شری وردھن کی 'فلائنگ برڈز ریسکیو ٹیم' کو اعلیٰ ترین سماجی خدمات پر 'جیون دوت ایوارڈ' سے نوازا گیا - سرپرست وزیر بھرت گوگاولے کے ہاتھوں اعزاز؛ انسانیت کی بے لوث خدمت اور جرات مندانہ کارکردگی کا شاندار اعتراف

شری وردھن، (اظہر ظہیر الدین کردمے) شری وردھن کی معروف اور مخلص سماجی تنظیم 'فلائنگ برڈز ریسکیو ڈیزاسٹر فورس' کی بے مثال خدمات اور انسانیت دوستی کا اعتراف کرتے ہوئے انہیں ریاست کے سرپرست وزیر (پالک منتری) جناب بھرت شیٹھ گوگاولے کے دستِ مبارک سے وقارِ سے بھرپور 'جیون دوت ایوارڈ' اور تعریفی سند سے سرفراز کیا گیا ہے۔

علی باغ کے آر سی ایف ہال میں رائے گڑھ پولیس اور ضلعی انتظامیہ کے اشتراک سے منعقدہ 'روڈ سیفٹی مہم 2026' کی پروقار تقریب میں یہ اعزاز دیا گیا۔ اس موقع پر ڈسٹرکٹ کلیکٹر کشن جاولے، ایس پی آنچل دلال، سی ای او نیہا بھونسلے اور اے ایس پی ابھجیت شو تھرے سمیت اعلیٰ حکام موجود تھے۔

بے مثال جدوجہد اور کارکردگی کا شاندار اعتراف : 

مصائب اور مشکلات میں گھِرے لوگوں کی مدد کرنے والی فلائنگ برڈز ریسکیو ٹیم اپنی مسلسل جدوجہد اور پرخلوص کوششوں سے ہمیشہ لوگوں کے دلوں پر راج کرتی آئی ہے。 "حوصلہ بنا لیا ان کی اڑان کا (Like Flying Birds)" کے مصداق، ان کی زندگی کا یہ باوقار اعزاز اس بات کی گواہی دیتا ہے کہ لوگوں کی جان کو لاحق خطرے کے وقت دکھائی ہوئی ان کی غیر معمولی ہمت، ڈوبتی سانسوں کو بچانے میں ان کی بے مثال و لازوال لگن، اور بلا تفریقِ مذہب و ملت انسانیت کی بے لوث خدمت کا ایک روشن ثبوت ہے۔

جب کسی کی زندگی کو گھنگہور خطرات سے محفوظ کر کے ان میں غیر متوقع طور پر نئی روح پھونکی جاتی ہے، تو دعاؤں کے روپ میں ملنے والی یہ محبتیں زندگی کا سب سے قیمتی سرمایہ ہوتی ہیں۔ اس لیے یہ اعزاز پورے رایگڈھ ضلع کے لیے باعثِ فخر ہے، اور عزت و عظمت والے اس باعثِ فخر اعزاز پر Flying Birds Rescue Team کے تمام ممبران کی خدمت میں رایگڈھ باسیوں کی جانب سے دل کی گہرائیوں سے مبارکباد پیش کی جاتی ہے۔ سچ یہ ہے کہ یہ ٹیم "چراغ کی لو سے بڑھ کر شمعوں کے لیے ایک روشنی کا مینار" ثابت ہوئی ہے۔

سرپرست وزیر کا خراجِ تحسین : 

تقریب سے خطاب کرتے ہوئے پالک منتری جناب بھرت گوگاولے نے ٹیم کی جرات کو سراہتے ہوئے کہا:

"شدید حادثات، سیلاب، اور خوفناک قدرتی آفات کے وقت جب لوگ خوفزدہ ہوتے ہیں، تب اپنے اور اپنے اہل خانہ کی پروا کیے بغیر اپنی جان جوکھم میں ڈال کر دوسروں کی زندگی بچانے والے یہ 'جیون دوت' (محافظ) واقعی ہمارے معاشرے کا فخر ہیں۔ ان کی بے لوث خدمات اور جذبے کا احترام کرنا انتظامیہ اور پورے ضلع کے لیے باعثِ مسرت ہے۔"

خدمتِ خلق کی روشن مثال : 

فلائنگ برڈز ریسکیو ٹیم گزشتہ کئی سالوں سے شری وردھن اور گرد و نواح میں ہنگامی خدمات کا مترادف بن چکی ہے۔ ٹیم کی اہم خدمات درج ذیل ہیں:

فوری امداد اور فری ایمبولینس: سڑک حادثات کے متاثرین کو فوری طبی سہولیات اور بلا معاوضہ ایمبولینس سروس فراہم کرنا۔

پولیس اور انتظامیہ کے ساتھ تعاون: کسی بھی ہنگامی یا ناگہانی صورتحال میں پولیس اور مقامی انتظامیہ کا ہاتھ بٹانا۔

ڈیزاسٹر مینجمنٹ: سیلاب اور دیگر قدرتی آفات کے وقت متاثرہ افراد کو محفوظ مقامات تک پہنچانا۔

مجاہدینِ انسانیت کی پذیرائی : 

اس پروقار تقریب میں فلائنگ برڈز ریسکیو ڈیزاسٹر فورس کے نمائندوں اور ارکان—ہدایت جمعدار، شاداب پٹیل، سوجیت بھوکرے، عابد پاوسکر، سفیان پاوسکر، اور فوزان خان—کا پھولوں کے ہار اور سندِ خوشنودی کے ساتھ شاندار استقبال کیا گیا۔

اس موقع پر ضلع ڈیزاسٹر مینجمنٹ کی مزید بہتری کے لیے ریلائنس فاؤنڈیشن کی جانب سے جدید ریسکیو بوٹس اور ہنگامی سامان کے کٹس بھی انتظامیہ کے حوالے کیے گئے۔ تقریب میں ضلع بھر کی مختلف ریسکیو ٹیموں اور سماجی شخصیات نے بڑی تعداد میں شرکت کر کے فلائنگ برڈز ٹیم کو مبارکباد پیش کی۔

اظہر ظہیر الدین کردمے 

شریوردھن ضلع رایگڈھ