Sadae Maharashtra E Urdu News Solapur صدائے مہاراشٹر ای اُردو خبر نامہ شولاپور

معروف ادیب ستار فیضی کی تخلیق " مہک" بچوں کے ادب میں ایک خوشبو دار باغ  "مہک" - (مصنف: ستار فیضی) پر  تبصرہ...  مبصر : سی. عبدالعزیز تسلیم۔                اسٹیٹ کنوینر  آندھراپردیش اردو ٹیچرس اسوسیشن (اپوٹا)  ڈسٹرکٹ کنوینر، کارواں اردو،  نندیال ڈسٹرکٹ..  ______________________ کتاب "مہک" کا سرورق  ماشاء اللہ سرورق خود کتاب کے نام اور مزاج کی مکمل ترجمانی کررہاہے. سرورق کا اصل حسن بیچ میں کھڑا وہ درخت ہے جس کی ہر شاخ پر مختلف رنگ کے پھول ہیں اور ان پھولوں سے خوشبو کی لہریں اٹھ کر اسمان کی طرف جارہی ہیں. یہ منظر بالکل یہ پیعام دیتا ہے کہ یہ کتاب ایک ایسا درخت ہے جس کے ہر مضمون سے علم اور اخلاق و معلومات کی مہک پھوٹتی ہیں.  اور نیچے بائیں جانب مصنف " ستار فیضی" کا نام سفید خط میں درج ہے. سادگی کے ساتھ وقار بھی ہے. المختصر سرورق شور نہیں مچاتا مہکتا ہے. بچے کے لےء یہ پہلی دعوت ہے. درخت، پھول، خوشبو، کھلا آسمان یہ سب مل کر کہتے ہیں کہ اندر علم اور معلومات کا باغ ہے، تربیت کی خوشبو ہے. ایک لفظ میں...

چنئی: (محمد رضوان اللہ) تمل ناڈو اسٹیٹ اردو اکیڈمی کے زیرِ اہتمام 80ویں یومِ آزادی کی شاندار تقریب 15 اگست کو منعقد کی جائے گی۔ اس سلسلے میں اکیڈمی کے نائب چیئرمین ڈاکٹر محمد نعیم الرحمٰن نے اپنے عزیز دوستوں اور متعلقین کو دعوت دیتے ہوئے کہا ہے کہ یومِ آزادی کی اس اہم تقریب کے دعوت نامے کو ذاتی دعوت سمجھتے ہوئے تمام احباب اپنی شرکت سے تقریب کی کامیابی کو یقینی بنائیں۔ انہوں نے بتایا کہ تقریب کا آغاز دوپہر 2:45 بجے مقررہ وقت پر ہوگا۔ تمام مدعو حضرات سے گزارش کی گئی ہے کہ وہ 2:30 بجے تک اپنی نشستوں پر تشریف فرما ہو جائیں اور پروگرام کے تمام امور میں بھرپور تعاون کریں۔ ڈاکٹر محمد نعیم الرحمٰن نے تمام احباب سے اپیل کی کہ وہ اپنی معزز شرکت کے ذریعے اس قومی تقریب کو کامیاب بنائیں۔ ڈاکٹر محمد نعیم الرحمٰن نائب چیئرمین تمل ناڈو اسٹیٹ اردو اکیڈمی

تمل ناڈو سے محمد رضوان اللہ کی رپورٹ :   پدم شری ڈاکٹر ایس آر رنگناتھن کی134ویں یوم پیدائش کی مناسبت سے مدراس یونی ورسٹی مرینا کبت خانہ کے زیر اہتمام لائبریرین ڈے تزک و احتشام کے ساتھ منایا گیا۔ قومی لائبریرین ڈے ہر سال 12 اگست کو یاد میں منایا جاتا ہے، ڈاکٹر ایس آر رنگناتھن کو 'فادر آف لائبریری اینڈ انفارمیشن سائنس' سے تعبیر کیاجاتا ہے۔ اجلاس میںشعبہ سنسکرت کے صدر اور تمل ناڈو ٹیچرس ایجوکیشن یونی ورسٹی کے سنڈکیٹ ممبرڈاکٹر سی مروگن، عربی کے پروفیسر ڈاکٹر ذاکر حسین ،شعبہ تمل کی صدر ڈاکٹر نرملر سیلوی اور جناب حبیب الرحمن، بلاک ایجوکیشن آفیسر نے بحیثیت مہمانشریک ہو کر طلبا سے خطاب کیا ۔ مہمانوں نے طلبائ سے اپیل کی کہ وہ اپنی تعلیمی ترقی کے لئے کتب خانوں کا بھرپور فائدہ اٹھائیں۔شعبہ اردو کے پروفیسر اور کتب خانہ کے ذمہ دار ڈاکٹر امان اللہ ایم بی اپنے خطاب میں کہا کہ ''تب خانے عوام کو جوڑنے، علم کے تحفظ اور مستقبل کو بااختیار بنانے کا کام انجام دیتے ہیں۔ کتب خانے ہی محققین ، طلبائ اور علم سے جڑے افراد کو مستند اور قابلِ اعتماد معلومات سے روشناس کراتے ہیں۔ یہی ہم...

میل وشارم : (محمد رضوان اللہ) یومِ آزادی کے موقع پر طلبہ میں حب الوطنی کے جذبے کو فروغ دینے اور ان کی تخلیقی صلاحیتوں کو اجاگر کرنے کے مقصد سے منعقد کیے گئے متحدہ اردو تنظیم ٹرسٹ تمل ناڈو یومِ آزادی ڈرائنگ مقابلہ 2026 کے نتائج کا اعلان کر دیا گیا ہے۔ اس مقابلے میں میل وشارم کے مختلف اسکولوں سے تقریباً 350 طلبہ و طالبات نے جوش و خروش کے ساتھ حصہ لیا۔ مقابلے کے نتائج متعلقہ اسکولوں میں شائع کر دیے گئے ہیں، جبکہ کامیاب طلبہ کو انعامات اور اسناد سے نوازنے کے لیے خصوصی تقریب کا اہتمام کیا گیا ہے۔ تقسیمِ انعامات کی تقریب 15 اگست 2026 کو یومِ آزادی کے موقع پر اسلامیہ بوائز ہائر سیکنڈری اسکول، وانیامباڑی میں منعقد ہوگی۔ اس موقع پر مقابلے میں کامیاب ہونے والے تمام طلبہ کے ساتھ ساتھ شریک ہونے والے طلبہ کو بھی مدعو کیا گیا ہے۔ تقریب میں جناب ظہیر احمد صاحب، پرنسپل C.A.H.C، جناب ابو طاہر خان صاحب، ہینڈ ماسٹر I.B.H.S.S، جناب اعجاز احمد صاحب، پرنسپل K.H.B.H.S.S سمیت دیگر معززین، اساتذہ، طلبہ اور والدین کی شرکت متوقع ہے۔ منتظمین نے کہا کہ اس طرح کے تعلیمی و تخلیقی مقابلوں کے ذریعے طلبہ کی...

تملناڈو سے محمد رضوان اللہ کی رپورٹ : رانیپٹ ضلع کلکٹر ن. پریا روی چندرن نے میل وشارم سی. عبدالحکیم کالج آف انجینئرنگ اینڈ ٹیکنالوجی میں قائم MIIC (Innovation Council) کا دورہ کرتے ہوئے اسٹارٹ اَپ اداروں اور نوجوان صنعت کاروں سے خصوصی ملاقات اور تبادلۂ خیال کیا۔ میل وشارم میں واقع سی. عبدالحکیم کالج آف انجینئرنگ اینڈ ٹیکنالوجی کی ترقی کے سلسلے میں منعقدہ اس پروگرام میں ضلع کلکٹر محترمہ ن. پریا روی چندرن نے شرکت کی اور کالج کے MIIC (Innovation Council) کے تحت سرگرم اسٹارٹ اَپ اداروں اور نوجوان صنعت کاروں سے ان کے کاروباری منصوبوں، اختراعی سرگرمیوں اور مستقبل کے امکانات کے بارے میں معلومات حاصل کیں۔ اس موقع پر کالج کے صدر جناب ڈاکٹر ایس. ضیاء الدین احمد صاحب، کالج کے سکریٹری جناب وی. محمد رضوان اللہ صاحب، ضلعی صنعتی مرکز کے جنرل منیجر جگن راج، EDII-TN کے ضلعی پروجیکٹ مینیجر جگت، StartupTN کے متعلقہ عہدیداران، MIIC کے نمائندگان، اسٹارٹ اَپ اداروں کے ذمہ داران، طلبہ اور نوجوان صنعت کار بڑی تعداد میں موجود تھے۔ ضلع کلکٹر نے نوجوانوں کو نئی سوچ، اختراع اور صنعت کاری کے میدان میں...

(عقیل خان بیاولی) : پویتر پورٹل کے ذریعہ جاری اساتذہ کی بھرتی کے عمل میں اردو ذریعہ تعلیم کی خالی اسامیوں کو پر کرنے امیدواروں کو پورٹلپر پر مکمل طور پر شامل نہ کرنے اور اردو والوں کےحقوق کی تلفی جیسے اہم مسائل پر اکھل بھارتیہ اردو شکشک سنگھ کے وفد نے، تنظیم کے بانی ساجد نثار احمد کی قیادت میں، پا چورا اسمبلی حلقہ کے رکن اسمبلی کشور اپا پاٹل سے ملاقات کی۔ اس موقع پر تنظیم کے کارکنان عاقب شیخ اور مجاہد خان‌ نے ان سے تفصیلی بات چیت کی 30000 اساتذہ کی اِس بھرتی میں اُردو کے صرف 976 اساتذہ کو شاملِ کیا گیا ہے اسی لیے اس اہم میٹنگ میں اردو ذریعہ تعلیم کی خالی اسامیوں کے مسئلے پر خصوصی توجہ کے ساتھ ترجیح دۓ جانے کا مطالبہ کیاگیا ۔ تمام ضلع پریشدوں، مہانگر پالیکاؤں اور نگر پالیکا اداروں میں اردو میڈیم کی جن خالی جگہوں کی معلومات ابھی تک پوتر پورٹل پر اپ لوڈ نہیں کی گئی ہیں، اس پر گفتگو کی گئی۔ متعلقہ اداروں اور وزیر تعلیم دادا بھوسے سے براہِ راست رابطہ قائم کرکے خالی اسامیوں کی معلومات کے حوالے سے بات چیت کی گئی اور مناسب کارروائی کرنے کا مطالبہ ایک میمورنڈم کے ذریعہ کیا گیا۔ می...

- پرچم -   تحریر: صبا شاداب، ممبئی۔   آج احمد کی اسکول میں یوم آزادی کی تقریب تھی۔ احمد نے جلدی سے اپنی سفید قمیص پہنی اور اس پر چھوٹے سے ترنگے کا بیچ لگا لیا۔ اپنی الماری سے ایک پرانا سا پرچم نکال لایا۔ یہ وہی پرچم تھا جسے اس نے بڑے چاؤ سے تین سال پہلے خریدا تھا اور ہر سال یوم آزادی اور یوم جمہوریہ کے موقع پر اس ننھے پرچم کو بڑے احترام سے اپنی اسکول لے جایا کرتا۔ اپنے ساتھیوں کو بھی تاکید کرتا کہ پرچم کا احترام کیا کریں۔  ہوا یوں کہ کچھ سال قبل جب احمد ١٦, اگست کو اسکول کے لیے روانہ ہو رہا تھا، تب سڑک اور فٹ پاتھ پر جا بجا قومی پرچم خستہ حال میں پڑے ہوئے تھے۔ احمد کو بہت دکھ ہوا۔ اس دن کے بعد سے اس نے عہد کیا کہ وہ اپنے پرچم کو سنبھال کر رکھے گا اور ہر سال اسی کو لے کر اسکول جایا کرے گا۔  اب وہ اسکول کے بڑے سے ہال میں داخل ہو گیا تھا ۔جہاں جگہ جگہ ترنگے سے سجاوٹ کی گئی تھی اور یوم آزادی کا جشن منانے کے لیے ہر کوئی پرجوش تھا۔  احمد نے اپنے بستے سے اپنا پرچم نکالا اور اسے اپنے سینے سے لگا کر کہا، " آج تمہارا دن ہے۔ تم بہت خوش ہوں گے ناں!" اچانک "نہ...

جلگاؤں (سعید پٹیل) ضلع پریشد سنٹرل اردو پرائمری اسکول، سویگاؤں کے طلباء نے اسکالرشپ امتحان میں کوالیفائی کرکے اپنے اسکول کی کامیابی کی روایت کو برقرار رکھا ہے۔ طلباء کی اس شاندار کامیابی نے اسکول کے تعلیمی معیار کی شان کو مزید بڑھا دیا ہے۔اس نمائندے کو موصول ضلع دیہی علاقہ میریٹ فہرست کے مطابق   اسکالرشپ کی اہلیت فہرست میں ہونہار و کامیاب طلباء  میں اول مقام خان عشرہ آصف ، دوم مقام سقلگر مہین سید شفیق ، سوم دیشمکھ عبدالرحمن عبداللہ اور   چہاروم مقام پٹھان ذکرہ انیس نے حاصل کیا۔ ان چاروں طلباء نے اپنی محنت ، لگاتار مطالعہ اور عزم کے ساتھ اسکالرشپ امتحان میں اہلیت کی فہرست میں مقام حاصل کر کے اسکول، والدین اور سویگاؤں کا سر فخر سے بلند کیا ہے۔ تمام طلباء اور ان کے والدین کو ان کی کامیابی پر دل کی گہرائیوں سے مبارکبادی پیش کی جارہی ہے۔ ان طلباء کی تعلیمی کامیابی میں اسکول کے اساتذہ کا گراں قدر تعاون حاصل رہا۔ اسکول کے صدر مدرس شیخ وقار سر کو خصوصی مبارکبادی پیش کی گئ ، جو طلبہ کی ہمہ جہت اور تعلیمی ترقی کے لیے مسلسل کوشاں ہیں۔ ان کی صحیح منصو...

افسانہ: چرچا -   تحریر: تحسینہ ماوینکٹی -   مہمان لیکچرر، شعبۂ اردو، گورنمنٹ کالج برائے خواتین، چنتامنی، ضلع چکبلاپور (کرناٹک)  شہر کی ہر گلی، ہر نکڑ اور ہر محفل میں آج کل ایک ہی موضوعِ گفتگو تھا۔ کوئی حقیقت جانتا تھا، کوئی افواہوں کو سچ بنا کر پیش کر رہا تھا، اور کوئی اپنی طرف سے نئی نئی کہانیاں گھڑ کر دوسروں کو سنا رہا تھا۔ عجیب بات یہ تھی کہ جس شخصیت کا چرچا ہو رہا تھا، وہ خود خاموش تھی۔ عائشہ ایک عام سی لڑکی تھی۔ نہ وہ دولت مند تھی، نہ کسی بڑے خاندان سے تعلق رکھتی تھی۔ اس کی پہچان صرف اس کا کردار، اس کی محنت اور اس کی خودداری تھی۔ وہ ایک سرکاری کالج میں تدریسی فرائض انجام دیتی تھی اور شام کو ضرورت مند بچیوں کو مفت تعلیم دیتی تھی۔ اس نے کبھی شہرت حاصل کرنے کی کوشش نہیں کی، مگر شاید اچھے کردار کی خوشبو کو چھپایا نہیں جا سکتا۔  شروع میں لوگ اس کی تعریف کرتے تھے، پھر وہی تعریف حسد میں بدل گئی۔ بات صرف زبانی افواہوں تک محدود نہ رہی، بلکہ ایک دن حد ہی ہو گئی۔ کالج کے نوٹس بورڈ اور سوشل میڈیا کے چند مقامی گروپس میں ایک گمنام خط گردش کرنے لگا، جس می...

دردمند دل کے حامل شاعر سلیم چشتی بیدرد کا شعری مجموعہ ضرب بیدرد -  ہمہ جہت احساسات کا ایک مرقع از قلم :محمد ضیاء الدین (ایڈیٹر ریجنل نیوز درگاہ روڈ پربھنی) 9822651193 اپنے خیالات کی ترسیل کی خواہش کا انسان زمانۂ قدیم سے ہی اسیر رہا ہے جس کے نمونے ادب لطیف کے تقریباً ہر شعبے میں دیکھے جاسکتے ہیں۔ ادب کی مختلف اصناف بھی اسی انسانی خواہش کی مظہر ہیں چاہے وہ نثر ہو یا شاعری۔ اس کی تخلیق کے پس پشت یہی جذبہ کارفرما رہا ہے اور ہر تخلیق کا خالق اس بات سے بے نیاز ہوتا ہے کہ اس کی تخلیق کا معیار کیا ہے۔ اس کی خواہش اپنی تخلیق کے ذریعہ اپنے احساسات، اپنے جذبات اور اپنے تخیلات کو اوروں تک پہنچانا ہوتا ہے۔ اس عمل میں کچھ لوگ اپنے علم و فضل اور اپنی خداداد صلاحیتوں کے سبب اپنے فن کو بہتر سے بہتر طریقے سے پیش کرکے نہ صرف اپنی فنی صلاحیتوں بلکہ اپنی شخصیت کو بھی منوا لیتے ہیں۔ کچھ لوگوں کے حصے میں یہ چیز کم آتی ہے تاہم تخلیق کار اپنے اس عمل کو جاری و ساری رکھتا ہے اور اپنی پسند کے طریقے کو استعمال کرتا ہے۔ تاہم یہ ضرور ہے کہ اپنے خیالات کی ترسیل کے لیے شاعری کو وسیلہ بنانے والوں کی ت...

  یومِ کتب خانہ کے موقع پر 250 طالبات کا اردو گھر  اور کتب خانہ کا مطالعاتی دورہ۔ شولاپور (محمد عرفان ڈوکا) :   ڈاکٹر،   ڈی۔ آر۔ رنگناتھن کی یومِ پیدائش 12 /اگست کو بھارت میں یومِ کتب خانہ کے طور پر منایا جاتا ہے۔ اسی مناسبت سے بیگم قمر النساء کاریگر گرلز ہائی اسکول و جونیئر کالج، شولاپور کی تقریباً ڈھائی سو طالبات نے شولاپور شہر میں واقع اردو گھر کا مطالعاتی و تعلیمی دورہ کیا۔ اس موقع پر طالبات نے اردو گھر میں موجود کتب خانے اور مختلف مطالعاتی و تعلیمی سہولتوں کا مشاہدہ کیا۔ انہوں نے بچوں کے مطالعے کے لیے مختص گوشے، خواتین کے مطالعہ کی جگہ، مقابلہ جاتی امتحانات کی تیاری کے لیے فراہم کردہ سہولتوں کے علاوہ تہذیبی و ثقافتی سرگرمیوں کے لیے قائم جلسہ گاہ اور آڈیٹوریم کا بھی دورہ کیا۔ اردو گھر کے اراکین نے طالبات کو کتب خانے کی اہمیت، کتابوں کے مطالعے اور دستیاب سہولتوں کے بارے میں تفصیلی معلومات فراہم کرتے ہوئے رہنمائی کی۔ اردو گھر شولاپور کے آڈیٹوریم میں اردو گھر اور بیگم قمر النساء کاریگر گرلز ہائی اسکول و جونیئر کا...

 حیدرآباد 12 اگست( راست) پروفیسر محمد مصطفی علی سروری عہدیدار تعلقات عامہ و ممبر ایگزیکٹو کونسل اور رکن اکیڈمک کونسل مولانا آزاد نیشنل اردو یونیورسٹی گچی باولی حیدراباد نے کہا کہ مولانا آزاد اردو یونیورسٹی اردو والوں کے لیے ایک بہت بڑی نعمت ہے جہاں انتہائی کم فیس کے ساتھ طلبہ و طالبات مختلف کورسیس میں اعلی تعلیم حاصل کر سکتے ہیں معاشی طور پر پسماندہ اور غریب طلبہ و طالبات کے لیے یو نیور سٹی کی تعلیم ایک نعمت سے کم نہیں ان خیالات کا اظہار انہوں نے گورنمنٹ ڈگری کالج فار ویمن حسینی علم حیدرآباد میں مولانا آزاد اردو یونیورسٹی کے فاصلاتی طرز تعلیم کے کورسیس کے بارے میں طالبات کو واقف کرواتے ہوئے کیا پروفیسر مصطفی علی سروری نے سلسلہ خطاب جاری رکھتے ہوئے کہا کہ یونیورسٹی کے فارغین اج دنیا بھر میں انتہائی اہم عہدوں پر فائز ہیں انہوں نے ملک کے مختلف ریاستوں سے تعلق رکھنے والے معاشی طور پر کمزور طلبہ و طالبات کی مولانا آزاد اردو یونیورسٹی سے حاصل کی گئی تعلیم اور اس کے بعد انہیں بہترین روزگار کے مواقع پر تفصیلی روشنی ڈالی انہوں نے بتایا کہ موجودہ زمانے کے لحاظ سے لڑکے اور لڑکیو...

 افسانہ -  دھوکا -  از قلم: رہبر تماپوری۔ مہمان معلم، جامعہ اسلامیہ احیاء العلوم جامعہ نگر، تماپور، تعلقہ شوراپور، ضلع یادگیر، ریاستِ کرناٹک رابطہ:   8431012141 عبدالکریم کی زندگی کے آخری دن تھے۔ کبھی عید آتی تو گھر میں رشتہ داروں کا تانتا بندھ جاتا، خوشی ہوتی تو صحن آباد رہتا اور غم آتا تو لوگ تسلی دینے پہنچ جاتے۔ مگر اب وہ بستر سے لگے ہوئے تھے۔ دروازہ وہی تھا، گھر وہی تھا، لیکن دستکیں دھیرے دھیرے کم ہو گئی تھیں۔ ایک شام زینب بیگم نے دوا کا پیالہ آگے بڑھاتے ہوئے پوچھا، ’’کس کا انتظار ہے؟‘‘ عبدالکریم نے دروازے کی طرف دیکھا، ’’کسی کا بھی نہیں۔ بس سوچتا ہوں، جب آدمی کے پاس دینے کو کچھ نہ رہے تو کتنے لوگ اسے یاد رکھتے ہیں۔‘‘ زینب بیگم نے دلاسہ دیا، ’’آپ کے بچے تو ہیں نا!‘‘ عبدالکریم مسکرائے، ’’ہاں، خون کے رشتے قریب لا سکتے ہیں، مگر انہیں قائم انصاف ہی رکھتا ہے۔ یاد رکھنا، گھر کو دولت نہیں، انصاف جوڑ کر رکھتا ہے۔‘‘ فیضان ان کے پاؤں دبا رہا تھا۔ بڑی بیٹی کہکشاں اور دونوں چھوٹی بہنیں بھی پاس بیٹھی تھیں۔ عبدالکریم نے سب کو دیکھا اور کہا، ’’میرے بعد اپنی ماں...

بورنار ( نامہ نگار): اقرا ایجوکیشن سوسائٹی، جلگاؤں کے زیرِ انتظام عبدالمجید سالار اقرا اردو ہائی اسکول، بورنار میں اسکول کے سابق ہیڈ *ماسٹر شاہ سلیم عبداللہ* کی سبکدوشی کے موقع پر ایک پروقار اور جذباتی تقریب کا انعقاد کیا گیا۔ تقریب کی صدارت اقرا تعلیمی سوسائٹی کے صدر *ڈاکٹر عبد الکریم سالار* نے کی۔ تقریب کا آغاز اسکول کے ہیڈ ماسٹر عارف خان کے تمہیدی کلمات سے ہوا۔ اس موقع پر اعجاز ملک اور ڈاکٹر ہارون بشیر نے شاہ سلیم عبداللہ کی طویل تعلیمی خدمات اور سماجی خدمات پر روشنی ڈالتے ہوئے ان کے گراں قدر کردار کو خراجِ تحسین پیش کیا۔ ممبئی سے خصوصی طور پر تشریف لائے ڈاکٹر شوکت شاہ نے بھی شاہ سلیم سر کی خدمات کا ذکر کرتے ہوئے ان کی مخلصانہ اور خدمت گزار شخصیت کو سراہا۔ اسکول کے معاون مدرس شیخ روشن نے بھی شاہ سلیم سر کی کارکردگی اور تعلیمی خدمات کے حوالے سے اپنے تاثرات پیش کیے۔ اس موقع پر سبکدوش ہونے والے استاد شاہ سلیم عبداللہ نے اپنے تاثرات میں دورانِ ملازمت پیش آنے والے مختلف تجربات اور یادوں کا ذکر کیا۔ انہوں نے ادارے کے ذمہ داران، ساتھی اساتذہ، غیر تدریسی عملے اور طلبہ کا شکریہ ا...

اورنگ آباد 11/ اگست 2026( بذریعہ لیاقت علی خان یاسر جالنوی ضلع نامۂ نگار جالنہ) وحدت اسلامی ہند ملک گیر سطح پر 16/ اگست تا 26 / اگست 2026 کے دوران”پیغام رحمت عالم ﷺمہم“ولا تقتلوا انفسکم۔”انسان کو اپنے ہاتھوں مرنے نہ دو“ موضوع کے تحت منا رہی ہے جس میں اس کے ذیلی موضوعات میں خودکشی، دختر کشی، نشہ آوری اور فضائی آلودگی ہے۔ آج قومی اور بین الاقوامی سطح پر پوری انسانیت ان مسائل سے نبرد آزما ہے بالخصوص ہمارا ملک بھارت ان سماجی اور معاشرتی بیماریوں کے سبب کمزور ہوتا جا رہا ہے اور ان تمام مسائل کا حل اللّہ کے رسول محمد مصطفیٰ ﷺ کی تعلیمات اور آپ ﷺ کے اسوۂ حسنہ پر عمل درآمد ہی ہے اور زندگی کے تمام شعبوں اخلاق، عبادات، معاملات یا خاندانی و سماجی زندگی میں کامیابی حاصل کرنے کے لیے نبی کریم ﷺ کی سنت اور آپ ﷺ کا طریقہ ہی ہمارے لیے سب سے بہترین اور کامل رول ماڈل ہے لیکن آج خود کشی Suicide دنیا کے سنگین ترین عوامی صحت اور سماجی بحرانوں میں سے ایک ہے، عالمی ادارہ صحت WHO کے مطابق ہر سال سات لاکھ سے زائد افراد خودکشی کا شکار ہیں جبکہ خود کشی کی کوشش کرنے والوں کی تعداد اس سے کئی گنا ز...

شولاپور : (راست) اسٹوڈنٹس اسلامک آرگنائزیشن اور گرلز شولاپور کی جانب سے منعقدہ آبجیکٹیو امتحان میں ایم اے پانگل اینگلو اُردُو ہائی اسکول شولاپور کے طلباء و طالبات نے بہترین کارکردگی کا مظاہرہ کرتے ہوئے مختلف اِنعامات حاصل کیے۔     ایس آئی اؤ اور جی آی او کے اس آبجیکٹيو ٹیسٹ میں بہترین کارکردگی کا مظاہرہ کرنے والے طلباء و طالبات کو انعام کی شکل میں گولڈ میڈل، سرٹیفکیٹ، رائٹنگ پیڈ، نیم اسٹیکر، پاؤچ، پین/پنسل، اسکیل اور دعا اسٹیکر جیسی حوصلہ افزا اشیاء دے کر اعزاز سے نوازا گیا۔ 🏆 مدرسہ ہذا کی جانب سے شاندار کارکردگی کا مظاہرہ کرنے والے طلباء و طالبات 1. سمیہ شاہید مجاور - چھٹی جماعت ۔  اول انعام🥇: گولڈ میڈل، سرٹیفکیٹ، رائٹنگ پیڈ، نیم اسٹیکر، پاؤچ، پین/پنسل، اسکیل اور دعا اسٹیکر۔ 2. تجبیہ الطاف باغبان - چھٹی جماعت۔ اول انعام 🥇: گولڈ میڈل، سرٹیفکیٹ، رائٹنگ پیڈ، نیم اسٹیکر، پاؤچ، پین/پنسل، اسکیل اور دعا اسٹیکر۔ 3. رِدا سمیر ہنڈیکری 🥇رینک: اول۔ چھٹی جماعت  انعام: گولڈ میڈل، سرٹیفکیٹ، رائٹنگ پیڈ، نیم اسٹیکر، پاؤچ، پین/پنسل، اسکیل اور دعا اسٹیکر۔ 4. عليشہ رش...

سولاپور(اِقبال باغبان) : پونیاشلوک اہلیا دیوی ہولکر سولاپور یونیورسٹی کے وائس چانسلر – پروفیسر ڈاکٹر پرکاش مہانوارکو این سی سی ڈائریکٹوریٹ، مہاراشٹر نے 'اعزازی کرنل (اعزازی کرنل اور کرنل کمانڈنٹ) کا باوقار درجہ دیا ہے۔ اس خصوصی اعزاز کے لیے انہیں سولاپور سوشل ایسوسی ایشن آرٹس اینڈ کامرس کالج کی جانب سے اعزاز سے نوازا گیا۔ اس موقع پر کالج کے پرنسپل ڈاکٹر اِقبال تمبولی، سینیٹ کے ممبر پروفیسر ڈاکٹر زین الدین ملا اور میجر پروفیسر ڈاکٹرغوث احمد شیخ ،فیکلٹی ممبران اور کالج کا عملہ موجود تھا۔ تقریب کے دوران، وائس چانسلر ڈاکٹر پرکاش مہانوار کی تعلیمی، سماجی اور انتظامی شعبوں میں نمایاں خدمات کا اعتراف اور جشن منایا گیا۔ پرنسپل ڈاکٹر اِقبال تمبولی، سینیٹ کے رکن پروفیسر ڈاکٹر زین الدین ملا اور میجر پروفیسر ڈاکٹر غوث احمد شیخ نے خیال ظاہر کیا کہ این سی سی کی جانب سے یہ اعلیٰ ترین اعزازی رینک یونیورسٹی اور مجموعی طور پر سولاپور کے علمی وقار کو نمایاں طور پر بڑھاتا ہے۔ وائس چانسلر ڈاکٹر پرکاش مہانوار نے اس اعزاز کے لیے سولاپور سوشل ایسوسی ایشن آرٹس اینڈ کامرس کالج کا شکریہ ادا کی...

حیدرآباد۔(راست) حب الوطنی پر لکھے گئے نغمے اخوت، رواداری اور محبت کا درس دیتے ہیں۔ ہمارے فلمی نغمہ نگاروں نے اس موضوع پر نغمے لکھ کر شہرت کی بلندیوں کو چھولیا ہے اور جب تک ہندوستانی فلمی صنعت باقی رہے گی یہ سلسلہ چلتا رہے گا۔ علامہ اقبالؒ کا لکھا گیا ترانہ ”سارے جہاں سے اچھا“ حب الوطنی پر لکھا گیا سب سے بہترین ترانہ ہے اور یہ ہمارے قومی ترانہ کی حیثیت رکھتا ہے ہے۔ ان خیالات کا اظہار اصناف سخن گوئی کی محفل میں شریک صدر جلسہ اور مہمانان خصوصی نے کیاجو انجمن ریختہ گویان حیدرآباد اور روزنامہ منصف کے اشتراک سے خان لطیف خان اسٹیٹ کے مرکزی ہال میں منعقد کی گئی۔ جناب صوفی سلطان شطاری نے تقریب کی صدارت کی اور ڈاکٹر نکہت آراء شاہین، ڈاکٹر لیئقہ پروین، محترمہ شبینہ فرشوری، جناب کے این واصف، جناب ظہور الدین، جناب سیف الدین نے بحیثیت مہمانان خصوصی شرکت کی۔ ابتداء میں ڈاکٹر جاوید کمال کنوینر محفل نے مہمانوں کا استقبال کیا اور شاعری کی مختلف اصناف سخن کے بارے میں تفصیلی روشنی ڈالی اور محفل کے کامیاب انعقاد میں روزنامہ منصف اور خاص طور پر جناب محمد عبدالجلیل ایڈیٹر اِن چیف کے بھرپور تعاون ...

عالمی اردو محور” ریاض کے زیرِ اہتمام شعرى نشست کا انعقاد۔  ریاض - (پریس نوٹ)  معیاری ادب کی ترجمان تنظیم “عالمی اردو مِحور” ریاض' (عام) کے زیر اہتمام تنظیم کے رکن عبدالاول، اول سنگرامپوری کی میزبانی میں بروز جمعہ ایک پروقار محفلِ شعر کا انعقاد ہوا۔ جس کی صدارت معروف شاعر ظفر محمود ظفر نے کی۔ مہمانِ خصوصی کی مسند پر معروف شخصیت جامعہ ملیہ اسلامیہ المنائی ایسوسی ایشن کے سابق صدر اور عام کے سرپرست کمیٹی کے رکن انجینئر سيد غفران احمد براجمان رہے جب کہ مہمان اعزازی کی حیثیت سے شہر ممبرا سے تشریف لائے معروف شاعر ملک عبد النور نملی (بیلن بلرام پوری) نے محفل کو رونق بخشی۔ نظامت کے فرائض خوش فکر شاعر حسان عارفی نے بحسن و خوبی انجام دیے۔ مشاعرے کے میزبان عبدالاول اور "عام" کے صدر و معروف شاعر افتخار راغبؔ نے شہرِ ریاض كے منتخب باذوق شعراء و سامعین کو مدعو کر کے نشست کو یادگار بنا دیا۔ حافظ زہير کی تلاوتِ کلام اللہ سے محفلِ شعر کاآغاز ہوا۔ محفلِ شعر میں جن شعرائے کرام نے اپنے منتخب کلام سے سامعین کو محظوظ کیا ان میں ظفر محمود ظفر، افتخار راغبؔ، سلیم کاوش، ملک عبد النو...

اقلیت تحفظ سنگھرش سمیتی: مہاراشٹر میں آئینی حقوق کی ایک نئی عوامی تحریک -  سیاسی تجزیہ -  از قلم : سید فاروق احمد قادری۔ مہاراشٹر میں اقلیتوں کے آئینی، تعلیمی، سماجی اور معاشی حقوق کے تحفظ کے لیے ایک نئی منظم عوامی تحریک ابھر رہی ہے۔ اسی سلسلے میں 8 اگست 2026 کو بیڑ کے جی این فنکشن ہال میں اقلیت تحفظ سنگھرش سمیتی کا ایک اہم اجلاس منعقد ہوا، جس میں ریاست کے مختلف اضلاع سے علماء، وکلاء، دانشور، سماجی کارکن، نوجوان اور مختلف اقلیتی طبقات کے نمائندوں نے شرکت کی۔ اجلاس کی صدارت ایڈوکیٹ محمد الیاس انعامدار نے کی، جو اقلیت تحفظ سنگھرش سمیتی کے بانی اور صدر ہیں۔ انہوں نے واضح کیا کہ یہ تحریک کسی ایک مذہب یا جماعت کی نہیں بلکہ تمام اقلیتوں کے آئینی، تعلیمی، سماجی اور معاشی حقوق کے تحفظ کے لیے قائم کی گئی ہے۔ اس کا مقصد آئینِ ہند کے دائرے میں رہتے ہوئے حکومت تک اقلیتوں کی آواز پہنچانا ہے۔ اجلاس میں بتایا گیا کہ 20 جون 2026 کو ممبئی کے آزاد میدان میں اقلیتوں کے حقوق کے مطالبے پر ایک بڑا پرامن دھرنا دیا گیا، جس میں مہاراشٹر بھر سے ہزاروں افراد شریک ہوئے۔ اس موقع پر حکومت کے نا...

درخت زندگی بچانے کا عظیم ترین قدرتی سرمایہ ہے ۔۔۔ریحان عبدالکریم سالار۔ جلگاؤں (نامہ نگار )الفیض فاؤنڈیشن جلگاؤں اپنے سرپرست و بانی کے زیر قیادت اپنی تعلیمی و فلاحی خدمات میں کافی شہرت بام کا مقام رکھتا ہے گزشتہ ١٠ اگست فاؤنڈیشن کے زیر انتظام ایڈیل انگلش میڈیم اسکول نے شجرکاری پروگرام کا انعقاد کیا تا کہ ماحول میں توازن کے برقرار رکھنے مدد حاصل ہو اس پر مسرت موقع پر اسکول کے پرنسپل، اساتذہ، و روح رواں ریحان سالار نیز طلبہ کی کثیر تعداد موجود تھی  پروگرام کے دوران اساتذہ اور طلباء نے جوش و خروش سے پودے لگائے اور ماحولیاتی تحفظ کا پیغام دیا۔ طلباء کو درختوں کی اہمیت اور فطرت کے تحفظ کے بارے میں آگاہی دی گئی۔ اس موقع پر سب نے زیادہ سے زیادہ پودے لگانے عالی جناب ریحان سالار نے اس موقع پر کہا کہ درخت قدرت کا عظیم سرمایہ ہےاور ان کی باقاعدگی سے دیکھ بھال ہونی ضروری ہے اس موقع پر شرکاء نے عہد بھی لیا پروگرام کا مقصد طلباء میں ماحول کے تئیں محبت، ذمہ داری اور بیداری کا احساس پیدا کرنا تھا۔

نندیال (راست) شہر نندیال میں اگست 11&12 تواریخ میں ہندوستان کی آزادی میں اہم مسلم قائدین کے تصاویری مظاہرہ کے لےء تشریف لاےء مشہور و معروف مورخ جباب سید. نصیر کی تہنیت کل بروز پیر بتاریخ 10،اگست کی شام مقامی نوابھارت سکول میں مسلم مصنفین تنظیم قائدین کی سرپرستی میں جوش و خروش سے تہنیتی تقریب کا انعقاد ہوا.. اس تقریب میں تنطیم اسٹیٹ جنرل سیکرٹری جناب عبدالصمد، نندیال ڈسٹرکٹ صدر محمد رفیع، نائب صدر سی. عبدالعزیز ،جنرل سیکرٹری محبوب باشاہ، اعزاز ی صدر نوابھارت حسین، اراکین، امجد شریف، عبداکلیم اور حضرات شامل رہے..

ادب اطفال کے فروغ میں اپنی زندگی وقف کرنے والے فاروق سید -  ہزاروں اردو طلبہ کے مستقبل کو سنوارنے والے فاروق اب نہیں رہے..... ہایے افسوس۔ ولادت 5 ستمبر 1968وفات 19 مئی 2026 مضمون نگار  ستارفیضی  صدر انجمن ترقی اردو کڈپہ ضلعی شاخ کڈپہ آندھرا پردیش انڈیا  فاروق سید سے میری ملاقات مارج 2015 ریاست آندھرا پردیش تروپتی سری وینکٹیشورا یونیورسٹیی کے شعبہ اردو کے زیر اہتمام بچوں کے ادب پر دو روز ہ قومی سیمنار میں ہوئی. جس کا موضوع تھا "اردو میں بچوں کا ادب مسائل اور امکانات" تھا اس سیمینار میں مدیر گل بوٹے ممبئ فاروق سید، ڈاکٹر فوضیہ چودری چیرمین کرناٹک اردو اکاڈمی حافظ کرناٹکی، اور میری تہنیت کی گئ. پروفیسر قاسم علی خان صدر شعبہ اردو پروفیسر ستار ساحر سیمینار کے کنوینر ڈاکٹر محمد نثار احمد شریک تھے. تب سے اب تک یعنی تقریباً دس سال تک میری کئی تخلیقات کو انہوں نے اپنے ماہنامہ گل بوٹے میں شائع کرتےر ہےاور میری حوصلہ افزائی کرتے تھے. 2019 میں دہلی میں چار روزہ ایک بہترین بین الاقوامی اردو سیمینار بنام ادب اطفال سمت و رفتا منعقد کیا. جس میں ریاست آندھرا پردیش...

انڈین ڈی این اے مختصر افسانہ -  از قلم : محمود علی لیکچرر۔ رات کے دو بج رہے تھے۔ پروفیسر مخدوم اپنی میز پر جھکے ہوئے انگ رہے تھے۔ سامنے تاریخ کی کئی کتابیں کھلی پڑی تھیں۔ ایک طرف ویدوں کے اوراق، دوسری طرف بائبل، قرآن، بدھ مت اور جین مت کی کتابیں ساتھ ہی مارکس ڈارون نطشے اور اسپنسر کی کتابیں بھی پڑی تھیں۔ وہ کئی گھنٹوں سے ایک ہی سوال سے لڑ رہے تھے: "انسان نے اتنی ترقی کی، مگر انسان کے اندر کا انسان اتنا پیچھے کیوں رہ گیا؟" انہوں نے کمپیوٹر کی اسکرین پر لکھا: INDIAN DNA پھر خود ہی مسکرا دیے۔ "DNA تو جسم میں ہوتا ہے، مخدوم ذات مذہب اور طبقہ کہاں سے DNA میں آگیا؟" مگر فوراً ان کے ذہن نے جواب دیا "شاید خون میں نہیں، ذہن میں۔" ہزاروں سال پہلے انسان نے غار سے نکل کر بستی بنائی۔ پھر خاندان بنا۔ خاندان سے قبیلہ۔ قبیلے سے ریاست۔ ریاست سے سلطنت۔ اور سلطنت کے ساتھ ایک نیا سوال پیدا ہوا: "ہم کون ہیں اور وہ کون ہیں؟" انسان نے اپنے لیے نام بنائے۔ ذاتیں بنائیں۔ نسلیں بنائیں۔ مذہب بنائے۔ طبقے بنائے۔ اور پھر انہی خانوں میں دوسرے انسانوں کو بانٹ دیا۔ ج...

دستخط کا رواج: قلم کی لکیر یا انسان کے ضمیر کی گواہی؟ - از قلم : تحسینہ ماوینکٹی ۔ (مہمان لیکچرر، شعبۂ اردو، گورنمنٹ کالج برائے خواتین، چنتامنی، ضلع چکبالاپور، کرناٹک) انسانی تہذیب کی تاریخ پر نظر ڈالی جائے تو معلوم ہوتا ہے کہ انسان نے اپنی ضروریات کے مطابق بے شمار چیزیں ایجاد کیں۔ آگ، پہیہ، زبان، تحریر اور اعداد کی طرح دستخط بھی انسانی تمدن کا ایک ایسا عطیہ ہیں جس نے معاشرتی، قانونی اور اخلاقی زندگی کو نئی بنیادیں فراہم کیں۔ بظاہر دستخط چند لکیروں، حروف یا ایک مخصوص انداز میں لکھے گئے نام کا مجموعہ ہیں، مگر حقیقت میں یہ انسان کی شناخت، ذمہ داری، اعتماد اور عہد کا مظہر ہیں۔ دنیا کی ترقی یافتہ تہذیبوں میں دستخط صرف ایک رسمی کارروائی نہیں بلکہ ایک قانونی اور اخلاقی اعلان سمجھے جاتے ہیں کہ "میں نے جو لکھا یا قبول کیا، اس کی ذمہ داری میری ہے۔" لفظ "دستخط" فارسی زبان سے آیا ہے۔ "دست" کے معنی ہاتھ اور "خط" کے معنی تحریر یا لکیر کے ہیں، یعنی ہاتھ سے لکھی ہوئی تحریر۔ اردو زبان میں یہ لفظ صدیوں سے رائج ہے اور آج بھی سرکاری، عدالتی، تعلیمی، تجا...