخبار ھذا کے مدیر مجتبیٰ منیب ، الاقصیٰ ٹور اینڈ ٹریول کے وسیم عبدالقادر، الحراء اسکول کے صدر حاجی انصار احمد ، سلیم سیٹھ چوڑی والے ، کرن پگار مالیگاؤں ، راشید اختر مالیگاؤں ، حاجی انیس ، عقیل خان ، شفیق سر ، عبدالرؤف شیخ ، شکیل حسرت بھساولی وغیرہ بطور مہمانان خصوصی موجود تھے۔ قبل ازیں الحراء اسکول بھساول میں ہوئی اس پر وقار تقریب کا آغاز تلاوت قرآن سے ہوا۔ مہمانان کی گل پوشی اخبار سے منسلک مقامی نمائندگان صلاح الدین ادیب ، کامل شیخ ، عمران خان ، شکیل شیخ و ٹیم نے کیا۔اغراض و مقاصد حاجی انصار احمد نے بیان کرتے ہوۓ صحافت کی تاریخ اور اشاعت و ترویج پر روشنی ڈالی۔ ڈاکٹر عبدالکریم سالار نے اپنے تاثرات میں ای...

امیدوں کا سوداگر۔ افسانہ نگار۔۔ مدثراحمدشیموگہ۔ شام کے دھوپ چھاؤں والے رنگوں میں مزار کے سامنے پھولوں کی خوشبو اور اگربتیوں کا دھواں فضا میں گھل رہا تھا۔ مزار کے باہر، پتھر کی چوڑی سیڑھیوں کے کنارے، حاجی صدیق اپنی چھوٹی سی دکان پر بیٹھا تھا۔ اس کی دکان کوئی دکان نہیں، بس ایک چارپائی تھی، جس پر پھولوں کی ٹوکریاں، سبز اور سرخ چادریں، اور اگربتیوں کے بنڈل سجے ہوئے تھے۔ حاجی صدیق، جو نہ حاجی تھا، نہ صدیق، بس لوگوں کی زبان پر یہ نام چڑھ گیا تھا، اپنی میلی ٹوپی کو ٹھیک کرتے ہوئے آنے جانے والوں پر نظر رکھتا تھا۔ اس کی آنکھیں، جو برسوں سے لوگوں کے چہروں کو پڑھتی آئی تھیں، ہر آنے والے کی امید، خوف، اور پریشانی کو فوراً بھانپ لیتی تھیں۔ "بیک وقت پانچ چادریں! بس یہی سبز والی، مزار پر چڑھائیں، بیک وقت مراد پوری!" وہ اپنی دھیمی مگر پرجوش آواز میں ایک عورت کو سمجھاتا، جو اپنے بیمار بچے کی صحت کے لیے دعا مانگنے آئی تھی۔ عورت نے کانپتے ہاتھوں سے پیسے گنے اور چادر لے لی، جیسے وہ چادر کوئی جادوئی پر ہو۔ حاجی صدیق نے پیسے جیب میں ڈالے اور اگلی گاہک کی طرف متوجہ ہو گیا۔ مزار کے سام...