عازمینِ حج کے دوسرے قافلہ کے ساتھ سید فہیم الدین آج روانہ ہوں گے۔
بیدر، 7 مئی (نامہ نگار) سید فہیم الدین صاحب ولد سید ولی الدین استاد ساکن تعلیم صدیق شاہ روبرو اردو ہال بیدر، آج 8 مئی بروز جمعہ صبح تاریخی جامع مسجد بیدر سے عازمینِ حج کے دوسرے قافلہ کے ساتھ حج بیت اللہ شریف کی سعادت حاصل کرنے کے لیے روانہ ہوں گے۔ اس موقع پر رشتہ داروں، دوست احباب اور محلہ کے افراد نے مبارکباد پیش کرتے ہوئے بخیریت سفر اور ادائیگیٔ حج کے لیے دعائیں دیں۔
موصوف کے ہمراہ ان کی اہلیہ محترمہ بھی سفرِ حج پر روانہ ہوں گی۔ قافلہ کی روانگی کے موقع پر لبیک اللہم لبیک کی صداؤں سے فضا گونج اٹھے گی جبکہ عزیز و اقارب عازمین کو الوداع کہیں گے۔
واضح رہے کہ حج بیت اللہ شریف کی ادائیگی اور مقاماتِ مقدسہ کی زیارت کے بعد عازمین وطنِ عزیز واپس ہوں گے۔ اہلِ خاندان، احباب اور محلہ والوں نے دعا کی کہ اللہ تعالیٰ ان کا سفر آسان فرمائے، حج کو حجِ مبرور بنائے اور بخیریت وطن واپسی نصیب فرمائے۔
Comments
Post a Comment