غزل۔ - ازقلم : حکیم سعید میسوری۔

        غزل۔ - 

ازقلم : حکیم سعید میسوری۔

میں ہوں آئینہ ، مقدر میں ہیں پتھر میرے 

دوست بھی بن کے عدو آ گئے گھر پر میرے 

روک سکتے نہیں اڑنے سے مصائب مجھ کو 

یہ تسلی ہے مجھے پاس ہیں شہپر میرے 

غم نہیں مجھ کو  ، کہ رسوائیاں مل جائیں گی 

جو بھی الزام لگیں آج ہی سر پر میرے

 

مدتوں بعد ، ہوئی ہے مرے دل پر دستک

کون !  یہ آ گیا بھولے سے یوں در پر میرے 

تیر جتنے بھی سعید ، اس نے چلائے مجھ پر 

آ لگے سیدھے ، وہ بالکل ہی جگر پر میرے