غلام محمد وتسانوی اُردو ہائی اسکول اینڈ جونیئر کالج سولاپور کے پیش کردہ ڈرامےکو بزمِ غالب سولاپور کے بین المدارس اُردو ڈرامہ مقابلے میں ایم مبین کےڈراما "تماشا" کو اول انعام

            24 دسمبر 2023 کو، بزم غالب سولاپور،کے زیر اہتمام ہتاتما سُمورتی مندر تھیٹر سولاپور میں بین المدارس اُردو ڈرامہ مقابلے کا انعقادعمل۔میں آیا۔  مقابلے کا مقصد نوجوان نسل میں اردو زبان و ادب کو فروغ دینا اور ان کی تخلیقی صلاحیتوں کو اجاگر کرنا تھا۔

             اس مقابلے میں سولاپور کے نو (9) منتخب اُردو مدارس نے حصہ لیا، جنہوں نے اُردو اور ہندی کے معروف ادیبوں کے لکھے ہوئے مختلف ڈرامے پیش کیے۔  ڈراموں میں مختلف موضوعات اور انواع کا احاطہ کیا گیا، جیسے مزاح، المیہ، تاریخ اور سماجی مسائلوغیرہ۔ اس مقابلے میں الخصوص بھیونڈی کے اردو اور ہندی کے معروف ادیب ایم مبین کا لکھا ہوا ڈرامہ "تماشا" بھی پیش کیا گیا۔  یہ ڈرامہ غلام محمد وتسانوی اُردو ہائی اسکول اینڈ جونیئر کالج سولاپور نے پیش کیا اور اس نے اول انعام اور باوقار لکھنوی ٹرافی جیتی۔ اس ڈرامے کو مختلف انعام سے بھی نوازا گیا ۔

 بہترین ڈرامہ : تماشا

 بہترین ہدایت کار :  مستجاب علی شیخ

 بہترین اداکارہ : پروین محبوب شیخ

  بہترین سیٹ ڈیزائن : سرفرازنواز بلولخان، خواجہ معین الدین جیٹھپھول، ابوبکردنڈوتی اور ماجدپٹیل۔ 

           "تماشا" یہ کہانی ایک غریب بے بس لڑکی کی ہے جو اپنی تعلیم کو آگے بڑھانے کے لیے اپنی دسویں کلاس کی امتحان کی فیس جمع کرنے کے لیے پوتراج کا رول کرتی ہے۔

        اس ڈرامے کے ہدایت کاری کالج باصلاحیت و تجربہ کار معلم مستجاب علی شیخ نے کی۔ تماشا کا مرکزی کردار ایک شاندار اور ورسٹائل اداکارہ آسیہ سید،  پروین محبوب شیخ ، نے بڑی حسن خوبی ادا کرکے ناظرین کی توجہ کا مرکز بنی۔ سیٹ ڈیزائن سرفرازنواز بلولخان، خواجہ معین الدین جیٹھپھول سر،  ابوبکردنڈوتی سر،  اور ماجدپٹیل کی تخلیقی اور اختراعی ٹیم نے تیار کیا جس نے ڈرامے کے لیے ایک حقیقت پسندانہ اور دلکش ماحول بنایا۔

         اس ڈرامے کو ناظرین اور ججز کی جانب سے کھڑے ہو کر داد ملی، انہوں نے اس ڈراماکی اسکرپٹ، ڈائریکشن، اداکاری اور سیٹ کی خوب تعریف کی۔ اس ڈرامے کو مہمان خصوصی، بزم غالب سولاپور کے صدر اور میڈیا نے بھی سراہا۔

        مقابلے میں بزم غالب سولاپور کی طرف سے آل انڈیا بچّوں کے  ڈرامہ سکرپٹ ایوارڈ بھی پیش کیے گئے جو اُردو زبان کے تین معروف مصنفین کو پیش کیئے گئے جن میں  درگ سے رونق جمال ، ممبئی سے عدنان سرکھوت ، اور بھیونڈی سے ایم مبین۔ شامل ہیں۔ایم مبین کو ان کے اسکرپٹ ’’تماشا‘‘ کے لیے تیسرا انعام بھی ملا۔

         یہ مقابلہ نہایت شاندار کامیاب کامیاب رہا، اس مقابلے نہ شائقین ڈراما کو ادبی خوشی و مسرت بخشی اسی لیے 14 گھنٹے سے زیادہ وقت تک ناظرین کی بھیڑ برقرار رہی۔ اس مقابلے نے نوجوان نسل میں اردو زبان و ادب کے فروغ اور تحفظ کا اپنا مقصد بھی حاصل کیا۔

 ---