چناباسما بی سی اے و بی کام کالج میں گریجویشن ڈے تقریب کا انعقاد

بیدر، 15 ستمبر (نامہ نگار) گورنلی بیدر میں واقع چناباسما بی سی اے و بی کام کالج میں گریجویشن ڈے تقریب کا شاندار انعقاد عمل میں آیا۔ یہ تقریب سینٹینری سیلیبریٹڈ ودیا وردھک سنگھا، کلبرگی کے زیرِ اہتمام کالج کے سیمینار ہال میں منعقد ہوئی۔تقریب میں مختلف تعلیمی و سماجی شخصیات کے علاوہ کالج انتظامیہ، اساتذہ اور طلبہ نے شرکت کی۔ اس موقع پر طلبہ کی تعلیمی کامیابیوں کو سراہتے ہوئے گریجویشن مکمل کرنے والے طلبہ میں اسناد تقسیم کی گئیں۔اسی سلسلے میں صحافی محمد علیم الدین بندہ نوازی، نمائندہ روزنامہ کے بی این ٹائمز بیدر و روزنامہ سالار بیدر کے فرزند محمد کلیم الدین کو بھی انجینئرنگ کی تعلیم کامیابی کے ساتھ مکمل کرنے پر تقریب میں گریجویشن سرٹیفکیٹ عطا کیا گیا۔سرٹیفکیٹ حاصل کرنے پر محمد کلیم الدین کو اساتذہ، کالج انتظامیہ اور شرکائے تقریب نے مبارکباد پیش کی اور ان کے روشن مستقبل کے لیے نیک خواہشات کا اظہار کیا۔ اس موقع پر محمد کلیم الدین کے دادا محترم الحاج محمد ذاکر الدین قادری چشتی نقشبندی کو بھی ان کے پوتے کی تعلیمی کامیابی پر مبارکباد پیش کی گئی۔ اسی طرح ان کے والد صحافی محمد علیم الدین بندہ نوازی اور اہلِ خانہ کو بھی مبارکباد دی گئی۔تقریب کی سرپرستی پوجیا لنگایت ڈاکٹر شرنبسواپا اپّا، مہاداسوا 8ویں پیٹھادھی پتی، شرنبسویشور سنستھان، کلبرگی، سابق صدر شرنبسویشور ودیا وردھک سنگھا اور بانی چانسلر شرنبسوا یونیورسٹی، کلبرگی نے کی۔اس موقع پر ماتوشری ڈاکٹر دکشاینی ایس اپّا، صدر شرنبسویشور ودیا وردھک سنگھا، کلبرگی و چانسلر شرنبسوا یونیورسٹی، کلبرگی، اور پوجیا دودّپّا اپّاجی، مہاداسوا 9ویں پیٹھادھی پتی، شرنبسویشور ودیا وردھک سنگھا، کلبرگی کی بھی سرپرستی حاصل رہی۔تقریب میں سری بسواراج ایس دیشمکھ، سکریٹری شرنبسویشور ودیا وردھک سنگھا، کلبرگی و ممبر بورڈ آف گورنرز، شرنبسوا یونیورسٹی، کلبرگی؛ سری شرنبسپا ایس دیشمکھ، ڈائریکٹر لنگراج اپّا انجینئرنگ کالج، بیدر؛ اور ڈاکٹر امّاتائی بی دیشمکھ، ایچ او ڈی او بی جی، بی آر آئی ایم ایس، بیدر و ڈائریکٹر لنگراج اپّا انجینئرنگ کالج، بیدر موجود رہے۔سری چندرشیکھر برادار، پرنسپل سائی اسپورٹی پی یو کالج، بیدر، اور سری سری منتھ ٹپّا، پرنسپل سرسوتی ہندی پی یو سائنس اینڈ کامرس کالج، بیدر نے مہمانِ خصوصی کی حیثیت سے شرکت کی، جبکہ ڈاکٹر ونیتا پاٹل، پرنسپل ایل اے ای سی، بیدر نے مہمانِ اعزاز کے طور پر شرکت کی۔تقریب کے کنوینر ڈاکٹر ستیش بی پرتاپور، پرنسپل چناباسما بی سی اے و بی کام کالج، بیدر تھے۔ پروگرام خوشگوار ماحول میں منعقد ہوا اور کامیابی کے ساتھ اختتام پذیر ہوا۔