Sadae Maharashtra E Urdu News Solapur صدائے مہاراشٹر ای اُردو خبر نامہ شولاپور

شولاپور : (نامہ نگار) باغبان جمیعت شولاپور سٹی ٹرسٹ اور ادارہ ہذا کے زیرِ انصرام چلنے والی ایجُوکیشن کمیٹی کی جانب سے ، شولا پر ضلع کے گاؤں اور دیہاتوں کے تعلیمی اداروں میں تدریسی خدمات انجام دینے والے باغبان برادری کے اساتذہ کرام کا تہنیتی جلسہ مورخہ 7 ستمبر 2025 کو ٹھیک 2:00 بجے ، باغبان جمیعت کی آفس میں منعقد کیا گیا۔ اس جلسے کی صدارت ، جمیعت کے صدر ڈاکٹر ایم اے دلال نے کی جب کہ جمعیتِ علماء ہند شولاپور ضلع کے نئے منتخب کیے گئے جنرل سیکرٹری اور باغبان جمیعت کے ڈائریکٹر عبد الرزاق چودھری ، حاجی مولا بخش تلجاپورے، مُشتاق باغبان (ایم راؤنڈ)، اخلاق مرچنٹ(سیکرٹری) ، الطاف لیمبو والے (نائب صدر)، فیض احمد باغبان ، مشتاق مرچنٹ ، مشتاق خلیفہ، رئیس باغبان، افتخار تُلجاپورے، صادق باغبان ، امتیاز مرچنٹ ، ابراھیم میندرگی، اشفاق باغبان ، ڈاکٹر ہارون رشید باغبان ، حافظ عبد السلام باغبان، ناظم کامتیکر ، امتیاز دلال ، اعجاز باغبان اور جمیعت کے موجودہ اور سابق زمہ داران اور عہدے داران کے ساتھ ساتھ باغبان یووک سنگھٹنا شولاپور کے صدر و اراکین اور دیگر مہمانان جلسے میں شریک تھے۔  ...

سولاپور:(نامہ نگار) ہفت روزہ اخبارمترپریم سولاپور کی یوم تاسیس کے موقع پر، مترپریم اوربشیرالزماں سوشل ملٹی پرپز آرگنائزیشن سولاپورکے زیرِ اہتمام اخبارکے مدیر رضوان شیخ نے سولاپور کے سماجی ، تعلیمی ، قانونی ، طبی اور دیگر شعبوں میں نمایاں خدمات انجام دینے والی شخصیات کی خدمات کا اعتراف کرنے کے لئے ایوارڈ پروگرام کا انعقاد کیا جس میں  پنیہ شلوک اہلیا دیوی ہولکر سولاپور یونیورسٹی کے لیگل آفیسر ایڈوکیٹ جاوید احمد محمد حنیف خیردی کی شعبہ قانون میں  20 سال سے زائد قانونی خدمات کا اعتراف کرتے ہوئے اسٹیٹ لیول سیوا گورو ایوارڈ 2025 سے نوازا گیا۔ اس موقع پر سولاپور بلدیہ کے سابق میئرعارف بھائی شیخ، سدھیر کھراٹمل صاحب، امول باپو شندے صاحب اور دیگر معززین موجود تھے۔

عثمان آباد (نامہ نگار) عثمان آباد ضلع کے مشہور و معروف تعلیمی ادارے پی ایم شری ضلع پریشد اردو اسکول تیر کے نامی گرامی ماہر سائنس ، فعال و ہر دل عزیز ہائی اسکول ٹیچر محترم جناب پھلمامڑی توفیق العالم نورالامین سر عثمان آباد کے امدادِ باہمی ادارہ برائے معلمین کی جانب سے سن 2025 کے مثالی معلم ایوارڈ بنام "شکشک رتن پرسکار" سے نوازے گئے۔ یہ اعزاز بدستِ رکن اسمبلی محترم جناب کیلاس دادا پاٹل و محترم جناب وکرم کالے صاحب دیا گیا۔ اس ایوارڈ کے حصول پر توفیق العالم سر کو ادارے کے صدر مدرس محترم جناب شاہ طیب علی سر و جمیع اساتذہ کرام نے دلی مبارک باد پیش کی ہے۔اس ضمن میں موصوف کو حلقۂ احباب سے بھی تہنیت و مبارکباد کے پیغامات موصول ہو رہے ہیں۔

تمل ناڈو سے شہرمیل وشارم سے محمد رضوان اللہ کی رپورٹ  تاریخ: 07-09-2025 اسلامیہ ویلفیئر ایسوسی ایشن نے، بلروتھ ہاسپٹلز چینئی کے اشتراک سے، اتوار 7 ستمبر 2025 کو ایک عظیم الشان دل کے امراض کے علاج کیمپ اور سینے و چھاتی کے کینسر سے متعلق آگاہی کیمپ کا انعقاد کیا۔ اس کیمپ میں کل 310 افراد کا معائنہ کیا گیا۔ مریضوں کے لیے AC، PC، ECG، ECHO جیسے ٹیسٹ کیے گئے، جبکہ کینسر سے متعلق آگاہی لیکچر بھی پیش کیا گیا۔ اس کے علاوہ میموگرام، الٹرا ساؤنڈ (USG Abdomen) اور دیگر تشخیصی ٹیسٹ انجام دیے گئے۔ قابلِ ذکر بات یہ ہے کہ اس کیمپ کے دوران منتخب 15 مریضوں کے دل کے آپریشن بلروتھ ہاسپٹلز چینئی میں کیے جائیں گے۔ اسلامیہ ویلفیئر ایسوسی ایشن نے اپنے بیان میں کہا کہ اس طرح کے کیمپس آئندہ بھی جاری رہیں گے تاکہ عام عوام کو بہتر طبی سہولتیں اور آگاہی فراہم کی جا سکے۔ کمیٹی نے تمام ماہر ڈاکٹروں اور شرکاء کا تہہ دل سے شکریہ ادا کیا۔

 سولاپور: (نامہ نگار) 4/ ستمبر بروز جمعرات، عید میلاد النبیؐ کے موقع پر محمدیہ عربی مدرسہ و مکتب شاستری نگر، سولاپور کی جانب سے اسلامی معلومات پر مبنی تقریر، تلاوتِ قرآن اور اسلامی معلوماتی کوئز مقابلہ شاندار چوک، شاستری نگر میں منعقد کیا گیا-  اس جلسہ میں شاندار چوک، شاستری نگر اور آس پاس کے علاقوں کے تقریباً 200 طلبہ نے حصہ لیا۔ اس پروگرام کی صدارت محترم مولانا شفیق انصاری نے کی۔ ناظرِ جلسہ اور تقریری مقابلے کے جج کے فرائض ڈاکٹر احتشام نداف نے انجام دیے۔کیوز مقابلے کے لیے نظامت اورسوالات پوچھنے کا کام مستان کِلیدارسر اور احتشام قاضی سرنے بحسنِ خوبی انجام دیا۔۔۔ اس کے ساتھ ہی طلبہ کی رہنمائی حافظ الیاس شیخ، حافظ سہیل ڈوکا، حافظ فاروق کالے بھائی اور حافظ اعظم شیخ نے کی۔  اس موقع پر محمدیہ عربی مدرسہ، مسجد و مکتب شاستری نگر سولاپور کے صدر امام صاحب ،اورمحترم مولالی کالے بھائی سمیت تمام اساتذہ و ذمہ داران کی رہنمائی میں پروگرام کامیابی کے ساتھ اختتام پذیر ہوا۔  اس پروگرام میں شاندار چوک، شاستری نگر اور آس پاس کے علاقوں کے معززین بڑی تعداد میں شریک ہوئے۔ ...

آہ۔۔۔۔۔! استاد محترم ،سر زمین کوکن کی مایہ ناز ہستی عبدالکریم صدرالدین تانبے صاحب اب اس جہاں میں نہیں رہے۔....!!! ...................................................... کرجی تعلقہ کھیڈ ضلع رتناگیری نہیں بلکہ کوکن کی معروف ہمہ جہت شخصیت ،کرجی تعلیمی انجمن کرجی کے سابق چیرمین ،سابق معلم ،سابق سرپنچ ،آدرش دودھ ڈیری کے چیرمین ، جن کے تعلیمی ،سماجی سیاسی خدمات قابل قدر ہیں گزشتہ رات ان کا انتقال ہوگیا ۔۔۔۔۔۔! انا للہ وانا الیہ راجعون ۔۔۔۔!!! کیا شخص تھا جو محفل ویران کر گیا۔ موت تو بر حق ہے اور ہر ایک کو ایک دن یہاں سے ہمیشہ ہمیش کے لیے جانا ہے لیکن ایسی موت جس پر زمانہ رشک کرے بہت کم لوگوں کو نصیب ہوتی ہے ۔ موت تو اس کی ہے کرے جس کا زمانہ افسوس یوں تو دنیا میں سبھی آئے مرنے کے لیے ان کے انتقال کی خبر نے لاکھوں شاگردوں ،لوگوں کو غمگین کر دیا ۔ہر ایک کی زبان سے یہی نکل رہا ہے کہ ہمارے شفیق استاد ،کرجی گاؤں کی بزرگ ترین محبت سے رہبری کرنے والی ہستی نہیں رہی ۔ مرحوم ایک نرالے انتہائی حسین و دلکش انداز میں درس دیتے تھے ۔تعلیمی اور سماج کی گتھیاں سلجھانے میں ماہر تھے ۔ دعا گو ہیں...

محمدِ عربی ﷺ: معلمِ اعظم، محسنِ انسانیت۔ (یومِ اساتذہ کے موقع پر نبوی ﷺ پیغام) بقلم: ڈاکٹر محمد عظیم الدین (اکولہ،مہاراشٹر) اللہ عزوجل نے غارِ حرا میں جب وحی کا پہلا کلمہ "اقْرَأْ بِاسْمِ رَبِّكَ الَّذِي خَلَقَ" (پڑھیے اپنے اس رب کے نام سے جس نے پیدا کیا: سورۃ العلق1) نازل کیا، تو یہ محض ایک الہامی پیغام نہیں تھا بلکہ انسانیت کے سب سے بڑے معلم کی آمد کا واضح اعلان تھا۔ یہ وہ دور تھا جب یونانی فلسفہ منطقی موشگافیوں میں الجھ چکا تھا، رومی سلطنت قانون کے نام پر جبر قائم کیے ہوئے تھی، اور فارسی تہذیب طبقاتی تقسیم کا شکار تھی۔ ایسے میں دنیا کو ایک ایسے معلم کی ضرورت تھی جو محض نظریہ نہیں، بلکہ عمل پیش کرے؛ جو محض فلسفہ نہیں، بلکہ حکمت عطا کرے۔ قدرت کی کیسی عظیم حکمت ہے کہ آج جب پورے بھارت میں یومِ اساتذہ (Teachers' Day) منایا جا رہا ہے، تو یہ دن رحمت للعالمین، حضور نبی اکرم صلی اللہ علیہ وسلم کے میلاد مبارک سے بھی ہم آہنگ ہے۔ گویا آج کا دن صرف اساتذہ کی تکریم کا نہیں بلکہ اُس عظیم ہستی کی یاد کا دن ہے، جس نے پوری انسانیت کو جہالت کی تاریکی سے نکال کر علم و دانش کے ...

بھیونڈی(اسٹاف رپورٹر): ۵؍ستمبر ۲۰۲۵ء کو نبیِ آخرالزماں ﷺ کی ولادت کے ۱۵۰۰؍ویں جشن کے موقع پر "پرافیٹ فار آل - انسانیت کی خدمت کا مشن" کے تحت ہم نشیں ویلفیئر فاؤنڈیشن، بھیونڈی کے زیرِ اہتمام مورخہ ۴؍ستمبر ۲۰۲۵ء کو "مقابلۂ فنِ خطّاطی" نیز خطّاطی نمائش اور جلسۂ تقسیمِ انعامات ۵؍ستمبر ۲۰۲۵ء کو منعقد کیا گیا۔ مقامِ مسرت ہے کہ رئیس ہائی اسکول اینڈ جونِیَر کالج، بھیونڈی' میں بارھویں سائنس بی کی طالبہ انصاری عجوہ شیرین عبدالباسط کو اوّل انعام سے نوازا گیا۔ اس موقع پر انصاری عجوہ شیرین کو پرنسپل انصاری ضیاء الرحمٰن، جملہ اسٹاف اور طلبہ کی جانب سے مبارک باد پیش کی گئی اور مستقبل کے لیے نیک خواہشات کا اظہار کیا گیا۔

ملکاپور :6/ ستمبر ( محمد احسان سر ) 5 ستمبر 2025 یوم اساتذہ کے موقع پر زیڈ اے اردو ہائی اسکول و جونیئر کالج ملکاپور کے فعال و متحرک ساںٔنس بیالوجی کے پختہ کار لکچرار شیخ وسیم سر کو ان کی بہترین تعلیمی ، سماجی و ثقافتی خدمات کے اعتراف میں نالیج نیکسیس اکیڈمی کی جانب سے" ایکسلینس ان ٹیچنگ ایوارڈ 2025" سے نوازا گیا۔ آپکی بہترین تعلیمی خدمات ، مسابقتی امتحانات کے متعلق طلبہ کی خصوصی رہبری و رہنمائی و مستحقین بچوں کی مدد ساتھ ہی سماجی و ادبی خدمات و دیگر بہترین کارکردگی اور انکی بے لوث خدمات کو تسلیم کرتے ہوئے 5 ستمبر 2025 یوم اساتذہ کے موقع پر نالیج نیکسیس اکیڈمی کی جانب سے آبا صاحب کھیڑ کر ہال، رام داس پیٹھ اکولہ میں منعقدہ مثالی مدرس ایوارڈ استقبالیہ پروگرام میں شیخ وسیم سر لیکچرار ملکاپور کو اکولہ رکن اسمبلی ساجد خان پٹھان ، خان محمد اظہر حسین خان صدر اردو ایجوکیشن سوسائٹی اکولہ و سابق وزیر مہاراشٹر ، سید اسحاق راہی صدر شاہ بابو اردو اسکول پاتور اکولہ، مفتی اشفاق صاحب، اکیڈمی ڈاںٔریکٹر نوید نواز کے ہاتھوں سرفراز کیا گیا. شیخ وسیم سر کو مثالی مدرس ایوارڈ ملنے پر س...

  بیدر : 6/ ستمبر(نامہ نگار) اللہ پاک کا ارشاد ہے کہ تحقیق کے تمہارے پاس تمہیں میں سے ایک رسول تشریف لائے۔حضور صلی اللہ علیہ وسلم تخلیق نور کے اعتبار سے اول ہیں اور لباس بشیری میں ظہور کے اعتبار سے آخری نبی و رسول بن کر تشریف لائے۔ان نورانی حقائق کا اظہار حضرت علامہ مولانا مفتی حافظ و قاری ڈاکٹر سید شاہ مرتضی علی صوفی قادری پرنسپال ایس ایم وی کالج حیدرآبادنے نبی خانہ بیدر میں جناب الحاج ڈاکٹر سید حسام الدین قادری عزیر صدر قاضی بیدر کی نگرانی میں منعقدہ مجلس واعظ بعنوان ”جشن میلاد النبیﷺ“کو مخاطب کرتے ہوئے کیا۔انہوں نے مزید کہاکہ،اپ صلی اللہ علیہ وسلم کی ولادت باسعاد ت،ساری کائنات کیلے رحمت ہیں اور اپ صلی اللہ علیہ وسلم کی آمدسے ہر حقدار کوحق ملا اور اپ کی تلیمعات سے پورا جہاں روشن ہوگیا۔رسول صلی اللہ علیہ وسلم 571ء ماہ اپریل مطابق 12ربیع الاول بروز پیر صبح صادق حضرت بی بی آمنہ کے بطن سے مکہ مکرمہ میں تولد ہوئے۔آپ اس دنیا میں تشریف لاتے ہی ناف بردہ اور مختون تالد ہوئے۔حضور صلی اللہ علیہ وسلم کی سیرت ولادت سے لیکروصال تک کا ایک ایک لمحہ مورخین نے قلمبند کیا ہے۔ ایسی سیرت ...

 بیدر : 6/ ستمبر(نامہ نگار) اعلان نبوت سے پہلے ہی اللہ تعالیٰ کی رسول صلی اللہ علیہ وسلم عبادت کرتے تھے۔قرآن مجید میں ہے اللہ تعائی ارشاد فرماتاہے کہ اللہ کے رسول صلی اللہ علیہ وسلم کی زندگی تمہارے لیے نمونہ ہے۔اللہ تعالی نے تمام انبیاء کرام کو ولادت سے لیکروصال تک پوری زندگی کی ہر اعتبار سے حفاظت فرمائی ہے۔غرض کہ حبیب پاک صلی اللہ علیہ وسلم نزول وحی سے پہلے بھی حضور صلی اللہ علیہ وسلم غارحراء میں تقرب الی اللہ کیلے عبادت کرتے تھے نماز بھی پڑھتے اورغور و فکروتدبرکیا کرتے تھے۔نزول وحی سے پہلے بھی اللہ کی معرفت رکھتے تھے۔اورجتنے راھیب ہیں وہ سارے لوگ بچپن میں ہی اپ کو جانتے تھے کہ نبی آخرالزماں محمد رسول صلی اللہ علیہ وسلم ہیں۔حجرے اسوت نصب کرتے وقت مختلف قبلوں میں جھگڑے کے حالات پیدا ہوگئے تھے۔آپ صلی اللہ علیہ وسلم نے اپنی فراست سے باآسانی کے ساتھ اس کو حل فرمایا۔آپ صلی اللہ علیہ وسلم کا دنیا میں آنا انسان وجنات ہی کے لئے رحمت نہیں ہے بلکہ یہ کہا جائے کہ کائنات کے ذرہ ذرہ کے لئے رحمت اور برکت ہیں،حضور صلی اللہ علیہ وسلم آپ تخلیق کی رو سے پہلے نبی ہیں،بلکہ یہ کہا جائے کہ ...

جلگاؤں (سعید پٹیل) عید میلادالنبی ﷺ کے موقع پر ایچ۔ایم۔ٹی انٹرنیشنل اسکول میں شاندار و پُرجوش پروگرام منعقد کیا گیا۔ ننھے منے بچوں نے اسلامی لباس پہن کر تقریب کو چار چاند لگاۓ۔ اس موقع پر اسلامی کوئز مقابلہ کا اہتمام کیا گیا، جس میں نرسری ، جونیئر کے۔جی ، سینیئر کے۔جی اور پہلی جماعت کے طلبہ نے بڑھ چڑھ کر حصہ لیا۔ معصوم بچوں نے سوالات کے جوابات نہایت اعتماد کے ساتھ دے کر اپنی دینی معلومات کا اظہار کیا۔ بعد ازاں معصوم طلبہ نے عقیدت و محبت سے لبریز نعت شریف پیش کی ، جس سے محفل کا روحانی ماحول مزید نکھر گیا۔ اسکول کی پرنسپل نے بچوں کی کارکردگی کو سراہتے ہوئے ان کی معلومات میں اضافہ کیا۔ اس موقع پر اسکول ادارے کے صدر قادر سر ، منہاز قادر میمن خصوصی طور پر موجود تھے ، اور ہیڈ مسٹریس مس نِگار سلطانہ شاہ بھی موجود تھیں۔ پروگرام کی رونق بڑھانے میں اسکول کی معلمات – مس ثانیہ مرزا ، مس شائستہ ، مس ریشما ، مس عرشیٖن ، مس نصیرا ، مس نیہا ، مس حنا اور مس رُخسار نے بچوں کی رہنمائی و دینی امور پر محنت کیں۔ اساتذہ کی انتھک محنت اور بہترین انتظامات کی بدولت کوئز مقابلہ اور پروگرام کی مش...

جلگاؤں (عقیل خان بیاولی) جب پوری دنیا میں جشنِ عید میلادالنبی ﷺ کی خوشیاں منائی جا رہی تھیں، ملک بھر میں اساتذہ کو خراجِ عقیدت پیش کیا جا رہا تھا، انہی مبارک لمحات میں جلگاؤں ضلع کے بیاول علاقے میں ایک ایسا ہولناک اور دل دہلا دینے والا واقعہ پیش آیا جس نے پوری انسانیت کو شرمسار کر دیا۔ شہر کے بابوجی پورہ علاقے کے رہائشی ماجد خان معلم ضلع پریشد جلگاؤں کا چھ سالہ معصوم بیٹا عبدالحنان خان بروز جمعہ 5 ستمبر کی دوپہر اچانک لاپتہ ہوگیا۔ اہل خانہ نے ہر جگہ تلاش کی، چونکہ دن ہفتہ واری بازار اور عید میلادالنبی ﷺ کے جلوس کا بھی تھا، اہل خانہ کو گمان ہوا کہ شاید بچہ کہیں محفلِ میلاد یا جلوس میں ہوگا۔ مگر وقت گزرتا گیا اور والدین کی بے چینی بڑھتی رہی۔ بالآخر رات بھر کی اضطرابی کیفیت کے بعد دوسرے روز بسم اللہ دستگیر خلیفہ کے مکان کی دوسری منزل کے بند کمرے سے ایک تعفن اٹھنے پر جب دروازہ کھولا گیا تو منظر ایسا تھا کہ دیکھنے والوں کی روح کانپ اٹھی چھ سالہ عبدالحنان کی لاش جلی ہوئی حالت میں برآمد ہوئی۔ یہ اطلاع جنگل کی آگ کی طرح پورے شہر میں پھیل گئی۔ ایک طرف عید میلادالنبی ﷺ کی خوشیاں تھی...

جلگاؤں: (عقیل خان بیاولی جلگاؤں) جلگاؤں کی علمی فضاؤں میں ایک نئی خوشبو گھل گئی ہے۔ اقراء کالسیکر یونانی میڈیکل کالج کی ہونہار طالبہ ثانیہ عارف خان نے بی یو ایم ایس کے امتحان میں 79 فیصد نمایاں نمبرات حاصل کرکے نہ صرف اپنی تعلیمی ریکارڈ بُک میں ایک اور سنہری باب رقم کیا بلکہ ادارے، والدین اور اپنے حلقۂ احباب کے لیے بھی فخر و انبساط کا ذریعہ بن گئیں۔ثانیہ کا یہ سفر محض ایک ڈگری تک محدود نہیں رہا۔ کے جی کلاس سے لے کر دہم اور دو از دہم تک کے ہر امتحان میں وہ اپنی کلاس کی اولین پوزیشن پر رہیں۔ ابتدائی و ثانوی تعلیم انہوں نے کے کے اردو گرلز ہائی اسکول سے مکمل کی جبکہ جونیئر کالج کی تعلیم اینگلو اردو ہائی اسکول و جونیئر کالج سے حاصل کی۔ ان کا تعلیمی سفر محض نصاب تک محدود نہیں رہا بلکہ انہوں نے نیٹ کا امتحان کامیابی کے ساتھ پاس کیا، اور مختلف قومی و ضلعی سطح کے مقابلوں میں بھی اپنی صلاحیتوں کا لوہا منوایا۔ جنرل نالج کے ضلعی مقابلے اور خوش خطی کے قومی مقابلے ان کی ہمہ جہت دلچسپیوں اور ہمہ گیر صلاحیتوں کے گواہ ہیں۔ثانیہ کی کامیابی کا پس منظر بھی نہایت روشن ہے۔ ان کے والد محتر...

ویلور تملناڈو : (محمد رضوان اللہ) 06 ستمبر 2025 – تمل ناڈو حکومت کے محکمہ تعلیم کی جانب سے سال 2025 کا ڈاکٹر رادھا کرشنن ایوارڈ حاصل کرنے والے ویلور ضلع کے منتخب صدر اساتذہ اور اساتذہ کو آج ایک پروقار تقریب میں اعزاز سے نوازا گیا۔ ہولی کراس اسکول میں منعقدہ اس تقریب میں ضلع کلکٹر وی۔ را۔ سببلکشمی ، آئی۔ اے۔ ایس۔ نے ایوارڈ یافتہ اساتذہ کو شال اوڑھا کر مبارکباد دی اور نیک خواہشات پیش کیں۔ گڑیا تم منسپل مسلمگرلز پرائمری سکول کے میر مدرس ML عبدالرشید کو اردو اسکولوں میں بہترین استاد کا اوارڈ ملا۔ اس موقع پر ضلع کے چیف ایجوکیشن آفیسر جناب تیالن، ضلع ایجوکیشن آفیسران جناب سندیلمار (پرائمری ایجوکیشن) اور جناب رمیش (سیکنڈری ایجوکیشن) بھی موجود رہے۔ ضلع کلکٹر نے اپنے خطاب میں کہا کہ: "اساتذہ قوم کے معمار ہیں۔ ان کی محنت اور لگن نئی نسل کے مستقبل کو روشن بنانے میں کلیدی کردار ادا کرتی ہے۔" -

نو خیز قلم کار: رابیلہ عائشہ بنت سید الیاس۔۔  (نگر پریشدعمر کھیڑ،ضلع ایوت محل)  وہ شمع اجالا جس نے کیا چالیس برس تک غاروں میں        اک روز چمکنے والی تھی کل دنیا کے درباروں میں اس کائنات میں حضورﷺ سرور کاءنات خاتم النبین حضرت محمد ﷺ کی حیثیت بے مثال افتاب درخشاں افتاب جو غار حرا سے شروع ہوا اور ساری کائنات پر چھا گیا۔ آپ کائنات کی عظیم ترین شخصیت ہے جس کی ابد تک ممکن نہیں۔ آپ بے مثال اعظم ہے۔ جس طرح سورج نکلتا ہے تو موجود ات عالم کی ہر چیز کو روشن کر دیتا ہے۔ اس طرح اسمان روحانیت کا نیر اعظم انسانوں کے قلب و نظر کو منور کر رہا ہے۔ اس نیر درخشاں نے کفروظلالت کی تاریکی کو نور سعادت میں تبدیل کر دیا دھندلکوں کو ختم کردیا جو انسانی ذہن و قلب کا احاطہ کیے ہوئے تھے۔  اپ وہ عظیم انسان ہیں جس سے زیادہ کسی کی تعریف نہیں کی گئی۔ یہ بھی حقیقت ہے کسی نے ان سے زیادہ اپنے خالق کی تعریف بھی نہیں کی۔ جس عظیم انسان کی تعریف خود خالقِ کائنات کرے اور جس کی تعریف خود رب العزت کرے اور اس پر سلام بھیجے۔ اس سے بڈھ کر کون سی شخصیت ہوسکتی ہے۔ کون ہ...

نو خیز قلم کار : زوبیہ فاطمہ مبین خان _   عنوان : آپ صلی الله علیہ وسلم آمد مبارک _  نحمده و نصلی علیٰ رسوله الکریم اما بعد فاعوذ بالله من الشيطان لرجيم بسم الله الرحمن الرحيم سرمایه حیات ھے سیرت رسول کی فلاح کائنات ھے سیرت رسول کی بنجر دلوں کو آپ نے سیراب کردیا  ایک چشمے صفات ھے سیرت رسول ک  ا سلام و عليكم جناب صدر یہ تو وہ موضوع ھے جس کے بیان کے لیے ساری دنیا کے درختوں کو قلم بنا دیا جائے سمندروں کے پانی کو روشنائی بنا دیا جائے اور زمین سے آسمان تک کے خلا کو اوراق بنا دیا جائے تو یہ گمان کیا جاسکتا ہے کے قلم ختم ہوجائے گے  سمندروں کا پانی خشک ہو جائے گئے اور زمین سے آسمان تک کا خلا ہوجائے گا مگر ہمارے پیارے بنی صلی اللہ علیہ وآله وسلم کی سیرت پاک مکمل نہ ہو پائے گی   زندگیاں بیت گئیں اور قلم ٹوٹ گئے تیرے اصحاف کا ایک باب بھی پورا نہ ہو سکا ایک مومن کے لیے ایک مسلمان کے لیے ایک کلمہ گو کے لیے بنی کریم صلی اللہ علیہ وسلم کی ذات گرامی ہر لحاظ سے مرکزومحود ہے یہ ایمان واعتقاد کا منبع ہے کے زمین و آسمان یہ طرفین یہ مشرقین یہ مغربین بنی کر...