سماج کی ترقی میں طالبات کا کردار سب سے اہم: اختتامی تقریب میں مقررین کا اظہارِ خیال - گورنمنٹ گولکنڈہ ڈگری کالج میں "پراجا پالنا پرگتی پرانالیکا" تعلیمی ہفتہ کی تقریبات کا شاندار اختتام۔

حیدرآباد (گولکنڈہ)، 17 مئی گولکنڈہ میں واقع نیو گورنمنٹ ڈگری کالج فار ویمن میں گزشتہ سات دنوں سے انتہائی باوقار انداز میں منائی جانے والی "پراجا پالنا پرگتی پرانالیکا - تعلیمی ہفتہ کی تقریبات" (Praja Palana Pragathi Pranalika - Education Week Celebrations) اتوار کو ایک شاندار اختتامی اجلاس کے ساتھ اختتام پذیر ہو گئیں۔ کالج کی پرنسپل پروفیسر ٹی. سری لکشمی* کی صدارت میں منعقدہ اس اختتامی تقریب میں مقامی ایم ایل اے جناب کوثر محی الدین نے بطور مہمانِ خصوصی شرکت کی۔ اس موقع پر کالج کا تدریسی عملہ، غیر تدریسی عملہ طالبات اور مقامی معززین بڑی تعداد میں موجود تھے۔

تعلیمی ہفتہ کی سرگرمیوں پر ایک نظر

اس موقع پر خطاب کرتے ہوئے پرنسپل صاحبہ نے کہا کہ 11 مئی سے شروع ہونے والا یہ تعلیمی ہفتہ کالج کی تاریخ میں ایک سنگِ میل کی حیثیت رکھتا ہے۔ انہوں نے سات دنوں کے دوران منعقد ہونے والے متنوع پروگراموں کی تفصیلات کچھ اس طرح بیان کیں

 پہلا دن (انفراسٹرکچر گراؤنڈنگ): کالج کی بنیادی سہولیات کی بہتری کا آغاز۔ اس کے تحت، کالج کے عربی پروفیسر منظور حسین کی جانب سے عطیہ کردہ آر او (RO) واٹر پلانٹ کا افتتاح مقامی ایم ایل اے کوثر محی الدین کے ہاتھوں عمل میں آیا۔

 *دوسرا دن (اسٹوڈنٹ اکیڈمک سپورٹ اینڈ ویلنس):طالبات کی ذہنی و جسمانی صحت اور فلاح و بہبود کے بارے میں بیدار ی پروگرام کا انعقاد 

 تیسرا دن (ویلیج لیول اکیڈمک سپورٹ کانکلیو):مقامی سطح پر تعلیمی منصوبوں اور حکمتِ عملی پر تبادلہ خیال۔

 *چوتھا دن (میگا پیرنٹ-ٹیچر میٹنگ،المونی میٹنگ)ایک بڑا اجلاس جس میں تقریباً 76 اولیائے طلباء (والدین) نے شرکت کی، اور ساتھ ہی ایک مفت میڈیکل کیمپ کا انعقاد کیا گیا جس سے 120 سے زائد افراد مستفید ہوئے۔ یہ پروگرام مقامی ایم ایل اے کوثر محی الدین، سابق کارپوریٹرز عزیز خان پٹھان اور محمد امیر الدین کی موجودگی میں ہوا۔

 *پانچواں دن (منہ گرنتھالیہ گیانوستساوم):* ایم سی آر ایچ آر ڈی (MCRHRD) کے لائبریرین باشیٹی سرینواس کی بطور مہمانِ خصوصی شرکت، جہاں کتابوں پر تبصرے اور کتابوں کی نمائش کا اہتمام کیا گیا۔

 چھٹا دن (اے آئی اویئرنس اینڈ انوویشن): تعلیمی شعبے میں مصنوعی ذہانت (Artificial Intelligence) کی اہمیت اور افادیت پر خصوصی بیداری پروگرامکا انعقاد 

 ساتواں دن (انسٹیٹیوشنل ایکسیلنس اینڈ ریکگنیشن): کالج کی تعلیمی و تدریسی کارکردگی کو اجاگر کیا گیا۔

اختتامی تقریب۔

 انعامات کی تقسیم اور جشن کا ماحول:

تقریبات کے آخری دن، کالج کی تعلیمی عمدگی

 (Academic Excellence) 

کے حصے کے طور پر، انچارج پی ڈی ڈاکٹر بالا سرینواس نے تعلیمی ہفتہ کے دوران مختلف مقابلوں میں بہترین کارکردگی کا مظاہرہ کرنے والی طالبات اور جیتنے والوں میں سرٹیفکیٹ اور یادگاری نشانات (Momentoes) تقسیم کیے۔ طالبات کی جانب سے پیش کیے گئے ثقافتی پروگراموں نے سب کا دل موہ لیا۔

اس باوقار پروگرام کو کامیاب بنانے میں کالج کی وائس پرنسپل ڈاکٹر حمیرا سعید، اکیڈمک کوآرڈینیٹر بی. سچیتا، ڈاکٹر این ایس راجنیش، رکمنی دیوی اور دیگر تدریسی و غیر تدریسی عملے اور طالبات نے بڑھ چڑھ کر حصہ لیا۔