Sadae Maharashtra E Urdu News Solapur صدائے مہاراشٹر ای اُردو خبر نامہ شولاپور

جلگاؤں ۔ (نامہ نگار) ارونوادیہ گیان پرسارک منڈل کے زیرِ انتظام چلنے والے "کلا، وانیجّیہ و گرہ وگیان مہلا مہا وِدیالیہ، جلگاؤں" کے انگریزی کے پروفیسر جناب یونس شیخ رشید صاحب 31 سالہ خدمات انجام دینے کے بعد ریٹائر ہوئے۔ خدمتِ مکملی کا یہ پروگرام کالج میں نہایت عزت و احترام کے ساتھ منعقد کیا گیا۔ اس بابرکت تقریب کی صدارت ادارے کے صدر ڈاکٹر اے پی چودھری نے فرمائی۔ اس موقع پر پرنسپل نیماڈے میڈم، شمالی مہاراشٹر یونیورسٹی کے لا ڈیپارٹمنٹ کے ڈپٹی رجسٹرار جناب منّاف شیخ صاحب، وائس پرنسپل ستیش جاڈو، پروفیسر ڈاکٹر چاند خان (پرنسپل انچارج، اقراء ایچ جے تھیم کالج)، اور پروفیسر یونس شیخ صاحب کے اہلِ خانہ موجود تھے۔ یونس شیخ صاحب کے تعلق سے کالج کے اساتذہ نے اُن کی تعلیمی خدمات، اخلاقی اقدار اور شخصیت کی بے شمار خوبیاں بیان کیں۔ سبھی نے انہیں ایک بااخلاق، محنتی اور طالب علموں کا خیر خواہ استاد قرار دیا۔ پروگرام کی نظامت پروفیسر کامبلے سر نے نہایت عمدہ انداز میں انجام دی۔ بعد ازاں ستیش جاڈو سر، ڈاکٹر منّاف شیخ، مختار سر، نیماڈے میڈم، ڈاکٹر چاند خان، اور ڈاکٹر اے پی چودھری نے اپنے...

حضرت مولانا محمد سلمان صاحب بجنوری دامت برکاتہ کا مسجد ہاشم آمبورمیں خطاب۔ حضرت مولانا محمد سلمان صاحب بیجنوری دامت برکاتہم استاد حدیث دارالعلوم دیوبند و خلیفہ حضرت پیر ذوالفقار علی صاحب مدضلہ العالی کا خطاب مسجد ہاشم آمبورمیں ہوا حضرت نے فرمایا کہ آ آمبور کی آمد اور اس خطاب کےموقعہ کو آپ باعث سعادت سمجھتے ہیں اللہ رب العزت کا کسی سے بھی کوی بھی دین کا کام لے لینا باعث سعادت ہے حضور صلی اللہ علیہ وسلم نے حضرت علی رضی اللہ عنہ سے غزوہ خیبر کے موقع پر فرمایا تھا اے علی( رضی اللہ عنہ) تمہاری وجہ سے اگر اللہ تعالی کسی ایک ادمی کو بھی ہدایت دے دے تو یہ تمہارے لیے سرخ اونٹوں سے بھی زیادہ بہتر ہے  مولانا نے فرمایا کہ     اللہ تعالی اپنے سارے بندوں کو نعمتیں دیتے ہیں بندوں سے یہ بات چھپی نہیں ہے یہ سمجھنے سمجھانے کا مسئلہ ہی نہیں ہے ساری کائنات اللہ تعالی کی رحمت کے نتیجے سے وجود میں ائی ہے اب اس دنیا میں جتنے بھی انسان اللہ نے بنانے ہیں وہ کسی بھی مذہب سے تعلق رکھتے ہوں سب کے پاس اللہ کی نعمتیں ہیں دنیا میں اللہ نے بھیجا ہے تو دنیا کی ضرورتیں پور...

شولاپور: (نامہ نگار) شہر شولاپور کی اُمّ المدارس "ایم اے پانگل اینگلو جونیئر کالیج آف آرٹس اینڈ سائنس شولاپور" کی مقبولِ عام اُستانی جویریہ افضل کامبلے نے قابل قدر تدریسی خدمات انجام دیے ۔ اس ضمن میں مورخہ 31 جولائی 2025 کو مدرسہ ہذا میں پرنسیپل ڈاکٹر ہارون رشيد باغبان کی صدارت میں منعقد کیے  گئے ایک جلسہ میں موصوفہ کی گراں قدر خدمات کے اعتراف میں "جلسہ تہنیت" کا انعقاد کیا گیا۔ اور معاون صدر مدرسہ ڈاکٹر ثریّا پروین جاگیردار ، فرحت شیخ , ثمینہ سیّد، صبرین سوداگر ، نغمہ مجاور اور سمعیہ بیگ کے دستِ مُبارک جویریہ ٹیچرکی گل پوشي کی گئی ۔ ساتھ ہی افضل کامبلے صاحب کی گلُ پوشی بھی پرنسيپل ڈاکٹر ہارون رشید باغبان کے دستِ مبارک سے کی گئی۔      اس تقریب کا آغاز افشاء میمن کی تلاوتِ قرآنِ کریم سے ہوا ۔ بعد ازآں، بارہویں آرٹس اور سائنس کی طالبات اور اساتذہ کرام نے اپنے تاثرات پیش کیے اور جویریہ ٹیچرکی جملہ خدمات کو سراہا۔  اس موقع پر  زیبا شیخ اور عائشہ مُلّا ،محبوب سوداگر ، اقبال دلال ، ایمن شیخ، اور دیگر معززین اور طالبات کثیر تعدا...

(تسنیم کوثر عبدالمنان شیخ ،ممبئی کی خصوصی رپورٹ) – مولانا آزاد ایجوکیشن سوسائٹی کے زیرِ انصرام مراٹھواڑہ کالج آف ایجوکیشن، چھترپتی سنبھاجی نگر میں مولانا آزاد نیشنل اردو یونیورسٹی، حیدرآباد کے تحت چلائے جانے والے دورانِ ملازمت بی ایڈ کورس کے زیر تربیت اساتذہ کی الوداعی تقریب کا انعقاد کیا گیا۔ اس تقریب کی صدارت کالج کے پرنسپل ڈاکٹر شیخ عمران رمضان نے فرمائی، بطور مہمانِ خصوصی سینٹر کوآرڈینیٹر ڈاکٹر شیخ شکیل مجید اور سینئر پروفیسر ڈاکٹر کنیز فاطمہ موجود تھیں۔ ملازمت میں تدریسی خدمات انجام دینے والے اساتذہ کو ترقی اور اعلیٰ تعلیم کے لیے دورانِ ملازمت بی ایڈ تربیت حاصل کرنے کا سنہری موقع حاصل ہوتا ہے۔ تعلیمی سال25 _2023 کے دوران مہاراشٹر کے مختلف اضلاع سے تعلق رکھنے والے اردو میڈیم کے اساتذہ نے اس کورس میں داخلہ لیا تھا۔ اس بیچ کے چوتھے سمسٹر کی ورکشاپ کے اختتام پر بروز بدھ بتاریخ 30جولائی 2025 کو یہ تقریب منعقد کی گئی۔پروگرام کا آغاز حافظ بشیر کے خوش الحان تلاوتِ کلام پاک سے ہوا ۔ نعت شریف شیخ کامران نے پیش کرکے سامعین کو محظوظ کیا بعد ازاں تعارفی کلمات مختصر م...

نئ دہلی ( ر پورٹ: ٹی این بھارتی ) دور حاضر میں دور زبان و ادب کی ترقی میں ادبی نشست کا اہم کردار ہے۔ اس ضمن میں انڈین یو نین مسلم لیگ یو تھ ونگ کے قومی صدر آصف انصاری کی رہائش گاہ جسو لہ وہا ر نئ دہلی میں ہیم وتی نندن بہو گناہ میموریل کمیٹی کے صدر اور سر سید ایجوکیشنل اینڈ و یلفئیر سو سائٹی( اعظم گڑھ اتر پردیش ) کے جنرل سیکرٹری ساجد خاں اعظمی کی دہلی آمد پر بہر ملاقات عنوان سے ایک شعری نشست منعقد کی گئ۔             اس موقع پر جا معہ ملیہ اسلامیہ کے سابق پروفیسر خالد محمود نے اپنے صدارتی خطبہ میں کہا کہ زبان و ادب کے زوال کے اس دور میں شعری محفل کا اہتمام قابل ستائش امر ہے ۔ سپریم کورٹ کے سینئر ایڈووکیٹ زیڈ کے فیضان نے بحیثیت مہمان خصوصی خطاب کرتے ہوئے کہا کہ مرحوم ہیم وتی نندن بہو گناہ اردو زبان کے شیدائی تھے انھوں نے اتر پردیش میں وزیر اعلی کے عہدہ کے دوران اردو اسا تذہ کی تقر ری میں اہم کردار ادا کیا ۔ ساجد اعظمی اکثر و بیشتر مرحوم ہیم وتی نندن کی یاد میں مشاعروں کا انعقاد کرتے رہتے ہیں ۔ ایڈووکیٹ فیضان نے ک...

تملناڈو: (محمد رضوان اللہ) ریاستی اُردو اکیڈمی، تمل ناڈو کے نئے نائب صدر اور اراکین کا تقرر 08 جولائی 2025 کو عمل میں آیا۔ نائب صدر ڈاکٹر نعیم الرحمن صاحب کی انتھک محنت اور مسلسل کاوشوں کے نتیجے میں اعلیٰ تعلیمی محکمہ حکومت تمل ناڈو کو متعدد اہم تجاویز پیش کی گئیں۔ گزشتہ دس برسوں سے سرکاری آرٹس و سائنس کالجوں میں اُردو شعبہ کے لیے منظور شدہ پروفیسر کی اسامیاں خالی پڑی تھیں۔ اس کے علاوہ اُردو زبان کے لیے وزیٹنگ لیکچرر کی تقرری بھی وقت کی اہم ضرورت رہی ہے۔ ان مطالبات کے تحت ریاستی اُردو اکیڈمی کی طرف سے محکمہ اعلیٰ تعلیم کے پرنسپل سکریٹری اور کالج ایجوکیشن ڈائریکٹر کو متعدد بار مراسلے ارسال کیے گئے۔ ان کی تفصیل درج ذیل ہے: 1. 20.01.2023 2. 10.05.2023 3. 14.07.2023 4. 20.12.2023 5. 09.05.2024 6. 22.10.2024 7. 26.07.2025 یہ امر افسوسناک ہے کہ حالیہ طور پر حکومت کی جانب سے 574 وزیٹنگ لیکچررس کے لیے درخواستیں طلب کی گئیں، لیکن ان میں اُردو زبان کے لیے کوئی بھی اسامی شامل نہیں کی گئی، جس پر گہری تشویش کا اظہار کیا گیا۔ ریاستی اُردو اکیڈمی کی جانب سے کی گئی مسلسل نمائندگی کے مثبت ن...

 بیدر: 31/جولائی (نامہ نگار) سید نا ابن عباس رضی اللہ تعالی عنہما سے روایت ہے کہ رسول اللہ صلی اللہ علیہ وسلم نے حضرت ابوذر سے فرمایا اے ابوذر ایمان کا کونسا کڑا زیادہ مضبوط ہے عرض کی اللہ اور اسکے رسول زیادہ جانتے ہیں فرمایا اللہ کیلئے دوستی کرنا اللہ کیلئے محبت کرنا۔ حضرت سیدنا ابو ذر رضی اللہ تعالیٰ عنہ سے روایت ہے فرماتے ہیں کہ رسول اللہ صلی اللہ علیہ وسلم ہمارے پاس تشریف لائے اور ارشاد فرمایا کیا تم جانتے ہو کہ اللہ کے نزدیک کونسے اعمال محبوب ترین ہیں کسی کہنے والے نے کہا نماز و زکوۃ کسی نے جہاد کہا، نبی اکرم صلی اللہ علیہ وسلم نے فرمایا یقینا اللہ کے نزدیک پسندیدہ اعمال اللہ کیلئے محبت کرنا اور اللہ کیلئے بغض رکھنا ہے۔ سید نا ابورزین رضی اللہ تعالیٰ عنہ سے روایت ہے کہ رسول اللہ صلی اللہ علیہ وسلم نے ان سے فرمایا کیا میں تم کو وہ چیز نہ بتاؤں جس پر دین کا دار و مدار ہے جس سے تم دنیا و آخرت کی بھلائی پالوگے اپنے اوپر اہل ذکر (صالحین) کی مجلسوں کو لازم کرلو اور جب تم تنہائی میں رہو تو اپنی استطاعت کے مطابق اپنی زبان کو اللہ کے ذکر میں حرکت دیتے رہو اور اللہ کیلئے محب...

جلگاؤں (شیخ زیداحمد) مفتی محمد ہارون ندوی جو نہ صرف ہندوستان میں بلکہ پوری دنیا میں اپنی بیباک تقاریر اور سماجی خدمات اور انسانی خدمات سے متعلق کاموں کے لیے جانے جاتے ہیں، اور ایک مسلم مذہبی رہنما بھی ہیں، ملک بھر میں تعلیم کے فروغ، قومی یکجہتی، سالمیت، امن، خیر سگالی اور معاشرے کو نشے سے نجات کے مشن پر کام کرتے ہیں، ہزاروں لوگ ان کے خطبات سننے کے لیے جمع ہوتے ہیں، کروڑوں نوجوانوں کے دلوں کی دھڑکن ھیں، ان کے جمعہ کے خطبات کو سننے کے لیے بڑی تعداد میں لوگ حاضر ہوتے ہیں۔ اقرا میڈیکل کالج میں 15 سال پروفیسر رہے ھیں،2014 میں سیاست میں قدم رکھا اور بہت کم وقت میں سیاست میں اپنی جگہ بنالی، پہلے انہیں ضلع جلگاؤں کا نائب صدر بنایا گیا اور اب نیشنل کانگریس کمیٹی نے مفتی ہارون کی مقبولیت، قابلیت، محنت اور سماجی کاوشوں کو دیکھ کر انہیں مہاراشٹر کانگریس کمیٹی کا جنرل سکریٹری بنادیا، یہ خبر آتے ہی خصوصا مُسلم برادری میں خوشی کی لہر دوڑ گئی۔ چاروں طرف سے مبارکبادی کا سلسلہ شروع ہوگیا ، اِس موقع پر مفتی صاحب نے کانگریس کمیٹی کے ریاستی صدر ہرش وردھن سپکال کا خصوصی طور پر شکریہ ادا کیا اور...

سولاپور : (نامہ نگار) شعبۂ   اُردو سوشل کالج کے سابق طالب علم ایڈوکیٹ محمد اسماعیل نالوارکا شولاپورکے سینٹرل پبلک نورٹری کی حیثیت سے تقررہوا۔ موصوف پچھلے پندرہ سال سے ڈسٹرکٹ سول کورٹ سولاپور میں پریکٹس کر رہے ہیں۔ سماجی اداروں کے کیسس  میں یدِ طولیٰ رکھتے ہیں۔ آپ  طالب علمی کے زمانے سے ہی سماجی اداروں کے  آؤ ڈٹ کا کام کرتے رہے ہیں۔ آپ نے  کماؤ اور تعلیم حاصل کرو کی راہ پر چل کر اپنی تعلیم مکمل کی۔ قابل رشک و ستائش ہے کے آپ  اُردو میڈیم کے طالب علم ہیں اور سونے پہ سہاگا یہ کہ آپ نے  اُردو ہی سے بی۔ اے۔ مکمل کیا بعدازاں ایل۔ایل ۔بی۔ اور۔ جی۔ڈی۔سی۔ اینڈاے۔  مکمل کیا ۔ آپ کی اس نمایاں کامیابی پر اُردو طبقے میں خوشی کی لہر ہے۔  

تاجدارِ علم و ہنر ہےمیری بہن ! (عقیل خان کی جانب سے بہن کے اعزاز میں) تاجدارِ علم و فن، تو ہادیٔ راہِ شعور، درس گاہوں کی فضا میں ہے تری خوشبو ضرور۔ تو بنی اک پیکرِ اخلاص، آئینہ صفات، نورِ کردار و ہنر کی تو ہے روشن ممکنات۔ مستند ہر بات میں ہے، نرمیٔ لہجہ کی شان، تیری آوازِ صداقت، جیسے بارانِ اذان۔  تزکیۂ دل، تھی کرتی درسِ ایمانی کے ساتھ، بزمِ تعلیمات میں جگتی تھی تو ایماں کی بات۔  "ساجدہ"، پایا لقب سجدوں میں روئی زار زار  نام ہی میں ہے شرافت، نسبتوں کی پاسدار  ورثہء علمِ نبیؐ، سے دامنوں کو بھر دیا  ہر گُلِ ملت کو اپنی شفقتوں سے چُن لیا۔ عمر نے جب کہہ دیا: "اب ہے یہ رُخصت کا سفر"، دل نے روکا، آنکھ نے چاہا، ٹھہر جائے ہنر۔  کوئی غفلت تھی ، نہ کمزوری تقاضا عمر کا، ورنہ تو روشن تھی کرتی اور یہ شہرِ وفا۔ ہے سبکدوشی کی گھڑیوں میں، یہ بھائی کی دعا: تیرا ہر لمحہ ہو روشن، ہو تری صبحِ ضیا۔ علم کا دریا بہے، تو کشتیء رحمت رہے،  فیض پائیں تشنگاں، تو مژدۂ حکمت رہے تُو رہے ہر دل میں زندہ، جیسے خوشبو باغ کی، بات تیری ہو سدا ، اک صورتِ بے داغ سی۔  ہ...

جنیر ، پونہ (انتخاب عالم) نجمن ہائ اسکول جنیر میں آج بروز بدھ ٹھیک ۱۲بجے شجرکاری مہم کی اہمیت وانسانی زندگی پر پڑھنے والے اثرات اس عنوان پر محکمہ جنگلات کے آفیسر رمیش کھرمالے صاصب نے اپنے خیالات کا اظہار کرتے ہوئے کہا کہ پیڑکس طرح انسانی زندگی کی محافظ ہے سائنس نقطہ نظر سے طلبہ کو سمجھایا پیڑ کس طرح زندگی کوبڑھانے اور کھٹانے کام کرتے ہیں وہندوستان میں آبادی کی تناسب سے کتنے پیڑ کی کمی ہے اس کی وجہ سے آکسیجن کی کمی پر اپنے خیالات کا اظہار کیا اس پروگرام کے کنونیر ماجد دائمی سر تھے ا ورمحکمہ جنگلات سے پیڑ منگواکر ۲۰۰ پیڑ لگا نے کاادارہ کیا ساتھ ہی شبنم مس بھی اس مہم کو آگے جاری رکھنے کا سکنکلپ لیا آئے ہوئے مہمان کے ہاتھوں پیڑ تقسیم کیے گے و اس کی افزائش و دیکھ بھال کاوعدہ لیا انجمن ہائ اسکول کے طلبہ وطالبات کیا رمیش کھرمالے صاحب کا اسکول کے پرنسپل انتخاب سر نے شکریہ ادا کیا اس مہم میں رضوانہ مس حصہ لیا۔

جلگاؤں (سعید پٹیل کے ذریعے)بھساول الحراء اردو ہائی اسکول، بھساول میں طلبہ کی جمہوری تربیت، نظم و ضبط، قیادت اور ذمہ داری جیسے اوصاف کو فروغ دینے کے لیے 22 جولائی 2025 کو ایک مثالی انتخابی مہم منعقد کی گئی۔ اس موقع پر طلبہ کے لیے باقاعدہ ووٹنگ بوتھ قائم کیا گیا، جس کا افتتاح قلمکار رحیم رضا کے دستِ مبارک سے عمل میں آیا۔ ووٹنگ کا عمل دوپہر 2 بجے سے شام 5 بجے تک جاری رہا، جس میں طلبہ نے جدید ذرائع جیسے اوٹنگ موبائل ایپ، بیلٹ یونٹ، اور ای وی ایم موبائل کے ذریعے اپنا حقِ رائے دہی استعمال کیا۔ اس انتخابی عمل میں لڑکوں اور لڑکیوں کی مختلف جماعتوں سے نمائندگی ہوئی۔ دسویں جماعت سے حمران عمران خان، طوبی اشفاق الدین قاضی اور زوبیہ محمد سلطان قریشی، محمد فیصل نعیم شیخ کامیاب ہوئے۔ نویں جماعت سے محمد فیصل نعیم، زرار اشفاق باغبان، قریشی زید احمد، شیخ اصف، اشمیرا ساجد علی اور گلفشاں غلام سرور منتخب ہوئے، جبکہ آٹھویں جماعت سے حسان خان عمران، محمد عمر دانش، مہوش شہزاد پٹیل اور یسرا ندیم انصاری کامیاب قرار پائے۔ کامیاب طلبہ نے 24 جولائی کو ایک پُروقار تقریب میں اپنے عہدوں کا حلف معزز مہمانا...

نظم: "چراغِ علم کی خوشبو" محترم المقام عالی مرتبت عظیم استانی ساجدہ طیب ( پھوپھو جان )کی باوقار بے داغ سبکدوشی ٣١ جولائی ٢٠٢٥ء پر منظوم خراجِ تحسین۔ ڈاکٹر خان رضوانہ سمیر میڈیکل آفسر ضلع پریشد اورنگ آباد ۔ چراغِ علم جلایا سلیقے سے آپ نے اندھیرے میں راہ دکھائی، قرینے سے آپ نے سبق دیا وفا کا، محبت کا، علم کا ضیا بکھیر دی ہر اک مہینے سے آپ نے نہ کوئی شکایت، نہ تھکن کا اظہار تھا خموشی میں سکھایا، قرینے سے آپ نے نہ دولت کا لالچ، نہ شہرت کا خواب تھا نبی کا پیشہ نبھایا یقیں سے آپ نے کبھی ماں سی شفقت، کبھی دوست کا سکوں بچوں کو بانٹا ہر رنگ، سینے سے آپ نے نیشنل ایجوکیشن سوسائٹی کی یہ فضائیں گواہ ہیں خدمت کی، نگینے سے آپ نے ہر اک قدم پہ چھوڑی، وفا کی ایک لکیر کردار کا اجالا، سفینے سے آپ نے ساجدہ طیب! آپ صرف نام نہیں یہ علم کی روشنی ہے، قرینے سے آپ نے سبکدوش ہوئیں، پر مثال بن گئیں جو وقت بانٹا ہمیں، وہ خزینے سے آپ نے دعائیں ساتھ ہیں، قدم چومیں زمانے یہ راہیں روشن رہیں، نگینے سے آپ نے  یہ حرف شکر ہے رضوانہ کی جانب سے باجی  کہ حق ادا کیا تعلیم کے حوصلے سے آپ نے۔

بیدر: 30/ جولائی (نامہ نگار)بیدر کے رائزنگ اسٹارز کرکٹ کلب نے بھگیرتھ کرکٹ ٹرافی جیت لی۔ حال ہی میں تعلقہ بیدر کے یدلاپور گاؤں میں منعقدہ 20 اوور کا واحد میچ منعقد ہوا۔بیدر کی مہیشوری کرکٹ کلب کی ٹیم، جس نے پہلے بیٹنگ کا فیصلہ کیا، 19.4 اوورز میں اپنے تمام وکٹ گنوا کر 98 رنز بنائے۔بیدر کی رائزنگ اسٹارز کرکٹ کلب کی ٹیم نے پھر 14 اوورز میں 101 رنز بنا کر فتح کا جھنڈا گاڑ دیا۔مہیشوری ایجوکیشن اینڈ چیریٹیبل ٹرسٹ کے صدر تانا جی ساگر نے فاتح ٹیم کو ٹرافی پیش کی۔ٹرسٹ کے نائب صدر انیل اُپار، شانتا کمار منگلے، شیوکمار شاہپورے، رائزنگ کرکٹ کلب کے ریاض، مہیشوری کرکٹ کلب کے ماروتی اور دیگر موجود تھے۔بھگیرتھ ٹرافی کرکٹ میچ کا انعقاد مہیشوری ایجوکیشن اینڈ چیریٹیبل ٹرسٹ نے کیا تھا۔اس بات کی اطلاع مذکورہ ٹرسٹ نے ایک پریس نوٹ کے ذریعہ دی ہے۔  

بھیونڈی: (عبدالعزیز انصاری) آئیڈیل ایجوکیشنل مومنٹ ممبئی اور رئیس ہائی اسکول اینڈ جونیئر کالج بھیونڈی کے اشتراک سے''اسکالرشپ کی تدریس کیسے کریں '' عنوان کے تحت اساتذہ کے لیے یک روزہ ورکشاپ بروز سنیچر 26 جولائی 2025 کو رئیس ہائی اسکول کے اردو بسیرا آڈیٹوریم میں منعقد کیا گیا۔ ورکشاپ کا مقصد اسکالرشپ کی تدریس کرنے والے اساتذہ کی تعمیری صلاحیت کو فروغ نیز اسکالرشپ کی تدریس کی پیڈاگوجی سے اساتذہ کو متعارف کرانا تھا۔پروگرام کا آغاز تلاوت کلام پاک سے ہوا۔مہمانان کا استقبال اور گل پیشی اور آئیڈیل ایجوکیشنل مومنٹ کے مختصر تعارف کے بعد، ورکشاپ کے سرپرست، رئیس ہائی اسکول اینڈجونیر کالج کے پرنسپل ضیاء الرحمن انصاری نے اسکالرشپ کی اہمیت اور اس کی موجودہ دور میں ضرورت پر اپنے زرین خیالات کا اظہار کیا۔کے ایم ای سوسائٹی کے اعزازی جنرل سکریٹری دانیال قاضی نے اسکالرشپ ورکشاپ منعقد کرنے پر نیک خواہشات کا اظہار کرتے ہوئے اساتذہ کو اپنے قیمتی مشوروں سے نوازا۔پہلے سیشن کے رسورس پرسن ماہر علم ریاضی وسیم عبدالستارسر نے اسکالرشپ کے ایک مشقی پرچے کے ذریعے اساتذہ کو یہ باورکرایا کہ ک...

جلگاؤں (عقیل خان بیاولی) اقراء ایجوکیشن سوسائٹی جلگاؤں کے زیرِ اہتمام اقراء ایچ جے تھیم کالج آف آرٹس اینڈ سائنس کے شعبۂ اردو اور اردو ریسرچ سینٹر کی جانب سے "ادبِ اطفال – عصری تقاضے اور ادبی رجحانات" کے موضوع پر یک روزہ سیمینار کا انعقاد مورخہ 29 جولائی 2025 کو تزک و احتشام کے ساتھ عمل میں آیا۔سوسائٹی کے صدر الحاج عبدالکریم سالار نے صدارتی خطبے میں ادبِ اطفال کو نئی نسل کی فکری وتخلیقی تعمیر کا ستون قرار دیتے ہوئے کہا کہ "ادبِ اطفال محض کہانیوں کا مجموعہ نہیں بلکہ قوموں کے اخلاقی اور فکری رویّوں کی بنیاد ہے۔ تعلیمی اداروں کو چاہئے کہ وہ نصابی و غیر نصابی سرگرمیوں میں ادبِ اطفال کو ایک مؤثر اور ضروری عنصر کے طور پر شامل کریں تاکہ بچوں کے اندر تخیل کی پرواز اور شعور کی بالیدگی پیدا ہو۔"اس ادبی نشست کے مہمانانِ خصوصی میں ملک کی دو ممتاز علمی و ادبی شخصیات — سراج عظیم (بانی جشنِ بچپن) اور ڈاکٹر مظفر حسین غزالی (معروف صحافی، محقق و ادیب) شامل تھے۔  سراج عظیم نے بچوں کے ادب میں تخلیقی رجحانات اور موجودہ دور کے بدلتے ہوئے فکری تناظر پر روشنی ڈالتے...

پونہ (پریس رلیز) مورخہ 28/ جولائی بروز پیر شام پونے کے مشہور اسٹوڈیو( Yknot - Your Content Space ) ( وائی ناٹ یور کنٹینٹ اِسپیس ) این آئی بی ایم روڈ پونے تشریف لائے ہوئے مہمان شعراء غفران امجد، جمیل بنارسی، ڈاکٹر ارشد جمال صارم، عامر مسعود بہرائچی، جاوید احمد خان جاوید، احمد جمال کوثر، سیّد پاشا رہبر کے اعزاز میں ایک مشاعرے کا اہتمام کیا گیا -  اس مبارک موقع پر شمعِ فروزاں کی رسم مہمانِ خُصوصی پروفیسر معین الدین فلاحی صاحب کے ہاتھوں ادا کی گئی، صدارت جناب وقار احمد شیخ صاحب نے کی مہمانِ خُصوصی پروفیسر معین الدین فلاحی صاحب، صدرِ مشاعرہ جناب وقار احمد شیخ صاحب اور مہمانانِ ذی وقار جناب اطہر قریشی صاحب ،جناب اے آر ڈی خطیب صاحب ، جناب سعید احمد سعید صاحب ، جناب قدرت اللہ بیگ صاحب کا پھولوں سے استقبال کیا گیا - مہمان شعراء کا گلپوشی اور شال سے استقبال کے ساتھ ساتھ مختصر تعارف بھی پیش کیا گیا - رات 8 بجے صدرِ مشاعرہ وقار احمد شیخ کی اجازت سے مشہور صحافی، ناظمِ مشاعرہ سیّد حلیم زیدی صاحب نے تنویر احمد تنویر کو اے سی ایف سی کے تعارف کے لیے مدعو کیا تعارف کے بعد با قاعدہ مشاعر...

" دادی ماں کے نسخے" بھیونڈی اسٹیج پر کافی عرصے بعد "مجیب خان کا تحریر کردہ ڈراما" ایک عمدہ اردو ڈرامہ "دادی ماں کے نسخ” کھیلا گیا۔ محمد حسین ساحل ممبئی کی رپورٹ۔ “دادی ماں کے نسخے” یہ وہ ڈرامہ ہے جو موجودہ سماج کی حالت زار کی ترجمانی کرتا ہے اور سماج کو آئینہ دکھانے کا کام بھی کرتا ہے۔یہ ڈرامہ لیمکا بک اور ورلڈ وائڈ بک کے ایوارڈ یافتہ مجیب خان نے تحریر کیا ہے۔ جس کے ہدایت کار عرفان برڈی ہیں۔  ایک مدت کے بعد مجیب خان کے قلم نے کچھ کہا جسے کئی سو لوگوں نے دیکھا اور جسکے چرچے ہر خاص و عام میں ہونے لگے۔ ناظرین نے دل کھول کر قہقہہ لگایا اور پھر کلائمکس پر دیکھنے والوں کی آنکھیں بھیگ بھی گئیں۔ ہنستے ہنساتے لوگوں کو رولا دینا یہ کسی ماہر فن کی ہی قلم کا نتیجہ ہو سکتا ہیں۔ یہ ڈرامہ طربیہ اور حزنیہ ڈراموں کی روایت کی بنیاد “کلاسکی ڈرامائی اصناف “ پر ہے۔ مصنفین یا تو طربیہ ڈرامے تحریر کرتے ہیں یا حزنیہ لیکن مجیب خان نے بڑی خوبصورتی اور چابکدستی سے ان دونوں اصناف کو اپنے ڈرامے میں شامل کر کے ایک نئے طرز کے ڈرامائی فن کا آغاز کر دیا ہے۔  اس ناٹک میں دادی م...

بھیونڈی : (رپورٹ : محمد حسین ساحل) بروز اتوار بتاریخ 27 جولائی 2025 کو بھیونڈی کے جی ایم مومن ویمنس کالج میں عرفان برڈی کے معروف ڈرامہ ادارے ایکٹ آرٹس کر یئٹیو تھیٹر بھیونڈی" کی جانب سے 44 واں "لائف ٹائم اچیومنٹ ایوارڈ اور کلچرل پروگرام کا انعقاد کیا گیا۔  اس باوقار تقریب کے مہمان خصوصی ایڈوکیٹ یاسین مومن تھے۔  لائف ٹائم اچیومنٹ ایواڈ اردو کے معتبر قلمکار خلیق الزماں نصرت، بھیونڈی،شعبہ طب سے وابستہ ڈاکٹر یحییٰ ہدایت اللہ قاضی، اردو تھیٹر ایکسلنس ایوارڈ عدنان سعید سرکھوت اور تعلیمی اور ادبی ایوارڈ ڈاکٹر شرمین انصاری اور لائف ٹائم اچیومنٹ ایوارڈ رفیع الدین فقیہ بوائز ہائی اسکول کے معاون ہیڈ ماسٹر شفیع عاصم پٹیل کو ان کی طویل تدریسی و انتظامی خدمات کے اعتراف میں دیا گیا۔ عمان سے آئے ہوئے عرفان برڈی کے داماد ڈاکٹر عبدالقادر بھی پروگرام میں موجود تھے ان کے فرزند نے محمد ڈاکٹر عبدالقادر نے چندر شیکھر آذاد کا رول ادا کرتے ہوئے انگریزی میں اپنے خیالات پیش کیے جسے لوگوں نے کافی پسند کیا۔ اس کے علاوہ دو مزاحیہ ڈرامے دادی ماں کے نسخے جسے مجیب خان نے قلم بند کیا،جس کے ہدای...

ملکاپور: 28/ جولائی ( محمد احسان سر ) 23 /جولائی کی رات 11.30 بجے پیش آئے ایک ہولناک واقعہ سے ضلع میں غم و غصے کی لہر پھیل گیئں ہے۔ ایک 21 سالہ دلت نوجوان روہن پیٹھنکر کو کانگریس میدان میں اغوا کیا گیا، اس کے مذہب کے بارے میں پوچھنے پر اسے برہنہ کر دیا گیا اور بے دردی سے پیٹا گیا۔ اسے "گائے چوری" کے جھوٹے الزام میں جسمانی تشدد کا نشانہ بنایا گیا۔ قابل ذکر بات یہ ہے کہ حملہ کرنے والوں نے خود اس واقعے کی ویڈیو ریکارڈ کی اور اسے سوشل میڈیا پر پھیلا دیا، جو کہ ترقی پسند مہاراشٹر پر ایک بدنما داغ بن گیا ہے۔ اس واقعہ کے خلاف احتجاج کرتے ہوئے سماجی تنظیم "سمتے کے نیلے وادڑ" کی جانب سے تنظیم کے بانی، صدر بھائی اشانت وانکھیڑے کی موجودگی میں ملکاپور کے تحصیلدار کو تعلقہ صدر راجیندر پوار، - سٹی صدر موہن کھراٹے کی قیادت میں ایک بیانیہ میمورنڈم دیا گیا۔ اس وقت سینکڑوں کی تعداد میں بھیم سینک موجود تھے۔ اس معاملے میں ملزمین کے خلاف فوری طور پر ’’مکوکا Macoca ‘ کے تحت سخت کارروائی کی جانی چاہئے، بصورت دیگر ’’موجودہ قانون کو توڑتے ہوئے کھام گاؤں پولس اسٹیشن کو بند کر دیں...

ملکاپور: 29/جولائی (محمد احسان سر ) موصولہ اطلاع کے مطابق مہاراشٹر ضلع بلڈھانہ کے شہر ملکاپور کے فعال اور کارمند و کارگزار یوا نیتا اور راشٹروادی اجیت دادا پوار گروپ کے ملکاپور شہر یوتھ صدر شیخ عمران شیخ عثمان کو مسلم ویلفیئر ایسوسی ایشن کے قومی صدر سلیم سارنگ نے ملکاپور تعلقہ یوتھ صدر کے طور پر مقرر کیا ہے۔ ایسوسی ایشن نے خیال اور امید ظاہر کی کہ آنے والے دنوں میں شیخ عمران کی قیادت میں تنظیم کا کام مزید وسیع، موثر اور مضبوطی سے پھلے پھولے گا اور بڑھے گا۔ انھیں تقرر نامہ کلیم شیخ، مستقیم شیخ کی موجودگی میں سپرد کیا گیا اور مبارکباد پیش کی گئی اور مستقبل کے لیے نیک تمناؤں کا اظہار کیا گیا۔ مسلم ویلفیر اسوسی ایشن اور قومی صدر سلیم سارنگ اور شیخ عمران کے دوست واحباب اور رشتہ داروں نے شیخ عمران کو دلی مبارکباد پیش کی اور ان کی بطور تعلقہ یوتھ صدر تقرری پر مستقبل کے لیے نیک خواہشات کا اظہار کیا۔

جلگاؤں ( عقیل خان بیاولی) ریاستی حکومت نے مطلع کیا تھا کہ 31 جولائی 2025 تک کی طلباء کی تعداد کو تعلیمی سال 2025-26 کے لیے قبول کیا جائے گا۔ تاہم ایسا کرنے کے بجائے ہر سال کی طرح امسال بھی 30 ستمبر کی تعداد کو قبول کیا جائے، مہاراشٹر اسٹیٹ ٹیچرس ایسوسی ایشن کے ریاستی سکریٹری لائیق پٹیل نے پرزور مطالبہ کیا ہے۔  اب تک، ریاست میں ہر سال 30 ستمبر کو طلباء کی تعداد پر غور کر کےداخلے قبول کرتی رہی ہے۔ لیکن تعلیمی سال 2025-26 کے لیے 31 جولائی تک کے اعدادوشمار کو قبول کیا جائے گا۔ اس سے ریاست کے تعلیمی حلقے میں انتشار کی کیفیت پیدا ہوگئی ہے۔ کیونکہ جماعت 1 تا 12 کے داخلے ابھی تک ہر جگہ جاری ہیں۔ آدھار کارڈ کا اجراء، پیدائش کے اندراج کے سرٹیفکیٹ وقت پر نہیں مل رہے ہیں۔ چونکہ کسان دیہی علاقوں میں کام کر رہے ہیں اس لیے داخلہ کے کاغذات وقت پر نہیں مل رہے ہیں۔ اساتذہ کے تبادلے کیے جا رہے ہیں۔ اس کے علاوہ جب سے اس سال سے گیارہویں جماعت کے آن لائن داخلے شروع ہوئے ہیں، کئی تکنیکی خرابیوں کی وجہ سے آج تک پچاس فیصد بھی داخلے نہیں ہو سکے۔ اس لیے چونکہ ریاست میں ہزاروں طلبہ 31 جولائی کو ...

جلگاؤں (عقیل خان بیاولی) طلبہ مستقبل میں ملک ِعزیز کی جمہوری اقدار اور اپنے حقوق و فرائض کو بہتر طور پر سمجھ سکیں، سیاسی بصیرت اور شعورطلبہ میں پیدا ہوں، سیاست کی سمجھ ان میں پروان چڑھے،وہ اپنے ملک کی سیاست میں سرگرم عمل حصہ لینے لائق بنیں تاکہ وہ سیاست اور سیاسی سازشوں کا شکار ہونے سے بچ سکیں اور سیاست کی ساکھ کو بہتر بنانے میں بہترین کردار ادا کرسکیں، اُن میں لیڈرشپ کی صلاحیت پیدا ہوں۔اِن مقاصد کے حصول کے لئے ملّت ہائی اسکول اینڈ جونیئر کالج مہرون جلگاوں میں ابتداء سے ہی طلبہ کے لئے الیکشن کے عین مطابق انتخابات کا انعقاد کرکے انھیں عملی مشق کروائی جاتی ہے۔اِلیکشن کی یہ عملی مشق اسکول کے شروعاتی دورسے ہی اوّلین صدر مدرس محمد رفیق شاہ کی ایماں پر منعقد ہوتی ہے۔ امسال ہائی اسکول اینڈ جونیئر کالج میں ٣٥ پینتیس ویں اسکول پارلیمنٹ الیکشن کا انعقاد کیا گیا۔ جس کے چیف الیکشن کمیشنر کے طور پر معاون مدرس پٹھان وسیم انیس خان نے فرائض ادا کئے، جبکہ ڈپٹی الیکشن کمیشنر سید آصف تھے۔ اس میں جماعت پانچویں سے بارہویں کے تقریبا 1400 طلباء و طالبات نے اپنا حقِ رائے دہی ادا کیا جس کا ووٹ...

شموگا ، کرناٹک (تہمیم قاسمی) کوویمپو یونیورسٹی شیموگہ کرناٹک اور تنظیم فروغ اردو تمل ناڈو (انڈیا) کے زیر اہتمام"اردو ادب کے سیاق وسباق میں میر تقی میر کی ادبی حیثیت"کے موضوع پر مورخہ 26-27 جولائی 2025 بروز ہفتہ، اتوار دو روزہ بین الاقوامی آن لائن سیمنار کا انعقاد بذریعہ زوم لنک کیا گیا،جس کے افتتاحی نشست کی صدارت فخر جنوب استاذ الاساتذہ پروفیسر سید سجاد حسین صاحب سابق صدر شعبہء عربی فارسی و اردو مدراس یونی ورسٹی نے فرمایا. نظامت کی ذمہ داری اس سیمنار کے روح رواں ڈاکٹر تمیم احمد، وی، چیرمین، تنظیم فروغ اردو، تمل ناڈو (انڈیا) نے انجام دی۔افتتاحی نشست میں مکہ المکرمہ حرم مکی سے شیخ محمد یاسین حفظہ اللہ نے قرآن پاک کی تلاوت فرمائی اور نعت رسول ﷺ مدینہ منورہ سے شیخ جمیل عباسی حفظہ اللہ سر زمین حرم مدنی سے پیش فرمایا۔ پروفیسر سید سی خلیل احمد سابق صدر شعبہ اردو کوویمپو یونیورسٹی شیموگہ نے خطبہ استقبالیہ میں سیمینار کے اغراض ومقاصد پیش کرتے ہوئے تمام مہمانوں کا استقبال فرمایا۔اور مقالہ نگاروں کو مبارک بادی دی اور سیمینار کی کامیابی کے لیے دعا فرمائی۔ خطبہ استقبالیہ کے بع...

"یو-ڈایس" اور "سرل" نظام کا انضمام۔ اساتذہ کے بوجھ میں کمی: تعلیمی نظام میں ایک خوش آئند پیش رفت۔ ازقلم : عقیل خان بیاولی(موظف صدر مدرس جلگاؤں۔) ہندوستان کے تعلیمی نظام میں طویل عرصے سے اساتذہ غیر تدریسی ذمہ داریوں کے بوجھ تلے دبے ہوئے ہیں۔ تعلیمی معیار بلند کرنے کے بجائے، ان سے مختلف نوعیت کے اعداد و شمار جمع کرنے کے کام لیے جاتے رہے ہیں۔ 'یو-ڈایس پلس' اور 'سرل' جیسے دو علیحدہ علیحدہ ڈیٹا بیس نظامات نے اس بوجھ کو مزید بڑھا دیا تھا، جہاں ایک ہی معلومات کو بار بار مختلف پورٹلز پر اپ لوڈ کرنے کی مشقت اساتذہ کے قیمتی وقت کو ضائع کر رہی تھی۔ ایسے میں تعلیمی سال 2025-26 سے 'یو-ڈایس پلس' U-dise plus اور 'سرل' Saral نظامات کے انضمام کا حکومتی فیصلہ نہایت قابلِ تحسین اور وقت کی اہم ضرورت ہے۔ اس تعلق سے ریاست کے تعلیمی ڈایریکٹر پرائمری مہیش گنپولے نے بتایاکہ طلبہ کی معلومات 'اسٹوڈنٹس پورٹل ' پر بھری جاۓ گی اس فیصلے سے اساتذہ پر غیر تدریسی کاموں کا بوجھ کافی حد تک کم ہو جاۓ گا۔ اس اقدام سے نہ صرف اساتذہ کے قیمتی تدریسی وقت...

محمد عظیم عبدالحکیم — ایک عہد، ایک انقلاب! ازقلم : شیخ مجیب الدین۔ (ضلع پریشد اردو اسکول ٹاکلی بزرگ، پنچایت سمیتی، ناندگاؤں گھنڈیشور) منجانب : محمد عبدالمبین۔  "ہمت کا ایک قدم، تقدیر کی کروٹ بدل سکتا ہے —  حوصلے کی ایک چنگاری سے انقلاب جنم لیتا ہے!" محمد عظیم عبدالحکیم سر — ایک ایسے معلم، رہنما اور سماجی خادم، جن کا نام ہی اخلاص، ایمانداری اور فلاحی خدمت کا مرقع بن چکا ہے۔ بی آر سی بھاتکولی میں 12 سالہ مثالی خدمات کے بعد جب انہوں نے ٹاکرکھیڑہ شمبھو اسکول کی کمان سنبھالی، تو ایک روشن دور کا آغاز ہوا، جس نے ادارے کو مثالی اسکول میں تبدیل کر دیا۔ نیا باب — ضلع پریشد اردو اسکول، نیر پنگلائی کا نیا سورج 29 اپریل 2022 کو سر نے جس اسکول کی ذمہ داری سنبھالی، وہاں کے حالات انتہائی دگرگوں تھی ۔ لیکن سر کی مخلص قیادت لگن دیانت اور شبانہ روز مسلسل جدوجہد نے اسے ایک قابلِ فخر ماڈل اسکول میں ڈھال دیا۔ تبدیلی کی داستان — سنگِ میل کے نقوش بنیادی ڈھانچے کی بحالی: پانی کی سہولت، اسکول کی تزئین و آرائش، شجرکاری، سرسبز کیاریاں، نیا فرنیچر اور کمپیوٹر لیب کی تزئین۔ ڈیجیٹل ترقی : سی سی...

پوسد (شریف خان)  آل انڈیا آئیڈیل ٹیچرس اسوسی ایشن یونٹ پوسد کی جانب سے حاجی اختر خان نگر پریشد اردو ہائی اسکول میں "مصنوعی ذہانت - تعلیم کا مستقبل" اس عنوان کے تحت یک روزہ ورکشاپ کا انعقاد کیا گیا۔  پروگرام کا آغاز تلاوت کلام پاک سے ہوا۔ مہمانوں کا روایتی طور پر گلدستے اور شال سے استقبال کیا گیا۔  پروگرام کی صدارت آل انڈیا آئیڈیل ٹیچرس اسوسی ایشن (آئیٹا) مہاراشٹر کے ریاستی صدر محمد عتیق شیخ نے کی۔ شیخ شفیع ضلع پریشد پرائمری اسکول، بٹرگاؤں ، ایجوکیشن ایکسٹینشن آفیسر بوجیور صاحب ضیاءالدین سر، سلیم سر،صادق سر، آئیٹا کے ضلعی صدر عبدالصمد، ضلعی سکریٹری سمیر احمد، ضلعی نائب صدر ساجد مرزا، یونٹ صدر ناصر خان اور یونٹ سکریٹری محسن احمد اس ورکشاپ میں شریک تھے۔ پوسد ، عمرکھیڑ، دگرس، ارنی، واشیم، ماہور اور مہاگاؤں تعلقہ کے مختلف اسکولوں کے تقریباً 200 اساتذہ نے ورکشاپ میں حصہ لیا۔ ماہرین نے مصنوعی ذہانت (AI) دراصل کیا ہے، یہ تعلیمی میدان میں کیسے کارآمد ثابت ہوسکتی ہے، تعلیم میں Gemini، ChatGPT، گوگل ٹولز، Canva جیسے ایپ کا استعمال، AI کی وجہ سے اساتذہ کے کردا...

تملناڈو: (فضل اللہ انتر جامی) مناظر اسلام عالم باکمال حضرت اقدس مولانا مفتی سید محمد معصوم ثاقب صاحب مدظلہ العالیہ جنرل سیکرٹری جمیعت علماء کل ہند و مہتمم مدرسہ دارالعلوم رائی چوٹی کا سیرت طیبہ اور وقف کی حفاظت کے عنوان پر ایک بصیرت افروز بیان ہوا ڈاکٹر فضل اللہ انتر جامی امبور تمل ناڈو کی رپورٹ کے مطابق ا ہلیان محلہ اور شہر ائمہ کرام علماء وفضلا کی ایک کثیر تعداد نے شرکت فرمائی حضرت نے فرمایا کہ دارالعلوم دیوبند کے قیام سے پہلے کئی مدارس دینی تعلیم ہندوستان میں فراہم کرتے رہے پھر دارالعلوم دیوبند کے قیام کے بعد ہندوستان کی تعلیم کا نقشہ ایکسر بدل گیا اور مسلمانوں میں دینی سماجی اور سیاسی بیداری پیدا ہوی ہم ہمارے اسلاف کی قربانیوں کو فراموش نہیں کر سکتے جنوبی ہندوستان میں ام المدارس باقیات الصالحات کی خدمات اظہر من الشمس ہیں انگریزوں کے خلاف جب مجاہدین نے اواز اٹھائی تو بانی باقیات حضرت علامہ عبدالوہاب صاحب کی ذات گرامی کو انگریزوں نے مجاہدین کا رہنما گردانا اور انہی قید وبند کی صعوبتیں جھیلنا پڑی انگریز سپاہیوں نے مشاہدہ کیا کہ بانی باقیات جہاں کہیں موجود ہوتے ہیں جی...