توشیحی نظم - محترمہ جمیلہ بیگم صاحبہ کے اعزاز میں - تہنیتی و سبکدوشی تقریب - ردیف: ’’رہی ہے‘‘قافیہ: ـ ت توشیح: جمیلہ بیگم - ازقلم: رہبر تماپوری

 توشیحی نظم - 

محترمہ جمیلہ بیگم صاحبہ کے اعزاز میں - 

 تہنیتی و سبکدوشی تقریب - 

ردیف: ’’رہی ہے‘‘

قافیہ: ـ ت 

توشیح: جمیلہ بیگم - ازقلم: رہبر تماپوری

ج — جدوجہد میں آپ کی عظمت رہی ہے

آپ کی ذات سراپا شرافت رہی ہے

م — محبت سے سنوارے آپ نے کتنے ہی دل

آپ کی ذات میں اخلاص کی دولت رہی ہے

ی — یقیناً آپ کے کردار کی خوشبو ہے عیاں

آپ کی گفتار میں صدق و صداقت رہی ہے

ل — لطفِ تعلیم سے روشن کیے کتنے چراغ

آپ کی خدمت میں دیانت رہی ہے

ہ — ہنر و علم سے آراستہ کیا نسلوں کو

آپ کی بات میں حسنِ نصیحت رہی ہے

ب — بصیرت سے تراشے آپ نے کتنے ہی ہیرے

آپ کی شفقت میں الفت و رفاقت رہی ہے

ی — یادوں کے دریچے جب بھی کھلتے ہیں کبھی

آپ کی شخصیت میں ایک طراوت رہی ہے

گ — گلشنِ علم کو خوش رنگ بنایا آپ نے

آپ کی خدمت کی ہر سو بڑی شہرت رہی ہے

م — مبارک ہو یہ اعزاز، یہ منزل آپ کو

لبِ رہبرؔ پہ ہمیشہ آپ کی عزت رہی ہے

ازقلم: رہبر تماپوری