ایک پیڑ ماں کے نام" کے تحت شجرکاری پروگرام کامیابی سے منعقد -

بتاریخ 27/07/2026 جامعہ اسلامیہ اشاعت العلوم پرائمری اردو اسکول، اکل کوا، ضلع نندوربار میں ماحولیات کے تحفظ کا پیغام عام کرنے کے لیے "ایک پیڑ ماں کے نام" کے عنوان سے شجرکاری پروگرام نہایت جوش و خروش کے ساتھ منعقد کیا گیا۔ اس پروگرام کا مقصد یہ تھا کہ ہر شخص اپنی والدہ کی عزت و احترام میں ایک درخت لگا کر ماحول کے تحفظ میں اپنا حصہ ادا کرے۔

اس موقع پر مہمانِ خصوصی کے طور پر مولانا ابوالکلام آزاد ہائی اسکول اینڈ جونیئر کالج کے پرنسپل جناب رفیق جاگیردار صاحب، جامعہ لاء کالج کے پرنسپل ڈاکٹر سعود احمد خان صاحب، جامعہ لاء کالج کے اسسٹنٹ پروفیسر جناب فہد خان صاحب اور اسکول مینجمنٹ کمیٹی کے رکن جناب شیخ ریاض صاحب شریک ہوئے۔

مہمانانِ خصوصی کے دستِ مبارک سے اسکول کے احاطے میں قائم کچن گارڈن (پرسباغ) میں مختلف اقسام کے پودے لگائے گئے۔ اس موقع پر مقررین نے درختوں کی اہمیت، ماحولیات کے تحفظ کی ضرورت اور ہر فرد کی جانب سے کم از کم ایک درخت لگا کر اس کی نگہداشت کرنے کی اہمیت پر روشنی ڈالی۔

اس پروگرام میں اسکول کے ہیڈماسٹر جناب فاروقی جاوید سر، تمام اساتذہ، غیر تدریسی عملہ اور بڑی تعداد میں طلبہ شریک ہوئے۔ طلبہ کو اپنے گھروں میں لگانے کے لیے کم از کم 200 پودے بھی تقسیم کیے گئے۔ طلبہ نے ماحولیات کے تحفظ اور شجرکاری کی اہمیت کا عہد کیا اور لگائے گئے ہر پودے کی باقاعدہ دیکھ بھال کرنے کا عزم ظاہر کیا۔

اس پروگرام کے ذریعے طلبہ میں ماحولیات کے تحفظ کے بارے میں شعور بیدار ہوا اور "ایک پیڑ ماں کے نام" مہم کا پیغام مؤثر انداز میں عام لوگوں تک پہنچا۔ پروگرام کی کامیاب تکمیل پر تمام مہمانانِ خصوصی، اساتذہ کرام اور طلبہ کا تہہِ دل سے شکریہ ادا کیا گیا۔