ریاست میں سوشل میڈیا کے صحیح استعمال پر آگاہی پروگرام منعقد کئے جائیں گے۔

حیدرآباد/ وجئے واڑہ 26/ مارچ(نمائندہ) صدر جناب فاروق شبلی صاحب کی ہدایات کے مطابق جلد ہی سوشل میڈیا پر آگاہی پروگرام منعقد کیے جائیں گے۔ مائناریٹی حقوق کے تحفظ کی کمیٹی کے ریاستی جنرل سیکریٹری مولانا حسین احمد وجئے واڑہ شہر میں شدت پسندانہ سوچ رکھنے والے تین نوجوانوں کی گرفتاری کے حوالے سے میڈیا میں آنے والی خبروں کے پس منظر میں پولیس محکمہ، قومی تحقیقاتی اداروں اور متعلقہ حکام سے گزارش ہے کہ اس معاملے کی ہر پہلو سے مکمل اور غیر جانبدارانہ تحقیقات کی جائیں، حقائق کو سامنے لایا جائے اور قانون کے مطابق کارروائی کی جائے۔ اگر دہشت گردی سے متعلق واضح شواہد ملیں تو ملزمان کو سخت سزا دی جائے۔

اس موقع پر پوری مائناریٹی برادری سے ایک اہم اپیل کی جاتی ہے کہ ملک میں پیش آنے والے مختلف واقعات پر وقتی جذبات کا شکار ہو کر بعض نوجوان غلط قدم اٹھا لیتے ہیں، جس کے اثرات پوری کمیونٹی پر پڑ سکتے ہیں۔ چند افراد کی غلطیوں کی وجہ سے پرامن اور باوقار زندگی گزارنے والی مائناریٹی برادری پر شبہات پیدا نہ ہوں، اس کے لیے احتیاط ضروری ہے۔

مائناریٹی برادری کے والدین، دینی و سماجی رہنما اور اساتذہ کو چاہیے کہ وہ نوجوانوں کے کردار، سوچ، گفتگو اور نظریات پر نظر رکھیں اور انہیں صحیح راستے پر چلانے کی ذمہ داری کو نہ بھولیں۔ نوجوانوں کو اچھی باتیں سیکھنے، سوشل میڈیا کے منفی اثرات سے بچنے اور مثبت طرزِ فکر اختیار کرنے کی ترغیب دی جائے۔

ملک بھر میں مائناریٹی برادری کے خلاف پھیلائی جانے والی افواہوں کے موجودہ حالات میں ضروری ہے کہ ہر فرد ہوشیار رہے تاکہ نئے مسائل پیدا نہ ہوں۔ کسی ایک فرد کی غلطی کا بوجھ پوری برادری پر نہیں ڈالا جانا چاہیے۔ یہ بات یاد رکھنی چاہیے کہ شدت پسندی کا تعلق کسی بھی مذہب سے نہیں ہوتا۔

اسی تناظر میں ذمہ دار شہریوں کو ساتھ لے کر مائناریٹی حقوق کے تحفظ کی کمیٹی کی جانب سے ریاست بھر میں سوشل میڈیا کے صحیح استعمال پر آگاہی پروگرام منعقد کرنے کا فیصلہ کیا گیا ہے۔ ان پروگراموں کا مقصد نوجوانوں کو یہ سکھانا ہے کہ وہ سوشل میڈیا سے مثبت چیزیں حاصل کریں، منفی اثرات سے بچیں اور تعمیری سوچ کے ساتھ آگے بڑھیں۔

ریاست بھر میں یہ آگاہی پروگرام منعقد کیے جائیں گے، خصوصاً نویں، دسویں جماعت، انٹرمیڈیٹ اور ڈگری کے طلبہ کے لئے خصوصی نشستیں رکھی جائیں گی۔۔۔۔