Sadae Maharashtra E Urdu News Solapur صدائے مہاراشٹر ای اُردو خبر نامہ شولاپور

حیدرآباد۔15ڈسمبر ( پریس نوٹ)ممتاز شاعر،ادیب وصحافی ڈاکٹرمحسن جلگانوی کو ان کی ادبی خدمات پر حکومت تلنگانہ کی جانب سےاردو اکیڈیمی کے باوقار مولانا ابوالکلام آزاد نیشنل ایوارڈ کی حصولیابی پر کل شب ٹولی چوکی حیدرآباد میں واقع سکیس دی اسکول آڈیٹوریم پر ایک شاندار تقریب "جشن ڈاکٹرمحسن جلگانوی" کا انعقاد عمل میں آیا نگاہوں کو خیرہ کرنے والا قمقموں سے مزین آڈیٹوریم باذوق سامعین سے کھچا کھچ بھرا ہوا تھا۔تلنگانہ اردو تحریک کے زیر اہتمام منعقدہ یہ تقرہب دوحصوں میں منقسم تھی ادبی اجلاس کی صدارت پروفیسر ایس اے شکور ڈائریکٹر دائراةالمعارف جامعہ عثمانیہ نے کی ۔ صدرنشین تلنگانہ اقلیتی کمیشن طارق انصاری، شیخ فرید سابق رکن ساوتھ سنٹرل ریلوے بورڈ اور پروفیسر مقبول فاروقی نے بحثیت مہمانان خصوصی اس جشن میں شرکت کی۔ کنونیر جشن سعداللہ خان سبیل نےنظامت کے فرائض انجام دئے شریک کنونیر بصیر خالد صدر بزم ہم خیال ٹولی چوکی نے تمام حاضرین کا استقبال کیا۔ اس جشن کا آغاز قاری محمد عفان اللہ کی قرات کلام پاک اور ڈاکٹر طیب پاشاہ قادری کی نعت اقدس سے ہوا ۔ ممتاز شاعر ارشد شرفی نے تہنیتی کلام...

آئین ہند کا آرٹیکل 30۔ تحفظ تنازعہ اور عدالتی حقوق۔ از قلم : اسماء جبین فلک۔  آئین ہند کے حصہ سوم میں شامل آرٹیکل 30، جو اقلیتی تعلیمی اور ثقافتی حقوق کی ضمانت دیتا ہے ہندوستانی دستوری ڈھانچے کا ایک سنگ بنیاد ہے۔ یہ دفعہ دیگر بنیادی حقوق جیسے آرٹیکل 29، 16، اور 25 کے ساتھ مل کر، مذہبی اور لسانی اقلیتی طبقات کو ملک کے مساوی شہریوں کی حیثیت سے ترقی اور تحفظ کے لیے خصوصی آئینی آلات فراہم کرتی ہے ۔ آرٹیکل 30 کا مقصد اقلیتی برادریوں کو یہ حق دے کر "تحفظ کا احساس اور اعتماد کا شعور" دینا ہے کہ وہ اپنی منفرد ثقافتی شناخت، زبان اور مذہب کو تعلیمی اداروں کے قیام اور انتظام کے ذریعے مؤثر طریقے سے محفوظ کر سکیں۔ آرٹیکل 30 کو تین بنیادی دفعات میں تقسیم کیا گیا ہے جو اقلیتی تعلیمی حقوق کی مکمل گنجائش کا تعین کرتی ہیں۔ دفعہ (1): قیام اور انتظامیہ کا حق یہ شق آرٹیکل 30 کی روح ہے۔ اس کے تحت، تمام اقلیتوں کو، چاہے وہ مذہب کی بنیاد پر ہوں یا زبان کی بنیاد پر، اپنی پسند کے تعلیمی ادارے قائم کرنے اور ان کا انتظام و انصرام چلانے کا حق حاصل ہوگا ۔ اس حق کو بنیادی حق کے طور پر شامل کرن...

جون ایلیا۔۔ از قلم : رازق حُسین۔ اردو ادب کی تاریخ میں اگر کسی شاعر نے روایت، سماج اور خود اپنی ذات سے مسلسل مکالمہ کیا ہے تو وہ جون ایلیا ہیں۔ وہ شاعر نہیں تھے، ایک مکمل فکری کیفیت تھے؛ ایک ایسا کرب جو لفظوں میں ڈھل کر قاری کے دل میں اتر جاتا ہے۔ جون ایلیا نے شاعری کو محض حسنِ بیان نہیں بنایا بلکہ اسے سوال، احتجاج اور سچ کا ذریعہ بنایا۔ جون ایلیا کا پورا نام سید جون ایلیا تھا۔ وہ 14 دسمبر 1931ء کو امروہہ (اتر پردیش) میں ایک علمی اور مذہبی گھرانے میں پیدا ہوئے۔ ان کے والد علامہ شفیق حسن ایلیا ایک معروف عالم، فلسفی اور ادیب تھے۔ گھر کا ماحول علم و فکر سے لبریز تھا، جس کا اثر جون ایلیا کی شخصیت پر گہرا پڑا۔ قیامِ پاکستان کے بعد جون ایلیا نے ہجرت کی اور کراچی میں سکونت اختیار کی۔ مگر ہجرت نے انہیں صرف وطن سے جدا نہیں کیا بلکہ اندرونی طور پر بھی ٹوٹ پھوٹ کا شکار کر دیا۔ یہی ٹوٹ پھوٹ ان کی شاعری میں تنہائی، محرومی، بے یقینی اور وجودی کرب کی صورت نمایاں ہوئی۔ یہ مجھے چین کیوں نہیں پڑتا ایک ہی شخص تھا جہاں میں کیا جون ایلیا محض شاعر نہیں بلکہ ایک فلسفی، مؤرخ اور مترجم تھے. وہ عربی...

امراوتی (راست) شمیم آزاد اردو گرلز ہائی سکول ضلع امراتی میں اے ایم پی این ٹی ایس ایگزام جو کہ آل انڈیا لیول پر تھا 13 دسمبر 2025 کو لیا گیا جس میں تقریبا 200 طلبہ و طالبات نے حصہ لیا ۔کئی بچے اچل پور امراتی پرتواڑا سے بھی امتحان دینے کے لیے اپنے والدین کے ساتھ ائیں جس سے بچوں میں مصابقتی امتحان دینے کی دلچسپی پیدا ہوئی اس امتحان کے انچارج کیا انوار فاطمہ میڈم اور ابزرور تھے اسرار سر۔یہ امتحان شمیم ازاد اردو گرز ہائی سکول اینڈ جونیئر کالج کے پرنسپل محمد نائل مسیر سر کی رہنمائی میں لیا گیا جس میں اسکول کے تمام اسٹاف اور نان ٹیچنگ سٹاف نہیں خوب محنت کی کامیاب بنانے کے لیے اللہ تعالی ہمارے قوم کے بچوں کو ایسے امتحانات دن میں دلچسپی پیدا کرے امین ثم امین

جلگاؤں میں منشیات کے خلاف بیداری کی مؤثر صدا ؛ جی۔این۔آر۔ایف۔ کی "سے نو ٹو ڈرگ" مہم کامیابی سے ہمکنار۔  جلگاؤں (عقیل خان بیاولی): معاشرے کو دیمک کی طرح چاٹتی ہوئی منشیات کی لعنت کے خلاف ایک مضبوط اور بامقصد قدم اٹھاتے ہوئے دعوتِ اسلامی انڈیا کے فلاحی شعبہ غریب نواز ریلیف فاؤنڈیشن (GNRF) کی جانب سے ملک گیر سطح پر جاری “Say No To Drugs” منشیات مخالف مہم کے تحت جلگاؤں شہر میں ایک مؤثر بیداری پروگرام کا کامیاب انعقاد عمل میں آیا۔ یہ پروگرام 13 دسمبر کی شب بعد نمازِ عشاء شہید عبد الحمید چوک، تامباپورہ میں منعقد ہوا، جس میں سماج کے مختلف طبقات نے کثیر تعداد میں شرکت کی۔ اس موقع پر جلگاؤں کے سب ڈویژنل پولیس آفیسر نتن گنپورے بطور مہمانِ خصوصی موجود رہے۔ پروگرام سے خطاب کرتے ہوئے GNRF ممبئی ریجن کے ذمہ دار پروفیسر عارف عطاری نے منشیات کے تباہ کن اثرات پر سیر حاصل روشنی ڈالی۔ انہوں نے بڑی اسکرین پر ویڈیو اور پاور پوائنٹ پریزنٹیشن کے ذریعے واضح کیا کہ کس طرح منشیات نہ صرف فرد کی صحت بلکہ خاندان، معاشرے اور قوم کے مستقبل کو داؤ پر لگا دیتی ہیں۔ انہوں نے حاضرین کو ...

اردو اکیڈمی چیئرمین اور ڈائریکٹر اصحاب توجہ فرمائیں۔  مثبت رد عمل کریں...... منجانب : سی. عبدالعزیز، اسٹیٹ کنوینر،   آندھراپردیش اردو ٹیچرس اسوسیشن۔ (APUTA) _________________________ السلام علیکم آندھراپردیش میں اردو زبان و ثقافت کے فروغ میں وزیر اعلیٰ چندرا بابو نائیڈو کے گرانقدر خدمات ہیں... انہوں نے ہی آندھراپردیش میں ایک آزادانہ خود مختار اردو ادارہ " اے. پی. اسٹیٹ اردو اکیڈمی" کی بنیاد رکھی... ہم اردو والوں کی خوش قسمتی ہے کہ چندرا بابو نائیڈو ہی کے دور میں اردو اکیڈمی اپنی پچاس سال تکمیل ہونے پر جوش و خروش سے "سرور اردو مہوتسو" عنوان سے متفرق موضوعات پر ہر ضلع میں ڈسٹرکٹ مینارٹی ویلفر افسران کی سرپرستی میں 16 ڈسمبر تا 20 ڈسمبر تک اردو پروگرام کا شیڈول جاری کر دیا گیا....  لیکن پانچ روزہ جشن کی عمل داری کے لےء لائحہ عمل ہوش سے زیادہ جوش دکھائی دے رہا ہے.  توجہ فرمائیں...  (1) پوسٹر پر... سر  ور ہے جبکہ  سرور........  (2) جب کسی ادارہ سے منسلک تقریب کا اہتمام کرنا ہوتو اس ادارہ کے عمل شدہ اور عمل شدنی مشاغل کا اندراج ہونا چاہی...

کلبرگی میں وژن اے پی آر سی 27 - 2025 کے تحت ایک روزہ کانفرنس۔  کلیان کرناٹک میں شہری حقوق کے تحفظ، ناانصافی ، امتیاز اور طاقت کے غلط استعمال کے تدارک پر غَور و خَوض۔  کلبرگی 14 / ڈسمبر. علاقہ کلیان کرناٹک میں شہریوں کے قانونی حقوق کے تحفظ کے ساتھ ساتھ اس خصوص میں عوامی بیداری کی سرگرمیوں کو تیز کرتے ہوئے اسوسی ایشن فار پروٹیکشن آف سول رائٹس (APCR) کے زیرِ اہتمام بتاریخ 13 / ڈسمبر 2025 کو پوش ہوٹل، کورنٹی ہنومان، ناگناہالی روڈ، کلبرگی میں ریاستی حکمتِ عملی کے تحت وژن اے پی آر سی 2025-2027 کے تحت ایک روزہ کانفرنس کا انعقاد عمل میں آیا۔ اس کانفرنس میں کلبرگی ، بیدر، یادگیر، اور رائچور اضلاع سے تعلق رکھنے والی نمائندہ شخصیات نے شرکت کی ۔ اس اجلاس کا ایک مقصد یہ بھی تھا کہ ضلعی سطح کی کمیٹیوں کو فعال کیا جاسکے اور شہری حقوق میں ہورہی مداخلتوں کے تدارک کا اہتمام ہو ۔ کانفرنس سے خطاب کرتے ہوئے، اے پی سی آر کے ریاستی صدر سدھیر کمار مرلی نے کہا کہ شہری حقوق کی خلاف ورزیوں کے موثر ردِ عمل کو یقینی بنانے ضلعی APCR کمیٹیوں کو تشکیل دیا جارہا ہے اور اس پ...

ایجوکیشن ایکسپو 2025 عام خاص میدان میں آج پہلے دن اردو کارواں اورنگ آباد کے زیر اہتمام مصوری اور خطاطی کا بڑے پیمانے پر مقابلے کا انعقاد کیا گیا ،جس میں تقریبا اورنگ آباد اور خلد اباد کے 1500 سے زائد طلباء نہیں حصہ لیا، ٹیم اورنگ آباد اردو کارواں کو دلی مبارکباد۔

اکلکووا (نامہ نگار) : مہاراشٹرا ریاستی اقلیتی کمیشن کے ریاستی رکن وسیم برہان نے الزام لگایا ہے کہ بی جے پی لیڈر کریٹ سومیا اقلیتی اداروں اور افراد کے خلاف بے بنیاد الزامات لگا کر ہمیشہ اقلیتی مسلم کمیونٹی کو نشانہ بنا رہے ہیں۔ انہوں نے کہا کہ انہیں ادارے کی انتظامیہ سے اطلاع ملی ہے کہ اکلکووا میں ایک اقلیتی تعلیمی ادارے پر ادارے کو بدنام کرنے کے لیے مختلف غیر قانونی اور جھوٹے الزامات لگائے جا رہے ہیں۔ برہان نے کہا،’’ریاست میں اقلیتی ادارے آئین کے دیے گئے اختیارات کے مطابق کام کر رہے ہیں۔ کوئی بھی انکوائری یا کارروائی قانون کے دائرے میں، مجاز اتھارٹی کے ذریعے کی جانی چاہیے۔ صرف الزامات کی بنیاد پر دباؤ ڈالنا، بدنام کرنا اور غیر ضروری تکلیف دینا جمہوریت اور قانون کی حکمرانی کے مطابق نہیں ہے۔‘‘ انہوں نے مزید کہا، ’’ہم ریاست میں اقلیتی افراد، برادریوں اور اداروں کے خلاف کسی بھی غیر قانونی اور بے بنیاد کارروائی کی اجازت نہیں دیں گے۔ اقلیتی کمیشن ایسے واقعات کو سنجیدگی سے دیکھ رہا ہے اور اگر ضرورت پڑی قانونی اقدامات کیے جائیں گے۔‘‘ دریں اثناء برہان نے اس اعتماد کا اظہار بھی ...

اکھیل بھارتیہ گراہک پنچایت میں نئی صوبائی و ضلعی عاملہ کا اعلان۔۔ "ڈاکٹر انیل دیشمکھ صوبائی سکریٹری، ایڈووکیٹ سبھاش تائیڈے ضلع صدر مقرر"۔ جلگاؤں (عقیل خان بیاولی): اکھیل بھارتیہ گراہک پنچایت کے صوبائی صدر جناب بالاصاحب آؤٹی کی منظوری کے بعد جلگاؤں ضلع کی نئی عاملہ کا اعلان کر دیا گیا ہے۔ ڈاکٹر انیل دیشمکھ کو مہاراشٹر کا صوبائی سکریٹری مقرر کیا گیا، جبکہ ایڈووکیٹ سبھاش تائیڈے کو ضلع صدر کی ذمہ داری سونپی گئی ہے۔ ڈاکٹر دیشمکھ کو ضلع کا سرپرست بھی نامزد کیا گیا ہے۔ ضلعی عاملہ میں ستیش دیشمکھ اور دنیش تائیڈے نائب صدور رمیش سونونے ضلع سکریٹری، مقصود بھائی بوہری معاون سکریٹری ایڈووکیٹ کلپنا ٹیمبانی خزانچی مقرر کی گئیں۔ خواتین شعبہ میں نرملا دیشمکھ ضلع خواتین سربراہ اور شوبھا تائیڈے معاون مقرر ہوئیں۔ جلگاؤں میٹروپولیٹن عاملہ میں ایڈووکیٹ دیویندر جادھو صدر، منوج بھانڈارکر نائب صدر، ایڈووکیٹ سیما جادھو سکریٹری اور ودیا راجپوت پاٹل خواتین سربراہ مقرر کی گئیں۔ تنظیم کے مختلف شعبہ جات میں بال کرشن وانی (نشر و اشاعت)، گریش دوسانے, ایڈووکیٹ سپنل پاٹل (قانونی)، شرد ...

جلگاؤں (سعید پٹیل ) پرنسپل نگار سلطان شاہ کی تفصیلات کے مطابق ایچ ایم ٹی انٹرنیشنل پری اسکول ، جلگاؤں میں تین روزہ اسپورٹس ڈے نہایت جوش و خروش، نظم و نسق اور خوشگوار ماحول میں منعقد کیا گیا۔ اس پروگرام کا مقصد بچوں کی جسمانی، ذہنی اور اخلاقی نشوونما کو فروغ دینا تھا۔ یومِ اول کے مہمانِ خصوصی پروفیسر ڈاکٹر چاند خان صفدر خان صاحب (پرنسپل، اقراء ایچ۔جے۔ تھِم کالج جلگاؤں) تھے۔ اس دن کا موضوع بیلنسنگ رکھا گیا، جس میں نرسری کے بچوں نے آئس کریم ریس ، جونیئر کے۔جی نے بال بیلنسنگ، سینئر کے۔جی نے بک بیلنسنگ اور پہلی جماعت کے طلبہ نے گلاس بیلنسنگ ریس میں حصہ لیا۔ یومِ دوم کے مہمانِ خصوصی شیخ رضوان احمد محمد اسماعیل صاحب (ہیڈ ماسٹر ، آل انڈیا میمن جماعت فیڈریشن کارپوریشن اردو اسکول نمبر 11، جلگاؤں) تھے۔ اس دن کا موضوع میتھس ریس تھا ، جس میں نرسری کے بچوں نے گلاس پر بال دوڑانے ، جونیئر کے۔جی کے بچوں نے گلاس کو اہرامی شکل میں ترتیب دینے اور دیگر دلچسپ سرگرمیوں میں حصہ لیا۔ یومِ سوم کے مہمانِ خصوصی ہدایت اللہ (جے ایم سی اسپورٹس ٹیچر) تھے۔ اس دن کا موضوع والدین کے ساتھ کھیل اور ہم آہ...

بیدر : 14دسمبر)نامہ نگار)عالمِ اسلام کی مایہ ناز شخصیات کی پُروقار تشریف آوری کے ساتھ سنگاریڈی میں جشنِ مولائے کائنات کانفرنس نہایت عقیدت، وقار اور روحانی ماحول میں کامیابی کے ساتھ منعقد ہوئی۔ یہ عظیم الشان کانفرنس کل مورخہ 13 دسمبر، بروز ہفتہ، بعد نمازِ مغرب بمقام مسجدِ محبوبیہ، شانتی نگر، سنگاریڈی منعقد کی گئی، جس کا اہتمام جمیع اہلِ سنت والجماعت سنگاریڈی کی جانب سے کیا گیا۔کانفرنس میں عالمِ اسلام کی ممتاز و معتبر شخصیت حضرت العلامہ مولانا الشیخ شاہ سید عماد الدین قادری الجیلانی حامد پاشاہ صاحب قبلہ۔ شہزادہ غوث اعظم حضرت علامہ مولانا الشیخ شاہ سید نجم الدین قادری الجیلانی ثاقب پاشاہ صاحب قبلہ (سجادہ نشین حضور شہنشاہ ولایت علیہ الرحمہ و چیرمین کل ہند سنی علماءبورڈ حال مقیم امریکہ)' آل نبی اولادِ علی شہزادہ غوث اعظم حضرت علامہ مولانا سید شاہ مجتبیٰ حسینی صاحب قبلہ برادر سجادہ نشین آستانہ جلالیہ گلسرم شریف شریف و آستانہ قادریہ کرکندہ شریف اور محب المشائخ محمد جاوید علی قادری صاحب اور جمیع علماءمشائخ سنگاریڈی کی موجودگی میں کامیاب انعقاد ہوا

 بیدر14دسمبر)نامہ نگار)درگاہ حضرت خواجہ شیچ محمد حمیداللہ شاہ قادری الچشتی ؒ منگلگی شریف تعلقہ چٹگوپہ ضلع بیدر کا سہ روزہ 31واں سالانہ عرس و صندل شریف نہایت ہی ادب و احترام کے ساتھ منایا گیا ۔تفصیلات کے بموجب 16جما دی الثانی کو بعد نماز مغرب قیام گاہ حضرت ممدوح ؒ آئی بی کالونی سے نکل کر درگاہ حضرت ممدوحؒ پہونچا ۔پیر طریقت جناب خواجہ شیخ محمد عظیم اللہ شاہ قادری الچشتی بندہ نوازی سجادہ نشین و متولی درگاہ حضرت ممدوح نے جملہ صندل مالی کی خصوصی رسومات بصد عقیدت و احترام علمائے مشائخین،معزیزین ،سرگروہان فقرائ،عقیدتمندان کی موجود گی میں انجام دئے ۔بعد ادائیگی صندل مالی گلہائے عقیدت ، سلام و نیاز فاتحہ، تقسیم تبرکات بدست فرزند محمد علیم الدین قادری المعروف یم اے قادری جانشین سجادہ نشین عمل میں آئے ۔بعد صندل پر تکلف طعام برائے دنگل کا انعقاد عمل میں آیا ۔ بعد صندل محفل سماع کا انعقاد عمل میں آیس۔17جمادی الثانی بعد نماز مغرب تنصیف سنگ بنیادقادری مسجد رکھا گیا ، بعد نماز مغرب جشن چراغاں ، بعد ادائیگی نماز عشاءجلسہ جشن عظمت اولیاءاللہ کا انعقاد عمل میں آیا ۔تقدس مآب فخر گلبرگہ حض...

دعوتِ اسلامی ہند کی قومی مہم “SAY NO TO DRUGS” "منشیات کے اندھیروں میں امید کی کرن". تحریر : عقیل خان بیاولی  جلگاؤں۔ معاشرہ آج جس خاموش مگر نہایت مہلک دشمن کے نرغے میں ہے، اس کا نام منشیات ہے۔ یہ وہ آہستہ چلنے والا زہر ہے جو بیک وقت انسان کے ایمان، عقل، صحت، معیشت اور سماجی رشتوں کو کھوکھلا کر دیتا ہے۔ منشیات صرف ایک فرد کا ذاتی مسئلہ نہیں رہتی بلکہ پورے خاندان، محلے، شہر اور بالآخر قوم کی تباہی کا سبب بنتی ہے۔ افسوسناک حقیقت یہ ہے کہ ہماری نوجوان نسل اس لعنت کا سب سے آسان شکار بنتی جا رہی ہے، جہاں فیشن، دوستوں کا دباؤ، بے راہ روی اور وقتی لذت کا فریب ایک روشن مستقبل کو اندھیروں میں دھکیل دیتا ہے۔ اسلامی تعلیمات کی روشنی میں دیکھا جائے تو منشیات ہر اس شے میں شامل ہے جو عقل کو ماؤف کرے، اور عقل ہی انسان کو اشرف المخلوقات کا درجہ عطا کرتی ہے۔ جب عقل پر پردہ پڑ جائے تو نہ حلال و حرام کی تمیز باقی رہتی ہے، نہ صحیح و غلط کا شعور۔ یہی وجہ ہے کہ نشہ صرف جسمانی بیماری نہیں بلکہ روحانی زوال اور اخلاقی انحطاط کا دروازہ بھی کھول دیتا ہے۔ ایسے نازک اور تشویشناک حالات میں دعو...

کرپشن ختم؟ مصنفہ: نذیرہ قاضی، ریٹائرڈ لیکچرر، بیجاپور۔ آج کوئی بھی سرکاری محکمہ کرپشن سے پاک نہیں ہے۔ بدعنوانی کا مطلب رشوت، بدعنوانی، بدعنوانی، یا بدانتظامی ہے۔ اس سے مراد اخلاقی دیوالیہ پن یا بے ایمانی کا عمل یا حالت ہے، خاص طور پر عوامی طاقت کے غلط استعمال کے ذریعے۔ یہ پیسہ، طاقت، یا دیگر فوائد کے لئے بے ایمانی سے کام کرنا ہے۔ بدعنوانی ذاتی فائدے کے لیے قوانین کی خلاف ورزی کرنے کے لیے طاقت یا عہدے کا غلط استعمال ہے۔ یہ ملکی معیشت، سماجی انصاف اور جمہوری ترقی کے لیے نقصان دہ ہے۔ بدعنوانی ایک بے ایمانی اور مجرمانہ فعل ہے جو افراد یا گروہوں کی طرف سے رشوت خوری، ناجائز فائدہ یا طاقت کے غلط استعمال کے ذریعے کیا جاتا ہے۔ آج ریاست میں 63 فیصد کرپشن عروج پر ہے۔ حکومت کے اخراجات کا 20 فیصد عام لوگوں تک نہیں پہنچتا۔ موت کے بغیر گھر، کرپشن کے بغیر کوئی محکمہ نہیں۔ وقت آگیا ہے۔ یہ کہنا اگر ہم اس کی وجہ کی نشاندہی کریں تو اس میں کوئی شک نہیں کہ بدعنوانی کی جڑیں ودھان سودھا تک پہنچتی ہیں۔ ودھان سودھا کے سامنے لکھا ہے کہ سرکاری کام خدا کا کام ہے۔ لیکن جو لوگ اس کے اندر کام کرتے ہیں وہ ...

نماز جنازه کا اعلان۔۔ حضرت جی مولانا پیر ذوالفقار احمد صاحب نقشبندی رحمہ اللہ۔ کی نماز جنازه كل 15/ڈسمبر2025ھ بروز پیر صبح 11:00 بجے دن جھنگ میں ادا کی جائے گی۔  اِنَّا لِلَّهِ وَإِنَّا إِلَيْهِ رَجِعُون۔  ذو الفقار نقشبندی 1 اپریل 1953ء کو صوبہ پنجاب، پاکستان کے شہر جھنگ میں ایک کھرل خاندان میں پیدا ہوئے۔ ذو الفقار احمد نقشبندی کی تعلیم اسکولوں اور کالجوں میں ہوئی۔ انھوں نے کئی عصری کورس کیے 1972ء میں بی ایس سی الیکٹریکل انجینئر کی ڈگری حاصل کرکے اسی شعبے سے وابستہ ہو گئے، پہلے اپرنٹس الیکٹریکل انجینئر، پھر اسسٹنٹ الیکٹریکل انجینئر بنے، اس کے بعد چیف الیکٹریکل انجینئر بن گئے، جس زمانے میں وہ انجینئر بن رہے تھے اس زمانے میں جمناسٹک، فٹ بال، سوئمنگ کے کیپٹن اور چمپیئن بھی رہے، ابتدائی دینیات، فارسی اور عربی کی کتابیں بھی پڑھیں، قرآن کریم بھی حفظ کیا، یہاں تک کہ جب وہ لاہور یونیورسٹی میں زیر تعلیم تھے ان کا تعلق عمدۃ الفقہ کے مصنف سید زوار حسین شاہ سے ہو گیا، جو نقشبندیہ سلسلے کے ایک صاحب نسبت بزرگ تھے، شیخ ذو الفقار احمد نے ان سے مکتوبات مجدد الف ثانی سبقاً سبقاً پڑ...

معیار۔۔۔  از قلم : عارف محمد خان۔  شہر کا نامور تعلیمی ادارہ اپنی شاندار عمارت، چمکتے اشتہارات اور بڑے بڑے دعوؤں کی وجہ سے ممتاز سمجھا جاتا تھا۔ یہاں تقرری کا عمل ایک مقدس روایت کی طرح پیش کیا جاتا۔فائلوں میں سجی ڈگریاں، تجربے کے ثبوت اور “صرف معیار” کے سنہرے جملے۔ مگر انہی دیواروں کے اندر نان گرانٹ اساتذہ کی تنخواہیں اتنی قلیل تھیں کہ مہینے کے آخری دن سوال بن کر سامنے آتے۔ کوئی شکایت زبان تک نہیں لاتا، کیونکہ یہاں خاموشی ہی ملازمت کی ضمانت تھی۔ استحصال کوئی الزام نہیں تھا، بلکہ نظام کا حصہ تھا۔ جب کبھی کسی اسکول کی “گرینڈ” کا اعلان ہوتا، تو ایک غیر تحریری حکم بھی گردش میں آ جاتا. " تمام اساتذہ تعاون کریں گے۔" یہ تعاون دراصل جیب سے ادا ہونے والی رقم تھی، جسے ڈونیشن نہیں کہا جاتا تھا، مگر انکار کی گنجائش بھی نہیں ہوتی تھی۔ آخرکار وہ دن آ پہنچا۔ جگمگاتا ہال، معزز مہمان، کیمرے اور تالیوں کی گونج۔ اسٹیج پر ادارے کے سربراہ نے پراعتماد مسکراہٹ کے ساتھ اعلان کیا: "ہم نے اساتذہ کی تقرری صرف معیار کی بنیاد پر کی ہے، اور الحمدللہ ہمارا ادارہ کسی قسم کی ڈونیشن نہیں لیتا...

عمرکھیڑ : (عثمان احمد)، ۱۳ دسمبر ۲۰۲۵ ڈاکٹر اقبال نگر پریشد اردو اپر پرائمری گرلز اسکول، عمرکھیڑ کی جماعت ششم اور ہفتم کی طالبات کے لیے نصاب کے ایک اہم حصے کے طور پر حال ہی میں ایک خصوصی فیلڈ ٹرپ کا کامیاب انعقاد کیا گیا۔ اس دورے سے طالبات کو سرکاری دفاتر اور مقامی انتظامیہ کے کام کاج کی براہ راست معلومات ملی۔  اہم مقامات جہاں دورہ کیا گیا :   صدر مدرس راحت روشن انصاری کی زیرِ قیادت طالبات نے مندرجہ ذیل اہم سرکاری اداروں کا دورہ کیا: پولیس اسٹیشن، عمرکھیڑ: یہاں طالبات کو قانون اور نظم و نسق برقرار رکھنے کی اہمیت، پولیس کا کام اور شکایت درج کرنے کے عمل کے بارے میں سمجھایا گیا۔ نگر پریشد (بلدیہ)، عمرکھیڑ: مقامی خود مختار ادارے کے طور پر بلدیہ کے کام کاج، ٹیکس نظام، صفائی مہم اور شہریوں کے لیے سہولیات کے بارے میں افسران سے معلومات حاصل ہوئیں۔ پوسٹ آفس، عمرکھیڑ: خط و کتابت، پارسل سروس، اور پوسٹ آفس میں دستیاب چھوٹی بچت اسکیموں کے بارے میں طالبات نے جانا۔ چھترپتی سنبھاجی مہاراج گارڈن، عمرکھیڑ: فطرت اور ماحولیات کی اہمیت کے ساتھ ساتھ گارڈن ...

شولاپور : (نامہ نگار) 'بزمِ غالب شولاپور' کی جانب سے منعقد کردہ بین المدارس اردو کوئز مقابلے میں "ایم اے پانگل اینگلو اُردُو ہائی اسکول" کے طالب علموں کی ٹیم نے تیسرا انعام حاصل کیا۔ اس ٹیم میں ادیبہ مولا جمعدار، فاطمہ مُحمّد توحید عالم شیخ، صدف مُحمّد توحید عالم شیخ اور نعمان عارف انعامدار، ان طالب علموں نے اُردُو زبان و ادب پر پوچھے گئے سوالات کے جوابات بہترین انداز میں دیے۔ اس مقابلے میں شریک چودہ ٹیموں میں سے جن چار ٹیموں نے سب سے زیادہ نمبرات حاصل کیے اُن کے درمیان فائنل مقابلہ لیا گیا۔ اس میں اسکور کی بنیاد پر ایم اے پانگل اینگلو اُردُو ہایی اسکول کی ٹیم کا فائنل کے لیے انتخاب ہوا۔  اس فائنل میں ایم اے پانگل اینگلو اُردُو ہایی اسکول کی ٹیم نے زبردست کھیل کہ مظاہرہ کیا لیکن مقابلے میں بونس اور پاس راؤنڈ میں اینٹی کلاک وائیز کے ردِّ کرنے کی وجہ سے ٹیکنیکل مسئلے کی وجہ سے فائنل جیتنے سے رہ گئی اور اس ٹیم کو سوّم انعام پر اکتفاء کرنا پڑا۔       اُردُو کوئز کی اس انعام یافتہ ٹیم نے اپنی شاندار جیت کی روایت کو جاری رکھا۔ اِس ٹیم کے چاروں ...

نوجوانوں کو باکردار اور ذمہ دار شہری بنانے میں ین یس یس کااہم کردار،بشیراحمد جاگیردار۔ ہارو بیلواڈی میں این ایس ایس کے سالانہ خصوصی کیمپ کا شاندار اختتامی اجلاس۔ دھارواڑ : 13 دسمبر :دھارواڑ تعلقہ کے گاؤں ہارو بیلواڈی میں واقع انجمن آرٹس، سائنس و کامرس کالج و پی جی اسٹڈیز، دھارواڑ کی جانب سے منعقدہ قومی خدمت اسکیم (این ایس ایس) کے سالانہ خصوصی کیمپ کا اختتامی اجلاس جذبۂ خدمت کے ساتھ منعقد ہوا۔ اس موقع پر اساتذہ، طلبہ، معزز مہمانانِ گرامی اور گاؤں کے معززین کی بڑی تعداد موجود تھی۔تقریب کی صدارت انجمن اسلام کے نائب صدر جناب بشیر احمد جہانگیر دار نے کی۔ اپنے صدارتی خطاب میں انہوں نے کہا کہ این ایس ایس کیمپ صرف ماحول کی صفائی تک محدود نہیں بلکہ ذہنی پاکیزگی اور اخلاقی بالیدگی کا پیغام بھی دیتے ہیں۔ انہوں نے کیمپ میں شریک طلبہ پر زور دیا کہ وہ دیہی زندگی کے حسن کو سمجھنے کے لیے اخلاص، نظم و ضبط اور ذمہ داری کے اوصاف کو اپنی شخصیت کا حصہ بنائیں۔ ان کے مطابق ایسے کیمپ نوجوانوں کو باکردار اور ذمہ دار شہری بنانے میں اہم کردار ادا کرتے ہیں۔تقریب کے مہمانِ خصوصی، انجمن اس...

عمر کھیڑ، (نامہ نگار عثمان احمد): ( 13, دسمبر 2025 سنیچر) ڈاکٹر اقبال نگر پریشد اردو گرلز مڈل اسکول، عمر کھیڑ کی جانب سے طالبات کے لیے چھتر پتی سنبھاجی مہاراج باغ، عمر کھیڑ میں ایک کامیاب اور شاندار تعلیمی سیر (Educational Tour) کا اہتمام کیا گیا۔ اس سیر کا مقصد طالبات کو تفریح کے ساتھ ساتھ عملی اور قدرتی ماحول سے متعلق تعلیم فراہم کرنا تھا۔ سیر کا مقصد اور مقام :  اسکول انتظامیہ نے بچوں کی ہمہ جہت ترقی کو مدنظر رکھتے ہوئے یہ تعلیمی دورہ ترتیب دیا۔ شہر کے بیچوں بیچ واقع چھتر پتی سنبھاجی مہاراج باغ کو سیر کے مقام کے طور پر منتخب کیا گیا، تاکہ طالبات کو فطرت کے قریب جا کر تازہ دم ہونے اور مختلف پودوں، درختوں اور ماحولیاتی پہلوؤں کا مشاہدہ کرنے کا موقع مل سکے۔ طالبات میں جوش و خروش :  اس سیر میں اسکول کی طالبات نے بڑے جوش و خروش سے حصہ لیا۔ باغ کے سرسبز میدانوں اور خوبصورت مناظر نے بچوں کو بے حد متاثر کیا۔ طالبات نے مختلف طرح کی تفریحی سرگرمیوں میں حصہ لیا اور کھیل کود کا بھرپور لطف اٹھایا۔  اسی دوران مدرسہ کی جانب سے بچوں کو ناشتہ اور طع...

بیدر : 13 /ڈسمبر(نامہ نگار) ۔رائچور میں پیدا ہونے والے اور بنگلور کے یو وی سی ای سے آرکیٹیکچر کی تعلیم حاصل کرنے والے نامور فنکار، تھیئٹر آرٹسٹ اور آوازی اداکار ظفر محی الدین کو حکومتِ کرناٹک کی جانب سے کرناٹک راجیہ اُتسَو ایوارڈ 2025سے نوازے جانے پر شاہین ادارہ جات بیدر کی جانب سے ایک باوقار اور شایانِ شان تہنیتی تقریب منعقد کی گئی، جس میں علمی، ادبی اور سماجی حلقوں کی ممتاز شخصیات نے شرکت کی۔تقریب کا آغاز ظفر محی الدین کے پرتپاک استقبال سے ہوا، جہاں ان پر پھولوں کی پتیاں نچھاور کی گئیں اور انہیں والہانہ انداز میں خوش آمدید کہا گیا۔ اس تاریخی لمحے میں شہر کے اہلِ علم و ادب سمیت طلباء کی بڑی تعداد موجود تھی۔اپنے خطاب میں ڈاکٹر عبدالقدیر، چیئرمین شاہین ادارہ جات بیدر نے کہا کہ ظفر محی الدین نہ صرف فن و ثقافت کا معتبر حوالہ ہیں بلکہ اردو زبان، تھیئٹر، ڈبنگ آرٹ اور سماجی شعور کے فروغ میں ان کی خدمات مثالی حیثیت رکھتی ہیں۔ انہوں نے کہا کہ کرناٹک اردو اکادمی کے رکن کی حیثیت سے ظفر محی الدین نے زبان و ادب کی خدمت کو اپنا مشن بنایا، جب کہ ”ذکرِ غالب“ جیسے معیاری ڈراموں اور تھیئٹر ...

بیدر13/ (نامہ نگار ) مولانا یسین اشرفی بانی و ناظم مدرسہ عربیہ معینیہ زبیر کالونی گلبرگہ نے حضرت علامہ مولانا مفتی سید شاہ حسینی پیراں صاحب قبلہ کامل جامعہ نظامیہ و ریسرچ اسکالر مانو کو مولانا آزاد نیشنل اردو یونیورسٹی میں منعقدہ دو روزہ سمینار کے کامیاب انعقاد کی مسرت میں تہنیت پیش کی ۔ واضح رہے کہ مولانا آزاد نیشنل اردو یونیورسٹی حیدرآباد میں 8 اور 9 دسمبر کو نیشنل سیمنار بعنوان "دکن کی خانقاہیں اور ان کی علمی و سماجی خدمات" نہایت عظیم الشان پیمانے پر کامیابی کے ساتھ اختتام پذیر ہوا ۔ یہ سیمنار شعبہ عربی مولانا آزاد نیشنل اردو یونیورسٹی کے صدر فضیلت مآب پروفیسر حضرت سید علیم اشرف جائسی صاحب قبلہ اور قرآن فاؤنڈیشن حیدرآباد کے اشتراک سے منعقد کیا گیا تھا ۔اس سیمنار میں خانوادے گلسرم و کرکندہ شریف کی علمی ادبی و تحقیقی شخصیت عزت مآب حضرت سید شاہ حسینی پیراں صاحب قبلہ نے نہ صرف مقالہ پیش کرکے خانوادے کی نمائندگی کی بلکہ اس سیمنار کی مینیجنگ کمیٹی کا حصہ رہے اور اس سیمنار کو کامیاب بنانے میں آپ نے بھی بڑا اہم کردار ادا کیا ۔اسی طرح حضرت نور المشائخ کے فرزند اکبر حضرت...

قرآن کو سمجھنے سے مسلمانوں کو روکنے کا نقصان دہ رویّہ — ازقلم : پروفیسر مختار فرید۔ بھیونڈی، مہاراشٹرا۔ انڈیا۔۔ علماء نے مسلمانوں کو فرقوں میں بانٹنے کا سب سے نقصان دہ کھیل کھیلا ہے، حالانکہ قرآن واضح طور پر فرقہ بندی سے منع کرتا ہے۔ سورہ مؤمن کی آیت 53 بتاتی ہے کہ لوگ کس طرح خود ساختہ گروہوں میں بٹ گئے۔ آیت 54 میں نبی ﷺ کو ہدایت دی گئی ہے کہ ایسے لوگوں کو ان کی جہالت کی تاریکیوں میں سرگرداں چھوڑ دیں۔ اور آخر میں سخت تنبیہ ہے کہ اللہ کے ساتھ شریک نہ ٹھہرایا جائے — جو سب سے بڑا گناہ ہے۔ یہ ایک نہایت سنگین اور افسوسناک مسئلہ ہے جس نے ہماری اُمّت کی ذہنی اور روحانی ترقی کو شدید نقصان پہنچایا۔ نسل در نسل عوام الناس کو بعض علماء نے قرآن براہِ راست سمجھنے سے دور رکھا۔ انہیں غور و فکر کی دعوت دینے کے بجائے یہ باور کرایا جاتا ہے کہ وہ قرآن سمجھنے کی صلاحیت نہیں رکھتے، اور ان کا کام صرف تلاوت کرنا ہے تاکہ ثواب مل جائے۔ میں علماء کو گمراہ کن باتیں پھیلانے کا ذمہ دار سمجھتا ہوں، جیسے یہ کہنا کہ قرآن کے ہر حرف پر دس نیکیاں ملتی ہیں، اور اس بنیاد پر صرف تلاوت کافی ہے — ایسی روایات کا غ...

کہانی۔  عنوان:حسن  اخلاق سب سے بڑی دولت. نوخیز قلم کار : نام طالبہ : امٌِ تبشرہ بنت شفیق اللہ خان جماعت :پنجم۔۔ زیر رہنمائی:معلّمہ ناظمہ رہبری۔۔ (مدرسہ: امراؤتی عظمی بلدیائی اردو وسطانوی و فوقانوی مدرسہ نمبر 06.چپراسی پورہ،کیمپ،امراؤتی) ایک شہر میں دو دوست رہتے تھے ۔ایک کا نام آذر اور دوسرے کا نام شہریار تھا۔بچپن سے ہی دونوں ساتھ کھیلتے اور پڑھتے تھے۔ بعض اوقات دونوں ایک دوسرے کے گھر کھانا بھی کھایا کرتے تھے ۔روزانہ اسکول ساتھ میں جاتے اور واپسی میں دونوں ساتھ گھر لوٹتے۔ان کی دوستی محلّہ اور  اسکول میں بہت مشہور تھی۔ایک دن اچانک دونوں میں  کسی بات پر لڑائی ہو گئی ۔آزر نے شہریار کوزور سے دھکٌّا دے دیا اور اچانک شہریار  اسکول میں   رکھی میز سے جا ٹکرایا ،اس کے سر پر  نہایت  گہری چوٹ لگ گئی تھی۔شہریار کے سر سے خون بہہ رہا تھا،لیکن آزر نے کچھ پرواہ نہ کی،غصہ سے  باہر چلا گیا۔جیسے ہی شہریار کے استاد کو یہ بات پتہ چلی کہ شہریار کو چوٹ لگ گئی ، وہ اسے اسکول کے قریب کے ہسپتال میں لے گئے ۔اس کے والدین بھی دوڑتے ہوئے آئے تھے۔ والدین نے...

جلگاؤں ( عقیل خان بیاولی)  دعویٹ اسلامی ہند کا فلاحی شعبہ غریب نوازریلیف فاؤنڈیشن، ملک بھر میں ضرورت مند اور لاچار لوگوں کے لئے کمبل تقسیم کی مہم چلا رہا ہے۔ جس کا مقصد ضرورت مند خاندانوں ، بچوں ، بزرگوں اور مسافروں کو ریلیف فراہم کرنا ہے اسی مہم کے تحت ١٣ دسمبر بہ روز سنیچر بھو ساول شہر میں جامنیر روڈ ، کھڑکا روڈ ، ماڈرن روڈ ، شیواجی کمپلیکس ، ریلوے اسٹیشن اور بس اسٹیشن کے اعتراف میں سردی سے راحت فراہم کرنے کے لئے ضرورت مند بچوں ، بوڑھوں اور مسافروں کو امداد فراہم کی گئی ۔ کمبل حاصل کرنے کے بعد فائدہ اٹھانے والوں کے چہروں پر مسکراہٹ دیکھنا اس پروگرام کی سب سے بڑی کامیابی تھی۔ دعوتِ اسلامی اسلامی انڈیا کےضلع صدر زبیر عطاری نے ان تمام عطیہ دہندگان اور رضاکاروں کا شکریہ ادا کیا جن کی شراکت نے اس عمدہ کام کو ممکن بنایا۔ انہوں نے کہا کہ غریب نواز ریلیف فاؤنڈیشن (جی این آر ایف) مستقبل میں بھی اس طرح کے عوامی فلاح و بہبود کے کاموں کو جاری رکھنے کے لئے پرعزم ہے۔ وہ لوگ جو اس طرح کے پروگراموں میں حصہ ڈالنا چاہتے ہیں وہ آن لائن عطیہ کرسکتے ہیں: ویب سائٹ: www.gnrf.in/donati...

اردو کو سائنسی علوم سے جوڑنا وقت کی اہم ضرورت ہے۔ ڈاکٹر مہتاب عالم۔۔ ’’اردو ہماری تہذیب ہے،تہذیب ختم تو تعارف بھی ختم ہو جائے گا ۔‘‘ اقراء تھیم کالج کے زیر اہتمام 'اردو کی مہک ،محبت ،مسائل و حل' موضوع پر منعقدہ سیمینار میں شرکاء کا اظہار خیال  'موج افکار مشتاق کریمی' کی رونمائی۔ جلگائوں : (پریس ریلیز)’’ہم اردو سے محبت کا دعوی تو کرتے ہیں ،مگر عملی اقدامات نہیں اٹھاتے ،جب حکومتوں نے دیکھا کہ لاکھ ستائے جانے کے باوجود اردو مر نہیں رہی ہے تو اکادمیوں کا قیام عمل میں لایا گیا۔فروغ اردو کے لیے قائم کردہ اردو اکادمیاں اردو کا فروغ کرنے کی بجائے نام نہاد قلم کاروں کا فروغ کرنے لگیں ۔کیا کوئی اردو اکیڈمی ،یہ اعداد و شمار پیش کر سکتی ہے کہ اس نے کتنے افراد کو اردو سکھائی؟کتنوں کو اردو ڈی ٹی پی سے آشنا کیا؟اگر ہم واقعی اردو کی ترقی چاہتے ہیں تو سنجیدگی سے غور کرنا ہو گا اور اردو کو سائنسی علوم سے جوڑنا ہوگا ۔اردو پرچوں کی خریداری کا رواج جاری کرنا ہوگا ۔چھٹیوں میں بچوں کو موثر نصاب دینا ہو گا تب جاکر اردو کی ترقی کی راہیں ہموار ہو سکتی ہیں ۔‘‘ ان خیالا...