ماہ رمضان ہے ۔۔ ازقلم : مراد ساحل ، دوحہ ،قطر۔

ماہ رمضان ہے ۔

ازقلم :  مراد ساحل ، دوحہ ،قطر۔

نور کا سلسلہ ماہِ رمضان ہے

خلد کا راستہ ماہِ رمضان ہے 

تو شفا ہی شفا ماہِ رمضان ہے 

سب دکھوں کی دوا ماہِ رمضان ہے 

عرش سے رات دن آ رہی ہے ہمیں 

 مغفرت کی صدا ماہِ رمضان ہے

ہو گئے بند دوزخ کے در سب کے سب 

بابِ جنت کھلا ماہِ رمضان ہے 

میری ہستی پہ ہو اک کرم کی نظر 

تو نہ اب آزما ماہِ رمضان ہے 

سر ہے سجدے میں ساحلؔ کا تیرے حضور 

سن لے تو التجا ماہِ رمضان ہے ۔

 ۔۔ مراد ساحل ، دوحہ ،قطر ۔۔