بارگاہ رسالت مآب صلی اللہ علیہ و سلم میں ہدیۂ نعت پاک۔۔۔ ازقلم فرید سحر۔

آج یوم دوشنبہ ہے،اس پُر مسرت موقع پر بارگاہ رسالت مآب صلی اللہ علیہ و سلم میں ہدیۂ نعت پاک ملاحظہ فرمائیں!

ازقلم : فریدسحر حیدرآباد ( تلنگانہ،انڈیا )

اک اُن کا نام لیتے ہی آتا قرار ہے

سرکار کے ہی ذکر سے جگ میں بہار ہے

عزت بہت ہی بڑھ گئی میری جہان میں

آقا کے غُلاموں میں جو میرا شُمار ہے

اسود کا جو حُضور نے بوسہ لیا تھا کل

سُنت وہ پوری کرنے کو لمبی قطار ہے

یوں تو جہاں میں لاکھوں ہیں اچھے شہر مگر

سب سے حسین میرے نبی کا دیار ہے

بس اُن کے وسیلے سے ہمیں روشنی ملی

اس روشنی کا منبع حرا کا ہی غار ہے

گُستاخ نبی کی تو اُڑا دیں گے ہی گردن

ہر اُمتی کو آپ سے اتنا جو پیار ہے

اک لمحہ میں جہاں کی یہ کایا ہی پلٹ دیں

بے شک مرے حُضور کو یہ اختیار ہے

یہ تو مرے نبی کی ہی سیرت کا ہے اثر

ہر شعر نعتیہ میں مرے اک نکھار ہے

اعمال میرے اچھے ہیں ویسے مگر سحر

بخشش کا میری اُن پہ ہی دارومدار ہے

فریدسحر حیدرآباد ( تلنگانہ،انڈیا )