غزل۔۔ ازقلم : افتخار راغبؔ۔ریاض، سعودی عرب۔

غزل۔

ازقلم : افتخار راغبؔ۔

ریاض، سعودی عرب۔

97455707870

کیسے سمجھوں کہ جانِ جاں ہے توٗ

خیر اندیشِ دشمناں ہے توٗ

ہاتھ دل پر ہیں مرنے والوں کے

کس کو معلوم ہے کہاں ہے توٗ

جنگ جاری ہے ایک نادیدہ

ذہن اور دل کے درمیاں ہے توٗ

اپنا ملنا فریبِ پیہم سا

میں زمیں اور آسماں ہے توٗ

تیری ہی روشنی تھی آنکھوں میں

دیکھ آنکھوں سے اب رواں ہے توٗ

خوش گمانی کی خیر ہو اے دل

بے حساب اُن سے خوش گماں ہے توٗ

تیرگی تیرگی جہاں راغبؔ

روشنی روشنی جہاں ہے توٗ

افتخار راغبؔ

ریاض، سعودی عرب