Sadae Maharashtra E Urdu News Solapur صدائے مہاراشٹر ای اُردو خبر نامہ شولاپور

بیدر8/اگسٹ(نامہ نگار) بیدر شہر کے وارڈ نمبر 13 خوشی نگر (پُکٹ نگر) میں گزشتہ 6،7 ماہ سے پینے کے پانی کی شدید قلت کے باعث عوام کو سخت مشکلات کا سامنا کرنا پڑ رہا ہے۔ اس سلسلہ میں انڈین نیشنل بھیم آرمی کی جانب سے بیدر میونسپل کارپوریشن کے کمشنر کو تحریری یادداشت پیش کرتے ہوئے فوری طور پر پینے کے پانی کا مسئلہ حل کرنے کا مطالبہ کیا گیا ہے۔ یادداشت میں کہا گیا ہے کہ مذکورہ علاقہ کے عوام گزشتہ کئی ماہ سے پینے کے پانی کے لیے پریشان ہیں۔ عوام، بزرگ شہری، مزدور اور طلبہ پانی حاصل کرنے کے لیے نشیبی علاقے میں واقع پانی کی ٹنکی تک جانے اور وہاں سے پانی بھر کر دوبارہ اونچائی پر واقع اپنے گھروں تک سیڑھیاں چڑھنے پر مجبور ہیں، جس سے خصوصاً خواتین اور بچوں کو شدید دشواریوں کا سامنا کرنا پڑتا ہے۔ انڈین نیشنل بھیم آرمی کے بانی و ریاستی صدر دلیپ کمار ورما نے علاقہ کا دورہ کرتے ہوئے عوام کی مشکلات کا جائزہ لیا اور کہا کہ پانی بنیادی ضروریات میں شامل ہے، اس لیے عوام کو پینے کے پانی کے لیے اس طرح دربدر ہونا افسوسناک ہے۔ یادداشت میں مزید کہا گیا کہ ضلع کے انچارج وزیر کی جانب سے افسران کو ضلع میں ...

انجن گاؤں سورجی: (راست) یہاں کے معروف ڈاکٹر سید عتیق اور ثمینہ کوثر کے فرزند سید عتیب امن نے اپنی انتھک محنت اور عزم کے بل بوتے پر قومی سطح کے ممتاز ادارے 'نیشنل انسٹی ٹیوٹ آف ٹیکنالوجی (NIT) سری نگر' میں انجینئرنگ میں داخلہ حاصل کر کے ایک تاریخی کامیابی حاصل کی ہے۔ اس نمایاں کامیابی پر ہر طرف سے مبارکباد اور ستائش کا سلسلہ جاری ہے۔ سید عتیب امن شروع ہی سے تعلیم میں مسلسل محنت اور ذہانت کے حامل رہے ہیں۔ انجینئرنگ کے اس معتبر ادارے میں داخلہ حاصل کرنے کے لیے انہوں نے سخت جدوجہد کی۔ ان کی اس کامیابی میں ان کے والدین ڈاکٹر سید عتیق اور ثمینہ کوثر کی بہترین رہنمائی اور سرپرستی کا اہم کردار رہا ہے۔ اس کے ساتھ ہی ان کے چچا سید عزیز کی مسلسل رہنمائی اور تعاون بھی اس کامیابی میں انتہائی اہم ثابت ہوا۔ عتیب امن کی یہ کامیابی نہ صرف ان کے خاندان کے لیے بلکہ پورے تعلقہ کے لیے باعثِ فخر ہے۔ اس عظیم الشان کامیابی پر انجن گاؤں سورجی تعلقہ کی مختلف تنظیموں، معزز شخصیات اور دوست احباب نے انہیں مبارکباد پیش کی ہے اور ان کے روشن مستقبل کے لیے نیک خواہشات کا اظہار کیا ہے۔ "مستقبل ...

بیدر۔ 8/اگست (پریس نوٹ) آدمی عمر سے نہیں علم سے بڑا ہوتاہے اورعلم پر مبنی تہذیب طالب علم کو ایک اچھا شہری بناتی ہے۔ یہ بات ریاست کرناٹک کے نامور شاعر وادیب جناب محمدیوسف رحیم بیدری نے کہی۔ وہ آج سرکاری اردو ہائیرپرائمری اسکول مستعید پورہ بیدر میں یاران ِ ادب اور کلیان کرناٹک اردو جرنلسٹ اسوسی ایشن بیدر کے اشتراک سے منعقدہ کاپیاں اور قلم کی تقسیم تقریب سے خطاب کررہے تھے۔ انھوں نے آگے بتایاکہ محلہ مستعید پورہ میں اس وقت قابل ترین اور پڑھے لکھے ڈاکٹر س، انجینئر س اور اساتذہ کااضافہ ہوگیاہے۔ ان سے مقابلہ کرتے ہوئے آپ طلبہ کو اور بھی آگے  جاناہے تاکہ مستعید پورہ قابل ترین اور پڑھے لکھے افراد کی آماجگاہ بن سکے۔ انھوں نے طلبہ کو تعلیم یافتہ پیشے سے وابستہ رہنے اور غیرتعلیم یافتہ پیشے سے ترک تعلق کرنے کی تلقین کی۔   مستعیدپورہ سرکاری اسکول بیدر کے سابق طالب علم جناب عبدالسلیم اسد(وظیفہ یاب صدرمعلم) نے اپنے خطاب میں طلبہ سے کہاکہ میں نے اس اسکول میں چہارم سے ساتویں تک تعلیم حاصل کی ہے۔ میرے علاوہ بھی کئی اساتذہ اورآج کے حفاظ مستعیدپورہ اسکول سے فارغ ہوئے ہیں۔ موصوف نے ...

 کے این واصف : مکہ مکرمہ میں کنگ عبد العزیز بین الاقوامی مقابلہ حفظ قرآن کریم، تلاوت و تفسیر کا 46 ویں ایڈیشن کا آغاز ہوا ہے۔ سعودی پریس ایجنسی “ایس پی اے” کے مطابق اس مقابلے میں 133 ملکوں سے 334 افراد شریک ہیں، چار دہائیوں قبل اس ایونٹ کے آغاز کے بعد شرکا کی یہ سب سے بڑی تعداد ہے۔ شاہ سلمان بن عبدالعزیز کی زیر سرپرست اور وزارت اسلامی امور کے زیر اہتمام یہ مقابلہ 19 اگست تک جاری رہے گا۔  اس مقابلے میں 10.26 ملین ریال کی انعامی رقم رکھی گئی ہے، جو مقابلے کی تاریخ کی سب سے بڑی انعامی رقم ہے۔  پہلی مرتبہ خواتین کے لیے بھی مقابلے کا انعقاد کیا جا رہا ہے۔ مکہ کے ایک ہوٹل میں خواتین کا الگ مقابلہ اور اختتامی تقریب ہوگی جبکہ مردوں کا فائنل راؤنڈ اور اختتامی تقریب مسجد الحرام میں منعقد کی جاتی ہے۔ اس مقابلے کا مقصد مرد اور خواتین کو حفظ، فہم اور غور و فکر کے ذریعے قرآن پڑھنے کی ترغیب، مثبت مسابقت، نئی نسل کو قران سے جوڑنا اور قرآن کی خدمت کے حوالے سے سعودی عرب کی کوششوں کو اجاگر کرنا ہے۔

پندرہ 15 اگست: یومِ آزادی — کیا ہمیں ایک نئی آزادی کی ضرورت ہے؟ از قلم: مفتی عامل قاسمی. 15 اگست محض تقویم کا ایک دن نہیں، بلکہ یہ تاریخ ہمیں ان قربانیوں کی یاد دلاتی ہے جن کے نتیجے میں برصغیر کے عوام نے غلامی کی طویل زنجیریں توڑ کر آزادی کی صبح دیکھی۔ ہمارے اسلاف نے اپنی جانوں کا نذرانہ پیش کیا، اپنے گھر بار لٹائے اور بے شمار صعوبتیں برداشت کیں، تاکہ آنے والی نسلیں آزاد فضا میں سانس لے سکیں۔ لیکن ہر سال یومِ آزادی کے موقع پر ایک سوال ہمارے سامنے ضرور کھڑا ہوتا ہے: کیا آزادی کا مقصد صرف اقتدار کی منتقلی تھا، یا آزادی کا مفہوم اس سے کہیں وسیع ہے؟ حقیقی آزادی صرف یہ نہیں کہ کسی ملک پر غیر ملکی حکومت نہ ہو۔ حقیقی آزادی تو اس وقت محسوس ہوتی ہے جب ایک شہری خوف سے آزاد ہو، ناانصافی سے محفوظ ہو، اپنے بنیادی حقوق کے لیے محتاجِ فریاد نہ ہو اور اسے اپنی شناخت، مذہب، زبان یا طبقے کی بنیاد پر امتیاز کا سامنا نہ کرنا پڑے۔ آج ہمیں یہ جائزہ لینے کی ضرورت ہے کہ آزادی کے اتنے برس بعد ہمارا معاشرہ کس سمت بڑھ رہا ہے۔ اگر نفرت، تعصب اور عدم برداشت ہمارے درمیان فاصلے پیدا کر رہے ہیں؛ اگر کمزور ...

آج بتاریخ 8 اگست 2026ء جامعہ اسلامیہ اشاعت العلوم پرائمری اردو اسکول، اکل کوا میں صدرِ مدرس فاروقی جاوید سر کی نگرانی میں ایک خوب صورت اور مفید ڈرائنگ مقابلے کا انعقاد کیا گیا۔ اس مقابلے میں طلبہ و طالبات نے بھرپور جوش و خروش کے ساتھ حصہ لیا اور اپنی تخلیقی صلاحیتوں، فنی ذوق اور پوشیدہ صلاحیتوں کا بہترین مظاہرہ کیا۔ ڈرائنگ محض رنگوں اور لکیروں کا کھیل نہیں بلکہ یہ بچوں کے خیالات، جذبات اور تخیل کے اظہار کا ایک مؤثر ذریعہ ہے۔ بچے جب کاغذ پر اپنے خیالات کو مختلف رنگوں اور اشکال کے ذریعے پیش کرتے ہیں تو ان کے اندر موجود تخلیقی صلاحیتیں نکھر کر سامنے آتی ہیں۔ ایسے مقابلے بچوں کو اپنی صلاحیتوں کے اظہار کا بہترین موقع فراہم کرتے ہیں۔ اس طرح کے مقابلوں کا ایک اہم فائدہ یہ ہے کہ بچوں میں تخلیقی اور تحقیقی سوچ پروان چڑھتی ہے۔ وہ کسی موضوع کو صرف الفاظ کے ذریعے نہیں بلکہ تصویر اور رنگوں کے ذریعے سمجھنے اور بیان کرنے کی کوشش کرتے ہیں۔ اس عمل سے ان کے مشاہدے کی قوت، تصوراتی صلاحیت اور ذہنی ارتکاز میں اضافہ ہوتا ہے۔ ڈرائنگ مقابلوں سے اعتمادِ نفس بھی بڑھتا ہے۔ جب بچے اپنی بنائی ہوئی تصوی...

نوجوان نسل اور نشے کی تباہ کن لت -  ڈاکٹر محمد عبدالسمیع ندوی  -   اسسٹنٹ پروفیسر، مولانا آزاد کالج آف آرٹس، سائنس اینڈ کامرس، اورنگ آباد۔   موبائل نمبر: 9325217306 معاشرہ اس وقت جن خطرناک چیلنجز سے دوچار ہے، ان میں نوجوانوں میں بڑھتی ہوئی نشے کی لت سب سے زیادہ تشویشناک مسئلہ بن چکی ہے۔ یہ صرف چند افراد کی ذاتی کمزوری یا وقتی غلطی نہیں بلکہ پورے سماج کے اخلاقی، روحانی، معاشی اور خاندانی ڈھانچے کے لیے ایک سنگین خطرہ ہے۔ آج اسکولوں، کالجوں، یونیورسٹیوں، محلوں اور حتیٰ کہ دیہی علاقوں تک نشے کا زہر خاموشی کے ساتھ پھیلتا جا رہا ہے۔ سگریٹ، گٹکا، شراب، چرس، افیون، نشہ آور گولیاں، انجکشن اور مختلف کیمیکل ڈرگز نوجوانوں کی زندگیوں کو نگل رہے ہیں۔ افسوسناک حقیقت یہ ہے کہ بہت سے والدین، اساتذہ اور سماجی ذمہ داران اس مسئلے کی سنگینی کو اُس وقت محسوس کرتے ہیں جب پانی سر سے گزر چکا ہوتا ہے۔ ایک نوجوان جب نشے کا عادی بن جاتا ہے تو صرف اس کی ذات ہی برباد نہیں ہوتی بلکہ پورا خاندان اذیت، بدنامی، ذہنی دباؤ اور معاشی تباہی کا شکار ہو جاتا ہے۔ نشے کی لت کے بنیادی اس...

حیدرآباد۔7/اگست(راست)انجمن ریختہ گویاں حیدرآباد کے زیراہتمام روزنامہ منصف کے اشتراک سے یوم آزادی کے ضمن میں 9/اگست بروز اتوار صبح 11 بجے تا2 بجے دن خان لطیف خان اسٹیٹ گراؤنڈفلور حیدرآباد میں محفل اصناف سخن گوئی کے تحت ”آزادیئ ہند اور حب الوطنی پر مبنی نغمے“ پروگرام کا انعقاد عمل میں آئے گا۔ ”ہندوستان کی آزادی میں حب الوطنی پر مبنی نغموں کا کردار“ پر مشاہیر اردو اظہار خیال فرمائیں گے اور انجمن کے اراکین مختلف نغمے تحت اور ترنم سے سنائیں گے۔ اس کے علاوہ طلباء اور ادبی ذوق رکھنے والے شرکاء کو بھی نغمے گانے اور تحت سے پڑھنے کی اجازت رہے گی۔ محفل کی صدارت اور باوقار مہمانان خصوصی کی حیثیت سے پروفیسر ایس اے شکور،جناب محمد عبدالجلیل، جناب ایم اے ماجد،جناب ہمایوں مرزا، جناب ابومسعود عبدالغنی، جناب کے این واصف، مولانا مظفر علی صوفی، جناب صوفی سلطان شطاری،جناب جے ایس افتخار، ڈاکٹر نکہت آراء شاہین، محترمہ شبینہ فرشوری، محترمہ جسوین جے رتھ اور دوسرے شرکت کریں گے۔اراکین انجمن پروفیسر حمیرہ سعید، ڈاکٹر گل رعنا، ڈاکٹر عطیہ مجیب عارفی، محترمہ رفیعہ نوشین، ڈاکٹر روبینہ شبنم، ڈاکٹر ثمینہ بیگ...

دہلی میں حسینہ، ڈھاکہ میں بے چینی.  ازقلم : جمیل احمد ملنسار، بنگلور۔ موبائل 9845498354 بنگلہ دیش کی سابق وزیر اعظم شیخ حسینہ کی دہلی سے ہونے والی حالیہ ورچوئل پریس بریفنگ نے ایک بار پھر جنوبی ایشیا کی سیاست میں کئی سوالات کو زندہ کر دیا ہے۔ یہ سوال صرف شیخ حسینہ کی سیاسی واپسی کا نہیں، بلکہ ہندوستان اور بنگلہ دیش کے باہمی تعلقات، سفارتی مصلحتوں اور خطے میں بدلتے ہوئے سیاسی توازن کا بھی ہے۔ شیخ حسینہ نے اپنی گفتگو میں نہایت واضح الفاظ میں کہا کہ وہ اپنے عوام سے دور نہیں رہ سکتیں اور رواں سال دسمبر میں بنگلہ دیش واپس جانے کا ارادہ رکھتی ہیں۔ ان کے الفاظ میں ایک سابق حکمراں کی سیاسی خواہش بھی تھی اور اپنے ملک کے موجودہ حالات سے متعلق تشویش بھی۔ مگر ان کے اس بیان کے فوراً بعد اصل توجہ ایک دوسرے سوال پر مرکوز ہوگئی: آخر یہ پریس کانفرنس ہندوستان کی سرزمین سے کیوں ہوئی اور کیا اسے نئی دہلی کی سیاسی حمایت حاصل تھی؟ ہندوستانی وزارت خارجہ نے جمعہ کو اس معاملے پر غیر معمولی وضاحت پیش کی۔ ترجمان رندھیر جیسوال نے صاف کہا کہ حکومتِ ہند کا اس پروگرام سے کوئی تعلق نہیں تھا اور یہ ایک ...

آنکھوں کا تارہ -  ازقلم : مسرورتمنا۔  وہ جب بہت روتا تو ماں کی آواز آتی... چندا ہے تو میرا سورج.ہے تو وہ میری آنکھوں کا تارہ ہے تو. ماں رضیہ اسے نہیں مالک کے بچے کو سال رہی ہوتی وہ سسکیاں بھرتا ونہی ذمین پر سوجاتا تب اچانک رضیہ آتی اور تڑپ کر اسے گود میں اٹھاتی دوڑی دوڑی بنگلے کے.پیچھے بنے جھونپڑی میں جاتی اور گڈو کو پھٹے پرانے بستر پر ڈال دیتی مالک کا بیٹا ھزاروں روپیے کے پالنے میں مخمل کے گدے پر سوتا اور گڈو کیا میری طرح میرا بچہ بھی غریب رہ جایگا نہیں نہیں میں ایسا نہیں ہونے دے سکتی.. اسلیے تو سیٹھ افتاب کے بچے کو.پال رہی تھی. ... آچھی سیلری.اچھا کھانا تاکہ وہ اپنا دودھ پلا سکے اس نے جلدی سے اپنے کپڑے بدلے بدن پر خوشبو لگایا اور بنگلے میں چلی آی مالکن کا حکم تھا صاف ستھری خوشبو میں نہا کر میرے بیٹے زوھیب عرف زوبی کو گود اٹھانا ........... رضیہ اپنے بچے کے پاس واپس آی تو وہ ابھی تک سو رہا تھا اسکے سر پہ ہاتھ رکھا بچہ بخار میں بڑبڑا رہاتھا ماں ..... ما... ں میرابچہ... وہ مالکن کے پاس دوڑی ذوبی بابا پالنے میں کھیل رہے تھے غوں غاں ..... مالکن میرا بچہ...

سفید چادر - مختصر افسانہ -  از قلم : شیخ محمود علی۔ 8055402819   کارل مارکس کے مطابق کچی بستیاں محض غربت کا نتیجہ نہیں بلکہ ایک ایسے سماجی و معاشی نظام کی پیداوار ہیں جہاں طبقاتی تقسیم ذات پات نسلی امتیاز امیری و غریبی اونچ نیچ زمین اور وسائل کی غیر مساوی تقسیم سماجی تعصبات مذہبی تعصب جہالت استحصال اور ناانصافی نے انسان کو بنیادی حقوق سے محروم کر دیا ہے۔ ایسے حالات میں کمزور طبقات کے شعور نفسیات اور سوچ پر بھی مختلف سماجی اور نظریاتی اثرات مرتب ہوتے ہیں مارکس نے مذہب کو اپنے دور کے مخصوص سماجی تناظر میں عوام کی افیون (Religion is the opium of the people) کہا تھا۔ اس کا مقصد مذہب پر حملہ کرنا نہیں تھا بلکہ یہ تنقید کرنا تھا کہ جب مذہب یا اس کی تعبیر کو ظلم، استحصال یا حکمران طبقات کے مفادات کے تحفظ کے لیے استعمال کیا جائے تو وہ مظلوم طبقے کو اپنے حقیقی معاشی مسائل سے غافل رکھ سکتی ہے۔ مارکس کے نزدیک عقل پسندی شعور تعلیم اور معاشی انصاف ہی ایسے نظام کو بدلنے کی بنیاد بن سکتے ہیں۔ کچی بستیاں غربت جہالت استحصال اور سماجی ناانصافی کی ایسی المناک تصویریں ہیں جہاں مح...

جلگاؤں، (عقیل خان بیاولی): سوشل میڈیا پر اسلام کے مقدس مقامات مکہ مکرمہ و مدینہ منورہ سے متعلق مبینہ قابلِ اعتراض مواد کی تشہیر کے خلاف ایکتا سنگھٹنا، جلگاؤں نے سخت احتجاج کرتے ہوئے متعلقہ انسٹاگرام اکاؤنٹ کے خلاف قانونی کارروائی کا مطالبہ کیا ہے۔ تنظیم کا الزام ہے کہ ’روہت سپر اسٹار 89‘ نامی انسٹاگرام آئی ڈی سے ایک ایسی ریل نشر کی گئی، جس میں مکہ مکرمہ و مدینہ منورہ سے متعلق مناظر کو پس منظر میں استعمال کرتے ہوئے مبینہ طور پر نامناسب مناظر پیش کیے گئے۔ تنظیم کے مطابق یہ مواد مسلمانوں کے مذہبی جذبات کو مجروح کرنے کے ساتھ ساتھ شہر کے پرامن ماحول اور مذہبی ہم آہنگی کے لیے بھی نقصان دہ ہے۔ ایکتا سنگھٹنا کے کوآرڈی نیٹر فاروق شیخ نے کہا کہ اظہارِ رائے کی آزادی کے نام پر کسی بھی مذہب کے مقدس مقامات یا مذہبی جذبات سے کھلواڑ کی اجازت نہیں دی جاسکتی۔ انہوں نے پولیس سے مطالبہ کیا کہ متعلقہ انسٹاگرام اکاؤنٹ کی تکنیکی جانچ کرکے اس کے اصل منتظم کی شناخت کی جائے اور تحقیقات کی بنیاد پر قانونی کارروائی کی جائے۔ تنظیم کے صدر مفتی خالد نے کہا کہ ’’یہ احتجاج کسی مذہب یا برادری کے خلاف نہیں ب...

 کے این واصف - مملکت کی ہمیشہ یہ کو شش رہتی ہے کہ عازمین و زائرین کو بہتر سے بہتر سہولت فراہم کی جائے۔ وزارت حج و عمرہ نے عازمین حج اور عمرہ زائرین کے لیے بہتر چھتریاں تیار کرنے کے “چیلنج@ کا آغاز کر دیا ہے جس میں ڈیزائنرز، ڈیویلپرز اور خصوصی اداروں کو چھتریوں کے اخترائی و عملی خاکہ جات پیش کرنے کی دعوت دی گئی ہے۔ سعودی پریس ایجنسی “ایس پی اے” کے مطابق اس اقدام کا مقصد آرام اور تحفظ کو یقینی بناتے ہوئے عازمین حج اور عمرہ زائرین کے مذہبی سفر کے تجربے کو مزید آسان اور بہتر بنانا ہے۔ وزارت نے کہا ہے کہ یہ چیلنج زائرین کی ضروریات کو پورا کرنے والے عملی حل کے ذریعے ان کی سہولیات کو سنورانے کی مسلسل کوششوں کا حصہ ہے۔ اس کا مقصد دھوپ سے بہتر تحفظ، آسان استعمال، حفاظتی معیار کی بہتری اور عملی کارکردگی و پائیداری میں اضافہ کرنا ہے۔ اس چیلنج کا مقصد ایسی جدید اور عملی چھتری کے پروٹوٹائپ یعنی نمونے کی تلاش ہے جو وزن میں ہلکی، اٹھانے میں سہولت بخش اور استعمال کرنے میں آسان ہو، الٹراوائلٹ شعاعوں سے اعلیٰ درجے کا تحفظ فراہم کرے اور سخت موسم کو برداشت کرنے کی صلاحیت رکھتی ہو۔ وزارت نے...

ظہیرآباد7/اگست(نمائندہ) رسولِ اکرم ﷺ کی سیرتِ طیبہ کو عام کرنے، مسلمانوں میں دینی بیداری پیدا کرنے اور معاشرے کی اصلاح کے عظیم مقصد کے تحت جمعیت علماء مگڈم پلی منڈل، تعلقہ ظہیرآباد کے زیرِ اہتمام گزشتہ پانچ برسوں سے کامیابی کے ساتھ منعقد ہونے والا "جلسۂ سیرت النبی ﷺ و اصلاحِ معاشرہ" اس سال بھی نہایت تزک و احتشام کے ساتھ 16 اگست تا 25 اگست منڈل کے مختلف دیہاتوں میں منعقد ہوگا۔ ان اجتماعات میں ممتاز علماء کرام سیرتِ طیبہ ﷺ، اصلاحِ معاشرہ، مکاتبِ دینیہ کی اہمیت، عقیدۂ ختمِ نبوت، موجودہ حالات میں امتِ مسلمہ کی ذمہ داریاں، نوجوانوں کی دینی و اخلاقی تربیت اور اتحادِ امت جیسے اہم موضوعات پر قرآن و سنت کی روشنی میں خطاب فرمائیں گے۔ یہ تمام پروگرام حضرت مولانا عبدالمجیب صاحب قاسمی، صدر جمعیت علماء تعلقہ ظہیرآباد اور حضرت مولانا مفتی عبدالصبور صاحب قاسمی، جنرل سیکرٹری جمعیت علماء ضلع سنگاریڈی کی سرپرستی میں منعقد ہوں گے۔ پروگراموں کی نگرانی اور انتظامات حضرت مولانا عیسیٰ رشادی صاحب، صدر جمعیت علماء مگڈم پلی منڈل، محترم جناب تاج الدین صاحب (گوئند پور)، جنرل سیکرٹری جمعیت ع...

بیدر۔ 7 / اگست (پریس نوٹ) اردو، ہندی اور دکنی زبان کے شاعر وادیب، ڈرامہ نویس اور افسانہ نگار محمدیوسف رحیم میرؔبیدری نے ایک پریس نوٹ جاری کرکے الیکشن کمیشن آف انڈیا کے چیف الیکٹورل آفیسر (سی ای او) آف کرناٹکا مسٹر وی انبوکمار سے دردمندانہ اپیل کی ہے کہ حالات کودیکھتے ہوئے اورکام کی رفتار، عوام کے کم ریسپانس کے پیش نظر ریاست کرناٹک میں SIRکی تاریخ بڑھاکر اپنانام ووٹر لسٹ میں درج کرانے کاریاست کی عوام کو موقع دیاجائے۔ جناب محمدیوسف رحیم میرؔ بیدری نے بتایاکہ کئی ایک خامیاں سسٹم میں بھی ہیں، اور رائے دہندگان میں بھی ہیں۔ کہیں رائے دہندگان چست ہیں تو کہیں بی ایل او سست اور غیرتکینکی فرد ہیں۔ کہیں انیومریشن فارم واپس نہیں ہوئے ہیں۔ کہیں پرBLOفارم پرکرنے اور اس کو اپلوڈ کرنے میں پیچھے رہ گئے یاپھر دوسری مجبوریاں حائل ہیں۔ کہیں پر رائے دہندوں کے نام 2002کی فہرست رائے دہندگان سے نکل گئے ہیں۔ گویاکہیں نہ کہیں جملہ نظام میں خامی رہی ہے۔ کسی ماہر نے معقول بات کہی کہ اس قدر کم وقت میں کام کا صدفیصد ہونا ناممکن ہے۔بلکہ 70فیصد بھی کام ممکن نہیں ہے۔ جناب میربیدری نے اپیل کرتے ہوئے کہاکہ ...

بورنار (نمائندہ): اقرا ایجوکیشن سوسائٹی جلگاؤں کے زیرِ انتظام عبدالمجید سالار اقرا اردو ہائی اسکول، بورنار میں نشہ مخالف مہم کے تحت طلبہ میں بیداری پیدا کرنے کے مقصد سے ایک خصوصی پروگرام منعقد کیا گیا پروگرام کے آغاز میں اسکول کے معاون مدرس جواد انجم نے مہمانان کا استقبال کیا اور پروگرام کی غرض بتائی۔ اس موقع پر صاحب راو پاٹل سر، برہما کماری یوجنا دیدی، دیپا بہن اور خوشی بہن بھی شریک رہیں۔ اِس موقع پر برہما کماری یوجنا دیدی نے طلبہ کو ذہنی سکون، مثبت سوچ اور اچھی عادات اپنانے کی اہمیت پر روشنی ڈالتے ہوئے نشہ سے مکمل پرہیز کی تلقین کی اور انہوں نے طلبہ کو نشہ مخالف مہم کے اغراض و مقاصد سے واقف کرایا۔ طلبہ نے مہمانوں کے پیغامات کو دلچسپی سے سنا اور نشہ سے دور رہنے کا عہد کیا۔ آخر میں ہیڈ ماسٹر عارف خان سر نے تمام معزز مہمانوں کا شکریہ ادا کیا اور کہا کہ ایسے بیداری پروگرام طلبہ کی بہتر تربیت اور روشن مستقبل کے لیے نہایت ضروری ہیں۔ اس موقع پر اسکول کی اساتذہ روشن سر، مظہر سر ،فیروز سر امیر سر،صادق سر اور غیر تدریسی عملے میں مشتاق بھائی موجود تھے ۔اس طرح یہ پروگرام کامیابی ک...

بیدر، 7 /اگست (نامہ نگار) بسواکلیان کی تاریخی و روحانی بارگاہِ حضرت سیدنا تاج الدین شیرسوار المعروف حضرت سیدنا راجہ باگ سوار رحمۃ اللہ علیہ کی مسجد میں ہر جمعہ بعد نمازِ مغرب روحانی و اصلاحی محفل کا باقاعدگی سے انعقاد کیا جاتا ہے، جہاں عقیدت مندوں، نوجوانوں اور عوام الناس کی بڑی تعداد شرکت کرکے دینی و روحانی فیوض و برکات حاصل کرتی ہے۔ محفل کا آغاز تلاوتِ قرآنِ مجید سے ہوتا ہے، جس کے بعد مجلسِ نعت خوانی، میلاد خوانی اور درود شریف کی روح پرور محفل منعقد ہوتی ہے۔ بعد ازاں مورثی سجادہ نشین و متولیِ بارگاہ، پیرِ طریقت، رہبرِ شریعت حضرت مولانا خواجہ ضیاء الحسن جاگیردار شاہ منور چشتی نظامی شیرسواری، حضرت افضل پیر رحمۃ اللہ علیہ کے درسِ قرآن کی روشنی میں حاضرین کو رشد و ہدایت، اسلامی تعلیمات، ادب و اخلاق، حسنِ کردار، دینی شعور اور عملی زندگی کے اہم پہلوؤں پر نہایت مؤثر انداز میں تربیت فراہم کرتے ہیں۔ اس دوران قرآن و سنت کی روشنی میں مختلف دینی و شرعی مسائل کے جوابات بھی دئے جاتے ہیں. اور اسلامی و دینی معلومات سے حاضرین کو مستفید کیا جاتا ہے۔ یہ روحانی و اصلاحی محفل ہر جمعہ بعد نماز...

بیدر، 7 اگست (نامہ نگارمحمد عبدالصمد) گرو نانک پبلک اسکول، اوراد (بی) میں آج جمعہ 7 اگست کو انویسٹیچر تقریب کا انعقاد عمل میں آیا، جس میں نو منتخب طلبہ عہدیداروں کو ذمہ داریوں کا حلف دلایا گیا۔ تقریب کا آغاز شمع روشن کرنے سے ہوا، بعد ازاں طلبہ نے مارچ پاسٹ پیش کیا۔  اس موقع پر مہمانِ خصوصی سی پی آئی راگھوویر سنگھ ٹھاکر نے خطاب کرتے ہوئے طلبہ کو محنت، نظم و ضبط، مثبت سوچ اور بلند مقاصد کے ساتھ تعلیم حاصل کرنے کی تلقین کی۔ انہوں نے کہا کہ آج کے طلبہ ہی کل کے ذمہ دار شہری ہیں، اس لیے انہیں ملک و قوم کی خدمت کا جذبہ اپنے اندر پیدا کرنا چاہیے۔ انہوں نے ماحولیاتی تحفظ کی اہمیت پر زور دیتے ہوئے ہر طالب علم کو ایک پودا لگا کر اس کی حفاظت کرنے کا بھی مشورہ دیا۔  اسکول کی نائب صدر ڈاکٹر ریشما کور نے نو منتخب طلبہ عہدیداروں سے حلف لیا۔ اپنے صدارتی خطاب میں انہوں نے طلبہ کو محنت، دیانت، والدین و اساتذہ کے احترام، اعلیٰ کردار اور تعلیمی میدان میں نمایاں کارکردگی کے لیے ہمیشہ کوشاں رہنے کی تلقین کی۔  تقریب میں اسکول انتظامیہ، اساتذہ، طلبہ اور دیگر معززین نے شرکت کی۔ آخر میں...

ادب اطفال -  نظم : برسات -  شاعرہ : ٹی این بھارتی۔ بجلی چمکے بادل گرجے برسات میں  مریم گائے پانی برسے برسات میں  کوئل کوکے مور ناچے برسات میں  پکوان پکے مریم کھائے برسات میں  جھولا ڈالے سکھی جھلائے برسات میں  کشتی بنائے خوشی منائے برسات میں  کسان جھومے فصل لہلہا ئے برسات میں  چھتری کھولے من للچائے برسات میں  پھول کھلے گلشن مہکائے برسات میں  بھارتی ا ترائے من بہلائے برسات میں  ۔۔۔۔۔۔۔۔۔۔۔۔۔۔۔۔۔××××۔۔۔۔۔۔۔۔۔۔۔۔۔۔۔۔

ہلکرنی- (راست) مسلم سنت جماعت ہلکرنی کے نائب صدر آنجہانی نذیر باغوان صاحب جو کہ اپنی پرامن، خود انحصاری، راضی اور خیراتی طبیعت کے لیے جانے جاتے تھے، کے انتقال سے مسلم کمیونٹی کے علاقے ہلکرنی میں سوگ کی لہر دوڑ گئی ہے۔ ان کی موت سے کمیونٹی ایک محبت کرنے والی اور دیکھ بھال کرنے والی شخصیت سے محروم ہوگئی جس نے سماجی وابستگی کو برقرار رکھا۔ مرحوم نذیر باغوان صاحب ہمیشہ کمیونٹی کے خوشی اور غمی کے مواقع میں شریک ہوتے تھے۔ وہ ہر وقت ضرورت مندوں کی ہر ممکن مدد کے لیے تیار رہتے تھے۔ سماجی کاموں میں پہل کرتے ہوئے انہوں نے ہمیشہ انسانیت کو ترجیح دی۔ جس کی وجہ سے ان کی صحبت میں آنے والے ہر شخص کے ذہن میں احترام اور پیار پیدا ہو گیا۔ سماجی ہم آہنگی اور ہم آہنگی کو برقرار رکھنے میں ان کا تعاون خاص طور پر قابل ذکر تھا۔ انہوں نے ہمیشہ سماج کے مختلف طبقوں کے درمیان بھائی چارہ برقرار رکھنے کی کوشش کی، ان کے درمیان پیار و محبت کی فضا قائم کی۔ اپنی دوستانہ اور پرامن طبیعت کی وجہ سے ان کے تمام برادریوں کے شہریوں سے قریبی تعلقات تھے۔ چاہے سماجی کام کا کوئی موقع ہو یا کسی شخص کو مشکل وقت میں مدد ...

افسانہ: وفا -  از قلم: تحسینہ ماوینکٹی،  (مہمان لکچرر شعبۂ اردو گورنمنٹ کالج برائے خواتین چنتامنی چکبلاپور ضلع کرناٹک۔) رات کی تاریکی شہر پر اپنی چادر پھیلا چکی تھی۔ ہلکی ہلکی بارش نے گلیوں کو خاموش کر دیا تھا۔ سائرہ کھڑکی کے قریب بیٹھی آسمان سے گرتے قطروں کو دیکھ رہی تھی۔ اس کی نگاہیں بارش پر تھیں مگر ذہن برسوں پرانی یادوں میں بھٹک رہا تھا۔ کبھی یہی بارش اسے بے حد پسند تھی، کیونکہ احمد بارش میں بھیگتے ہوئے اس کے لیے گلاب کے پھول لے آیا کرتا تھا۔ وہ ہنستے ہوئے کہتا تھا: "وفا موسم نہیں، عادت ہوتی ہے۔" سائرہ ہر بار مسکرا دیتی، لیکن وقت نے ثابت کر دیا کہ بعض لوگ الفاظ سے محبت کرتے ہیں، کردار سے نہیں۔ احمد اعلیٰ تعلیم کے لیے بیرونِ ملک چلا گیا۔ شروع کے چند مہینے خطوط، فون کالیں اور وعدے آتے رہے۔ پھر مصروفیات بڑھتی گئیں، رابطے کم ہوتے گئے، اور آخرکار خاموشی نے ہر تعلق کو نگل لیا۔ ایک دن صرف ایک مختصر سا پیغام آیا: "مجھے معاف کر دینا، میری زندگی کی راہیں بدل چکی ہیں۔" وہ چند الفاظ سائرہ کی پوری زندگی پر بھاری پڑ گئے۔ گھر والوں نے اس کی شادی کی بہت کوشش کی، مگر...

بنگلور (راست) ادبی، دینی اور فکری تنظیم الاصلاح، بنگلور کے زیرِ اہتمام کتاب "افاضاتِ علامہ نیشاپوری" کی پُروقار رسمِ اجرا اور ایک شاندار مشاعرہ ہندوستانی اردو منچ کے آڈیٹوریم "ہم سینٹر" میں نہایت علمی، روحانی اور ادبی ماحول میں منعقد ہوا۔ تقریب کی صدارت حضرت مولانا عبدالغفور صاحب باقوی، بانی و مہتمم جامعہ فاروقیہ، کولار نے فرمائی۔ اپنے صدارتی خطاب میں انہوں نے حضرت مولانا سید شاہ عبدالجبار نیشاپوریؒ کی علمی، روحانی اور اخلاقی خدمات کو خراجِ عقیدت پیش کرتے ہوئے فرمایا کہ حضرت کی شخصیت بے شمار اوصاف کی حامل تھی، تاہم ان کی شفقت، محبت اور طلبہ نوازی نے ہزاروں تلامذہ کی زندگیوں کو متاثر کیا۔ انہوں نے کہا کہ حضرت جیسی باکمال شخصیت کی صحبت اور زیارت بھی ایک عظیم سعادت سے کم نہ تھی۔ اس موقع پر معروف محقق اور ادیب مولانا ڈاکٹر راہی فدائی نے نہایت فکر انگیز اور مدلل کلیدی خطبہ پیش کیا۔ انہوں نے علامہ نیشاپوریؒ کی حیاتِ مبارکہ کے مختلف علمی، فکری اور روحانی پہلوؤں پر روشنی ڈالتے ہوئے کہا کہ اگرچہ وہ اپنے عہد کے ممتاز عالم تھے، لیکن چونکہ ان کی تربیت اہلِ دل صلحاء ...

ایچ۔جے۔تھیم کالج جلگاؤں میں پروفیسر ڈاکٹر ساجد علی قادری (مدیر اعلیٰ "تزںٔین ادب "چیرمین بورڈ آف اسٹڈیز)کےساتھ پرنسپل ڈاکٹر وقار احمد سے ملاقات کے موقع پر لی گئی تصویر۔

جلگاؤں (ریحان کریمی) : مہاراشٹر پولیوشن کنٹرول بورڈ ممبئی کے سب ریجنل آفیسر شکیل سلیمان شیخ کی جلگاؤں آمد پر ان کا والہانہ استقبال مرحوم عبدالرحیم کریمی فاؤنڈیشن کی جانب سے گلدستہ وہ تحفہ دے کر کیا گیا۔ حال ہی میں شکیل شیخ کو فخر کا کر ایوارڈ تفویض کیا گیا تھا۔ اس موقع پر ان کے والد سلیمان کا کر، برادر بزرگ اسماعیل سلیمان، لقمان کا کر انتخاب عالم اور دیگر معززین موجود تھے۔ تنظیم کے صدر مشتاق کریمی نے کہا کہ اردو میڈیم سے تعلیم حاصل کرنے کے بعد بھی اونچے عہدوں پر پہنچا جا سکتا ہے، شکیل شیخ اس کی بہترین مثال ہیں ۔ ریحان کریمی اور زیان کریمی نے مہمانوں کا استقبال کیا ۔ شکیل شیخ نے کہا کہ انتہائی مصروفیات کے باوجود وہ اب بھی اردو پرچوں سے جڑے ہوئے ہیں۔

بیدر 6/ اگست (نامہ نگارمحمد عبدالصمد) ضلع بیدر کے تعلقہ بسواکلیان میں واقع بارگاہ عالیہ تاج الاولیاء حضرت سیدنا خواجہ تاج الدین بابا شیر سوار المعروف حضرت سیدنا راجہ باگ سوار قدس سرہ العزیز میں 21 صفر المظفر مطابق 5 اگست بروز چہارشنبہ بعد نمازِ مغرب ماہانہ جلسۂ فیضان حضرت سیدنا راجہ باگ سوارؒ نہایت روحانی عقیدت و احترام کے ساتھ منعقد ہوا، جس میں مریدین، عقیدت مندوں اور محبانِ اولیائے کرام نے بڑی تعداد میں شرکت کی۔ جلسہ کی کارروائی کا آغاز حضرت خواجہ شاہ محمد مصبح الحسن جاگیردار، جانشینِ بارگاہ حضرت ممدوح رحمۃ اللہ علیہ کی پُرسوز تلاوتِ کلامِ پاک سے ہوا۔ اس کے بعد ممتاز نعت خواہوں نے بارگاہِ رسالت مآب حضرت محمد مصطفیٰ ﷺ میں گلہائے عقیدت پیش کیے، جبکہ ذکرُ اللہِ جہری، درود و سلام اور دیگر روحانی اذکار سے محفل کو نورانیت سے منور کیا گیا۔ اس موقع پر مولانا خواجہ شاہ ضیاء الحسن جاگیردار مورثی، سجادہ نشین و متولی درگاہ حضرت ممدوح رحمۃ اللہ علیہ نے خطاب کرتے ہوئے فرمایا کہ اس ماہ کے درسِ قرآن میں سورۂ آلِ عمران کی فضیلت اور اس کے پیغام پر روشنی ڈالی گئی۔ آپ نے حدیثِ پاک کا حوالہ د...

وانمباڑی : (محمد رضوان اللہ تملناڈو) ملک کے 79ویں یومِ آزادی کی مناسبت سے متحدہ اردو تنظیم ٹرسٹ، تمل ناڈو کے زیرِ اہتمام 15 اگست 2026 (ہفتہ) کو اسلامیہ بوائز ہائیر سیکنڈری اسکول، وانمباڑی میں ایک عظیم الشان جلسہ و مشاعرہ منعقد کیا جا رہا ہے۔ اس پروگرام میں تعلیمی، سماجی، ادبی اور ملی شخصیات کے علاوہ ممتاز شعرائے کرام شرکت کریں گے۔ تقریب کا آغاز دوپہر 2:30 بجے جلسے سے ہوگا، جبکہ شام 7:00 بجے آل انڈیا مشاعرہ منعقد کیا جائے گا۔ جلسہ کی صدارت معروف سماجی و ملی رہنما جناب محمد روح اللہ صاحب فرمائیں گے، جبکہ خطبۂ افتتاحیہ جناب محمد حنیف کاتب صاحب پیش کریں گے۔ نظامت کے فرائض جناب اکبر زاہد صاحب اور جناب شاہد صاحب انجام دیں گے، جبکہ استقبالیہ کلمات ڈاکٹر امتیاز پاشاہ پیش کریں گے۔ اس موقع پر صدر وانمباڑی مسلم ایجوکیشنل سوسائٹی جناب پنیل محمد یوسف صاحب مہمانِ خصوصی کی حیثیت سے شرکت کریں گے۔ اس کے علاوہ متعدد ممتاز سماجی، تعلیمی اور ملی شخصیات بطور مہمانانِ اعزازی جلسے کی رونق بڑھائیں گی، جناب یس یس بی فاروق صاحب جناب عبدالباسط صاحب، جناب افتخار احمد صاحب، جناب جی سید سلطان صاحب، جن...

جلگاؤں (سعید پٹیل) اقرا ایجوکیشن سوسائٹی جلگاؤں کے زیر انتظام اقرا اردو ہائی اسکول تونڈا پور تعلقہ جامنیر میں موسم بہار کے پیش نظر شجر کاری بنام ایک پیڑ ماں کے نام عمل میں آیا۔ گاؤں کی خاتون اول محترمہ نصیبہ تڑوی صاحبہ ( سرپنچ گرام پنچایت تونڈا پور)کے ہمراہ سید لعل ، محمد عمران ( ممبر گرام پنچایت تونڈا پور) و عبدالقدیر شیخ ( سرپرست) کے ہاتھوں مختلف اقسام کے پودے لگائے گیے اس موقع پر صدر مدرس محمد ایوب شیخ ، ناصر خان صفدر خان ، عقیل احمد ، محمد خالد ، محترمہ شاہین اقبال کے ساتھ اسکول ہذا کے طلبہ بھی موجود تھے اسکول ہذا کی سرگرمی پر صدر سوسائٹی ڈاکٹر عبدالکریم سالار صاحب نے فرط مسرت کا اظہار کیا و مستقبل کے تئیں اپنی نیک خواہشات پیش کی۔ شجر کاری کے موقعہ پر معزز مہمانان کے ہاتھوں پودے لگاۓ گیۓ۔تمام ہی مہمانان نے اس شجرکاری کی سرہانہ کی و شجرکاری کی اہمیت پر روشنی ڈالی۔

علی پور (پریس ریلیز) بروز چہارشنبہ 5 اگست نوبل اسکول علی پور میں کرناٹک اردو اکادمی کے زیرِ اہتمام شاندار طریقے سے مرثیہ خوانی و بزمِ مسالمہ کا انعقاد عمل میں آیا، سید سمیت رضا قرآنِ مجید کی تلاوت سے پروگرام کا آغاز کیا،معروف شاعر شیخ حبیب بنگلوری نے نعتِ پاک کا نذرانہ پیش کیا الحاج سید نکیر رضا ڈائریکٹر نوبل اسکول نے خیر مقدمی کلمات کہے، ذاکر الحاج سید ناصح رضا ذاکر الحاج میر جرار حسین و ساتھی، ذاکر سید سمیت رضا و ساتھی ذاکر شادان عابدی ذاکر یوسف رضا ذاکر روح اللہ، شاعر نیر علی پوری، شاعر طہ حسین، مہمان مرثیہ خوانوں میں وسیم رضا و ساتھی پوتے نہلی، نائب رضا و ساتھی کریم پور، حیدر عباس و ساتھی ڈوڈبالاپور نے مرثیے پیش کئے، ڈاکٹر سید احمد عباس نے فنِ مرثیہ پر مقالہ پیش کیا جسے حاضرین نے بہت پسند فرمایا، معروف شعرائے کرام میں شیخ حبیب بنگلوری، تائید نعمتی علی پوری، اسلم بنارسی نے اپنا زرین کلام سنایا، مولانا سید محمد یوشع امامِ جمعہ مسجدِ جعفریہ اور مولانا سید اطہر حسین پرنسپل حوزہ علمیہ باقر العلوم الحاج میر شباہت حسین صدرِ انجمنِ جعفریہ نے اپنی تقریر میں اردو زبان کی چاشنی...

 آپ بیتی -   صندوق میں بند ماضی -  ازقلم : رہبر تماپوری۔ گھر کی صفائی کرتے ہوئے برسوں سے ایک کونے میں رکھا ہوا پرانا صندوق میری نظر میں آیا۔ اس پر وقت کی گرد جمی ہوئی تھی اور زنگ آلود تالا یوں محسوس ہوتا تھا جیسے برسوں سے کسی راز کی حفاظت کر رہا ہو۔ میں نے جیسے ہی اس کا ڈھکن کھولا، یوں لگا جیسے ماضی نے خاموشی سے میرا ہاتھ تھام لیا ہو۔ اس صندوق میں صرف چند پرانی چیزیں نہیں تھیں، بلکہ میری زندگی کی وہ انمول یادیں محفوظ تھیں جنہیں وقت بھی مٹا نہ سکا تھا۔ ہر چیز اپنے اندر ایک الگ داستان سموئے ہوئے تھی۔ سب سے پہلے اسکول کے زمانے کی چند تصویریں ہاتھ آئیں۔ ان تصویروں میں میرے وہ ہم جماعت مسکرا رہے تھے جو کبھی میری روزمرہ زندگی کا حصہ تھے۔ آج نہ جانے وہ سب کہاں ہوں گے اور کس حال میں ہوں گے، مگر ان کی یادیں آج بھی میرے دل میں تازہ ہیں۔ ان تصویروں کو دیکھ کر احساس ہوا کہ زندگی کسی کے انتظار میں نہیں ٹھہرتی۔ جس طرح کشتی مسلسل سفر کے بعد ہی ساحل تک پہنچتی ہے، اسی طرح انسان کو بھی اپنی منزل تک پہنچنے کے لیے ہر حال میں آگے بڑھتے رہنا پڑتا ہے۔ اسی صندوق میں ابا جان کے ہ...

 چنئی، 6 اگست : (محمد رضوان اللہ تملناڈو) تمل ناڈو اردو اکیڈمی میں ملک کے 80ویں یومِ آزادی کی تقریبات کو شایانِ شان انداز میں منانے کے سلسلے میں ایک اہم مشاورتی اجلاس منعقد ہوا۔ اس اجلاس کی صدارت تمل ناڈو اردو اکیڈمی کے چیئرمین جناب ڈاکٹر محمد نعیم الرحمٰن نے کی۔ اجلاس میں یومِ آزادی کی تقریبات کو باوقار، منظم اور عوامی شرکت کے ساتھ منعقد کرنے کے مختلف پہلوؤں پر تفصیلی تبادلۂ خیال کیا گیا۔ اس موقع پر فیصلہ کیا گیا کہ اردو زبان، ادب، قومی یکجہتی اور حب الوطنی کے فروغ کے لیے مختلف تعلیمی، ادبی اور ثقافتی پروگراموں کا انعقاد کیا جائے گا، جن میں طلبہ و طالبات اور عوام کی بھرپور شرکت کو یقینی بنایا جائے گا۔ اس موقع پر اردو اکیڈمی کے ڈاکٹر محمد نعیم الرحمٰن صاحب نے وی ایم یس مصطفی صاحب ی ایم ایل اے سے ملاقات کرکے انہیں 80ویں یومِ آزادی کی تقریبات کی تیاریوں کے سلسلے میں اپنی نیک خواہشات پیش کیں اور روایتی شال اوڑھا کر ان کی عزت افزائی کی۔ ملاقات نہایت خوشگوار ماحول میں ہوئی، جس میں مختلف انتظامی اور پروگراماتی امور پر بھی تبادلۂ خیال کیا گیا۔ ڈاکٹر محمد نعیم الرحمٰن نے کہا...

تو زمانے میں ہے بہت ہی پیارا ہمیں -  بقلم : محمد ناظم ملی تونڈا پوری،  (جامعہ اکل کواں) خدا کرے میری ارض ہند پر اترے  وہ فصل گل جسے اندیشہ زوال نہ ہو  ہندوستان کی تاریخ میں 15 اگست 1947 کا دن انتہائی خوشی مسرت اور شادمانی کا دن مانا جاتا ہے کیوں نہ ہو برسوں کی غلامی کے بعد خدا نے اپنے کرم سے اہل ہند کو گوری چمڑی کالے دل انگریزوں کے منحوس سائے سے نجات عنایت فرمائی چنانچہ حصول ازادی کے بعد اب مقصد حصول ازادی پر توجہ مبزول کرنے کرانے کی اہم ضرورت ہے اور 15 اگست کا یہ خوشیوں بھرا دن ہمیں یہ یاد دلاتا ہے  اے وطن تجھ سے عہد وفا کرتے ہیں  مال کیا چیز ہے ہم جان فدا کرتے ہیں  سرخ ہو جاتی ہے جب صحن چمن کی مٹی  اسی مقام میں تب پھول کھلا کرتے ہیں  تاریخ کی ورق گردانی سے ہمیں کئی باتوں کا علم ہوتا ہے اور کئی اصول حاصل ہوتے ہیں اس میں یہ بھی ایک خاص بات ہے اور ایک اہم اصول ہے کہ جب تک اپ کوئی بڑی قربانی نہیں دیتے اپ کو کوئی عظیم شئ اور کو ئ عظیم منزل حاصل نہیں ہوتی ہر دور میں عظیم قوموں کا اپنے مقاصد کے حصول میں اپنی جان و مال اور اپنی ہر دل عز...

جلگاؤں ( عقیل خان بیاولی) بھارت سرکار کے *"نشہ مکت بھارت ابھیان"* کے تحت مورخہ 5 اگست 2026 بروز جمعرات کو ضلع پریشد اردو اسکول مہساود اور مہساود مراٹھی سینٹرل اسکول میں نشہ مکت تنظیم کی جانب سے طلبہ کے لیے عوامی بیداری کا پروگرام منعقد کیا گیا۔ اس پروگرام میں طلبہ کو تمباکو، گٹکا، سگریٹ، شراب اور دیگر نشہ آور اشیاء کے استعمال سے ہونے والے جسمانی، ذہنی اور سماجی نقصانات کے بارے میں تفصیلی معلومات دی گئیں۔ طلبہ کو نشہ سے پاک زندگی کی اہمیت سمجھائی گئی اور صحت مند و مہذب طرزِ زندگی کا پیغام دیا گیا۔ پروگرام کے آغاز میں تمام طلبہ، اساتذہ اور حاضرین نے _رضاکار تیجل دیدی کے ساتھ *نشہ مکت بھارت* کا حلف لیا۔ انہوں نے عہد کیا کہ وہ خود کوئی نشہ نہیں کریں گے اور معاشرے میں نشہ سے پاکی کے حوالے سے بیداری پیدا کرنے کا عزم کیا۔ اس اقدام کی وجہ سے طلبہ میں نشہ سے پاک زندگی کے حوالے سے بیداری پیدا کی گئی۔ اس موقع پر مراٹھی سینٹر ل کے کوآرڈینیٹر راجپوت سر، اردو اور مراٹھی سینٹر اسکول مہساود کے ہیڈماسٹر، اساتذہ اور طلبہ موجود تھے۔ مقامی بزرگ استاد پاٹل گروجی کی رہنمائی میں یہ پرو...

ناندورہ، 31 جولائی (راحیل انجم): مولانا آزاد اسکول و مجیدیہ ہائی اسکول ناندورہ کے سینئر و مخلص استاد عبدالستار سر اپنی 40 سالہ طویل اور قابلِ قدر تدریسی خدمات انجام دینے کے بعد 31 جولائی بروز جمعہ سبکدوش ہوگئے۔ اس موقع پر ادارے کے جملہ اسٹاف کی جانب سے ان کے اعزاز میں ایک پُروقار اور جذباتی الوداعی تقریب کا انعقاد کیا گیا۔ تقریب کی صدارت ادارہ کے صدر ایڈووکیٹ عبدالرفیق سیٹھ صاحب نے کی، جبکہ عبدالستار سر کے دیرینہ ساتھی اور سابق استاد ذکراللہ سر اور سر کے دو سابق طلبہ ایڈووکیٹ متین طالب اور محمد عارفین راحیل بطور مہمانانِ خصوصی شریک ہوئے۔ تقریب کا آغاز نظام الدین سر کی پُرسوز و مسحور کن آواز میں تلاوتِ کلامِ پاک سے ہوا۔ بعد ازاں اعجاز سر نے عبدالستار سر کی ابتدائی تعلیم اور ان کے ساتھ اپنے دیرینہ تعلقات کا ذکر کرتے ہوئے جذباتی انداز میں اپنے خیالات پیش کیے۔ مولانا آزاد ہائی اسکول کے صدر مدرس کرامت سر نے عبدالستار سر کی طویل تدریسی خدمات کو مؤثر انداز میں سراہتے ہوئے مختلف اشعار کے ذریعے انہیں خراجِ تحسین پیش کیا۔ سینئر استاد ناصر سر نے عبدالستار سر کے ساتھ اپنے دیرینہ تعلقات...

رسمِ اجرا و مشاعرہ ۔  ادبی، دینی اور فکری تنظیم الاصلاح، بنگلور کے زیرِ اہتمام "افاضاتِ علامہ نیشاپوری" کی رسمِ اجرا و مشاعرہ کا ایک باوقار ادبی اجتماع جمعرات، 6 اگست 2026، شام 6:30 بجے منعقد ہوگا۔ یہ تقریب ہم سینٹر، نزد شفاء ہسپتال، بنگلور میں منعقد کی جائے گی، اس موقع پر حضرت مولانا عبدالغفور صاحب باقوی کتاب "افاضاتِ علامہ نیشاپوری" کی رسمِ اجرا انجام دیں گے، جبکہ مولانا مولانا ڈاکٹر راہی فدائی صاحب باقوی کلیدی خطاب پیش کریں گے۔ تقریب میں مولانا مفتی احمد ثمال صاحب رشادی ,مولانا مفتی سید سعید صاحب باقوی,مولانا قاری امتیاز احمد صاحب رشادی اپنے علمی تاثرات پیش کریں گے۔ اس ادبی نشست کا دوسرا اہم حصہ مشاعرہ ہوگا، جس میں ممتاز شعرائے کرام اپنا کلام پیش کریں گے۔ مشاعرے میں شریک ہونے والے شعراء میں منیر احمد جانی، ماہر منصور، اسلم بنارسی، ندیم فاروقی، شیخ حبیب، ڈاکٹر منظور نعمان، غفران اجنبی، ڈاکٹر ارشد صادق، جمیل احمد ملنسارؔ اور سردار وہاب دانش شامل ہیں۔ اہلِ علم، ادباء، شعراء، طلبہ، اساتذہ اور ادب دوست حضرات سے اس یادگار علمی و ادبی تقریب میں شرکت کی اپیل ...