غزل (ہولی کے حوالے سے)۔ میرؔبیدری، بیدر،کرناٹک۔

غزل (ہولی کے حوالے سے)

میرؔبیدری، بیدر،کرناٹک۔

تم محبت کارنگ ڈالوگے 

دل کو میرے ہمیشہ پالوگے

رنگنے والے جسم کومیرے 

میرے احساس کو بھی جالوگے

عمر بے حد بڑی ہے لیکن کیا

رنگ بارش میں تم نہالوگے؟

سن رہے ہیں کہ آئے گامحبوب 

اب کہ ہولی میں کیامنالوگے 

نوجوان تو کریں گے مستی ہی 

خود کو مستی سے تم بچالوگے؟

پوچھنا ہے کہ آئی ہولی ہے 

میرے اپنے بھی دل کوبھالوگے 

آج رنگین زندگی ہے یہ 

ایسے موقع پہ میر ؔآلوگے؟