یارا انٹرنیشنل اسکول ریاض میں "تعلیمی کارکردگی کے اعزازات کی تقریب" کا انعقاد۔

ریاض ۔ (پریس نوٹ)  یارا انٹرنیشنل اسکول ریاض کی جانب سے تعلیمی سال 26–2025 کے لیے "تعلیمی کارکردگی کے اعزازات کی تقریب" کے عنوان سے ایک پروقار جلسے کا انعقاد عمل میں لایا گیا۔ تقریب کا مقصد سی بی ایس ای (CBSE) دسویں اور بارہویں جماعت کے بورڈ امتحانات میں طلبہ کی شاندار کامیابیوں کو سراہنا تھا ۔ یہ تقریب طلبہ کی بہترین کارکردگی، ذہانت، لگن اور انتھک محنت کا منہ بولتا ثبوت تھی، جو اسکول کی اعلیٰ روایات کی عکاسی کرتی ہے ۔

تقریب کا آغاز پرنسپل محترمہ عاصمہ سلیم کے ایک پُرکشش اور متاثر کن استقبالیہ خطاب سے ہوا، جن کی بصیرت انگیز قیادت اور عزم نے اسکول کی ترقی اور کامیابی میں کلیدی کردار ادا کیا ہے ۔ اس کے بعد، اسکول کے چیف پیٹرن جناب حبیب الرحمن نے خطاب کیا۔ انہوں نے طلبہ کی شاندار کامیابیوں کو شاندار الفاظ میں سراہا اور انہیں مستقبل میں بھی اسی طرح محنت اور عمدہ کارکردگی کا سلسلہ جاری رکھنے کی تلقین کی ۔ بعد ازاں، پرنسپل اور چیف پیٹرن نے پوزیشن ہولڈرز کو ان کے غیر معمولی کارناموں پر اسناد اور یادگاری مومنٹوز سے نوازا ۔

دسویں جماعت کے طلبہ نے غیر معمولی کارکردگی کا مظاہرہ کیا، مختلف مضامین میں 14 طلبہ نے پورے سو فیصد (Centum) نمبر حاصل کیے، جبکہ متعدد طلبہ 90 فیصد سے زائد نمبر لینے میں کامیاب رہے ۔ اسکول نے فخر کے ساتھ دسویں جماعت کے ٹاپرز کو تقریب کے دوران اعزازات سے نوازا ۔

ماسٹر مادھو سستی نے 99.2% کے شاندار مجموعی نمبروں کے ساتھ اسکول میں پہلا مقام حاصل کیا، اور اس کے ساتھ ہی انہوں نے مملکت سعودی عرب میں تیسری پوزیشن حاصل کرنے کا اعزاز بھی اپنے نام کیا ۔ حمزہ ساجد نے 98.6% کے متاثر کن نمبروں کے ساتھ دوسری پوزیشن حاصل کی ۔ لنکش سراوانن اور زیان ساجن نے 98.2% نمبر لے کر مشترکہ طور پر تیسری پوزیشن حاصل کی ۔

 بارہویں جماعت کے سائنس اور کامرس دونوں شعبوں (Streams) کے طلبہ نے بھی غیر معمولی کارکردگی کا مظاہرہ کیا اور مختلف مضامین میں شاندار کامیابیوں کے ذریعے اسکول کا نام روشن کیا ۔ اس تقریب میں بارہویں جماعت کے ٹاپرز کی مجموعی بہترین کارکردگی کا بھی اعتراف کیا گیا ۔ بارہویں جماعت کے طلبہ نے ایک نیا ریکارڈ قائم کرتے ہوئے مختلف مضامین میں مجموعی طور پر 25 سینٹم (100 فیصد نمبر) حاصل کیے ۔ زینب سلیم 95.6% کے شاندار مجموعی نمبروں کے ساتھ اسکول کی ٹاپر بنیں ۔ سٹیسی رینٹ نے 95.4% نمبر حاصل کر کے دوسری پوزیشن حاصل کی ۔ حنا مجیب نے 94.2% نمبروں کے ساتھ تیسری پوزیشن حاصل کی ۔ ان طلبہ کامیابی دیگر طلبہ کے لیے قابل تقلید اور مشعلِ راہ ہے۔ اسسٹنٹ پرنسپل محترمہ رحمہ افضل کے ہدیہ تشکر کے بعد سعودی عرب اور ہندوستان کے قومی ترانوں پر تقریب کا اختتام عمل میں آیا۔