طوبیٰ ناز ملٹی پرپز سوسائٹی، بیاول کی جانب سے"فاروق شیخ کو "پنڈت جواہر لعل نہرو سماج بھوشن ایوارڈ 2026" تفویض۔
جلگاؤں (عقیل خان بیاولی) ضلع جلگاؤں کے سماجی میدان میں نمایاں خدمات انجام دینے والے شہر کے معروف سماجی کارکن فاروق شیخ کو "پنڈت جواہر لعل نہرو سماج بھوشن ایوارڈ 2026" سے سرفراز کیا گیا۔ یہ باوقار تقریب اتوار، 29 مارچ کو ضلع کلکٹر آفس کے محکمۂ الپ بچت کے دفتر میں منعقد ہوئی، جہاں "طوبیٰ ناز ہیلپ ملٹی پرپز سوسائٹی، بیاول" کی جانب سے یہ اعزاز پیش کیا گیا۔ اس موقع پر ڈپٹی کلکٹر منوج دیشمکھ کے ہاتھوں انہیں اعزاز سے نوازا گیا۔ فاروق شیخ ضلع جلگاؤں کی منیار برادری کے صدر اور ایکتا سنگھٹنا کے کوآرڈینیٹر ہیں۔ وہ معاشرے کے مختلف مسائل پر سرگرمی کے ساتھ کام کرتے ہوئے عوامی خدمات میں اہم کردار ادا کر رہے ہیں۔ انہی نمایاں خدمات کے اعتراف میں انہیں اس اعزاز سے نوازا گیا۔ اس موقع پر اپنے خیالات کا اظہار کرتے ہوئے انہوں نے نہایت عاجزی کے ساتھ کہا:
"یہ اعزاز صرف میرا نہیں بلکہ منیار برادری اور ایکتا سنگھٹنا کے تمام ساتھیوں کا ہے، جن کے تعاون سے یہ خدمات انجام دینا ممکن ہو سکا۔"
انہوں نے یہ ایوارڈ اپنے تمام رفقاء کے نام کرتے ہوئے ان کا شکریہ بھی ادا کیا۔
تقریب میں بلاک ایجوکیشن آفیسر پوار، ضلعی افسران سمیت دیگر معزز شخصیات اور سماجی کارکنان کی بڑی تعداد موجود تھی۔ یہ اعزاز نہ صرف فاروق شیخ کی خدمات کا اعتراف ہے بلکہ سماجی خدمت کے جذبے کو مزید فروغ دینے کی ایک بہترین مثال بھی ہے۔
Comments
Post a Comment