ڈاکٹر اقبال نگر پریشد اردو اپر پرائمری گرلز اسکول، عمرکھیڈ میں یومِ آزادی کا پروقار اور پر جوش انعقاد۔

نامہ نگار عثمان احمد عمرکھیڑ ضلع ایوت (16 اگست 2026):

مقامی ڈاکٹر اقبال نگر پریشد اردو اپر پرائمری گرلز اسکول میں امسال 79 واں یومِ آزادی کا قومی تہوار انتہائی پرجوش، نظم و ضبط اور حب الوطن کے جذبے کے ساتھ منایا گیا۔ اس پروقار تقریب میں اسکول کی طالبات، اساتذہ اور سرپرستوں نے بڑی تعداد میں شرکت کی۔

پرچم کشائی اور صدرِ مجلس:

تقریب کے دوران نگر پریشد کے کارپوریٹر جناب ساجد اللہ جاگیردار کے دستِ مبارک سے پرچم کشائی کی رسم ادا کی گئی۔ اس پروقار تقریب کی صدارت اسکول کے صدر مدرس و مرکز پرمکھ جناب راحت روشن انصاری نے فرمائی۔

پربھات پھیری اور شاندار مارچ پاسٹ:

پرچم کشائی کے بعد اسکول کے 'کب-بلبل' دستے سمیت تمام طالبات نے نگر پریشد کے ذریعے منعقدہ پربھات پھیری اور مارچ پاسٹ میں جوش و خروش سے حصہ لیا۔ طالبات نے شاندار سلامی پیش کی اور دیش بھکتی کے نعروں سے پورے شہر کو گونجایا، جو اہل شہر کی توجہ کا مرکز بنا رہا۔

حیرت انگیز سنسنی خیز مظاہرے اور ثقافتی پروگرام:

اسکول کی طالبات نے انتہائی خوبصورت استقبالیہ اور ملی نغمے پیش کیے۔ تقریب کی خاص کشش طالبات کے ذریعے ملی نغموں کی دھن پر بنائے گئے حیرت انگیز " حاضرین کو ششدر کر دیا اور داد دینے پر مجبور کر دیا۔

انعامات و میٹھائیوں کی تقسیم:

اس موقع پر نگر پریشد کی جانب سے تمام طلباء میں مٹھائی تقسیم کی گئی۔ سال 2026ء کے اسکالرشپ امتحان میں نمایاں کامیابی حاصل کرنے والے چوتھی، پانچویں اور ساتویں جماعت کے 23 مستحق طلباء کو میڈل، شیلڈ اور انعامات سے نوازا گیا۔ اس کے علاوہ مختلف تعلیمی و کھیل کود کے مقابلوں میں کامیابی حاصل کرنے والے طلباء کو بھی نقد انعامات دیے گئے۔

صدر مدرس کا بیان:

اس موقع پر اسکول کے صدر مدرس و مرکز پرمکھ جناب راحت روشن انصاری نے اظہارِ خیال کرتے ہوئے کہا:

"اسکول مینجمنٹ کمیٹی (SMC) کے تعاون اور سرپرستوں کے اعتماد ہی کی بدولت ہمارے اسکول میں تعلیمی معیار اور بنیادی سہولیات میں روز بروز اضافہ ہو رہا ہے۔ اساتذہ کی خلوصِ نیت اور محنت سے باصلاحیت اور معیاری طلباء کی تربیت ممکن ہو رہی ہے۔"

معزز مہمانان اور راہنما:

اس پروقار تقریب کو کامیاب بنانے میں نگر پریشد اور ایجوکیشن کمیٹی کے ذمہ داران جناب شیخ رسول، شیخ واحد (تعلیمی صدر)، ڈاکٹر اجے کرواڈے (چیف آفیسر، نگر پریشد عمرکھیڑ)، جناب نتن چوان (ڈپٹی چیف آفیسر) اور تمام ایجوکیشن کمیٹی کا خصوصی تعاون اور رہنمائی حاصل رہی۔

اس کے ساتھ ساتھ اسکول مینجمنٹ کمیٹی (SMC) کی صدر یاسمین بانو محمد خشتر اور نائب صدر محمد ارشاد عبد الستار کی قیادت میں ممبران: ممتاز خان، غوث خان، سیما بی، آمنہ ثروت، مجاہد الدین خطیب، فیروز احمد، امجد خان، نسرین بی، رخسار بیگم، شیخ عمران، فرزانہ بیگم، سید رحیم، زینیت پروین اور شیخ عثمان نے موجود رہ کر طالبات کی ہمت افزائی کی۔

اساتذہ و اسٹاف کی انتھک محنت:

تقریب کی کامیابی میں اسکول کے اساتذہ و عملہ — نواب خان، زبیر احمد خان، شمیم بانو، شائستہ بیگم، اکرام اللہ خان، نفیسہ بیگم، صائمہ بتول، کاشف احمد، شیخ عثمان، جنید ایاز، احمد، شیرین ناز، فرحانہ بیگم، شیخ مستان، نازنین عقیل میاں، شاہدہ بیگم، بشریٰ زرین، شیخ مہتاب، ارسلان الدین، فیضان خان اور زیب النساء بیگم نے اہم کردار ادا کیا۔

یہ شاندار تقریب حب الوطنی کے جذبے، طالبات کے بہترین مظاہروں اور عوام و معززین کی کثیر تعداد میں موجودگی کے ساتھ کامیابی کے ساتھ اختتام پذیر ہوئی۔