مہاراشٹر راجیہ اردو شکشک سنگھٹنا اور علامہ اقبال بلا سودی سوسائٹی کا سالانہ اجلاس حسنِ خوبی کے ساتھ اختتام پذیر
شولاپور (نامہ نگار)مہاراشٹر راجیہ اردو شکشک سنگھٹنا اور علامہ اقبال بلا سودی سوسائٹی کا سالانہ اجلاس بروز ہفتہ، 18 فروری کو سوشل جونیئر کالج کے فنکشنل ہال میں نہایت تزک و احتشام کے ساتھ منعقد ہوا۔ اجلاس کی صدارت محترم داوال نداف صاحب نے کی، جبکہ پروگرام کا آغاز فہیم بانگی صاحب کی تلاوتِ قرآنِ پاک سے ہوا۔
پروگرام کے آغاز میں محترم مسعود صدیقی صاحب نے اجلاس کی اہمیت، نوعیت اور مقاصد کو تفصیل کے ساتھ حاضرین کے سامنے پیش کیا۔
مہمانانِ گرامی اور ممتاز شخصیات کی پذیرائی
اس موقع پر ایجوکیشن آفیسر کے نمائندے کے طور پر تشریف لائے محترم اطہر پرویز دفعدار صاحب، ریٹائرڈ ناظرِ تعلیم محترمہ دولت بی آپا، اور حال ہی میں پروموشن کے ذریعے 'کینڈر پرمکھ' بننے والے اساتذہ—محترم حسینی صاحب، محترم سہیل صاحب اور محترم محمود نواز صاحب—کا پرجوش استقبال کیا گیا۔ اس کے علاوہ حال ہی میں سبکدوش ہونے والی معزز اساتذہ محترمہ باغبان آپا اور محترمہ بانو بی کوتوال آپا کی بھی بالخصوص گل پوشی کی گئی۔
▪️ طلبہ اور بہترین کارکردگی والے اسکولوں کی حوصلہ افزائی
اجلاس کے دوران تعلیمی میدان میں نمایاں خدمات اور کامیابیوں پر مندرجہ ذیل اعزازات دیے گئے:
▪️ اسکالرشپ ہولڈرز: اسکالرشپ امتحان میں شاندار کامیابی حاصل کرنے والے طلبہ کی ہمت افزائی کے لیے ان کی گل پوشی کی گئی۔
▪️ کامیاب اسکول: ضلع پریشد کے جن اسکولوں نے پہلی جماعت میں طلبہ کے داخلوں میں 25 فیصد کا اضافہ کیا، ان اسکولوں کے صدر مدرسین اور اساتذہ کی خصوصی پذیرائی کی گئی۔
▪️ درشنال اردو اسکول: درشنال اردو اسکول کے صدر مدرس اور معاون معلمہ کا بھی خصوصی استقبال کیا گیا۔
▪️ سوسائٹی کی رپورٹ اور انتظامی امور
پروگرام کے اگلے مرحلے میں پیر صاب چودھری سر نے سوسائٹی کی سالانہ کارکردگی اور روداد پیش کی، جسے تمام اراکین نے متفقہ طور پر منظور کیا۔ اجلاس کا مکمل لائحہ عمل عباس شیخ سر نے ترتیب دیا تھا۔
پروگرام کی بہترین اور خوش اسلوبی سے نظامت سیفن پٹیل سر اور عزیز شیخ سر نے مشترکہ طور پر انجام دی، جبکہ آخر میں یوسف بیوپاری سر نے تمام حاضرین اور مہمانوں کا شکریہ ادا کیا۔
اس اجلاس کو کامیاب بنانے میں رحیم سر، مڑکی سر، جاوید سر، محمود سر، کوربو سر، پٹیل صاحب، کرنول سر، نداف سر اور فیروز سر نے نمایاں اور فعال کردار ادا کیا۔
Comments
Post a Comment