ٹیپو سلطان شہید - (تیری خودی کو اہلِ وطن کا سلام ہے ) ازقلم : پروفیسر مقبول احمد مقبول۔ چٹگوپہ، ضلع بیدر (کرناٹک)

ٹیپو سلطان شہید - 

(تیری خودی کو اہلِ وطن کا سلام ہے )

ازقلم : پروفیسر مقبول احمد مقبول۔ 

چٹگوپہ، ضلع بیدر (کرناٹک)

9028598414

پوشیدہ تجھ میں مردِ مسلماں کی شان تھی اوصاف تھے حمیدہ تو کردار تھا بلند 

تھا علم وفضل میں بھی تو یکتائے روزگار 

صوفی منش تھا اور طبیعت تھی حق پسند

 میدانِ زندگی ہو کہ میدانِ کار زار 

حسنِ عمل و حسنِ تدبر سے کامیاب 

سیاسِ وقت، اہلِ نظر، صاحبِ کمال !

 تجھ پر فرنگیوں کے عزائم تھے آشکار 

ہرگز تری خودی نے گوارا نہیں کیا 

اپنے وطن پہ غیر کا قبضہ جما رہے 

عیش و نشاط کے تو مزے خود وہ لوٹ لیں

 اہلِ وطن کے حصے میں رنج و بلا رہے

تجھ سے فرنگیوں کی صفوں میں تھی کھلبلی تیرے وجود کو وہ سمجھتے تھے سدِ راہ

 تا عمر تو بھی ان سے نبرد آزما رہا

 سودا کیا نہ دیش کا تاریخ ہے گواہ

تیری نظر میں خاکِ وطن جان سے عزیز 

تو نے جہاں کو حبِ وطن کا دیا پیام

 ائے پیکر وفا! نہ ہو جب تک کہ تیرا ذکر 

آزادیِ وطن کی ہے تاریخ نا تمام

 تھی زیست جوش و غیرتِ قومی سے باوقار 

صد آفریں! کہ موت بھی پُر احتشام ہے

 ہو کر شہید اپنی خودی کو کیا بلند 

تیری خودی کو اہلِ وطن کا سلام ہے

پروفیسر مقبول احمد مقبول۔ 

چٹگوپہ، ضلع بیدر (کرناٹک)

9028598414