بلروت ہاسپٹلس کے نئے آؤٹ پیشنٹ بلاک کی شاندار افتتاحی تقریب میں اسلامیہ ویلفیئر ایسوسی ایشن، میل وشارم کے ذمہ داران کی شرکت
تملناڈو چننئی سے محمد رضوان اللہ کی رپورٹ :
24 جولائی 2026 : بلروت ہاسپٹلس کے نئے آؤٹ پیشنٹ بلاک (Outpatient Block) کی شاندار افتتاحی تقریب 24 جولائی 2026 بروز جمعہ منعقد ہوئی، جس میں مختلف شعبہ ہائے زندگی سے تعلق رکھنے والی ممتاز شخصیات نے شرکت کی۔
اس باوقار تقریب میں اسلامیہ ویلفیئر ایسوسی ایشن، میل وشارم کی نمائندگی کرتے ہوئے جناب کرپور عظیم الدین اور جناب ٹی۔ ایم۔ امتیاز احمد نے شرکت کی۔ انہوں نے اسپتال انتظامیہ کو نئے آؤٹ پیشنٹ بلاک کے افتتاح پر مبارکباد پیش کرتے ہوئے اس جدید طبی سہولت کو عوام کے لیے ایک اہم اور خوش آئند اقدام قرار دیا۔
تقریب کے دوران اسپتال میں متعارف کرائی گئی جدید طبی سہولیات، ڈیجیٹل رجسٹریشن، الیکٹرانک میڈیکل ریکارڈز، پیپر لیس آؤٹ پیشنٹ خدمات اور جدید علاج کے نظام کا تعارف پیش کیا گیا۔ مہمانوں نے ان اقدامات کو صحت عامہ کے شعبے میں ایک قابلِ قدر پیش رفت قرار دیا۔
اسلامیہ ویلفیئر ایسوسی ایشن، میل وشارم کے نمائندوں نے امید ظاہر کی کہ یہ جدید طبی مرکز عوام کو معیاری، تیز رفتار اور مؤثر طبی خدمات فراہم کرنے میں اہم کردار ادا کرے گا اور علاقے کی صحت عامہ کے فروغ میں نمایاں سنگِ میل ثابت ہوگا۔
Comments
Post a Comment