Sadae Maharashtra E Urdu News Solapur صدائے مہاراشٹر ای اُردو خبر نامہ شولاپور

بیدر : 31/ ڈسمبر(نامہ نگار )جناب سید منظور حسین صاحب مرحوم ساکن نور خان تعلیم بیدر کے فرزندسید ناصر حسین کا عقدمعسود جناب سید اکبر حسین صاحب مرحوم ساکن حیدراباد کی دختر کے ساتھ انجام پایا۔ محفل عقدومغل گارڈن فنکشن ہال بیدر میں پر تکلف ضیافت ولیمہ میں ممتاز مشائخین کرام 'علماء دین'تاجرین 'گتہ داران'دینی ملی تعلیمی تنظیموں 'سرکاری وخانگی ادرے جات کے عیدیدداران کے علاوہ مختلف سیاسی جماعتوں کے قائدین دوست احباب و رشتہ دار ں کی بڑی تعداد نے شرکت کرتے ہوئے مبارکباد پیش کی اور اپنی دعاؤں سے نوازا۔اہلیہ جناب سید منظور حسین صاحب مرحوم کی سرپرستی میں فیملی نے تمام مہمانوں کا ولہانہ خرمقدم (استقبال )کیا۔

بیدر : 31/ دسمبر(نامہ نگار ) جناب عبدالقیوم سالارجنگ کی اطلاع کے بموجب تقدس مآب حضرت شیخ شاہ محمد افضل الدین جنیدی سراج بابا صاحب قبلہ سجادہ نشین بارگاہ حضرت شیخ دکنؒ گلبرگہ کے زیر صدارت 19رجب المرجب 1447ھ م 9جنوری 2026ء بروز جمعہ بمقام سماع خانہ بارگاہ حضرت شیخ دکن ؒ گلبرگہ میں دو روزہ جشن شیخِ دکن کا انعقاد عمل میں آئے گا۔ بعد نمازِ عشاء تقدس مآب حضرت شیخ شاہ محمد افضل الدین جنیدی صاحب قبلہ سجادہ نشین بارگاہ حضرت شیخ دکنؒ کو تہنیت پیش کی جائے گی۔بعدازاں محفل سماع کا انعقاد عمل میں آئے گا۔   10جنوری 2026ء برو ز ہفتہ بعد نمازِ مغرب زیر سرپرستی تقدس مآب حضرت شیخ شاہ محمد افضل الدین جنیدی صاحب قبلہ سجادہ نشین بارگاہ حضرت شیخ دکنؒ اجتماعی شادیوں کا انعقاد عمل میں آئے گا۔ تقریب میں مہمانانِ خصوصی کی حیثیت سے تقدس مآب حضرت سیّد شاہ حسن شبیر حسینی عقیل بابا صاحب قبلہ سجادہ نشین روضہ منورہ خورد گلبرگہ، تقدس مآب حضرت سیّد شاہ عامر سقاف مقبل سادات قادری صاحب قبلہ سجادہ نشین بارگاہِ سقافیہؒ سقاف روضہ بیجاپور، تقدس مآب حضرت سیّد شاہ حسام الدین حسینی تیغ برہنہ ہاشم پیر صاحب ...

 بیدر :  31/ ڈسمبر (نامہ نگار) مولانا مفتی سیّد سراج الدین نظامی بانی ناظم جامعہ ہذا کے بموجب مورخہ 2/جنوری بروز جمعہ بوقت بعدنماز مغرب بمقام جھرا کنونشن ہال جنواڑہ روڈ بیدرمیں ایک عظیم الشان بامقصد جلسہ تقسیم اسناد و عطائے خلعت کا انعقاد ممتاز پیر طریقت شاہ خلیفہ ڈاکٹر الحاج محمد ادریس احمد قادری بگدلی”صاحب“سجادہ نشین درگاہ آستانہ بگدل کی زیر سرپرستی عمل میں آئیگا۔سیّد شاہ اسداللہ حسینی عرف ثاقب حسینی سجادہ نشین ومتولی درگاہ و خانقاہ حضرت خواجہ ابوالفیض ؒ بیدر کی زیرنگرانی، فخر کرناٹک ڈاکٹر عبدالقدیر صدرنشین آل انڈیا شاہین اداراہ جات ورکن مسلم پرسنل لاء بورڈ جلسہ کی صدارت فرمائیں گے۔اس عظیم الشان جلسہ کو ضیاء ملت علامہ مولانا الحاج ڈاکٹرمفتی حافظ سیّدضیاء الدین نقشبندی شیخ الفقہ و صدر مفتی جامعہ نظامیہ حیدرآباد، عالمی شہرت یافتہ مقرر حضرت مولانا الحاج سیّد محمد امین القادری نگران سنی دعوت اسلامی مالیگاؤں بحیثیت مہمان خصوصی شرکت وخصوصی خطا ب فرمائیں گے۔جبکہ مولانا سیّدکلیم اللہ حسینی کاشف پاشاہ آستانہ عالیہ پچرانی شریف، مولانا محمد انوار احمد قادری مراقب الاختبارا...

سولاپور (انتخاب عالم) شولاپور ہر سال کی امسال بھی بزم غالب شولاپور کے زیر اہتمام ڈرامہ مقابلہ کا انعقاد کیا گیا تھا مقابلے میں چھ ٹیموں نے حصہ لیا سبھی ڈرامے انتہائ شاندار تھے کانٹے کی ٹکر میں دی پروگریسیو اردو ہائی اسکول کے ڈرامے نے بازی مارتے ہوئے اول انعام حاصل کیا اس ڈرامے نے نہ صرف ناظرین بلکہ جج حضرات کو بھی کا فی متاثر کیا ڈرامے کا موضوع متاثر کن تھا ممبئ کے مشہور ڈرامہ نگار وہدایت کار جناب عدنان سر کھوت کے قلم کا جادو سر چڑھ کر بول رہا تھا ڈرامے کا مسیج اوراسکرپٹ سے ناظرین بےحد متاثر ہوئے پروگریسیو اسکول کے ہدایت کار اعجاز منظور عالم سر کو کٹ کٹ کے لیے بہترین ہدایت کار کا انعام سے نوازہ گیا اورکٹ کٹ کا کردار ادا کرنے والی طالبہ سعدیہ باغبان کو بہترین اداکار کا انعام حاصل ہوا جب کہ اس ڈرامے میں کرن کا کردار ادا کرنے والی عائشہ قاضی کو بھی بہترین اداکارہ کے لیے ہمت افزائ کے انعام سے سر فراز کیا گیا ایک لبے وقفے سے ٖڈرامے میں حصہ لینے پر مدرسہ ہذا میں جشن کا ماحول تھا ایک جلسے کے دوران ڈرامے کے مصنف عدنان سرکھوت صاحب اور ہدایت کار اعجاز منظور عالم موسیقی کے اوسامہ شیخ...

نئے سال کا پیغام۔۔ از قلم ایچ ایم جعفر ۔۔ مدیر نوائے اردو ای خبر نامہ 9545890718 سن 2025 اب رخصت ہونے کے قریب ہے، یا شاید آپ یہ تحریر پڑھ رہے ہوں تو وہ تاریخ کے اوراق میں دفن ہو چکا ہو۔ وقت کا یہ پہیہ ایک بار پھر ہمیں یاد دلا رہا ہے کہ سال بدلتے ہیں، مگر سوال وہی رہتا ہے کہ ہم خود کتنے بدلے؟ ایسے میں 2026 کی نئی صبح ہمارے دروازے پر دستک دے رہی ہے۔نئی امیدوں، نئے امکانات اور نئے امتحانات کے ساتھ۔ گزرا ہوا سال اپنے ساتھ خوشیاں بھی لایا اور غم بھی، کامیابیاں بھی ملیں اور کوتاہیاں بھی سامنے آئیں۔ کہیں ترقی کے چرچے رہے تو کہیں نفرت، تشدد اور بے چینی نے انسانیت کو شرمندہ کیا۔ نئے سال کا تقاضا یہی ہے کہ ہم ماضی سے سبق سیکھیں اور مستقبل کو بہتر بنانے کا پختہ عزم کریں۔ 2026 ہم سے یہ پیغام چاہتا ہے کہ ہم نفرت کے اندھیروں سے نکل کر امن، بھائی چارے اور باہمی احترام کی روشنی کو اپنائیں۔ اختلافِ رائے کو دشمنی میں بدلنے کے بجائے برداشت اور مکالمے کو فروغ دیں، کیونکہ مضبوط سماج وہی ہوتا ہے جو اختلاف کے ساتھ جینا جانتا ہو۔ یہ نیا سال ہمیں تعلیم، اخلاق اور کردار کی اہمیت بھی یاد دلاتا ہے۔ خا...

میرابھائیندر:( رپورٹ: محمد حسین ساحل ) راشٹر وادی کانگریس پارٹی (اجیت پور) گروپ کے امید وار زکی آصف پٹیل وارڈ 18 سے انتخابی میدان میں اتر رہے ہیں۔ یوتھ ضلع صدرکی آصف پٹیل نے 𝟯𝟬 دسمبر کو اپنے امیدواری کا پرچہ داخل کیا۔ ان کی حمایت میں بھاری تعدادمیں لوگ شامل تھے.ذکی پٹیل کے والد آصف پٹیل اسی علاقے سے انتخاب جیتے رہے تھے۔ ان کے بعد سماجی کاموں کی ذمہ داری ساجد اور ذکی پٹیل نے اٹھائی۔ مقامی لوگوں کے مسائل کو حل کرنے کا بیڑہ ذکی پٹیل نہیں اٹھایا اور اپنے والد محترم آصف پٹیل کے نقش قدم پر چلنے کا فیصلہ کیا.ذکی پٹیل یوتھ ضلع صدر رہتے ہوئے سڑک، پانی اور گٹر کی صفائی جیسے بنیادی کاموں پر توجہ دی. جسے دیکھتے ہوئے عوام نے انھیں الیکشن لڑنے کا مشورہ دیا.

جلگاؤں(عقیل خان بیاولی) آج بہ روز بدھ کی دوپہر میں گولانی مارکیٹ حملہ کیس نے خوفناک موڑ لے لیا! 18 سالہ نوجوان دوران علاج جاں بحق شہر ہل گیا۔ کانسٹیبل کی بہادری نے حملہ آور کو گرفتار کر لیا لیکن سائی کی جان نہ بچ سکی۔ آج بدھ کی دوپہر شہر کی ہجوم بھری گولانی مارکیٹ کے علاقے میں پیش آنے والے دل دہلا دینے والے چاقو کے وار سے زخمی ہونے والا 18 سالہ نوجوان علاج کے دوران بالآخر زخموں کی تاب نہ لاتے ہوئے دم توڑ گیا۔ اس واقعہ سے پورے شہر میں غم کی لہر دوڑ گئی ہے اور امن و امان کا مسئلہ ایک بار پھر کھل کر سامنے آ گیا ہے۔ متوفی نوجوان کی شناخت سانی گنیش بوران عمر 18 ساکن شنکر راؤ نگر جلگاؤں کے طور پر کی گئی ہے۔ وہ دیوکر کالج میں ڈپلومہ کر رہا تھا۔ سوھم رویندر سونونے (عمر 25 ساکن چوگولے پلاٹ، جلگاؤں نے پرانے تنازعہ کی وجہ سے دوپہر کے وقت سائی پر چاقو سے وار کیا تھا۔  دن دھاڑے یہ سنسنی خیز واقعہ بازار میں خونریزی بدھ کی دوپہر تقریباً 2 بجے گولانی مارکیٹ کے علاقے میں جب متوفی بازار میں تھا۔جب ملزم شبھم نے اسے روکا۔ سابقہ بحث پر غصے میں آکر شبھم نے اچانک چاقو نکالا اور سائی کے بیٹ ...

کڑپہ (راست) ۱۱/ نومبر کو شہر کڑپہ کے مشہور و معروف شاعر( حال مقیم کویت ) جناب سعید نظر کو آندھرا پردیش اسٹیٹ اردو اکیڈمی کی جانب سے منعقدہ شاندار تقریب میں ریاست آندھراپردیش کے وزیر اعلٰی نارا چندرا بابو کے ہاتھوں ریاست کا قومی ایوارڈ " مولانا ابوالکلام آزاد " دیا گیا۔اس خوشی میں مقامی سطح پر مختلف ادبی و سیاسی تنظیموں نے جناب سعید نظر کے لیے تہنیتی تقاریب اور مشاعروں کا اہتمام کیا گیا۔جناب سعید نظر کے کویت پہنچنے پر این آر آئی تلگو دیسم پارٹی شاخ اور جنا سینا کویت شاخ کے اشتراک سے ایک اعلی شان تقریب کا اہتمام کیا گیا جس میں ہندوستان اور کویت میں جناب سعید نظر کی ادبی ، علمی اور سیاسی خدمات کا اعتراف کیا گیا اور کویت میں مقیم معتبر شخصیات نے موصوف کی گل پوشی اور شال پوشی کی ۔ان شخصیات میں گلف کونسل تیلگو دیشم ممبر وینکٹ کوڈوری، جناسینا کویت پریسیڈنٹ ہری رایل ، موہن راچوری، مشتاق خان ، محمد ارشد ، ریڈیا چودری، شامل تھے۔ اس موقع پر وزیر اعلی نارا چندرا بابو نائیڈو کی اردو دوستی، مئینارٹی منسٹر این ایم ڈی فاروق صاحب اقلیتوں سے ہمدردی کے لیے ان کا شکریہ ادا کیا ...

اقراء ایچ۔ جے۔ تھیم کالج کے قومی خدمت اسکیم کے خصوصی محنت و تربیتی کیمپ کا افتتاح۔  جلگاؤں (نامہ نگار) کوَیَتری بہنابائی چودھری نارتھ مہاراشٹر یونیورسٹی کے تحت اقراء ایجوکیشن سوسائٹی کے ایچ۔ جے۔ تھیم آرٹس اینڈ سائنس کالج، مہرون، جلگاؤں کی قومی خدمت اسکیم (NSS) یونٹ کی جانب سے خصوصی محنت و تربیتی کیمپ کا انعقاد 31 دسمبر 2025 سے 6 جنوری 2026 کے دوران ضلع پریشد گرلز اسکول نمبر 01، نشیرآباد میں کیا گیا ہے۔ اس کیمپ کی صدارت ڈاکٹر عبد الکریم سالار نے کی۔ کیمپ کا افتتاح ملک کے مجاہدِ آزادی شری لال سنگھ پوار کے فرزند شری رتن لال سنگھ پوار کے مبارک ہاتھوں چراغ روشن کر کے عمل میں آیا۔ اس موقع پر بطورِ مہمانِ خصوصی نشیرآباد کے نو منتخب نگر ادھیکش شری یوگیش پاٹل، مرکز پرمکھ افشاء انجم، کوآرڈینیٹر شیخ مسعود، سید سرکت علی اور آصف عبدالغنی موجود تھے۔ تقریب میں کالج کے انچارج پرنسپل ڈاکٹر چاند خان، نائب پرنسپل ڈاکٹر وقار شیخ، ڈاکٹر یوسف پٹیل، ڈاکٹر امین قاضی، ڈاکٹر مستقیّم باغوان اور پروفیسر مزمّل قاضی ، پروفیسر عمر پٹھان بھی خصوصی طور پر شریک تھے۔ کیمپ کے سات روزہ اہداف، م...

نندیال میں آئیడియల్ یوتھ موومنٹ آئی۔وائی۔ایم۔ کے زیرِ اہتمام منشیات کے خلاف بیداری مہم اور پوسٹر کی رونمائی کی گئی۔  پریس نوٹ :  آئی ڈی یل یوتھ موومنٹ (IYM) کے زیرِ اہتمام نندیال میں منشیات کے خلاف بیداری پروگرام۔ "ایک زندگی - ایک موقع" مہم کے تحت ٹریفک سی آئی چاند پاشاہ کے ہاتھوں پوسٹر کی رونمائی۔ نندیال: آئی ڈی یل یوتھ موومنٹ (IYM) کی جانب سے ریاست گیر مہم "ایک زندگی - ایک موقع" (One Life - One Chance) کے حصے کے طور پر، نندیال یونٹ کے زیرِ اہتمام مقامی ٹریفک پولیس اسٹیشن میں منشیات کے خلاف ایک بیداری پروگرام منعقد کیا گیا۔ اس موقع پر نندیال ٹریفک سی آئی جناب چاند پاشاہ صاحب نے خصوصی پوسٹر کی رونمائی کی۔ سی آئی چاند پاشاہ کا خطاب: تقریب سے خطاب کرتے ہوئے سی آئی چاند پاشاہ نے کہا کہ "نوجوان ملک کا مستقبل ہیں، لیکن منشیات اور دیگر نشہ آور اشیاء زندگیوں کو تباہ کر رہی ہیں۔" انہوں نے اپیل کی کہ ہر نوجوان کو بری عادتوں سے دور رہ کر ایک صحت مند معاشرے کی تعمیر میں اپنا حصہ ڈالنا چاہیے۔ انہوں نے والدین کو مشورہ دیا کہ وہ اپنے بچوں کی سرگر...

شہر، سیاست اور وہ لوگ جو بیچ میں رہ گئے۔ ازقلم : ابرارالحق مظہر حسناتی، سولاپور۔  ہم نے جس سیاست کو مدتوں تک جغرافیے کی دوری کا فائدہ دے کر اضلاع کے کھاتے میں ڈال رکھا تھا، وہ اب کسی سرکاری فائل کی طرح خاموشی سے شہر کے اندر منتقل ہو چکی ہے، اور مزے کی بات یہ ہے کہ اس منتقلی کے کاغذات پر نہ کسی نے دستخط کیے، نہ کسی سے اجازت لی گئی، بس ایک دن آنکھ کھلی تو معلوم ہوا کہ جو ہلچل کبھی خبروں میں دیکھی جاتی تھی، اب وہ قدموں کی آواز بن کر ہمارے دروازوں کے نیچے سے گزر رہی ہے۔ یہاں اب جو کچھ ہورہا ہے، اسے واقعہ کہنا واقعے کی توہین ہوگی، کیونکہ واقعہ وہ ہوتا ہے جس کی ابتدا اور انتہا دونوں معلوم ہوں، جبکہ یہ جو کچھ ہے، وہ ایک ایسی مسلسل کیفیت ہے جو شروع بھی ہو چکی ہے اور ختم ہونے سے بھی انکاری ہے، جیسے کوئی جملہ جو بول تو دیا گیا ہو مگر مکمل ہونے سے پہلے ہی کسی اور جملے میں ضم کر دیا گیا ہو۔ شہر میں لوگوں کا آنا جانا اب جسمانی نقل و حرکت نہیں رہا، بلکہ موقف، نظریے اور ضمیر کی ایسی ہجرت بن چکا ہے جس میں سامان کم اور نیت زیادہ بدلی جاتی ہے، اور یہ تبدیلی اس سرعت سے وقوع پذیر ہوتی ہے ک...

,, یہ وقت نہ کھو جائے ،، ازقلم : سعدیہ فاطمہ عبدالخالق،   ناندیڑ مہاراشٹر۔  8485884176   تمام تعریفیں اللہ کے لئے ہیں اور ساری نعمتیں اسی کی دی ہوئی ہیں ،  ہم گریگورین کیلنڈر کے نئے سال میں داخل ہوئے ہیں ، نئے سال میں داخل ہونا یعنی کہ ہماری عمر کا ایک سال کم ہو جانا ، ہم قیامت سے قریب ترین پہنچ رہے ہیں ، خدا کے بنائے گئے نظام کی ہر چیز اپنے انداز میں مقرر ہے ، کائنات کی ہر چیز مسلسل ایک راہ پر گامزن ہے ، زمین ، چاند ، سورج ، سیارے ، ستارے ، اس واحد ذات کے اشارے پر متحرک ہیں ، جس کے قبضے میں ہماری جان ہے ، اللّٰہ تعالیٰ نے آفتاب و ماہتاب کے طلوع و غروب اور ان کی رفتار کو ایک خاص حساب سے رکھا ہے ، جس کے ذریعے انسان سالوں ، مہینوں ، دنوں اور گھنٹوں کا بلکہ منٹوں اور سیکنڈوں کا حساب بآسانی لگا سکتا ہے ، یہ اللّٰہ جل شانہ کی قدرت شاہانہ کا عمل ہے کہ ان عظیم الشان نورانی کروں اور ان کی حرکات کو ایسے مستحکم اور مضبوط انداز سے رکھا کہ ہزاروں سال گذر جانے پر بھی ان میں کبھی ایک منٹ یا ایک سکنڈ کا بھی فرق نہیں ہوتا ، یہ دونوں نور کے کرے اپنے اپنے دائرے میں م...

منااکھیلی۔(عبدالقدیر لشکری) بیدر ضلع کے اڑبال دیہات میں۔  ایم ایل اے ڈاکٹر شیلیندر بیلداڑے کی صدارت میں ایک میٹنگ منعقد کی گئی جس میں اڑبال دیہات کی عوام نے شرکت کرتے ہوئے دیہات کے بنیادی مسائل پینے کے پانی، سڑکوں، بجلی، صفائی، صحت اور تعلیم سے متعلق امور پر تبادلہ خیال کیا گیا اور عوام کی جانب سے موصول ہونے والی شکایات سنے گئے چھوٹے مسائل موقع پر ہی حل کیے گئے اور بقیہ درخواستوں کو فوری حل کی یقین دہانی کرائی گئی انہوں نے تمام لوگوں سے دیہی ترقی میں تعاون کرنے کی اپیل کی۔ بیدر جنوب ایم ایل اے نے حلقہ کے اڑبال دیہات کو ترقی اور بنیادی ڈھانچہ فراہم کرنے سے متعلق افسران کے ساتھ اڑبال دیہات کا دورہ کیا دیہات والوں کی موجودگی میں میٹنگ کی اور لوگوں کے مسائل سنے اور کہا کے دیہی علاقوں میں ترقیاتی پروگراموں کو تشکیل دینا اور ان پر عمل درآمد کرنا ان کی ذمہ داری ہے۔ انہوں نے کہا کے چھوٹے مسائل کو موقع پر ہی حل کر دیا گیا ہے اور باقی درخواستوں اور شکایات کو جلد حل کر دیا جائے گا بعد ازاں انہوں نے گاؤں کے سرکاری اسکول کا دورہ کیا کرتے ہوئے کام کا مطالعہ کیا اور طلباء کی...

دکنی ادب کی توانا آواز: دکن کی مٹی، لفظوں کی خوشبو میرؔ بیدری کا تخلیقی وقار۔۔ ازقلم : محمد امین نواز۔  معروف ادیب، قادرالکلام شاعر اور کہنہ مشق صحافی محمد یوسف رحیم المعروف میرؔ بیدری عصرِ حاضر میں دکنی اردو ادب کا وہ معتبر نام ہیں جنہوں نے اپنی خالص دکنی شاعری اور منفرد افسانچوں کے ذریعے اردو ادب میں ایک جامع، مضبوط اور جداگانہ شناخت قائم کی ہے۔ ان کی تخلیقات نہ صرف ادبی حلقوں میں قدر و منزلت کی نگاہ سے دیکھی جاتی ہیں بلکہ عام قارئین کے دلوں میں بھی اپنی سادگی، فطری پن اور تہذیبی رنگ کے باعث خاص مقام رکھتی ہیں۔ محمد یوسف رحیم میرؔ بیدری کا اصل وصف یہ ہے کہ انہوں نے دکنی زبان کو محض روایت کے طور پر نہیں بلکہ ایک زندہ، متحرک اور عصری تقاضوں سے ہم آہنگ ادبی اظہار کے طور پر پیش کیا۔ ان کے افسانچے دکن کی مٹی کی خوشبو، یہاں کے لوگوں کی روزمرہ زندگی، دکھ سکھ، رسم و رواج، مزاح اور درد کو نہایت اختصار مگر گہرے تاثر کے ساتھ پیش کرتے ہیں۔ افسانچے جیسی مختصر صنف میں بھرپور معنویت، فکری وسعت اور جذباتی تاثیر پیدا کرنا ہر قلم کار کے بس کی بات نہیں، مگر میرؔ بیدری نے اس صنف کو اپنی ...

طویل نظم۔۔۔۔  نیا سال۔۔۔ از قلم : ابوذر صفدر نریاؤں امبیڈکر نگر یوپی۔ 8354041050 میں نیا سال مناؤں تو منائوں کیوں کر کیا گلِ تر میں بدل جائیں گے خونی منظر کیا نئے سال میں بھر جائیں گے رستے ہوئے زخم درد کی آنچ میں پیہم یہ سلگتے ہوئے زخم لیکے خورشید محبت کی کرن نکلے گا روئے افسردہ کو کیا رنگِ حنا بخشے گا دل کے ویرانے میں کیا پھول کھلا دے گا یہ مری اجڑی ہوئی دنیا کو بسا دے گا یہ مرے بچھڑے ہوئے لوگوں کو ملا دے گا یہ لوریاں گاکے مرے غم کو سلادے گا یہ سرد ہونگے نہ کبھی میرے سلگتے دن رات پھر مجھے آنکھ دکھائیں گے دگرگوں حالات مسلے جائیں گے یدِ غم سے گلابِ جذبات غم کے آتش کدہ میں پھر سے جلیں گے دن رات درد کے ماروں پہ کیا ہوگی خوشی کی برسات ؟ غم کے صحراؤں میں اس سال بھی بھٹکے گی حیات دل کی بیچینی. وہی درد کا عالم ہوگا قلب کشتہ کا وہی نوحہ و ماتم ہوگا روز و شب ہونگے وہی اور وہی شام و سحر میں نیا سال مناؤں تو منائوں کیوں کر کیا نئے سال میں بھوکوں کو ملے گی روٹی؟ مسلی جائے گی نہیں آصفہ سی کوئی کلی؟ عائشہ نربھیا کے خونی سزا پائیں گے؟ عیش و عشرت بھرے دن لوٹ کے آجائیں گے؟ کھل کے مسکائ...

جماعت اسلامی ہند ضلع جالنہ کا جالنہ بلاک اجتماع عام بعنوان کتاب الہی کو مضبوطی سے تھام لو کا نور شاہ مسجد بس اسٹینڈ جالنہ میں کامیاب انعقاد۔ علم کے پرچھم کو لیکر اٹھو سماج کی تعمیرنو کےلےء (سرتاج شاکر۔) جالنہ : (سید شاکر کے ذریعہ) جماعت اسلامی ہند ضلع جالنہ کا نور شاہ مسجد میں جالنہ بلاک اجتماع عام بعنوان کتاب الہی کو مضبوطی سے تھام لو کا آغاز حافظ تحسین عالم امام و خطیب نور شاہ مسجد کے درس قرآن سے ہوا سورہ لقمان کا درس دیتے ہوئے انھوں نے کہا کہ حضرت لقمان حکیم نے اپنے بیٹے کو نصیحت کرتے ہوئے کہا کہ بیٹے اللہ کے ساتھ کسی کو شریک نہ کرنا، ماں باپ کے ساتھ حسن سلوک کرنا، نماز ادا کرنا، زکوٰۃ دینا نیکی کا حکم دینا براءیوں سے روکنا اور صبر کا دامن نہ چھوڑنا. سید شاکر ناظم ضلع نے افتتاحی کلمات میں کہا کہ  جماعت اسلامی ہند ضلع جالنہ نے جماعت کی توسیع و استحکام کےلےء (ضلع کو تین بلاک جالنہ، عنبڑ اور بدنا پور) میں تقسیم کیا گیا ہےان دو سالوں میں دو جماعتیں چھ حلقہ کارکنان اور دس حلقہ متفقین کا اضافہ ہوا.مثالی معاشرے کی تعمیر کے لئے ملت اسلامیہ کو اتحاد و اتفاق کے سات...

نندیال: آل انڈیا آئیڈیل ٹیچرز ایسوسی ایشن (AIITA) کے ایگزیکٹو باڈی ممبران، کارکنان اور اشتہار دہندگان کے بھرپور تعاون سے تیار کردہ سالانہ کیلنڈر (وال پوسٹر) 2026 کی رسمِ اجرا معزز وزیر برائے اقلیتی بہبود و قانون، جناب نشیم محمد فاروق صاحب کے ہاتھوں انجام پائی۔ اس موقع پر معزز وزیر صاحب نے کیلنڈر کی ستائش کرتے ہوئے کہا کہ: "اس کیلنڈر میں درج حضور نبی کریم حضرت محمد مصطفیٰ ﷺ کے ارشاداتِ عالیہ اور مختلف ماہرینِ تعلیم، فلسفیوں اور سماجی مصلحین کے اقوال اساتذہ اور طلبہ کے طرزِ فکر پر مثبت اثر ڈالیں گے۔ یہ اقوال ایک بہترین معاشرے کی تعمیر اور انسانی کردار سازی میں اہم کردار ادا کریں گے۔" شرکاء تقریب: اس باوقار تقریب میں درج ذیل شخصیات نے شرکت کی: جناب عصام الدین صاحب (ڈپٹی انسپکٹر آف اسکولز، اردو رینج) محمد سلیم صاحب (ضلع صدر، AIITA نندیال) محمد عرفان صاحب (جنرل سکریٹری، ضلع نندیال) شیخ فاطمہ صاحبہ (ضلعی کنوینر، ویمنز ونگ) کریم اللہ صاحب (صدر، نندیال یونٹ) رسول صاحب (جنرل سکریٹری، نندیال یونٹ) رخصانہ صاحبہ (کنوینر، ویمنز ونگ) اور صوفیہ صاحبہ (کو-کنوینر) اراکین: مستان، ج...

پونے مہانگر پالیکا کے اردو ثانوی و اعلیٰ ثانوی مدرسہ بوپوڑی پونے 411020 میں سالانہ ثقافتی و جلسہ تقسیم انعامات 2025-26 کا شاندار انعقاد۔ پونے (شبانہ عرب) پونے میونسپل کارپوریشن کے ثانوی و تکنیکی شعبہ تعلیم کے تحت اردو ثانوی و اعلیٰ ثانوی مدرسہ بوپوڑی، پونے ۲۰ میں تعلیمی سال ۲۰۲۵-۲۶ کے دوسرے سیشن میں طلبہ کی ہمہ جہت نشوونما اور ان کی تخلیقی و فنی صلاحیتوں کو اجاگر کرنے کے مقصد سے سالانہ ثقافتی و تقسیم انعامات کا جلسہ بروز پیر، بتاریخ ۲۹ دسمبر ۲۰۲۵ کو صبح ۱۱ بجے اسکول کے اسمبلی ہال میں نہایت جوش و خروش سے منایا گیا ۔ جلسےکی صدارت محترمہ آشا اُبالے صاحبہ، افسر تعلیم (ثانوی و تکنیکی شعبہ تعلیم پونے میونسپل کارپوریشن ) نے فرمائی۔ بطورِ مہمانِ خصوصی جناب توصیف پرویزصاحب رابطہ کار شعبہ اردو مہاراشٹرراجیہ شکشن و پرشکشن پریشد (SCERT) پونے اور بال بھارتی بیورو آف ٹیکسٹ بک مہاراشٹر کی آمد باعث اعزاز رہی۔ بوپوڑی علاقے کے فعال سماجی فلاح و بہبودی سے جڑے جناب مُجاور غنی صاحب ، سیکریٹری تنظیم والدین اردو مدارس ضلع پونے کی خصوصی موجودگی رہی۔ اننت راؤ پوار انگلش م...

مولانا سعید احمد عمری اور منہج سلف کا عالمی ادارہ "جامعہ دارالسلام عمرآباد"۔۔ ازقلم : سی نور محمد فیاض عمری، عمرآباد۔۔ زیر نگرانی: ڈاکٹر امان اللہ ایم بی،  چیرمین آف اردو،  مدراس یونی ورسٹی، چنئی۔ وقت بھی عجیب چیز ہے پلک جھپکنے میں گزرجاتاہے، یہ دولت اس سرعت کے ساتھ ہمارے ہاتھ سے نکل جاتی ہے کہ بعد میں ہم ہاتھ ملتے رہتے ہیں، کوئی شخص اپنی شدید خواہش اور سر توڑ کوشش کے باوجود بیتے ہوئے لمحات سے دوبارہ کسی صورت میں فیض یاب نہیں ہوتے۔ دیکھتے ہی دیکھتے عدم کے کوچ کے لیے رخت سفر باندھ لیتے ہیں۔ اور ہمیں دائمی مفارقت دے جاتے ہیں۔ ان کے  نہ ہونے کی اَن ہونی پر آنکھیں کھلی رہ جاتی ہیں۔ ایسے بزرگوں کا سایہ جب سر سے اُٹھ جاتاہے تو محسوس یہ ہوتاہے کہ سورج واقعی سوانیزے پہ آگیا ہے۔ ان لرزہ خیر لمحات اور اعصاب شکن حالات میں دل کو سنبھالنے کی نہ کوئی اُمید برآتی ہے اور نہ ہی اپنے جذبات حزیں کو حرف بہ حرف بیان کرنے کی کوئی صورت نظر آتی ہے، لوح دل پر ان کے نقش، ان کی دُعائیں، وفائیں، عطائیں اور ادائیں ہمیشہ کے لیے عزم وعمل کی ندائیں اور آلام روزگار کی تمازت سے بچنے کی رِدائ...

بزم غالب شولاپور انٹرسکول یک بابی ڈرامہ مقابلے میں "لچمک سکے کی!" کو دوسرا انعام۔ سولاپور (نامہ نگا) بزم غالب شولاپور انٹرسکول اُردُو یک بابی ڈرامہ مقابلے میں "لچمک سکے کی!" کو دوسرا انعام حاصل ہوا۔ اس مقابلے میں خواجہ بندہ نواز اردو ہائی اسکول کے ڈرامے "چمک سکے کی" کو کل چار انعام حاصل ہوئے۔ جس میں، بہترین ڈرامہ کا "دوم انعام"، "مزمل شیخ" کو بہترین ڈراما نگار، "سعد سرفراز شیخ " کو "بہترین اداکار" اور " انود سردشمک" کو بہترین موسیقی" کا اول انعام ملا۔ مدرسہ کی اس کامیابی پر خواجہ بندہ نواز اردو ہائی اسکول کے "چیئرمین "نسیم مولا علی لال لکوٹ صاحبہ" اور اسکول کی" صدر مدرسہ" اور معلمین اور معاون معلمات اور سرپرست حضرات نے بچوں کی ہمت افزائی کی اور مبارکباد پیش کی۔

بھیونڈی: (عبدالعزیز انصاری) طلبہ میں بلند خوانی اور صحیح تلفظ کی صلاحیت کو مزید جلابخشنے نیز اُ ن کی مخفی صلاحیتوں کو نکھارنے کے لیے متعدد تقریبات کا اہتمام کیا جاتا ہے۔ اس سلسلے میں 30دسمبر 2025 کوالحمد ہائی اسکول اینڈ جونیر کالج بھیونڈی میں بین المدارس حمد خوانی مقابلہ کا انعقاد کیا گیا۔اس مقابلے میں مختلف اسکولو ں کے 22 طلبہ نے جوش و خروش سے حصہ لیا اور اپنے فن کامظاہرہ احسن طریقے سے کیا۔ مقامِ مسرت ہے کہ حمد خوانی کے اس بامقصد مقابلے میں رئیس ہائی اسکول اینڈ جونیر کالج کے ہو نہار طالب ِ علم مومن عطف عرفان (ہشتم الف) نے اللہ ربُ العزت کی تعریف میں خوش نوائی کا بہترین مظاہرہ کر تے ہو ئے سامعین کو مسحور کر دیااور مقابلے کا اول انعام حاصل کیا۔واضح ہوکہ انعام یافتہ طالب علم کی رہنمائی مدثر شیخ اور عامر قریشی نے کی تھی۔اس شاندار کامیابی پرکے ایم ای سوسائٹی کے صدر الماز فقیہ،نائب صدر ایڈوکیٹ یاسین مومن، سکریٹری دانیال قاضی، چیئر مین یا سر تاتلی، پرنسپل ضیاء الرحمٰن انصاری، وائس پرنسپل عامر صدیقی، اسٹنٹ ہیڈ ماسٹر مخلص مدعو، سپر وائزرس اسرار پٹھان،سبطین کشیلکر،مزدان ملا، وائی سی...

نیا سال (ایک تحقیقی مضمون) از قلم :  تحسینہ ماوینکٹی۔۔ نیا سال محض کیلنڈر کی تبدیلی کا نام نہیں بلکہ یہ انسانی تہذیب، مذہبی تصورات، سماجی رویّوں اور نفسیاتی کیفیات کا مجموعی اظہار ہے۔ دنیا کی مختلف اقوام اور مذاہب میں نئے سال کے آغاز کے تصورات الگ الگ رہے ہیں، تاہم امید، تجدیدِ عہد، خود احتسابی اور مستقبل کی منصوبہ بندی جیسے عناصر تقریباً ہر معاشرے میں مشترک نظر آتے ہیں۔ انسان ہر نئے سال کے آغاز پر ماضی کی غلطیوں اور کامیابیوں پر نظر ڈالتا ہے اور ایک بہتر مستقبل کی تمنا کے ساتھ آگے بڑھنے کا عزم کرتا ہے۔ انسانی تاریخ میں وقت کی پیمائش ہمیشہ سے ایک اہم مسئلہ رہی ہے۔ سورج، چاند اور موسموں کی گردش نے انسان کو سال، مہینے اور دن کی تقسیم کا شعور دیا۔ سال کے اختتام اور نئے سال کے آغاز کو انسان نے ایک علامتی موڑ کے طور پر قبول کیا، جس کے ساتھ نئی امیدیں اور نئی شروعات وابستہ کر دی گئیں۔ یہی وجہ ہے کہ نیا سال ہر دور میں کسی نہ کسی صورت میں انسانی زندگی کا اہم حصہ رہا ہے۔ قدیم تہذیبوں میں نئے سال کا آغاز زیادہ تر زرعی اور فلکیاتی عوامل سے جڑا ہوا تھا۔ بابلی تہذیب میں فصلوں کی کٹا...

نیا سال : وقت کی تبدیلی یا شعور کا امتحان ؟ ازقلم : ڈاکٹر بی۔بی۔ عائشہ چکولی۔دھارواڑ، کرناٹک۔ ڈاکٹر بی بی عائشہ چکولی ،صدر شعبہ اردو،انجمن آرٹس،سائنس ،کامرس کالج اینڈپی جی اسٹدیز دھارواڑ ،کرناٹک ہر نیا سال محض ایک عدد کا اضافہ نہیں ہوتا، بلکہ یہ وقت کی طرف سے انسان کے لیے ایک خاموش امتحان بھی ہوتا ہے۔ گھڑی کی سوئیاں آگے بڑھ جاتی ہیں، کیلنڈر کا ورق پلٹ جاتا ہے، مگر اصل سوال اپنی جگہ قائم رہتا ہے: کیا انسان بھی آگے بڑھا، یا صرف وقت گزر گیا؟ ہم نے نیا سال ہمیشہ ایک تہوار کے طور پر منایا ہے، ایک ایسے لمحے کے طور پر جس میں ہم خود کو یہ یقین دلانا چاہتے ہیں کہ آنے والا وقت بہتر ہوگا۔ مگر تاریخ ہمیں بتاتی ہے کہ وقت خود کچھ نہیں بدلتا، تبدیلی کا اختیار ہمیشہ انسان کے ہاتھ میں رہا ہے۔ اگر شعور بیدار نہ ہو تو صدیوں کا گزر جانا بھی سماج کو ایک قدم آگے نہیں بڑھا سکتا۔ سماج افراد کا مجموعہ ہے، مگر اس مجموعے کی سمت کا تعین فرد کی سوچ کرتی ہے۔ ایک شخص کے بدلنے سے شاید پورا سماج نہ بدلے، لیکن یہ بھی حقیقت ہے کہ کسی بھی سماجی تبدیلی کا آغاز ہمیشہ ایک ذہن سے ہوا ہے۔ مسئلہ یہ نہیں کہ ہم اکی...