تمل ناڈو ریاستی اردو اکیڈمی کے نائب صدر ڈاکٹر محمد نعیم الرحمٰن صاحب نے معزز ڈائریکٹر برائے ابتدائی تعلیم جناب نریش سے ملاقات کی۔
تمل ناڈو (محمد رضوان اللہ) تمل ناڈو ریاستی اردو اکیڈمی کے نائب صدر ڈاکٹر محمد نعیم الرحمٰن صاحب نے معزز ڈائریکٹر برائے ابتدائی تعلیم جناب نریش سے ملاقات کی اور اردو اسکولوں کو درپیش مختلف مسائل کے بارے میں درخواست پیش کی۔ اس ملاقات میں خاص طور پر درج ذیل نکات پر زور دیا گیا: اردو اسکولوں کو مفت اردو نصابی کتابیں، اردو نوٹس اور مضامین وقت مقررہ پر فراہم کیے جائیں؛ اردو اساتذہ کی تقرری عمل میں لائی جائے؛ اور خاص طور پر آرکاٹ سی عبدالحکیم گورنمنٹ بوائز ہائیر سیکنڈری اسکول میں اردو منشی کی تقرری کی جائے۔ بعد ازاں انہوں نے اسکول ایجوکیشن ڈائریکٹر جناب کننپّن سے بھی ملاقات کی اور یہی مطالبات ان کے سامنے بھی رکھے۔
Comments
Post a Comment