دارِ ارقم و فیض العلوم اسکول میں عالمی یومِ یوگا کا اہتمام۔
دارِ ارقم و فیض العلوم اسکول میں عالمی یومِ یوگا کا اہتمام۔
پونے، 21 جون ؛ عالمی یومِ یوگا کے موقع پر دارِ ارقم و فیض العلوم اسکول میں ایک خصوصی پروگرام کا انعقاد کیا گیا، جس میں طلبہ و طالبات اور اساتذۂ کرام نے بھرپور جوش و خروش کے ساتھ شرکت کی۔
پروگرام کا آغاز یوگا کی اہمیت اور اس کے جسمانی و ذہنی فوائد پر روشنی ڈالنے سے ہوا۔ اس کے بعد طلبہ نے مختلف یوگا آسنوں اور سانس کی مشقوں کا عملی مظاہرہ پیش کیا، جسے حاضرین نے خوب سراہا۔
اس موقع پر مقررین نے کہا کہ یوگا نہ صرف جسمانی صحت کے لیے مفید ہے بلکہ ذہنی سکون، یکسوئی اور مثبت طرزِ زندگی کے فروغ میں بھی اہم کردار ادا کرتا ہے۔ اسکول انتظامیہ نے طلبہ کو صحت مند زندگی کے لیے باقاعدہ ورزش اور یوگا کو اپنی روزمرہ زندگی کا حصہ بنانے کی تلقین کی۔
پروگرام خوشگوار ماحول میں اختتام پذیر ہوا اور شرکاء نے صحت مند اور متوازن معاشرے کی تشکیل کے عزم کا اعادہ کیا۔
واضح رہے کہ اقوامِ متحدہ کی جنرل اسمبلی کی منظوری کے بعد سن 2015 سے ہر سال 21 جون کو دنیا بھر میں عالمی یومِ یوگا منایا جاتا ہے۔ اس دن کے منانے کا مقصد عوام میں صحت مند طرزِ زندگی، جسمانی تندرستی اور ذہنی سکون کے بارے میں بیداری پیدا کرنا ہے۔
✍️ سیدہ تزئین فاطمہ
معلمہ دارِ ارقم و فیض العلوم اسکول، پونے
Comments
Post a Comment