جنگ بند کیجیے — آج دنیا کی عوام امن اور شانتی چاہتی ہے : سید فاروق احمد قادری۔

جنگ بند کیجیے — آج دنیا کی عوام امن اور شانتی چاہتی ہے : 

 سید فاروق احمد قادری۔ 

آج دنیا ایک خطرناک موڑ پر کھڑی ہے جہاں ایران، امریکہ اور اسرائیل کے درمیان بڑھتی کشیدگی نے پوری انسانیت کو بے چین کر دیا ہے۔ شام اور غزہ جیسے علاقوں میں عام انسان مسلسل خوف، خونریزی اور بے بسی کا شکار ہے، جہاں جنگ کا سب سے زیادہ نقصان بے گناہ لوگوں کو اٹھانا پڑ رہا ہے۔

دنیا میں موجود بڑے ادارے جیسے اقوام متحدہ اور او آئی سی اپنی ذمہ داری پوری کرتے نظر نہیں آ رہے، جس کی وجہ سے یہ سوال پیدا ہوتا ہے کہ آخر انصاف کہاں ہے اور مظلوموں کی آواز کون سنے گا۔ اگر یہی صورتحال رہی تو ظلم کا یہ سلسلہ مزید بڑھتا جائے گا۔

اس جنگ کا سب سے بڑا اثر عام انسان پر پڑ رہا ہے، جہاں بھارت سمیت پوری دنیا میں پیٹرول، گیس اور ضروری اشیاء مہنگی ہوتی جا رہی ہیں۔ ایک عام آدمی کے لیے زندگی گزارنا مشکل ہوتا جا رہا ہے اور جنگ کا بوجھ براہِ راست اس کی جیب پر پڑ رہا ہے۔

بھارت کی پالیسی اس وقت توازن پر مبنی نظر آتی ہے، جہاں نریندر مودی کی حکومت کسی ایک فریق کا کھل کر ساتھ دینے کے بجائے سفارتی راستہ اختیار کیے ہوئے ہے، جبکہ عوام کے جذبات کئی بار اس سے مختلف نظر آتے ہیں۔

آج پوری دنیا کی عوام ایک ہی آواز اٹھا رہی ہے کہ جنگ نہیں بلکہ امن چاہیے، کیونکہ اگر یہی حالات جاری رہے تو اس کے اثرات صرف چند ممالک تک محدود نہیں رہیں گے بلکہ پوری دنیا کو اپنی لپیٹ میں لے لیں گے۔