طلعت ہائی اسکول، اورنگ آباد میں شكشک بھارتی کی جانب سے مصنوعی ذہانت پر مبنی تربیتی ورکشاپ کا شاندار انعقاد۔

اونگ آباد (رضوانہ کراری) مورخہ 29 / جون 2025 بروز اتوارطلعت ہائی اسکول، جونا بازار، اورنگ آباد میں شکشک بھارتی اردو اساتذہ تنظیم ضلع اورنگ آباد کے زیرِ اہتمام ایک روزہ تربیتی نشست بعنوان "AI (مصنوعی ذہانت) اور تدریس" کا کامیاب انعقاد عمل میں آیا۔ اس نشست کے اہم تربیت کار جناب کلیم قریشی صاحب (مددگار معلم، طلعت ہائی اسکول اورنگ آباد) رہے، جنہوں نے نہایت خلوص اور محنت کے ساتھ شرکاء کو جدید تعلیمی ٹیکنالوجیز اور AI ٹولز کے استعمال سے واقف کروایا۔ تربیتی سیشن میں درج ذیل موضوعات پر رہنمائی فراہم کی گئی:

Canva کے ذریعے تعلیمی پریزنٹیشنز بنانا

Urdu Designer App کا مؤثر استعمال

Google Forms سے تشخیصی سوالنامے تیار کرنا

Suno AI کے ذریعے آڈیو مواد بنانا

ChatGPT اور دیگر AI ذرائع کا تدریسی عمل میں استعمال جس کی قیادت شکشک بھارتی اُردو کے اورنگ آباد ضلع صدر محمد اظہر سر نے کی ضلع بھر سے تقریبا 130 اساتذہ نے اس نشست میں فعال شرکت کی اور نئی تکنیکی معلومات حاصل کر کے اپنی تدریسی صلاحیتوں میں اضافہ کیا۔

اس تربیتی سیشن میں شریک اساتذہ نے مصنوعی ذہانت کے مختلف پہلوؤں کو سمجھتے ہوئے اپنے تجربات کا تبادلہ بھی کیااور اس طرح کے مزید ورکشاپس کے انعقاد کی خواہش ظاہر کی۔۔اس تربیتی نشست کو ایک اہم تعلیمی سنگِ میل کے طور پر دیکھا جا رہا ہے جو تعلیمی نظام میں ٹیکنالوجی کے انضمام کی سمت میں ایک مثبت قدم ہے۔یہ تربیتی نشست اپنے تمام تر پہلوؤں میں کامیاب و مفید ثابت ہوئی۔