نعت شریف - ازقلم : قاضی انور گلبرگہ۔

نعت شریف - 

ازقلم : قاضی انور گلبرگہ۔

8892400581

یہ زمیں چیز ہے کیا عرشِ معلیٰ ان کا 

دونوں عالم کی ہر اک شے میں ہے جلوہ ان کا

دنیا داری سے مبرا ہے قبیلہ ان کا

باعثِ رحمتِ حق صرف وسیلہ ان کا

ہیں احادیث سبھی حسنِ عمل کی شاہد

آئیتوں میں بھی نظر آتا ہے چہرہ ان کا

ہم گنہ گار بھلا ان کا علو کیا جانیں 

صرف اللہ کو معلوم ہے رتبہ ان کا 

معرفت ہو یا طریقت کہ شریعت کیا ہے

ہے حقیقت کہ یہاں جو بھی ہے صدقہ ان کا

اس کے ہاتھوں میں ہے عقبیٰ کے خزانوں کی کلید

ہوشمندوں سے تو بہتر ہے دوانہ ان کا

رب کے محبوب پیمبر ہیں وہ بیشک انور 

رہگزر بن گیا معراج میں سدرہ ان کا