Sadae Maharashtra E Urdu News Solapur صدائے مہاراشٹر ای اُردو خبر نامہ شولاپور

رزق اور عمر میں برکت -  ازقلم : مولوی شبیر عبدالکریم تانبے   انسان اپنی رزق و روزی اور عمر میں برکت و بڑھوتری کے لئے بڑا فکرمند ہوتا ہے اور اسکے لئے ہمیشہ تگ و دو کرتے رہتا ہے حالانکہ یہ ساری باتیں انسان کے دنیا میں آنیسے پہلے مقدر ہوچکی ہیں جسے تقدیر کہا جاتا ہے   لیکن بعض اعمال اور بعض نیکیاں ایسی ہیں جو رزق اور عمر میں برکت و زیادتی کا سبب بنتی ہیں جیساکہ احادیث مبارکہ میں اسکو واضح فرمایا گیا ہے   لیکن چونکہ ہم نے دنیاوی اسباب اختیار کرنیکی وجہ سے حالات کو بدلتے ہوئے دیکھا یے اور اسکا مشاھدہ کیا ہے اسلئے اسباب پر تو ہمیں پورا یقین ہے لیکن چونکہ اعمال کے ذریعے زندگی کے حالات میں تبدیلیاں ہوتی ہوئی ہم نے دیکھی نہیں ہے یا انکا مشاہدہ نہیں کیا ہے اسلئے اسپر ہمیں یقین نہیں آتا   حالانکہ علماء کرام فرماتے ھیکہ ایمان بالغیب جسکا قرآن مجید میں تذکرہ ہے وہ یہ ھیکہ نبئ کریم جو ہدایات اور تعلیمات لے کر آئے ہیں ان سب کو یقینی طورہر دل سے مان لینا   اور لفظ غیب سے مراد وہ تمام خبریں ہیں جنکی خبر نبئ کریم نے دی ہے اور جنکا علم عقل او...

یکساں سول کوڈ پر سوالات کے شرعی و آ ئینی جوابات  -  اظہر ظہیرالدین کردمے  شریوردھن ضلع رایگڈھ یہ تحریر گورنمنٹ آف مہاراشٹر نے عوام سے پوچھے گئے   یکساں سول کوڈ (Uniform Civil Code) کے حوالے سے 37 سوالات کے جوابات پر مشتمل ہے۔ ان تمام جوابات کو دستورِ ہند (آئینِ ہند)، اسلامی شریعت اور بین المذاہب ہم آہنگی و انسانی حقوق کے مروجہ اصولوں کی روشنی میں ترتیب دیا گیا ہے، تاکہ یہ حکومت، قانونی ماہرین اور تمام مذاہب کے لیے معقول، مدلل اور قابلِ قبول ہوں۔ حصہ اول: یکساں سول کوڈ اور مذہبی آزادی 1. کیا آپ مہاراشٹر میں اس وقت  یکساں سول کوڈ نافذ کرنے کی حمایت کرتے ہیں؟ جواب: نہیں۔ یکساں سول کوڈ کا نفاذ بھارت جیسے کثیر الثقافتی اور کثیر المذاہب ملک کے آئینی ڈھانچے اور تنوع کے خلاف ہے۔ آئین کا آرٹیکل 25 ہر شہری کو اپنے مذہب پر عمل کرنے اور اس کی تبلیغ کی آزادی دیتا ہے۔   2. کیا یکساں سول کوڈ نافذ کرتے ہوئے مذہبی آزادی کے آئینی حق کو متاثر کیے بغیر ایسا کرنا ممکن ہے؟ جواب: نہیں۔ مذہبی آزادی کا لازمی حصہ شریعت اور خاندانی قوانین (Personal Laws) پر عمل ...

ظہیرآباد- 31 /اکتوبر (نمائندہ) جماعت اسلامی ظہیرآباد نارتھ کےسیکریٹری سید امتیاز کے بموجب مسجد راشدہ اسد مرکز اشاعت اسلام لطیف روڈ خان محلہ ظہیرآباد میں بچوں کی دینی تعلیم کے لیے مکتب کے قیام کا اعلان کیا گیا ہے۔مسجدانتظامیہ کے ذمہ داران نے بتایا کہ ان شاء اللہ یکم نومبر 2026 بروز ہفتہ بعد نماز عصرسے باقاعدہ کلاسز کا آغاز ہوگا۔جس کے مدرس حافظ وقاری عبدالمقیت خطیب وامام مسجد ھذارہیں گے مکتب میں 5 تا 12 سال کے بچوں اور بچیوں کو عربی اور قرآن پڑھنے کی سہولت فراہم کی جائے گی۔جس میں1. درست تلفظ کے ساتھ ناظرہ قرآن 2. تجوید کے قواعد 3. بنیادی اسلامی تعلیمات شامل ہیں۔مسجد انتظامیہ نے تمام خواہش مند والدین سے اپیل کی ہے کہ وہ اپنے بچوں کو اس بابرکت موقع سے فائدہ اٹھانے کے لیے مکتب میں داخلہ فرمائیں مزید تفصیلات کے لیے امیر مقامی محمد قیصر غوری سے 9705849297 پر رابطہ کیا جا سکتا ہے۔۔۔۔۔

بال بھارتی کے علمی و ادبی سفر میں محسن ساحلؔ کی شراکت -  اردو زبان و ادب سے وابستگی، تخلیقی بصیرت اور تعلیمی خدمات کا ایک قابلِ قدر اعتراف عہدِ حاضر کی اردو شاعری میں عروس البلاد ممبئی سے ابھرنے والے معتبر اور ممتاز ناموں کا ذکر کیا جائے تو محسن ساحلؔ کا نام اپنی تخلیقی انفرادیت، فکری سنجیدگی اور ادبی وابستگی کے باعث خصوصی اہمیت کا حامل نظر آتا ہے۔ وہ ایک صاحبِ طرز شاعر اور ادیب ہونے کے ساتھ ساتھ شعبۂ تعلیم، ممبئی میونسپل کارپوریشن سے وابستہ ایک فعال اور متحرک معلم بھی ہیں۔ ان کی شخصیت کا نمایاں وصف یہ ہے کہ انھوں نے تخلیق و تدریس کے دونوں میدانوں میں اپنی دلچسپی اور توانائیوں کو اردو زبان و ادب کی خدمت کے لیے وقف کر رکھا ہے۔ محسن ساحلؔ نہ صرف اپنی تخلیقی بصیرت، فکری سنجیدگی اور شعری وجاہت کے حوالے سے ادبی حلقوں میں قدر و منزلت کی نگاہ سے دیکھے جاتے ہیں بلکہ تعلیمی میدان میں بھی ان کی خدمات قابلِ تحسین ہیں۔ ان کی شخصیت کا ایک نمایاں وصف یہ ہے کہ انھوں نے ادب اور تعلیم کو دو الگ الگ شعبوں کے طور پر دیکھنے کے بجائے دونوں کے مابین ایک فطری اور بامعنی رشتہ قائم رکھا ہے۔ ایک...

حضرت عیسی علیہ السلام  -  پیدائش سے متعلق چند باتیں (۲) -  بقلم : ظفر ھاشمی ندوی،  (سابق فیملی کونسلر دبی کورٹ) عیسائی عقیدہ کے مطابق اللہ تعالی کی قدرت روح القدس زمین پر آئی اور حضرت مریم رحمھا اللہ کے جسم میں اپنی طاقت سے حمل ٹھہرایا ( نعوذ باللہ) - اس کے بعد سے لےکر پیدائش اور اس کے بعد ان کے غلط عقیدہ یعنی سولی پر چڑھائے جانے تک اور پھر اس کے بعد آسمان أتھائے جانے اور قیامت سے پہلے دوبارہ دنیا میں بھیجنے تک کے سارے واقعات انتہائی بے تکے ہیں جو صرف نبی کی شان کے خلاف نہیں ہیں بلکہ ان کے غلط عقیدہ یعنی اللہ کا بیٹا ماننے تک خلاف ہیں - اب میں آپ کو یہ ساری باتیں عیسائی عقیدہ کے مطابق بتاؤں گا- اور اخیر میں قرآن مجید کی صاف ستھری باتیں لکھوں گا-  حضرت عیسی کے حمل ٹھہر جانے سے لیکر پیدائش سے پہلے تک کی کوئی واضح تفصیل موجودہ انجیلوں میں یا ان کے علماء سے نہیں ملتی ہے- بلکہ نعوذ باللہ کسی انجیل کے حوالہ سے ان کے علماء نے یوں لکھا ہے کہ حضرت مریم اپنے منگیتر یوسف نجار کے گھر میں ( شادی سے پہلے نعوذ باللہ) رہتی تھیں اور اسی گھر میں روح القدس نے آکر حضر...

حضرت ٹیپو سلطان شہیدؒ کی شہادت - ہر ہندوستانی کے لیے مشعلِ راہ - تحریر: محمد اظہر ملّا ہیڈ ماسٹر، الفت اردو میڈیم ہائیر پرائمری و ہائی اسکول، اتھنی، ضلع بیلگاوی۔                      آزاد ہندوستان کی فضا میں سانس لیتے ہوئے ہمیں یہ فراموش نہیں کرنا چاہیے کہ یہ آزادی مفت میں نہیں ملی۔ اس کی بنیادوں میں ہزاروں شہداء کا خون شامل ہے، اور ان شہداء میں سب سے درخشاں نام شیرِ میسور حضرت ٹیپو سلطان شہیدؒ (۱۷۵۱-۱۷۹۹) کا ہے۔ ۴ مئی ۱۷۹۹ء کو سری رنگا پٹنہ کے قلعہ پر تاریخ کا ایک ایسا باب رقم ہوا جو رہتی دنیا تک یاد رکھا جائے گا۔ جب قلعہ کی دیوار میں شگاف پڑ گیا تو بعض مصلحت پسند سرداروں نے مشورہ دیا کہ حضور انگریزوں سے صلح کر لی جائے۔ اس پر حضرت ٹیپو سلطان نے اپنی مشہور تلوار پر ہاتھ رکھ کر وہ تاریخی جملہ ارشاد فرمایا: "شیر کی ایک دن کی زندگی، گیدڑ کی سو سالہ زندگی سے بہتر ہے" اور پھر وہ قلعہ کے دروازے پر سب سے آگے کھڑے ہو کر لڑتے ہوئے شہید ہو گئے۔ ان کی شہادت کیوں ہر ہندوستانی کے لیے مثال ہے؟ ۱۔ انہوں نے سب سے پہلے پہچان لیا تھا کہ ا...

جلگاؤں (عقیل خان بیاولی): لڑکیوں میں فٹ بال کے فروغ اور ابھرتی ہوئی کھلاڑیوں کو ریاستی سطح پر آگے بڑھنے کے مواقع فراہم کرنے کے مقصد سے مہاراشٹر اسٹیٹ فٹ بال ایسوسی ایشن (ویفا) کے اشتراک سے جلگاؤں ضلع فٹ بال ایسوسی ایشن کے زیرِ اہتمام 28 اور 29 نومبر کو اسمتا فٹ بال لیگ کا انعقاد کیا جائے گا۔ اس مقابلے میں اسکولوں، کلبوں، اکیڈمیوں اور دیگر اداروں کی ٹیمیں حصہ لے سکیں گی۔ یکم جنوری 2012 سے 31 دسمبر 2013 کے درمیان پیدا ہونے والی لڑکیاں شرکت کی اہل ہوں گی۔ ہر ٹیم میں زیادہ سے زیادہ 23 کھلاڑی شامل کی جا سکتی ہیں۔ مقابلے میں صرف 9 ٹیموں کو داخلہ دیا جائے گا، جبکہ رجسٹریشن کی آخری تاریخ 10 نومبر مقرر کی گئی ہے۔ کھلاڑیوں کے لیے سی آر ایس رجسٹریشن لازمی ہے، جس کے لیے آدھار کارڈ، پیدائش کا سرٹیفکیٹ یا پاسپورٹ، والدین کا رضامندی نامہ، پاسپورٹ سائز کی دو تصاویر اور ڈیجی لاکر کی سہولت درکار ہوگی۔ ہر میچ کی بہترین کھلاڑی کو میڈل سے نوازا جائے گا، جبکہ بہترین کھلاڑی، بہترین گول کیپر، بہترین اسکورر اور بہترین دفاعی کھلاڑی کو میڈل اور ٹرافی دی جائے گی۔ تمام شرکاء کو اسناد فراہم کی جائیں گی،...

بچے کو قابو نہیں، بچپن سے سنوارنے کی ضرورت ہے -  از قلم: عالمہ مبین پالیگار -  پرنسپل، ماؤنٹ سینائی پی یو کالج، بیلگام  8904317986  بچپن کی تربیت، مستقبل کی ضمانت آج بہت سے والدین ایک ہی شکایت کرتے نظر آتے ہیں: ’’ہمارا بچہ ہماری بات نہیں مانتا، جواب دیتا ہے، اپنی مرضی کرتا ہے اور دوستوں و ماحول سے بہت متاثر ہوتا ہے۔‘‘ لیکن ذرا غور کیجیے! کیا بچہ 15 یا 16 سال کی عمر میں اچانک ایسا ہوگیا؟ یا اس رویے کی بنیاد کہیں نہ کہیں اس کے بچپن میں ہی رکھ دی گئی تھی؟ ہم نے بچپن میں بچے کی ہر ضد پوری کی، ہر خواہش کو ترجیح دی، ہر بات میں اس کی ہاں میں ہاں ملائی اور اسے ’’نہیں‘‘ سننے کی عادت نہیں ڈالی۔ پھر جب وہ 15، 16 سال کا ہوا تو اچانک ہم نے اس پر پابندیاں لگانا شروع کردیں: ’’موبائل چھوڑ دو۔‘‘ ’’دوستوں کے ساتھ باہر نہیں جانا۔‘‘ ’’یہ کام نہیں کرنا۔‘‘ ’’اب ہماری ہر بات ماننی ہوگی۔‘‘ بچہ سوچتا ہے: جو باتیں میرے والدین کل تک مان رہے تھے، آج اچانک غلط کیسے ہوگئیں؟ یہی وہ مقام ہے جہاں والدین اور اولاد کے درمیان فاصلے پیدا ہونے لگتے ہیں۔ محبت کا مطلب ہر بات مان لینا نہیں بچے س...

غزل -  میرؔبیدری، کرناٹک۔  موبائل:9845628595  ہم کو بہلانے کی نیت ہے  جنگل کھاجانے کی نیت ہے میرؔسنبھل جانے کی نیت ہے  ساتھ میں مسکانے کی نیت ہے  اس کوکھڑے رہنابھی پسند نہیں  بیٹھ کے کچھ گانے کی نیت ہے آنسو اُس کے بتاتے ہیں مجھ کو قبرمیں سوجانے کی نیت ہے  یار بھڑکتارہتاہے دن بھر  سب کو بھڑکانے کی نیت ہے مکھی پالے گا وہ مگر پہلے شہدکو کھاجانے کی نیت ہے  سن کے سوال جھکایا ہم نے سر کس کولپٹانے کی نیت ہے  جس کے ظاہر ہوتے ہوگا بوال  راز وہ پلٹانے کی نیت ہے   بچے پسند نہیں کرتے کہنا کچھ تو سمجھانے کی نیت ہے  بھول ہی جائیں پلکیں جھپکانا  مجھ کو رفتانے کی نیت ہے  لیلیٰ بولی مجھے لے جاناساتھ   میرے دیوانے کی نیت ہے

  کے این واصف :  عمرہ زائرین کے لیے ویسے تو تمام سرکاری اسپتالوں میں طبّی سہولیات مفت دستیاب رہتی ہیں۔ مزید آسانی کے لئے اب احاطہ حرم میں بھی یہ سہولت فراہم کردی گئی ہے۔  حج و عمرہ ہیلتھ ایسوسی ایشن کے رضاکاروں نے مکہ مکرمہ کے مختلف مقامات پر گزشتہ دو ہفتوں کے دوران 433 عمرہ زائرین کو صحت خدمات فراہم کیں۔ سعودی پریس ایجنسی “ایس پی اے” کے مطابق ایسوسی ایشن کے پروگرام “عمرہ زائرین صحت”!کے عنوان سے رضاکارانہ منصوبہ شروع کیا گیا ہے، جس کے تحت ابتدائی صحت خدمات ضرورت مند زائرین کو فراہم کی جاتی ہیں۔ ایسوسی ایشن کے رضاکاروں کی ٹیمیں مسجد الحرام کے اندر، بیرونی صحنوں اور مرکزی ایریا کے ہوٹلوں میں عمرہ زائرین کو صحت خدمات فراہم کرتی ہیں۔ پیش کی جانے والی رضاکارانہ صحت خدمات کا مقصد عمرہ زائرین کو بروقت ابتدائی طبی امداد فراہم کرنا ہے تاکہ انہیں کسی قسم کی دشواری کا سامنا نہ ہو۔ اس ضمن میں متعدد زائرین کو ان کی اقامت گاہوں پر بھی طبی خدمات فراہم کی گئیں۔ ایسوسی ایشن کا کہنا ہے کہ صحت پروجیکٹ کے تحت ضیوف الرحمان کی خدمت اور انہیں صحت کے حوالے سے آگاہی فراہم کرنا رضاکا...

خدا کی دریافت (Discovery of God )   تحریر: مولانا میر ذاکر علی محمدی پربھنی  9881836729   واعظین لکھتے ہیں کہ من عرف نفسہ فقد عرف ربہ۔ جس شخص نے اپنے آپ کو اور اپنے وجود کو سمجھ گیا، گویا کہ اس نے خداے برتر کو پالیا۔ پگھلنا علم کے خاطر مثال شمع زیبا ہے بغیر علم کے نہیں جانتے کہ ہم خدا کیا ہے۔ اللہ رب العزت نے آدم علیہ السلام کو اپنی صورت پر پیدا کیا ہے۔ علم اللہ کی صفت اعلی ہے۔ اللہ نے ان صفات میں سے انسان کو کچھ بطور عطیہ عطا کیا ہے۔ چناں چہ قرآن کریم جو ایک انقلابی اور دنیا میں سب سے زیادہ پڑھی جانے والی کتاب ہے ۔ جس میں سب سے پہلے علم سے متعلق بات کہی گئ ہے۔ اور اللہ نے پیغمبر اسلام کو پڑھنے کا حکم صادر کیا ہے۔ جو خدا کو پانے اور دریافت کرنے کا سب سے بہترین ذریعہ اور ساری دنیا کی کامیابی کا ضامن ہے۔ اللہ کو دریافت کرنے کی جستجو ہو تب ہی ہدایت کے راستے عیاں ہوتے ہیں۔ ...

 بھیونڈی : (عبدالعزیز انصاری) طلبہ کی کھیلوں میں صلاحیتوں کو فروغ دینے اور ان میں مسابقتی جذبے کو پروان چڑھانے کے مقصد سے بھیونڈی نظام پور شہر مہانگر پالیکا اور تھانے ضلع کھیل کود ڈپارٹمنٹ کے مشترکہ اشتراک سے 28 اور 29 اکتوبر 2026 کو گاجنگی ہال، بھیونڈی میں انٹر اسکول اینڈ کالجیٹ کیرم مقابلہ 2026 کا انعقاد عمل میں آیا۔ ان مقابلوں میں بھیونڈی تعلقہ کے 48 اسکولوں کے مجموعی طور پر 588 طلبہ نے حصہ لیا۔ مقابلے 14، 17 اور 19 سال سے کم عمر کے بوائز اور گرلز زمروں میں منعقد کیے گئے۔ ضلعی سطح کے ان مقابلوں میں کے ایم ای سوسائٹی کے رئیس ہائی اسکول اینڈ جونیئر کالج، بھیونڈی کے طلبہ نے غیر معمولی کارکردگی کا مظاہرہ کرتے ہوئے ادارے کا نام روشن کیا۔ اسکول کے کھلاڑیوں نے مختلف زمروں میں اپنی مہارت، محنت اور کھیل کے بہترین مظاہرے کے ذریعے مجموعی طور پر 13 طلائی، 31 نقرئی اور 17 کانسے کے تمغے حاصل کیے۔ اس نمایاں کامیابی کے ساتھ اسکول کے کھلاڑیوں نے ڈویژنل سطح کے مقابلوں میں بھی اپنی جگہ یقینی بنالی۔ طلبہ کی اس کامیابی کے پیچھے رہنما اساتذہ ذاکر انصاری، مصیب مومن اور اقراء شیخ کی محنت، ت...

اڈیشہ کے جھاڑ سگڈا ضلع برج نگر کویلہ نگری برجراج نگر کے اورینٹ کولیری بوڑھی جام نوری مسجد میں غوث الورٰی کانفرنس کے سلسلہ سے غوث اعظم کا تعلیمی ایمانداری سفر کو آج کے دور میں ملی تعلیمی بیداری مہم سے جوڑ کر مقامی علماء مقررین علامہ مولانا حافظ قدرت اللہ و عبدالرزاق خطیبِ و امام عبدالرزاق دھنبادوی مولانا شمشاد رضوی منقبت غوث اعظم و نعت پاک ہدیہ نظرانہ پر ترنم انداز میں پیش کیا ۔ کشیر تعداد میں طلباء کرام و انکے گارڈین حضرات جلسہ عام پروگرام میں شرکت کیا ۔ مقرر خاص جھاڑ سگڈا شہر مدرسہ اشرفیہ منگل بازار کے جناب مفتی محمد عالم مبارک پوری ایم۔اے۔  فاضل اردو  بی ۔ایڈ صدر مدرس مدرسہ اشرفیہ منگل بازار جھاڑ سگڈا جلوے افروز ہوئے ۔ اسطرح کے پروگرام  سندرگڑھ ضلع کا سب ڈویژنل شہر  بنیی گڑھ کے مدنی مسجد میں جمعہ کے دن بعد نماز مغرب مکتب مدرسہ اسکول کالج طفل شہر اسلامی قرانی کویز مقابلہ سوال جواب پروگرام میں کشیر تعداد میں طلباء کرام شامل ہوکر اپنی معلومات میں معیاری اضافہ کیا و نقد رقم انعام و اسناد سے نوازے گئے ۔ کویز مقابلہ پروگرام کا انعقاد انجمن بزم اردو و مایون...

ہرنئی، تعلقہ۔ داپولی، ضلع رتناگیری:  رتناگیری ضلع کے ہرنئی سے تعلق رکھنے والے فہد جمعدار نے ایک قابل فخر کارنامہ انجام دیا ہے جس نے بین الاقوامی گپی کی افزائش کے میدان میں ہندوستان کی ساکھ کو بڑھایا ہے۔ اکتوبر 2025 میں جنوبی کوریا کی میزبانی میں ہونے والی باوقار ایشین گپی لیگ 2025 کے باضابطہ نتائج کا اعلان کر دیا گیا ہے اور فہد آر جمعدار نے اس مقابلے میں نمایاں کامیابی حاصل کی ہے۔ فہد آر جمعدار اس بین الاقوامی مقابلے میں شرکت کرنے والے ہندوستان سے واحد مدمقابل تھے۔ اس نے مقابلے کے لیے گپی مچھلی کی کل تین مختلف اقسام میں حصہ لیا۔ قابل ذکر بات یہ ہے کہ اس نے پیش کی گئی تینوں اقسام جیت کر اپنے معیار کا ثبوت دیا۔ اس کامیابی کے ساتھ فہد آر جمعدار کو ورلڈ ٹاپ گپی بریڈرز کی فہرست میں شامل کیا گیا ہے۔ بین الاقوامی سطح پر گپی کی افزائش کے شعبے میں کام کرنے والے بریڈرز میں شامل ہونا ان کے لیے ایک اہم کامیابی ہے اور ہندوستانی گپی کی افزائش کے شعبے کے لیے بھی ایک قابل فخر لمحہ ہے۔ گپی کی افزائش صرف رنگ برنگی مچھلیوں کو پیدا کرنے کے بارے میں نہیں ہے، بلکہ اس میں ان کی رنگت، جسمانی ک...

مالیگاؤں کارپوریشن میں رشوت کا راج ختم کرو - مالیگاؤں میں ایماندار آے۔اے۔ایس کمشنر ضروری -  محمد عارف نوری،  (صدر حفاظت گروپ و ڈائریکٹر حفاظت میڈیا)  مالیگاؤں شہر میں تقریباً 11 سو کروڑ کا جمبو بجٹ رکھنے والی میونسپل کارپوریشن ہے آج شرم سے سر جھکائے کھڑی ہے حال ہی میں مالیگاؤں شہر میونسپل کارپوریشن کے کمشنر رشوت خوری کے الزام میں گرفتار ہوئے ہیں یہ گرفتاری صرف ایک فرد کی گرفتاری نہیں، بلکہ اس پورے نظام پر سوالیہ نشان ہے جو پچھلے کئی سالوں سے مالیگاؤں میں چل رہا تھا گزشتہ تقریباً 3 سال تک مالیگاؤں میں پرشاسک راج تھا کوئی کارپوریٹر نہیں، کوئی اسٹینڈنگ چیئرمین نہیں، کوئی میئر نہیں، کوئی ڈپٹی میئر نہیں مطلب عوام کا کوئی نمائندہ نہیں پورا کاروبار ایک ہی ہاتھ میں تھا کمشنر کے ہاتھ میں سوچئے جب دیکھنے والا کوئی نہ ہو، پوچھنے والا کوئی نہ ہو، تو بدعنوانی کس حد تک بڑھے گی؟ ہزاروں کروڑ روپے کا بجٹ، ٹینڈر، ٹھیکے، نالی، سڑک، پانی، لائٹ کے کام سب کچھ ایک ہی شخص کی مرضی سے ہو رہا تھا آج جب وہی شخص رشوت لیتے ہوئے پکڑا گیا ہے تو سوال اٹھتا ہے کہ پچھلے 3 سالوں میں کتنا گھپلہ ہ...

حضرت مولانا امین الدین قاسمیؒ،  نصف صدی کی خدمات کا تابندہ سفر از قلم : مولانا محمد مصطفیٰ جمالیؔ(خادم التدریس مدرسہ اسلامیہ وامام وخطیب مسجد ام ایمن واقع سرسیّدنگر مالیگاؤں) موت برحق ہے اک اٹل حقیقت اور فیصلۂ خداوندی ہے جس کا آج تک کسی نے انکار نہیں کیا ہے اور ناہی اس کی گنجائش ہے بلکہ اگر دل کی گہرائی وگیرائی سے دیکھا جائے تو یہ بات عیاں ہوتی ہے کہ ہمیں دنیا میں ایسے لوگ تو ملیں گے جو اللہ کی ذات کے منکر ہے نبی کی نبوت اور رسالت کے منکرہے عالم برزخ جنت و جہنم حساب کتاب اور مرنے کے بعد دوبارہ اٹھائے جانے کے بعد کے بھی منکرین ملے گے لیکن پوری دنیا میں ایک انسان بھی ایسا نہں ملے گاجو موت کا انکار کرتا ہو اگر چہ انہوں نے موت کو الگ الگ نام دیا ہو یہی ایک زندہ حقیقت ہے جس کو اہل ایمان تو کیا ہر قوم کے لوگ تسلیم کرتے ہے اور اس حقیقت کے آگے اپنی شکست قبول کرچکے ہے کیونکہ اس کے علاوہ دوسرا راستہ بھی نہیں ہے یہاں تک کہ دہریہ لوگوں نے خدا کی خدائی کا انکار تو کیا ہے لیکن موت کو انہوں نے بھی تسلیم کیا ہے دنیا میں جو بھی آیا ہے جانے کے لیئے آیا ہے ہمیشہ باقی رہنے والی ذات صرف ال...

بنگلورو کی انتخابی فہرستوں میں زلزلہ -  اصلاح یا حقِ رائے دہی پر ضرب؟ -  ازقلم : جمیل احمد ملنسارؔ - بنگلور موبائل - 9845498354 بنگلورو کے ووٹروں کی فہرست میں 43.13 فیصد کمی نے ایک ناخوشگوار سوال پیدا کر دیا ہے۔ کیا یہ خصوصی جامع نظرثانی جمہوریت کو مضبوط کر رہی ہے، یا عام شہریوں کے ووٹ کے حق کو خطرے میں ڈال رہی ہے؟ ووٹروں کی فہرست صرف ایک سرکاری دستاویز نہیں۔ یہ نمائندہ جمہوریت کی بنیاد ہے۔ جب بنگلورو کے ووٹر 59.08 لاکھ رہ جائیں اور لاکھوں ناموں کا تقدیر ایک انتظامی عمل سے طے ہو، تو ثبوت کا بوجھ حکام پر ہونا چاہیے۔ انہیں یہ ثابت کرنا ہوگا کہ کوئی اہل شہری ووٹ کے حق سے محروم نہیں ہوا۔ محض یقین دہانی کافی نہیں۔ رپورٹس کے مطابق بنگلورو کی 28 اسمبلی حلقوں میں 46.88 لاکھ نام ASDDO زمرے میں شامل ہیں، یعنی غیر حاضر، منتقل، فوت، ڈپلیکیٹ اور دیگر۔ بنگلورو ساؤتھ، مہادیوپورہ، بومناہلی اور کے آر پورم جیسے حلقوں میں سب سے زیادہ نام حذف ہوئے۔ کرناٹک کے چیف الیکٹورل آفیسر وی انبوکمار کا کہنا ہے کہ کوئی اہل ووٹر خود بخود یا من مانی طور پر نہیں ہٹایا گیا اور عمل شفاف رہا۔ یہ بات غ...

بیدر، 30 اکتوبر (نامہ نگار): ضلع بیدر کے تعلقہ بسواکلیان میں واقع بارگاہ قطبِ کلیانی، تاج الاولیاء حضرت خواجہ سیدنا تاج الدین بابا شیر سوار المعروف حضرت راجہ باگ سوار قدس سرہ العزیز میں ہر ماہ کی طرح ماہِ جمادی الاولیٰ 1448ھ کی 21 تاریخ، مطابق 2 نومبر بروز پیر، بعد نمازِ مغرب ماہانہ مرکزی جلسۂ فیضان حضرت راجہ باگ سوارؒ منعقد ہوگا۔ اس بابرکت روحانی اجتماع میں ذکرُ اللہ جہری، "درسِ قرآن"،درسِ قرآن: سورۃ الانعام (پارہ نمبر 8)، آیت نمبر 122 کا درسِ قرآن، نعتِ رسولِ مقبول ﷺ، میلاد شریف، درود و سلام اور دیگر روحانی اذکار کا اہتمام کیا جائے گا۔ بعد ازاں حضرت افضل پیرؒ کے درسِ قرآن کی روشنی میں حاضرین کو رشد و ہدایت، دینی و روحانی تربیت، ادبِ شریعت و طریقت، تزکیۂ نفس، حسنِ اخلاق اور تعلیماتِ اولیائے کرام سے آراستہ کیا جائے گا۔ یہ روحانی جلسہ تقدس مآب حضرت مولانا خواجہ شاہ ضیاء الحسن جاگیردار مورثی، سجادہ نشین و متولی درگاہ حضرت ممدوحؒ کی سرپرستی میں منعقد ہوگا،اور حضرت ہی جلسہ کو مخاطب کریں گے. جبکہ حضرت خواجہ شاہ محمد مصباح الحسن جاگیردار، جانشینِ بارگاہ حضرت ممدوحؒ کی...

بیجاپور: (راست) کرناٹک اسلامک اینڈ ویلفیئر سوسائٹی کے زیرِ انتظام الامان اردو بائز ہائی اسکول، بیجاپور کی جماعت نہم کی طالبہ امِ ایمن نالبند نے انفرادی کھیلوں کے مقابلے ہیمر تھرو (Hammer Throw) میں نمایاں کارکردگی کا مظاہرہ کرتے ہوئے ضلعی سطح پر پہلی پوزیشن حاصل کی اور ریاستی سطح کے مقابلوں کے لیے منتخب ہوگئیں۔ امِ ایمن اب 2 نومبر بروز پیر بنگلورو کے کنتیراوا اسٹیڈیم میں منعقد ہونے والے ریاستی سطح کے ایتھلیٹک مقابلوں میں ضلع کی نمائندگی کریں گی۔ ان کی اس کامیابی سے اسکول اور ادارے میں مسرت کی لہر دوڑ گئی ہے۔طالبہ کی اس نمایاں کامیابی کے اعتراف میں اسکول میں تہنیتی تقریب منعقد کی گئی، جس میں ادارے کے صدر، سیکریٹری، اراکین، میرِ معلمہ اور اساتذۂ کرام نے انہیں مبارک باد پیش کی اور گلدستہ پیش کرکے حوصلہ افزائی کی۔ اس موقع پر ذمہ داران اور اساتذہ نے امِ ایمن کی محنت، لگن اور کھیل کے تئیں دلچسپی کو سراہتے ہوئے ریاستی سطح کے مقابلوں میں بھی بہترین کارکردگی پیش کرنے کے لیے نیک خواہشات کا اظہار کیا۔اس موقع پر اظہارِ خیال کرتے ہوئے ذمہ داران نے کہا کہ طالبہ کی یہ کامیابی نہ صرف ان کی...

السلام علیکم! یہ خبر نہایت افسوس کے ساتھ یہ اطلاع دی جاتی ہے کہ شیخ عبدالرحمن شوراپوری نے رضائے الٰہی سے آج شام پانچ بجے بہ عمر ستر سال داعئ اجل کو لبیک کہا! انا للہ و انا الیہ راجعون! مرحوم انتہائ نیک، شریف النفس، انسان تھے۔ اللہ تعالی اُن کی مغفرت فرمائے اور جنت الفردوس میں اُنہیں بہت اعلیٰ مقام عطا ہو! أپ کی نماز جنازہ کل بروز ہفتہ 10 بجے صبح مقبرہ مسجد میں ادا کی جاۓ گی اور تدفین مسجد قبرہ کے احاطہ ۔یں ادا کی ناۓ گی۔  مرحوم مولوی شیخ چاند صاحب مرحوم کے داماد اور انجنیيٸر محمد یوسف شیخ و شیخ امام موظف محکمہ زراعت کے بہنوٸی ہوتے ہیں ۔ اللہ لواحقین کو صبر جمیل عطا فرماۓ أمین منجانب اہلیہ و فرزندان شیخ عبدالرحمن شوراپوری

دیسی مسلمان، ذات پات کی حقیقت اور سماجی انصاف کا سوال آج کے مسلمان، کیا ماضی کے دلت ہیں۔۔۔؟!  -   قاسم صاحب۔ اے، مفکر، بنگلورو ہندوستانی مسلم معاشرے کو ایک ہی زبان، ایک ہی سماجی پس منظر اور یکساں شناخت رکھنے والی برادری سمجھنا، اس کی تاریخ اور سماجی حقیقت کو حد سے زیادہ سادہ بنا کر پیش کرنے کے مترادف ہے۔ ہندوستان کے بیشتر مسلمان مختلف تاریخی ادوار میں مقامی برادریوں سے اسلام قبول کرنے والوں کی اولاد ہیں۔ ان کی زبان، پیشے، ثقافت اور سماجی شناخت میں اس سرزمین کی تاریخ کے نقوش واضح طور پر موجود ہیں۔ اس لیے ہندوستانی مسلمانوں کی تاریخ محض مذہبی تبدیلی کی کہانی نہیں، بلکہ مقامی معاشرے میں آنے والی تبدیلیوں، ثقافتی امتزاج اور سماجی انصاف کی نامکمل جدوجہد کی داستان بھی ہے۔ مذہب ایک، لیکن سماجی حقیقت ایک نہیں! اگر کرناٹک کے مسلم معاشرے کا جائزہ لیا جائے تو نداپ، انصاری، پنجر، نوایات اور بیاری سمیت متعدد برادریاں اپنی مخصوص زبان، پیشے اور ثقافتی روایات رکھتی ہیں۔ کنڑ، تولو، کونکنی، تیلگو، بیاری اور نوایاتی زبانیں مسلمانوں کی زندگی میں موجود تنوع کی عکاسی کرتی ہیں۔ بنگل...

بیدر، 30 اکتوبر (نامہ نگارمحمد عبدالصمد): جناب شبیر میاں صاحب کی نبیری اور جناب محمد امام صاحب، سنٹرنگ کنٹریکٹر، ساکن بیلورہ، حال مقیم چدری روڈ بیدر، کی دختر کا عقد مسعود جناب محمد توفیق علی صاحب مرحوم کے فرزند جناب محمد عمران علی (آئی ٹی آئی، ڈپلوما الیکٹریکل) کے ساتھ کل بروز جمعرات بعد نماز عصر مسجد بسم اللہ، چدری روڈ بیدر میں انجام پایا۔ اس موقع پر حافظ و قاری مولانا محمد رفیق احمد نظامی نائب قاضی نے پراثر خطاب فرمایا اور ایجاب و قبول کی کارروائی انجام دی، جبکہ مولانا مفتی محمد فیاض الدین نظامی صدر نائب قاضی بیدر نے خطبۂ نکاح پڑھا اور پراثر دعا فرمائی۔ جناب شبیر میاں صاحب کی سرپرستی میں جناب محمد امام صاحب کے اہلِ خانہ نے تمام مہمانوں کا پرتپاک خیرمقدم کیا۔ اس موقع پر شرکت کرنے والے عزیز و اقارب، دوست و احباب اور معززین جن میں جناب محمد فیروز خان رکن ضلع پنچایت،سید منصور احمد قادری رکن ریاستی حج کمیٹی، پنڈت راؤنر نہ کر نائب صدر سنڑنگ یونین بیدر،حافظ عبدالحکیم ،سید اسمئیل قادری شامل ہیں نے مبارکباد پیش کرتے ہوئے اپنی دعاؤں کا اظہار کیا۔ اللہ تعالیٰ اس رشتۂ ازدواج کو دونوں...

غیبت کے نقصان -  از قلم : نورجہاں بانو  عام طور پر ہمارے معاشرے میں غیبت کرنے اور غیبت سننے کو اتنا عام بنا دیا گیا ہے کہ محسوس ہی نہیں ہوتا کہ مذھب اسلام میں اس بُرائی سے واضح طور پر ہم سب کو بچنے اور دوسروں کو بچانے کے احکام تسلسل کے ساتھ پیش کئے گئے ہیں ۔چُنانچہ  سورۃ الحجرات میں اللہ عزوجل نے ارشاد فرمایا : أَيُحِبُّ أَحَدُكُمْ أَنْ يَأْكُلَ لَحْمَ أَخِيهِ مَيْتًا فَكَرِهْتُمُوهُ "کیا تم میں سے کوئی پسند کرے گا کہ اپنے مردہ بھائی کا گوشت کھائے؟ تم تو اسے ناپسند کرو گے۔" سورۃ الحجرات (49:12) یہ قرآن کی ان آیات میں سے ہے جنہیں پڑھ کر انسان رک جاتا ہے۔ آخر غیبت کے لیے اتنی سخت مثال کیوں؟ غیبت صرف الفاظ نہیں ہوتی، یہ کسی کی عزت، کردار اور مقام کو اس کی غیر موجودگی میں زخمی کرنا ہے۔ جس طرح گوشت جسم سے الگ ہوتا ہے، اسی طرح غیبت انسان کی عزت کو ٹکڑوں میں بانٹ دیتی ہے۔ اللہ نے "بھائی" کا لفظ استعمال کیا۔ کیونکہ مومن صرف ایک فرد نہیں، بلکہ آپ کا بھائی ہے۔ اور انسان اپنے بھائی کے ساتھ وہ نہیں کرتا جو اپنے دشمن کے ساتھ بھی کرنا پسند نہ کرے۔ اور پھر اللہ نے ...

ظہیرآباد 29 / اکتوبر( نمائندہ) حراء فاؤنڈیشن اسکول ظہیرآباد میں دستورِ ہند، ملکی قوانین اور بچوں کے تحفظ سے متعلق پوکسو (POCSO) قانون کے بارے میں طلبہ و طالبات میں شعور بیدار کرنے کے مقصد سے ایک اہم پروگرام منعقد کیا گیا۔ پروگرام کی نظامت مفتی عبدالصبور قاسمی نے انجام دی۔ اس موقع پر انہوں نے دستورِ ہند کی اہمیت، آئین کے بنیادی اصولوں، شہریوں کے حقوق و فرائض اور قانونی نظام کا تفصیلی تعارف پیش کیا۔ انہوں نے کہا کہ ہر شہری کے لیے ملک کے دستور اور قوانین سے واقفیت ضروری ہے، تاکہ وہ اپنے حقوق کو سمجھنے کے ساتھ اپنی ذمہ داریوں کو بھی بخوبی ادا کرسکے۔ پروگرام میں ظہیرآباد کے پرنسپل جونیئر سول جج محمد خلیل احمد اور ایڈیشنل جونیئر سول جج محترمہ ڈی بلیسی نے شرکت کی۔ اس موقع پر عدالت سے وابستہ وکلاء نے بھی طلبہ و طالبات کی رہنمائی کی اور قانونی شعور کی اہمیت پر روشنی ڈالی۔ وکلاء میں سید احمد، ذبیر اسماعیل، بی گوپال، اے سندیپ کمار، سید شکیل، اسماعیل، پٹنم ابراہیم، رادھا کرشنا، محمد مزمل، سید ریحان، سید سہیل اور دیگر شامل تھے۔ وکلاء نے اپنے خطاب میں بچوں کے حقوق، ان کے تحفظ، قانونی احت...

ذریعہ تعلیم اردو یا انگریزی؟ -  از قلم: عالمہ مبین پالیگار -  پرنسپل ماؤنٹ سینائی پی یو کالج بیلگام  8904317986       ایک مدلل جواب اگر یہ فرض کر لیا جائے کہ اردو ذریعۂ تعلیم سے پڑھنے کے باوجود طلبہ میں دینی اخلاق پیدا نہ ہوں، معاشی امکانات محدود رہیں، جبکہ انگریزی ذریعۂ تعلیم سے دینی اخلاق و تربیت بھی مکمل طور پر پروان چڑھیں، ریاستی، ملکی، بین الریاستی اور بین الاقوامی معاشی امکانات کہیں زیادہ وسیع ہوں اور دعوت و تبلیغ کے مواقع بھی بھرپور میسر ہوں، تو کیا اس صورت میں بھی صرف اردو کو ذریعۂ تعلیم بنانا ضروری ہوگا؟ اس سوال کا جواب جذبات سے نہیں بلکہ تعلیم، تربیت، زبان، دین، معاش اور عملی ضرورتوں کو سامنے رکھ کر دینا چاہیے۔ میرے نزدیک اس سوال کا پہلا اور بنیادی جواب یہ ہے کہ زبان بذاتِ خود نہ انسان کو دیندار بناتی ہے، نہ بددیانت؛ نہ بااخلاق بناتی ہے، نہ بداخلاق۔ زبان علم و اظہار کا ذریعہ ہے، جبکہ انسان کی شخصیت اس کے علم، عمل، تربیت، ماحول، عادات، صحبت، استاد، گھر اور اپنے شعوری فیصلوں سے تشکیل پاتی ہے۔ اگر محض کسی زبان کا جاننا ہی دین...