عاشورہ: مغفرت اور شکر کا دن - تحریر: شعیب احمد محمدی۔

عاشورہ: مغفرت اور شکر کا دن - 

تحریر: شعیب احمد محمدی۔

تمہید: اللہ کے دنوں میں سے ایک دن  

محرم کی 10 تاریخ یعنی عاشورہ یہ اللہ تعالی کے خاص دنوں میں سے ایک دن ہے اس دن کی تاریخ حضرت موسی علیہ السلام سے جڑی ہے اور اس کی فضیلت رسول اللہ صلی اللہ علیہ وسلم کی زبان مبارک سے ثابت ہے یہ دن ہمیں شکر اور مغفرت کا پیغام دیتا ہے

1 دینی فضیلت: سال بھر کے گناہوں کا کفارہ  

رسول اللہ صلی اللہ علیہ وسلم مدینہ تشریف لائے تو یہودیوں کو عاشورہ کا روزہ رکھتے دیکھا سبب پوچھا تو انہوں نے کہا اس دن اللہ نے موسی علیہ السلام اور بنی اسرائیل کو فرعون سے نجات دی اور فرعون کو غرق کیا اس شکر میں موسی علیہ السلام نے روزہ رکھا آپ صلی اللہ علیہ وسلم نے فرمایا ہم موسی کے تم سے زیادہ حق دار ہیں چنانچہ آپ صلی اللہ علیہ وسلم نے خود روزہ رکھا اور صحابہ کو بھی حکم دیا بخاری

آپ صلی اللہ علیہ وسلم نے عاشورہ کے روزے کی فضیلت بیان کرتے ہوئے فرمایا مجھے اللہ سے امید ہے کہ عاشورہ کا روزہ گزشتہ ایک سال کے صغیرہ گناہوں کا کفارہ بن جائے گا مسلم

2 یہود کی مشابہت سے بچنا  

چونکہ یہودی صرف 10 محرم کا روزہ رکھتے تھے اس لیے رسول اللہ صلی اللہ علیہ وسلم نے فرمایا اگر میں آئندہ سال زندہ رہا تو 9 تاریخ کا روزہ بھی رکھوں گا مسلم  

لہذا امت کے لیے افضل طریقہ یہ ہے کہ 9 اور 10 محرم یا 10 اور 11 محرم کا روزہ رکھا جائے تاکہ یہود کی مشابہت بھی نہ ہو

3 شکر اور سخاوت  

عاشورہ نجات کا دن ہے اس لیے یہ شکر کا دن ہے اور شکر کا بہترین طریقہ اللہ کی مخلوق پر خرچ کرنا ہے

4 اخلاقی سبق: حق کا ساتھ دینا  

عاشورہ کا دن ہمیں حضرت موسی علیہ السلام کی استقامت یاد دلاتا ہے فرعون جیسے جابر بادشاہ کے سامنے کلمہ حق بلند کرنا آسان نہیں تھا مگر موسی علیہ السلام ڈٹے رہے

یہ دن ہمیں سکھاتا ہے کہ باطل چاہے کتنا ہی طاقتور ہو انجام حق کا ہی ہوتا ہے ہمارا کام صرف اللہ پر بھروسہ کر کے حق پر ڈٹ جانا ہے

5 کیا کریں کیا نہ کریں

کریں  

1 روزہ 9-10 محرم یا 10-11 محرم کا روزہ رکھیں یہ سب سے بڑی فضیلت ہے  

2 توبہ و استغفار یہ مغفرت کا دن ہے خوب توبہ کریں  

3 صدقہ و خیرات غریبوں یتیموں کی مدد کریں

نہ کریں  

1 خاص عبادت گھڑنا عاشورہ کے لیے کوئی خاص نماز یا مخصوص دعا شریعت سے ثابت نہیں صرف روزہ سنت ہے  

2 رسم و رواج اس دن کو سوگ کا دن بنا لینا یا خاص کھانے پکانا ضروری سمجھنا شریعت میں اس کی کوئی اصل نہیں  

3 فضول خرچی خوشی کے نام پر ناچ گانا یا آتش بازی کرنا بھی درست نہیں

حرف آخر  

عاشورہ ہمیں دو بڑے سبق دیتا ہے 1 اللہ کی نعمت پر شکر اور 2 گناہوں سے مغفرت  

روزہ رکھ کر ہم شکر بھی ادا کر لیتے ہیں اور ایک سال کے گناہ بھی معاف کروا لیتے ہیں اس سے بڑی سعادت کیا ہوگی

آئیے اس عاشورہ کو رسم نہیں عبادت بنائیں روزہ توبہ اور سخاوت سے اس دن کو قیمتی بنائیں

وَمَا تَوْفِیقِیْٓ اِلَّا بِاللّٰہِ