آرکاٹ میونسپل مسلم بوائز پرائمری اسکول کو 13,500 روپے مالیت کی الماری کا عطیہ
آرکاٹ : (محمد رضوان اللہ) رانی پیٹ ضلع کے آرکاٹ میں واقع میونسپل مسلم بوائز پرائمری اسکول کے لیے کُروِملائی این سبرامنیم (83)نے 13,500 روپے مالیت کی ایک الماری بطور عطیہ پیش کی۔ ان کے اس قابلِ تحسین اقدام سے اسکول کے تعلیمی و انتظامی امور میں سہولت حاصل ہوگی اور اسکول کے ضروری سامان، دستاویزات اور تعلیمی مواد کو محفوظ رکھنے میں مدد ملے گی۔
اسکول کی جانب سے اس فراخ دلانہ تعاون پر جناب این سبرامنیم کا تہہ دل سے شکریہ ادا کیا گیا۔ ان کا یہ اقدام سرکاری اسکولوں کی ضروریات کو پورا کرنے اور طلبہ کے لیے بہتر تعلیمی ماحول فراہم کرنے میں سماجی تعاون کی اہمیت کو اجاگر کرتا ہے۔
اس موقع پر اسکول کے صدر مدرس محمد رضوان اللہ اور اسکول کی جانب سے عطیہ دہندہ کے جذبۂ خیرسگالی کی ستائش کرتے ہوئے ان کے لیے نیک تمناؤں کا اظہار کیا گیا۔ اسکول انتظامیہ نے امید ظاہر کی کہ اسی طرح مخیر حضرات اور سماجی خدمت گاروں کا تعاون آئندہ بھی جاری رہے گا، تاکہ اسکول کی بنیادی ضروریات پوری ہوں اور طلبہ کو بہتر سہولتیں فراہم کی جا سکیں۔
اسکول کی جانب سے جناب این سبرامنیم کا اس بیش قیمت عطیے پر دلی شکریہ ادا کیا گیا۔
Comments
Post a Comment