Sadae Maharashtra E Urdu News Solapur صدائے مہاراشٹر ای اُردو خبر نامہ شولاپور

راویر(صلاح الدین ادیب ) ضلع پریشد اردو کیندر اسکول بائز نمبر ١ راویر میں یومِ جمہوریہ بڑے جوش و خروش کے ساتھ منایا گیا۔ چڑھتے سورج کے روشن ماحول میں اسکول کے گریڈڈ صدر مدرس محمد عارف عبدالمجید و اسکول مینجمنٹ کمیٹی کے چیئرمین شیخ سپڑو حسن اور اساتذہ کی موجودگی میں پرچم کشائی کی۔ پرچم کو سلامی دینے کے بعد اسکول میں منعقدہ کھیلوں کے مقابلوں میں نمایاں کامیابیاں حاصل کرنے والے طلباء کو اسکول کی طرف سے انعامات تقسیم کئے گئے۔ طلباء نے اسکول کے کھیلوں کے مقابلوں جیسے لانگ جمپ، اونچی چھلانگ، سائیکل ریس، دوڑ، تھیلا ریس، سنگیت کرسی، لیمو ریس، رسی ریس اور سائنس نمائش میں جوش و خروش سے حصہ لیا اور اپنی جیت درج کی ۔تاکہ نوجوانوں میں کھیلوں کی مہارت کو اجاگر کیا جا سکے۔ سائنس نمائش میں حصہ لینے والے طلباء نے پٹھے اور لکڑی جیسے لوازمات کا استعمال کرتے ہوئے رات اور دن کے ماڈل، رات کا منظر کے ماڈل، واٹر سائیکل، چاکلیٹ مشین اور دیگر ماڈل تیار کیے۔ سائنس کے مظاہرے میں پہلا انعام سید ماہرہ مزمل علی کو ملا، دوسرا انعام محمد کیف شیخ کمال الدین کو ملا۔ اور تیسرا انعام تسکین فاطمہ کے ح...

شری وردھن (نامہ نگار) ٢٦ جنوری کو اتوار کے دن صبح ٨:١٥ بجے شری وردھن حلقہ سیکریٹری جناب نظیر علی راؤ ت صاحب کے دست مبارک سے پرچم کشائی کی گئی ۔اسی مناسبت سے اسکول کی ریلی نکالی گی۔اسکے بعد بچوں کو میٹھائی تقسیم کی گئی ۔اسکول میں مختلف پروگراموں کاانعقاد کیا گیا جس میں تقریری مقابلہ ،قومی گیتوں کا مقابلہ ،ڈراینگ کا مقابلہ ،مضمون نویسی کا مقابلہ وغیرہ پروگراموں انعقاد کیا گیا ۔مقابلوں میں اول ،دوم،سوم، آنے والے بچوں کو انعامات سے نوازا گیا۔

آخری کتاب اور اس کی تصدیق ہمارے سائنسی علم کے مطابق۔ ازقلم۔۔۔پروفیسر مختار فرید، بھیونڈی۔ اللہٰ نے قرآن میں اس بات کی تصدیق کی ہے کے حضورﷺ سے پہلے ہر قوم میں اپنے پیغمبر بھیجے ، اور جس قوم میں بھی پیغمبر آٗئے وہ اُنھی ہی کی زبان بولتے ہونگے، اور اگر یہ پیغامات کتابی شکل میں لکھے گئے ہونگے تو اُنھی کے زبان میں ہونگے، اس بات کی گواہی قرآن سورۃ الاسراء میں کہتا ہے۔ جو سیدھے راستے پر چلا تو اپنے ہی لیے چلا اور جو بھٹک گیا تو بھٹکنے کا نقصان بھی وہی اٹھائے گا اور کوئی بوجھ اٹھانے والا دوسرے کا بوجھ نہیں اٹھائے گا اور ہم سزا نہیں دیتے جب تک کسی رسول کو نہیں بھیج لیتے۔سورۃ الاسراء آیت نمبر 15۔ قرآن میں پچیس نبیو ں کا ذکر آیا ہے، مگر صرف تین کتابوں کے نام بتائے گئے ہیں۔ تورات، زبور اور انجیل۔ قرآن اس سلسلے کی آخری کتاب ہے۔ اسلامی مقدس کتابیں کچھ مذہبی صحیفے ہیں جن کی تصدیق قرآن کرتا ہے جیسے ، تورات جوموسیٰ علیہ السلام پر نازل ہوئی۔زبور، داؤدؑ کو زبور دیی ورانجیل عیسیٰ علیہ السلام پر نازل ہوئی۔  ہر قوم اور ہر زمانے آخر اللہ نے بار بار پیغمبر کیوں بھیجے؟ ۔اللہ بندوں ...

راویر۔(نامہ نگار) اینگلو اردو ہائی اسکول کے سپروائزر کے عہدے پر سید نور راشد علی کا تقرر کیا گیا ہے۔ یوم جمہوریہ کے موقع پر اس بات کا اعلان کرتے ہوئے سوسائٹی کے ذمہ دار شیخ عارف بھائ نے سید نور سر کا شال اور گلدستہ دے کر استقبال کیا۔اس موقع پر اسکول کے چیئرمین ایڈوکیٹ ایس ایس سید محمد شفیع محسن سر صدر مدرس مزمل سر سمیت اسٹاف کثیر تعداد میں موجود تھا۔

سولاپور (سلطان اختر ) شمع اردو پرائمری اسکول میں یوم جمہوریہ جوش و خروش کے ساتھ منایا۔ منعقدہ تقریب کی صدارت ادارے کے صدر مشہور صحافی و شاعر جناب ایوب نلامندو نے کی ۔ بطور مہمان خصوصی کمٹھے کیندر پرمکھ سی ۔را ۔واگھموڑے نے خصوصی شرکت کی گئی۔ صدرمدرس ابوبکر نالامندو نے سب کا خیر مقدم کیا۔ معزز مہمان کی موجودگی میں پرچم کو سلامی دی گئی ۔ اس موقع پر طلبا و طالبات نے اسی ادارے کی معلمہ مشہور شاعرہ شاہین صدف کے تحریر کردہ ملی نغمے اور ثقافتی پروگرام پیش کر کے سب کے دل جیت لیا۔ مختلف مقابلوں میں انعامات جیتنے والے تمام طلباء کو اسناد، یادگاری تحائف سے نوازا گیا۔ سابق صدرمدرس عبدالقدوس نلامندو کی یوم پیدائش کے موقع پر واگھموڑے نے گلپوشی کی۔ ابرار نالامندو نے نظامت کی رسم شکریہ دلشاد بیجاپورے نے ادا کیا۔ پروگرام کو کامیابی سے ہمکنار کرنے کے لیےآسیہ بیجاپورے، زبیدہ سیدخاں, معراج اللوڑی، کوثر شیخ، ریشماں عرب نے تعاون کیا۔

نندوربار(پریس ریلیز) سید امام بادشاہ ایجوکیشن سوسائٹی کے زیراہتمام اردو ہائی اسکول و پرائمری اسکول میں ۷۶ ویں یوم جمہوریہ کی تقریب بڑے ہی احتشام سے منعقد کی گئی۔ پرچم کشائی کالونی کی معزز شخصیت سید نعمت علی صاحب ریٹائرڈ آفس سپریٹنڈنٹ ضلع پریشد نندوربار کے دست مبارک سے انجام پائی۔رسم پرچم کشائی کی تقریب کی ابتدا پنجم جماعت کے طالب علم حمیر عبد العیز کی تلاوت سورۂ حمد سے ہوئی، بارگاہ رسالت مآب میں عائشہ اور اقصٰی نے نعت پاک کا نذرانہ پیش کیا اس تقریب کی صدارت اسکول ھٰذاکے چیئر مین سید نعیم الدین صاحب نے فرمائی۔دیگر مہمانوں میں الحاج خلیل بہادر پوری صاحب ، الحاج بلال میمن صاحب ، ڈاکٹر حسین زیدی صاحب بطور مہمان خصوصی شرکت کی۔اس تقریب میں پہلی جماعت تا دہم جماعت کے طلبہ وطالبات نے قومی گیٹ ،تقاریر بڑے ہی پر اثر اور دلکشی انداز میں پیش کرکے سامعین و ناظرین کا دل موہ لیا۔اسی طرح مہمان خاص سید نعمت علی سید صاحب نے پروگرام میں حصہ لینے والے طلبہ و طالبات کی حوصلہ افزائی کی غرض سے پین،ڈرائنگ بک اور کلر باکس بطور انعام تقسیم کیے۔ ڈاکٹر زیدی نے اپنی مختصر تقریر میں طلبا کی حوصلہ ا...

اکل کوا : (جاوید فاروقی) یوم جمہوریہ کے موقع پر جامعہ پرائمری اردو اسکول اکل کوا میں ایک پروقار تقریب کا انعقاد کیا گیا۔ تقریب کا آغاز صبح 7:55 بجے ہوا، جس میں طلبہ، اساتذہ اور والدین نے شرکت کی۔ تقریب کا آغاز تلاوتِ قرآنِ پاک سے ہوا، جس کے بعد نعت شریف پیش کی گئی۔ اسکول کے ہیڈ ماسٹر نے قومی پرچم کشائی کی سعادت حاصل کی، جس کے دوران قومی ترانہ پڑھا گیا اور حاضرین نے جذبۂ حب الوطنی سے سرشار ہو کر سلامی دی۔ اس موقع پر بچوں نے یوم جمہوریہ کی اہمیت پر تقاریر کیں اور رنگا رنگ پروگرام پیش کیے، جن میں حب الوطنی پر مبنی نظمیں اور گیت شامل تھے۔ اساتذہ نے طلبہ کو آئین کی اہمیت اور قومی یکجہتی کے پیغام سے آگاہ کیا۔ تقریب کے اختتام پر اسکول کے ہیڈ ماسٹر نے یوم جمہوریہ کی مبارکباد پیش کی اور تمام شرکاء کا شکریہ ادا کیا۔ اس کے بعد حاضرین میں مٹھائی تقسیم کی گئی۔ یہ تقریب نہ صرف یوم جمہوریہ کی اہمیت کو اجاگر کرنے کا ذریعہ بنی بلکہ طلبہ میں حب الوطنی اور قومی خدمت کے جذبے کو بھی فروغ دیا۔

دھوتری، شولاپور : نامہ نگار (اسماء پٹھان) آج ۲۶ جنوری یومِ جمہوریہ کے موقع پر دھوتری گاؤں کے سرپنچ کے ہاتھوں پرچم کشائی کی گئی ۔ضلع پریشد اُردو مدرسہ دھوتری کے طلباء نے اپنے فن کا مظاہرہ کیا۔دیش بھکتی گیت پر مبنی لیزم ،ڈانس،اُردو مراٹھی زبان میں تقاریر پیش کیے۔ اس موقع پر گاؤں کے سرپنچ، گرام پنچایت کے ممبران، سن بریز رینوابل پرائیویٹ لمیٹڈ کے اراکین، اسکولی انتظا میہ کے صدر حاجی ملنگ بھائی، دیگر اراکین اسمعیل پٹھان، مولالی شیخ، مولا لی با غوان سرپرست حضرات وخواتین ، ہیڈ ماسٹر جمعدار سر اور معاون اساتذہ شاہ پورے سر ، رضیہ سید میڈم ،اسماء پٹھان میڈم موجود تھے۔ طلباء کو چوکلیٹ ،مٹھائی ،لڈو ،بسکٹ کے پیکٹ تقسیم کیے گئے۔سن بریز رینوابل پرائیویٹ لمیٹڈ کی جانب سے ریفریش منٹ دیا گیا۔ سرپرست مولیٰ بھائی شیخ اور باشا بھائی شیخ کی جانب سے دو سیلنگ پنکھے اسکول کو بطور تحفہ دیا گیا۔اسکول کی جانب سے اُن کا شکریہ ادا کیا گیا ۔

تمل ناڈو (محمد رضوان اللہ)رانی پیٹ ضلع میل وشارم دی نیشنل ویلفیر اسوسی ایشن کے دفتر میں 76 واں یوم جمہوریہ شاندار طریقے سے منایا گیا اسوسی ایشن کے صدر کے. محمد ایوب صاحب نے اس تقریب کی صدارت کی۔ اسوسی ایشن کے ذمداران اے محمد تمیم ، ہچ محمد ہاشم ، ای محمد حلیم ، وی انصر احمد اور ای محمد عثمان نے انتظامی امور پیش کئے۔ اسوسی ایشن کے نائب صدر کے. محمد ادریس صاحب نے استقبالیہ پیش کیا۔ ڈاکٹر اوشا نندنی، عزت مآب چیف میڈیکل آفیسر، والاجا گورنمنٹ اسپتال نے بطور مہمان خصوصی شرکت کی اور قومی پرچم لہرایا۔ میل وشارم مسلم ایجوکیشن سوسائٹی کے نائب صدر عالیجناب یس زڈ افتخار احمد صاحب نے غریبوں میں روز مرہ استعمال ہونے کے اشیاء کو تقسیم کیا ۔  اسوسی ایشن کے خزانچی ، جی محمد فہیم صاحب نے عوام اور بچوں میں مٹھائیاں تقسیم کیں۔ T B مریضوں کے لیے مقوی چیزیں بادام اکروٹ پستہ وغیرہ تقسیم کی گئ. محمد رضوان اللہ جوائنٹ سیکرٹری تملناڈو اردو اسکول ٹیچرس اسوسییشن کو سیکرٹری نشاط صاحب نے شال پوشی کی . اسکول کے طلبہ کو انعامات تقسیم کیے گئے    اسوسی ایشن کے ڈپٹی سکریٹری...

دونڈائچہ : (نامہ نگار) اینگلو اردو ہائی اسکول دونڈائچہ میں جشن یوم جمہوریہ بڑے تزک و احتشام کے ساتھ منایا گیا ۔ دونڈائچہ ایجو کیشن سوسائٹی کے رکن الحاج نسیم جناب کے بدست پرچم کشائی عمل میں آئی۔ سوسائٹی کے سیکریٹری اعظم بھائی مرچنٹ صاحب، سوسائٹی رکن الحاج تصور صاحب اور اسکول کے ہیڈ ماسٹر اشفاق خان و اسکول کے تمام اساتذہ کرام اور تمام طلبہ نے (ترنگے) پرچم کو سلامی دیتے ہوئے را شٹر گیت گایا بعد اسکے اسکول کے سطح پر ریاضی مقابلہ (اولمپیاڈ)، خطوط نویسی ، (مراٹھی اور انگیریزی)،سائنس ایکزبیشن،کھیل کے مقابلے،(سو میٹر رنینگ، باؤنسینگ بال، کھو کھو، ڈاز بال، نیمبو چمچہ، سنگیت کرسی، سیک ریس،سلو سائکل، آٹا گولی وغیرہ) ، حکومت مہاراشٹر کی جانب سے ایلیمنٹری انٹرمیڈیٹ امتحانات میں اول، دوم، سوم نمبرات حاصل کرنے والے طلباء کو سوسائٹی کے اراکین کے دست مبارک سے سرٹیفکیٹ، میڈل، اور ٹرافی، پین پیکیٹ انعامات تقسیم کئے گئے ۔ اس کے بعد سوسائٹی اراکین نے اپنے خطاب میں ہندوستان کی دستور ساز مجلس و دستور کیوں بنانا ضروری تھا؟ اس کی تاریخ کو پیش کیا اور ان کی قربانیوں کا حوالہ دیتے ہوئے بہت ہ...

جلگاؤں: (عقیل خان بیاولی) اقراء ایجوکیشن سوسائٹی جلگاؤں کے زیر اہتمام جاری اقراء بی ایم جین اردو پرائمری اسکول میں یوم جمہوریہ کے موقع پر سوسائٹی کے ڈائریکٹرعبدالروف شیخ کے دست مبارک سے پرچم کشائی کی گئی۔پرچم کشائی کے بعد موصوف کی صدارت میں پروگرام منعقد کیا گیا۔مریم شعیب خان کے تلاوت پاک سے شروعات کی گئی۔اس میں طلباء وطالبات نے یوم جمہوریہ کے موقع پر حب الوطنی کے گیت و تقاریر پیش کیں۔صدر مدرس اسلم خان نے غرض وغایت پیش کی۔صدارتی خطبہ میں موصوف نے تمام طلباء وطالبات سرپرست حضرات اور اساتذاء کرام کو‌یوم جمہوریہ کی مبارکباد پیش کی۔پروگرام میں شریک طلباءو طالبات کو میڈل دے کر حوصلہ افزائی کی گئی۔ نظامت کے فرائض شگفتہ شیخ نے انجام دیا۔جمیلہ شیخ کے رسم شکریہ سے پروگرام کے اختتام کا ہوا ۔معاون معلمہ حفیظ النساء شیخ، رفعت بانو،صادق شیخ، سید خورشیدعلی،شگفتہ شیخ، جمیلہ شیخ،ثمیرہ سید،ناظمہ شیخ،رضوانہ شیخ،امبرین شیخ،عائشہ شیخ،امبرین شاہ،عمران خان اورعرفان خان کی پروگرام میں شمولیت رہی۔

جلگاؤں ( عقیل خان بیاولی) اقراء ایجوکیشن سوسائٹی کے زیر اہتمام اقراء ایجوکیشنل کیمپس میں یوم جمہوریہ جوش و خروش سے منایا گیا۔ 26 جنوری بروز اتوار کو ایجوکیشن سوسائٹی کے صدر الحاج عبدالکریم سالار کے دست مبارک پرچم کشائی کی گئی ۔ اس موقع پر موصوف نے اپنے خطاب میں فرمایا کہ آئین پر عمل آوری کے ذریعے ہی ملک کی سالمیت کو قائم رکھا جاسکتا ہے۔ اس لیے ہمیں آئین کو سمجھنے کی ضرورت ہے۔ یوم جمہوریہ کی تقریب میں اقراء بی ایڈ کالج کے پرنسپل ڈاکٹر عرفان شیخ، بی یو ایم ایس کالج کے پرنسپل ڈاکٹر عبدالقدوس، ڈی ایل ایڈ کالج کی پرنسپل سعیدہ وکیل، اور اقراء پبلک اسکول کے صدر مدرس شکیل شیخ نے شرکت کی۔ اقراء پبلک اسکول کے طلبہ نے بینڈ کے ساتھ پریڈ چارجنگ کی۔ ثقافتی پروگرام میں طلبہ نے تقاریر اور حب الوطنی پر مشتمل گیت سے اپنے وطن سے محبت کے جذبے میں جوش بڑھایا۔ اقراء ایجوکیشنل کیمپس کے تمام اداروں کے طلبہ و طالبات، تدریسی اور غیر تدریسی عملہ اس موقع پر موجود تھے۔

جلگاؤں ( عقیل خان بیاولی ) : اقراء ایجوکیشن سوسائٹی جلگاؤں کے زیر اہتمام جاری اقراء اردو ہائی اسکول تونڈاپور جامنیر میں ۲۶ جنوری بطور " یوم جمہوریہ " بڑے تزک احتشام کے ساتھ منایا گیا الصبح ۱۰۔۸ منٹ پر محمد عرفان عبدالکریم سالار ( رکن اقراء ایجوکیشن سوسائٹی ) کے ہاتھوں پرچم کشائی عمل میں آئی بعد ازاں ایک تہذیبی و ثقافتی پروگرام کا انعقاد کیا گیا جس میں طلبہ نے تقاریر، گیتوں اور ڈراموں کے ذریعے مادر وطن کی عظمت و وطن کے عظیم سپوتوں کو خراج تحسین و آفرین پیش کی سوسائٹی میں جواں سال نو منتخب رکن محمد عرفان عبدالکریم سالار کا اسکول کے صدر مدرس و عملے کی جانب سے پرتپاک استقبال کیا گیا اسکول کی اس سرگرمی پر صدر سوسائٹی الحاج عبدالکریم سالار نے فرط مسرت کا اظہار کیا و اپنی دلی مبارکباد پیش کی۔

جلگاؤں (فرحان) یوم جمہوریہ کی مناسبت سے ایجوکیشن سوسائٹی کے ممبر جناب طارق انور کے ہاتھوں پرچم کشائی کی گئی، اقراء ایجوکیشن سوسائٹی کے صدر جناب عبدالکریم سالار، شکیل شیخ کا کر صاحب، مشتاق کریمی سر، آئی ٹی ائی کے پرنسپل جناب زبیر ملک سر اور اقراء شاہین کے پرنسپل جناب قاضی ضمیر الدین بطور مہمان خصوصی شریک تھے۔ طلبہ و طالبات نے اس اہم دن کے موقع پر اپنے خیالات کا اظہار حب الوطنی پر مبنی مختلف تقریروں اور گیتوں سے کیا۔جناب طارق انور صاحب نے اپنی تقریر میں بچوں کو یوم جمہوریہ کی مبارک باد دی، ہمارے ملک میں موجود دستور میں کون کون سی سہولیات ہمیں دستیاب ہے اس کی مفصل تفصیلات بتلائی۔ صدارتی خطبے میں ڈاکٹر ذبیح اللہ شاہ صاحب نے یوم جمہوریہ کے مبارک باد پیش کی اور اپنے ہر کام کو دستور کے ذریعے دیے گئے قوانین میں کرنے کی صلا ح دی۔ ڈاکٹر عبدالکریم سالار صاحب نے انے والے دنوں میں اپ کس طرح اچھے انسان اور اچھے شہری بن کر اپنے وطن کے لیے مختلف خدمات انجام دے سکتے ہیں اور ہمارے دستور کی کس طرح حفاظت کر سکتے ہیں اس سے اگاہ کیا جناب شکیل شیخ کا کر نے مسابقتی امتحان میں کامیابی حاصل کر کے م...

جلگاؤں (نامہ نگار) اقراء تعلیمی ادارہ کے زیرِ اہتمام ایچ جے تھیم آرٹس اینڈ سائنس کالج، مہرون جلگاؤں میں یومِ جمہوریہ بڑی دھوم دھام سے منایا گیا۔ اس پروگرام کی صدارت ڈاکٹر اقبال شاہ نے کی۔ پروگرام کا آغاز قرآنِ پاک کی تلاوت سے کیا گیا جسے سیف اللہ قاضی نے پیش کیا۔ نظامت کے فرائض سائمہ شیخ رؤف نے انجام دیے۔ سب سے پہلے اقراء ترانہ ایرم فاطمہ نے پیش کیا، اس کے بعد وارث منیار نے نعت شریف کا نذرانہ پیش کیا۔ منہاج خان نے قومی نغمہ گایا۔ جس نے تمام حاضرین کے دلوں کو موہ لیا۔ اس کے بعد صبا چودھری نے ایک بہترین تقریر پیش کی۔ سید حذیفہ نے حمد پیش کی، جبکہ عابد خان نے اپنے خیالات کا اظہار کیا۔ ساحل خان نے قومی اشعار پیش کر کے سامعین کو محظوظ کیا۔ ڈاکٹر تنویر خان نے این ایس ایس کی جانب سے تمام طلبہ میں کیک تقسیم کیا۔ اس کے بعد ڈاکٹر وقار شیخ نے اپنی گفتگو میں طلبہ کو نصیحتیں کیں۔ کالج کے پرنسپل ڈاکٹر چاند خان نے طلبہ کی رہنمائی کی۔ اپنے صدارتی خطاب میں ڈاکٹر اقبال شاہ نے کہا کہ: "ہمارے ملک کے نوجوانوں کو بیدار ہونا بہت ضروری ہے، کیونکہ اس ملک کا مستقبل ہمارے نوجوانوں کے ہاتھ میں ہے...

کلیان (سید شوکت علی) 26 جنوری : ایجوکیشنل اپلفٹ سوسائٹی کے زیر انصرام ادارہ نیشنل اردو ہائی اسکول و جونیئر کالج کلیان میں وطن عزیز ہندوستان کا 76 واں یوم جمہوریہ( ۲۶جنوری ۲۰۲۵) کا انعقاد پروقار تقریب کے ذریعے عمل میں آیا۔بطور مہمان خصوصی ایجوکیشنل اپلفٹ سوسائٹی کے صدر محترم محسن مرسنگے صاحب و معزز رکن انتظامیہ محترم نمیر ملا صاحب موجود تھے۔ صدر محترم محسن مرسنگے صاحب کے دست مبارک سے پرچم کشائی عمل میں آئی ۔  یومِ جمہوریہ کی نسبت سے  اساتذہ نے اپنے مختلف زبانوں میں خیالات کا اظہار کیا جس محترم سہیل فاروقی سر ( اردو ) ، زینب خطیب ٹیچر ( مراٹھی) ، شیخ شاداب سر( انگریزی) شامل ہیں ۔  دوران تقریب بوائز سیکشن ، گرلز سیکشن، جونیئر کالج سیکشن کے طلباء و طالبات نے حب الوطنی سے سرشار نغمے، گیت ، نکڑ ناٹک ، ایکشن سونگ وغیرہ پیش کیے ۔    ایجوکیشنل اپلفٹ سوسائٹی کے صدر محترم محسن مرسنگے صاحب نے حاضرین سے خطاب کرتے ہوئے ہندوستانی تاریخ ،ہندوستان کی آزادی میں شریک لوگوں کی قربانیوں کو یاد کرتے ہوئے یوم جمہوریہ کی اہمیت پر اپنے خیالات کا اظہار کیا ۔ جلسہ یوم جمہوریہ ...

پہور (نامہ نگار) ہر سال کی طرح امسال بھی ملت ہائی اسکول پہور میں یوم جمہوریہ کا جشن بڑی دھوم دھام سے منایا گیا تلاوتِ کلامِ پاک سے پروگرام کا آغاز ہوا ۔اسکول کے طلباء و طالبات نے تقریریں اور گیت پیش کیے ۔شیخ امین الدین صاحب نے صدارتی ذمہ داری کو ادا کیا ۔اسی کے ساتھ ہشتم ،نہم اور دہم کلاس کا "سائنس کویز کا کا انعقاد بھی کیا ۔آئے ہوئے مہمانوں نے طلباء و طالبات کی حوصلہ افزائی کی اسکول کے ہیڈ ماسٹر ذاہد سر اور تمام اساتذہ شکیل سر،حنیف سر،محسن سر، نظام سر اور شیعب،قبال سر پیش پیش رہے دہم کلاس کی صبا ناز نے نظامت کے فرائض انجام دیے اور آئے ہوئے مہمانوں کا رسم شکریہ نظام سر نے ادا کیا ۔

جلگاؤں (نامہ نگار) اقراء ایجوکیشن سوسائٹی کے زیر اہتمام اقرا کالج اف ایجوکیشن میں 20 جنوری اور 21 جنوری کو دو روزہ کھیلوں کے مقابلے کا انعقاد کیا گیا۔ کھیلوں کے پروگرام کا افتتاح سوسائٹی کے صدر الحاج عبدالکریم سالار کے مبارک ہاتھوں سے ہوا۔اس پروگرام میں اقرا کالج اف ایجوکیشن کے پرنسپل ڈاکٹر عرفان شیخ سر، پروفیسر عظیم سر، پروفیسر وسیم سر، پروفیسر سونگرے سر، پروفیسر کویتامیڈم، نیلوفر میڈم اور سال اول اور سال دوم کے طلباء نے شرکت کی۔مقابلے میں لیموں چمچہ، میوزیکل چیئر ،سوئی دھاگہ، کرکٹ ،لیگوری، دوڑ، اور دیگر مختلف کھیلوں کے مقابلے شامل ہیں۔

غزل از قلم اکبر زاہد۔ رشتے ہیں معتبر نہ ہی کردار معتبر  دور جدید میں کہاں اقدار معتبر۔  کیا سوچ کے بنایا ہے بلبل نے آشیاں  مالی ہے معتبر نہ ہی اشجار معتبر جنس وفا خریدنے آئے تھے تیرے شہر           لیکن کہاں ملا ہمیں بازار معتبر یوں سر کٹانے آئے تھے دیوانے بے شمار              لیکن مرا ہی سر تھا سر دار معتبر سودا کرینگے دل کا کبھی سوچتے ہیں ہم ا نہیں ہے کوئی خریدار معتبر دھوٹی ہے عشق کا انہیں زاہد میاں مگر            لگتے نہیں جنوں کے بھی آثار معتبر

میرے بچپن کی چھبیس جنوری۔ کا لم نگار : ٹی این بھارتی۔  امی جان ! امی جان ! امی جان ! چھبیس جنوری کو چھبیس جنوری کیوں کہتے ہیں ؟ ارے میری نا دان بیٹی چھبیس جنوری تو صرف تم بچے لوگ کہتے ہو۔ دراصل یوم جمہوریہ کے دن کو ہی چھبیس جنوری کہتے ہیں۔ اس خاص دن کی بہت اہمیت ہے ۔ اچھا ! وہ جو بھالو کا ناچ دکھاتا ہے وہ جو بولتا ہے ناچ جھمورے ناچ ! وہ ہے یوم جھمو ر ہ ؟ آف توبہ ! ! اس بچی کے سوالوں کے جواب کیسے  دوں ؟ ارے میری پیاری بیٹی درست بولو یوم جھمو رہ نہیں کہا میں تو یوم جمہو ریہ بتایا ہے اچھا اس دن کیا ہوا تھا ؟ چھبیس جنوری 1950 کو ہمارے ملک کا آئین لاگو ہوا تھا  آئین مطلب آئینہ جس کو دیکھ کر آپ میک اپ کرتی ہیں امی نے زور دار قہقہہ لگاتے ہوئے کہتیں ارے نہیں بھئی آئینہ نہیں میں آئین کی بات کر رہی ہوں ۔ ا ف امی جان مجھے تو کچھ سمجھ نہیں آرہا۔ آئین کیا ہوتا ہے ؟ دیکھو بیٹی ہمارے ملک کو جب انگریزوں کی غلامی سے آزادی ملی تو ہمارے دیش میں سب کام ہماری مرضی سے ہونے لگے تو انگریزوں کو کیسے بھگا دیا ؟ امی مجھے گود  میں ...