نعت پاک۔۔ ازقلم : مہرالنّساء مہروؔ بیجاپور کرناٹک۔
نعت پاک۔۔
ازقلم : مہرالنّساء مہروؔ بیجاپور کرناٹک۔
نہ پوچھو کہ کیا کیا اُدھر دیکھ آئے.
ہم اپنے نبیﷺ کا وہ در دیکھ آئے.
نبی ﷺکے زمانے کے گھر دیکھ آئے
پرانے گھروں کے گھنڈر دیکھ آئے
مدینے کی گلیاں مدینے کی راہیں
"مدینے کی شام و سحر دیکھ آئے"
نہیں دل میں حسرت کہ کچھ اور دیکھیں
محمدﷺ کا جب سے وہ گھر دیکھ آئے
جو مانگی تھیں ہم نے وہاں پر دعائیں
دعاؤں میں اپنی اثر دیکھ آئے
جسے کہتے ہیں باغِ جنّت کا حصّہ
اسی پر جھکا اپنا سر دیکھ آئے
جسے آپّﷺ نے اپنے ہاتھوں سے سینچا
کھجوروں کے وہ بھی شجر دیکھ آئے
خدا کا یہ احسان ہے ہم پہ مہروؔ
اسی سال طیبہ نگر دیکھ آئے
مہرالنّساء مہروؔ بیجاپور کرناٹک۔
Comments
Post a Comment