غزل - میرؔبیدری، بیدر،کرناٹک۔

غزل - 

میرؔبیدری، بیدر،کرناٹک۔ 

تیرے کوچے سے اگر جاتے ہیں 

چھوڑ کر زیست سفر جاتے ہیں 

آپ کے ساتھ اگر جاتے ہیں 

دیکھئے رقص وشرر جاتے ہیں 

روشنی پھیلتی ہے ہرسووہاں 

جب کہیں اہل ِ نظر جاتے ہیں 

جانے والے کی سخاوت دیکھیں 

دے کے اپنی ہی خبر جاتے ہیں 

خوب صورت سے جہاں میں رہ کر 

کون جاتا ہے مگر جاتے ہیں 

آکے AIدکھایا ہے کمال 

ہاتھ سے اپنے ہنر جاتے ہیں 

چل چلاؤ سالگاہے یارب 

تیری دنیا سے بشر جاتے ہیں 

وہ تو لپٹے ہوئے ہیں دامن سے 

کون سے میرؔنگر جاتے ہیں