افسانہ۔۔۔”عید کاچاند“ ازقلم : سعید پٹیل جلگاؤں۔

افسانہ۔۔۔

”عید کاچاند“ 

ازقلم : سعید پٹیل جلگاؤں۔ 

اس نے زکواة ، صدقہ فطرہ مانگ کر کچھ روپیۓ جمع کیۓ تھے اور کوئی تنظیم نے گھر آکر راشن کٹ بھی دےگیۓ تھے۔۔۔۔۔۔۔۔دینے والوں نے اس کے ساتھ راشن کٹ لیتے ہوۓ فوٹو بھی کھینچوائی تھی۔ اس طرح اس نے اپنے دونوں بچوں کی عید منانے کی تیاری کرلی تھیں۔شادی کے ابتدائی ایک۔دو برس بہت اچھے اور خوشحال گذرنے کے بعد اس کی زندگی نے خوشحالی سے تنگدستی کی جانب آہستہ آہستہ کروٹ بدلی ، تو وہ اپنے مزدور شوہر کے ساتھ ٹوٹی پھوٹی زندگی گذارتے ہوۓ مطمین تھیں۔ اس کا شوہر شرفو کبھی کبھی کچھ روپیۓ رشتہ داروں سے قرض لےکر کوئی کاروبار کرنے کےلیۓ بڑے تاجروں سے مختلف چیزیں یا کوئی سامان خرید لاتا اور ہاکرس کے طور پر گاؤں۔گاؤں ، گلی۔گلی یا ہفتہ بازاروں میں جاکر اپنی سڑک چھاپ دکان سجاتا اور اپنے گھر کا گاڑا کھینچ رہا تھا۔اسی دوران اس کے گھر ایک بیٹا اور ایک بیٹی کی آمد نے ان دونوں میاں۔بیوی کی زندگی کو ذمہ دار والدین بننے کے موڑ پر لا کھڑا کردیا تھا۔لیکن ایک مزدور اور ہاکرس کو زیادہ ہاتھ پاؤں مارنے کے بعد بھی اور کیا ملتا ہے۔؟۔۔۔۔۔۔ بس یوں سمجھۓ کے گذر بسر ہوجاتا ہے یا کرنا پڑتا ہے۔۔۔۔۔۔۔!!! ایک دن اس نے اپنی بیوی سے ایک ہاکرس کے روپ میں تجارت کرتے ہوۓ سماج میں پھیل رہی سماجی منافرت کا ذکر کرتے ہوۓ سنجیدہ ہوکر کہا تھا کہ ” گاؤں دیہاتوں اور بازاروں میں بھی اب اسے منافرت کا سامنا کرنا پڑرہا ہے۔۔۔۔۔۔۔۔۔۔، سرمایادارانہ طبقہ گاہک کو عالیشان دکانوں کی طرف متوجہ کرنے میں کامیاب ہوجاتے ہیں۔ یہ غریب اور مزدور طبقہ ہے جو ہاکرس طبقہ سے ہی سامان زندگی خریدکر جینے کا ہنر جانتا ہے۔ اتنا کہتے کہتے اس کی آنکھیں نم ہوگئ تھی ، پتہ نہیں نفرت نام کی اس بیماری کا کسی کے پاس کوئی علاج ہے بھی یا نہیں۔۔۔۔۔۔۔۔۔۔؟ لیکن زندگی تو جینا ہے۔۔۔۔۔۔۔۔۔۔۔۔اس کے پاس تو کوئی دوسرا راستہ سواۓ مزدوری کرنے کے کچھ تھا بھی نہیں۔۔۔۔۔۔۔۔۔اس نے اس کام کے علاوہ دوسرے کام دھندے پر بھی توجہ کرنے کا کئ مرتبہ تجربہ بھی کیاتھا لیکن کامیابی اس سے روٹھی ہوئی تھی۔۔۔۔۔۔۔۔۔۔۔۔۔۔“ وہ گھر کے حالات کو ٹھیک ٹھاک کرنے کےلیۓ روزانہ سامان تجارت اٹھاتا اور بازار کا رخ کرتا ، وہ اپنے بچوں کے بڑا ہونے تک کچھ سرمایا جمع کرنا چاہتا تھا۔۔۔۔۔۔۔۔۔لیکن کبھی کبھی انسان کی کڑی محنت و مشقت بھی ناکام ہوکر خوابوں کو چکنا چور کردیتی ہے۔ ایساہی کچھ شرفو کے ساتھ بھی ہوتا رہتا تھا۔۔۔۔۔۔۔۔۔۔۔۔۔۔ایک سال قبل شرفو اپنا سامان تجارت لے کر ایک دیہات میں داخل ہوا تو وہاں نقص امن کا کوئی واقعہ پیش آیا ہوا تھا۔۔۔۔۔۔۔۔۔۔اس لیۓ اسے دیکھتے ہی شرپسند عناصر نے نقص امن کا الزام اس کے سر مارتے ہوۓ ، خود ہی امن کے ٹھیکدار بن کر شرفو کی پٹائی کرکے اسے لہولہان کردیا تھا۔۔۔۔۔۔۔۔۔بچاؤ کرنے والے مٹھی بھر عام لوگوں نے اسے اسپتال میں داخل کرایا۔۔۔۔۔۔۔۔۔۔۔اس کا بیان درج کیاگیا۔۔۔۔۔۔۔۔۔۔، پھر ایک تیار اسکرپٹ ذرائع ابلاغ کو دے دی گئ تھی۔۔۔۔۔۔۔۔جس میں شرفو کو ہی ملزم بنادیا گیاتھا۔۔۔۔۔۔۔۔۔ اس کی بیوی اپنے زخمی شوہر کو دیکھنے پہونچتیں تب تک اس نے زخموں کی تاب نہ لاتے ہوۓ دم توڑ دیاتھا۔۔۔۔۔۔۔۔۔۔اس کی بیوی رشمی پر پہاڑ ٹوٹ پڑا تھا۔۔۔۔۔۔۔۔۔۔۔!!! اس کا رو ، رو کر برا حال ہوگیا تھا۔۔۔۔۔وہ اپنے بچوں کو ابو کے آنے کا انتظار بتاتی رہی۔۔۔۔۔۔۔۔

اس واقعے کو ہوۓ ایک سال کا عرصہ گذر چکا تھا۔۔۔۔۔۔۔۔۔۔

رشمی نے شوہر کے خاطیوں کے خلاف بہت چینخ پکار کی لیکن انصاف نہیں ملا۔۔۔۔۔۔۔۔۔۔۔،۔۔۔۔۔۔آج اس یاد سے اس کی آنکھیں اشکبار تھیں۔۔۔۔۔۔۔۔۔۔۔۔۔“

 آنگن میں اس کے دونوں یتیم بچے

عید کا چاند نظر آگیا ۔۔۔۔۔۔عید کا چاند نظر آگیا کی خوشی مناتے ہوۓ ماں کی گود میں آکر بیٹھ گیۓ تھے۔۔۔۔۔،،۔۔۔۔۔اور ماں کی آنکھوں سے آنسوں ٹپک کر رخساروں پر آرہے تھے دونوں بچوں نے اپنےننھےمنے ہاتھوں سے ماں کے آنسوں پوچھ کر عید کا چاند نظر آگیا ہے۔۔۔۔اب ابّو بھی آئیں گے۔۔۔۔۔۔۔ ،پھر ہم بھی ابّو کے ساتھ عید منائیں گے۔۔۔۔۔کہتے ہوۓ ماں کی طرف دیکھا۔۔۔جو اپنی عید کے چاند کےلیۓ زار و قطار رو رہی تھیں۔۔۔۔۔۔۔۔۔۔۔۔!!!