غزل - ازقلم : مہرالنّساء مہرو۔بیجاپور کرناٹک۔

غزل - 

ازقلم : مہرالنّساء مہرو۔بیجاپور کرناٹک۔

ماں کے قدموں تلے جو جنت ہے

رب کی ، اولاد کو عنایت ہے

جان لو ایک ہے خدا ،لوگو!

اسکی ہی کرنا بس ، عبادت ہے

آپ پھولوں کی بات کرتے ہیں

ہم کو کانٹوں سے بھی محبّت ہے

صرف روزہ نماز حج ہی نہیں

خدمتِ خلق بھی عبادت ہے

میرا بیٹا غرور ہے میرا

اور بیٹی خدا کی رحمت ہے

جو بھی کہنا ہے روبرو کہنا

پیٹھ پیچھے کہو تو غیبت ہے

سجدۂ شکر کر ادا مہرو

فضل سے جس کے تیری شہرت ہے