اقراء شاہین اُردو پرائمری اسکول محرون جلگاؤں میں یومِ جمہوریہ اور تقسیمِ انعامات کا پروگرام کا انعقاد ۔

جلگاؤں (سیّد ذوالفقار) اقراء ایجوکیشن سوسائٹی کے زیر اہتمام جاری اقراء شاہین اُردو پرائمری اسکول میں یومِ جمہوریہ بڑے ہی شاندار انداز میں منایا گیا ۔ یومِ جمہوریہ کے موقع پر پرچم کشائی علاقے کے سابق ممبر الحاج حسین بھائی ملتانی کے دست مبارک سے عمل میں آیا ۔ اس موقع پر پروگرام کا انعقاد کیا گیا ۔ پروگرام کا آغاز باقاعدہ طور پر تلاوتِ قرآن مجید سے اصفا ہدا جلیس احمد نے کیا ۔ پروگرام نو بھارت ٹرانسپورٹ کے مالک الحاج بشیر سیٹھ کی صدارت میں پائے تکمیل تک پہنچا ۔ دیگر مہمانِ خصوصی کے طور پر ممتا ہسپتال کے بچوں کے ڈاکٹر ماجد خان ، شعیب بھائی ملتانی موجود تھے ۔ یومِ جمہوریہ کے موقع پر بچوں نے تقاریر ، حُب الوطنی گیت پیش کئے ۔ پروگرام میں تحریری مقابلے اور فنی مقابلوں میں نمایاں کامیابی حاصل کرنے والے بچوں کو مہمانان کے ہاتھوں انعامات سے نوازا گیا ۔ تحریری مقابلے میں کامیاب ہونے والے بچوں کو لنچ باکس ، قلم دی گئی ۔ جبکہ فنی مقابلوں میں نمایاں کامیابی حاصل کرنے والے بچوں کو pad, Sketch pakit دیئے گئے ۔ ڈاکٹر ماجد خان نے اپنی تقریر میں بچوں اور اساتذہ کو مبارک باد پیش کی ۔ حسین بھائی ملتانی نے بچوں کے پروگرام دیکھ کر بہت متاثر ہوئے ، انہوں نے کہا کہ یہ بچے ہماری قوم کے سرمائے ہیں ۔ الحاج بشیر سیٹھ رانانی نے بچوں کو نصیحت کرتے ہوئے کہا کہ کوئی بھی چیز حاصل کرنے کے لئے محنت اور قربانی کی ضرورت ہوتی ہے ، یقیناَ اللّٰہ تعالیٰ کامیابی عطا کرتا ہے ۔ پروگرام کی نظامت سیّد ذوالفقار سر نے کی ۔ رسمِ شُکریہ محد ایّوب سر نے ادا کیا ۔ پروگرام کامیاب بنانے میں جملہ و اسٹاف نے کافی محنت کی ۔