آئیڈیل ایجوکیشنل موومنٹ کی جانب سے الوداعی تقریب کا اہتمام۔

ممبئی : نامہ نگار (خان شبنم) بروز جمعہ بعد نماز مغرب ہر سال کی طرح امسال بھی آئیڈیل ایجوکیشنل موومنٹ کی جانب سے گونڈی کے اس چھوٹے سے خطے میں واقع حاجی نیاز ہال میں الوداعی تقریب کا پُرجوش اہتمام کیا گیا ۔ تقریب کا آغاز دسویں جماعت کی طالبہ نے خوش الحان قرات سے کیا۔ طلبہ اور اساتذہ کے درمیان گزرے خوبصورت ایام کی جھلکیاں کچھ طلبہ نے نمناک آ نکھوں سے پیش کی ۔ بعد ازاں عبد الرحمن سر ، شجرالنساء مس ، ولی ﷲ سر ، رئیس سر ، کفیل سر اور شبنم فاروق مس نے طلبہ کو تعلیم کی اہمیت ، عصری چیلینج ، دین‌ کی اہمیت سے متعلق چند نصیحتیں پیش کی۔طلبہ کو تحائف سے بھی نوازا گیا ۔آخر میں آے۔ای۔ایم۔ کے انچارج محترم صلاح الدین سر نے رسم شکریہ ادا کرتے ہوۓ اختتامی کلمات کہے ۔ کیف سر ، کفیل سر ، عرفان سر ، ولی ﷲ سر تقریب کی کارکردگی میں پیش پیش رہیں ۔