Sadae Maharashtra E Urdu News Solapur صدائے مہاراشٹر ای اُردو خبر نامہ شولاپور

ڈاکٹر شمس الدین چودھری کی تصنیف۔۔ ”ضلع گلبرگہ میں اردو ادب و صحافت“: پر ایک نظر۔۔ ازقلم : واجد اختر صدیقی - گلبرگہ کرنا ٹک۔  (9739501549) Email:wajidakhtar4444@gmail.com ڈاکٹر شمس الدین چودھری ہمارے عہد کے ایک سنجیدہ فکر کے حامل محقق ہیں۔ ان کی پہلی محققانہ کاوش سن 2025میں ”ضلع گلبرگہ میں اردو ادب و صحافت“کے عنوان سے منظر عام پر آئی ہے۔ دراصل یہ کتاب ان کے پی ایچ ڈی کے تحقیقی مقالے ”ضلع گلبرگہ میں اردو زبان و ادب کے ارتقاء کا جائزہ“کی تلخیص ہے۔ جسکو موصوف نے”ضلع گلبرگہ میں اردو ادب و صحافت: ما بعد آزادی تا 1992 ء تک“کے عنوان سے  شائع کیا ہے۔ زیر ِنگاہ ان کی یہ تصنیف گلبرگہ میں اردو ادب کا ارتقاء اور صحافت پر ایک سنجیدہ فکری دستاویز کی حیثیت رکھتی ہے۔ یہ بات اظہر من الشمس ہے کہ کسی بھی علاقے کی ادبی تاریخ و صورت حال کا جائزہ دراصل اس علاقے کی تہذیبی، ثقافتی و سماجی تاریخ کا آئینہ دار ہوتی ہے۔ ادب کو ہم صرف تخلیقی اظہار تک محدود نہیں کر سکتے بلکہ ادب اپنے عہد کے شعور کو اجاگر کرنے کا کام کرتا ہے۔ ضلع گلبرگہ اس اعتبار سے کا فی زرخیز ہے۔ یہاں صرف اردو زبان فروغ نہیں پا...

بیدر۔ 31/جنوری (نامہ نگار)شہر بیدر کے مغل گارڈن فنکشن ہال میں آج یکم فروری 2026؁ء بروزاتوار صبح 10بجے سے5/بجے شام تک ایک روزہ سیمینار ”عہد بہمنی کا سیاسی، سماجی، ادبی وتہذیبی منظرنامہ“ شعبہ ء تحقیق وتصنیف، جماعت اسلامی ہند بیدر کی جانب سے منعقد کیاجارہاہے۔ جس میں مولانا آزاد نیشنل اردو یونیورسٹی کے سابق ڈین، اسکول آف ہیومانٹیس (School of Humanities)پروفیسر محمد نسیم الدین فریس صاحب کلیدی خطبہ پیش کریں گے۔ سیمینار کاافتتاح بدست جناب الحاج محمدرحیم خان صاحب معزز وزیر بلدی نظم ونسق اور حج،حکومت کرناٹک ہوگا۔ پروفیسر پرمیشور نائیک رجسٹرار بید ریونیورسٹی بیدر اور سکریڑی حلقہ جماعت اسلامی ہند کرناٹک جناب لبید شافی خطاب کریں گے۔ مولانا آزاد نیشنل اردو یونیورسٹی حیدرآباد، گلبرگہ یونیورسٹی کلبرگی، خواجہ بندہ نواز یونیورسٹی کلبرگی، سنٹرل یونیورسٹی کرناٹک کلبرگی، بیدر یونیورسٹی بیدر، سنٹرل یونیورسٹی حیدرآباد، انجمن ڈگری کالج بیجاپو روسکیاب ڈگری کالج بیجاپور سے تشریف لانے والے مقالہ نگاران عہد بہمنی کے مختلف عنوانات پر اپنے مقالے پیش کریں گے۔ سیمینار کی صدارت امیرمقامی، جماعت اسلامی ہند...

 حیدرآباد31 جنوری(نمائندہ)مولانا سید شاہ احسان الدین صاحب قاسمی صدر جمعیت علماء تلنگانہ وحافظ پیر خلیق احمد صابرصاحب جنرل سیکریٹری جمعیت علماء تلنگانہ نے اپنے مشترکہ صحافتی بیان میں کمشنر پولیس کریم نگر غوث عالم کیخلاف رکن اسمبلی حضور آباد کے توہین آمیز ریمارکس کی سخت مذمت کرتے ہوئے اسیانتہائی بدبختانہ اور افسوسناک قرار دیا۔پریس نوٹ کے ذریعہ جاری کردہ بیان میں جمعیت علماء تلنگانہ کے دونوں ذمہ داروں نے کہا کہ ایک ذمہ دار عوامی نمائند ہ اور رکن قانون ساز اسمبلی کی جانب سے قانون کو نافذ کرنے والے  برسر خدمت آئی پی ایس عہدیدارکے مذہب کا حوالہ دیتے ہوئے آفیسر کے مذہب اور ذات کو نشانہ بناناانتہائی نامناسب اور قابل اعتراض ہے۔تعجب اس بات کا ہیکہ مذہبی جذبات کو ٹھیس پہنچانے والیاس بیان کا نہ کسی جماعت یا ادارہ نے نوٹ لیا اور نہ ہی کسی قائداور رہنما نے اس کی مذمت کی۔بالفرض اگر ایسا بیان مسلمان کے علاوہ کسی دوسرے مذہب اور ذات کے خلاف دیا جاتا توتمام جماعتیں اور قائدین کے علاوہ میڈیا اور دیگر ادارے بھی میدان میں آجاتے چونکہ یہ بیان مسلمان آفیسر کے خلاف دیا گیا تو تمام کو...

 ظہیرآباد 31/ جنوری(نمائندہ)ملک میں مرکزی حکومت مزدور دشمن پالیسیاں اپناتے ہوئے مزدوروں کو بڑے پیمانے پر دھوکہ دے رہی ہے اور مزدوروں کو غلامانہ نظام میں دھکیلنے کی سازش کی جارہی ہے اور اسی کی ایک کڑی کے طور پر لیبر کوڈز سرمایہ داروں کے حق میں لائے گئے ہیں اور اگر لیبر کوڈز کو فوری طور پر منسوخ نہ کیا گیا تو مرکز کے خلاف سخت جدوجہد کی جائے گی، سی آئی ٹی یو کے ریاستی صدر کامریڈ چوکا رامولو نے کہا وہ 12 فروری کو لیبر کوڈ کو منسوخ کرنے کا مطالبہ کرتے ہوئے ملک بھر میں عام ہڑتال کی کال دے رہے ہیں اور انہوں نے مزدور طبقے سے اس ہڑتال کو کامیاب بنانے کی اپیل کی ہے۔ پیرمل فارما کیمیکل کمپنی میں کل شام ہڑتال کے سلسلے میں ایک میٹنگ سے خطاب کرتے ہوئے۔ سی، آئی، ٹی، یو، کے صدر کامریڈ چوکا رامولو نے کہا کہ مرکزی حکومت مزدور مخالف پالیسیاں اپنا رہی ہے۔ اور مزدوروں کو سرمایہ داروں کا غلام بنا رہی ہے، اور لیبر قوانین کو منسوخ کر دیا گیا ہے اور سرمایہ داروں کے لیے لیبر کوڈ لایا گیا ہے۔ سی آئی ٹی یو اور دیگر یونینیں مزدور دشمن پالیسیاں اپناتے ہوئے ملک بھر میں مرکزی حکومت کے خلاف برسرپیکا...

۔ ظہیرآباد 31/ جنوری(نمائندہ)شہر ظہرآباد کے سینئر قائد سابق صدر ٹاؤن بی آریس پارٹی سید محی الدین نے سینکڑوں پارٹی قائدین کے ہمراہ بلدی انتخابات میں وارڈ نمبر 10 گلشن نگر سے اپنا پرچہ نامزدگی ادخل کیا۔اس موقع پر سید محی الدین نے کہا کہ منتخب ھوکر آنے پر وارڈ میں بنیادی مسائل پینے کا پانی، نل ،نالیوں کی صفائی، سڑکیں، جیسے دیگر ترقیاتی کاموں کو انجام دونگا۔آخر میں عوام سے اپیل کرتا ہوں کہ مجھے بھاری اکثریت سے کامیاب بنائیں۔۔۔

 ظہیرآباد/کوہیر 31 جنوری(نمائندہ) کوہیر منڈل کے موضع دگوال میں انعامدار محلہ مسلم قبرستان اور عیدگاہ کمیٹی کی تشکیل عمل میں آئی۔ تفصیلات کے بموجب کمیٹی صدر محمد جاوید احمد نے بتایا کہ کل بعد نماز جمعہ جامع مسجد دگوال میں ایک بیٹھک میں رائے مشورے کے بعد متفقہ طور مسلم قبرستان اور عیدگاہ کے انتظامات کےلئے ایک کمیٹی تشکیل دی گئی۔جس محمد جاوید احمد کو صدر کی حیثیت سے منتخب کیا گیا۔نائب صدر محمد مدثر احمد، جنرل سکریٹری محمد عظیم الدین، جوائنٹ سیکریٹری محمد اسلم، محمد امجد خزانچی، ممبران میں محمد یونس بھنڈاری، محمد جلال الدین، محمد سلیم، محمد عبدالخالق،محمد شاہد، غلام مسعود احمد جیسے افراد شامل ہیں اس موقع صدر محمد جاوید احمد نے لوگوں سے کہا کہ مجھے جو خدمت کا موقع دیا گیا ہے پوری دیانت داری کے ساتھ قبرستان عیدگاہ، کے انتظامات کو عمل میں لانے کی کوشش کرونگا۔واضح رھےکہ نئی تشکیل شدہ کمیٹی کا رجسٹریشن بھی عمل میں لایا گیا۔۔۔۔۔۔۔

انتقال پر ملال۔۔۔ جلگاؤں ( عقیل خان بیاولی) آج مورخہ 31 جنوری 2026 بہ روز ہفتہ مبلغ دعوت اسلامی جلگاؤں حافظ عتیق رضا صاحب، و عقیل باوا قادری ان کے والد ماجد الحاج احمد رضا عطاری کا انتقال ہوگیا میت ان شاء اللہ بعد نماز عشاء حضرت بلال رضی اللہ عنہ چوک تانباپورہ سے عید گاہ قبرستان اجنٹہ چوفولی لیجائے جائیگی حضرات میت میں شرکت فرماں کرثواب دارین حاصل کرے ..اللہ مرحوم کی مغفرت فرمائے جنت الفردوس میں اعلی مقام عطاء فرمائے .آمین یا رب العلمین۔مرحوم نیک سیرت فعال اور دینی علمی شخصیت کے طور پر شناخت رکھتے تھے ۔

جلگاؤں (شیخ زیان احمد) ہمارے طلبہ آنے والے دور میں نہ صرف ملک کے معمار بلکہ قوم وملّت لئے کامیابی کی روشن دلیل ہیں۔ ان کی صحیح سمت میں ہر اعتبار سے رہنمائی وقت کی عین پکار ہے۔ لہذا آل انڈیا آئیڈیل ٹیچرس اسوسی ایشن (آئیٹا) کی مختلف اکائیاں اپنے مقام پر اساتذہ کے ساتھ طلبہ کی خصوصی طور پر رہنمائی کرتی ہیں۔ اسی طرح آئیٹا جلگاؤں شاخ کی جانب سے ہر سال دہم جماعت کے طلبہ کے لئے امتحانی زاویہ سے رہنمائی کیمپ کا انعقاد کیا جاتا ہے۔ امسال "نگاہیں جن کی جم جاتی ہیں زمانۂ مستقبل پر۔۔۔۔۔" اس عنوان سے یہ کیمپ شہر کی قدیم درس گاہ اور مادرِ علمی اینگلو اردو ہائی اسکول کے شاندار اے سی ہال میں منعقد کیا گیا۔ جہاں شہر کی کل ۱۲ ہائی اسکولس کے ۱۲۰ طلبہ کو ماہر اساتذہ نے بذریعہ پروجیکٹر نصاب کے علاوہ کم وقت میں زیادہ نشانات کیسے حاصل ہوسکتے ہیں؟ طلبہ عمومی طور پر کونسی غلطیاں کرتے اور ان سے کیسے بچیں؟ وغیرہ باتوں پر رہنمائی کی۔ ان اساتذہ میں کاشف انجم سر ( ریاضی ،اقراء شاہین اسکول)، مسفرہ میڈم (انگریزی ، ملّت ہائی اسکول)، وسیم حمید سر (مراٹھی، ملّت ہائی اسکول)، اشتیاق سر (سائنس دوّم، ...

میلو شارم (محمد رضوان اللہ) (1976–2026) مدرسۂ مفتاح العلوم، میلوشارم کی سنہری جوبلی (پچاس سالہ جشن) کے مبارک موقع پر میں انتظامیہ، اساتذہ، طلبہ اور تمام خیر خواہوں کو دل کی گہرائیوں سے مبارکباد پیش کرتا ہوں۔ گزشتہ پانچ دہائیوں سے یہ معزز ادارہ اسلامی تعلیم، اخلاقی اقدار اور روحانی تربیت کا روشن مینار بنا ہوا ہے۔ اس نے علم، نظم و ضبط اور اسلام و معاشرے سے وابستگی کے ساتھ کئی نسلوں کی تربیت میں اہم کردار ادا کیا ہے۔ میں دعا گو ہوں کہ اللہ تعالیٰ اس عظیم مقصد کے لیے کام کرنے والوں کی تمام خلوص بھری کوششوں کو قبول فرمائے اور اس ادارے کو آئندہ بھی کامیابیوں سے نوازتا رہے۔ اللہ تعالیٰ اسے معیاری تعلیم کی اشاعت اور صالح و ذمہ دار شہریوں کی تیاری میں مزید ترقی عطا فرمائے۔  اج بروز ہفتہ بعد نماز عصر تا عشاءمسجد خضر میل وشارم میں حضرت مولانا اقدس سید ارشد مدنی صاحب دامت برکاتہ صدر جمیعت علما ہند دار العالم دیوبند تشریف لا رہے ہیں

جلگاؤں، 29 جنوری 2026 : جماعتِ اسلامی ہند ضلع جلگاؤں کے زیرِ اہتمام “بھارت کی آزادی میں مسلمانوں کا کردار” کے عنوان سے شہر کی مختلف اسکولوں کے طلبہ و طالبات کے لیے تحریری اور تقریری مقابلوں کا انعقاد کیا گیا تھا، جس کی اختتامی اور انعامی تقریب اقرار تھیم کالج کے موتی والا ہال میں منعقد ہوئی۔ اس پروگرام کی صدارت جماعتِ اسلامی ہند ضلع جلگاؤں کے ضلعی امیر جناب سہیل شیخ صاحب نے فرمائی۔ جبکہ مہمانانِ خصوصی کے طور پر جناب اعجاز ملک صاحب، شیخ عبداللہ سر، مفتی ابوذر، عفیفہ میڈم، محترمہ نسرین باجی اور خورشید باجی سمیت شہر کے مختلف سنجیدہ افراد و ذمہ داران نے شرکت کی۔ اس موقع پر شہر کی مختلف اسکولوں سے بڑی تعداد میں طلبہ و طالبات نے اپنے اساتذہ اور سرپرستوں کے ساتھ شرکت کی، جس سے پروگرام کی علمی و تعلیمی اہمیت مزید اجاگر ہوئی۔ واضح رہے کہ ان مقابلوں کا انعقاد دو مراحل میں کیا گیا تھا۔ پہلے مرحلے میں اسکولی سطح پر تقریری و کوئز مقابلے منعقد ہوئے، جن میں ہر اسکول سے اوّل، دوئم اور سوئم پوزیشن حاصل کرنے والے طلبہ و طالبات کو منتخب کیا گیا۔ بعد ازاں ان منتخب طلبہ نے شہری سطح پر اپنی بہتر...

گلبرگہ 31 جنوری : مجاہد اہلسنت پیر طریقت رہبر شریعت صوفی با صفا حضرت سید شاہ محمد فیض الدین سرمست بانی دارالعلوم رضائے مصطفی گلبرگہ اہلسنت والجماعت گلبرگہ و انجمن رضائے مصطفی گلبرگہ کے 33 ویں عرس شریف کے ضمن میں کل رات 9 بجے دارالعلوم رضائے مصطفی اہلسنت والجماعت احمد نگر کالونی رنگ روڈ گلبرگہ میں جلسہ یاد فیض الدین سرمست و فیضان اولیائے کرام منعقد ہوا حضرت سید شاہ محمد سراج الدین سرمست فرزند اکبر حضرت سید شاہ محمد فیض الدین سرمست و صدر دارالعلوم رضائے مصطفی اہلسنت والجماعت گلبرگہ نے جلسے کی صدارت کی حضرت مولانا ظل الرحمن برہانی نے جلسے کو مخاطب کرتے ہوئے فروغ سنیت مسلک اعلحضرت کی تشہیر و استحکام کیلئے حضرت سید شاہ فیض الدین سرمست کی گرانقدر خدمات کو زبردست خراج تحسین پیش کرتے ہوئے کہا کہ اولیائے کرام کا فیضان حیات اور بعد حیات بھی جاری و ساری رہتا ہے خطیب اہل سنت مقرر ذیشان مولانا عبدالحکیم وقار اشرفی صدر خانقاہ گلشن مدنی گلبرگہ نے نہایت پرجوش اور ولولہ انگیز خطاب کرتے ہوئے دارالعلوم رضائے مصطفی اہلسنت والجماعت گلبرگہ کے قیام کو حضرت سید شاہ محمد فیض الدین سرمست کا عظیم ک...

گلبرگہ 31 جنوری : مجاہد اہلسنت پیر طریقت رہبر شریعت صوفی با صفا حضرت سید شاہ محمد فیض الدین سرمست بانی دارالعلوم رضائے مصطفی گلبرگہ اہلسنت والجماعت گلبرگہ و انجمن رضائے مصطفی گلبرگہ کے 33 ویں عرس شریف کے ضمن میں کل رات 9 بجے دارالعلوم رضائے مصطفی اہلسنت والجماعت احمد نگر کالونی رنگ روڈ گلبرگہ میں جلسہ یاد فیض الدین سرمست و فیضان اولیائے کرام منعقد ہوا حضرت سید شاہ محمد سراج الدین سرمست فرزند اکبر حضرت سید شاہ محمد فیض الدین سرمست و صدر دارالعلوم رضائے مصطفی اہلسنت والجماعت گلبرگہ نے جلسے کی صدارت کی حضرت مولانا ظل الرحمن برہانی نے جلسے کو مخاطب کرتے ہوئے فروغ سنیت مسلک اعلحضرت کی تشہیر و استحکام کیلئے حضرت سید شاہ فیض الدین سرمست کی گرانقدر خدمات کو زبردست خراج تحسین پیش کرتے ہوئے کہا کہ اولیائے کرام کا فیضان حیات اور بعد حیات بھی جاری و ساری رہتا ہے خطیب اہل سنت مقرر ذیشان مولانا عبدالحکیم وقار اشرفی صدر خانقاہ گلشن مدنی گلبرگہ نے نہایت پرجوش اور ولولہ انگیز خطاب کرتے ہوئے دارالعلوم رضائے مصطفی اہلسنت والجماعت گلبرگہ کے قیام کو حضرت سید شاہ محمد فیض الدین سرمست کا عظیم ک...

بھارت اور یورپی یونین: ایک نئی اقتصادی صبح کا آغاز۔ ٹرمپ-ٹیرف کے معاشی سائے اور یورپی منڈی کی اہمیت۔ بھارت کی یورپی یونین کے ساتھ شراکت داری: چیلنجز اور ثمرات۔ بھارت کی عالمی معیشت میں نئی صف بندی اور آزاد تجارت کا نیا محاذ۔۔ مقامی صنعت بمقابلہ یورپی مصنوعات: توازن کی تلاش۔ ازقلم: اسماء جبین فلک۔ بھارت اور یورپی یونین کے درمیان طے پانے والا تازہ تجارتی معاہدہ ایک ایسے تاریخی لمحے میں سامنے آیا ہے جب عالمی معیشت بیک وقت امریکی تحفظ پسندی، چینی صنعتی برتری اور روس یوکرین جنگ کے سائے میں نئی صف بندیاں کر رہی ہے۔ صدر ڈونلڈ ٹرمپ کی واپسی کے بعد امریکہ کی سخت تجارتی پالیسی، جس کے تحت اگست 2025 سے متعدد بھارتی برآمدات پر 50 فیصد تک محصولات عائد کیے گئے، دہلی کے لیے یہ تلخ یاد دہانی تھی کہ واحد بڑی منڈی پر انحصار کسی بھی ابھرتی ہوئی طاقت کے لیے خطرناک ہو سکتا ہے۔ ڈالر کے مقابلے میں بھارتی کرنسی کی کمزوری، جو 2026 کے آغاز پر 92 کے قریب کی سطح چھو چکی ہے، اس دباؤ کی معاشی جھلک پیش کرتی ہے۔ ایسے میں یورپی یونین کے ساتھ آزادانہ تجارتی معاہدہ صرف ایک اقتصادی قدم نہیں بلکہ ایک وسیع تزوی...

بورنار (نامہ نگار) : اقرا ایجوکیشن سوسائٹی کے زیرِ اہتمام قصبہ بورنار میں واقع عبدالمجید سالار اقرا اردو ہائی اسکول بورنار کے پنجم تا دہم جماعت کے تمام طلبہ کی ایک معلوماتی و تعلیمی علاقائی سیر کامیابی کے ساتھ منعقد ہوئی۔ اس تعلیمی سیر کا بنیادی مقصد طلبہ میں قدرتی وسائل بالخصوص پانی کی اہمیت کے تعلق سے شعور بیدار کرنا تھا۔ اس موقع پر طلبہ نے گاؤں کے قریب واقع گرنا ندی پر دہی گاؤں بند کا مطالعاتی دورہ کیا، جہاں انہیں بند کی ساخت، اس کے قیام کے مقاصد، پانی کے ذخیرے، آبپاشی کے نظام اور مقامی ضروریات میں اس کے کردار سے متعلق تفصیلی معلومات فراہم کی گئیں۔ اس دوران طلبہ کو یہ بھی سمجھایا گیا کہ پانی انسانی زندگی، زراعت اور ماحولیاتی توازن کے لیے کس قدر ناگزیر ہے۔ اس تعلیمی سیر کی منصوبہ بندی اور کامیاب انعقاد میں ٹرپ انچارج مظہر خان، جواد انجم اور فیروز خان نے منظم اور ذمہ دارانہ کردار ادا کیا۔ ساتھ ہی دیگر اساتذہ میں شیخ روشن، شیخ امیر، شیخ عابد اور شیخ صادق کا بھرپور تعاون حاصل رہا، جس کے باعث یہ سیر نہایت خوش اسلوبی سے اختتام پذیر ہوئی۔ یہ تعلیمی سرگرمی اسکول کے انچارج و صدر ...

 ظہیرآباد/کوہیر 30جنوری(نمائندہ)محمد پاشاہ میاں ساکن ماچی ریڈی پلی کے فرزند محمدبلال احمد کی شادی محمد عبدالغفار مرحوم کی دخترے صغریٰ کے ساتھ موضع کمکول یس ٹی ڈی فنگشن ہال میں بعد نمازمغرب انجام پائی۔اس موقع پر مہمان خصوصی مسٹر دامودھر راج نرسمہا وزیر صحت تلنگانہ نے نوشہ کے والد محمدپاشاہ میاں اور عروسہ کے نانا محمد عبدالقیوم کو مبارکباد پیش کی۔ تقریب میں محمدارشدسیٹھ ۔محمداعجاز سیٹھ ۔ممتاز سیٹھ۔ محمدنعیم الدین قادری چشتی۔محمد فہیم الد ین ۔محمد چھوٹو میاں ۔محمد غوث الدین۔محمد عبدالکریم زمیندا ر۔محمد خیرات علی ۔محمدارشدعلی صدربلاک کانگریس۔  محمدنصیرالدین۔ محمداحمد مالک یس اے گلاس۔محمد سمیع الدین۔محمدغیاث الدین ۔محمد حشمت علی ۔محمد نظام الدین ۔محمد نظام الدین۔ محمد ریاض الدین۔محمد بابو میاں۔ محمد اسمعیل ۔محمد غوث الدین نظامی اعتماد عبدالقادر ۔محمدحاجی میاں ۔محمد سمیع الدین۔ حافظ محمد مبین۔ عبدالعادل ۔محمد طحٰہ ذوالقرنین ۔محمد طلحہ ذوالفقار حسین ۔محمدابوذر ۔نے مہمانوں کا استقبال کیا۔۔۔

ظہیرآباد ۔30/جنوری (نمائندہ) آئیٹا پرنٹ میڈیا سکریٹری تلنگانہ اسٹیٹ محمد معین الدین کی اطلاع کے بموجب آل انڈیا جوائینٹ ایکشن کمیٹی آف ٹیچرس آرگنائزشنس ( جوکہ پورے ملک کی سطح پر تمام اساتذہ تنظیموں کا مشترکہ پلیٹ فارم ہے ) کی جانب سے ٹیچرس اہلیتی امتحان (TET) کو لاذمی قرار دینے کی مخالفت ' CPS اسکیم کو ختم کرتے ہوئے OPS کو لاگو کرنا اوردیگر مسائل کے ضمن میں چلو دہلی ' چلو پارلیمنٹ کا احتجاجی پروگرام 5 /فروری 2026 کو جنتر منتر سے پارلیمنٹ تک رکھا گیا ہے ' جسکی AIITA بھی بھرپور تائید کررہی ہے ۔ جس کے لیے آج PRTU بھون حیدرآباد میں ایک تشہیری پوسٹر کا اجراء عمل میں آیا جس میں ریاستی صدر و سکریٹری بھی موجود تھے ۔ اس ضمن میں قومی صدر آئیٹاجناب شیخ عبدالرحیم نے تمام ہی ریاستوں سے آئیٹا سے منسلک اور دیگر اساتذہ سے اپیل کی ہے کہ وہ TET کے لزوم کی برخاستگی کے اس اہم ترین مطالبہ کے لئے پارلمینٹ مارچ میں شرکت کرتے ہوئے پروگرام کو کامیاب بنائیں ۔ ریاستی صدر میر ممتاز علی اور سکریٹری عبدالمجیب نے بھی ریاست کے سبھی اساتذہ سے پر زور اپیل کی ہے کہ وہ ان مطالبات کو منوانے کے لیے...

بیدر : 30/ جنوری(نامہ نگار) بیدر کی قدیم دینی درسگاہ معھد انورالقرآن شاخ جامعہ نظامیہ فیض پورہ بیدر کے زیر اہتمام مورخہ،یکم فروری،2026 مطابق 12شعبان المظم بروز اتوار صبح 10بجے تا دوپہر 3 بجے بمقام کے اے ایف مالی فنکشن ہال،فیض پورہ بیدر میں ایک عظیم الشان سالانہ جلسہ منعقد ہوگا۔جس میں حافظ قرآن کی دستار بندی و عطائے خلعت اور اسلامی نمائش(Exhibition) (انسانی جسم اور خالق کی پہچان)کے عنوان پر مدرسہ ہذا میں زیر تعلیم طلبا و طالبات اپنا تعلیمی مظاہرہ پیش کریں گے۔  اس عظیم الشان بامقصد جلسہ دستار بندی کی نگرانی پیر طریقت حضرت سید شاہ حسین حسینی العروف پاشاہ حسینی قادری بخاری سجادہ نشین آستانہ بخاریہ ہمناآباد فرمائنگے۔حافظ و قاری محمد اسمٰعیل استاد معھدانورالقرآن کی قرأت کلام پاک سے جلسہ کی کارروائی کا آغاز ہوگا۔ مدرسہ ہذا کے طلباء حمد،نعت اور منقبت پیش کرنے کی سعادت حاصل کریں گے۔حضرت مولانا مفتی شاہ محمد خواجہ معین الدین نظامی بخاری بانی و ناظم معھد انوارالقرآن بیدرکی سرپرستی میں جناب حافظ و قاری نذیر احمد شرفی استاد معھد انوار القرآن،مولانا سید خلیل اللہ حسینی ا...

جلگاؤں ( شاہ اعجاز گلاب) آل انڈیا "مسلم شاہ چھپر بند فقیر سماج سدھارک منڈل"  کے قومی صدر الحاج اجمل شاہ نے تنظیم کے جلگاؤں ضلع صدر عہدے پر غلام معین شاہ تو جلگاؤں شھر کارپوریشن صدر کے عہدے پر راجو شاہ گلاب شاہ کو تقرری دیں اس موقع پر قومی صدر الحاج اجمل شاہ نے تنظیم کے زیر اہتمام برادری کے لیے کی گئی کاوشوں کا تذکرہ کرتے ہوئے برادری کو ملنے والی سرکاری مراعات کا تذکرہ کرتے ہوئے برادری کو متحد ہوکر کام کرنے سے متعلق اور ماندہ کاموں پر توجہ مرکوز کرنے کی بات کہی۔ نو منتخب صدور غلام معین سلیم شاہ ،و  راجو شاہ گلاب شاہ نے تنظیم کی فلاح و بہبود کے لئے کام کرنے اور اپنی ذمہ داریوں کو بخوبی انجام دینے کی یقین دہانی کی ۔ اس موقع پر صدر شعبہ نشر و اشاعت شاہ اعجاز گلاب التمش شاہ، ایان، امان شاہ، رضوان شاہ ، سجاد شاہ، محسن شاہ، وغیرہ موجود تھے ۔‌

جلگاؤں (عقیل خان بیاولی) اسوسیشن فور پروٹیکشن آف سول رائٹس۔ (APCR) کے ایک وفد نے آج ضلع سپرنٹنڈنٹ آف پولیس (SP) سے ملاقات کی اور انہیں ایک تفصیلی میمورنڈم پیش کیا۔ اس کے ذریعے جلگاؤں ضلع کی تحصیل فیضپور کے گاؤں تاندل واڑی ضلع جلگاؤں میں پیش آئے حالیہ پرتشدد واقعے پر شدید تشویش اور برہمی کا اظہار کیا گیا۔ گذشتہ دنوں تاندل واڑی میں دو مسلم نوجوانوں، جلیل اور شبیر قریشی کو بے رحمی کے ساتھ نشانہ بنایا گیا اور ان کی سخت پٹائی کی گئی۔ اس افسوسناک واقعے کی ویڈیو سوشل میڈیا پر وائرل ہونے کے بعد علاقے میں کافی بے چینی پائی جا رہی ہے۔ وفد کے مطالبات :  ایس پی کو پیش کیے گئے میمورنڈم میں اے پی سی آر نے درج ذیل مطالبات کیے ہیں کہ  واقعے میں ملوث تمام ملزمان کے خلاف فوری طور پر (FIR) درج کی جائے۔ قانون کی متعلقہ دفعات کے تحت حملہ آوروں کو گرفتار کر کے سخت سزا دی جائے۔  پولیس انتظامیہ اس پورے معاملے کی شفاف اور غیر جانبدارانہ انکوائری کرے۔ ایسے عناصر پر لگام کسی جائے جو معاشرے میں خوف و ہراس پھیلا رہے ہیں تاکہ مستقبل میں ایسے واقعات کا سدباب ہو سکے۔اس موقع پر اے پی سی آر ک...

 بیدر۔ 30/جنوری (پریس نوٹ) اُبھرتے ہوئے صحافی جناب مفیض الرحمن عرف اے ٹی ایم نے آج بعدنمازجمعہ کلیان کرناٹک اردو جرنلسٹ اسوسی ایشن بیدر کے صدراور اُردو صحافی جناب محمدیوسف رحیم بیدری سے ملاقات کی اور اپنے نئے یوٹیوب چینل کے بارے میں بتایا۔ جناب محمدیوسف رحیم بیدر ی نے یوٹیوب چینل اے ٹی ایم 24x7کی مسرت میں مفیض الرحمن کی شالپوشی اور گلپوشی کرتے ہوئے انھیں مبارک باد پیش کی۔ اس موقع پر جناب سراج الحسن شادماں رکن کلیان کرناٹک اردو جرنلسٹ اسوسی ایشن بیدر اور جناب سید عنایت الرحمن بنگلورموجود تھے۔جناب سید عنایت الرحمن نے مفیض الرحمن کو انگریزی ترجمہ قرآن اور میرؔبیدری کی دکنی شاعری کی کتا ب“دکنی دوم“انھیں تحفہ میں پیش کی۔جناب مفیض نے یوسف رحیم بیدری کی صحت کی بابت بھی معلومات حاصل کیں۔

 بیدر۔ 30/جنوری (پریس نوٹ)محکمہ جنگلات وماحولیات کے وزیرمسٹر ایشور کھنڈرے کو آل انڈیا ویر شیوا لنگایت مہاسبھا کے نئے قومی صدر کے طور پر بلا مقابلہ منتخب کئے جانے پر مہاراشٹر کی مشہور نیلنگہ درگاہ کے مہتمم سجادہ نشین سید شاہ حیدر ولی صاحب نے خوشی کا اظہار کیا ہے۔انھوں نے ایک پریس نوٹ جاری کرتے ہوئے کہاکہ ایشور کھنڈرے دراصل ریاست کرناٹک کے بااثر لیڈروں میں سے ایک ہیں۔ وہ سیکولر اصولوں پر یقین رکھتے ہیں۔ ان کے پاس تمام ذاتوں اور نسلوں کی برادریوں کو اکٹھا کرنے کی صلاحیت ہے۔ لہٰذا یہ بہت مناسب ہے کہ ویرشیوا لنگایت برادری نے انہیں قومی صدر منتخب کیا ہے جس پرمیں اپنی خوشی کا اظہار کرتے ہوئے نیک خواہشات کا اظہار کرتاہوں۔ موصوف نے بتایاکہ ایشور کھنڈرے ایک وژنری لیڈر ہیں۔ پورے کرناٹک میں ان کے اپنے حامیوں اور مداحوں کا ایک گروپ ہے جس کا مستقبل روشن ہے۔ انہوں نے اس یقین کا اظہار کیا کہ آنے والے دنوں میں انہیں کئی اعلیٰ عہدوں سے نوازا جائے گا۔ ایشور کھنڈرے نے حال ہی میں بسواکلیان میں منعقدہ صوفی سنت کانفرنس کی بے مثال کامیابی کے لیے تعاون کیاتھا۔ جناب حیدرولی نے کھل کر ایشور کھنڈر...

تملناڈو (محمد رضوان اللہ) الحمد للہ آج بتاریخ 30.1.2026 بروز جمعہ بعد نماز مغرب ٹائٹ ہال پرنامبٹ میں ماہانہ دوسری شعری نشست منعقد ہوئی جس میں مقامی بیرونی شعراء کرام اپنے کلام بلاغت نظام سے باذوق سامعین کو محظوظ کیا. جلسہ کا آغاز حافظ مولوی عامر احسن صاحب عمری صاحب کی تلاوت سے ہوا. اور نعتیہ اشعار مولوی نورالھدی صاحب مفتاحی نے پیش کیا.  نظامت مولانا حافظ ابوبکر ابراہیم صاحب فارس نے انجام دی صدارت جناب پروفیسر گلزار صاحب نے کی اور مہمان خصوصی جناب پروفیسر تنجاؤر مسعود صاحب رہے شعراء کرام میں مولانا شاکر احسن صاحب باقوی. مولانا عبدالحمید صاحب عرشی نمازی عبدالکریم صاحب عطاءالرحمن صاحب وانمباڑی رفیق صاحب شفیق احمد صاحب شفیق عبدالرشید صاحب مقبول اور جامعہ دارالسلام عمر آباد کے طلباء اور جناب مشتاق احمد صاحب صغیر احمد صاحب حفط الرحمن صاحب شریک رہے اور بحسن و خوبی یہ جلسہ اختتام پذیر ہوا

ایوبی صاحب کی یاد میں آئیڈیا کی جانب سے ایک جذباتی نشست۔ شکنتلم اسٹوڈیو میں27 جنوری کی شام نہایت پُرسوز اور پُراثر تھی۔ آئیڈیا نے سینئر جرنلسٹ، ادیب اور اسٹیج کے پہلے ’’پریم چند‘‘ جناب محمود ایوبی کی 16ویں برسی کے موقع پر ایک تہذیبی نشست کا اہتمام کیا، جس میں اہلِ خانہ اور رفقائے کار نے اُن کی یادوں کو دل سے قریب تر محسوس کرتے ہوئے خراجِ عقیدت پیش کیا۔ یہ محفل صرف ایک صحافی، ایک ادیب یا ایک فنکار کی یاد میں نہیں تھی، بلکہ ایک ایسے سچے، کھرے اور بے ساختہ انسان کا ذکر تھا جس نے ہر دل میں اپنی الگ ہی جگہ بنائی۔ صدر آئیڈیا مجیب خان نے اپنے ابتدائی کلمات میں وہ دن یاد کیا جب انہوں نے ایوبی صاحب سے کہا تھا کہ وہ منشی پریم چند کی کہانیوں پر مبنی ڈراموں کا سلسلہ شروع کر رہے ہیں، جس کا نام ہوگا "آداب، میں پریم چند ہوں"، اور اس میں پریم چند کا کردار انہیں ہی ادا کرنا ہے۔ ایوبی صاحب نے اپنی مخصوص سادگی کے ساتھ جواب دیا، “آپ بڑا رسک لے رہے ہیں”۔ اس پر مجیب خان نے مسکرا کر کہا، “اگر لوگوں نے پسند کیا تو یہ آپ کی محنت ہے، اور اگر ناکام ہوئے تو ذمہ داری ...

لٹل اینجل انگلش میڈیم اسکول میں یومِ جمہوریہ، ثقافتی پروگرام اور سالانہ تقسیم انعامات کا جلسہ کامیابی سے ہمکنار ۔ سولاپور ۔ لٹل اینجل انگلش میڈیم اسکول رام واڈی سولا پور میں کل 26 جنوری کو ملک ہند کا 77واں یوم جمہوریہ نہایت ہی جوش و خروش کے ساتھ منایا گیا۔ ایڈوکیٹ سراج شیخ کے دست مبارک پرچم کشائی ہوئی۔ اس موقع پر ادارے کے صدر حاجی ایّوب منگلگری صاحب ، نائب صدر ڈاکٹر الیاس شیخ صاحب ، سیکرٹری ڈاکٹر عمر فاروق ملّا صاحب، ڈاکٹر عبداللطیف صاحب، کوآرڈینیٹر ریاض ایم ولسنگکر، پرنسپل شاہ پورے سر، جملہ تدریسی عملہ، علماء اکرام اور طلباء و طالبات کثیرتعداد میں حاضر تھے۔ پرچم کشائی کے فوراً بعد سالانہ تقسیم انعامات کے جلسے کا افتتاح شہر کے معروف ایڈوکیٹ سراج احمد شیخ کے دست مبارک عمل میں آیا۔ اس موقع پر مشہور فزیشن ڈاکٹر عبداللطیف صاحب، سپریم کورٹ کے ایڈوکیٹ محمد عثمان کوہر صاحب،، القران ایجوکیشن سوسائٹی کے صدرحاجی پیغمبر شیخ صاحب، ادارے کے ٹرسٹی و ذمےداران بشیر احمد شابدی صاحب، برکت علی جاگیردار صاحب، مدثر سید صاحب موجود تھے۔ ادارے کے صدر اور سیکرٹری کے ہاتھوں ...

غزل۔۔۔۔   ازقلم۔۔۔۔  عبدالرشید شاؔدچکولی ،دھارواڑ۔ کرناٹک۔ حسین چہرے سے زلف سر کی، چاندنی سی بکھر گئی ہے تمہارے ہاتھوں کا لمس پا کر ،حیات میری نکھر گئی ہے وفا کی دیوی ،حیا کی مورت، وہ سامنے ہے میں سوچتا ہوں میرے مقدر میں جانے کیسے ، پری سی کوئی ا تر گئی ہے گلوں میں رنگت، فضا میں خوشبو، اسی کی آمد سے ہے یہ شاید یہاں کا موسم بتا رہا ہے، ادھر سے ہو کر ادھر گئی ہے درِ نگاہوں سے ہو کے اب تک، کوئی نہ دل میں اتر سکا تھا ہماری انکھیں کھلی کھلی ہیں، وہ دل کے اندر اتر گئی ہے اگر سناؤں میں حال دل کا، رقیب میرے یہی کہیں گے ہمارا دل بھی تڑپ رہا ہے، ہمیں بھی پاگل وہ کر گئی ہے یہیں کہیں ہے وہ حسن کامل، یہ جس کی خاطر غزل کہی ہے اس ایک مصرع کوسن کے میرے، نگاہ سب کی ادھر گئی ہے نثار اس پر ہوا ہوں کب کا، میں شاؔد خود کو بھلا چکا ہوں نظر ملا کر وہ جان میری ،مجھے دیوانہ ساکر گئی ہے                  عبدالرشید شاؔدچکولی ،دھارواڑ۔ کرناٹک

جلگاؤں شہر اُردو کیندر اور اقراء ایجوکیشن سوسائٹی کی تعلیمی کانفرنس میں اجیت دادا کو خراجِ عقیدت۔ جلگاؤں: جلگاؤں شہر گروپ اُردو کیندر 10، مہرون اور اقراء ایجوکیشن سوسائٹی کے زیرِ اہتمام کے۔ کے۔ موتی والا سیمینار ہال میں منعقدہ تعلیمی کانفرنس میں مرحوم اجیت دادا کو پُراثر انداز میں خراجِ عقیدت پیش کیا گیا۔ کانفرنس کے آغاز میں موجود تمام اساتذہ، سادن کیندر کے افسران اور تعلیمی میدان کی معزز شخصیات نے دو منٹ کی خاموشی اختیار کر کے مرحوم کی پاکیزہ یادوں کو خراج پیش کیا۔ اس موقع پر اجیت دادا کی جانب سے سماج اور تعلیمی شعبے کے لیے انجام دی گئی گراں قدر خدمات، ان کی خدمت خلق کی سوچ اور رہنمائی کے کردار پر روشنی ڈالی گئی۔ مقررین نے کہا کہ ان کے کام سے بے شمار اساتذہ اور طلبہ کو رہنمائی اور ترغیب حاصل ہوئی ہے۔ اس پروگرام میں اقراء ایجوکیشن سوسائٹی کے صدر عبد الکریم سالار، انتظامی افسر خلیل شیخ، رئیس کالج بھونڈی کے پروفیسر ضیاء انصاری، گووند سنگھ یونیورسٹی، نئی دہلی کے پروفیسر ڈاکٹر محمد ممشاد، جناب قربان تڑوی، جناب نعیم شیخ، مشتاق کریمی سر اور کثیر تعداد میں اساتذہ کرام ...

جرس فلسطین ! ازقلم : عثمان جوہری جلگاؤں ۔ دو قدم کلمہء توحید بسوئے منزل  ارضِ تخلیق مقدس ہے فلسطین کا دل  زہر قاتل ہے فلسطین میں یورپ کا دھواں آج بھی ظلم ہے کیوں نیل کے پانی پہ رواں آہ مظلوم کی کیوں زیرو زبر لگتی ہے  اب تو ملتے بھی نہیں ان کے مکانوں کے نشاں کتنی روحیں ہوئیں قربان بہ جانِ بسمل  ارضِ تخلیق مقدس ہے فلسطین کا دل  ایسی خاموش ہے ملت کوئی آواز نہیں نغمہء درد تو زندہ ہے مگر ساز نہیں آرزو مند محبت کا تقاضا نہ کریں؟ کرگسِ فکر پہ شاہیں تری پرواز نہیں زہدِ افلاک تمنا سے ہوا کیا حاصل  ارضِ تخلیق مقدس ہے فلسطین کا دل  باعثِ عزم فلسطین ہے غزہ کی زمیں کتنے حیران و پریشان مقدس کے مکیں فرش سے عرش تلک آہ و فغاں جاری ہے فلسف ٹوٹ گیا جہدِ مسلسل کا یقیں وہ فراست کہ جہاں دین ہوا ہے کامل  ارضِ تخلیق مقدس ہے فلسطین کا دل  کون آئے گا انھیں حوصلہ دینے کے لیے بندشِ عقل کا وہ حاشیہ دینے کے لیے جن کی املاک عداوت میں زمیں دوز ہوئیں آؤ! میدا‍ں میں انھیں مرتبہ دینے کے لیے ایک ذیشان مجاہد کے لیے کیا مشکل  ارضِ تخلیق مقدس ہے فلسطین کا دل ...

جلگاؤں (عقیل خان بیاولی) اقراء ایچ۔ جے۔ تھیم کالج میں شعبہ فزکس کے زیرِ اہتمام ایک روزہ ورکشاپ بعنوان تجدید توانائی کے ذرائع اور چلینجیز کے موضوع پر ایک روزہ ورکشاپ کا انعقاد کیا گیا۔ اس ورکشاپ کے مہمانِ خصوصی مقرر ڈاکٹر سہاس پاٹل (ڈاکٹر اے۔ جی۔ ڈی۔ بندالے کالج) تھے۔ افتتاح اور تعارفی کلمات ڈاکٹر ٹی۔ اے۔ خان نے پیش کیے، استقبالیہ کی ذمہ داری ڈاکٹر یوسف پٹیل نے نبھائی۔اس ورکشاپ کے انعقاد کا مقصد طلبہ اور اساتذہ کو قابلِ تجدید توانائی کے شعبے میں جدید ٹیکنالوجیز، موجودہ چیلنجز اور مستقبل کے امکانات سے آگاہ کرنا تھا۔ جس پر مقرر خصوصی نے سیر حاصل معلومات فراہم کی۔ ڈاکٹر شبانہ کھاٹک نے اظہارِ تشکر پیش کیا۔ اس موقع پر کالج کے اساتذہ اور طلبہ بڑی تعداد میں موجود تھے۔

شر کیا ہے؟ کیا اس کی جھلک آنکھوں میں نظر آتی ہے؟ از قلم : تحسینہ ماوینکٹی۔        شر ایک ایسا لفظ ہے جو صدیوں سے انسانی فکر، مذہب، اخلاقیات اور سماجی شعور میں زیرِ بحث رہا ہے۔ بظاہر یہ ایک سادہ سا تصور معلوم ہوتا ہے، مگر حقیقت میں یہ انسانی نفس، نیت اور عمل سے جڑا ہوا ایک پیچیدہ مسئلہ ہے۔ عام طور پر ہم شر کو کسی برے کام، ظلم، فریب یا فساد کے مترادف سمجھتے ہیں، مگر سوال یہ ہے کہ کیا شر صرف اعمال میں ظاہر ہوتا ہے یا اس کی جھلک انسان کی آنکھوں میں بھی دیکھی جا سکتی ہے؟شر دراصل انسان کی اس اندرونی کیفیت کا نام ہے جو خیر کے برعکس ہو۔ یہ وہ رجحان ہے جو انسان کو خود غرضی، حسد، نفرت، تکبر اور ظلم کی طرف مائل کرتا ہے۔ مذہبی نقطۂ نظر سے دیکھا جائے تو شر نفسِ امّارہ کا نتیجہ ہے، وہ نفس جو انسان کو برائی کا حکم دیتا ہے۔ فلسفیانہ اعتبار سے شر اس وقت جنم لیتا ہے جب عقل، اخلاق اور ضمیر کی آواز کو دبا دیا جائے۔ اکثر یہ کہا جاتا ہے کہ فلاں شخص کی آنکھوں میں شر ہے۔ یہ بات سائنسی نہیں بلکہ نفسیاتی اور مشاہداتی ہے۔ آنکھیں انسان کے باطن کی خاموش مگر گہری ترجمان سمجھی جاتی ہیں...

نشاط اُردو لائبریری اسلام پور میں یومِ جمہوریہ اور "مثالی طالب علم کاری انعام" آدرش ودیارتھی واچک پرسکار " پروگرام کا انعقاد۔ اسلام پور (راست) اسلام پور کی نشاط اُردو لائبریری میں یومِ جمہوریہ اور مثالی طالب علم کاری انعام پروگرم نہایت گرم جوشی سے منایا گیا ۔نگرسیوک شیواجی جادھو انکے دستِ مبارک سے پرچم کشائی کے بعد لائبریری کے بال ممبران جنوں نے سال بھر زیادہ سے زیادہ کتابیں گھر کے جاکر پڑھی ہیں ایسے ۲۰ طلباء و طالبات کو ایک ٹرافی ایک کتاب اور ایک سرٹیفکیٹ مہمانوں کے ہاتھوں سے کے ایجاز کیا گیا۔ پروگرام کی تمہید سیکریٹری انیس مومن،مہمانوں کا استقبال اور پہچان حاجی جمشید پٹوے کر نے کی۔معززیز شخصیت محترم شکیل پٹویکر کی صدارت میں سبھی مہمانوں کا ایک مو مینٹو ایک کتاب اور شال،گلدستہ دیکر ایجاز کیا گیا ۔مراٹھی بھاشا سموردھن حفتے پر مراٹھی پسٹک پرکا شک اور نگر سیوک سچن حاندے کا بھی استقبال کیا گیا ۔مہمانِ خصوصی اور صدر پروگرم حاجی شکیل پٹو ایکر نے لائبریری کو دس ہزار کی امداد کا اعلان کیا۔رسمِ شکریہ عابد مومن نے ادا کی۔ ...