شانِ رمضان المبارک۔ صوفی شاعر : حضرت عثمان جوہری جلگاؤں۔۔

شانِ رمضان المبارک۔ 

صوفی شاعر حضرت عثمان جوہری جلگاؤں۔۔

خدا کا ہے یہی فرمان رمضان المبارک میں 

مکمل ہوگیا قرآن رمضان المبارک میں

ترے روزوں کی زینت کا ملائکہ ذکر کرتے ہیں

ترا تقوی بنا سلطان رمضان المبارک میں

تصور میں تری جنت بھی ہے اور حور غلماں بھی

ترو تازہ ہوا ایمان رمضان المبارک میں

خدائے پاک سے وعدہ بھی ہے امت کی بخشش کا

سمجھ لے صاحب ذیشان رمضان المبارک میں

جہالت سے. نکالا عزم احکامِ شریعت نے

ہوا یہ راستہ آسان رمضان المبارک میں

عطائے نور اور بخشش کا سرمایہ ہے یہ روزہ

ملی کلمے کی بھی پیچان رمضان المبارک میں

خضوع قلب کا رستہ سکونِ روح کی منزل

مراکب ضرب من عرفان رمضان المبارک میں

ترے ایمان کا دشمن ہے یہ طاغوت کا لشکر

ہوا ہے قید بھی شیطان رمضان المبارک میں

گناہوں سے تو کر توبہ یہ در جنت میں کھلتا ہے

عبادت خوب کر عثمان رمضان المبارک میں۔

 صوفی عثمان جوہری

ہیپی ہوم کالونی، 

آٹو نگر جلگاؤں مہاراشٹر۔