اردو سمپوزیم ضلع نندوربار۔
(نامہ نگار فاروقی جاوید اقبال اکل کوا کی رپورٹ)
ضلع تعلیمی و تربیتی ادارہ (DIET) نندوربار کی جانب سے آج بروز منگل، 7 اپریل 2026 کو صبح 10 سے شام 5 بجے کے درمیان اینگلو اردو ہائی اسکول و جونیئر کالج نندوربار میں **"اردو سمپوزیم"** کا انعقاد کیا گیا۔
اس پروگرام میں ضلع نندوربار کے تینوں گروپوں سے کل 20 اساتذہ نے شرکت کی۔ تمام اساتذہ نے اپنے مقررہ موضوعات پر بہترین معیار کی پاور پوائنٹ پریزنٹیشنز تیار کر کے پیش کیں۔ ان پریزنٹیشنز کی بنیاد پر ججز نے نمبرات دیے اور ہر گروپ سے پہلے، دوسرے اور تیسرے نمبر پر آنے والے شرکاء کو ٹرافی اور سرٹیفکیٹ دے کر ان کی حوصلہ افزائی کی گئی۔
نتائج اور پوزیشنز :
پہلا گروپ (موضوع: عوامی شرکت): اس گروپ
میں ضلع پریشد اردو اسکول بڑی راجموہی (اکل کوا) کے جناب فہیم اختر شیخ سکندر نے پہلی پوزیشن حاصل کی۔
دوسرا گروپ (موضوع: لائبریری): اس گروپ میں این ڈی اینڈ ایم وائی پبلک ہائی اسکول نواپور کے جناب وقار الدین امین الدین شیخ نے پہلی پوزیشن حاصل کی۔
تیسرا گروپ (موضوع: اردو ریڈنگ پروگرام 3.0 کے اثرات): اس گروپ میں نیشنل ہائی اسکول تلو دہ کے جناب انصاری محمد زبیر محمد صابر نے پہلی پوزیشن حاصل کی۔
معزز مہمانانِ گرامی:
اس تقریب میں درج ذیل شخصیات نے شرکت فرمائی:
جناب رمیش چودھری صاحب (پرنسپل، ڈائٹ نندوربار)
جناب پردیپ پاٹل صاحب (لیکچرر، ڈائٹ نندوربار)
جناب فیاض خان سر (پرنسپل، اینگلو اردو ہائی اسکول و جونیئر کالج نندوربار)
جناب ظہور احمد پنجاری ضلعی سفیر اردوریڈنگ پروگرام 3.0، نندوربار
اس سمپوزیم کی تیاریوں کے لیے جناب فاروقی جاوید اقبال اور جناب مزمل انصاری( ضلعی سفیر اردوریڈنگ پروگرام 3.0، نندوربار )نے انتھک محنت کی۔ تمام شرکاء اساتذہ کو معزز مہمانوں کے ہاتھوں سرٹیفکیٹ اور ٹرافی سے نوازا گیا۔ پروگرام کے اختتام پر جناب زبیر انصاری سر نے تمام حاضرین کا شکریہ ادا کیا۔
Comments
Post a Comment