ایشور کھنڈرے کو وزارت ملنے پر چندرکانت ہبلگاؤں کی مبارکباد۔
بیدر، 7 جون (نامہ نگار): بیدر بلاک کانگریس کمیٹی کے صدر چندرکانت ہبلگاؤں نے ریاستی کابینہ میں دیہی ترقی اور پنچایت راج کے وزیر کی حیثیت سے ذمہ داری سنبھالنے پر ایشور کھنڈرے کو دلی مبارکباد پیش کی ہے۔
اپنے تہنیتی پیغام میں انہوں نے کہا کہ وزیر اعلیٰ ڈی کے شیوکمار کی قیادت میں ریاستی حکومت عوامی فلاح و بہبود اور ترقیاتی کاموں کو ترجیح دے رہی ہے۔ انہوں نے امید ظاہر کی کہ ایشور کھنڈرے اپنی صلاحیتوں اور تجربے سے محکمہ دیہی ترقی و پنچایت راج کو مزید فعال اور عوام دوست بنائیں گے۔
چندرکانت ہبلگاؤں نے کہا کہ ایشور کھنڈرے نے وزارت سنبھالنے کے بعد ریاست کی جامع ترقی، دیہی علاقوں کے بنیادی ڈھانچے کی بہتری، پنچایت راج اداروں کے استحکام اور عوامی فلاحی اسکیموں کے مؤثر نفاذ کے عزم کا اظہار کیا ہے، جس سے ریاست کے دیہی عوام کو فائدہ پہنچے گا۔
انہوں نے نیک خواہشات کا اظہار کرتے ہوئے کہا کہ ایشور کھنڈرے کی قیادت میں محکمہ نئی کامیابیاں حاصل کرے گا اور ریاست بھر میں ترقیاتی سرگرمیوں کو مزید فروغ ملے گا۔
اس موقع پر کانگریس کے متعدد قائدین اور کارکنان نے بھی ایشور کھنڈرے کو مبارکباد پیش کرتے ہوئے ان کی کامیابی کے لیے نیک تمناؤں کا اظہار کیا۔
Comments
Post a Comment