سعدیہ فاطمہ مدینتہ العلوم گرلز پرائمری اسکول ناندیڑ مہاراشٹر کو اُردو اکیڈمی جدہ سعودی عرب سے ایک اور ایوارڈ۔

ناندیڈ: (نامہ نگار) 22 جون 2024 کو اُردو اکیڈمی جدہ ۔۔ حیدرآباد کے زیرِ اہتمام مدینہ ایجوکیشن سینٹر قریب حج ہاؤز نامپلی حیدرآباد ایک پروگرام ,, جلسہ تقسیم گولڈ مڈل و توصیفی اسناد ،، کا انعقاد عمل میں آیا ، جو برائے تلنگانہ سرکاری اسکولس اُردو میڈیم ایس ایس سی ٹاپرس ، کے لئے رکھا گیا ، جس میں بیسٹ ٹیچرس ، بیسٹ اسکول ، بیسٹ ایچ ایم کے ایوارڈز بھی دئیے گئے ، اس کے علاوہ 

بیادگار مشہور شخصیات کے ایوارڈ بھی دئیے گئے ، جس میں ناندیڑ کی جانی مانی شخصیت ,, باسط علی خان ، سی آئی ڈی پولیس سب انسپکٹر مرحوم ایوارڈ بھی رکھا گیا ، جو کہ وقار آباد کی ثمرین خانم محمد افتخار الدین گورنمنٹ گرلس ہائی اسکول تاندور کو دیا گیا ، جسے باسط علی خان کی دختر سعدیہ فاطمہ خان اور فرزند شعیب علی خان پرویز کے ہاتھوں سے دیا گیا ، ان کے خاندان کے کئی افراد وہاں موجود تھے ، تمام خاندان میں خوشی کی لہر دوڑ گئی ، اس پروگرام کی نظامت کی ذمہ داری سعدیہ فاطمہ ناندیڑ کو سونپی گئی تھی ، بہت بہترین انداز اور بہت خوب صورتی سے پروگرام کو چلایا گیا ، سعدیہ فاطمہ کی صلاحیتوں پر ایک بار پھر ,, اُردو اکیڈمی جدہ سعودی عرب کی جانب سے ایوارڈ سے نوازا گیا ، افراد خاندان نے بے حد خوشی کا اظہار کیا ، اُردو اکیڈمی جدہ کے صدر شیخ ابراہیم صاحب کی صدارت میں ہونے والے پروگرام میں جن لوگوں سے اسٹیج رونق افروز تھا ان کے نام ہیں ،

عالی جناب ایس اے شکور صاحب ڈائریکٹر دائرہ المعارف جامعہ عثمانیہ حیدرآباد ، عالی جناب خلیق الرحمن صاحب نیشنل کو ارڈینیٹر آل انڈیا کانگریس کمیٹی ، عالی جناب امتیاز اسحاق صاحب سابق چئیر مین اقلیتی مالیاتی کمیشن ، عالی جناب عبیداللہ کوتوال صاحب چئیرمن مائناریٹی فائنانس کارپوریشن تلنگانہ حیدرآباد موجود تھے اس کے علاوہ اُردو اکیڈمی جدہ کے ذمہ داران سلیم فاروقی صاحب سرپرست اعلیٰ ، سید نعیم الدین باری صاحب جنرل سیکریٹری جدہ ، احمد محی الدین صاحب وائس پریزیڈنٹ نے جدہ سے تشریف آوری فرما کر پروگرام کو کامیاب بنایا ، یاد رہے کہ سعدیہ فاطمہ نے فلسطین پر کتاب لکھی ہے جس کا دوسرا ایڈیشن بہت جلد آنے والا ہے ، اس بات پر بھی ذمہ داران نے مبارکباد دی ، حیدرآباد ، اورنگ آباد ، پربھنی ، ناندیڑ کے افراد خاندان اور اسٹاف نے سعدیہ فاطمہ کو دلی مبارکباد پیش کی ،