جانوروں کا بازار — حلال روزی اور ذمہ داری - سید فاروق احمد قادری۔

جانوروں کا بازار — حلال روزی اور ذمہ داری - 

 سید فاروق احمد قادری۔

قربانی کا موسم آتے ہی شہروں اور دیہاتوں میں جانوروں کے بازار سج جاتے ہیں۔

ہر طرف خریداروں اور فروخت کرنے والوں کا ہجوم نظر آتا ہے۔ کہیں بیل، کہیں بکرے، کہیں اونٹ اور کہیں خوبصورت جانور لوگوں کی توجہ کا مرکز بنتے ہیں۔ یہ بازار صرف خرید و فروخت کا نام نہیں بلکہ مسلمانوں کی دینی روایت، سنتِ ابراہیمیؑ اور حلال روزی کا ایک اہم ذریعہ بھی ہیں۔

آج حکومت کی جانب سے جانوروں کی خرید و فروخت، صفائی، ٹرانسپورٹ اور حفاظتی اصولوں کے تعلق سے مختلف ہدایات اور جی آر جاری کیے جاتے ہیں تاکہ بازار میں نظم و ضبط برقرار رہے اور عوام کو کسی قسم کی پریشانی نہ ہو۔

یہ ہماری ذمہ داری ہے کہ ان اصولوں پر عمل کریں اور بازار کو صاف، محفوظ اور منظم رکھنے میں تعاون دیں۔

جانوروں کے کاروبار سے وابستہ افراد سخت محنت کرتے ہیں۔

گرمی، دھول، سفر اور مسلسل مشقت کے باوجود وہ لوگوں تک قربانی کے جانور پہنچاتے ہیں۔ ایسے میں ایمانداری، انصاف اور اچھے اخلاق بہت ضروری ہیں۔

حلال کمائی ہمیشہ برکت کا سبب بنتی ہے۔

“رزق صرف مال کا نام نہیں،

بلکہ رزق میں سکون، برکت اور عزت بھی شامل ہوتی ہے۔”

ضرورت اس بات کی ہے کہ ہم قربانی کو صرف رسم نہ بنائیں بلکہ اس کے اصل پیغام کو سمجھیں۔

ایثار، قربانی، اخلاص اور انسانیت کا درس ہی عیدالاضحیٰ کی اصل روح ہے۔

اللہ تعالیٰ تمام کاروبار میں برکت عطا فرمائے اور ہمیں حلال و پاکیزہ رزق نصیب فرمائے۔ آمین۔